Laran-susar ne'ebé halo ita fila fali ba Maromak

Lee Biblia: 2 Korinto 7: 9-11 

                        2 Korinto 7: 10

Karik Ita halo ona buat ruma ne'ebé sala no depois Ita sente triste tebes kona-ba hahalok-ne'e? Karik Ita hakanek ema ruma, ko'alia lia-bosok, lakon kontrola aan no hasai liafuan aat, ka halo desizaun ne'ebé la loos. Triste ne'e bele halo ita sente laran-kanek. Maibé Biblia hatete katak triste balu bele lori bénsaun ba ita. 

Paulo kontente tebes tanba ema Korinto esperiensia ona buat ne'ebé Biblia bolu nu'udar "tristi tuir Maromak" (Godly sorrow). Paulo nia karta uluk neebe envia ba sira halo sira triste, maibé sira-nia triste halo sira muda sira-nia hahalok. Sira la sente laran-tun no kontinua moris ho hahalok aat. Sira nia triste lori sira ba arrependementu.

Paulo hatete: "Tanba laran tristi tuir Maromak halo ita arepende no hetan salvasaun no ita la hanoin fali sala ne'e. Maibee laran tristi tuir mundu halo ita mate. 2 Korinto 7:10

Saida mak laran triste tuir Maromak ka godly sorrow ? 

Laran triste tuir Maromak mak triste ne'ebé ita sinte tamba hakanek ona Maromak Nia laran. 

Porezemplu, labarik ida halo rahun buat ruma no sai ta'uk tanba inan-aman bele fó kastigu ba nia. Ida-ne'e la'os triste tuir Maromak.

Maibé hanoin to'ok, labarik ne'e hatete: "Hau halo sala. Ha'u hakanek ona ha'u-nia inan-aman. Ha'u presiza ko'alia lia-loos no husu perdua." Ida-ne'e mak mazumenus deskrisaun ne'ebé besik liu ho triste tuir Maromak.

Triste tuir Maromak halo ita hateke ba Maromak, la'ós halai husi Nia. 

Ita hatene katak ita-nia triste ne'e triste tuir Maromak bainhira ida-ne'e hamosu mudansa iha ita-nia moris. 

Duke hatete: "Deskulpa," no halo fali sala ne'ebé hanesan, ita komesa dehan: 

 "Nai, muda ha'u-nia laran. Ajuda ha'u atu la halo sala tan." 

Ema Korinto sira hatudu sira-nia arependementu liuhusi muda sira-nia hahalok. Sira-nia triste hamosu seriadade, hakarak atu halo buat loos, no hakarak atu hadi'a sira-nia hahalok-aat (2 Korinto 7: 11). 

Serake Ita esperiensia ona triste tuir Maromak? Karik Ita esperiensia ona.

Karik espíritu santu fó-hanoin ita kona-ba buat ne'ebé ita halo sala ona. Ita sente triste tebes, la'ós de'it tanba ema hatene Ita halo sala, maibé tanba Ita hatene katak Ita-nia sala hakanek Maromak no karik hakanek ema seluk mós. 

Ita halo orasaun. Ita konfesa Ita-nia sala. Ita husu perdua. Depois ne'e, Ita foti asaun hodi muda ita-nia hahalok.

Ne'e mak Maromak Nia serbisu furak ida iha ita-nia laran. 

Triste tuir Maromak la husik ita la iha esperansa. Ida-ne'e lori ita fila fali ba Jesus. 

Tan ne'e, se Ita sente triste tanba halo buat ruma ne'ebé sala, keta ignora ida ne'e. Keta subar an husi Maromak. Mai hasoru Nia liuhusi orasaun.

Konfesa Ita-nia sala. Husu perdua. Halo buat ne'ebé loos bainhira posivél. Tuirmai tau fiar ba Maromak atu ajuda ita atu bele moris diferente, moris tuir Maromak Nia hakarak.

Ba Jesus Nia dixipulu ne'ebé loos, iha ksolok boot kuandu sala na'in ida fila fali ba Maromak. 

Dalan ba lalehan la'ós moris ne'ebé la iha sala. Ne'e mak moris ne'ebé kontinua fila fali ba Jesus hodi husik Nia fó perdua, transforma no lidera ita ba moris rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak bele hola parte ba Maromak nia família?

Eskritura Biblia: Marcos 3:35 

                               Marcos 3:35

Ema see de'it ne'ebé halo tuir Maromak Nia hakarak, Nia mak Hau-nia alin mane no alin feto no inan. Marcos 3:35

 Se mak Ita-nia família? Baibain, ita hanoin kona-ba ema ne'ebé hela iha ita-nia uma: hanesan ita-nia inan-aman, la'en ka feen, oan, maun-alin, no irmán sira. Família mak importante ba Maromak. Maibé iha Marcos 3:35, Jesus fó signifikasaun kle'an liután kona-ba família. 

Jesus hatete katak ema ne'ebé halo Maromak Nia hakarak mak Ninia família. No Maromak Nia hakarak mak buat hotu ne'ebé la viola Ninia ukun-fuan sira.

Ida-ne'e la dehan katak Jesus la hadomi Ninia inan no alin sira. Nia hadomi. Maibé Jesus hanorin katak ita-nia relasaun ho Maromak tenke sai pripridade uluk liu. Hatudu fidelidade ba Jesus la'ós de'it dehan: "Hau ema kristaun." Maibé ne'e mak kona-ba husik Maromak dirije ita-nia moris.

Saida mak signifika hosi halo tuir Maromak Nia hakarak? 

Halo tuir Maromak Nia hakarak mak hili buat ne'ebé loos maski difisíl. 

Porezemplu, karik ema ruma hakanek Ita. Ita-nia reasaun naturál mak hirus ka halo vingansa. Maibé Maromak hatete: "Fó perdua." Kuandu ita hili fó perdua, ita halo tuir Maromak nia hakarak. 

Karik iha ema ida presiza Ita-nia ajuda, maibé ajuda sira bele gasta ita-nia tempu ka osan. Karik Ita hanoin: "Nee la'ós ha'u-nia problema." Maibé Jesus hanorin ita atu hadomi no ajuda ema seluk. Kuandu ita konsege ajuda, ita halo tuir Maromak Nia hakarak. 

Iha uma, halo tuir Maromak Nia hakarak signifika ko'alia ho laran-di'ak ba ita-nia la'en, feen, oan, ka inan-aman duke hakilar ba sira. 

Iha serbisu fatin, halo tuir Maromak Nia hakarak signifika hatudu katak ita lakohi bosok, na'ok, simu subornu, ka foti buat ruma ne'ebé la'ós ita-nian, maski la iha ema ida mak haree. 

Iha fatin ruma bainhira hetan tentasaun atu komete adultériu maibé Maromak Nia ukun-fuan dehan "labele komete adultériu". Bainhira ita hili lakoi komete adultériu atu hatudu ita-nia fidelidade ba ita-nia feen ka laen, ita halo tuir Maromak Nia hakarak.

Iha igreja, halo tuir Maromak Nia hakarak signifika serbi Maromak ho fiél la'os tamba buka ema nia hahi'i ka buka oin atu ema gaba ita ka atu hetan rekoñesimentu.

Sai parte ba Jesus Nia família la signifika ita sai ema neʼebé perfeitu. Dala ruma ita monu ba sala no falla. Dala ruma Ita bele sai hirus, hanoin an de'it, ka deskorajen. 

Maibé hanesan ema fiar-na'in, kuandu halo sala ruma, ita bele fila fali ba Jesus hodi dehan: "Nai, perdua ha'u. Ajuda ha'u atu halo tuir Ita-nia hakarak." 

Pergunta importante mak: "Serake ha'u perfeitu?" Maibe " Serake ha'u prontu atu la'o tuir Jesus Ninia hanorin?" 

Jesus konvida ema hotu atu sai Ninia família. Ita bele hakbesik ba Maromak liuhusi rona ba Ninia Liafuan, tau fiar ba Nia, no halo tuir Ninia hanorin sira. 

Entaun ohin, husu ba ita-nia an: "Serake ha'u-nia moris no hahalok loroloron hatudu katak, ha'u Jesus Nia família? 

Mai ita hili Maromak Nia dalan iha uma, iha serbisu fatin, iha ita-nia komunidade, no iha fatin neʼebé de'it ne'ebé ita ba. 

Dalan ba lalehan la'ós de'it kona-ba hatene Jesus. Maibe dalan ba lalehan mak la'o hamutuk ho Jesus no hili atu halo tuir Maromak Nia hakarak loroloron.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake susar bele haforsa ita-nia fiar?

Eskritura xave: Tiago 1: 2-4 

Hau-nia maun-alin sira, haksolok ba bainhira imi hasoru susar oi-oin. Tanba imi hatene katak bainhira sira koko imi-nia fiar, rezultadu mak imi tahan hela. Tahan to'o rohan atu nune'e imi bele sai perfeitu no kompletu, no la falta buat ida. Tiago 1:2-4

                               Tiago 1:2-4

La iha ema ida mak gosta problema. 

Ita triste kuandu lakon ita-nia servisu. Ita preokupa kuandu osan la to'o. Ita tanis kuandu ema ruma ne'ebé ita hadomi moras. Ita sente desapontadu kuandu ema hatudu hahalok-aat ba ita. 

Entaun Tiago hatete buat ne'ebé estrañu: 

"haksolok ba bainhira imi hasoru susar oi-oin." 

Serake Tiago hatete katak ita tenke kontente tanba ita iha problema? Lae. 

Nia hatudu katak ita bele iha esperansa iha ita-nia problema nia laran tanba Maromak bele uza tempu susar atu hametin ita-nia fiar. 

Susar sira bele hanorin ita atu iha pasiénsia 

Tiago hatete katak teste ba ita-nia fiar, hamosu pasiénsia (Tiago 1: 3). 

Hanoin kona-ba toos-nain ida. 

Toos-nain ida labele kuda fini ohin no espera atu han ai-fuan aban. Nia tenke hein. Nia rega bee ba ai-horis sira-ne'e, hasai du'ut aat, no hein to'o koá. 

Ita-nia moris kristaun bele mós hanesan ne'e. 

Dala ruma Maromak husik ita hasoru situasaun susar sira atu ita aprende atu tau fiar ba Nia no hein. 

