Serake ita adora Maromak ho Ita-nia laran ka ho Ita-nia ibun de'it?

Povu ne'e fó onra mai Ha'u ho sira nia ibun tutun; maibé sira-nia laran dook hosi Hau. Sira adora Ha'u saugati de'it, tanba sira hanorin ema nia ukun fuan sira nudar doutrina.Mateus 15:8-9 BK

                               Mateus 15:8

Ema barak dehan katak sira hadomi Maromak. Sira kanta iha igreja, halo orasaun, no lee versíkulu sira husi Biblia. Balu mós bolu sira-nia an nu'udar ema kristaun. Maibé Jesus hatete katak dalaruma ita hahi'i Maromak ho ita-nia ibun de'it, maibé ita-nia laran dook husi nia. 

Ida-ne'e katak sá? 

Ne'e katak ita bele ko'alia liafuan ne'ebé loos, maibé realidade, ita la hadomi ka la halo tuir Maromak Nia hanorin. Karik ita hatete: "Nai, ha'u tau fiar ba Ita," maibé depoisde ko'alia ida ne'e, ita moris konformi dalan ne'ebé ita hakarak. Karik ita ba igreja kada semana, maibé ita ignora Maromak Nia Liafuan durante loron seluk iha semana nia laran tomak. Maromak la haree de'it ba buat ne'ebé ita ko'alia. Nia haree ba ita-nia laran.

Iha Jesus nia tempu, ulun-nain relijiaun barak haree hanesan santu tebes iha li'ur. Sira halo orasaun iha publiku no halo tuir tradisaun barak relijiaun nian. Maibé dala barak sira ignora Maromak Nia mandamentu sira. Jesus hatete: "Sira adora Ha'u saugati de'it, tanba sira hanorin ema nia ukun fuan sira nudar doutrina" Mateus 15:9. Ida-ne'e katak adorasaun sai mamuk bainhira ema halo tuir ema nia tradisaun duke Maromak nia Liafuan. Ema barak fiar katak sira adora Maromak, maibé se sira-nia fiar mai husi tradisaun, kultura, ka hanoin duke Biblia, sira la adora Maromak tuir Ninia hakarak. 

Maromak hakarak ita atu hatene Ninia lia-loos liuhusi Biblia (João 17:17). Antes ita fiar ka halo buat ruma, ita tenke husu: "Serake Biblia hanorin ida-ne'e?" Se lae, ita tenke halo tuir Maromak Nia Liafuan duke hanorin husi ema.

Maromak sempre hakarak ita-nia laran. Iha Deuteronomio 6:5, nia hatete: "Imi sei hadomi Nai, imi-nia Maromak, ho imi-nia fuan laran tomak, ho klamar tomak no ho forsa tomak. Adorasaun ne'ebé loos hahú ho laran ne'ebé hadomi Maromak. 

Kuandu ita hadomi duni Maromak, domin ne'e ema sei haree iha ita-nia dalan moris loroloron. Jesus hatete: "Se ó hadomi ha'u, halo tuir ha'u-nia mandamentu sira." (João 14:15). Ita sei la manan salvasaun tamba obedesementu, maibé obedesementu hatudu katak ita-nia domin ba Jesus ne'e reál duni. 

Ohin loron, husu ba ita-nia an: " Serake ha'u adora Maromak ho ha'u-nia ibun de'it ka ha'u adora Nia ho ha'u-nia laran tomak?" Maromak la impresionadu ho ita-nia liafuan furak de'it. Nia hakarak laran ne'ebé tau fiar ba Nia, hadomi Nia, no halo tuir Nia loroloron. 

Mai ita sai ema kristaun la'os de'it ho naran. Mai ita halo tuir Jesus ho laran-tomak. Atu nune'e ita-nia liafuan, ita-nia hahalok no ita-nia moris sei fó onra ba Maromak. 

Bainhira ita adora Maromak ho ita-nia laran iha ita-nia moris, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Saida mak akontese bainhira ita rejeita Maromak nia mensajen?

Maibé sira kontra nia no ko'alia aat hasoru nia. Nune'e nia liki tiha ninia ropa no dehan ba sira, “Husik imi nia raan fila fali ba imi-nia ulun. Ha'u moos ona. Hosi agora ba oin, ha'u sei ba ema Jentiu sira.” Apostolu 18:6

                                Apostolu 18:6

Kuandu apóstolu Paulo haklaken kona-ba Jesus, ema balu ho kontente simu liafuan ne'e. Maibé ema seluk lakohi rona. Sira mós kontra Paulo no insulta nia. Tuirmai Paulo hatete: "“Husik imi nia raan fila fali ba imi-nia ulun. Ha'u moos ona. Hosi agora ba oin, ha'u sei ba ema Jentiu sira.” Apostolu 18:6

Apostolu Paulo la hirus. Nia so dehan de'it: "Hau halo ona ha'u-nia parte. Ha'u fahe ona Maromak Nia mensajen ba imi. Agora imi hili, atu simu ka rejeita?" 

Maromak fó ona liberdade ba ema hotu atu hili. Nia la obriga ema ida atu la'o tuir Nia. Nia ho domin konvida ita atu simu Ninia salvasaun, maibé ita tenke deside ba ita-nia an rasik. 

Saida mak akontese bainhira ema rejeita Maromak Nia mensajen? 

Ulukliu, sira lakon bénsaun ne'ebé Maromak hakarak atu fó ba sira. Jesus hatete: "Mai ba Ha'u... no Ha'u sei fó deskansa ba imi." Mateus 11:28. Ema sira ne'ebé rejeita Maromak Nia konvite, sira kontinua lori sira-nia pekadu nia todan rasik. 

Segundu, sira-nia laran bele sai toos liután. Kuandu ema ida hatete "Lae" ba Maromak, fasil liu atu ignora Ninia lian. Ebreu 3: 15 hatete: "Ohin, se imi rona Ninia lian, keta halo imi-nia laran toos." 

Terseiru, ema ida-idak responsavel ba sira-nia desizaun rasik. Ita labele du'un ita-nia inan-aman, igreja, kolega, ka pastor sira. Loron ida, ita ida-idak sei hatán ba Maromak kona-ba desizaun hotu ne'ebé ita halo ona durante ita-niamoris tomak (Roma 14: 12). 

Liafuan di'ak mak ne'e: bainhira ita sei moris hela, Maromak sei nafatin bolu ita. Maromak ne'e pasiénsia no lakohi ema ida atu mate (2 Pedro 3:9). Hanesan aman iha istória kona-ba oan-mane ne'ebé lakon, Maromak sempre prontu simu ema ne'ebé fila fali ba Nia (Luc 15:20-24). 

Ohin loron, se Maromak ko'alia ona ba ita-nia laran liuhusi Biblia, keta ignora Ninia lian. Keta hein to'o loron aban. Ohin, loke ita-nia laran ba Jesus. Ninia mensajen la'ós atu julga, maibé atu salva Ita. 

Husu ba ita-nia an: "Serake ha'u simu ka ignora ona Maromak Nia mensajen?" Desizaun ne'ebé ita halo ohin loron sei afeita ita-nia futuru no ita-nia moris rohan-laek nian. 

Bainhira ita ho haksolok simu Maromak Nia Liafuan no halo tuir Jesus loroloron, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Saida mak signifika moe kona-ba Jesus?

Jesus hatete "Tanba se ema ruma moe kona-ba Ha'u no Ha'u-nia liafuan, Ema Nia Oan sei moe kona-ba ema neʼe bainhira Nia mai iha Ninia glória, no iha Ninia Aman Nia glória, no iha anju santu sira nia glória" Lucas 9:26 BK 

   Lucas 9:26 

Liafuan sira-ne'e mak liafuan sériu. Maibé, moe kona-ba Jesus katak sá? 

Ne'e la dehan de'it: "Hau la fiar Jesus." Ema ida mós bele moe ba Jesus tanba subar ninia fiar. Karik nia ta'uk fó-hatene ema seluk katak nia ema kristaun tamba moe. Ita moe ba Jesus bele mós bainhira ita ta'uk atu halo orasaun iha publiku ka atu ko'alia kona-ba Jesus iha publiku tanba ita hanoin kona-ba oinsa ema seluk nia hanoin kona-ba ba ita. 

Ema ida mós bele moe tanba Jesus Nia liafuan. Ida-ne'e akontese bainhira ema ida hatene saida mak Biblia hanorin maibé lakohi halo tuir tanba nia hatene ema ladún gosta. Ema balu moe kona-ba Maromak Nia futarlia no koko troka Maromak nia Liafuan hodi halo ema kontente. Ema balu nonok de'it tanba sira lakohi ema hamnasa ka rejeita sira. 

Jesus nunka subar Ninia domin ba ita. Ema goza Nia, baku Nia, no prega Nia ba krús, maibé Nia nunka rende an ba ita. Nia la moe bolu ita nu'udar Ninia oan sira. Nia fó Ninia moris ba ita atu nune'e ita bele hetan moris rohan-laek (Roma 5:8). 

Apóstolu sira mós aten-barani los. Maski ema ameasa sira, maibé sira kontinua haklaken kona-ba Jesus (Apostolu 4:18-20). Sira hatene katak halo tuir Maromak mak buat ne'ebé importante liu duke halo ema kontente (Apostolu 5:29).

