Bénsaun dobradu

Nai Maromak mak fó nanál matenek ba ha'u, hodi ha'u bele koalia liafuan diak ba nia ne'ebé kole. Nia fanu ha'u dadeer-dadeer, Nia fanu ha'u-nia tilun hodi rona hanesan ema matenek mak rona. Isaias 50:4 BK 

                             Isaias 50:4 

Estuda Biblia mak bénsaun boot ida. Maibé iha buat ida mak di'ak liután ' ne'e mak fahe buat ne'ebé ita aprende ona ba ema seluk. Kuandu ita estuda Maromak Nia Liafuan no fahe liafuan sira-ne'e, ita hetan bénsaun dobradu. 

Bíblia hanorin katak Maromak fó ita matenek atu ajuda ema seluk. Livru Isaias 50: 4 hatete katak Nai fó nanál ne'ebé matenek atu ita bele ko'alia liafuan korajen iha tempu ne'ebé loos ba sira ne'ebé kole, desperadu, deskorajen no desapontadu. Ida-ne'e katak Maromak Nia hanorin ne'ebé ita simu, la'ós ba ita-nia an rasik de'it, maibé mós bele mós fó korajen ba ema seluk. 

Kuandu ita fahe buat ne'ebé ita aprende, buat espesiál ida akontese. Ita komprende ho klaru liután Maromak Nia mensajen. Bainhira ita esplika MaromakNiaLiafuan, ita-nia hanoin sai forte liután no organizadu liután. Ida-ne'e ajuda ita atu lembra Maromak Nia Liafuan. Iha tempu hanesan, ema ne'ebé ita fahe Maromak Nia Liafuan mós hetan bénsaun. Parte rua (ida ne'ebé fahe no ida ne'ebé simu) sira-nia fiar krexe - ida ne'e bensaun dobradu.

Moris kristaun hanesan viajen ida ne'ebé progresu ba oin. Filipe 3:14 fó-hanoin ita atu duni tuir premiu lalehan nian iha Kristu Jesus. Fahe Maromak Nia Liafuan ajuda ita kontinua la'o ba oin. Fahe Maromak Nia Liafuan hametin ita-nia fiar no fó korajen mai ita atu mantein fokus ba Maromak. 

Importante liu mak fahe Maromak Nia Liafuan ajuda ita atu hatene Maromak di'ak liután. Evanjellu João 17: 3 hatete katak moris rohan-laek mak hatene Maromak loos no Jesus Kristu. Kuandu ita ko'alia kona-ba Maromak ho ema seluk, ita-nia relasaun ho Maromak sai kle'an liután. 

Dala ruma ita sente moe ka hanoin katak ita-nia matenek la sufisiente. Maibé ita la presiza hein atu sai perfeitu. Ita bele fahe de'it buat ne'ebé ita aprende ona, maski iha liafuan simples de'it. Maromak bele uza ita-nia esforsu simples sira atu haraik bénsaun ba ema seluk. 

Tan ne'e, depoisde lee tiha Biblia, uza tempu balu atu fó-hatene ba ema seluk buat ne'ebé ita aprende ona - hanesan kolega, família, ka grupu ki'ik ida. Bainhira ita halo nune'e, ita sei hetan bénsaun, no sira mós sei hetan bénsaun. 

Kuandu ita estuda Maromak Nia Liafuan no fahe ba ema seluk, ita hetan bénsaun dobradu no kontinua la'o hamutuk ho Maromak iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Estudu Biblia kle'an

Hau sei medita ba Ó-nia mandamentu sira, no haree tu-tuir Ó-nia dalan sira. Ha'u sei haksolok tebes ho Ó-nia estatutu sira; ha'u sei la haluha Ó-nia liafuan. Salmu 119:15-16 BK 

 

                          Salmu 119:15-16

Bíblia la'ós atu lee ho lalais de'it. Maromak hakarak ita hanoin kle'an kona-ba Ninia Liafuan. Iha Samlo 119:15-15 Salmista hatete: "Hau sei medita ba Ó-nia mandamentu sira, no haree tu-tuir Ó-nia dalan sira. Hau sei haksolok tebes ho Ó-nia estatutu sira; hau sei la haluha Ó-nia liafuan". Ida-ne'e katak ita presiza gasta tempu atu komprende, haksolok, no halo tuir Maromak Nia Liafuan iha ita-nia moris. 

La susar atu estuda Biblia ho kle'an. Estuda Biblia bele sai simples no signifikativu, maski ba ema ne'ebé foin komesa estuda. Ita bele komesa ho livru badak ida kona-ba Biblia hanesan Jonas, Marcos, Filipe, ka 1 Joao. Tuirmai ho neineik lee versíkulu ida ida iha tempu ida. 

Dalan ne'ebé fasil atu estuda Biblia mak tuirmai ne'e: 

Ulukliu, halo orasaun. Husu Maromak atu dirije Ita-nia hanoin no halo Ita-nia laran sai mamar atu bele komprende Ninia Liafuan. 

Segundu, hili versíkulu ida ka perikop ka leitura badak ida. Keta ansi. Foti parte ki'ik ida no foka liu ba versikulu ne'ebé ita hili ona.

Terseiru, hakerek iha notebook ida. Hakerek bele ajuda ita lembra no hanoin ho klaru liután. 

Dahaat, lee fali versikulu sira ne'ebé ohin ita hili no lee neineik-neineik no subliña ideia ka liafuan importante sira. 

Dalimak, hanoin to'ok kona-ba saida versikulu sira ne'e nia signifikativu. Husu: "Saida mak Maromak hanorin ha'u iha ne'e?" Hakerek Ita-nia hanoin sira ho liafuan simples. 

Daneen, halo fali orasaun. Husu Maromak atu ajuda ita moris tuir buat ne'ebé ita aprende ona. 

Ikusliu, fahe ba ema ida. Kuandu ita fahe Maromak Nia Liafuan, ida-ne'e bele fó bénsaun ba ema seluk no ajuda ita-nia fé sai forte liután. 

Estuda Biblia kle'an la'ós kona-ba lee kapítulu barak iha tempu ida. Ne'e mak kona-ba husik Maromak Nia Liafuan tama ba Ita-nia laran no muda Ita-nia moris. Kuandu ita uza tempu atu medita kona-ba Eskritura, ita komesa hadomi liután Eskritura ne'e no komprende di'ak liután. 

Bainhira ita estuda Biblia ho kle'an no aplika Biblia loroloron, Maromak Nia Liafuan sei gia ita atu la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fatin ne'ebé di'ak liu atu estuda Biblia

Iha dadeer-saan nakukun, Jesus sai ba liur no la'o ba fatin ne'ebé ema la iha. No Nia halo orasaun iha ne'eba. Marcos 1:35 BK 

                             Marcos 1:35

Ema barak husu: "Iha fatin ne'ebé mak di'ak liu atu estuda Biblia?" Bíblia hatudu katak fatin ne'ebé di'ak liu mak la'ós iha uma espesiál ida, maibé iha fatin ne'ebé hakmatek hodi hasoru Maromak. 

Iha Evanjellu Marcos 1:35, Jesus hadeer sedu iha dadeer, ba fatin hakmatek, no halo orasaun. Maski ema barak hale'u Nia, maibé Nia hili fatin ne'ebé hakmatek atu gasta tempu hamutuk ho Maromak. Ida-ne'e hanorin ita katak ita presiza fatin iha-ne'ebé ita bele mesak hamutuk ho Maromak, ne'ebé livre husi barullu no interferensia ema seluk.

Fatin ne'ebé hakmatek ajuda ita fokus. Fatin hakmatek ajuda ita rona ho di'ak Maromak Nia Liafuan no ko'alia ba Nia liuhusi orasaun. Fatin hakmatek bele iha kuartu ki'ik ida, iha kantu ita-nia uma, ka bele mós iha fatin hakmatek iha uma li'ur. Buat ne'ebé importante liu mak la'os konaba fatin orasaun, maibé kona-ba ninia ojetivu- mak buka Maromak ho laran-moos. 

Bíblia fó korajen mai ita atu buka Maromak Nia prezensa. Livru Salmo 27:8 hatete "

“Ó-nia oin, Oh Nai, ha'u sei buka.” Estuda Biblia la'ós de'it lee Maromak Nia liafuan, maibé buka Maromak rasik. 

Livru 1 Cronicas 16: 11 mós haruka ita atu buka nafatin Nai no Ninia forsa. Ida-ne'e katak iha fatin ne'ebé de'it ne'ebé ita hela ka ita ba, ita bele gasta tempu iha Ninia Liafuan.

Tan ne'e, fatin ne'ebé di'ak liu atu estuda Biblia mak fatin ne'ebé hakmatek iha ne'ebé ita bele fokus, halo orasaun, no buka Maromak ho laran tomak. Kuandu ita fo spasu atu hasoru Maromak, Nia sei hasoru ita no ko'alia ho ita liuhusi Ninia Liafuan. 

Bainhira ita aloka tempu no fatin iha fatin hakmatek atu hamutuk ho Maromak no estuda Ninia Liafuan, ita kontinua la'o pasu pur pasu iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tempu di'ak liu atu estuda Biblia

Ema sira ne'e hanoin di'ak liu ema Tesalónika. Tanba sira simu liafuan ne'e ho neon prontu. Loro-loron sira buka hatene iha Eskritura sira atu haree se liafuan ne'e loos ka lae. Apostolu 17:11 BK 

Apostolu 17:11 

Ema barak husu: "Bainhira mak tempu di'ak liu atu estuda Biblia?" Bíblia hatudu katak tempu ne'ebé di'ak liu mak la'ós de'it konaba oras, ka loron, maibé kona-ba kondisaun ita-nia laran no dezezu atu buka Maromak. 