Kuandu ita la hetan resposta kedas ba ita-nia orasaun, kontinua halo orasaun. 

Kuandu ita-nia família nia problema la hotu lalais, kontinua tau fiar ba Maromak. 

Kuandu susar ba ita atu halo serbisu, kontinua halo buat ne'ebé loos. 

Kuandu ema ruma hakanek Ita, husu forsa hosi Maromak atu fó perdua ba ema ne'e. 

Kada situasaun susar hotu-hotu bele sai oportunidade atu krexe liután. 

Susar bele halo ita maduru liután 

Tiago hatete: "Tahan to'o rohan atu nune'e imi bele sai perfeitu no kompletu, no la falta buat ida."Tiago 1:4

Liafuan "perfetu" iha ne'e katak maduru ka kompletu. Maromak hakarak ita atu sai ema kristaun ne'ebé forte no maduru liután. 

Ai-huun ida-ne'ebé moris iha fatin ne'ebé iha anin maka'as, dala barak iha abut ne'ebé kle'an. Nune'e mós, susar sira bele ajuda ita dezenvolve fé ne'ebé nia abut kle'an liután iha Maromak. 

Maibé iha buat importante ida: susar sira la automatikamente halo ita sai forte liután. 

Ita tenke husik Maromak serbisu iha ita-nia moris liuhusi susar sira-ne'e. 

Ema na'in rua bele hasoru problema hanesan. Ema ida sai hirus no la'o dook husi Maromak. Ida seluk hatete: "Nai, ha'u la komprende ida-ne'e, maibé ha'u sei kontinua tau fiar ba Ita." 

Ema segundu husik susar atu hametin fiar. 

Entaun saida mak ita bele halo bainhira problema mosu? 

Halo orasaun duke rende. 

Tuirmai, Tiago hatete: "Se imi ida falta matenek klean, nia bele husu ba Maromak. Maromak sei fó matenek kle'an ho laran luak no la buka sala. Maromak sei foo ba ema nee." Tiago 1:5

Lee Maromak nia Liafuan. Maromak Nia promesa sira fó forsa mai ita kuandu ita sente fraku. 

Ko'alia ho ema kristaun ne'ebé maduru. 

Keta terus mesak de'it. Husik ema seluk halo orasaun hamutuk ho Ita no fó korajen ba Ita. 

Buka hatene saida mak Maromak hanorin ita liuhusi terus sira-ne'e. Husu: "Nai, saida mak ha'u bele aprende husi situasaun ne'e?" 

Kontinua halo buat ne'ebé loos. Situasaun susar la'ós razaun ba ita atu bosok, lohi, sai violentu, ka husik ita-nia fiar ba Maromak. 

Lembra. Maromak nunka promete katak ema kristaun sei la iha problema. Jesus hatete: " Iha mundu nee imi sei hetan susar. Maibee aten brani ba; Hau manaan tiha ona mundu." João 16:33

Ohin loron, ita-nia susar bele mosu, maibé Maromak bele uza ida-ne'e atu hametin ita-nia fiar, hatudu pasiénsia boot liután, no hatudu hahalok hanesan Kristu.

Tan ne'e, kuandu problema mosu, keta husu de'it: "Tanbasa mak ida-ne'e akontese mai ha'u?" Maibé husu mós: "Nai, oinsá mak Ita bele uza esperiénsia ne'e atu ajuda ha'u-nia fiar atu krexe liután?" 

Bainhira ita tau fiar ba Maromak liuhusi susar hotu no husik Nia hametin ita-nia fiar no karakter, ita kontinua la'o ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak akontese ba avo sira ne'ebé mate la hatene Jesus?

Eskritura xave: Roma 5: 8 

                                  Roma 5: 8 

Maibé Maromak hatudu Ninia domin ba ita ho ida ne'e: Bainhira ita sala nain hela, Kristu mate tanba ita. Roma 5:8

Ita barak husu pergunta difisil: 

"Saida mak akontese ba ita-nia bei'ala sira ne'ebé mate antes sira hatene kona-ba Jesus?" 

Karik ita-nia avo, inan-aman, ka família seluk nunka iha oportunidade atu lee Biblia ka rona ho klaru kona-ba Kristu. Serake Maromak kondena de'it sira tanba sira la hatene Jesus? 

Bíblia fó resposta importante ida: Maromak mak domin, imparsiál, no justu. 

Maromak hatene naroman ka lia-loos saida mak ema ida-idak simu durante sira-nia moris.

Roma 5: 8 hatete katak Maromak Nia domin boot tebes to'o Kristu mate ba ema sala-na'in sira. Maromak Nia salvasaun la limite de'it ba ita-nia família nia background, orijin, língua, ka tempu ne'ebé ita moris mai. 

Bíblia hatete: "La'os Juis ba mundu tomak sei halo loos? Jénesis 18:25

Maromak hatene ema hotu di'ak liu fali ita. Nia hatene buat ne'ebé ita-nia bei'ala sira hatene, buat ne'ebé sira la hatene, oportunidade saida mak sira iha, no buat ne'ebé iha sira-nia laran. 

Jesus hatete katak ema sei simu responsabilidade tuir naroman ne'ebé sira simu (Lucas 12:47-48). Paulo mós esplika katak Maromak bele fó sai Ninia ezisténsia no grasa liuhusi kriasaun no konxiensia (Roma 1: 19-20; 2:14-16). 

Tan ne'e, ita labele julga katak ema ida la hetan salvasaun tan de'it sira la hatene Jesus Nia naran. 

Maibé oinsá mak ema ida bele hetan salvasaun se la iha Kristu? Ida ne'e mós importante. La iha ema ida mak hetan salvasaun see la ho Kristu. 

Jesus mak Salvador mesak de'it (Apos 4: 12). Ninia mate iha kruz mak sai nu'udar baze ba salvasaun ba ema hotu. 

Ema sira ne'ebé moris antes Jesus mai, hetan salvasaun liuhusi tau fiar ba Maromak Nia promesa sira. Abrão mak ezemplu di'ak ida. Nia " fiar Maromak, no ida ne'e konsidera hanesan moris loos" (Roma 4: 3). 

Oinsá ho ema sira ne'ebé hela dook no nunka rona Evanjellu? 

Ita bele fiar katak Maromak sei julga ema ne'e ho justu. Ita la hatene buat hotu ne'ebé Maromak hatene. 

Saida mak akontese bainhira ema ida mate? 

Bíblia hanorin katak ema ne'ebé mate la moris no hela iha fatin ruma. Mate hanesan toba-dukur (João 11: 11-14; Eclesiastes 9:5). 

Akontesimentu boot tuirmai ba sira ne'ebé fiar ba Maromak mak resuresaun ka moris-hias. 

Jesus dehan: "Keta admira kona ba ida nee, tanba oras sei mai bainhira ema hotu ne'ebé iha rate laran sei rona Ninia lian, no sira sei sai mai." João 5:28-29

Tan ne'e, ita la presiza hanoin katak ita-nia bei'ala sira ne'ebé mate ona hetan terus iha fatin ruma ohin loron. Ita bele tau sira iha Maromak Nia liman no tau fiar ba Ninia julgamentu ne'ebé perfeitu. 

Saida mak ita tenke halo ohin loron? 

Duke gasta ita-nia enerjia tomak hodi hanoin kona-ba saida mak akontese ba ema ne'ebé mate ona, ita tenke husu: 

"Saida mak ha'u halo ona ho naroman ne'ebé Maromak fó mai ha'u?" 

Se ita hatene Jesus, la'o tuir Ninia hanorin ohin. Labele hein!

Se Ita seidauk estuda Biblia ho sériu, hahú estuda ohin. Labele hein!

Se iha ema ruma ne'ebé sei moris iha ita-nia família ne'ebé seidauk hatene Jesus nia hanorin, fahe Ninia domin no hanorin lia-loos ba sira. Keta hein!. 

Ita-nia bei'ala sira-nia oportunidade liu tiha ona. Ita-nia oportunidade mak ohin. 

Roma 5: 8 fó esperansa furak mai ita: Maromak hadomi ita kuandu ita sei sala-na'in hela. Nia la hein to'o ita sai ema perfeitu. Nia haruka Kristu mai atu salva ita. 

Tan ne'e ita bele husik ita-nia bei'ala sira iha Maromak ne'ebé domin na'in no justu nia liman. Ita bele fiar katak Juis ba mundu tomak sei sempre halo buat ne'ebé loos. 

Kuandu ita sei moris hela, mai ita simu Maromak Nia domin, la'o tuir Jesus, no ajuda ema seluk atu hatene kona-ba Jesus Ninia hanorin sira.

Pergunta ne'e la'ós de'it: "Saida mak akontese ba sira ne'ebé mate ona?" Pergunta ba ita mak: " Saida mak ha'u sei halo ba Jesus ohin?" 

Kuandu ita tau fiar ba Maromak Nia justisa, simu Kristu nlNia grasa salvasaun, no fahe Ninia domin ba sira ne'ebé sei moris hela, ita kontinua la'o hamutuk ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mak ema sira neʼebé mate iha antigu Testamentu hetan salvasaun?

Eskritura xave: Roma 5: 8 

Maibé Maromak hatudu Ninia domin ba ita ho ida ne'e: Bainhira ita sala na'in hela, Kristu mate tanba ita. Roma 5:8

                                   Roma 5:8

Karik Ita hanoin: "Jesus mate maizumenus tinan 2,000 liubá. Oinsá ho Abrão, Moises, David no ema seluk ne'ebé moris antes Jesus mai? Oinsá mak sira bele hetan salvasaun kuandu Jesus seidauk mate? 

Ne'e mak pergunta importante ida. 

Resposta ne'ebé simples mak: Maromak salva ema iha Testamentu tuan liuhusi Maromak Nia grasa hanesan mós Nia salva ita ohin loron, liuhusi fiar ba Jesus. Maibé ninia diferensa mak: sira haree ba futuru no hein Mesias ne'ebé atu mai, maibé ita haree fali ba kotuk ba Mesias ka Salvador ne'ebé mai ona.  

Sira tau fiar ba Maromak Nia promesa sira.

Husi tempu uluk kedas, Maromak promete katak Salvador ida sei mai. 