Ohin loron, ema barak la moe atu ko'alia kona-ba osan, desportu, ka divertimentu, maibé sira moe atu ko'alia kona-ba Jesus. Ita labele moe hanesan ne'e. Jesus hatete: "Ema hotu neʼebé fó sai kona-ba Ha'u iha ema nia oin, Ha'u mós sei fó sai kona-ba nia iha Ha'u-nia Aman iha lalehan nia oin" Mateus 10:32.

Se ita hadomi duni Jesus, ita sei la moe kona-ba Nia. Ita sei lee Ninia Liafuan, halo tuir Ninia hanorin sira, no fó-hatene ema seluk kona-ba Ninia domin. Bainhira ema haklaken Lia-loos, ita la presiza diskute malu ho ema. Husik de'it ita-nia liafuan no ita-nia moris hatudu katak ita mak Kristu nian. 

Ohin loron, husu ba ita-nia an: "Ha'u subar ha'u-nia fiar, ka ha'u kontente la'o tuir Jesus Nia hanorin?" Hanoin-hetan katak Maromak ne'ebé mate ona tanba ita mak merese duni atu simu ita-nia domin, fidelidade no korajen.

Keta moe kona-ba Jesus, tanba Nia nunka moe atu mate tanba ita. Bainhira ita ho aten-barani halo tuir Kristu no fiél nafatin ba Ninia Liafuan, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu lke, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Tanbasá mak domin sai malirin ohin loron?

Ema barak nia domin sei sai malirin tanba hahalok aat nebee aumenta ba beibeik. Mateus 24:12 BK 

                              Mateus 24:12

Serake ita boot sira nota ona katak ema barak ohin loron ladún hatudu domin hanesan tempu uluk? Ita rona kona-ba funu, violénsia, família ne'ebé rahun, korrupsaun, bosok, odi, no hanoin an de'it kuaze loron-loron. Ema barak prekupa liu kona-ba osan, podér, no ksolok duke kona-ba Maromak ka ema seluk. Jesus dehan katak ida-ne'e sei akontese antes nia fila fali mai ba daruak. 

Iha Mateus 24, Jesus hatudu sinál kona-ba loron ikus mundu ne'e nian. Sinál ida mak "Ema barak nia domin sei sai malirin". Tanbasá mak ida-ne'e akontese? Jesus hatán: "tamba hahalok aat ne'ebé aumenta ba beibeik." Iha lian Ingles dehan nune'e "Because lawlessness will abound." Tamba ema barak la obedese ba Maromak Nia ukun-fuan. Kuandu ema la hatudu respeitu tan ba Maromak Nia ukun-fuan, neineik-neineik sira sei para hadomi Maromak no hadomi ema seluk. 

Bíblia hanorin katak domin ba Maromak hatudu liuhusi halo tuir Ninia mandamentu sira (João 14:15; 1 Joao 5: 3). Kuandu ema rejeita Maromak Nia Liafuan, sira komesa hanoin katak buat ne'ebé loos mak sala no sala mak loos fali. Pekadu sai normal ka buat baibain ida. Ida ne'e halo ema ladún iha laran-di'ak, onestidade, fidelidade, no perdua iha sira-nia moris.

Apóstolu Paulo mós esplika kona-ba sinál loron ikus nian. Nia dehan katak ema sei hadomi sira-nia an de'it, hadomi osan, foti-an, la hatene agradese, la moris santu, la kontrola an, no hadomi ksolok liu fali hadomi Maromak (2 Timoteo 3: 1-5). Kuandu ema hadomi liu sira-nia an duke Maromak, sira-nia domin ba ema seluk sai malirin. 

Maibé Jesus lakohi ema kristaun sira halo tuir hahalok mundu ne'e nian. Nia haruka ita atu kontinua hadomi Maromak no hadomi ita-nia maluk sira (Mateus 22:37-39). Maski ema seluk la hatudu hahalok-di'ak, ita hetan xamada atu fó perdua, ajuda ema ne'ebé presiza, no halo orasaun ba ita-nia inimigu (Mateu 5:44). 

Oinsá mak ita bele hasees an husi ita-nia domin sai malirin? Hakbesik nafatin ba Jesus Loron-loron. Lee Biblia. Halo orasaun beibeik. Husu Espíritu Santu atu hakonu Ita-nia laran ho Maromak Nia domin. Kuandu ita besik liu ba Jesus, ita-nia domin ba Maromak no ba ema sei sai manas liután. 

Ohin loron, husu ba ita-nia an: "serake hau-nia domin ba Maromak sai boot liután ka sai malirin liután?" Keta husik mundu ne'e nia espíritu muda ita-nia laran. Husik Jesus hakonu ita-nia moris ho Ninia domin.

Bainhira ita mantein fiél nafatin ba Kristu iha loron ikus sira-ne'e, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu lke, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Tanbasá mak ema barak hili dalan ne'ebé luan?

Tama liu hosi odamatan kloot. Tanba odamatan luan no dalan boot sei lori ema ba mate, no ema barak tama liu hosi dalan ida ne'e. Maibé odamatan kloot no dalan kloot sei lori ema ba moris, no ema uitoan deit mak hetan dalan ida nee. Mateus 7:13-14 BK 

                                Mateus 7:13

Jesus hatete katak iha dalan rua iha ita-nia moris. Ida mak dalan ne'ebé luan, no ida seluk mak dalan kloot. Dalan ne'ebé luan fasil liu atu la'o tuir, no ema barak hili dalan ne'e. Dalan ne'ebé klot mak susar liu atu la'o ba, no ema uitoan de'it mak hili dalan ne'e. Maibé iha diferensa boot entre dalan rua ne'e. Dalan ne'ebé luan lori ema ba destruisaun, maibé dalan ne'ebé klot lori ema ba moris rohan-laek. 

Tanbasá mak ema barak hili dalan ne'ebé luan? 

Razaun ida mak fasil liu. Ema gosta halo buat saida de'it konformi sira-nia hakarak. Sira lakohi ema ida atu fó-hatene sira saida mak loos ka sala. Sira la'o tuir ema-lubun duke tuir Jesus. 

Razaun seluk tan mak ema barak hadomi liu buat sira iha mundu ne'e duke sira hadomi Maromak. Sira okupadu los buka osan, buka ksolok, ka popularidade. Karik buat sira-ne'e haree hanesan buat di'ak ba tempu badak, maibé sira labele fó moris rohan-laek. 

Ema balu mós hili dalan ne'ebé luan tanba sira nunka uza tempu atu lee Biblia. Sira halo tuir ema nia ideia, tradisaun família nian, ka buat ne'ebé ema seluk hatete ba sira duke aprende buat ne'ebé Maromak dehan iha sagrada Eskritura. Jesus hakarak ita atu hatene no halo tuir Ninia Liafuan iha Biblia. 

Dalan klot la populár, maibé dalan ne'e mak seguru liu. Ne'e mak dalan fiar nian, obedese, orasaun, no la'o hamutuk ho Jesus loroloron. Dala ruma susar atu halo ida ne'e, maibé Jesus promete atu la'o hamutuk ho ita iha dalan hotu. Nia fó forsa mai ita kuandu ita-nia dalan susar. 

Liafuan di'ak mak ne'e: ema hotu bele hili dalan klot. La prekupa buat aat saida de'it ne'ebé ita halo ona iha pasadu. Se ita arrepende an, fiar ba Jesus, no la'o tuir Nia, Nia sei lori ita ba moris rohan-laek. 

Ohin loron, husu ba ita-nia an: "Hau la'o iha dalan ida ne'ebé?" Keta la'o tuir ema-lubun. La'o tuir Jesus. Nia mesak de'it mak bele lori ita ba lalehan. 

Hili dalan kloot ohin. Karik dalan ne'e la'ós dalan ne'ebé fasil liu, maibé dalan ne'e lori ita ba moris rohan-laek. 

Bainhira ita hili atu la'o tuir Jesus duke ema-lubun, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak sei moris hi'as iha loron resuresaun?

Jesus hatete: "La iha ema ida bele mai iha Hau, só deit Aman, ne'ebé haruka ona Ha'u, mak dada nia. No Ha'u sei halo nia moris hi'as iha loron ikus". João 6:44

                                  João 6:44

Mate mak buat ne'ebé triste liu iha ita-nia moris. Kuaze ema hotu lakon ona ema ne'ebé sira hadomi. Maibé Biblia fó esperansa furak mai ita. Jesus promete katak sei iha loron moris-hias nian, bainhira nia sei fó moris-hias ba ema sira ne'ebé mate ona. 

Maibé Se mak sei moris hi'as fali iha loron resuresaun ne'e? 

Iha João 6:44, Jesus hatete katak sira ne'ebé mai ba Nia no simu Nia sei moris hi'as fali iha loron ikus. Ne'e katak ema hotu ne'ebé tau fiar ba Jesus no la'o tuir Nia sei la hela iha rate laran ba nafatin. 

Iha Joao 14: 1-3, Jesus fó promesa furak ida tan. Nia hatete: "... Ha'u bá no prepara fatin ba imi, Ha'u sei mai fali, no lori imi ba Ha'u-nia fatin. Nune'e iha fatin ne'ebé Ha'u hela, imi mós bele hela iha ne'eba." Jesus prepara hela uma ba Ninia povu, no loron ida Nia sei fila fali mai hodi lori sira ba ne'ebá. 