Iha apóstolu 17:11 ema Berea sira konsidera hanesan ema matenek tanba sira simu mensajen ne'e ho laran-manas no ezamina no halo peskiza eskritura loroloron. Ida-ne'e hanorin ita katak tempu di'ak liu atu estuda Biblia mak loroloron no ho laran tomak hakarak EstudaBiblia. Konsisténsia atu lee Biblia mak importante liu duke hili tempu ne'ebé perfeitu. 

Maibé, iha momentu balu ne'ebé ajuda ita atu fokus liu. Tempu hakmatek ka silensiu ajuda tebes. Livru Salmo 46: 10 hatete: "Hakmatek ba, no hatene katak Hau mak Maromak" Kuandu ita-nia neon sai kalma no livre husi interferensia mundu nian, ita bele komprende di'ak liu Maromak Nia Liafuan. 

Dadeer-saan mós tempu ne'ebé di'ak liu ba ema barak. Iha dadeer-saan ne'e, ita-nia neon sei fresku, no ita bele fó atensaun ba Maromak antes ita sai okupadu ho ita-nia atividade loron-loron nian. Maibé buat ne'ebé importante liu mak la'ós tempu ne'ebé loos, maibé buat ne'ebé importante liu mak foti tempu hodi medita Maromak Nia futarlia.

Bíblia mós hanorin ita atu buka Maromak ho laran tomak. Livru Jeremias 29:13 hatete katak ita sei hetan Maromak bainhira ita buka Nia ho ita-nia laran tomak. Ida-ne'e katak estuda Biblia ne'ebé loos labele ansi ka la ho kuidadu. Ida-ne'e tenke halo ho fokus no dezezu atu hateneMaromak Nia futarlia. 

Kuandu ita haksolok ho Maromak, estuda Biblia sei sai ksolok, la'ós devér ida. Livru Salmo 37: 4 fó-hanoin ita atu haksolok iha Nai. Kuandu ita hadomi Maromak, ita hakarak uza tempu medita Ninia Liafuan. 

Ikus, Evanjellu Joao 15: 1-8 hanorin ita atu hela nafatin iha Kristu. Estuda Biblia ajuda ita atu nafatin iha relasaun di'ak ho Jesus no mós atu haburas relasaun di'ak ho Nia no krexe espiritualmente.

Tan ne'e, tempu di'ak liu atu estuda Biblia mak loron-loron, iha tempu ne'ebé hakmatek, ho laran ne'ebé moos no ho laran tomak. Bainhira ita uza tempu atu buka Maromak no buka Nia ho laran-metin, Ninia Liafuan sei dirije ita-nia moris no lori ita ba oin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá estuda Biblia

Nune'e Ha'u nia liafuan ne'ebé sai hosi Ha'u-nia ibun, nia sei la fila mai Ha'u ho mamuk, maibé nia sei halo tuir Ha'u-nia hakarak hotu, no nia sei hetan susesu iha buat ne'ebé Ha'u haruka Nia halo. Isaias 55:11 BK 

                              Isaias 55:11

Bíblia mak Maromak Nia Liafuan ne'ebé ajuda ita transforma ita-nia moris. Maibé ema barak husu pergunta importante ida: Oinsa mak ita bele estuda Biblia? Maromak promete katak Ninia Liafuan sempre iha podér no ojetivu. Iha livru Isaias 55:11 Maromak hatete katak Ninia liafuan ne'ebé sai hosi Ninia ibun, sei la fila mai mamuk, maibé Nia sei halo tuir Ninia hakarak. Ne'e katak kuandu ita lee Biblia ho laran-moos, Maromak sei uza Biblia atu ajuda ita. 

Ulukliu, ita tenke hakbesik ba Biblia ho dezezu hakarak nafatin besik ba Maromak. Jesus esplika kona-ba ida ne'e iha Evanjellu Joao 15: 1-8. Nia kompara ema fiar-na'in sira hanesan ramu sira ne'ebé iha ligasaun ho uvas-hun. Kuandu ita hela ho Maromak, ita simu moris espirituál no ita-nia fé sai forte liután. Estuda Biblia ajuda ita atu nafatin iha relasaun ho Kristu. 

Segundu, estuda Biblia presiza akompnaña ho orasaun. Jesus rasik hatudu ezemplu hanesan ne'e. Evanjellu Marcos 1:35 hatete katak iha dadeer-saan madrugada, Jesus ba fatin ne'ebé hakmatek atu halo orasaun. Orasaun ajuda prepara ita-nia laran atu komprende Maromak Nia mensajen. 

Terseiru, ita tenke buka Maromak loroloron. Livru 1 Cronicas 16: 11 fó korajen mai ita atu kontinua buka Nai no Ninia forsa. Estuda Biblia la'ós buat ne'ebé ita halo dala ida de'it iha tempu balu. Estuda Biblia tenke sai parte ba ita-nia moris loroloron nian. 

Dahaat, Maromak nia Liafuan fó diresaun ba ita-nia moris. Livru Salmo (Mazmur) 119:105 hatete katak Maromak nia Liafuan mak ahi-oan ba ita-nia ain no naroman ba ita-nia dalan. Kuandu ita lee Biblia, Maromak ajuda ita haree dalan ne'ebé loos oinsa hala'o ita-nia moris. 

Bíblia mós hanorin ita atu rona didi'ak ba Maromak. Livru Isaias 50: 4 fó-hanoin ita katak Nai fanun ita dadeer-dadeer hodi rona Ninia instrusaun sira. 

Ikusliu, livru Isaias 55:1-13 konvida ema hotu atu mai no simu Maromak Nia bénsaun liuhusi Ninia Liafuan. Kuandu ita rona Nia, ita-nia moris sei la'o tuir Ninia hakarak.

Iha loron hira tuirmai, ita sei aprende liután kona-ba oinsá atu estuda Biblia ho kuidadu no fiél. Bainhira ita loke ita-nia laran ba Maromak Nia Liafuan, ida-ne'e sei dirije ita-nia moris no lori ita ba oin atu nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ita-nia Liafuan, imajen ita-nia laran

Oh samea nia oan sira! Oinsa mak imi ne'ebé aat bele koalia buat ne'ebé di'ak? Tanba ibun koalia hosi buat resin ne'ebé sai hosi fuan laran. Mateus 12:34 BK 

                              Mateus 12:34

Ita-nia liafuan iha kbiit boot tebes. Loron-loron ita ko'alia liafuan barak ba ita-nia família, kolega no ema seluk. Dala ruma ita hanoin katak liafuan sira-ne'e la importante, maibé Biblia hanorin katak liafuan sira-ne'e hatudu buat ne'ebé kle'an liu. 

Iha Mateus 12:34 Jesus hatete: "Tanba ibun koalia hosi buat resin ne'ebé sai hosi fuan laran". Ne'e katak liafuan ne'ebé ita ko'alia hatudu saida mak iha ita-nia laran. Se ita-nia laran nakonu ho laran-di'ak, domin, no fé, ita-nia liafuan sei reflete buat di'ak sira-ne'e. Maibé se ita-nia laran nakonu ho hirus, foti-an, ka laran-nakali, ita-nia liafuan mós sei hatudu sentimentu sira-ne'e. 

Lia-loos ne'e ajuda ita atu komprende katak kontrola ita-nia liafuan hahú ho muda ita-nia laran. Ema barak koko atu kontrola sira-nia liafuan sein troka buat ne'ebé iha sira-nia laran. Maibé Jesus hanorin katak problema nia hun mak la'ós ibun, maibé ita-nia laran. 

Kuandu Maromak muda ita-nia laran, ita-nia liafuan mós komesa muda. Laran ne'ebé hadomi Maromak sei ko'alia liafuan ne'ebé fó korajen ba ema seluk, lori dame, no hatudu laran-di'ak. Ita-nia liafuan bele sai bénsaun ba ema ne'ebé hale'u ita. 

Tan ne'e mak importante atu enxe ita-nia laran nakonu ho buat di'ak sira. Bainhira ita lee Maromak Nia Liafuan, halo orasaun, no hanoin kona-ba Ninia lia-loos, Ninia domin transforma ita-nia laran. Tuirmai, ita-nia liafuan sira sei reflete Ninia karakter. 

Antes ko'alia, di'ak atu husu pergunta simples ba ita-nia an: Serake ita-nia liafuan hatudu laran-di'ak? Serake ita-nia lia-fuan bele ajuda ema? Serake ita-nia liafuan sira fó onra ba Maromak? Kuandu ita husik Maromak dirije ita-nia laran, ita-nia liafuan sei fó naroman duke hakanek ema. 

Ita-nia liafuan mak hanesan espellu ida-ne'ebé hatudu ita-nia laran nia kondisaun. Se ita hakarak ita-nia liafuan sai di'ak no fó aten-barani, ita tenke husik Maromak halo ita-nia laran sai nakonu ho Ninia lia-loos no domin. 

Bainhira Maromak muda ita-nia laran no ita-nia liafuan sira refleta Maromak Nia laran-di'ak, ita la'o daudauk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Podér husi Maromak Nia Liafuan

Liu hosi fiar mak ita kompriende katak Maromak Nia liafuan kria buat hotu, atu nune'e Nia halo buat neʼebé ita haree hosi buat ne'ebé ita la haree. Ebreu 11:3 BK 

                                  Ebreu 11:3

Maromak nia Liafuan iha kbiit boot. Ne'e la'ós liafuan baibain. Kuandu Maromak ko'alia, buat sira-ne'e akontese. Bíblia hatudu dalan oioin ne'ebé Maromak Nia liafuan sira halo iha mundu no iha ita-nia moris. 

