Ha'u mak ne'e, Haruka ha'u! Ba!

Leitura Bíblika: Isaías 6:8; Malaquias 4:5–6

                                 Isaías 6:8

No hau rona Nai nia lian, dehan, “Hau bele haruka see? No see mak bele ba?” Depois hau hatete, “Hau mak nee, haruka hau ba!” Isaias 6:8

Ita-nia moris iha mundu ne'e iha objetivu ida. Maromak hakarak uza ita atu lori Nia liafuan ba ema seluk, hahú husi ita-nia família rasik.

Iha Isaías 6:8, profeta Isaías rona Maromak husu: “Ha'u bele haruka sé? Sé mak sei bá ba Ami?” Isaías hatán: “Ha'u mak ne'e, haruka ha'u ba!”

Isaías prontu atu serbisu ba Maromak. Nia la husu, “Ha'u sei hetan saida?” ka “Serake serbisu ne'e sei fasil?” Nia fó nia an rasik ba Maromak, tanba Nia hakarak halo tuir Maromak Nia vontade.

Maibé, ita bele serbisu ba Maromak iha ne'ebé?

Ita bele hanoin katak serbisu ba Maromak signifika ba igreja, fó estuda Bíblia, ka sai missionáriu. Loos, buat sira-ne'e importante. Maibé Maromak hakarak ita hahú hosi fatin ida ne'ebé besik liu ita: ita-nia uma.

Malaquias 4:5–6 ko'alia kona-ba profeta Elias nia mensajen ne'ebé sei mai molok loron boot Maromak nian. Mensajen ne'e sei halo aman sira nia laran fila ba sira-nia oan, no oan sira nia laran fila ba sira-nia aman. Ida-ne'e hatudu katak Maromak hakarak hadi'a relasaun iha família.

Oinsá mensajen Elias nian bele muda ita-nia família?

Hanoin kona-ba família ida ne'ebé inan-aman no oan sira sempre diskute malu hela de'it. Aman fila hosi serbisu ho kolen no hirus. Inan sente mesak, no oan sira buka de'it telefone atu diverte sira-nia an. Sira hela iha uma ida, maibé sira-nia laran dook ba malu.

Agora, karik aman ne'e hahú halo mudansa. Nia husu deskulpa ba nia oan tanba ko'alia maka'as demais ba sira. Inan no aman hahú halo orasaun hamutuk ho sira-nia oan sira iha tempu dader no kalan. Durante jantar, sira husik telefone no rona malu nia istória. Bainhira problema mosu, sira ko'alia ho domin, la'ós ho liafuan ne'ebé hakanek ema seluk.

Ne'e mak ezemplu ida kona-ba oinsá Maromak bele uza ita atu lori dame ba família.

Ita la presiza hein ema seluk atu hahú mudansa ne'e. Se ita mak inan ka aman, hatudu domin ba oan sira. Se ita mak oan, respeita ita-nia inan-aman no ko'alia ho laran-di'ak. Se ita halo sala, husu deskulpa. Se ema ida iha família triste ka sente mesak, foti tempu atu rona nia.

Maromak hakarak uza ita!

Dala ruma ita hanoin katak ita la iha kapasidade atu muda ema seluk. Maibé ita bele hahú ho buat ki'ik: ko'alia liafuan di'ak ida, halo orasaun ba família, perdua ema ida, ka ajuda ema ne'ebé presiza.

Labele hein to'o ema seluk muda mak ita foin muda. Husik Maromak muda ita-nia laran uluk.

Ita bele halo orasaun hanesan ne'e: “Maromak, ha'u prontu atu serbisu ba Ita. Ajuda ha'u atu sai inan, aman, oan ka maluk família ne'ebé lori Ita-nia domin ba ema seluk. Hahu mudansa iha ha'u-nia laran no ha'u-nia uma.”

Dalan ba Lalehan hahú iha uma.

Maluk sira, programa ne'e nia naran mak Dalan ba Lalehan. Ita-nia dalan ba lalehan la'ós de'it kona-ba koñese Bíblia ka ba igreja. Ne'e mós kona-ba moris tuir Jesus iha ita-nia uma, ita-nia família no ita-nia komunidade.