Apóstolu Paulo esplika saida mak sei akontese bainhira Jesus fila fali mai ba daruak. Iha 1 Tesalonika 4: 16-17, nia hatete katak "Nai rasik sei tuun mai hosi lalehan ho lian maka'as, ho lian hosi anju boot, no ho lian hosi Maromak Nia korneta. No sira ne'ebé mate iha Kristu sei moris hias uluk. Depois ita ne'ebé sei moris hela sei sae ba hamutuk ho sira iha kalohan laran hodi hasoru Nai iha loro leten. No ita sei hamutuk nafatin ho Nai." Ema fiar-na'in sira ne'ebé mate ona ne'ebé tau fiar ba Maromak sei sai husi sira-nia rate. Tuirmai ema sira ne'ebé fiar ba Kristu ne'ebé sei moris momentu Jesus mai, sei hamutuk ho sira ne'ebé foin moris hi'as sei sa'e hamutuk hasoru Nai iha kalohan. 

Paulo mós hatete iha 1 Korinto 15 katak ita-nia isin-lolon moris-hias nian sei la hanesan ho ita-nia isin-lolon ohin loron nian. Ohin loron ita-nia isin hetan moras, sai ferik-katuas no mate. Maibé kuandu Jesus mai fali no fó moris-hias ona ba Ninia ema fiar-na'in hotu, sira sei simu isin foun ne'ebé sei nunka moras, nunka sai ferik-katuas, no nunka mate tan. 

Moris hi'as ka resuresaun ne'e la bazeia ba ita-nia riku-soin, popularidade, ka podér. Maibé ida-ne'e bazeia de'it ba relasaun di'ak ho Jesus Kristu. Sira ne'ebé simu ona Ninia salvasaun no fiél nafatin ba Nia, sira sei hetan promesa kona-ba moris rohan-laek nian. 

Ne'e mak esperansa furak tebes! Rate mak la'os rohan ba ema fiar-na'in sira. Jesus manán mate, no tanba Nia moris hi'as ona, ema ne'ebé tau fiar ba Nia mós sei moris fali bainhira Nia mai fali ba daruak. 

Ohin loron, tau fiar ba Jesus. Halo tuir Jesus loroloron no kaer metin ba Ninia promesa sira. Se ita halo nune'e, ita bele haree ba oin, ba loron gloriozu, loron moris-hias nian, ne'ebé furak bainhira Kristu fila fali mai.

Bainhira ita hein hela ba loron furak ne'e, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La'o tuir Bibi-Oan

Tanba Bibi Oan ne'ebé iha kadunan sei hein sira, no Nia sei lori sira ba bee matan moris, no Maromak sei hamaran matan been hotu hosi sira nia matan. Apokalipse 7:17 BK 

                            Apokalipse 7:17

Livru Apokalipse dala barak bolu Jesus nu'udar "Bibi-Oan". Ida-ne'e fó-hanoin ita katak Jesus mak Maromak Nia Bibi-Oan ne'ebé fó Ninia moris atu salva ita husi sala. Tanba Nia sakrifika an ba ita, Nia merese duni hetan ita-nia domin, fiar no obedese. 

Iha Apokalipse 7:17, ita haree dezeñu furak ida kona-ba futuru. Jesus, Bibi-Oan, mak dirije Ninia povu hanesan bibi-atan ida. Nia dirije sira atu hetan bee moris nian, ne'ebé reprezenta moris rohan-laek, ksolok no dame. Nia tau matan ba Ninia povu no nunka husik sira mesak. 

Tuir Bibi-Oan signifika saida? Ne'e katak hili atu la'o tuir Jesus loroloron. Ne'e katak rona Ninia lian liuhusi Biblia, tau fiar ba Nia iha tempu susar, no halo tuir Ninia hanorin sira. Bainhira João Batista hatudu ba Jesus no hatete: "Haree ba, Maromak Nia Bibi-Oan!", Ninia dixipulu nain-rua la'o tuir kedas Jesus (João 1:36-37). Sira husik sira-nia dalan tuan no hili atu la'o hamutuk ho Jesus. 

Apokalipse 14: 4 hatete katak Maromak Nia ema sira ne'ebé fiél mak "sira ne'ebé la'o tuir Bibi-Oan iha fatin ne'ebé de'it Nia ba". Sira la'ós tuir Jesus bainhira tempu fasil de'it, maibé mós bainhira tempu susar. Sira tau fiar kompletamente ba Maromak. 

Loron ida, ema hotu ne'ebé tuir Bibi-Oan sei simu premiu furak ida. Apokalipse 21: 4 promete katak Maromak sei hamaran matan-been hotu. Sei la iha tan mate, triste, tanis, ka moras. Isaias 25: 8 hatete katak Maromak sei tolan mate eternamente. Sofrementu hotu iha mundu ne'e sei remata 

Bibi-oan ne'ebé mate tanba ita mós sai ita-nia Liurai ne'ebé hetan vitória. Apokalipse 5:12 hatete katak Jesus merese simu kbiit, rikusoin, matenek, forsa, onra, glória no bénsaun. 

Ksolok boot liu iha Lalehan mak haree Jesus Nia oin. Apokalipse 22: 4 hatete: "Sira sei haree Ninia oin." Hanoin to'ok kona-ba hasoru salvadór ne'ebé hadomi Ita, mate tanba Ita, no dirije ita iha Ita-nia moris tomak. 

Ohin loron, hili atu la'o tuir Bibi-Oan. La'o hamutuk ho nia ho fiar, tau fiar ba ninia matadalan, no halo tuir ninia Liafuan sira. Dala ruma dalan ne'ebe ita liu la fasil, maibé dalan ne'e lori ba moris rohan-laek. 

Bainhira ita ho fiél la'o tuir Bibi-Oan iha fatin ne'ebé de'it nia lori ita ba, ita kontinua la'o iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak relijiaun ne'ebé loos?

Relijiaun ne'ebé mós no la fo'er iha Aman Maromak Nia oin mak ne'e: atu tau matan ba oan kiak no feto faluk iha sira nia terus, no kuidadu aan katak ita la sai fo'er hosi mundu. Tiago 1:27 BK

                              Tiago 1:27

Kuandu ema rona liafuan "relijiaun," sira hanoin kona-ba relijiaun kristaun, Islam, Budizmu, Induizmu, ka relijiaun seluk. Maibé tuir Biblia, relijiaun ne'ebé loos la'ós de'it partensi ba organizasaun relijiaun ida. Relijiaun ne'ebé loos mak dalan moris nian ne'ebé refleta Maromak Nia karakter.

Tiago 1:27 hatete: "Relijiaun ne'ebé mós no la fo'er iha Aman Maromak Nia oin mak ne'e: atu tau matan ba oan kiak no feto faluk iha sira nia terus, no kuidadu aan katak ita la sai fo'er hosi mundu" 

Tuir versíkulu ne'e, relijiaun loos iha parte importante rua. Primeiru, hatudu domin no laran-di'ak ba ema ne'ebé presiza. Segundu, nia buka moris ne'ebé moos no loos hodi fó onra ba Maromak. 

Iha Biblia laran tomak, Maromak sempre prekupa liu kona-ba kondisaun ema nia laran duke kona-ba label relijiaun nian. Porezemplu, iha Jesus Nia tempu, ulun-nain relijiaun sira hatene versikulu barak husi Biblia no observa tradisaun barak, maibé Jesus hatete katak sira balu fó hahi'i ba Maromak ho sira-nia ibun-tutun de'it no sira-nia laran dook husi Nia (Mateus 15: 8-9). 

Jesus mós hanorin katak ukun-fuan ne'ebé boot liu mak hadomi Maromak ho ita-nia laran tomak no hadomi ita-nia maluk hanesan ita-nia an rasik (Markus 12: 30-31). Relijiaun ida-ne'ebé la hanorin ema atu hadomi Maromak no hadomi ema seluk lakon buat ne'ebé importante liu. Ita hadomi Maromak liuhosi halo tuir Ninia mandamentu sira (João 14:15).

Bíblia hanorin katak Maromak Nia Liafuan mak lia-loos (João 17:17). Tan ne'e, relijiaun ne'ebé loos tenke bazeia ba Biblia, la'ós de'it bazeia ba ema nia opiniaun, tradisaun ka sentimentu. Ema barak hatete: "Hau hanoin katak ida-ne'e loos," ka "Hau-nia tradisaun hanorin ida-ne'e." Maibé pergunta ne'ebé loos mak: "saida mak Biblia hatete?" 

Fiar na'in sira iha Berea hetan hahi'i tanba sira peskiza eskritura loroloron hodi haree serake hanorin ne'ebé sira rona ne'e loos ka lae (Apostolu 17: 11). Maromak mós hakarak ita atu halo hanesan ne'e. 

Relijiaun ne'ebé loos sei lori ema ba Jesus Kristu, hanorin ema atu halo tuir Maromak Nia Liafuan, fó korajen ba ema atu hadomi ema seluk, no prepara ema ba moris rohan-laek. Relijiaun ida-ne'ebé loos, sei la aumenta ka hamenus Maromak Nia Liafuan (Deuteronomio 4: 2). 