Dahuluk, Maromak Nia Liafuan iha podér atu kria. Ebreu 11: 3 hatudu katak liuhusi Maromak Nia lia-fuan mak Maromak kria universu. Hanesan ne'e mós ho livru Salmo 33:6 hatete katak buat hotu ne'ebé ita haree ohin loron ezisti tanba Maromak ko'alia no sira ezisti. Ninia Liafuan iha podér atu kria. 

Daruak, Maromak Nia Liafuan fó sai kona-ba ninia serbisu sira iha ema nia leet. Kuandu ema husu Jesus serake Nia mak Mesias ne'ebé Maromak promete ona atu mai? Nia hatete atu sira haree saida mak akontese iha sira nia leet. Iha Evanjellu Mateus 11: 4-5, Jesus hatete katak ema matan-delek sira bele haree, ema ain- aat sira bele la'o fali, no lia-fuan di'ak haklaken ba ema kiak sira. Milagre no hanorin sira-ne'e hatudu katak Maromak Nia promesa sira kumpre dadauk ona. 

Datoluk, loron ida Maromak Nia Liafuan sei bolu ema mate atu moris hi'as fali. 1Tesalonika 4: 16 hanorin katak kuandu Jesus fila fali mai ba daruak, Nia sei komanda ho liafuan maka'as, no ema ne'ebé mate iha Kristu sei moris hi'as fali. Ida-ne'e hatudu katak Maromak Nia lian iha podér atu fó moris. 

Ba dala haat, Biblia hatete katak Maromak Nia Liafuan mak arma ida iha funu espirituál nian. Efeso 6: 17 hanaran "surik espíritu nian". Liuhusi Eskritura, ita bele tahan hasoru tentasaun no halakon ita-nia inimigu, espiritu nakukun nian. 

Ikusmai, Maromak Nia Liafuan mós bele muda ita-nia laran. Tiago 1:21 haruka ita atu simu liafuan ne'ebé kuda iha ita-nialaran, ne'ebé bele salva ita-nia moris. Kuandu ita simu Maromak Nia Liafuan ho haraik-an, ida-ne'e sei transforma ita-nia moris. 

Versíkulu sira-ne'e fó-hanoin ita katak Maromak Nia Liafuan kria, fó sai lia-loos, fó moris, proteje ita, no salva ita. Kuandu ita rona no halo tuir loron-loron ita simu forsa no matadalan. No bainhira ita tau fiar no halo tuir Maromak Nia Liafuan ne'ebé poderozu, ida-ne'e lori ita ba oin  atu nafatin la'o  iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bíblia afirma

Tanba Maromak Nia liafuan mak moris no iha podér, no kro'at liu fali surik ne'ebé kro'at iha sor-sorin. Liafuan ne'e sei sona to'o fahe mós klamar no espíritu, fukun no dolen, no bele hatudu fuan laran nia hanoin no kompriensaun. Ebreu 4:12 BK 

                                  Ebreu 4:12

Bíblia afirma buat barak kona-ba nia an rasik. Bíblia hatete katak Maromak Nia Liafuan la'ós de'it liafuan baibain ne'ebé ema hakerek. Bíblia hatete katak Maromak Nia Liafuan bele muda ita-nia moris. 

Ebreu 4: 12 hatete katak Maromak nia Liafuan mak moris no ativu, ne'ebé forte liu fali surik ne'ebé iha isin rua. Maromak Nia liafuan alkansa to'o ita-nia laran no revela ita-nia hanoin no atitude. Ne'e katak kuandu ita lee Biblia, Maromak ko'alia ba ita no ajuda ita atu komprende didi'ak ita-nia an. 

Bíblia mós afirma katak Maromak Nia Liafuan proteje ita husi sala. Livru Salmo 119: 11 hatete: "Hau subar Ó-nia liafuan iha ha'u-nia laran atu ha'u labele halo sala hasoru Ó." Kuandu ita rai Maromak Nia Liafuan iha ita-nia laran, ne'e ajuda ita atu halo desizaun ne'ebé loos. 

Jesus mós hanorin kona-ba poder hosi Maromak Nia Liafuan. Iha Evanjellu João 6:63, Jesus hatete katak Ninia liafuan mak Espíritu no moris. Maromak Nia Liafuan fó moris espirituál no hametin ita-nia fiar. 

Maromak promete katak Ninia Liafuan sei sempre alkansa Ninia hakarak. Isaias 55:11 hatete katak Maromak Nia Liafuan sei la fila mamuk maibé sempre alkansa saida mak Nia hakarak atu halo. Maromak Nia liafuan sempre iha podér no ojetivu.

Bíblia mós fó komfortu no esperansa. Livru Salmo 119: 50 hatete katak Maromak Nia promesa prezerva ita-nia moris. Iha tempu susar, Maromak Nia Liafuan fó korajen no dame. 

Profeta Jeremias esperiensia ksolok ne'e iha Maromak Nia Liafuan. Iha livru Jeremias 15:16, nia hatete katak kuandu nia hetan Maromak Nia liafuan, nia han MaromakNia Liafuan ne'e, no sai haksolok no kontente. 

Bíblia mós ajuda ema kristaun atu krexe espiritualmente. 1 Pedro 2: 2 kompara Maromak Nia Liafuan ho susubeen ne'ebé moos hodi ajuda ema fiar-na'in atu sai forsa liután iha sira-nia fiar. 

Ikusmai, Jesus fó-hanoin ita iha Evanjellu Mateus 4: 4 katak ema la moris de'it ho paun, maibé ho liafuan hotu ne'ebé mai husi Maromak Nia ibun. 

Afirmasaun sira-ne'e hatudu katak Biblia iha podér boot, fó moris, no fo ita-nia presiza moris espirituál nian. Kuandu ita lee, fiar, no halo tuir, Maromak nia Liafuan hametin ita-nia fiar no lori ita ba oin atu nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak Ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bíblia nia lia-loos

Halo sira santu liu hosi lia loos. Ó-nia liafuan mak lia loos. João 17:17 BK 

                                   João 17:17

Lia-loos importante tebes iha ita-nia moris. Ohin loron, ema barak iha hanoin ne'ebé la hanesan kona-ba lia-loos. Ema balu fiar katak lia-loos bele muda tuir ema nia hanoin ka sentimentu. Maibé Biblia hanorin katak lia-loos mai husi Maromak. 

Iha Evanjellu Joao 17:17, Jesus halo orasaun ba Aman hodi dehan: "Santifika sira liuhusi lia-loos; Ita-nia liafuan mak lia-loos." Ida-ne'e hatudu katak Biblia mak Maromak Nia Liafuan ne'ebé loos. Biblia hanorin ita saida mak loos no dirije ita iha dalan ne'ebéloos. 

Jesus mós hatete iha Evanjellu Joao 14: 6 katak: "Hau mak dalan, lia-loos no moris." Jesus rasik mak lia-loos, no Ninia hanorin sira fó sai Maromak Nia lia-loos ba mundu. 

Bíblia mós hatete katak Maromak Nia Liafuan mak perfeitu no ita bele tau fiar ba. Livru Proverbios 23: 5-6 hatete katak Maromak Nia liafuan hotu mak moos no ita labele aumenta tan ba Ninia liafuan sira. Nune'e mós, livru Salmo 12: 6 esplika katak Nai Nia liafuan mak liafuan ne'ebé moos, hanesan osan-mutin ne'ebé hamoos iha fornu laran. 

Maromak Nia lia-loos nunka muda tanba Maromak rasik nunka muda. Ebreu 13: 8 hatete katak Jesus Kristu mak hanesan horiseik, ohin, no ba nafatin. Tanba Maromak la muda, ninia Liafuan mós loos no ita bele tau fiar ba. 

Ema kristaun sira iha tempu uluk simu Maromak Nia Liafuan nu'udar lia-loos. 1Tesalonika 2: 13 hatete katak sira simu mensajen ne'e la'ós hanesan ema nia liafuan, maibé hanesan Maromak Nia Liafuan, ne'ebé ajuda sira-nia fiar. 

Bíblia mós fó-hanoin ita katak Maromak Nia Liafuan sempre loos. Livru Salmo 33:4-5 deklara katak Maromak Nia Liafuan mak loos no fiél.

Ikusmai, kuandu ema rona no fiar lia-loos husi Evanjellu, sira hetan salvasaun. Efeso 1:13 hanorin katak kuandu ita rona lia-loos no fiar ba Kristu, espíritu santu taka ita (sealed with the Holy spirit).

Tan ne'e, ita tenke tau fiar ba Biblia nu'udar Maromak Nia Liafuan ne'ebé loos. Bainhira ita lee, fiar no halo tuir lia-loos ne'e, Maromak Nia lia-loos sei dirije ita-nia moris no lori ita la'o iha ba Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kilat saida mak diabu uza?

No taka kapaseti salvasaun nian, no foti surik hosi Espíritu, ne'e katak Maromak Nia liafuan. Éfezu 6:17

                                 Éfezu 6:17

Ema barak hanoin katak Satanas ka Diabu nia kilat ne'ebé iha kbiit boot liu mak presegisaun, terus, ka ta'uk. Maibé dala barak ninia estratéjia ne'ebé efetivu liu mak ema barak lahatene. Ninia kilat ne'ebé boot liu mak halo ema dook husi Biblia, halo ema alergia ho dutrina Biblia, halo ema baruk lee Biblia.