Bainhira Adão no Eva monu ba sala, Maromak promete katak ikus mai samea ne'e sei lakon (Genesis 3:15). Liutiha tempu balu, Maromak promete ba Abrão katak liuhusi ninia família "nasaun hotu iha mundu sei hetan bénsaun" (Genesis 22: 18). 

Abrão fiar ba Maromak. Bíblia hatete: 

 "Abrão fiar ba Maromak, no Maromak sura fiar ne'e nu'udar moris loos.” Roma 4:3

Abrão la hatene Jesus Nia naran hanesan ita hatene ohin loron. Nia la haree krús. Maibé nia tau fiar ba Maromak Nia promesa sira. 

Sakrifísiu sira iha Testamentu Antigu mós fó-hanoin kona-ba Jesus Ninia sakrifísiu. Kuandu ema sala-na'in ida lori bibi-malae oan ida hodi halo sakrifísiu, bibi ne'e la kasu nia sala. Ida-ne'e hanesan símbolu ida-ne'ebé hatudu katak Kristu ne'ebé sei mai mate iha kruz hodi kasu sala.

Tuirmai João Batista hatete ba Jesus: 

 “Haree ba, Maromak Nia Bibi Oan neʼebé kasu mundu nia sala!” João 1:29

Sakrifísiu husi Testamentu Antigu mak hanesan sinál trafiku ida iha dalan. Sinál ne'e la'ós destinasaun. Sinal ne'e hatudu fatin ka destinasaun ne'ebé ita atu ba.

Maibé, oinsá ho ema ne'ebé halo sala no mate maibé sira nunka hatene buat hotu kona-ba Maromak nia planu? 

Maromak ne'e justu no hatene ema hotu nia laran. Abrão tau fiar ba buat ne'ebé Maromak promete ona ba nia. Ita responsavel ba naroman no lia-loos ne'ebé Maromak fó mai ita (Deuteronomio 29:29, Roma 2:12-16).

Maromak la salva ema tanba sira komprende detallu hotu kona-ba planu salvasaun nian. Nia salva ema tanba Ninia grasa, ne'ebé ema ida simu liuhusi fiar. 

Grasa ne'ebé hanesan mós disponivél ba ita ohin loron. 

Ita hatene liu fali Abrão. Ita hatene katak Jesus mai ona. Ita hatene katak Nia mate tanba ita-nia sala no moris hi'as fali ona (1 Korinto 15: 3-4). 

Tan ne'e, ita iha razaun ne'ebé di'ak liu atu tau fiar ba Maromak. 

Ohin loron, ida-ne'e signifika saida ba ita? 

Karik Ita hanoin: "Hau halo ona buat-aat barak liu. Maromak labele fó perdua ha'u." Maibé haree fali Roma 5: 8. Kristu mate tanba ita kuandu ita sei sala-na'in hela. 

Jesus la hein ita to'o sai ema di'ak antes Nia hadomi ita. Se ita halo ona sala, mai ba Jesus ohin. Se ó dook ona husi Maromak, fila fali ba Nia. Se Ita hakanek ona ema ruma, husu perdua no halo buat ne'ebé loos. Se Ita sente la merese, hanoin-hetan krús ne'ebé Jesus mate ba. 

Ita-nia salvasaun la depende ba ita-nia di'ak. Ida-ne'e depende ba Maromak Nia domin no depende ba Kristu nia sakrifísiu. Ita nia parte so fiar no obedese ka halo tuir de'it.

Ema sira iha Testamentu Antigu hetan salvasaun liuhosi tau fiar ba Maromak Nia promesa atu salva ema. Ita hetan salvasaun liuhusi tau fiar ba Salvador ne'ebé mai ona. 

Salvador ida de'it. Sakrifísiu ida de'it. Grasa ida de'it. No Salvador ne'e mak Jesus Kristu. 

Bainhira ita tau fiar ba Maromak Nia grasa ne'ebé fo esperansa ba ema hotu, mai ita haree ba Jesus no kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Monu ba terus, Nai la husik ita mesak

Ema haleu ami iha sor-sorin, maibé sira la kaer metin ami. Dalan atu sai la iha, maibé ami la lakon esperansa. Ema haterus ami, maibé Maromak la husik ami. Sira riba ami, maibé ami la rahun. 2 Korinto 4:8-9

                           2 Korinto 4:8-9

Paulo hatene saida mak terus. 

Ema hatama nia iha komarka tanba nia haklaken kona-ba Jesus (Efeso 3: 1). Maromak hatete nanis ona ba nia katak nia sei hetan terus tanba ninia serbisu ba Kristu (Apos 9:16). 

Paulo nia moris la fasil. Ema baku nia, rejeita nia, dadur nia, no dala ruma iha perigu mate nian. Maibé nia la rende. 

Tanbasá? Tanba nia hatene katak Maromak la husik nia. 

Paulo hatete katak ema kristaun mak hanesan " sanan rai" - sanan halo hosi rai-mean baibain (2 Korinto 4: 7). Sanan rai-mean la forsa no ladún iha valór boot. Maibé buat ne'ebé folin-boot bele rai hela iha nia laran. 

Paulo dehan katak ita fraku, maibé Maromak poderozu.

Ohin loron, ida-ne'e katak sá ba ita? 

Dala ruma la'o tuir Jesus bele hamosu problema. 

Karik Ita-nia família la komprende kona-ba Ita-nia fiar. 

Karik Ita-nia kolega sira hamnasa Ita tanba Ita lakohi hamutuk ho sira halo buat ruma ne'ebé sala. 

Karik ita lakon oportunidade atu serbisu tanba ita hili onestidade duke bosok. 

Karik ema ko'alia aat kona-ba Ita tanba Ita halo tuir Maromak nia hanorin. 

Karik ita serbí Maromak, maibé ema la hafolin ita-nia serbisu. 

Iha momentu sira hanesan ne'e, hanoin-hetan Paulo nia liafuan: 

"Hetan terus, maibé Maromak la husik hela ami." 

Ema bele rejeita Ita, maibé Maromak sei la abandona Ita. 

Ema bele komprende sala Ita, maibé Maromak hatene Ita-nia laran. 

Karik ita lakon buat ruma tanba ita hili buat ne'ebé loos, maibé ita la lakon Maromak. 

Paulo mós hatudu buat ida ne'ebé importante ba ita: terus la signifika katak Maromak husik hela ita. Paulo hatete: "Ami sempre lori Nai Jesus nia mate iha ami nia isin atu nunee Jesus nia moris bele mosu mai iha ami nia isin." 2 Korinto 4:10

Ita-nia esperiénsia susar sira bele sai oportunidade atu hatudu Jesus Nia karakter. 

Kuandu ema ruma insulta Ita, hatán ho laran-di'ak. 

Kuandu ema ruma hatudu hahalok la loos ba Ita, keta buka atu selu fali. 

Kuandu ema rejeita ita, kontinua halo buat ne'ebé loos. 

Kuandu ita sente kole, halo orasaun no husu Maromak atu fó forsa. 

Kuandu Ita sente mesamesak, hanoin-hetan katak Maromak besik hela ho ita. 

Paulo mós hatudu katak Maromak bele lori ema hamutuk fali iha situasaun susar sira. Onesimus ne'ebé haketak an husi ninia patraun iha tempu balu, sai nu'udar alin doben ida iha Kristu (Filemon 15-16; Koloso 4:9). Paulo mós bolu Onesimus nu'udar Kristu Nia atan no halo orasaun ba ema fiar-na'in sira (Filipe 1: 1-3; Koloso 1: 1-2). 

Mensajen ne'e klaru: 

La'o tuir Jesus, la signifika ita libre hosi problema. Maibé ida-ne'e signifika katak ita sei nunka hasoru problema mesak de'it. 

Karik ema hanehan ita, maibé ita sei la rahun.

Karik sai konfuzaun, maibé Ita la presiza lakon esperansa. 

Ema bele fó terus ba ita, maibé Nai sei la husik ita.

Ita bele monu, maibé Maromak sei foti ita. 

Entaun, buat saida de'it ne'ebé ita hasoru ohin loron, kontinua tau fiar ba Jesus. 

Ita-nia terus la'os rohan ba istoria moris nian. Maromak sei hamutuk nafatin ho ita. 

Kuandu ita mantein fiél bainhira hasoru susar oioin, ita bele kontinua la'o ho fiar iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika adora Maromak ho espíritu no lia-loos?

Maromak mak Espíritu, no sira neʼebé adora Nia tenki adora iha espíritu no iha lia loos. João 4:24

                                  João 4:24

Saida mak signifika hosi Jesus Ninia lia-fuan "Adora Maromak iha espíritu no lia-loos"? 

Jesus hatete liafuan sira-ne'e bainhira Nia ko'alia ho feto Samaria ida. Nia husu kona-ba fatin ne'ebé loos atu adora Maromak. Ema Judeu sira adora iha Jeruzalein, no ema Samaria sira adora iha Foho Gerizim (João 4:20). 

Jesus hatudu ba nia katak adorasaun ne'ebé loos la'os kona-ba iha fatin ne'ebé ita halo adorasaun ba. Adorasaun ne'ebé loos mak kona-ba ita-nia relasaun di'ak ho Maromak no kondisaun ita-nia laran. 

Saidamak signifika hosi adora "Iha espíritu"? 

Adora Maromak ho espíritu katak adora Nia ho ita-nia laran tomak, la'ós de'it ho ita-nia isin. 

Ita bele tuur iha igreja, kanta knananuk, hakne'ak, no halo orasaun, maibé karik ita-nia laran dook husi Maromak. 

Jesus fó avizu kona-ba adorasaun hanesan ne'e: "Povu ne'e fó onra mai Ha'u ho sira-nia ibun tutun; maibé sira-nia laran dook hosi Ha'u." Mateus 15:8

Tan ne'e, adorasaun la'ós de'it ba igreja kada semana. Maibé adorasaun mak fó ita-nia laran ba Maromak. 

Bainhira ita kanta, kanta ho laran. 

Kuandu ita halo orasaun, ko'alia ho onestu ba Maromak. 

Bainhira ita rona Biblia, rona ho vontade atu halo tuir. 

Kuandu ita fó oferta, fó ho laran tomak. 

Agora, saida mak adora iha "Lia-loos"? 