Tan ne'e, pergunta importante liu mak la'os: "Hau partensi ba relijiaun saida?" maibé "Serake ha'u halo tuir ona hanorin husi Maromak Nia Liafuan no halo tuir Jesus Nia ezemplu?." 

Ohin loron, mai ita loke ita-nia Biblia, aprende lia-loos husi Maromak Nia Lia-fuan , no halo tuir Jesus ho laran tomak. Kuandu ita harii ita-nia fiar bazeia ba Maromak nia Liafuan no ita moris ho domin no obedese, ita halo tuir relijiaun ne'ebé loos ne'ebé halo Maromak kontente. 

Kuandu ita halo tuir Kristu no Ninia Liafuan loroloron, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Isin-lolon saida mak ita sei hetan depoisde moris-hias hosi mate?

Buat ne'ebé kuda ho isin naturais, moris hias ho isin espirituál. Iha isin naturais, no mos iha isin espirituál. 1 Korinto 15:44 BK 

Eskritura referensia: 1 Korinto 15: 35-49 

                            1 Korinto 15:44

Jesus dehan katak Nia sei fila fali mai ba mundu ida ne'e (João 14:1-3). Bainhira Nia mai fali sira ne'ebé mate ona iha Kristu sei moris hi'as no sira ne'ebé sei moris (moris iha Kristu) momentu Jesus mai fali sei hiit an ba hasoru Nai iha kalohan leten (Lee 1 Tesalonika 4:16-17).

Mazumenus isin-lolon modelu saida mak Maromak sei fo ba sira ne'ebé moris hi'as fali hosi mate no sira ne'ebé sei moris ne'ebé isin nakfilak an ba isin imortal? Biblia fo resposta ne'ebé furak ne'ebé nakonu ho esperansa.

Iha 1 Korinto 15: 35-49, Paulo kompara moris-hias nu'udar kuda fini ida. Kuandu fini ida kuda ba rai, banhira nia moris mai la haree ezatamente hanesan ho fini ne'ebé kuda ona. Fini ne'e krexe sai buat foun ida no haree furak liu. Nune'e mós bainhira ema fiar-na'in ida mate, ema hakoi ninia isin, maibé Maromak sei halo moris fali bainhira nia mai fali ba dala rua no halo isin ne'ebé foun no furak liu.

Ita-nia isin-lolon ne'ebé ita iha agora, hosi loron ba loron sei sai fraku, sai tuan (ferik-katuas), moras, no ikusmai mate. Ita esperiensia moras, kole no terus. Maibé isin-lolon ne'ebé Kristu fo depoisde moris-hias fali sei diferente. 

Paulo hatete katak isin-lolon ne'e kuda ho korrupsaun maibé moris fali la ho korrupsaun. Ne'e katak ita-nia isin-lolon foun sei nunka sai ferik-katuas, nunka moras, no nunka mate tan. Mate-isin bainhira hakoi sei dodok no fraku maibé sei moris hi'as ho glória no podér. (1 Korinto 15: 42-43). 

Jesus rasik mak sai ita-nia ezemplu. Kuandu Jesus moris hi'as fali, Nia iha isin ne'ebé reál ne'ebé ema bele haree no kaer, maibé la limita ona ho fraku sira iha mundu ne'e nian. Kuandu Maromak Nia emar sira moris hi'as fali, sira sei simu isin hanesan Kristu Nia isin ne'ebé glória. 

Versíkulu 49 hatete: "No hanesan ita iha ilas tuir ona mane ida nebee hosi rai rahun, ita sei iha ilas tuir Mane ida nebee hosi lalehan". 1 Korinto 15:49. Ohin loron, ita lori ilas Adão nian, ne'ebé afeta husi sala no mate. Maibé kuandu Jesus fila fali mai, ita sei lori Kristu Nia ilas iha isin ne'ebé perfeitu no la mate.

Ida-ne'e mak liafuan furak ba ema ne'ebé sofre tamba moras, diasabilidade, kanek, ka efeitu husi idozu (ferik-katuas). Maromak promete katak susar no terus sira-ne'e sei la permanese. Loron ne'ebé di'ak liu sei mai. 

Tanba Jesus manán mate, rate la'ós rohan ba ema ne'ebé tau fiar ba Nia. Bainhira Kristu fila fali mai, Nia sei bolu Ninia povu ne'ebé fiél husi sira-nia rate laran (Joao 5:28-29) no fó isin foun ne'ebé merese ba moris rohan-laek nian. 

Ohin, mai ita tau ita-nia esperansa ba Jesus no Ninia promesa kona-ba moris-hias nian. Isin ne'ebé ita iha agora temporáriu de'it, maibé isin ne'ebé Maromak sei fó depoisde resuresaun perfeitu no dura ba nafatin. 

Maibé antes too iha momentu resuresaun no gloriozu ne'e, mai ita kontinua la'o ho fiél iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se Adão no Eva nia oan kain no Abel de'it, oinsá mak jerasaun bele kontinua to'o ohin loron?

Adão toba ho ninia feen Eva, no Eva sai isin rua. Eva tuur ahi hetan Kaín no dehan, “Hau hetan mane ida hosi Nai.” Depois nia tuur ahi hetan Kaín nia alin, Abel. Abel hein bibi, maibee Kaín fila rai. Jénesis 4:1-2 BK 

                               Jénesis 4:1-2

Ema barak husu: "Biblia temi kona-ba Kain no Abel, Adão no Eva nia oan-mane nain-rua. Se sira iha de'it oan-mane nain-rua, ema hotu iha mundu mai husi ne'ebé? 

Resposta ba pergunta ne'e mak simples hela: Adão no Eva iha oan barak liu tan depoisde Kain no Abel.

Iha Jenesis 5: 4 Biblia hatete: "Liu tiha ne'e, bainhira nia hetan ona Set, Adão moris tan tinan atus ualu (800), no nia hetan tan oan mane no oan feto sira". Bíblia fó-hatene de'it kona-ba Kaimln, Abel no Set tanba sira mak importante ba istória Biblia nian, maibé realidade Adão no Eva mós iha oan-mane no oan-feto barak seluk. 

Bainhira Kain oho Abel, Maromak fó oan-mane ida tan naran Seth ba Adão no Eva (Genesis 4:25). Bainhira tinan barak liu tiha, Adão nia família sai boot liután. Iha tempu ne'ebá, Adão no Eva nia oan sira kaben ho sira-nia maun-alin, alin-feto, ka família ne'ebé besik tanba la iha família seluk iha mundu. Maromak husik ida-ne'e akontese iha tempu ne'eba tanba sira mak ema dahuluk moris iha mundu. 

Bíblia hanorin katak ema hotu iha mundu mai husi família ida de'it. Apostolu 17:26 hatete "No hosi ema ida deit Nia halo nasaun hotu atu hela iha mundu tomak. No Nia desidi sira nia tempu no fatin nebee sira hela" Ne'e katak ema hotu ne'ebé nakonu iha mundu ne'e mai husi familia ida de'it. 

Bíblia mós hanorin katak Eva mak "inan ba buat moris hotu nian" (Jenesis 3: 20). Ema hotu ne'ebé moris ona iha mundu bele trasa sira-nia família nia istória fila ba tempu Adão no Eva nian. 

Tanbasá mak ida-ne'e importante? Tanba ida-ne'e fó-hanoin ita katak ema hotu equal ka hanesan iha Maromak nia oin. Karik ita iha língua, kultura,kor no nasaun oioin, maibé ita hotu partensi ba família ida de'it. Importante liu mak ita hotu presiza Jesus Kristu ne'ebé hanesan, ita-nia Salvador. 

Roma 3:23 hatete: "Tanba ema hotu halo ona sala no lakon ona Maromak Nia glória." Tanba ita hotu mai husi familia ne'ebé hanesan, ita hotu presiza Maromak Nia perdua no salvasaun. 

Ohin loron, hanoin-ba katak Maromak kria ema hotu no hadomi ema hotu. Liuhusi Jesus, ema husi nasaun hotu bele hola parte ba Maromak Nia família. 

Nu'udar membru hosi família ida-ne'ebé hetan konvite atu sai Maromak Nia familia liuhusi Kristu, ita kontinua la'o hamutuk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se sala nia rezultadu mak mate, tanbasá mak bebé sira mate, serake sira mós sala-na'in?

Tanba sala nia kolen mak mate, maibé Maromak Nia prezenti mak moris rohan-laek iha ita-nia Nai Kristu Jesus. Roma 6:23 BK 

                               Roma 6:23

Ema barak husu: "Se mate mai tanba sala, tanbasá mak bebé sira mate? Serake sira halo ona sala? 

Bíblia hanorin katak mate tama mai iha mundu tanba Adão no Eva nia sala. Antes sala tama iha mundu, la iha mate. Roma 5: 12 hatete katak sala tama ba mundu liuhusi ema ida deit, no mate mai liuhusi sala. 

Bebé sira la mate tanba sira halo sala barak. Sira mate tanba sira moris iha mundu ne'ebé sala estraga ona. Husi tempu ne'ebé Adão monu ba sala, ema hotu moris mai iha mundu ne'e nakonu ho moras, terus, asidente no mate. 