Satanás hatene katak kuandu ema lee no estuda Maromak Nia Liafuan, sira-nia moris espirituál sei sai forte. Sira-nia fiar sai boot liután, sira-nia laran hetan korajen, no sira aprende lia-loos. Tan ne'e mak diabu koko atu halo ema sai okupadu, kole, la prekupa, ka dúvida atu nune'e sira la uza tempu atu lee Biblia. Dala ruma nia halo ita-nia loron nakonu ho atividade barak ne'ebé ita hatete: "Hau la iha tempu." Dala ruma nia halo ita sente apati nune'e ita la iha interese atu lee Biblia.

Bíblia alerta mai ita kona-ba funu ne'e. Iha livru Efeso 6:17-18, Maromak Nia Liafuan bolu nu'udar " surik espíritu nian". Ida-ne'e hatudu katak Biblia mak armamentu espirituál ne'ebé forte. Kuandu ita kombina orasaun ho Maromak nia Liafuan, ita bele proteje ita-nia an hasoru inimigu. 

Libru Ebreu 4: 12 mós hatete katak Maromak Nia Liafuan mak moris no iha kbiit boot. Maromak Nia liafuan bele alkansa kle'an tama-ba ita-nia laran no revela lia-loos. Tanba Biblia fó sai Satanas nia lia-bosok, Satanas halo buat hotu ne'ebé nia bele atu prevene ema atu lee no hatene Biblia. 

Eskritura mós hatudu katak Maromak Nia Liafuan iha kbiit. Livru Salmo 33:6 hanorin katak Maromak kria mundu ho de'it Ninia Liafuan. Iha Evanjellu João 11:41-44, Jesus Nia liafuan mós fó moris-hias ba Lazaro husi mate. No kuandu Satanas koko Jesus iha rai-fuik, Jesus manán Satanas hodi temi Eskritura, hanesan hakerek iha Evanjellu Mateus 4: 1-11. 

Ezemplu sira-ne'e hanorin ita buat importante ida: Satanas la iha forsa bainhira ita hatene no uza Maromak Nia Liafuan. Tan ne'e mak nia haka'as an tebes atu hasees ita husi estuda Biblia. 

Mai ita la monu ba lasu diabu nian ne'e. Foti tempu atu halo orasaun loroloron no lee Biblia. Kuandu ita enxe ita-nia hanoin ho Maromak Nia lia-loos, ita hetan forsa, matenek no protesaun. 

Kuandu ita kaer metin ba Maromak Nia Liafuan no la'o tuir ninia lia-loos, ita la'o ho seguru iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Seidauk tarde liu atu buka Nai

Buka ita Nai bainhira ita bele hetan Nia, bolu ba Nia bainhira Nia sei besik. Isaias 55:6 BK 

Isaias 55:6

Ema barak hanoin katak sira la'o dook liu ona iha sira-nia pekadu no hanoin katak Maromak sei la simu tan sira. Sentimentu sala ka moe halo ema hanoin katak tarde liu ona atu fila fali ba Maromak. Maibé profeta isaias nia mensajen ohin loron fó-hanoin ita katak kuandu ita iha oportunidade atu buka Nai, odamatan grasa nian sei nakloke nafatin. Maromak konvida ema pekador atu fila fali ba Nia bainhira Nia sei besik no banhira tempu sei iha.

Versíkulu ne'e ko'alia ba ita asaun importante rua: buka Maromak no bolu Nia. Buka Nai katak ita hakarak fiél ba Nia, no rekoñese katak ita presiza Ninia ajuda no matadalan. Bolu ba Maromak katak halo orasaun no husu Ninia laran-sadi'a. Maromak la dook ka lakohi fó perdua. Maibé, Nia prontu atu simu ema ne'ebé fila fali ba Nia ho laran-moos. 

Bíblia filafila hatudu katak Maromak simu ema ne'ebé arrepende an. Iha Lucas 15:20, aman halai hasoru ninia oan-mane ne'ebé fila fali, hodi hatudu oinsá Maromak simu ho laran-manas ema ne'ebé fila fali ba Nia. Nune'e mós, 2 Pedro 3: 9 hatete katak Nai hatudu pasiénsia, lakoi ema aat mate, maibé Nia hakarak ema hotu arrepende an. Maski ema ida la'o dook ona ona hosi Maromak, maibé Maromak Nia laran-sadi'a sei iha nafatin. 

Maski nune'e, profeta Isaias mós fó-hanoin ita katak ita la bele demora bainhira ita hetan oportunidade. "Bainhira ita sei bele hetan Nia" signifika katak ita tenke responde ba Ninia konvite ohin loron. Moris iha mundu ne'e la iha serteza, tan ne'e ita labele demora bainhira hetan oportunidade atu fila fali ba Maromak. 

Isaias 55:6 hanorin ita lia-loos ne'ebé importante: seidauk tarde atu fila fali ba Maromak nia hanorin. La prekupa sala saida mak ita halo ona, la prekupa atu la'o dook loos ona hosi Maromak, Maromak sei nafatin konvida ita atu buka no bolu Nia naran. Ohin loron mak tempu ne'ebé loos atu fila fali, tanba Maromak Nia laran-sadi'a sei besik. No bainhira ita la'o iha Ninia grasa no laran-di'ak, ita bele hanoin-hetan katak tuir Nia dalan mak sei lori ita nafatin la'o iha dalan ba lalehan.

                                   Isaias 55:6

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bíblia nia papél

Tanba Maromak Nia liafuan mak moris no iha podér, no kro'at liu fali surik neʼebé kro'at iha sor-sorin. Liafuan ne'e sei sona to'o fahe mós klamar no espíritu, fukun no dolen, no bele hatudu fuan laran nia hanoin no kompriensaun. Ebreu 4:12 BK 

Ebreu 4:12

Bíblia iha papél importante iha ema fiar-na'in ida-idak nia moris. Bíblia la'ós de'it livru antigu ida ka klesaun livru istória nian. Bíblia mak Maromak Nia Liafuan ne'ebé moris ne'ebé ko'alia mai ita-nia laran no dirije ita-nia moris. 

Epistola Ebreu 4: 12 hatete katak Maromak Nia Liafuan mak moris no poderozu. Maromak Nia liafuan kro'at liu fali surik ida-ne'ebé iha isin rua no bele julga ema nia hanoin no atitude. Ne'e katak Biblia bele hatudu ba ita saida mak loos no saida mak sala iha ita-nia moris. Bíblia ajuda ita atu haree ita-nia sala no fó korajen mai ita atu arepende hosi ita-nia sala. 

Bíblia mós hanorin ita oinsá atu hetan salvasaun. Tuir Timoteo 3: 15-17, Eskritura sira ajuda ita atu hetan salvasaun liuhusi fiar ba Jesus Kristu. Maromak Nia Liafuan mós hanorin, korrije no fó treinu mai ita atu nune'e ita bele prontu atu halo serbisu di'ak hotu. 

Jesus rasik halo orasaun ba Maromak hodi hatete iha Evanjellu João 17:17: "Halo sira santu liu hosi lia loos. O nia liafuan mak lia loos". Bíblia mak lia-loos ne'ebé ajuda ita atu sai santu no moris ho moris ne'ebé halo Maromak kontente. 

Maromak Nia Liafuan mós halo ita iha fé. Efeso 1:13 fó-hanoin ita katak kuandu ema rona lia-loos, evanjellu salvasaun nian, no fiar, Maromak sei hametin sira ho espíritu santu. 

Bíblia nia papél seluk mak atu proteje ita-nia laran husi sala. Livru Salmo 119: 11 hatete: "Hau subar ona ó-nia liafuan iha ha'u-nia laran atu ha'u labele halo sala hasoru ó." Kuandu ita lee, aprende, no hanoin Maromak Nia Liafuan, ida-ne'e ajuda ita atu tahan hasoru tentasaun. 

Maibé, ita so bele komprende Biblia bainhira ita haraik-an no laran-espiritual. 1 Korinto 2:14 esplika katak "... ema naturál la simu buat sira nebee mai hosi Maromak nia Espíritu". Ita presiza Maromak nia ajuda atu komprende ho loloos Maromak Nia Liafuan. 

Ikusmai, Biblia fó-hanoin ita kona-ba Maromak Nia domin ne'ebé fiél. Livru Lamentasaun 3: 22-23 hatete katak Nai Nia laran-sadi'a foun dadeer-dadeer. Liuhusi Biblia ita aprende kona-ba Maromak Nia laran-sadi'a no Ninia promesa sira ba ita-nia moris. 

Bíblia hanorin ita, korrije ita, hametin ita-nia fiar, no halo ita hakbesik liután ba Maromak. Kuandu ita lee no halo tuir Maromak nia Liafuan, ida-ne'e ajuda ita atu la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fó grasa ba ema haraik-an

“Maromak kontra ema neʼebé foti aan, maibé Nia fó grasa ba ema neʼebé haraik aan.” Tiago 4:6 BK 

Tiago 4:6

Hahalok foti-an no haraik-an mak hahalok rua ne'ebé kontrariu ba malu. Hahalok foti-an halo ema hanoin katak nia di'ak liu fali ema seluk no la presiza Maromak. Maibé, haraik-an ajuda ema atu hatene katak nia fraku no depende ba Maromak. Bíblia hanorin ho klaru katak Maromak haraik bénsaun ba ema ne'ebé haraik-an, maibé sira kontra ema ne'ebé foti-an. 

