Oinsá Maromak Ko'alia Mai Ita?

Leitura Bíblica: Ebreu 1:1–2; Roma 1:19–20; Números 12:6; 2 Timóteo 3:16–17; João 14:7–9; João 10:27–30.

Ita moris iha mundu ne'ebé iha liafuan barak. Loroloron ita rona ema ko'alia iha rádio, haree mensajen iha telefone, no rona opiniaun hosi ema oioin. Maibé, iha liafuan barak sira-ne'e hotu, oinsá mak ita bele hatene Maromak Nia vontade? Oinsá mak Maromak ko'alia mai ita?

Bíblia hatudu katak maski sala tama ona iha mundu, Maromak la husik ita mesak. Nia kontinua buka dalan atu ko'alia no hatudu Nia an ba umanidade.

Primeiru, Maromak ko'alia liuhosi profeta sira. Iha tempu uluk, Maromak ko'alia ba ema liuhosi profeta sira. Números 12:6 hatete katak Maromak fó mensajen ba profeta liuhosi vizaun no mehi. Sira simu mensajen hosi Maromak no fó hatene ba povu. Ohin loron, ita bele aprende hosi mensajen sira ne'ebé hakerek ona iha Bíblia.

Segundu, Maromak ko'alia liuhosi natureza. Roma 1:19–20 hatudu katak buat hotu ne'ebé Maromak kria bele ajuda ita atu hatene Ninia ezisténsia. Bainhira ita haree loro-matan, tasi, foho, ai-hun no animál sira, ita bele komprende katak iha Kriadór ida ne'ebé iha kbiit no matenek boot. Natureza hanorin ita kona-ba Maromak Nia kbiit no domin.

Terseiru, Maromak ko'alia liuhosi Bíblia. 2 Timóteo 3:16–17 hatete katak Escritura hotu mai hosi Maromak. Bíblia hanorin ita buat ne'ebé loos, korrije ita bainhira ita halo sala, no ajuda ita atu moris tuir Maromak nia hakarak. Tanba ne'e, ita presiza lee Bíblia loroloron, maski versikulu ida de'it.

Kuartu, Maromak ko'alia liuhosi Jesus. Ebreu 1:1–2 hatudu katak iha tempu ikus, Maromak ko'alia mai ita liuhosi Ninia Oan Mane, Jesus Kristu. João 14:7–9 hatete katak ema ne'ebé haree Jesus, haree ona Aman Maromak Nia karakter. Bainhira ita lee kona-ba Jesus Nia moris, ita aprende Maromak Nia domin, pasiénsia, laran-sadia no perdua.

Ikusmai, Jesus hakarak ita rona Nia lian. João 10:27–30 hatudu katak Jesus Nia bibi sira rona Nia lian no la'o tuir Nia. Ohin loron, ita rona Jesus Nia lian liuhosi Bíblia no aprende atu halo tuir Nia hanorin.

Maibé, ita presiza kuidadu. La'ós buat hotu ne'ebé ema ko'alia ka hakerek mak mai hosi Maromak. Tanba ne'e, ita tenki kompara buat hotu ho Bíblia. Bíblia sai referensia ba ita-nia fiar tomak.

Iha ita-nia moris loroloron, bainhira ita atu halo desizaun kona-ba família, servisu, osan ka relasaun ho ema seluk, husu ba ita-nia an: “Saida mak Jesus hakarak ha'u halo?” Lee Bíblia, husu Maromak Nia matenek iha orasaun, no halo tuir Nia liafuan sira.

Liafuan importante: Maromak seidauk para ko'alia mai ita. Nia ko'alia liuhosi natureza, profeta sira, Bíblia no liuhosi Jesus Kristu. Ita-nia responsabilidade mak rona, komprende no halo tuir Nia.

Ita-nia programa Dalan ba Lalehan hakarak ajuda ita atu rona Maromak Nia liafuan no la'o hamutuk ho Jesus iha dalan ba moris rohan-laek nian.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá Ita Bele Kontrola Ita-nia Hanoin?

Ita bele sobu rahun hanorin hotu no hanoin aas nebee ema harii hasoru Maromak nia matenek. Nunee ita bele kaer hanoin hotu atu halo tuir Kristu. 2 Korinto 10:5

                              2 Korinto 10:5

Ita hotu iha hanoin. Dala ruma ita-nia hanoin di’ak, maibé tempu seluk ita hanoin buat ne’ebé la di’ak. Ita bele hanoin atu halo vingansa, odi ema, lara mora, ka preokupa liu kona-ba problema sira. Tanba ne’e, Paulo iha 2 Korinto 10:5 hanorin ita atu kontrola ita-nia hanoin no lori ita-nia problema sira ba Kristu.

Maibé ida ne'e ne’e signifika saida?

Ita la bele impede hanoin ida atu mosu iha ita-nia ulun. Maibé ita bele hili se ita hakarak simu hanoin ne’e ka lae.

1. Bainhira hanoin aat mai, keta halo tuir

Ezemplu, ema ida ko’alia liafuan aat kona-ba ita. Ita bele sente hirus no hanoin, “Ha’u sei selu fali saida mak nia halo ba hau.” Hanoin ne’e bele mai, maibé ita bele hili atu la halo tuir.

Husu ba ita-niaan: “Saida mak Jesus hakarak ha’u responde ba ema ne'e?”

Provérbiu 15:1 dehan katak resposta ne’ebé halo ho kalma bele hamenus hirus.