Liurai David hatete: "Tebes, ha'u moris mai iha sala nia laran kedas, hau iha sala ona bainhira hau iha ha'u-nia inan nia kanotak. Salmu 51:5. Ne'e katak ema hotu moris mai ho natureza sala-na'in. Ita la presiza hanorin oan kiik sira oinsa atu egois ka hanoin an de'it ka la obedese, sira moris mai ho natureza ne'e kedas. Natureza sala na'in ne'e hola parte iha ema ida-idak nia moris bainhira sala tama ona ba mundu. 

Maibé Biblia mós hatudu katak Jesus hadomi tebes labarik sira. Nia hatete: “Husik labarik kiik-oan sira hakbesik mai Hau, no keta bandu sira. Tanba reinu lalehan mak sira nian.” Marcos 10:14. Jesus nunka duni labarik sira. Nia simu sira no haraik bénsaun ba sira. 

Kuandu bebé ida mate, ita bele tau fiar ba Maromak Nia domin no laran-sadi'a. Tamba Maromak ne'e justu, laran-di'ak, no domin na'in. Nia komprende saida mak bebé sira la bele komprende. Ita bele husik sira ho seguru iha Maromak Nia futar liman. 

Bebé ida ne'ebé mate, fó-hanoin ita katak sala ka pekadu ne'e sériu tebes. Sala lori ona terus no mate ba mundu tomak. Maibé liafuan di'ak mak ne'e: Jesus mai atu salva ita husi sala no mate. 

Loron ida Jesus sei fila fali mai (João 14:1-3). No bainhira nia fila fali mai, Apokalipse 21: 4 hatete katak sei la iha tan mate, triste, tanis, ka moras. Maromak sei halo buat hotu foun. 

Maibé molok to'o iha loron ne'eba, ita tau fiar ba Maromak Nia domin. Ita hatene katak Jesus tau matan ba labarik hotu. Tanba Jesus nia sakrifísiu, mate la'ós rohan. Iha esperansa ba moris rohan-laek no ba futuru ne'ebé furak ho Maromak. 

Bainhira ita tau fiar ba Jesus, ne'ebé manán sala no mate, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Salvador ne'ebé harohan mai ita

“Simão, Simão, tebes, Satanás hakarak hetan ó hodi nia bele peneira ó hanesan trigu. Maibé Ha'u halo orasaun ona kona ba ó, hodi ó-nia fiar la bele lakon. No bainhira ó fila fali, hametin ó-nia maluk sira.” Lucas 22:31-32 BK 

                       Lucas 22:31-32 

Antes Jesus ema prega ba krús, nia ko'alia liafuan balu ne'ebé fó komfortu ba Pedro. Jesus hatete: "Simão, Simão, tebes, Satanás hakarak hetan ó hodi nia bele peneira ó hanesan trigu. Maibé Ha'u halo orasaun ona kona ba ó, hodi ó-nia fiar la bele lakon" (Lukas 22:31–32).

Apóstolu Pedro mak Jesus Nia dixipulu ida-ne'ebé besik liu ba Jesus. Pedro hadomi Jesus, maibé nia la perfeitu. Lakleur tan, Pedro sei nega Jesus dala tolu. Jesus hatene katak Pedro sei falla, maibé Nia la rejeita Pedro. Duke halo nune'e, Jesus halo orasaun ba nia. 

Ita iha salvadór ida ne'ebé furak tebes! Jesus haree Pedro nia fraku, ninia falla, no ninia arrependementu iha futuru. Antes Pedro monu, Jesus halo ona orasaun ba nia. 

Liafuan di'ak mak ne'e: Jesus la'ós de'it halo orasaun ba Pedro, maibé Nia mós halo orasaun ba ita. Ita hotu hasoru tentasaun, luta, desapontadu, no funu espirituál sira. Dala ruma ita falla. Dala ruma ita sente fraku no deskorajen. Satanás hakarak ita atu rende atu halo tuir Maromak, hanesan saida mak nia halo ba Pedro. Maibé Jesus la haluha ita. 

Bíblia hatete katak Jesus mak ita-nia advogadu no ita-nia mediador ba Aman Maromak. Nia komprende ita-nia luta sira tanba Nia moris iha mundu no hasoru tentasaun. Nia hatene ita-nia ta'uk, ita-nia fraku no ita-nia presiza. 

Nota katak, Jesus la halo orasaun atu Pedro nunka hasoru susar. Maibé, Nia halo orasaun atu Pedro nia fé labele falla. Maromak la sempre halakon susar hotu iha ita-nia moris, maibé Nia fó forsa mai ita atu tahan susar sira-ne'e. Maski ita sidi, maibé Ninia grasa bele halo ita hiit an fali. 

Hafoinde Pedro arrepende an, nia sai nu'udar lider ida ne'ebé forte hodi ajuda ema barak lao tuir Kristu. Salvadór ne'ebé hanesan ne'ebé restaura Pedro, Nia mós bele restaura fali ita. La iha falla ida mak boot liu fali Maromak Nia laran-sadi'a.

Ohin loron, se ita sente fraku, hanoin-ba katak Jesus halo orasaun ba ita. Se ita monu ona karik, fila fali ba Nia. Se ita hasoru susar ruma karik, tau fiar ba Ninia forsa. Ita-nia Salvador la rende atu ajuda ita. 

Bainhira ita kontinua tau fiar ba ita-nia Salvador ne'ebé kontinua halo orasaun ba ita, ita-nia fé sai forte liután no ita kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ita hatene duni Maromak sein Biblia?

Jesus halo orasaun ba Aman hodi dehan: "Halo sira santu liu hosi lia loos. Ó-nia liafuan mak lia-loos" (João 17:17). Liafuan ne'e fó-hanoin ita katak Biblia mak baze atu hatene Maromak no komprende ninia lia-loos. 

                                   João 17:17

Ohin loron, ema barak dehan: "Hau hatene Maromak," maibé sira nunka ka kuaze la loke sira-nia Biblia ka uza tempu atu estuda Ninia Liafuan. Se ema ida la lee no estuda Biblia, sira-nia fiar bazeia de'it ba sira-nia hanoin ka opiniaun rasik, tradisaun, sentimentu, ka lojika de'it. Maibé, ita-nia hanoin, opiniaun no tradisaun la sempre hanesan ho Maromak Nia lia-loos. Se ita la ezamina ita-nia fiar liuhusi Eskritura, ita bele halo tuir ita-nia ideia no hanoin rasik duke hanorin husi Maromak. 

Jesus alerta kona-ba perigu ne'e bainhira nia hatete: "Sira adora Hau saugati deit,

tanba sira hanorin ema nia ukun fuan sira nudar doutrina.’Mateus 15:9. Iha tempu ne'ebá no mós tempu agora, ulun-nain relijiaun sira hatene tradisaun barak, maibé balu tau ema nia hanorin aas liu fali Maromak Nia Liafuan. 

Maromak hakarak Ninia povu estuda Biblia rasik ho kuidadu, labele fiar de'it saida mak ema ko'alia. Biblia hatete katak Ema Berea sira ne'e matenek " Tanba sira simu liafuan ne'e ho neon prontu. Loro-loron sira buka hatene iha Eskritura sira atu haree se liafuan ne'e loos ka lae" Apostolu 17:11. Sira la simu de'it hanorin ida tanba ema ida dehan hanorin ne'e ba sira, maibé sira ezamina buat hotu tuir Maromak Nia Liafuan. 

Maromak mós fó avizu mai ita atu labele aumenta ka hamenus Maromak Nia Liafuan. Deuteronomio 4: 2 hatete: "Keta aumenta liafuan ne'ebé Ha'u manda ba imi, no keta hamenus liafuan ne'e. Nune'e imi bele halo tuir ukun fuan sira hosi Nai, imi Nia Maromak, ne'ebé Ha'u manda ba imi" Deuteronómiu 4:2. Nune'e mós, Apokalipse 22:18-19 fó avizu sériu atu labele troka Maromak Nia liafuan. 

Apóstolu Paulo fó korajen ba ema kristaun sira atu fahe lia-loos ba malu ho loloos (2 Timóteo 2:15). Ida-ne'e katak ita presiza estuda didi'ak no komprende didi'ak Biblia iha dalan ne'ebé loos tuir nia kontekstu. 

Hatene Maromak la hanesan ho hatene Maromak ho loloos. Ita hatene Maromak personalmente, kuandu ita rona Ninia lian liuhusi Ninia sagrada Eskritura, halo tuir Ninia hanorin sira, no husik Ninia lia-loos transforma ita-nia moris. 

Mai ita sai ema kristaun la'os de'it ho naran ka depende de'it ba saida mak ema seluk hatete. Mai ita loke Biblia loroloron, halo orasaun husu Espíritu Santu atu dirije ita, no buka Maromak Nia lia-loos ho haraik-an. 

Bainhira ita hatene Maromak liuhusi Ninia sagrada Eskritura no halo tuir Ninia lia-loos ho fiél, ita kontinua la'o ho seguru iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak ita presiza lee Biblia?