Nune'e, bainhira Maromak husu, “Sé mak Ha'u sei haruka?”, ita bele hatán ho fiar hanesan Isaías: “Ha'u mak ne'e, haruka ha'u ba!”

Hahú ohin loron. Lori Maromak Nia domin ba ita-nia uma, hadi'a ita-nia relasaun ho família, no ajuda ema seluk atu hatene Jesus.

Tanba família ida ne'ebé transformadu liuhusi Jesus bele sai bénsaun ba família seluk, no hamutuk ita bele prepara dalan ba Jesus nia fila-fali. Amen.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Jesus Nia Mate Mak Fó Esperansa ba Ita

Leitura Bíblika: Isaías 53

                                 Isaias 53:5

Maibé Nia simu kanek tanba ita-nia sala aat, Nia hetan isin metan tanba ita-nia hahalok aat; Nia simu kastigu hodi ita bele hetan dame. Liu hosi Ninia kanek mak ita hetan kura. Isaias 53:5

Ita bele imajina katak ema ida hakerek kona-ba buat ida ne'ebé sei akontese iha futuru, ne'ebé sei akontese tinan 500 liu molok buat ne'e akontese. Ida-ne'e mak buat ne'ebé akontese ba profesia hpsi profeta Isaías iha ninia livru. Tinan 500 liu molok Jesus mate iha krús, Isaías hakerek ona kona-ba Jesus Ninia terus, sakrifísiu no mate.

Isaías 53 hatudu katak Jesus sei sofre, ema sei rejeita Nia, no Nia sei mate tanba ita-nia sala sira. Jesus la mate tanba Ninia sala rasik, maibé Nia simu kastigu ne'ebé loloos ne'e ita mak merese atu hetan tanba ita-nia sala. Nia halo ida-ne'e tanba Nia hadomi ita.

Saida mak Jesus halo ba ita?

Isaías 53 revela buat barak ne'ebé Jesus halo ba ita:

- Jesus lori ita-nia terus no moras sira. (Isaías 53:4)

- Nia hetan kanek tanba ita-nia sala sira no hetan kastigu tanba ita-nia hahalok aat sira. (Isaías 53:5)

- Nia fó dame mai ita liuhusi Nia-nia sakrifísiu. (Isaías 53:5)

- Nia lori ita-nia sala sira, maski ita hotu sala no la tuir dalan loos. (Isaías 53:6)

- Nia sofre ho pasiénsia no la buka vingansa ba ema sira ne'ebé halo terus ba Nia. (Isaías 53:7)

- Nia fó Nia-nia moris nu'udar sakrifísiu ba sala. (Isaías 53:10)

- Nia halo ema barak sai justu liuhusi Ninia sofrimentu no mate. (Isaías 53:11)

- Nia intersede ba ema sala na'in sira. Nia hamriik nu'udar reprezentante ba ita iha Maromak nia oin. (Isaías 53:12)

Buat sira-ne'e hatudu katak Jesus Nia mate la'ós akontesimentu ne'ebé akontese de'it. Nia mate iha krús mak parte ida husi Maromak nia planu atu salva umanidade husi sala.

Saida mak profesia ida-ne'e hanorin mai ita?

Profesia Isaías nian hanorin mai ita katak Maromak hatene buat ne'ebé sei akontese no Nia kumpre Ninia liafuan. Ida-ne'e hametin ita-nia fiar katak Bíblia la'ós livru ne'ebé ema hakerek tuir sira-nia hanoin de'it. Maromak uza profeta sira atu fó Nia mensajen ba ema sira.

Profesia ne'e mós ajuda ita atu komprende Jesus nia domin. Nia hatudu ona dalan ba ita liuhusi Ninia sakrifísiu molok Jesus moris mai iha mundu. Tanba ne'e, ita bele fiar katak Maromak Nia promesa sira sei kumpre tuir Ninia vontade.

Esperansa saida mak ita bele simu husi Jesus Nia mate?

Karik ita sente katak ita-nia sala sira boot liu, ka ita la merese ba Maromak Nia domin. Maibé Isaías 53 fó esperansa ba ita. Jesus hatene ita-nia frajilidade, Nia lori ita-nia sala sira, no Nia fó Ninia moris atu ita bele hetan perdua no dame ho Maromak.