Iha livru Tiago 4: 6 ita lee katak: "Maromak kontra ema ne'ebé foti-an maibé fó laran-sadi'a ba ema ne'ebé haraik-an." Ne'e katak kuandu ema foti-an no arrogant, sira kontra Maromak. Maibé kuandu sira haraik-an, Maromak kontente atu fó Ninia grasa, ajuda no favor. 

Jesus mós hanorin lisaun ne'ebé hanesan. Iha Evanjellu Mateus 23:12, nia hatete: No ema nebee foti aan, Maromak sei hatuun nia. No nia nebee haraik aan, Maromak sei foti sae nia". Ema barak foti sira-nia an liuhusi buka hahi'i, kbiit, ka rekoñesimentu. Maibé Jesus hanorin katak ema ne'ebé haraik-an iha Maromak nia oin sei hetan onra ne'ebé loos. 

Livru Salmo mós ko'alia kona-ba Maromak nia domin ba ema haraik-an. Livru Salmo 25: 9 hatete katak Maromak dirije ema haraik-an kona-ba buat ne'ebé loos no hanorin sira kona-ba Ninia dalan. Ema ne'ebé haraik-an hakarak aprende no rona Maromak. Tanba hahalok hanesan ne'e, Maromak lori nia ba dalan loos. 

Ita mós bele hetan promesa furak seluk tan iha livru Salmo 149: 4 ne'ebé dehan katak Nai kontente ho Ninia povu no tau koroa ba ema haraik-an sira ho salvasaun. Maromak kontente ho sira ne'ebé mai hasoru Nia ho haraik-an. 

Ikusmai, Eskritura husi Tiago 4: 10 fó-hanoin ita katak: "Haraik aan iha Nai nia oin, no Nia sei foti sae imi". Ida-ne'e hanorin ita katak ita la presiza foti ita-nia an. Kuandu ita la'o ho haraik-an ho Maromak, Nia mak sei tane aas ita iha tempu ne'ebé loos. 

Lisaun ne'e klaru tebes: foti-an lori ita dook husi Maromak, maibé haraik-an halo ita hakbesik liután ba Nia. Kuandu ita hili haraik-an, ita loke ita-nia laran ba Maromak Nia grasa no matadalan. No kuandu ita la'o ho haraik-an iha Nai nia oin, ita la'o daudaun iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Haree ba Jesus

Tanba see mak boot liu, nia ne'ebé tuur iha meja, ka nia ne'ebé serví? La'ós nia ne'ebé tuur iha meja? Maibé Hau iha imi-nia leet nu'udar ema ne'ebé serví. Lucas 22:27 BK 

 

Lucas 22:27 

Dala barak ema haree ba ulun-nain sira, ema ne'ebé famozu, ka ukun-na'in sira ne'ebé iha poder boot nu'udar ezemplu ba ema ne'ebé iha valór boot. Iha mundu ne'e, ema ne'ebé tuur iha meza no hetan serbí, baibain konsidera hanesan ema importante sira. Maibé Jesus hatudu imajen ida-ne'ebé diferente kona-ba sai ema boot ne'ebé loos. 

Iha Evanjellu Lucas 22:27, Jesus hatete: "Maibé Ha'u iha imi-nia leet nu'udar ema ne'ebé serví". Ida ne'e surpreza tebes. Tamba, Jesus mak Maromak Nia Oan-Mane, maibé Nia hili atu moris hanesan atan ida. Nia mai la'ós atu hetan onra husi ema, maibé atu ajuda, hanorin, no tau matan ba sira. 

Apóstolu Paulo mós fó-hanoin ema kristaun kona-ba hahalok ne'e iha ninia surat ba ema Filipe 2: 3-8. Nia haruka ita atu labele hanoin an de'it no labele foti-an. Maibé, ita tenke haraik-an no hanoin ema seluk importante liu fali ita-nia an rasik. Tuirmai apóstolu Paulo hatete katak Jesus mak ezemplu ne'ebé perfeitu. Maski Jesus ne'e Maromak, maibé Nia haraik-an no mai iha mundu nu'udar atan ida. Nia mós halo tuir Maromak to'o Nia mate iha krús. 

Ida-ne'e hatudu ita Jesus Nia laran. Nia hili atu haraik-an duke foti-an, serbí duke uza podér, no sakrifísiu duke komfortu. Kuandu ita hakarak aprende oinsá atu moris, ita tenke hateke ba Jesus. 

Bíblia mós fó-hanoin ita iha livru Salmo 138 katak Maromak mak aas no boot tebes maibé Nia kuida ba ema ne'ebé haraik-an. Nia anota ema sira ne'ebé la'o ho laran haraik-an.

Ba ita ohin loron, lisaun ne'e simples. Kuandu ita hakarak halo desizaun ruma iha ita-nia moris, ita tenke husu: "Saida mak Jesus sei halo?" Se ita haree ba Jesus no halo tuir ninia ezemplu kona-ba haraik-an, domin, no serbí, ita sei la'o iha dalan ne'ebé halo Maromak kontente. 

Kuandu ita hateke nafatin ba Jesus no halo tuir Ninia dalan sira, ita la'o daudaun iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak boot liu?

Eskolante sira komesa haksesuk malu kona ba see mak boot liu entre sira. No Jesus dehan ba sira, “Liurai sira hosi ema Jentiu sira domina sira nia povu. No sira ne'ebé halao autoridade simu naran ‘tulun nain’. Maibé imi la bele hanesan ne'e. Nia ne'ebé boot liu iha imi nia leet tenki sai kiik liu. No nia ne'ebé xefi tenki sai ema nebee serví. Tanba see mak boot liu, nia ne'ebé tuur iha meja, ka nia ne'ebé serví? La'os nia ne'ebé tuur iha meja? Maibé Ha'u iha imi nia leet nu'udar ema ne'ebé serví.” Lucas 22:24-27 BK 

                               Lucas 22:6

Loron ida, Jesus nia dixipulu sira komesa diskute malu. Sira ida-idak hakarak hatene se mak boot liu iha sira-nia leet. Sira mak Jesus nia dixipulu, maibé sira nafatin hanoin hanesan ema iha mundu ne'e. Ema barak fiar katak ema ne'ebé boot liu mak ema ne'ebé iha kbiit boot liu, pozisaun aas liu, ka ema ne'ebé ema respeitu barak liu. 

Jesus uza tempu ne'e atu hanorin sira lisaun importante ida. Iha Evanjellu Lucas 22:24-27, Jesus hatete katak iha mundu, ukun-na'in sira hakarak hatudu sira-nia podér ba ema seluk. Sira hakarak ema serbí sira no halo tuir sira. Maibé Jesus hatete ba ninia dixipulu sira katak sira labele hanesan ne'e.

Jesus hatete katak ema ne'ebé boot liu tenke sai hanesan ema ne'ebé ki'ik liu, no ulun-nain tenke sai hanesan atan ida. Ho liafuan seluk, ida ne'ebé boot tebes mak ema ne'ebé prontu atu serbí ema seluk. Ida ne'e la hanesan ho ema nia hanoin baibain.

Tuirmai Jesus fó ezemplu di'ak liu hotu. Nia husu: "See mak boot liu, nia nebee tuur iha meja, ka nia nebee serví? Laos nia nebee tuur iha meja? Maibee Hau iha imi nia leet nudar ema nebee serví (Lucas 22:27). Baibain, ema ne'ebé tuur iha meza konsidera boot liu. Maibé Jesus hatete: "Hau iha imi-nia leet nu'udar ema ne'ebé serbí." Maski Jesus mak Maromak nia Oan, maibé nia hili atu serbí ema ho domin no haraik-an. 

Ida-ne'e hanorin ita lisaun ida-ne'ebé simples maibé forte. Maromak Nia haree kona-ba sai boot liu mak la'ós atu aas liu fali ema seluk. Ne'e mak kona-ba ajuda ema seluk, tau matan ba ema seluk, no hatudu hahalok haraik-an. Bainhira ita serbí ema ho domin, ita halo tuir Jesus Nia ezemplu. 

Tan ne'e, duke husu: "Oinsa mak ha'u bele sai boot liu?" Ita presiza husu: "Oinsa mak ha'u bele serbí?" Kuandu ita moris hanesan ne'e, ita la'o tuir Jesus nia hanorin no la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Moises, atan ne'ebé haraik-an

Liuhusi fiar mak Moisés la simu atu ema bolu nia nuʼudar oan husi Liurai Ejitu nia oan-feto kuandu nia sai boot ona. Nia hili atu hetan terus hamutuk ho Maromak nia povu duké hetan ksolok ba tempu uitoan iha sala laran, tanba nia haree katak moe neʼebé nia hetan nuʼudar Kristu iha folin boot liu fali rikusoin Ejitu nian; basá nia hateke loloos ba kolen neʼebé nia atu simu. Ebreu 11:24-26 TMF

Ebreu 11:24-26 TMF

Moses boot Iha palasiu ida-ne'ebé iha podér boot liu iha mundu antigu - palásiu Farao nian iha rai-Ejitu. Apóstolu 7:22 hatete "No Moisés simu hanorin tuir ema Ejitu sira nia matenek hotu. No nia iha kbiit boot iha liafuan no hahalok" Nia iha priviléjiu, status sosiál aas, rikusoin no oportunidade. Tuir mundu nia standard Moises iha buat hotu ne'ebé nia presiza.

Maski nune'e, Maromak Nia Liafuan iha Ebreu 11: 24-26 hatete buat ne'ebé maraviloza ba ita. Bainhira Moises boot ona, nia lakohi ema bolu nia nu'udar Farao nia oan-feto nia oan-mane. Duke haksolok ho ema Ejitu nia ksolok no rikusoin, nia hili atu moris terus ho Maromak nia povu. Nia valoriza obedese ba Maromak liu fali rikusoin sira iha mundu. 