2. Troka hanoin aat ho liafuan Maromak

Se ita hanoin, “Ha’u la vale buat ida,” lembra katak Maromak hadomi ita.

Se ita hanoin, “Ha’u la bele rezolve problema ne’e,” lembra katak Filipe 4:13 dehan ita bele halo buat hotu liuhosi Kristu ne’ebé fó kbiit ba ita.

Se ita hanoin atu odi ema ida, lembra Jesus nia hanorin atu hadomi no perdua.

Hanoin ida bele muda ita-nia liafuan, no ita-nia liafuan bele muda ita-nia hahalok.

3. Kuidadu ho buat ne’ebé ita hatama ba ita-nia hanoin

Se ita sempre haree, rona, ka lee buat ne’ebé nakonu ho violénsia, odio, foer, ka buat falsu siea, buat hirak ne’e bele afeta ita-nia hanoin.

Tanba ne’e, kontrola buat ne’ebé ita haree iha telefone, iha internet, no rona husi ema seluk.

4. Halo orasaun bainhira ita-nia hanoin sai difisil

Ita bele dehan simplesmente:

“Jesus, ajuda ha’u kontrola ha’u-nia hanoin. Ajuda ha’u atu hanoin hanesan Ita.”

Orasaun la’ós de’it ba tempu ita iha problema boot. Ita bele halo orasaun bainhira hirus, triste, hetan tentasaun, ka bainhira ita preokupa ba ita-niamoris.

2 Korinto 10:5 la hanorin ita atu para hanoin. Nia hanorin ita atu la husik ita-nia hanoin aat domina ita. Ita entrega ita-nia hanoin ba Jesus no husu Nia atu diriji ita.

Loron-loron, bainhira iha hanoin aat mai, ita bele para, hali orasaun, no hili dalan ne’ebé Jesus hanorin.

Dalan ba Lalehan la’ós de’it kona-ba ba igreja. Nia mos kona-ba oinsá ita hanoin, ko’alia no moris loroloron. Bainhira ita entrega ita-nia hanoin ba Jesus, Nia bele muda ita-nia laran no ita-nia moris.

🙏 MAROMAK FO BENSAUN🙏🏻

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak Sei Fó Buat Hotu Ne’ebé Ita Presiza

No ha'u-nia Maromak sei fó buat hotu ne'ebé imi presiza iha Kristu Jesus tuir Ninia riku-soin iha glória. Filipe 4:19

                           Filipe 4:19

Ita hotu iha nesesidade. Dala ruma ita presiza osan, hahán, saúde, servisu, uma, ka ajuda ba família. Dala ruma ita preokupa tanba ita haree katak osan la to’o ka problema barak liu.

Maibé Filipenses 4:19 fó promesa importante ida: Maromak hatene ita-nia nesesidade no Nia sei fó buat ne’ebé ita presiza.

Maibé ida ne’e la signifika katak ita sei hetan buat hotu ne’ebé ita hakarak. Maromak bele la fó buat ne’ebé ita husu, tanba Nia hatene buat ne’ebé di’ak liu ba ita. Hanesan inan-aman ne’ebé hatene buat ne’ebé di’ak ba oan, Maromak mós hatene buat ne’ebé ita presiza.

Oinsá ita bele moris ho promesa ne’e?

Primeiru, aprende atu fiar Maromak.

Bainhira osan menus, keta paniku. Aprezenta ita-nia problema ba Maromak liuhosi orasaun.

Daruak, halo ita-nia parte.

Fiar Maromak la signifika ita hein de’it no la halo buat ida. Se ita buka serbisu, bainhira  ita hetan  serbisu  saida de'it,  halo serbisu ho laran tomak. Se ita  serbisu  hanesan to’os-na'in , serbisu ho didiak. Se ita iha negósiu, halo negósiu  ho honestidade.

Datoluk, aprende kontente ho buat ne’ebé ita iha.

Ita bele haree ema seluk iha uma di’ak liu, kareta di’ak liu, ka osan barak liu. Maibé keta kompara ita-nia moris ho ema seluk. Agradese ba Maromak tanba buat ne’ebé Nia fó ona ba ita.

Dahaat, fahe ho ema seluk.

Maski ita iha buat uitoan, ita bele ajuda ema seluk. Dala ruma ita bele fahe hahán, fó tempu, ajuda serbisu, ka fó liafuan komfortu ne’ebé haforsaema. Bainhira ita ajuda ema seluk, ita mós sai instrumentu Maromak Nian atu fó buat ne’ebé ema presiza.

Ita bele dehan ohin: “Nai, Hau la hatene loron aban sei akontese saida, maibé Hau fiar katak Ita hatene buat ne’ebé hau presiza. Ajuda hau atu tau fiar Ita no halo hau-nia parte ho fidelidade.”

Maromak la promete katak ita sei la hasoru problema. Maibé Nia promete katak Nia sei la husik ita mesak. Ita bele fiar ba Nia, maski ita seidauk haree ninia resposta.

Dalan ba Lalehan hanorin ita atu la depende de’it ba ita-nia forsa rasik, maibé atu fiar Maromak loroloron. Bainhira ita tau ita-nia moris iha Nia liman, ita bele la'o ho fiar no esperansa.Esperansa Filipenses 4:19 nian mak ida ne’e: Maromak hatene ita-nia nesesidade, no ita bele fiar Nia.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🙏🌹🙏🌹🙏🌹🙏🌹🙏🌹🙏

Maluk sira ne'ebé  Kristu  hadomi, 

Ami konvida ita-boot sira atu like, share  no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More