Ita la presiza hela iha sala no sala-na'in nia laran. Bainhira ita arrepende, konfesa ita-nia sala sira no simu Jesus nu'udar ita-nia Salvadór, ita bele hetan perdua no hahú moris foun ho Nia. Jesus nia mate mós fó esperansa kona-ba moris rohan-laek ba ema sira ne'ebé fiar ba Nia.

Maluk sira, Jesus mak dalan ba ita atu fila fali ba Maromak. Ita la bele sosa salvasaun ho osan, ka hetan salvasaun liuhusi ita-nia hahalok di'ak sira. Salvasaun mak Maromak Nia prezente ba ita, liuhusi Jesus Kristu nia sakrifísiu.

Tan ne'e, bainhira ita hanoin kona-ba krús, ita tenke hanoin kona-ba domin ne'ebé boot liu fali domin ne'ebé ita bele komprende. Jesus mate tanba ita, atu ita bele moris hamutuk ho Nia.

Ita-nia programa nia naran mak “ Dalan ba Lalehan.” Ita aprende katak dalan ba lalehan la'ós dalan ne'ebé ita kria rasik. Jesus mak dalan ne'e. Simu Nia, fiar ba Nia, no lao hamutuk ho Nia loroloron.

Jesus mate tanba ita, Jesus fó esperansa ba ita, no Jesus mak Dalan ba Lalehan.

Lee Bíblia, aprende kona-ba Jesus, no lao hamutuk ho Nia to'o loron ne'ebé ita sei hamutuk ho Nia ba nafatin. Amen.

🙏 MAROMAK FO BENSAUN🙏🏻

Click iha ne'e atu  Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bainhira Ita La Komprende Tanbasá Buat Aat Akontese

Leitura Bíblika: Mateus 11:1–6

                             Mateus  11:3

João Batista mak ema ne'ebé prepara dalan ba Jesus. Nia ko'alia ho kbiit kona-ba Jesus no bolu ema atu arrepende hosi sira-nia sala. Maibé, iha tempu ida, João tama iha prizaun tanba nia ko'alia lia-loos ba ema ne'ebé halo sala.

Iha prizaun, João rona kona-ba Jesus Nia serbisu. Maibé João komesa iha dúvida: “Serake Jesus duni mak Messias ne'ebé atu mai? Se Nia duni mak Messias, tanbasá mak ha'u sei iha prizaun? Tanbasá mak Jesus la mai salva ha'u?”

Tanba dúvida ne'e, João haruka ninia dixípulu sira ba Jesus no husu:

“Ó mak Nia ne'ebé atu mai, ka ami tenki hein ema seluk?” Mateus 11:3

Pergunta João nian hatudu katak ema ne'ebé forte iha fiar bele mós hasoru dúvida bainhira nia hasoru problema boot. João la komprende tanbasá Jesus husik nia iha prizaun laran.

Oinsá Jesus ajuda João nia fiar?

Jesus la hirus João tanba nia husu pergunta. Jesus hatudu ba João nia dixipulu sira buat ne'ebé Nia halo:

Ema matan delek sira haree, ema ain kudeik sira la'o, ema moras lepra sira sai moos, ema tilun diuk sira rona, ema mate sira moris fali, no ema kiak sira rona evanjellu.” Mateus 11:4-5

Ho liafuan seluk Jesus dehan ba João:

“Haree buat ne'ebé Maromak halo. Haree evidénsia sira. Konfia Ha'u.”

Jesus la fó João resposta hotu kona-ba tanbasá nia tenki hela iha prizaun. Jesus fó João buat ne'ebé nia presiza atu nafatin metin iha ninia fiar.

Ida-ne'e importante tebes ba ita.

Dala ruma ita mós hasoru tempu susar ne'ebé ita hasoru no ita la komprende saida mak Maromak Nia planu.

Ita bele husu: “Tanbasá buat ne'e akontese ba ha'u?” “Tanbasá Maromak la ajuda ha'u agora?” “Tanbasá ema ne'ebé halo buat aat hetan susesu, maibé ha'u ne'ebé koko halo di'ak hasoru problema?”

