Se ita hafuhu malu iha ita-nia vida Kristaun no ita-nia relasaun hanesan Tom and Jerry iha uma laran, iha komunidade, iha serbisu fatin no iha governasaun, ita hanesan ema Kristaun iha surat tahan de'it, maibé realidade espiritu nakukun nian mak ukun ita la'os Kristu nian. Konsidera Na'i Jesus Ninia Lia-fuan tuir mai:
Se tiverem amor uns pelos outros, todos saberão que vocês são meus discípulos.
João 13:35 NTLH (Se imi hadomi malu, ema hotu sei hatene katak imi mak haʼu-nia dixípulu.João 13:35)
Apostolu João subliña tan ideia ida ne'e iha nia espistola hanesan tuir mai:
Ita hatene katak ita husik tiha ona mate no agora ita moris, tanba ita hadomi ita-nia maun-alin sira. Ema neʼebé la hatudu domin hela nafatin iha mate. 1 João 3:14 TMF
Se ema ruma dehan: “Haʼu hadomi Maromak”, maibé nia odi ninia maluk, ema neʼe bosok-teen. Tanba se nia la hadomi ninia maluk neʼebé nia haree, sá tan hadomi Maromak neʼebé nia labele haree. 1João 4:20
Na'i Jesus tau domin hanesan sinál ka karakter prinsipál ema Kristaun sira-nian Apostolu João refere liu ba domin entre ema sira ne'ebé tuir Na'i Jesus (Kristaun).
Ita lee iha João 13:2-5, Na'i Jesus ho haraik an, fasi dixipulu sira-nia ain. Nia esplika katak Ida ne'e Nia halo hanesan ezemplu atu sira halo tuir (João 13:12–17). Na'i Jesus hatete katak ita tenke hadomi hanesan Jesus hadomi (1 João 3:16; Efésios 5:25). Mai ita lee:
Ita hatene kona-ba domin tanba Jesus Kristu fó ninia moris ba ita, no ita mós iha obrigasaun atu fó ita-nia moris ba ita-nia maun-alin sira. 1 João 3:16
Laʼen sira, kontinua hadomi imi-nia feen, hanesan Kristu mós hadomi kongregasaun no fó ninia moris ba kongregasaun. Efésios 5:25.
Versikulu sira iha leten hanesan sumariu Ka hanesan subliña de'it kona-ba saida mak Na'i Jesus hanorin antes ona iha Ninia evanjellu sira (Mateus 22:36–40).
Mestre, iha Moisés nia Ukun-Fuan, mandamentu ida-neʼebé mak boot liu?” Jesus hatán ba nia: “‘Imi tenke hadomi Na'i, imi-nia Maromak, ho imi-nia laran tomak, ho imi-nia moris tomak no ho imi-nia neon tomak.’ Neʼe mak mandamentu neʼebé boot liu no dahuluk. Ida daruak neʼebé hanesan mandamentu neʼe mak: ‘Imi tenke hadomi imi-nia maluk hanesan imi-nia an rasik.’ Mandamentu rua neʼe mak hun ba Ukun-Fuan tomak no Profeta sira-nia liafuan. Mateus 22:36–40
Aspeitu fé Kristaun barak mak importante no ita labele husik hela de'it. Aspeitu sira ne'e mak: Dutrina ne'ebé loos (Titus 2:1; 1 Timoteo 6:3–5) no atitude morál ne'ebé di'ak (1 João 1:7; Kolose 3:1–10). Mai ita lee:
Maibé kona-ba ó, kontinua koʼalia tuir hanorin neʼebé loos. Titus 2:1