Desizaun ne'e hatudu katak Moses haraik-an. Maski nia iha edukasaun no influénsia husi liurai Ejitu, maibé nia la kaer metin ba ninia pozisaun. Nia rekoñese katak onra iha mundu ne'e temporariu de'it, maibé Maromak nia rekompensa mak ba nafatin. Moises hateke liu fali rikusoin sira iha rai-Ejitu no hanoin didi'ak kona-ba buat ne'ebé loos liu - mak fiél ba Maromak. 

Maski nune'e, Moises nia moris la perfeitu. Iha livru Exodo 2: 12 ita haree katak nia oho ema Ejitu ida-ne'ebé baku atan Ebreu ida. Hahalok ne'e obriga nia halai husi rai-Ejitu. Ida-ne'e fó-hanoin ita katak Maromak Nia atan sira mós iha frakeza. Maski nune'e, Maromak iha kbiit atu transforma ema ne'ebé prontu atu la'o tuir Nia. 

Liutiha tempu balu, Moises koñesidu kona-ba buat ne'ebé estraordinariu. Livru númeru 12: 3 hatete katak "Moisés mak ema ida nebee haraik aan tebe-tebes no liu fali ema hotu iha mundu laran". Hahalok haraik-an ne'ebe nia iha la'ós buat ne'ebé finje de'it. Maibe ne'e rezultadu hosi laran ne'ebé transforma hosi Maromak iha tinan barak nia laran, hein no serbí Maromak durante tinan barak nia laran. 

Ita aprende hosi Moses katak atu sai boot iha Maromak Nia ukun la mai hosi podér, rikusoin, ka reputasaun. Boot iha Maromak Nia ukun mai husi haraik-an no obedese ba Maromak Nia hanorin. Atan ne'ebé haraik-an prontu atu entrega an ba Maromak, rekoñese sala, no tau fiar ba Maromak Nia promesa sira ne'ebé aas liu fali rekompensa ne'ebé nia bele simu iha mundu ne'e.

Ohin loron, ema barak hakarak hetan rekoñesimentu, susesu, no komfortu. Maibé Moises fó-hanoin ita katak desizaun ne'ebé boot liu mak atu hafolin Maromak liu fali buat hotu. Kuandu ita hili atu fiél ba Maromak liu fali haksolok temporariu iha mundune'e, ita la'o iha dalan haraik-an nian. 

Ikusmai, Moises nia moris hatudu lia-loos ne'ebé boot liu: Maromak fó onra ba sira ne'ebé haraik-an iha Ninia oin. Fé ne'ebé loos la sukat ho rikusoin hira mak ita iha, maibé konformi oinsa ita entrega ita-nia an ba Maromak nia hakarak. 

Ba sira ne'ebé buka Maromak ho laran-moos, dalan haraik-an sei lori ita besik liután ba Maromak ne'ebé sei ajuda ita la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hatene Ita-nia an

"Maromak, hatudu laran-sadi'a ba ha'u, ema sala-na'in ida!" - Lucas 18:13 

Lucas 18:13 

Jesus konta ai-knanoik ida kona-ba mane nain-rua ne'ebé ba templu hodi halo orasaun. Ida mak ema farizeu, no ida seluk mak ema kobradór impostu. Ema farizeu ne'e ho orgullu ko'alia kona-ba ninia hahalok-di'ak sira no agradese ba Maromak tanba nia la hanesan ho ema seluk. Maibé, kobradór impostu hamriik dook, haraik-an, no husu de'it Maromak nia laran-sadi'a. 

Jesus hatete katak  kobradór impostu ba uma  sai ema loos iha Maromak nia oin duke ema farizeu ne'e. Razaun ne'e  simples: kobradór impostu hatene nia an. Nia rekoñese katak nia pekadór no presiza Maromak nia laran-sadi'a, maibé ema farizeu ne'e hanoin katak nia ema loos ona.

Hatene ita-nia  an ho honestu ne'e  importante  iha  ita-nia relasaun ho Maromak.   Hahalok foti-an halo ema hanoin katak sira di'ak liu fali ema seluk, maibé haraik-an ajuda ita  haree ita-nia kondisaun ne'ebé loos. Jesus mós hanorin hanesan ne'e bainhira nia hatete katak kuandu ita ba festa, ita labele tuur iha fatin ne'ebé aas liu. Duke halo nune'e, ita tenke hili fatin ne'ebé kraik  no husik festa na'in  fó onra ba ita se nia hakarak (Lc 14: 8-10). Ida-ne'e hanorin ita atu hasees an husi foti-an no buka haraik-an. 

Kuandu ita hatene ita-nia fraku no sala sira, ita bele hakbesik ba Maromak ho laran-moos. Bíblia promete katak se ita konfesa ita-nia sala, Maromak sei fó perdua ba ita no hamoos ita husi buat hotu ne'ebé la loos (1 Joao 1:9). Maromak sempre prontu atu fó perdua ba sira ne'ebé ho haraik-an fila fali ba nia. 

Bíblia mós fó korajen  ba ema kristaun atu moris ho haraik-an ba malu. "Maromak kontra ema ne'ebé foti-an, maibé fó laran-sadi'a ba ema ne'ebé haraik-an" (1 Pedro 5:5). Ne'e katak Maromak fó bénsaun ba sira ne'ebé depende ba nia duke sira ne'ebé tau fiar ba sira-nia hahalok-di'ak rasik. 

Hatene ita-nia an bele ajuda ita atu komprende saida  mak ita  presiza hosi Maromak Nia grasa. Kuandu ita hakbesik ba Maromak ho haraik-an, komesa ita-nia sala, no tau fiar ba ninia laran-sadi'a, ita krexe  espiritualmente  no  haburas relasaun ne'ebé kle'an liután ho nia. 

Liuhosi moris  haraik-an no laran-moos iha Maromak nia oin, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Foti an

Oinsa ó monu tuun ona hosi lalehan, ... Tanba ó hatete ona iha ó-nia laran: Ha'u sei sa'e ba lalehan... Ha'u sei sai hanesan Maromak ne'ebé Aas Liu Hotu". - Isaias 14: 13-14 

Isaias 14: 13-14 

Foti-an mak hahalok ka atitude ne'ebé perigu liu iha ema nia laran. Iha versíkulu iha leten, profeta Isaias esplika kona-ba Lucifer ne'ebé foti-an no hakarak tau nia an iha Maromak nia leten. Duke satisfaz ho pozisaun ne'ebé Maromak fo ona ba nia, Lucifer hakarak poder, glória no autoridade ne'ebé partensi ba Maromak de'it. Ninia foti-an, rezulta ba kontra hasoru Maromak no ikusmai nia monu. 

Ohin loron, hahalok foti-an sei afeta ema barak. Bíblia fó avizu ba ema fiar-na'in sira atu labele hadomi buat mundu nian - hanesan hakarak isin nian, hakarak matan nian, no hahalok foti-an. Buat sira-ne'e la mai husi Aman, maibé husi mundu, no buat sira-ne'e sei lakon hotu (João 2:15-17). Foti an dala barak lori ema atu hetan podér ka susesu, maibé hahaloj foti an halo sira haluha sira-nia dependensia ba Maromak. 

Jesus hanorin dalan moris ne'ebé diferente. Nia hatete katak domin ba ema seluk mak ukun-fuan ida-ne'ebé boot liu (Marco 12:31). Domin ne'ebé loos la buka atu foti an liu fali ema seluk, maibé tau matan ba sira-nia moris di'ak. Foti-an haketak ema, maibé domin lori haraik-an no unidade. 

Jesus Nia moris mak ezemplu di'ak liu kona-ba haraik-an. Maski Nia iha autoridade divinu, maibé Nia la kaer metin ba Ninia glória iha lalehan, maibé nia haraik-an no halo tuir to'o mate iha kruz. Tanba Ninia haraik-an no obedese, Maromak foti Nia no fó naran ba Nia aas liu fali naran hotu (Filipe 2: 5-11). Kristu Nia moris hatudu katak podér ne'ebé loos hetan liuhosi haraik-an no obedese ba Maromak.

Bíblia mós hanorin katak lideransa iha igreja mak responsabilidade boot ida (1 Timoteo 3: 1). Maski nune'e, sai lideransa labele ho motivu atu foti an ka hakarak foti ita-nia status. Lideransa espirituál tenke gia ho haraik-an, serbí no dedika an ba Maromak.

Ema ne'ebé foti-an buka atu haboot sira-nia an de'it, maibé ema ne'ebé haraik-an serbí Maromak no serbí ema seluk. Kuandu ita halo tuir Kristu Nia ezemplu no proteje ita-nia laran hosi foti-an, ita bele hakbesik liután ba Maromak no refleta Ninia karakter iha ita-nia moris. 

Bainhira ita hili haraik-an liu fali foti-an, ida-ne'e sei ajuda ita fiél nafatin no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Haraik-an vs Foti-an

Tanba ema ne'ebé foti aan, Nai sei hatuun nia; no ema ne'ebé haraik aan, Nai sei foti aas nia. Lucas 14:11 BK 

Lucas 14:11

Jesus hanorin lisaun importante ida kona-ba diferensa entre foti-an no haraik-an. Ema barak naturalmente hakarak hetan onra, respeitu, no tau iha fatin aas liu fali ema seluk. Maibé Jesus esplika katak iha Maromak nia ukun, valór sira ne'e diferente. Ema ne'ebé foti-an sei hatun, maibé ema ne'ebé haraik-an Maromak sei tane aas sira. 