Ita bele hasoru problema iha família, iha serbisu fatin, osan, saúde, relasaun familia ka buat seluk. Dala ruma ita reza ona, maibé problema nafatin iha.

Iha momentu hanesan ne'e, ita bele aprende hosi João Batista.

Dúvida la signifika katak ita-nia fiar remata ona. Bainhira ita iha dúvida, ita bele lori ita-nia dúvida ba Jesus.

Saida mak ita bele halo bainhira ita hasoru tempu difisil sira?

1. Ko'alia ho Jesus kona-ba ita-nia problema.

Keta subar ita-nia sentimentu hosi Maromak. Reza ho onestu:

“Jesus, ha'u la komprende tanbasá ida-ne'e akontese. Maibé ha'u sei nafatin tau fiar ba Ita.”

2. Hanoin fila-fali kona-ba buat ne'ebé Maromak halo ona.

João haree buat ne'ebé Jesus halo. Ita mós bele lembra Maromak Nia ajuda iha ita-nia moris: tempu ne'ebé Nia proteje ita, resposta ba orasaun, ema ne'ebé Nia haruka ajuda ona ita, no bênsaun sira ne'ebé ita simu.

3. Keta halo desizaun tanba sentimentu de'it.

Bainhira ita triste ka desesperadu, ita bele hanoin katak Maromak husik ona ita. Maibé sentimentu bele muda. Maibé Maromak Nia promesa nunka muda.

4. Lee Bíblia nafatin.

Bainhira problema boot mai, dala ruma ita lakohi lee Bíblia. Maibé Bíblia mak hanesan ai-han ba ita-nia klamar. Lee versíkulu ida, maski ita la iha forsa atu lee kapítulu tomak.

5. Buka ema fiar-na'in ida atu reza hamutuk ho ita.

João haruka nia dixípulu sira ba Jesus. Ita mós la presiza hasoru problema mesak. Konta ba ema ida ne'ebé bele reza ho ita no fó konsellu di'ak ba ita.

Ita tenki aprende hein Maromak

Dala ruma Maromak responde ita-nia orasaun tuir ita-nia hakarak. Maibé dala ruma Nia resposta mai iha forma ne'ebé ita la espera. No dala ruma ita tenki hein.

João hakarak sai hosi prizaun, maibé Bíblia hatudu katak nia la sai hosi prizaun iha maneira ne'ebé nia espera. Maibé ida-ne'e la signifika katak Jesus la hadomi João.

Maromak Nia domin la depende ba ita-nia situasaun.

Bainhira ita iha saúde di'ak, Maromak hadomi ita. Bainhira ita moras, Maromak sei nafatin hadomi ita.

Bainhira ita iha osan, Maromak hadomi ita. Bainhira ita iha difikuldade osan, Maromak sei nafatin hadomi ita.

Bainhira buat hotu lao di'ak, Maromak hamutukhoita. Bainhira ita hasoru susar no ita la komprende, Maromak sei nafatin hamutuk ho ita.

Tanba ne'e, bainhira ita hasoru tempu susar ne'ebé ita la komprende, keta husu de'it, “Tanbasá Maromak permite ida-ne'e?”

Husu mós:

“Jesus, saida mak Ita hakarak ha'u aprende iha tempu susar ida-ne'e?”

“Oinsá mak ha'u bele nafatin fiar ba Ita?”

Ita bele la komprende Maromak Nia planu, maibé ita bele konfia Maromak ne'ebé iha planu (Jeremias 29:11).

Bainhira ita la bele haree ita-nia dalan iha oin, kaer metin ba Jesus Nia liman. Nia haree buat ne'ebé ita labele haree.

Ita bele dúvida, maibé keta husik Jesus. Ita bele triste, maibé keta husik orasaun. Ita bele la komprende, maibé nafatin fiar.

Ita-nia programa Dalan ba Lalehan hakarak ajuda ita atu aprende konfia ba Jesus iha tempu di'ak no iha tempu susar. Tanba dalan ba Lalehan la sempre fasil, maibé ho Jesus, ita nunka lao mesak.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More