Adora Maromak iha lia-loos katak adora Nia tuir Ninia Lia-fuan no lia-loos kona-ba Jesus. 

Jesus hatete: "Ita-nia liafuan mak lia-loos" (João 17:17). 

Ita labele adora Maromak konformi ita hakarak. Ita presiza hatene saida mak Biblia hanorin no halo tuir. 

Porezemplu, se Maromak Nia Liafuan hatete: " Labele fó sasin falsu" (Exodo 20:16), ita labele adora Maromak iha loron Sábadu no depois bosok ema durante semana serbisu nian. 

Se Maromak Nia Lia-fuan hanorin ita atu fó perdua (Efeso 4: 32), ita labele adora Maromak bainhira ita odi hela ema seluk.

Se Maromak Nia Lia-fuan hanorin ita atu tau matan ba ema kiak no mukit sira (Tiago 1:27), ita-nia adorasaun tenke inklui mós ajuda ema ne'ebé terus. 

Oinsá mak ida-ne'e haree iha ita-nia moris loroloron nian? 

Iha igreja: Keta partisipa de'it. Rona, halo orasaun, kanta, no partisipa ho Ita-nia laran tomak.

Iha uma: Adora Maromak liuhusi orasaun família nian, lee Biblia, no hadomi malu. 

Iha serbisu fatin: Adora Maromak liuhusi hatudu onestidade, serbisu maka'as no justu. 

Iha negósiu: Keta bosok kliente sira ka foti lukru liuhusi manipulasaun. Negosiu ne'ebé onestu mós bele sai hanesan aktu adorasaun ida. 

Bainhira ema ruma hakanek Ita: Hili perdua. Ida-ne'e hatudu katak ita-nia adorasaun muda ita-nia laran. 

Bainhira ema ida la haree: nafatin halo buat ne'ebé loos. Adorasaun ne'ebé loos kontinua bainhira ita sai husi igreja. 

Roma 12: 1 hatete katak ita tenke oferese ita-nia moris tomak ba Maromak nu'udar sakrifísiu moris nian. Ne'e katak adorasaun la'ós de'it buat ne'ebé ita halo ba oras ida ka rua iha igreja. Ita-nia moris tomak bele sai adorasaun. 

Entaun husu ba ita-nia an ohin: "Serake, ha'u adora Maromak ho ha'u-nia ibun tutun de'it, ka ha'u adora Nia ho ha'u-nia laran no ha'u-nia moris tomak?" 

Adorasaun ne'ebé loos la'ós atu hatudu ba ema katak ita ema ne'ebé relijiozu. Ne'e mak kona-ba hadomi Maromak, hatene Ninia lia-loos, no husik Nia transforma ita-nia moris. 

Kuandu ita-nia laran, liafuan, no hahalok sira aliña ho Maromak Nia lia-loos, ita adora Maromak duni iha espíritu no lia-loos.

Kuandu ita adora Maromak ho ita-nia laran no moris tomak no halo tuir Ninia Liafuan kada loron, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika hosi "Maromak ba ema moris la'os ba ema mate"

Eskritura Prinsipal:

‘Hau mak Abrão nia Maromak, no Isak nia Maromak, no Jacó nia Maromak.’? Nia la'os Maromak ba ema mate, maibé Maromak ba ema moris. Mateus 22:32

                          Mateus 22:32

Saida mak signifika hosi Jesus Ninia liafuan sira-ne'e? 

Ulun-nain relijiaun sira bolu ema Saduseu sira mai hasoru Jesus hodi husu pergunta kona-ba moris-hias nian. Ema Saduseu sira la fiar katak ema mate sei moris hi'as fali (Mateus 22:23). Sira koko atu fo impresaun katak hanorin kona-ba moris-hias nian hanesan dutrina ema beik nian.

Jesus hatán ba sira hodi hatudu liafuan ne'ebé Maromak hatete ba Moises: 

 "Hau mak Abrão nia Maromak, Isaac nia Maromak, no Jacó nia Maromak." - Mateus 22: 32 

Abrão, Isaac no Jacó mate ona tinan barak ona antes Maromak fó sai liafuan sira-ne'e ba Moises. Maibé Maromak sei bolu Nia aan nu'udar sira-nia Maromak. 

Tuirmai Jesus dehan: "Maromak ne'e la'ós ema mate nia Maromak, maibé ema moris nian."

Serake ida-ne'e signifika katak Abrão, Isaac no Jacó moris no ba ona lalehan? 

Lae. Ita presiza lee versikulu ne'e hamutuk ho versikulu sira seluk iha Biblia. Bíblia hatete katak ema mate sira "la hatene buat ida" (Eclesiastes 9:5). Jesus hatete katak mate mak hanesan toba-dukur bainhira Nia ko'alia kona-ba Lazaro (João 11: 11-14). 

Tan ne'e, Jesus la hanorin katak Abrão, Isaac, no Jacó moris hela iha fatin ruma depoisde mate. Maibé, Jesus hanorin kona-ba moris-hias ne'ebé serteza. 

Maromak promete ba Abrão, Isaac, no Jacó. Tan ne'e, sira-nia mate fiziku nian la halakon Maromak Nia promesa sira. Maromak sei fó fali moris-hias ba sira banhira Jesus fila fali mai (João 5:28-29; 1 Tesalonika 4:16-17). 

Jesus dehan: "Hau mak moris-hias no moris." João 11:25 

Ida-ne'e fó esperansa furak mai ita. 

Ohin loron, ida-ne'e signifika sáida ba ita? 

Primeiru, mate la'ós rohan. 

Kuandu ema ne'ebé fiar ba Jesus mate, ita triste. Ita lakon sira. Maibé ita la presiza fiar katak mate sei manán ba nafatin. Jesus promete katak "Keta admira kona-ba ida ne'e, tanba oras sei mai bainhira ema hotu neʼebé iha rate laran sei rona Ninia lian, no sira sei sai mai. Ema ne'ebé halo di'ak, sei hadeer fali no tama ba moris. No ema ne'ebé halo aat, sei hadeer fali no tama ba kastigu. João 5:28-29

Segundu, Maromak Nia promesa sira nunka mate. 

Karik ita hein hela Maromak atu hatán ba orasaun ruma. Karik moris ne'e susar. Hanoin-hetan Abrão, Isaac no Jacó. Sira mate ona, maibé Maromak Nia promesa sira sei kontinua nafatin. 

Terseiru, ohin loron, ita tenke prepara an ba loron moris-hias nian. 

Ita la hatene bainhira mak ita-nia moris sei remata. Entaun keta hein to'o loron aban atu la'o tuir Jesus. 

Ohin loron:

Fó perdua ba ema. 

Dame malu ho ema

Konfesa Ita-nia sala sira. 

Halo orasaun

Lee Maromak Nia Liafuan. 

Ajuda ema ne'ebé presiza 

Fahe lia-fuan di'ak nian ba ema no 

Ohin loron fó ita-nia laran ba Jesus. 

Jesus sei mai fali, no sira ne'ebé tau fiar ba Nia sei moris hi'as fali (lee 1 Korinto 15: 20-23; 1 Tesalonika 4:16). 

Mateus 22:32 fó-hanoin ita katak Maromak Nia relasaun ho Ninia povu la remata iha rate. Karik mate bele haketak ita ba tempu balu, maibé Maromak Nia promesa kona-ba moris hi'as sei sai realidade no ita sei hasoru malu ho ema sira ne'ebé ita hadomi iha loron moris-hias nian.

Entaun kuandu ita lakon ema ne'ebé ita hadomi tamba mate, keta lakon esperansa. 

Ita-nia Maromak mak Maromak ne'ebé moris. Jesus mate, Jesus moris-hias, no Jesus sei mai fali. 

Bainhira ita tau fiar ba Maromak ne'ebé moris no prepara ita-nia laran ba loron moris-hias nian, ita kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

click iha  ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Tanbasá mak Maromak haruka Moises atu hasai Ninia sandálias?

Eskritura Prinsipal: Exodo 3: 5 

Loron ida, Moises tau matan hela ba bibi-malae sira iha rai-fuik. Derrepente de'it, nia haree buat ne'ebé estrañu. Nia haree ahi sunu hela ai-hun ida, maibé ahi la destroi ai ne'e (Exodo 3: 2). 

                                  Exodu 3:5

Moises ba besik liután atu haree. Tuirmai Maromak bolu ninia naran: "Moses!, Moses!" Moises hatán: "Hau mak ne'e." Tuirmai Maromak dehan: “Keta hakbesik liu tan. Hasai tiha ó-nia sandálias lai, tanba fatin neʼebé ó hamriik mak rai santu.” Exodu 3:5

Tanbasá mak Moises tenke hasai ninia sandálias? 

Maromak hanorin lisaun importante ida ba Moises: Maromak ne'e santu. 

Rai ne'ebe Moises hamriik ba, la espesiál ida. Ne'e mak fatin baibain ida iha rai-fuik. Maibé kuandu Maromak mai iha ne'ebá ou tamba Maromak Nia prezensa iha ne'eba, fatin ne'e sai santu. 

Hasai tiha ninia sandálias mak dalan ida atu hatudu respeitu, haraik-an, no hatudu onra no louvor ba Maromak. 

Moises la bele arbiru de'it mai iha Maromak Nia oin. Nia presiza hatene katak nia hamriik iha Kriador Nia oin. 

Lisaun ne'ebe hanesan importante ba ita atu prende ohin loron. 

Karik ita la haree ai ne'ebé sunu ho ahi, maibé Maromak nafatin santu (Isaias 6: 3). 

Ne'e katak sá iha ita-nia moris loroloron nian? 

Kuandu ita halo orasaun, hanoin-hetan, ho se mak ita ko'alia daudauk. Orasaun la'ós hanesan ita ko'alia ho kolega ida liuhusi telefone. Bainhira halo orasaun, Ita ko'alia daudauk ba Kriador lalehan no rai nian. 

Bainhira ita ba igreja, keta hanoin hanesan atividade baibain ida. Ko'alia neineik bainhira presiza, mantein silensiu. Rona ho atentivu ba Maromak Nia Liafuan. Hasees an husi interferensia ka distraksaun ne'ebé la nesesariu. Mai igreja ho laran ne'ebé prontu atu hasoru Maromak. 