Se ema ida hanorin doutrina seluk neʼebé la hanesan ho hanorin neʼebé loos husi ita-nia Naʼi Jesus Kristu, ka la hanesan ho hanorin kona-ba oinsá atu hatudu laran-metin ba Maromak, ema neʼe foti an no la komprende buat ida. Nia buka deʼit atu haksesuk malu no diskute malu kona-ba liafuan sira. Buat sira-neʼe hamosu laran-moras, istori malu, liafuan neʼebé hafoʼer ema nia naran, la fiar malu, buat sira-neʼe mós book ema neʼebé neon foʼer ona no la komprende tan lia-loos atu haksesuk malu beibeik kona-ba buat kiʼik. Sira hanoin katak laran-metin ba Maromak mak dalan atu manán buat ruma ba sira-nia an. 1Timoteo 6:3–5
Maibé, se ita laʼo iha naroman laran hanesan nia mós hela iha naroman laran, ita hotu sai ida deʼit, no ninia Oan-Mane Jesus nia raan bele hamoos ita-nia sala hotu. 1João 1:7
Maibé se Maromak halo imi moris fali ona hamutuk ho Kristu, entaun kontinua buka buat leten nian, iha neʼebá mak Kristu tuur iha Maromak nia liman sorin loos. 2 Kontinua hanoin deʼit kona-ba buat leten nian, laʼós kona-ba buat neʼebé iha rai. 3 Tanba imi mate ona, no imi-nia moris subar ona hamutuk ho Kristu hodi tuir Maromak nia hakarak 4Kuandu Kristu, neʼebé lori moris ba ita, hatudu sai ninia kbiit, iha tempu neʼebá mós Maromak sei hatudu sai katak imi hamutuk ho nia no imi sei halo parte iha ninia glória. 5 Tan neʼe, hamate hakarak isin nian neʼebé book imi atu halo sala seksuál, hahalok la moos, hakarak seksuál neʼebé labele kontrola, hakarak aat, no kaan-teen, neʼebé hanesan adora estátua. 6 Maromak nia hirus sei tun ba ema sira neʼebé halo buat sira-neʼe.7 Uluk imi mós iha toman atu halo buat sira-neʼe. 8 Maibé agora imi tenke soe tiha buat sira-neʼe hotu, katak laran-nakali, hirus, hahalok aat, koʼalia aat, no keta husik liafuan foʼer ida sai husi imi-nia ibun. 9 Keta bosok malu. Hasai tiha hahalok tuan nian no husik tiha buat sira neʼebé uluk imi halo, 10 no tau fali hahalok foun nuʼudar imi-nia roupa; Maromak fó hahalok foun neʼebé nia kria tuir ninia ilas, hahalok neʼe sai foun ba beibeik liuhusi koñesimentu neʼebé loos. Kolose 3:1–10 TMF
Maibé estandarte ba fiar Kristaun nian ne'ebé bele halo diferensa entre ema ne'ebé fiar loloos no lae mak espresa iha 1Korintus 13. Saun Paulo espresa iha 1Korintus 13 katak buat hotuhotu sei la bale Ka saugati de'it se buat hotu ita halo la ho domin. (1 Kor 13:1–3).
Ita tenke buka no halo buat hotu ho domin ne'ebé loos no julgamentu ne'ebé loos (Efésios 4:15; João 7:24; 1 João 3:18), maibé ita labele tau ses domin iha situasaun saida de'it. Mai ita lee
Efésios 4:15...Maibé, ita tenke koʼalia lia-loos no hatudu domin, atu nuneʼe ita bele sai boot iha buat hotu hodi sai hanesan Kristu, ita-nia ulun
João 7:24...Keta julga tuir deʼit buat neʼebé imi haree, maibé julga tuir dalan neʼebé loos.
1 João 3:18...Oan doben sira, ita tenke hatudu domin laʼós ho liafuan ka ibun deʼit, maibé ho hahalok no lia-loos
Tuir versikulu sira iha leten, Na'i Jesus hanorin mai ita katak karakter espesiál ne'ebé halo diferensa entre ema fiar-na'in Ka ema Kristaun no sira ne'ebé la'os fiar na'in mak "DOMIN". Serake ita kria domin Ka kria inimigu iha ita-nia moris?
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