Maromak huu sai Eskritura hotu, no Eskritura ne'e fó benefísiu hodi hanorin, hatudu sala, koriji no fó treiñu iha moris loos, 2 Timóteo 3:16 BK 

                            2 Timóteo 3:16

Bíblia la'ós livru baibain ida. Bíblia la'ós de'it kolesaun istória ne'ebé ema hakerek ho sira-nia matenek. Bíblia mak Maromak Nia Liafuan. Hanesan 2 Timoteo 3: 16 hatete:"Maromak huu sai Eskritura hotu, no Eskritura ne'e fó benefísiu hodi hanorin, hatudu sala, koriji no fó treiñu iha moris loos". Liuhusi Biblia, Maromak ko'alia ba ita, hanorin ita, korrije ita, no dirije ita iha dalan ne'ebé loos. 

Ema barak hakarak rona Maromak ko'alia diretamente ba sira. Lia-loos ne'ebé furak mak Maromak sei ko'alia nafatin ohin loron liuhusi Ninia Liafuan. Kuandu ita loke Biblia ho haraik-an no halo orasaun, ita loke ita-nia laran atu rona ita-nia Kriador nia lian. Bíblia fó sai Maromak Nia karakter, Ninia domin, Ninia promesa, Ninia avizu sira, no Ninia planu atu salva ita liuhusi Jesus Kristu. 

Hanesan ita-nia isin presiza hahán loroloron atu nafatin saudavél, ita-nia klamar mós presiza ai-han espirituál husi Maromak Nia Liafuan. Ema ne'ebé ignora Biblia espiritualmente sei sai fraku, fasil atu sente deskorajen no bele vulneravél ba tentasaun. Maibé ema ne'ebé estuda Biblia beibeik sei hetan matenek, forsa, komfortu, no matadalan ba moris loroloron nian. 

Lee Biblia la'ós de'it devér ka toman ida. Maibé lee Biblia mak oportunidade ida atu gasta tempu hamutuk ho Maromak personalmente. Kada versíkulu iha kbiit atu muda ita-nia hanoin, forma ita-nia karakter, no halo ita hakbesik liután ba Kristu. Kuandu ita hatene liután Maromak liuhusi Ninia Liafuan, ita sei hadomi liután Nia no hakarak atu halo tuir Ninia hakarak sira. 

Iha mundu ne'ebé nakonu ho barullu, ita presiza gasta tempu atu rona ba lian ne'ebé importante liu - mak Maromak Nia lian liuhusi Eskritura. Keta husik loron ida liu leet de'it, sein uza tempu balu atu lee no refleta kona-ba Maromak Nia Liafuan. 

Ohin loron, haka'as an atu loke ita-nia Biblia loroloron. Lee ho neineik, halo orasaun kona-ba mensajen ne'ebé ita lee, no husu Maromak atu ajuda ita obedese ba buat ne'ebé Nia hanorin ita. 

Kuandu ita rona Maromak Nia lian liuhusi Biblia no husik Ninia Liafuan transforma ita-nia moris, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mak ita bele hela iha Kristu iha ita-nia moris loroloron?

Jesus hatete: "Se imi hela iha Ha'u, no Ha'u-nia liafuan hela iha imi, imi bele husu saida de'it neʼebé imi hakarak, no ida ne'e sei halo ba imi" João 15:7 BK. Iha versíkulu ne'e, Jesus uza ai-knanoik kona-ba ramu uvas ida-ne'ebé iha ligasaun ho uvas-hun. Hanesan ramu/sanak ida hetan moris no forsa husi uvas-hun, ita mós hetan moris espirituál no forsa bainhira ita nafatin iha ligasaun ho Kristu. 

                                  João 15:7

Maibé oinsá mak ita bele hela iha Kristu iha ita-nia moris loroloron nian? 

Ulukliu, ita hela iha Kristu liuhosi gasta tempu ho Nia loroloron liuhusi orasaun. Orasaun la'ós de'it atu husu Maromak buat ruma, maibé iha orasaun ita ko'alia ho Nia nu'udar belun di'ak ida. Iha relasaun ne'ebé di'ak, presiza komunikasaun regular no ita-nia relasaun ho Jesus krexe, kuandu ita mantein ko'alia ho Nia durante ita-nia atividade loron-loron nian. 

Segundu, ita hela iha Kristu liuhusi permiti Ninia Liafuan moris iha ita-nia laran. Jesus hatete: "Hau-nia liafuan hela iha imi." Ita presiza lee Biblia, medita Ninia hanorin sira, no aplika lisaun sira-ne'e iha ita-nia desizaun loroloron nian. Maromak Nia Liafuan fó matadalan mai ita kuandu ita konfundi no fó forsa mai ita kuandu ita hetan tentasaun. 

Terseiru, ita hela iha Kristu liuhusi obedese ka halo tuir Ninia hanorin sira. La to'o atu hatene de'it saida mak Jesus hanorin; ita tenke aplika Ninia liafuan sira. Kada desizaun hotu ne'ebé ita halo atu hatudu onestidade, laran-di'ak, fó perdua, pasiénsia, no domin mak evidensia katak Kristu moris iha ita-nia laran. 

Ba dala haat, ita hela iha Kristu liuhusi depende ba Nia iha situasaun hotu. Maski ita serbisu, estuda, tau matan ba ita-nia família, ka hasoru susar ruma, ita bele konvida Jesus atu hola parte iha ita-nia moris tomak. Moris ema kristaun nian la'ós de'it kona-ba adorasaun iha loron dahitu ka Sabadu, maibé kona-ba la'o hamutuk ho Kristu iha momentu hotu hosi loron ba loron. 

Ikusmai, hela iha Kristu rekere haketak buat ne'ebé separa ita husi Maromak. Buat ne'ebé haketak ita husi Maromak mak hanesan sala ne'ebé ita la konfesa, toman aat, no atividade sira hanesan asesu sosiál media ne'ebé foti ita-nia tempu tomak no halo ita la iha tempu atu hamutuk ho Maromak. 

Hela iha Kristu la'ós esperiénsia dala ida de'it, maibé desizaun loroloron nian. Bainhira ita nafatin iha ligasaun ho Jesus liuhusi orasaun, estuda Biblia, fé, no halo tuir Ninia hanorin sira, Nia transforma ita-nia hahalok/karakter no fó fuan espirituál ba ita. Fuan espiritu nian ita bele lee iha Galasia 5:22-23

Bainhira ita hili loron-loron atu hela iha Kristu, ita krexe liután iha Ninia grasa no kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá haburas grasa no koñesimentu kona-ba ba Nai iha ita-nia moris?

Maibé haburas ba iha grasa no iha koñesimentu kona-ba ita-nia Nai no Salvadór Jesus Kristu. Glória ba Nia agora no to'o tinan ba tinan. Amén. 2 Pedro 3:18

                             2 Pedro 3:18

Moris kristaun nian mak viajen ne'ebé kontinua krexe. Apóstolu Pedro fó korajen ba ema kristaun sira hodi hatete: "Haburas ba iha grasa no iha koñesimentu kona-ba ita-nia Nai no Salvadór Jesus Kristu". Ida-ne'e katak kuandu ita simu onaJesus, ita-nia moris labele hanesan ho ita-nia moris tuan uluk nian. Maromak hakarak ita krexe espiritualmente loroloron iha ita-nia relasaun ho Nia. 

Krexe iha grasa signifika esperiénsia liután Maromak Nia domin, perdaun, pasiénsia, no podér transformasaun iha ita-nia moris. Ita krexe iha grasa bainhira ita hatene katak ita presiza Jesus no sadere ba nia loroloron. Ema ne'ebé krexe iha grasa sai haraik-an liután, fó perdua liután, hatudu pasiénsia liután, no hatudu domin liután ba ema seluk. Ita aprende oinsá atu hatudu laran-sadi'a hanesan Maromak hatudu ona mai ita. 

Krexe iha koñesimentu kona-ba Jesus, ne'e la'ós de'it aprende lia-loos husi Biblia. Maibé ne'e katak ita hatene Nia personalmente. Ita bele krexe iha koñesimentu ne'e liuhosi gasta tempu ho Maromak liuhusi orasaun no estuda Ninia Liafuan. Hanesan ita-nia amizade ho ita-nia maluk sira sai forte liután bainhira ita gasta tempu hamutuk, nune'e mós ita-nia relasaun ho Kristu sai kle'an liután bainhira ita buka Nia loroloron. 

Iha ita-nia pratika moris loroloron nian, ita bele haburas ita-nia relasaun ho Maromak liuhusi uza tempu atu halo orasaun, lee Biblia, no hanoin kona-ba buat ne'ebé Maromak hanorin ona mai ita. Ita bele krexe liután kuandu ita halo tuir Maromak Nia matadalan maski iha buat ki'ik de'it. Ita mós bele krexe iha ita-nia fiar bainhira ita tau fiar ba Maromak iha tempu hasoru susar ruma, serbí ema seluk ho laran-di'ak, fó perdua ba sira ne'ebé hakanek ita, no hili buat ne'ebé loos bainhira hasoru tentasaun. 

Kreximentu espirituál ka akontese Iha loron ida nia laran. Hanesan ai-horis ida presiza bee, loro-matan, no tempu atu moris, ita moris espirituál presiza ligasaun ho Jesus loroloron atu krexe. Iha loron balu ita ladun krexe, maibé se ita nafatin iha ligasaun ho Kristu, Nia sei kontinua Ninia serbisu iha ita-nia laran. 