Kuandu ita lee Biblia, lee ho respeitu. Ita la'ós de'it lee livru baibain ida. Ita rona daudauk Maromak Nia mensajen. 

Iha uma, hanorin oan sira atu respeitu Maromak. Ajuda sira atu komprende katak adorasaun ne'e importante, la'ós tanba uma ne'e espesiál, maibé tanba Maromak merese atu hetan respeitu hosi ita. 

Maibé iha mós lisaun importante seluk tan.

Maromak la dehan de'it ba Moises atu hasai ninia sandálias. Maromak prepara nia atu hala'o misaun ida. Maromak hatete: "Hau sei haruka ó ba Farao." Exodo 3:10

Antes Moises bele serbí Maromak, nia presiza hatene uluk se mak Maromak no se mak status nia (Moises) aan rasik. 

Dala ruma ita hakarak halo buat ne'ebé di'ak ba Maromak, maibé ita haluha gasta tempu hamutuk ho Maromak. 

Dalaruma Ita hakarak haklaken, hanorin, dirije, ka serbí, maibé Maromak dehan: 

 "Hakbesik mai ha'u. Hatene ha'u lai. Respeitu Ha'u. Rona Ha'u." 

Serbi Maromak ne'ebé loos hahú ho laran ne'ebé haraik-an. 

Ohin, antes ita ho lalais ba ita-nia serbisu, para no gasta tempu ho Maromak. Antes ko'alia ba Maromak, rona uluk ba Maromak. Antes ita dirije ema seluk, husik Maromak dirije ita. 

Ohin, husu ba ita-nia an: 

"Serake hau hafolin duni Maromak nu'udar santu ka ha'u trata Maromak la ho kuidadu hanesan figura baibain ida?" 

Ohin loron, ita la presiza hasai ita-nia sandálias, maibé ita-nia atitude oinsa atu hatudu respeitu ba Maromak sei importante nafatin. 

Ita mai ba Maromak ho haraik-an. 

Ita rona Maromak Nia futarlia ho respeitu. 

Ita adora ho laran-moos. 

Ita obedese ba Maromak ho domin. 

Maromak ne'ebé ko'alia ba Moises husi ai ne'ebé sunu hela sei bolu ema to'o ohin loron. 

"Hakbesik liután ba Ha'u. Rona mai Ha'u. Ha'u iha serbisu ba imi." 

Bainhira ita hakbesik ba Maromak santu ho haraik-an, rona ba Ninia lian, no halo tuir Ninia konvite ho laran-metin, Nia lidera ita iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ita prontu resposta kona-ba Ita-nia esperansa?

Eskritura xave: 

Maibé iha imi-nia fuan-laran, fó onra ba Nai Kristu neʼebé santu. Imi tenki prontu nafatin atu hatán ema ne'ebé husu imi atu esplika esperansa neʼebé iha imi-nia laran. Maibé hatán ho laran maus no respeitu. 1 Pedro 3:15

                             1 Pedro 3:15

Karik ema husu Ita: "Tanbasá mak ó fiar ba Jesus?" 

Karik iha serbisu-fatin ema ruma husu Ita:

"Tanbasa mak ó ba igreja?" 

Karik kolega ida husu: "Tanbasá mak ó la join ho ami halo ida ne'e?" 

Karik ema ruma ne'ebé hasoru hela susar balu no husu: "Tanbasa mak ó sei iha esperansa nafatin?" 

Serake ita hatene saida mak atu ko'alia? 

Apóstolu Pedro hatete ba ema kristaun atu "sempre prontu nafatin". Ida-ne'e la dehan katak ema hotu tenke sai evanjelista ka haklaken-nain. Ne'e katak ema kristaun ida-idak tenke hatene tanbasá mak sira fiar ba Jesus no prontu atu esplika. 

Esperansa saida mak ita iha? 

Ita-nia esperansa mak Jesus Kristu. 

Ita fiar katak Jesus mate tanba ita-nia sala no moris hi'as fali (1 Korinto 15: 3-4). Ita fiar katak Nia moris ona. Ita fiar katak Nia sei mai fali no lori Ninia povu ba lalehan (João 14: 1-3). 

Tanba Jesus, ita bele hetan perdua ohin loron no moris rohan-laek iha futuru (1 Joao 1:9; Joao 3:16). 

Oinsá mak ita bele prontu iha ita-nia moris loroloron nian? 

Ulukliu, hatene Ita-nia istória rasik. 

Ita la presiza tenke hatene versíkulu atus ba atus. Ita bele dehan de'it: 

"Hau tuir Jesus tanba Nia fó perdua mai ha'u, transforma ha'u-nia moris, no fó esperansa mai ha'u." 

Se Ita esperiensia ona Maromak Nia ajuda, fó-hatene ema seluk kona-ba ne'e. 

Segundu, hatene kona-ba versikulu balu kona-ba Maromak Ninia promesa sira iha Biblia. 

Porezemplu: 

João 3:16 - Maromak hadomi ita no haruka Jesus mai salva ita. 

1 João 1: 9 - Maromak fó perdua ba ita-nia pekadu kuandu ita konfesa ita-nia sala sira. 

João 14: 1-3 - Jesus promete atu mai fali. 

Roma 8:38-39 - La iha buat ida mak bele haketak ita husi Maromak Nia domin. 

Terseiru, husik Ita-nia moris hatudu Ita-nia lia-fuan sira. 

Se ita hatete ba ema katak Jesus hanorin ema onestidade, maibé ita bosok iha ita-nia negósiu, karik sira la fiar ita-nia mensajen.

Se ita hatete ba ema katak Jesus hanorin kona-ba fo perdua, maibé ita rasij lakohi fó perdua ba ita-nia maluk sira, ita-nia liafuan sai fraku. 

Ita-nia asaun hotu tenke suporta buat ne'ebé ita hatete. 

Ba dala haat, ko'alia ho laran-di'ak. 

Apostolu Pedro hatete katak ita tenke hatán "ho laran-maus no ta'uk" (1 Pedro 3:15). Ita labele hakilar ema ka halo sira sente beik tanba sira-nia fiar ne'ebé diferente. 

Ita-nia objetivu mak la'os atu manán debate. Ita-nia objetivu mak ajuda ema atu haree Jesus. 

Ohin, husu ba ita-nia an: 

"Se ema ruma husu ha'u tanbasá mak ha'u fiar ba Jesus, serake ha'u prontu atu hatán?" 

Hahú prepara aan ohin. Lee Biblia. Halo orasaun. Hanoin to'ok kona-ba buat ne'ebé Jesus halo ona ba ita-nia moris. Aprende oinsá esplika Ita-nia esperansa ho liafuan simples sira. 

Karik ita la'ós pastor ida. Karik Ita la'os mestri Biblia ida. Maibé ita bele sai sasin. 

Karik ema ne'ebé hale'u ita buka hela esperansa. Karik ita-nia sasin simples ida mak buat primeiru ne'ebé bele lori ema neʼe hakbesik liután ba Jesus. 

Bainhira ita moris ho esperansa, prepara ita-nia an atu esplika esperansa ne'e, no fahe Jesus Ninia hanorin ho laran-di'ak, ita ajuda ema seluk atu deskobre dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake Ita rona de'it Maromak Nia Liafuan maibé la halo tuir?

Maibé sai ema neʼebé halo tuir liafuan ne'e, la'ós ema ne'ebé rona de'it, hodi imi la lohi imi-nia aan rasik. Tiago 1:22

                               Tiago 1:22

Serake ita rona ona ema ida fó konsellu di'ak maibé nia rasik nunka halo tuir? 

Porezemplu, doutór ida hatete: "Ita presiza halo ezersísiu no han hahan ne'ebé nutrisaun di'ak." Ita rona didi'ak no hatete: " Sin, doutór." Maibé bainhira ita fila ba uma, ita la halo tuir.

Rona mak buat ne'ebé di'ak, maibé rona la ho asaun la ajuda ita. 

Tiago mós fo lisaun ne'ebé hanesan kona-ba Maromak Nia Liafuan. Nia dehan katak ita labele rona de'it Maromak Nia Liafuan. Ita tenke halo tuir buat ne'ebé Biblia hatete. 

Ne'e katak sá iha ita-nia moris loroloron nian? 

Se Biblia hatete: "Keta bosok" (Koloso 3:9), entaun ita tenke fó sai lia-loos maski bosok bele ajuda ita. 

Se Biblia hatete: "Hadomi ó-nia inimigu sira" (Mateus 5:44), entaun ita labele koko atu hakanek ema ne'ebé hakanek ita. Ita bele halo orasaun ba ema ne'e no hili atu fo perdua. 

Se Biblia hatete: "Keta na'ok" (Exodo 20:15), entaun ita labele foti buat ne'ebé la'ós ita-nian, maski la iha ema ida mak haree. 

Se Biblia hatete: "Keta husik liafuan aat sai husi ó-nia ibun" (Efeso 4:29), entaun ita tenke hapara gossip, insulta ema no hasai liafuan ne'ebé hakanek ema seluk. 

Se Biblia hatete: "lori ta-nia maluk nia todan sira" (Galatia 6: 2), entaun kuandu ema ida hasoru susar ruma, ita labele dehan de'it: "Hau sei halo orasaun ba imi." Se ita bele ajuda, ita presiza ajuda. 

Se Biblia hanorin ita atu fó perdua (Efeso 4: 32), ita labele alista ema nia sala sira iha pasadu iha ita-nia laran. 

Bíblia hanesan espellu ida.

Tiago kompara Maromak Nia Liafuan ho espellu (Tiago 1:23-25). 

Kuandu ita hateke ba espellu, ita haree fo'er iha ita-nia oin. Maibé hanoin to'ok, karik ita haree fo'er iha ita-nia oin no depois la'o sai de'it ba no la fase. 

Ne'e mak buat ne'ebé akontese bainhira ita lee Biblia, haree buat ruma ne'ebé sala iha ita-nia moris, maibé lakohi muda ita-nia hahalok. 

Karik Biblia hatudu katak ita ema ne'ebé hirus dór. 

Karik Biblia hatudu katak ita la onestu 

Karik biblia hatudu katak ita presiza fó perdua ba ema seluk. 

Karik Biblia hatudu katak ita ladún uza tempu barak hamutuk ho Maromak liuhosi lee Biblia no orasaun.