Bíblia fó avizu ba ema fiar-na'in sira atu labele hadomi mundu ne'e nia sasán sira. Mundu nia hakarak sira hanesan foti-an, ambisaun ka hanoin an de'it, no dezezu atu hetan rekoñesimentu, la mai husi Maromak no ikusmai sei lakon hotu (1 João 2:15–17). Bainhira ema hanoin de'it kona-ba sira-nia an no sira-nia susesu, dala barak sira haluha katak sira presiza Maromak. 

Jesus esplika lisaun ne'e iha istória kona-ba ema farizeu no kobrador impostu. Ema farizeu ne'e ho orgullu ko'alia kona-ba ninia hahalok-di'ak sira, maibé kobradór impostu ho haraik-an husu Maromak Nia laran-sadi'a. Jesus hatete katak kobradór impostu fila ba uma justifikadu ka sai ema loos iha Maromak Nia prezensa (Lukas 18: 9-14). Istória ne'e hatudu katak Maromak hafolin liu ema nia laran ne'ebé haraik-an no laran-moos duke buat ne'ebé haree di'ak hosi li'ur de'it.

Hahalok haraik-an mós envolve rekoñese ita-nia sala no buka Maromak Nia perdaun. Bíblia promete katak se ita konfesa ita-nia sala, Maromak sei fó perdua ba ita no hamoos ita husi buat hotu ne'ebé la loos (1 João 1:9). Ema ne'ebé haraik-an rekoñese sala sira no depende ba Maromak Nia laran-sadi'a. 

Moises mak ezemplu ida tan kona-ba ema ne'ebé haraik-an. Maski nia iha oportunidade atu goza rikusoin no kbiit husi rai-Ejitu, maibé nia hili atu hetan terus hamutuk ho Maromak Nia povu duke haksolok temporariu sira (Ebreu 11:24-26). Ninia desizaun hatudu katak nia hafolin liu Maromak Nia promesa sira duke glória mundu nian. 

Jesus mak ezemplu boot liu kona-ba haraik-an. Kuandu Jesus Nia dixipulu sira ko'alia kona-ba se mak boot liu iha sira-nia leet, nia esplika katak ida ne'ebé boot liu mak ida ne'ebé serbí ema seluk (Lukas 22:24-27). Apóstolu Paulo mós esplika kona-ba oinsá mak Kristu haraik-an hodi husik glória iha lalehan no sai atan, no mós fó Ninia moris hodi mate iha krús (Filipe 2: 3-8). 

Foti-an foka liu ba ita-nia an rasik, maibé haraik-an foka liu ba Maromak no ema seluk. Kuandu ita hili haraik-an, ita permiti Maromak forma ita-nia karakter no dirije ita-nia moris. Bainhira ita halo tuir Kristu Nia ezemplu kona-ba haraik-an, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Immanuel, Maromak hamutuk ho ita

“Tebes, feto raan ida sei sai isin rua no tuur ahi oan-mane ida. No sira sei hanaran Nia Emanuel”  (nee katak Maromak hamutuk ho ita). Mateus 1:23 BK 

Mateus 1:23

Lia-loos ida-ne'ebé fó komfortu liu iha Biblia mak: Maromak hamutuk ho ita. Kuandu Jesus moris, ema bolu Nia nu'udar Immanuel, ne'ebé signifika "Maromak hamutuk ho ita". Naran ne'e hatudu katak Maromak la dook husi ema. Maibé, Nia hakbesik ba ita liuhusi Jesus Kristu. 

Jezus Ninia mai dahuluk iha mundu hanesan kumprimentu ba Maromak Nia planu atu revela ninia an no restaura fali relasaun entre Maromak ho ema. Liuhusi Jesus, ema bele haree Maromak Nia karakter, rona Ninia hanorin, no esperiénsia Ninia domin. 

Autór evanjellu sira ho kuidadu hakerek kona-ba eventu sira ne'ebé akontese ba Jesus atu nune'e ema fiar-na'in sira bele hatene lia-loos. Porezemplu, Lukas esplika katak, nia ho kuidadu investiga eventu sira kona-ba Jesus no hakerek atu nune'e lee-na'in sira bele hatene kona-ba buat ne'ebé sira aprende (Lukas 1: 3-4). Ida-ne'e ajuda ita atu fiar, katak Jesus mai duni moris hamutuk ho ita. 

Jesus mós hanorin Ninia dixipulu sira katak Nia sei kontinua hamutuk ho sira maski Nia fila fali ona ba Lalehan. Nia promete katak Nia sei haruka ajuda-na'in (Espiritu Santu) mai atu fó matadalan no hametin fiar-na'in sira (João 14). Liuhusi Maromak nia espíritu, Nia hamutuk nafatin ho Ninia povu.

Antes Jesus fila fali ba Lalehan, Nia halo promesa seluk ida: Nia dehan "Hau sempre hamutuk ho imi to'o mundu nia rohan." Mateus 28:20. Ne'e katak Kristu la husik Ninia ema sira mesak de'it. Iha situasaun hotu-hotu, maski iha ksolok, susar, ka iha situasaun la serteza, Maromak hamutuk nafatin ho ema ne'ebé tau fiar ba Nia. 

Mensajen husi Immanuel fó-hanoin ita katak Maromak la dook husi ita-nia moris. Nia komprende ita-nia susar sira no la'o hamutuk ho ita liuhusi susar sira ne'e. Tanba Jesus, ita bele esperiensia Maromak Nia prezensa, matadalan no komfortu loroloron. 

Kuandu ita hanoin-hetan katak Maromak hamutuk ho ita duni, ita-nia fiar sai metin liután no ita-nia laran sai nakonu ho esperansa. Tau fiar ba Ninia prezensa no halo tuir Ninia matadalan, ajuda ita atu la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak iha Kriasaun

Hahuu fo-foun, Maromak kria lalehan no rai. Génesis 1:1 BK

Génesis 1:1 

Bíblia hahú ho deklarasaun ne'ebé forte: Maromak mak Kriadór ba buat hotu. Antes mundu ne'e mosu, antes kriasaun fitun no rai no buat hotu, Maromak ezisti ona. Kriasaun la akontese tanba asidente. Kriasaun mak rezultadu husi Maromak Nia matenek, podér no domin. 

Ema nia moris ne'e rasik hatudu katak Maromak kuda ita. Bíblia hatete katak "Nai Maromak forma mane ida hosi rai rahun, no huu iis moris ba nia inus"Jénesis 2:7. Ne'e katak ita-nia moris mai direta husi Maromak. Ita iha tanba Maromak fó iis moris mai ita. 

Tanba Maromak mak ita-nia Kriador, ita nunka dook husi Nia. Bíblia hanorin katak Maromak hakarak ema atu buka Nia no hetan Nia, tanba iha Nia mak ita moris, book an ba mai no ezisti (Apóstolu 17:27-28). Ita-nia ezistensia depende kompletamente ba Maromak. 

Natureza rasik hatudu katak Maromak mak boot tebes. Livru Job konvida ita atu hanoin-hetan no hahi'i Maromak tamba Nia obra sira (Job 36:24). Kuandu ita haree kalohan, udan, rai-tarutu, no rai-lajan, ita haree evidénsia kona-ba Maromak nia podér no matenek iha mundu (Job 36:24-33; Jo 37). Buat furak sira-ne'e fó-hanoin ita katak Kriadór mak boot liu fali ema nia komprensaun. 

Kriasaun ne'ebé furak no no kriasaun sira ne'ebé la'o tuir orden mós hanorin ita katak Maromak tau matan ba Ninia mundu. Tempu no klima ne'ebé muda regularmente, fulan no planeta sira ne'ebé halo rotasaun regularmente, buat sira ne'e hotu hatudu katak Maromak sustenta Ninia kriasaun sira. 

Komprende Maromak nu'udar ita-nia Kriador, fó ojetivu ba ita-nia moris. Ita ezisti to'o ohin loron la'ós tamba asidente; ita ezisti to'o ohin loron tanba Maromak kria ita no tau matan ba ita. Kriasaun mós fó-hanoin ita katak ita iha responsabilidade ba Maromak no ita tenke hatudu respeitu no hahi'i ba Maromak ne'ebé halo buat hotu. 

Kuandu ita hateke ba mundu no natureza ne'ebé hale'u ita, hanesan lalehan, rai, tasi no kriatura moris hotu, ida ne'e fo hanoin ita kona-ba Maromak Nia kbiit no laran-di'ak. Rekoñese Maromak nu'udar ita-nia Kriador, lori ita ba adora Nia, tau fiar ba Nia, no halo tuir Ninia matadalan sira. 

Bainhira ita hafolin Maromak Nia kriasaun no hanoin-hetan katak ita-nia moris mai husi Nia, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak domin

Ema ne'ebé la hatudu domin la koñese Maromak, tanba Maromak mak domin. 1 João 4:8 BK 

1 João 4:8 

Bíblia hanorin lia-loos ida-ne'ebé furak liu kona-ba Maromak: Maromak mak domin. Domin la'ós de'it buat ne'ebé Maromak halo, maibé ida-ne'e mak parte husi ninia natureza rasik. Tuir Eskritura, ema ne'ebé hatene duni Maromak sei aprende atu hadomi ema seluk tanba domin mai husi Nia (1 João 4: 7-19). 