Ohin loron mai ita husu ita-nia an: Serake ita hakbesik liután ba Jesus ka ita dook liután hosi Maromak tamba prekupasaunmundunian? Halo desizaun loroloron atu uza tempu hamutuk ho Maromak no husik Ninia grasa muda ita-nia moris. Bainhira ita kontinua krexe iha grasa no koñesementu kona-ba Jesus Kristu, ita-nia hahalok sai hanesan Nia, no ita hakbesik liután ba Maromak hodi la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Komisaun Boot

Nee duni, imi bá, no halo dixipulu ba ema hosi nasaun hotu-hotu. Fó batizmu ba sira hodi Aman, hodi Oan, no hodi Espíritu Santu nia naran. Hanorin sira atu halo tuir buat hotu ne'ebé Ha'u manda ona ba imi. No tebes, Hau sei hamutuk nafatin ho imi, to'o mundu nia rohan. Mateus 28:19-20 BK 

                           Mateus 28:19-20

Antes Jesus fila fali ba lalehan, nia fó orden ka instrusaun ikus no importante ida ba Ninia dixipulu sira. Orden ne'e hanaran Komisaun Boot. Jesus haruka Ninia dixipulu sira ba no halo ema sai dixipulu ba nasaun hotu, hanorin ema atu la'o tuir Nia hanorin sira.

Ema kristaun barak hanoin katak haklaken evanjellu mak so de'it ba pastor sira, pregador sira, evanjelista sira, ka ulun-nain igreja sira. Maibé Jesus la fó orden ne'e ba ema espesiál balu de'it. Nia fó orden-ne'e ba ema hotu. Ema kristaun ida-idak iha responsabilidade atu fó-hatene ema seluk kona-ba Maromak Nia domin no salvasaun ne'ebé Jesus Kristu fó sai. 

Ita la presiza hamriik iha palku boot ka halo viajen ba rai estranjeru hodi obedese ba Komisaun Boot ne'e. Ita bele hahú iha fatin ne'ebé ita hela ba. Ita bele fahe ita-nia fé ba ita-nia família, kolega, viziñu no kolega serbisu sira. Ita bele fó korajen ba ema ne'ebé sente laran-tun, halo orasaun ba sira ne'ebé hetan terus, no hatudu Kristu Nia domin liuhusi ita-nia hahalok. Hatudu sasin simples kona-ba buat ne'ebé Jesus halo ona iha ita-nia moris bele halo ema hakbesik liután ba Maromak. 

Dala ruma ita sente ta'uk ka hanoin katak ita ladún hatene atu fahe Evanjellu. Maibé Jesus fo promesa furak ida: "Ha'u sempre hamutuk ho imi." Ita la serbisu mesak de'it. Kristu hamutuk ho ita no fó korajen no matenek ne'ebé ita presiza. 

Loron ida, ita sei hamriik iha Maromak Nia oin no responsabél kona-ba oinsá mak ita uza oportunidade sira ne'ebé Maromak fó mai ita atu influensia ema seluk ba Maromak Nia reiñu.

Fahe Jesus Nia liafuan di'ak ba ema seluk, ne'e mak parte importante ida husi ita-nia viajen iha dalan ba lalehan. Bainhira ita ho fiél ko'alia kona-ba Kristu liuhusi ita-nia liafuan no hahalok, ita ajuda ema barak liután deskobre dalan ne'ebé lori ema ba moris rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Nai, hau fiar ona; ajuda ba bainhira hau la fiar!

No labarik nia aman hakilar kedas, no dehan ho matan been, “Nai, ha'u fiar ona; ajuda ba bainhira ha'u la fiar!” Marcos 9:24 BK 

                               Marcos 9:24

Favór lee ninia istória kompletu iha Evanjellu Marcos 9.

Ema kristaun barak hanoin katak fé signifika la iha dúvida. Maibé Biblia hatudu ba ita katak ema ida bele fiar Maromak, maibé sei luta nafatin mós ho ta'uk no inserteza sira. Ida-ne'e mak esperiénsia husi aman ne'ebé lori ninia oan-mane ne'ebé demonia tama ona ba nia laran. Nia fiar katak Jesus bele ajuda, maibé kuandu nia haree nia oan terus ba tinan barak, nia laran sei iha duvida ba buat balu. Duke subar ninia frakuleza sira ne'e, nia halerik ho onestu: "Nai, hau fiar ona; ajuda ba bainhira hau la fiar!" 

Ida-ne'e hanorin ita lisaun importante ida. Fiar la signifika la iha dúvida iha ita-nia moris. Fé ka fiar mak hili atu lori ita-nia dúvida ba Jesus no husu Nia atu hametin ita-nia fiar. Fiar ne'ebé fraku ne'ebé sadere ba Jesus di'ak liu fali fiar ne'ebé metin maibé depende de'it ba ita-nia an rasik. 

Bíblia fó ezemplu seluk tan kona-ba ema fiar-na'in sira ne'ebé luta ho sira-nia dúvida. Pedro la'o iha bee leten, bainhira nia hateke ba Jesus, maibé nia komesa mout bainhira nia hateke ba anin-boot no ta'uk (Mateus 14:29-31). Dixipulu Tomé la fiar katak Jesus moris hi'as ona to'o nia haree Jesus ho ninia matan rasik, maibé ho pasiénsia Jesus ajuda nia fiar (João 20:24-29). Jesus la husik sira, maibé Nia hametin sira-nia fiar. 

Oinsá mak ita bele halakon ita-nia dúvida ne'ebé halo ita lakon fiar? Ulukliu, onestu ho Maromak kona-ba Ita-nia dúvida sira. Segundu, gasta tempu lee Maromak Nia promesa sira iha Biblia. Terseiru, hanoin-fali oinsá mak Maromak ajuda Ita iha tempu pasadu. Ikusmai, kontinua halo orasaun no obedese ba Maromak maski ita-nia fiar kiik hela. Fé sai forte liután bainhira ita la'o hamutuk ho Kristu loroloron. 

Hili tau fiar ba Jesus maski ita hasoru susar no dúvida ruma sei ajuda ita fiél nafatin bainhira ita kontinua la'o iha dalan ba lalehan. Bainhira ita lori ita-nia dúvida ba Kristu, Nia hametin ita-nia fiar ho pasiénsia no lori ita besik liután ba Ninia reinu lalehan nian.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Nai mak fó, no Nai mak foti fali

Nia dehan, “Molik ha'u sai hosi ha'u-nia inan nia kabun laran, no molik hau sei fila fali ba. Nai mak fó, no Nai mak foti fali. Hahi'i ba Nai Nia naran.” Job 1:21 BK .

                                       Job 1:21

Job mak ema ida ne'ebé riku tebes. Nia iha animál barak, atan barak no família boot. Maibé iha loron ida de'it, nia lakon kuaze buat hotu. Ninia rikusoin lakon hotu, no ninia oan sira mate hotu. Iha tempu susar ne'e nia laran, Job hatete: "Nai mak fó, no Nai mak foti fali. Hahi'i ba Nai Nia naran.” 

Ohin loron, ema kristaun barak okupadu los hodi buka osan, atu hetan susesu, no atu hetan sasán. La iha buat ida-ne'ebé sala atu serbisu maka'as hodi fornese ba ita-nia família. Maibé, problema sira mosu bainhira ita uza tempu hodi buka osan sai importante liu duke uza tempu hamutuk ho Maromak. 

Ema balu okupadu tebes harii sira-nia negósiu to'o sira la iha tempu atu halo orasaun. Ema seluk serbisu ba tempu naruk, maibé sira kuaze la iha tempu loke sira-nia Biblia. Karik sira iha osan barak iha banku, maibé sira-nia relasaun ho Maromak sai fraku. Sira haluha tiha katak buat hotu ne'ebé sira iha mai husi Maromak. 

Job komprende lia-loos importante ida: tuir loloos, la iha buat ida mak partensi ba ita. Ita-nia saúde, serbisu, uma, família, no osan mak prezente husi Maromak. Maromak husik ita goza buat sira ne'e ho haksolok, maibé Nia bele foti fali iha kualkér tempu. Moris ne'e la iha serteza, maibé Maromak nunka muda. 

Ida-ne'e la dehan katak Maromak hakarak ita sai kiak. Maibé Nia hakarak ita atu hatene katak Nia mak folin-boot liu fali buat hotu ne'ebé ita iha. Rikusoin bele lakon iha kalan ida, maibé ita-nia relasaun ho Maromak sei dura ba nafatin. 

Ohin loron pauza no husu ita-nia an: "Serake ha'u okupadu demais too la iha tempu ba Maromak?" Se ita-nia serbisu no riku-soin troka ona Maromak Nia fatin, agora mak tempu atu tau Maromak nu'udar prioridade fila fali. 

Tau Maromak liu fali osan, susesu, no riku-soin sira, ajuda ita fiél nafatin ba Kristu no halo ita kontinua la'o iha dalan ba lalehan. Kuandu ita hanoin katak bénsaun hotu mai husi Maromak, ita sei tau fiar ba Maromak liu fali rikusoin sira iha mundu ne'e.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak sinal katak diabu domina ona ita-nia moris?