Kuandu Maromak Nia Liafuan hatudu buat sala ruma mai ita, keta taka Biblia no haluha tiha de'it. Husu Maromak atu ajuda Ita nuda Ita-nia hahalok sala ne'e. 

Ohin loron, keta husu de'it: "Hau aprende saida husi Biblia?" 

Maibé mós husu: "Saida mak ha'u sei halo tanba buat ne'ebé ha'u aprende ona hosi Biblia?" 

Lee versíkulu ida. Komprende versikulu ne'e. Tuirmai halo tuir ka pratika lisaun ne'e. 

Asaun obedese iha buat kiik-oan sira, di'ak liu duke hatene versíkulu barak, maibé lakohi halo tuir. 

Maromak Nia Liafuan la'ós de'it atu hakonu ita-nia kakutak ho koñesimentu. Maromak Nia lia-fuan sira fó atu muda ita-nia laran no ita-nia moris. 

Kuandu ita rona Maromak Nia Liafuan, halo tuir, no tau ba pratika loroloron, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake Ita permite Espíritu Santu ko'alia liuhusi Ita?

Eskritura xave: Mateus 10: 20 

Tanba la'os imi rasik koalia, maibé imi-nia Aman Nia Espíritu sei koalia liuhosi imi. Mateus 10:20

                            Mateus 10:20

Karik ita esperiensia ona situasaun hanesan tuir mai ne'e: Ema husu ita atu ko'alia buat ruma kona-ba Jesus no derrepente de'it ita la hatene saida mak atu ko'alia.

Karik ema ida husu ba ita: "Tanbasa mak ó fiar ba Jesus?" Ita hakarak hatán, maibé ita ta'uk ko'alia sala. 

Dala ruma ita sente hanesan ne'e kuandu ita hanorin, haklaken evanjellu, estuda Biblia, halo orasaun iha publiku, ka ko'alia ho ita-nia kolega sira kona-ba Maromak. 

Jesus fó promesa importante ida ba Ninia dixipulu sira. Nia hatete katak kuandu sira atu ko'alia kona-ba Maromak, sira la presiza depende de'it ba sira-nia matenek rasik. Espíritu Santu sei ajuda sira. 

Ida-ne'e la dehan katak ita sai baruk-teen no nunka prepara. Ne'e katak kuandu ita halo ona buat hotu ne'ebé ita bele prepara, ita bele fiar katak Maromak sei ajuda ita. 

Razaun komún neebe ita esperiensia inklui:

1. Dala barak ita sente katak ita ladún di'ak 

Iha tempu ida, Moises hatete ba Maromak: "Hau la'ós ema ne'ebé ko'alia ho di'ak." Nia ta'uk katak nia la bele ko'alia ho di'ak. 

Ita barak mós sente hanesan ne'e. 

 - "Hau-nia tetum ladun di'ak." 

 - "Hau la hatene versikulu barak husi Biblia." 

 - "Hau la'ós ema ne'ebé ko'alia ho di'ak." 

 - "Oinsa se ema hamnasa ha'u?" 

 - "Oinsa se sira husu ha'u pergunta ruma ne'ebé ha'u la bele hatán?" 

Sentimentu sira-ne'e normál. Maibé Maromak la sempre hili ema tanba sira ko'alia ho matenek.

Maromak bele uza ema baibain ne'ebé prontu atu dehan: "Nai, hau mak ne'e, uza ha'u ba!." 

2. Espíritu santu bele ajuda ita 

Hanoin to'ok Ita-nia kolega balu ne'ebé hasoru susar hela. Ita vizita sira, maibé ita la hatene saida mak atu hatete. 

Ita bele halo orasaun iha ita-nia laran: 

Ita bele dehan:

"Espíritu santu, favór ajuda ha'u. Fó liafuan ne'ebé loos mai ha'u atu ko'alia." 

Tuirmai ko'alia ho onestu no laran-di'ak. 

Karik Ita bele dehan: 

"Hau la iha resposta hotu ba susar ne'ebé imi hasoru, maibé ha'u hatene katak Maromak hadomi imi. Mai ita halo orasaun hamutuk." 

Liafuan simples sira-ne'e bele iha ninia signifikativu liu duke ko'alia liafuan barak iha tempu naruk. 

Espíritu Santu bele uza liafuan simples sira hodi book ema nia laran. 

3. Ita tenke loke ita-nia ibun 

Dala ruma ita halo orasaun hodi dehan: "Espiritu Santu, ko'alia liuhusi ha'u ba!," maibé depois ita nunka ko'alia buat ida. 

Maromak baibain serbisu liuhosi ita-nia prontidaun atu ko'alia. 

Se ita haree ema ruma ne'ebé presiza atu hetan korajen, ko'alia buat ruma. 

Se ema ruma husu Ita kona-ba Ita-nia fiar, fahe buat ne'ebé Jesus halo ona ba Ita. 

Se ema ida sente deskorajen, fó-hanoin sira kona-ba Maromak Nia promesa sira. 

Ita la presiza halo pregasaun naruk.

Ita bele simplesmente dehan: 

"Maromak hamutuk ho imi." Mai ita halo orasaun kona-ba ne'e. 

"Hau mós uluk hasoru susar, maibé Maromak ajuda ha'u." 

Maski liafuan simples, bele iha podér boot bainhira espíritu santu uza liafuan sira-ne'e.

4. Prepara an, depois tau fiar ba Maromak 

Mateus 10: 20 la hanorin ita atu para estuda Biblia ka hapara ita prepara antes ko'alia. 

Ita tenke lee Biblia. Ita tenke estuda. Ita tenke prátika. Ita tenke hanoin didi'ak kona-ba buat ne'ebé ita hakarak ko'alia. 

Maibé kuandu ita prepara tiha ona, ita labele husik sentimentu ta'uk kontrola ita. 

Ita bele dehan: 

"Nai, ha'u prepara ona tuir ha'u-nia kapasidade. Agora favór, uza ha'u-nia liafuan sira ne'ebé hau prepara ona." 

Ida-ne'e importante liu bainhira hanorin labarik sira, fó estuda Biblia ba ema, haklaken evanjellu, halo orasaun iha públiku, ka ko'alia ho ema ne'ebé la hatene Jesus. 

Lisaun pratika ba ohin loron nian:

Ohin loron, buka ema ida-ne'ebé presiza hetan korajen. 

Antes ko'alia ho ema ne'e, halo orasaun: 

"Espiritu Santu, favór ko'alia liuhusi ha'u. Fó mai ha'u liafuan ne'ebé bele ajuda ema ne'e." 

Tuirmai rona ho kuidadu. 

 Keta ansi atu fó konsellu. 

 Ko'alia ho laran-di'ak. 

 Uza liafuan simples sira. 

 No tau fiar ba Maromak ba Ninia rezultadu. 

 Karik Ita nunka hatene oinsa Ita-nia liafuan bele ajuda duni ema ne'e. 

Moris hanesan ema kristaun mak la'os kona-ba hatudu ba ema katak ita mak di'ak tebes. Maibé ne'e mak kona-ba husik Maromak serbisu liuhosi ita no uza ita iha ita-niamorisloroloronnian. 

Kuandu ita husik Espíritu Santu ko'alia liuhusi ita, ita-nia liafuan simples sira bele sai bénsaun ba ema ne'ebé presiza esperansa. 

Ne'e mak parte ida husi "Dalan ba lalehan" - la'o hamutuk ho Jesus no husik Ninia Espíritu ajuda ita iha ita-nia moris loroloron nian. No kuandu ita kontinua pratika estilu moris hanesan ne'e, ita kontinua la'o iha dalan ba lalehan. Maromak fó bensaun

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mak ita bele sai sasin ba Jesus nia moris-hias ohin loron?

Eskritura Prinsipál: 

Apóstolu sira fó sai sira-nia testemuña ho kbiit maka'as kona-ba Nai Jesus moris-hias ona. No sira hotu simu grasa boot. Apostolu 4:33

                            Apostolu 4:33

Dixipulu sira sai nu'udar sasin espesiál kona-ba Jesus Nia moris-hias. Sira haree Jesus hafoin nia moris-hias husi mate. Sira han hamutuk ho Nia, ko'alia ho Nia, no kaer Nia isin. Pedro hatete: "Ami sai sasin kona-ba buat sira-ne'e hotu" (Apos 5: 32). 

Maibé ohin loron, maizumenus tinan 2,000 liu ona. Ita la iha ne'ebá bainhira Jesus sai husi rate. 

Entaun, oinsá mak ita bele sai sasin kona-ba Ninia moris-hias? 

Resposta primeiru mak simples: ita bele fó sasin ba buat ne'ebé Biblia hatete mai ita. 

 Apóstolu sira haklaken katak Jesus mate, ema hakoi Nia no Nia moris-hias fali (Apos 2: 32; 3:15). Sira hakerek sira-nia sasin sira ne'e iha Biblia atu nune'e ema husi jerasaun hotu bele rona liafuan di'ak ne'e. 

Maibé atu sai sasin la'ós de'it atu repete versíkulu sira husi Biblia. 

Ita-nia moris ne'ebé transformadu mós bele sai sasin. 

Antes Jesus hasoru Paulo, nia halo funu hasoru ema kristaun. Maibé depoisde hasoru Kristu, ninia moris muda kompletamente (Apos 9: 1-6, 17-20). 

Jeus ne'ebé hanesan bele mós muda ita-nia moris ohin loron. 

Se Jesus fó perdua ona ba ita, fó-hatene ema kona-ba ida ne'e. 

Se Jesus ajuda Ita hapara Ita-nia toman aat atu halo sala, fahe Ita-nia istória. 

Se Jesus fó dame ba ita durante tempu susar, fó-hatene ba ema seluk oinsá ita tau fiar ba Nia. 

Se Jesus ajuda Ita atu fó perdua ba ema ruma, husik ema haree mudansa ne'e. 

Ita-nia moris labele prova kona-ba Jesus Nia moris-hias hanesan apóstolu sira fó sasin. Maibé ita-nia moris ne'ebé transformadu bele hatudu katak Jesus ne'ebé moris hi'as ona sei serbisu nafatin iha Ita-nia moris to'o ohin loron. 

Oinsá mak ita bele sai sasin iha ita-nia moris loroloron nian? 