Husi inisiu kedas, Maromak kria ema tuir Ninia ilas rasik (Genesis 1:27). Ida-ne'e katak Maromak kria ita atu refleta Ninia karakter, inklui mós Ninia domin. Maibé ema barak sente la merese. Figura importante sira iha Biblia mós sente kiik no la vale iha Maromak Nia prezensa. Abrão husu ba Maromak saida mak nia bele hetan tanba nia la iha oan (Genesis 15: 2), no Gideon sente katak ninia família mak fraku liu iha ninia suku (Juiz 6:15). Maibé Maromak nafatin hadomi sira no bolu sira atu halo tuir Ninia hakarak. 

Nu'udar ita-nia Kriador no Aman, Maromak merese atu hetan onra no respeitu (Malakia 1:6). Ninia podér boot tebes to'o foho sira nabeen iha Ninia oin (Salmo 97:5). Maski nune'e, Maromak ne'ebé poderozu mós hatudu Ninia domin no kuida ba ita ema maksalak. 

Ita bele haree ezemplu ida-ne'ebé klaru kona-ba Maromak Nia domin iha Abrão no Isaac nia istória. Bainhira Abrão besik ona atu sakrifika ninia oan-mane, Isaac, Maromak fornese bibi-malae aman ida hodi troka nia (Genesis 22: 13-14). Eventu ne'e demonstra Maromak Nia domin ne'ebé boot tebes - bainhira Maromak fó Ninia Oan-Mane atu soi mundu.

Bíblia hatete: "Tanba Maromak hadomi tebes mundu to'o nia fó Ninia Oan-Mane mesak" (João 3:16). Kristu mate ba ita kuandu ita sei sala-na'in hela, ida ne'e hatudu katak Maromak hadomi tebes ita (Roma 5:8). 

Maibé pekadu bele haketak ema husi Maromak. Bíblia esplika katak la'ós Maromak Nia kbiit mak la to'o, maibé ita-nia sala mak halo bareira entre ita ho Maromak (Isaias 59: 1-2). Tan ne'e mak Maromak haruka Jesus mai atu restaura fali ita-nia relasaun ne'ebé aat ho Nia. 

Jesus revela Maromak Nia karakter perfeitamente. Kuandu ema haree Jesus, sira haree ona Aman Nia natureza no domin (João 14:9). Bíblia hatete katak Kristu mak reprezentasaun Maromak ne'ebé loos (Ebreu 1: 3). Liuhusi Jesus Nia moris, mate, no moris-hias, Nia dada ema hotu atu hakbesik ba Nia (João 12: 32). 

Domin ne'ebé loos mós deskrebe iha Eskritura. Domin mak pasiénsia, laran-di'ak, la foti-an, no domin nunka falla (1 Korinto 13: 4-8). Ne'e mak domin ne'ebé mai husi Maromak no tenke sai buras iha Ninia povu nia laran. 

Kuandu ita komprende katak Maromak mak domin, ita-nia moris komesa muda. Ita aprende atu tau fiar ba Maromak, simu Ninia perdaun, no hatudu Ninia domin ba ema seluk. Bainhira ita krexe liután iha domin ne'e no moris tuir Ninia karakter, ita kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak santu

Imi tenki sai santu mai Ha'u, tanba Ha'u mak Nai neʼebé santu, no Ha'u haketak ona imi hosi povu seluk hodi sai Ha'u-nian. Levítiku 20:26 BK

Levítiku 20:26

Lia-loos importante ida kona-ba Maromak iha Biblia mak: Maromak ne'e santu. Ninia santuidade signifika katak Nia puru/moos, loos no perfeitu. La iha sala, hahalok-aat, ka hahalok sala iha Maromak Nia laran. Tanba Maromak ne'e santu, Nia bolu Ninia povu atu moris santu. 

Bíblia hatete ho klaru katak la iha ema ida mak hanesan Maromak iha Ninia santuidade. Hana. Profeta Samuel nia inan. iha antigu Testamentu hatete: "La iha ida nebee santu hanesan Nai, la iha ida seluk nebee hanesan O, la iha Fatuk ida hanesan ami nia Maromak (1 Samuel 2:2). Ida-ne'e fó-hanoin ita katak Maromak mak uniku no aas liu, importante liu no boot liu kriasaun hotu.

Maromak Nia santuidade mós hatudu Ninia kmanek no majestade. Profeta Isaias hatete katak Nai mak Maromak ne'ebé aas liu, no Nia moris ba nafatin no Ninia naran mak santu (Isaias 57:15). Maski Nia boot tebes no aas tebes, maibé Nia mós tau matan ba ema sira ne'ebé haraik-an no mós ba sira ne'ebé arrepende an. 

Maromak Nia santuidade mós sei revela ba mundu tomak. Iha futuru, Nai sei hatudu Ninia kmanek no santuidade iha nasaun barak nia oin atu nune'e ema bele hatene katak Nia mak Maromak ne'ebé loos (Ezequiel 38:23). Loron ida ema hotu sei rekoñese Ninia podér no glória. 

IhaLlalehan, Maromak Nia santuidade kontinua hetan hahi'i. Kriatura moris sira ne'ebé hale'u Ninia kadunan nunka para atu dehan: “Santu, santu, santu, Nai Maromak Kbiit Makaas, nebee iha uluk, no agora iha, no atu mai.” Apokalipse 4:8. Adorasaun ne'ebe kontinua iha Lalehan hatudu katak Maromak merese duni hetan glória no hahi'i.

Tanba Maromak mak santu, Nia bolu Ninia povu atu moris diferente ho mundu ne'e. Moris santu katak hili buat ne'ebé loos, hasees an husi sala, no moris iha dalan ne'ebé halo Maromak kontente. Ida-ne'e katak ita husik Maromak Nia karakter transforma ita-nia hanoin, liafuan no asaun sira. 

Kuandu ita hanoin-hetan katak Maromak mak santu, ita aprende atu hatudu respeitu ba Nia, obedese ba Nia no adora Nia ho ita-nia laran tomak. Bainhira ita buka atu moris santu no fiél nafatin ba Nia, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Imajen klaru kona-ba Maromak

Hanoin hetan buat tempu antigu nian, tanba Hau mak Maromak, no la iha ida seluk. Hau mak Maromak, no la iha ida nebee hanesan Hau, nebee deklara buat ikus hosi tempu hahuu, no hosi tempu antigu Hau foo sai buat sira nebee seidauk akontese, no dehan, ‘Hau nia liafuan sei metin, no Hau sei halo tuir Hau nia hakarak hotu,’ Isaias 46:9-10 BK

Isaias 46:9

Bíblia konvida ita atu haree Maromak ho klaru liután. Iha versíkulu ne'e, Maromak fó-hanoin Ninia povu katak Nia mesak de'it mak Maromak no katak Nia hatene kona-ba rohan husi inisiu kedas. La iha buat ida iha istória ka iha ita-nia moris ne'ebé mak forade Maromak Nia koñesimentu no hakarak. 

Dala ruma susar ba ita atu komprende tanbasá mak buat balu akontese iha ita-niamoris. Maski iha Job nia istória, Satanas la bele hakanek nia se Maromak la fó lisensa (Job 1:12). Ida-ne'e fó-hanoin ita katak Maromak mak ukun no kontrola buat hotu maski ita hasoru susar oioin. 

Maromak la'ós de'it iha podér, maibé Nia mós iha pasiénsia no kompaixaun. Bíblia hatete katak Nai hein atu hatudu laran-sadi'a no kompaixaun ba Ninia povu (Isaias 30:18). Nia mak Maromak ne'ebé fiél ne'ebé kaer metin Ninia aliansa no domin ba ema ne'ebé la'o tuir Nia (Deuteronomio 7:9). 

Dala ruma Maromak Nia laran-di'ak lori ita atu arrepende an no moris ne'ebé di'ak liután (Roma 2: 4). Ninia planu ba ita la'ós random, maibé Nia prepara ho kuidadu. Antes ita komprende buat sira-ne'e, Maromak prepara ona Ninia matenek no hakarak ba ita-nia di'ak (1 Korinto 2: 7). 

Kuandu ita sente fraku ka la iha forsa, Maromak fó-hanoin ita katak Ninia laran-di'ak sufisiente ba ita no Ninia podér sai perfeitu iha ita-nia fraku laran (2 Korinto 12:9). Liuhusi ita-nia fraku sira, ita aprende atu sadere liután ba Maromak. 

Maromak mós bolu Ninia povu atu halo tuir Ninia karakter sira. Porezemplu, Nia husu ita atu fó perdua ba ema seluk hanesan ita hakarak Nia fó perdua ba ita-nia sala sira (Mateus 6: 14). Moris tuir Maromak Nia hakarak ajuda ita atu esperiensia Ninia bénsaun ne'ebé nakonu.

Nai mós fó-hanoin ita katak Ninia planu sira ne'e di'ak. Nia promete futuru ida ne'ebé nakonu ho esperansa ba sira ne'ebé tau fiar ba Nia (Jeremias29:11). Liuhusi Jesus Kristu, Nia mós promete atu manán mate, hodi dehan katak Nia mak resuresaun no moris (João 11:25). 

Bíblia fó-hanoin ita katak Maromak ukun nasaun hotu no tuur iha Ninia kadunan santu (Salmo 47:8). Nia mós sai nu'udar fatin refujiadu ka fatin protesaun ba nafatin, no Ninia liman ne'ebé forsa ajuda ita iha situasaun hotu-hotu (Deuteronomio 33:27)

Kuandu ita haree Maromak ho klaru liután - Maromak Nia podér, Ninia laran-sadi'a, Ninia fidelidade, no Ninia domin halo ita-nia fiar sai metin liután. Tau fiar ba Maromak ne'ebé boot no fiél, ida-ne'e sei ajuda ita atu la'o ho fiar an, bainhira ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More