Hanoin di-diak no matan moris ba. Tanba imi-nia inimigu Diabu la'o ba-mai hanesan liaun ida ne'ebé hasai lian haka'as no buka ema atu haan. 1 Pedro 5:8 BK 

                                 1 Pedro 5:8

Bíblia hanorin katak Satanas no ninia anju aat sira ezisti duni. Maibé, ita tenke kuidadu atu la akuza diabu iha problema hotu ne'ebé ita hasoru. La'ós moras, fraku, ka susar hotu kauza husi Diabu. Tamba saida? Tamba sofrementu balu ita hasoru hanesan konsekuénsia hosi ita-nia pekadu rasik. Bíblia hatudu sinál balu ne'ebé hatudu katak Diabu domina no kontrola ona ita-nia moris. 

Sinál ida mak hadomi hahalok pekadór nian no lakohi halo tuir Maromak Nia hanorin sira. Jesus hatete katak Satanas mak bosok-teen sira nia aman (João 8:44). Kuandu ita kontinua rejeita Maromak Nia lia-loos no hili atu moris iha sala laran, ita husik inimigu lohi no kontrola ita-nia hanoin. 

Sinál seluk tan mak ita iha toman aat sira. Iha Marcos 5: 1-20, ema ne'ebé diabu tama laran, ninia moris kontrola hosi Diabu atu kontinua halo toman aat ne'ebé estraga ninia moris rasik no ema seluk. Ohin loron, iha ema balu mak sira-nia moris hetan kontrola hosi sira-nia hahalok no toman-aat ne'ebé estraga sira-nia isin. Ezemplu hahalok sira ne'e mak hanesan : dependensia ba substansia sira ne'ebé halo ema addicted hanesan droga, alkohol, hahalok odi, hahal9k violénsia, ka hahalok-aat seluk ne'ebé haketak ita husi Maromak. 

Sinál terseiru mak odi Maromak no buat espirituál sira. Bíblia hatudu katak espíritu aat kontra Maromak Nia serbisu (Apos 16: 16-18). Sinál ida-ne'ebé klaru mak "alerjia ba lia-loos Biblia nian". Ema ida bele sai hirus kuandu: Eskritura hatudu ninia sala, lakohi simu koresaun hosi Biblia, ka lakohi rona Maromak nia Liafuan. Duke hadomi lia-loos, sira kontra fali lia-loos. Hahalok hanesan ne'e hatudu katak ita komesa hadook an husi Maromak no loke ita-nia an ba inimigu nia influénsia. 

Oinsá mak ita bele manán diabu? Ulukliu, ita tenke halo orasaun loroloron no husu Jesus atu ukun Ita-nia laran. Segundu, lee Biblia maski ida-ne'e soke no korrije Ita. Terseiru, konfesa Ita-nia sala sira no hasees an husi sala sira-ne'e. Dahaat, hale'u ita-nia an ho ema kristaun sira ne'ebé bele fó korajen ba ita atu la'o tuir Kristu. Ikusmai, hanoin-ba katak Jesus forte liu fali Satanas no Nia fo manán ba sira ne'ebé tau fiar ba Nia (Tiago 4: 7). 

Hadomi Maromak Nia lia-loos ajuda ita atu fiél nafatin ba Kristu bainhira ita kontinua la'o iha dalan ba lalehan. Kuandu ita simu Maromak Nia Liafuan ho haraik-an no entrega ita-nia moris ba Jesus loroloron, Nia proteje ita husi inimigu nia kbiit no prepara ita ba Ninia reinu rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fiar ne'ebé kura

Jesus dehan ba nia, “Oan feto, ó-nia fiar salva ona ó. La'o ba ho dame, no sai di'ak hosi ó-nia moras ne'e.” Marcos 5:34 BK 

                               Marcos 5:34

Ema barak ohin loron buka atu hetan kura. Ema balu sofre tamba moras, maibé ema seluk lori kanek iha sira-nia laran. Karik sira sente mesamesak, deskorajen, hanoin barak, ka sente kulpadu tanba pekadu. Bíblia konta istória kona-ba feto ida-ne'ebé hetan moras ba tinan 12. Nia gasta ona ninia osan hotu atu hetan kura, maibé la iha ema ida mak bele kura nia (Mark 5:25-26). 

Bainhira nia rona kona-ba Jesus, nia fiar katak Jesus bele ajuda nia. Feto ne'e dudu ema-lubun no konsege kaer kona Jesus Nia roupa ninin de'it. Nia hatete ba nia an: “Se hau kona deit Ninia ropa, ida ne'e mós sei salva ha'u.” Marcos 5:28 BK. Imediatamente nia hetan kura. 

Saida mak halo diferensa? Feto ne'e hetan kura la'ós tamba nia liman kona Jesus Nia ropa. Maibé nia hetan kura tamba ninia fiar ba Jesus. Feto ne'e tau fiar ba Jesus kuandu nia haree katak nia la iha esperansa ona ba buat seluk. Tuirmai Jesus hatete: "“Oan feto, ó-nia fiar salva ona ó"

Fé la signifika fiar de'it katak Jesus ezisti. Fiar mai husi ita-nia nesesidade loroloron nian no tau fiar ba Maromak atu halo buat ne'ebé di'ak liu ba ita. Dala ruma Maromak kura ita-nia isin ne'ebé moras. Dala ruma nia kura ita-nia laran ne'ebé rahun. Dala ruma Maromak fó forsa mai ita atu tahan hasoru susar sira. Maibé Nia sempre responde ba fiar ne'ebé loos. 

Jesus konvida ema hotu atu mai ba Nia. Iha Mateus 11:28-29, Nia hatete: "Mai iha Hau, imi hotu neʼebé kole no lori naha todan, no Ha'u sei fó deskansa ba imi. Simu Ha'u-nia todan, no aprende hosi Ha'u. Tanba Ha'u laran maus no haraik aan; no imi-nia klamar sei hetan deskansa" Mateus 11:28-29 BK. La iha todan ida-ne'ebé todan liu ba Nia. La iha problema ida mak susar liu ba Nia atu rezolve. 

Dalan ba lalehan hahú ho fé ba Jesus. Hanesan feto ne'ebé kaer kona Jesus Ninia roupa, ita mós tenke mai hasoru Nia ho fiar no haraik-an. Bainhira ita tau fiar ba Kristu, Nia lori kurativu ba ita-nia laran, dame ba ita-nia neon, no esperansa ba moris rohan-laek. Bainhira ita tau fiar ba Jesus no halo tuir Ninia hanorin sira, ita asegura ita-nia dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Anin-boot moris nian

Nune'e Nia hamriik, no siak anin, no dehan ba tasi ne'e, “Nonook lai, hakmatek ba!” No anin ne'e para ona, no tasi mós hakmatek los. Marcos 4:39 BK 

                            Marcos 4:39

Ema hotu hasoru anin-fuik iha sira-nia moris. Anin-fuik sira-ne'e bele mosu iha forma oinoin hanesan moras, problema finanseiru, problema família nian, susar, ka lakon ema ne'ebé ita hadomi. Kuandu susar sira-ne'e mosu mai, karik ita sente ta'uk no hanoin se Maromak haluha ona ita. 

Dixipulu sira hasoru anin-fuik maka'as bainhira sira hakur Tasi Galileia hamutuk ho Jesus. Anin huu maka'as, laloran baku makaas ro, no sira haree katak sira sei mout. Maibé Jesus hamutuk ho sira iha ró laran hela. Iha sira-nia ta'uk, dixipulu sira hakilar dehan: "Mestri, Ó la haree ita besik atu mate ona ne'e?” Marcos 4:38.

Ita barak mós husu pergunta ne'ebé hanesan bainhira hasoru anin-fuik moris nian. Ita halo orasaun, maibé problema sei mosu nafatin. Ita tanis, maibé lalehan haree hanesan nonook de'it. Maibé Jesus la abandona Ninia dixipulu sira. Iha tempu ne'ebé loos, nia hamriik hodi hasee anin no tasi hodi dehan: "“Nonook lai, hakmatek ba!” imediatamente, anin-fuik para!. 

Dala ruma Maromak hakalma anin-fuik ne'ebé hale'u ita. Iha tempu seluk, Maromak hakalma ita-nia sentimentu ta'uk iha ita-nialaran. Maneira ida ne'ebé de'it mak Maromak hili, fiar katak Maromak sempre kontrola buat hotu. Tuirmai Jesus husu ba Ninia dixipulu sira: “Tanbasá mak imi tauk hanesan nee? Nusaa mak imi la fiar?”. Marcos 4:40

Fé ka fiar katak tau fiar ba Maromak maski ita la komprende saida mak akontese. Hanesan Paulo hatete, "Tanba ita lao liu hosi fiar, la'os liuhosi buat neʼebé ita haree (2 Korinto 5:7). Karik ita la haree oinsá mak ita bele hetan solusaun, maibé ita bele tau fiar ba Maromak ne'ebé kaer metin ita-nia futuru. 

Dalan ba lalehan dala ruma la'o liuhusi anin-fuik laran. Maibé kuandu Jesus iha ita-nia ró laran, ita la iha buat ida atu ta'uk. Tau fiar ba Nia, la'o hó fiar, no Nia sei dirije ita ho seguru ba Ninia reinu rohan-laek. Saida mak akontese, mai ita nafatin iha dalan ba lalehan 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

click iha ne'e atu estuda  Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More