Iha uma, halo orasaun hamutuk ho Ita-nia família no hanorin Ita-nia oan sira kona-ba Jesus. 

Iha serbisu fatin, hatudu onestidade, maski fasil liu atu bosok. 

Kuandu ema ruma hetan terus, ajuda sira no halo orasaun ba sira. 

Bainhira ema ruma husu tanbasá mak ita moris diferente, keta moe. Hatete de'it dehan: "Hau tuir Jesus tanba Nia muda ona ha'u-nia moris." 

Iha igreja, serbí ema seluk duke buka atu hetan serbí. 

No bainhira ita iha oportunidade, fahe mensajen simples: "Jesus mate tanba ita-nia sala sira. Nia moris-hias fali. Agora Nia moris hela, no Nia sei mai fali." 

Pedro hatete katak ita tenke sempre prontu atu hatán kona-ba esperansa ne'ebé ita iha, maibé ita tenke halo ida-ne'e "ho haraik-an" - ho laran-di'ak no respeitu (1 Pedro 3:15). 

Ita la presiza sai pregadór famozu atu bele sai sasin ba ema. Ita la presiza lisensiatura hosi universidade atu bele haklaken. Ita presiza hatene de'it Jesus, moris ba Jesus, no fó-hatene ema seluk kona-ba Jesus. 

Apóstolu sira fo sasin kona-ba buat sira ne'ebé sira haree ona. Ita fo sasin kona-ba saida mak ita aprende ona husi Maromak nia Liafuan no buat ne'ebé Jesus halo daudauk iha ita-nia moris. 

Ohin, husu ba ita-nia an: "Se ema ida haree ha'u-nia moris, serake sira bele haree katak ha'u fiar ba Jesus ne'ebé moris?" 

Espera katak, ita-nia liafuan, ita-nia hahalok, ita-nia laran-di'ak, ita-nia onestidade, no ita-nia moris ne'ebé transformadu ona sei lori ema ba Kristu ne'ebé moris hi'as ona. 

Nu'udar sasin ba Jesus ne'ebé moris, mai ita fahe Ninia esperansa ba ema seluk no la'o hamutuk iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak rikusoin iha lalehan?

Eskritura xave: Mateus 6: 19-21

Keta haloot riku-soin ba ó-nia aan rasik iha mundu ne'e. Tanba ular no ferujen halo riku-soin ne'e sai aat, no naok-teen sira bele tama no na'ok. Maibé haloot riku-soin ba ó-nia aan rasik iha lalehan. Tanba iha lalehan ular no ferujen la halo aat, no naok-teen sira la bele tama no na'ok. Tanba iha fatin ne'ebé ó rai ó-nia riku-soin, ó-nia fuan laran mós iha ne'ebá. Mateus 6:19-21

                        Mateus 6:19-20

Saida mak signifika hosi Jesus ninia lia-fuan "rai rikusoin iha lalehan"? 

Jesus la dehan katak osan, uma, rai, ka buat seluk sempre aat. Problema ne'e mosu bainhira buat sira iha mundu ne'e sai importante liu fali Maromak. 

Buat hotu ne'ebé ita iha, iha mundu ne'e bele lakon. Osan bele lakon. Uma ida bele ahi han. Karreta bele aat. Roupa sai tuan. Ita-nia isin-lolon mós sai fraku bainhira ita idozu ona. Jesus hatete katak buat sira-ne'e temporariu de'it. 

Maibé rikusoin lalehan nian diferente. Riku-soin lalehan nian ema labele halakon ka na'ok (Mateu 6: 20). 

Entaun, saida mak rikusoin iha lalehan? 

Riku-soin lalehan nian mak riku-soin ne'ebé ita hetan bainhira ita moris ba Maromak no haraik bénsaun ba ema seluk. Ezemplu sira:

Kuandu ita ajuda ema kiak ida, Maromak haree ida-ne'e. 

Kuandu ita fó ai-han ba ema ne'ebé hamlaha, Maromak haree ida-ne'e. 

Kuandu ita vizita ema ne'ebé moras ka ema ne'ebé mesamesak, Maromak haree ida-ne'e. 

Kuandu ita hanorin labarik ida kona-ba Jesus, Maromak haree ida-ne'e. 

Kuandu ita fó perdua ba ema ne'ebé hakanek ita, Maromak haree ida-ne'e. 

Kuandu ita fó ita-nia tempu no osan ba Maromak Nia serbisu, Maromak haree ida-ne'e. 

Kuandu ita lakohi bosok, na'ok, ka simu subornu tanba ita hakarak fó glória ba Maromak, Maromak haree ida-ne'e. 

Buat sira-ne'e hotu karik la halo ita riku iha mundu, maibé sira iha valór eterna.

Jesus hatete: "Tanba iha fatin neʼebé ó rai ó-nia riku-soin, ó-nia fuan laran mós iha ne'ebá. Mateus 6:21

Ida-ne'e signifika katak ita bele deskobre saida mak importante liu ba ita-nia moris liuhusi haree buat ne'ebé mak barak liu ita gasta ita-nia tempu, osan no enerjia. 

Se ita uza ita-nia tempu tomak hodi buka osan, maibé ita la iha tempu ba Maromak, ita presiza husu ba ita-nia an: "Hau-nia rikusoin tau iha ne'ebé?" 

Se ita gasta osan barak ba ita-nia an de'it, maibé ita la koi ajuda ema ne'ebé presiza, ita tenke husu ba ita-niaan: "Hau-nia rikusoin tau iha ne'ebé?" 

Se ita hakarak sakrifíka ba Maromak Nia serbisu no ajuda ema seluk, ita-nia riku-soin rai hela iha fatin ne'ebé di'ak liu. 

Pergunta prátika 

Antes ita gasta ita-nia osan, husu: 

Serake ha'u presiza buat ne'e ka ha'u sosa de'it tanba ha'u hakarak? " 

Antes ita uza ita-nia tempu, husu: 

"Serake hau bele uza tempu balu atu ajuda ema ka serbí Maromak?" 

Molok halo desizaun atu halo negósiu ruma, husu: 

"Serake negósiu ne'e onestu no halo Maromak kontente? 

Ita la bele manán lalehan liuhusi fó osan ka halo buat di'ak. Salvasaun mak prezente ida husi Maromak liuhusi Jesus Kristu (Efeso 2: 8-9). Maibé kuandu Jesus salva ita, ita komesa muda ita-nia prioridade moris nian. 

Ita hahú husu la'os de'it: "Saida mak ha'u bele hetan?" Maibe mós: "Saida mak ha'u bele fó?" 

Loron ida, buat hotu ne'ebé ita iha, iha mundu ne'e ita sei husik hela hotu. Maibé domin ne'ebé ita hatudu, ema ne'ebé ita ajuda, no klamar sira ne'ebé ita lori ba Jesus iha valór eterna. 

Entaun ohin, mai ita ezamina didi'ak ita-nia laran. 

Ha'u-nia rikusoin tau iha ne'ebé? 

Espera katak ita-nia rikusoin ne'ebé boot liu mak la'ós osan, propriadade, no susesu, maibé Jesus no Ninia reinu lalehan. 

Bainhira ita hili rikusoin lalehan nian no uza bénsaun sira ne'ebé ita hetan hodi serbí Maromak no haraik bénsaun ba ema seluk, ita prepara ita-nia laran hodi la'o nafatin ba fatin ne'ebé Jesus prepara ona - lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Vitória kona-ba mate: Jesus iha liafuan ikus

Lee: 1 Korinto 15: 50-57 

                       1 Korinto 15: 50

Mate mak buat ida hosi buat barak ne'ebé ema ta'uk liu. Karik ita lakon ema ne'ebé ita hadomi, no karik ita hanoin: "serake mate mak rohan ona?" Paulo hatán ho resposta furak: Lae! Tanba ema ne'ebé partensi ba Kristu, mate la'ós rohan.

Paulo hatete: "Agora ha'u dehan ida ne'e, maun-alin sira, katak isin no raan la bele simu Maromak nia reinu nu'udar liman rohan. Buat neʼebé bele sai dodok la bele simu buat neʼebé la sai dodok nudar liman rohan." 1 Korinto 15:50. Ne'e la dehan katak ita sei moris ba nafatin nu'udar espíritu ne'ebé la iha isin. Kontextu hosi kapitulu ne'e hatudu buat ne'ebé diferente. 

Paulo kompara ita-nia isin-lolon agora ho isin-lolon moris hi'as nian. Ohin loron, ita-nia isin-lolon sei sai fraku, moras, ferik-katuas, no ikusmai mate. Ita-nia isin-lolon marka ho ho buat ne'ebé bele dodok no mortalidade. Maibé kuandu Jesus mai, Maromak sei muda ita-nia isin-lolon. Ita sei simu isin-lolon ne'ebé la bele mate no imortal (1 Korinto 15: 42-49, 53-54). 

Hanoin kona-ba fini ida. Kuandu kuda, fini ne'e diferente ho ai-horis ne'ebé moris. Nune'e mós, ita-nia isin-isin-lolon agora no isin-lolon ne'ebé moris hi'as ona sei la hanesan, maibé sei iha duni moris-hias ne'ebé reál.

Paulo hatete katak bainhira tranformasaun ne'e akontese: 

 “Nia sei tolan mate ho vitória.”

1 Korinto 15:54. Tuirmai nia husu: "Oh mate, ó-nia tata iha nebee?" (v. 55). 

Tanbasá mak Paulo bele ko'alia ho fiar aan loos? Tanba Jesus manán ona mate. Kristu mate, moris-hias fali, no promete moris-hias ba sira ne'ebé tau fiar ba Nia. 

Pratikamente, ida-ne'e signifika saida ba ita-nia moris loroloron? 

Kuandu ema ne'ebé ita hadomi mate, ita bele sente triste, maibé ita labele sente triste hanesan ema ne'ebé la iha esperansa. 

Kuandu ita ta'uk mate, ita bele hanoin-hetan Jesus Nia promesa kona-ba moris-hias. 

Kuandu ita hasoru susar moris nian, ita bele kontinua serbí Maromak tanba ita-nia futuru asegura ona hosi Maromak. 

No kuandu ita haree ita-nia isin sai fraku kuandu ita-nia idade ferik no katuas hosi loron ba loron, ita bele hanoin-hetan katak loron ida Maromak sei troka ita-nia isin ne'ebé mortal ho imortalidade. 

Paulo hakotu ho liafuan tuirmai: "Maibee agradese ba Maromak, nebee fó vitória ba ita liuhosi ita-nia Nai Jesus Kristu." 1 Korinto 15:57

Ita-nia vitória ikus mak: la'ós katak ita sei nunka mate agora. Ita-nia vitória mak katak mate sei la sai ita-nia destinu ikus. Jesus sei fó moris-hias ba Ninia povu ne'ebé fiél, transforma sira-nia isin-lolon, no fó moris rohan-laek ba sira. 

Lisaun pratiku: Keta husik sentimentu ta'uk mate nian kontrola ita-nia moris. Tau fiar ba Jesus, laran-metin nafatin ba Nia, no moris ho esperansa moris-hias nian. 

Mate bele mai, maibé Jesus mak sei termina ita-nia destinu, no Ninia liafuan ikus mak Moris rohan-laek!

Mai ita tau fiar ba Jesus, moris ho fiél ohin, no hein loron ne'ebé Maromak sei halo buat hotu sai foun. 

Bainhira ita hein eventu moris-hias ne'ebé gloriozu, mai ita kontinua la'o ho fiél iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bainhira Jesus mai, ita-nia isin foun sei sai oinsá?

Eskritura xave: 1 Korinto 15: 35-41 

Maibé ema balu sei husu, “Oinsá mak ema mate moris hias? Sira mai fali ho isin lolon oinsá?” 1 Korinto 15:35

                          1 Korinto 15:35

Serake Ita pernah hanoin kona-ba pergunta ne'e? 

"Se ema ida mate no hakoi, oinsá mak nia bele moris fali? No nia sei iha isin oinsá? 

Paulo hatán pergunta ne'e hodi uza ezemplu simples husi natureza. 

Haree ba fini ida:

Kuandu toos-nain ida kuda fini iha rai, fini ne'e la haree hanesan ai-horis ida ne'ebé sei moris mai hosi fini ne'e. 

Fini ki'ik ida bele haree maran no la iha moris. Maibé bainhira kuda ona ba rai, buat furak ida akontese. Maromak fó moris foun ba nia, no ai-horis furak ida krexe. 

Paulo hatete katak ida-ne'e hanesan mós moris-hias (1 Korinto 15:36-38). 

La'ós isin ne'ebé hakoi ona mak sei sai isin ne'ebé sai husi rate. Maromak sei fó isin lolon foun moris-hias nian ba Ninia povu.

Paulo mós fó ezemplu husi Maromak Nia kriasaun. Loro-matan, fulan no fitun, sira iha glória ne'ebé la hanesan. Maromak fó isin oioin no glória oioin (1 Korinto 15:39-41). 

Mensajen ne'e simples: 

Maromak hatene oinsá atu fó isin-lolon foun mai ita. 

Karik ita la komprende oinsá mak Maromak sei halo ida-ne'e, maibé ita bele tau fiar ba Nia. 

Saida mak Ninia signifikativu ba ita ema Kristaun ohin loron? 

Ema balu preokupa kona-ba sira-nia isin-lolon. 

Karik Ita sai ferik no katuas ona. Ita-nia matan sai fraku ona. Ita-nia isin sai kole lalais ona. Karik Ita sofre moras ruma. No loron ida, ema hotu sei fila fali ba rai-rahun. 

Maibé ne'e la'ós rohan ba sira ne'ebé partensi ba Jesus. 

Ikusmai Paulo esplika kona-ba ita-nia isin hanesan tuir mai ne'e "Nunee mós ho sira neʼebé moris-hias hosi mate. Buat neʼebé ita kuda bele dodok, no buat neʼebé moris-hias ona sei nunka sai dodok." 1 Korinto 15:42. Buat neʼebé kuda la iha onra, maibé nia moris-hias ho glória. Buat neʼebé kuda ne'e fraku, maibé nia moris-hias ho kbiit: 1 Korinto 15:43

Imajina to'ok kona-ba kuda fini kiik-oan ida no depois moris sai ai-huun furak ida. Fini no ai-huun ne'e iha ligasaun, maibé ai-huun ne'e boot liu fali fini ne'ebe ita kuda. 

Nune'e mós, ita-nia isin-lolon moris-hias nian sai di'ak liu fali ita-nia isin ida ne'ebé hakoi ba rai. 

Tan ne'e, kuandu ita haree ema idozu ida ne'ebé difisíl atu la'o ba mai, keta hamnasa ka hatún sira. Hanoin-hetan katak Maromak promete ona buat ne'ebé di'ak liu. 

Kuandu ita haree ita-nia aan ne'ebé ferik ka katuas ba dadauk keta deskorajen, ita bele hanoin kona-ba moris-hias. 

Bainhira ita hamriik besik rate hosi ema fiar-na'in ne'ebé mate iha Kristu, hanoin-hetan katak rate ne'e la'ós rohan. 

No kuandu ita hasoru tentasaun atu hanoin: "Hau-nia moris la iha signifikasaun," hanoin-hetan katak Maromak prepara ona futuru ne'ebé sei la iha tan tanis, matan-been no mate. 

Karik ita la hatene ho loloos oinsá mak ita-nia isin-lolon moris-hias nian. Maibé ita hatene se mak sei fó buat sira-ne'e ba ita: ne'e mak Maromak rasik. 

Moris-hias la'ós ema nia ideia. Ne'e mak Maromak Nia promesa. 

Loron ida, Jesus sei fila fali mai. Ema ne'ebé mate iha Kristu sei moris hi'as fali, no Maromak sei fó ba sira isin-lolon foun ne'ebé sei nunka sai ferik-katuas, moras, ka mate (1 Korinto 15:51-54; 1 Tesalonika 4:16-17). 

Tan ne'e, se ita la'o ho Kristu, keta ta'uk ba futuru. 

Ita-nia isin bele fila fali ba rai, maibé Maromak Nia promesa sei la fila mamuk. 

Mai ita tau fiar ba Jesus, moris ho fiél ohin, no hein loron ne'ebé Maromak sei halo buat hotu sai foun. 

Bainhira ita hein eventu moris-hias ne'ebé gloriozu, mai ita kontinua la'o ho fiél iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika hosi unidu ho Jesus iha Ninia mate?

Versikulu prinsipál: Tanba se ita ida de'it ho Nia iha mate hanesan Ninian, ita sei ida deit ho Nia hodi sai moris hias hanesan Nia. Roma 6:5

                            Roma 6:5

Tuir versíkulu ne'e, saida mak signifika hosi unidu ho Jesus iha ninia mate? 

Ne'e la signifika katak ita fizikamente mate iha kruz hanesan Jesus. Maibé, ida ne'e signifika katak ita hili atu mate ba ita-nia dalan moris ne'ebé uluk ita halo, neʼebé kontrola hosi hahalok pekadu.

Paulo esplika kona-ba ne'e iha Roma 6. Jesus mate tanba ita-nia sala no moris hi'as fali. Kuandu ita simu Jesus, ita hahú moris foun fali. Tan ne'e, ita-nia hahalok pekadór nian ka hahalok tuan la lakontrola tan ita. 

Hanoin to'ok kona-ba ema ne'ebé deside atu para hemu tua. Se ema ne'e kontinua fila fali ba fatin ne'ebé hanesan, ho kolega ne'ebé hanesan no toman ne'ebé hanesan, susar ba ema neʼe atu para hemu tua. Dala barak, atu hahú moris foun, rekere ita husik moris tuan iha kotuk. 

Nune'e mós ho pekadu. 

Se ita hatete: "Hau-nia moris partensi ba Jesus," maibé ita kontinua hili lia-bosok, gossip, lohi, odi, halo sala seksuál, adultériu, lanu-teen, na'ok, ka hahalok sala seluk, iha buat ruma ne'ebé la loos ho ita-nia vida espirituál.

Hamutuk ka unidu ho Jesus signifika, ita dehan: 

"Hau-nia moris ne'ebé tuan la kontrola tan ha'u. Ha'u hakarak Jesus kontrola ha'u-nia moris." 

Oinsá mak ida-ne'e haree iha ita-nia moris loroloron nian? 

Se uluk ita bosok hodi hetan osan, hili dalan onestu. 

Se uluk ita bosok iha negósiu, deside atu halo buat ne'ebé loos. 

Se uluk ita gosta insulta ema bainhira hirus, aprende atu para no ko'alia ho kalma. 

Se uluk ita gosta haree buat sira ne'ebé imoral iha TV, telemovél etc ne'ebé hakanek Maromak Nia laran, hadook an husi buat sira-ne'e no hili buat ne'ebé di'ak liu. 

Se ita iha toman aat ne'ebé halo ita kontinua halo sala, husu Maromak atu fó forsa no haka'as an atu la halo sala ne'e. 

Se Ita hakanek ema ruma, keta dehan de'it: "Maromak perdua ha'u." Ba hasoru ema ne'e no dehan: "Hau husu deskulpa. Ha'u sala duni". Tuirmai koko atu halo buat ne'ebé loos. 

Ne'e mak signifika husu mate ba moris tuan. 

Maibé Roma 6: 5 mós fó esperansa furak ba ita: "Tanba se ita ida deit ho Nia iha mate hanesan Ninian, ita sei ida deit ho Nia hodi sai moris hias hanesan Nia"

Moris Kristaun nian la'ós de'it kona-ba husik toman aat. Jesus fó moris foun mai ita. 

Ita la luta mesak de'it hasoru sala. Espíritu santu ajuda ita (Galatia 5:16). Kuandu ita monu, ita bele fila fali ba Jesus, konfesa ita-nia sala, no simu perdua (1 Joao 1:9). 

Dadeer-dadeer ita bele halo orasaun: 

"Nai Jesus, ohin ha'u hili Ita-nia dalan duke ha'u-nia dalan moris tuan. Ajuda ha'u mate ba sala no moris ba Ita." 

Unidu ho Kristu signifika katak Ninia mate muda ita-nia moris tuan, no Ninia moris-hias sei fó ita moris foun no esperansa foun. 

Bainhira ita husik hela ita-nia dalan tuan pekadu nian ne'ebé uluk ita halo no permiti Jesus fó moris foun mai ita, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More