BUKA BUAT NE'EBÉ IMPORTANTE LIU

Nunee hau husu imi, maun-alin sira, tanba Maromak nia laran luak, atu foo imi nia isin nudar sakrifísiu moris nian, nebee santu no Maromak bele simu. Ida nee mak imi nia ministériu espirituál nian. Roma 12:1 BK

Iha livru Roma, apóstolu Paulo husu ema kristaun atu entrega sira-nia moris tomak ba Maromak tanba Maromak sakrifika buat hotu ba sira. Jesus husik ninia moris atu nune'e ita bele hetan ninia domin no grasa ne'ebé la iha rohan. 

Se ita lakohi atu halo tuir Jesus nia hahalok, ita sei halo Jesus Ninia sakrifisiu sai folin la iha. Maibé ita fó ita-nia moris ba Maromak hodi halo Maromak sai buat ida-ne'ebé ita buka liu fali buat seluk iha ita-nia moris.

Tan ne'e, iha pasu 5 ne'ebé ita bele halo agora atu ajuda ita tau uluk Maromak iha ita-nia moris: 

1. FÓ OBRIGADU 

Ami fó obrigadu ba Ita, oh Maromak, ba Ita; Ami foo agradese ba O, Oh Maromak, ami foo agradese tanba O nia naran nebee besik. Ema konta O nia hahalok furak. Salmu 75:1 BK

Agora, foti tempu atu fó agradese ba Maromak tanba buat ne'ebé nia halo ona ba ita. Refleta kona-ba Ninia fidelidade, no konta istória sira ne'ebé Ita haree ona no rona kona-ba Ninia kbiit furak sira.

2. UZA MINUTU 5 HAKMATEK 

"Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau" João 15:4 BK

Hela ho Jesus hahú ho hakmatek. Entaun agora, pauza, dada iis naruk, no fó ita-nia prekupasaun hotu ba Maromak. Uza minutu 5 fokus kona-ba ida ne'ebé importante liu. 

 3. HANOIN KONA-BA ITA NE'E SE NIAN

 "Imi hatene ka lae katak imi nia isin lolon mak templu ba Espíritu Santu nebee iha imi nia laran? Imi simu ona Espíritu nee hosi Maromak. Imi laos imi nian. Tanba Maromak hola ona imi ho folin ida. Nunee foo glória ba Maromak iha imi nia isin" 1 Korinto 6:19-20 BK

Maromak hadomi Ita. Folin ne'ebé nia selu ba ita mak Karungtebes. Tan ne'e, fo hanoin ba ba ita-nia an kona-ba ita ne'e se nian, no refleta fali kona-ba buat balu ne'ebé Maromak ko'alia ba ita ona. 

 4. MEDITA KONA-BA MAROMAK NIA LIAFUAN 

"Oh hau hadomi tebes O nia lei! Hau medita ba nia loron tomak" Salmu 119:97 BK

Dalan ida-ne'ebé di'ak liu atu hatene oinsá mak Jesus hakarak iha ita-nia moris mak uza tempu lee eskritura. Bainhira ita halo ida ne'e, husu Maromak atu ko'alia ba ita liuhusi Ninia Liafuan kona-ba saida mak Ninia hakarak. 

 5. FOKA LIU BA BUAT NE'EBÉ ESELENTE 

"Ikus mai, maun-alin sira, buat hotu nebee tuir lia loos, buat hotu nebee iha onra, buat hotu nebee loos, buat hotu nebee moos, buat hotu nebee furak, buat hotu nebee bele dehan diak, no se iha buat ruma nebee lao diak, no se iha buat ruma nebee bele hahii, hanoin kona ba buat sira nee" Filipe 4:8 NK

Ita hetan ona Kristu Nia hanoin. Se Ita la serteza saida mak Ita presiza hanoin, koko husu Ita-nia an: Saida mak folin-boot liu? Hanoin no hahalok saida de'it mak sei fó glória ba Maromak? Halo lista kona-ba buat hotu ne'ebé ita hanoin, no buka buat sira-ne'e. 

Liuhosi pratika pasu sira-ne'e loroloron, ita bele kria toman atu ajuda ita atu hatudu domin ba Maromak no tau Maromak uluk iha buat hotu iha ita-nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Koñesimentu kona-ba Maromak

Tanba mundu nee sei sai nakonu ho matenek kona ba Nai nia glória, hanesan tasi nakonu ho bee. Habakuke 2:14 BK

Iha fatin ne'ebé de'it ita haree, ita bele aprende buat ruma kona-ba Maromak. Rai nakonu ho informasaun kona-ba Maromak. Salmu 19: 1 hatete katak lalehan fó sai buat furak sira ne'ebé Maromak halo ona. Iha Roma 1:20 mós hatete katak husi tempu ne'ebé Maromak kria mundu ne'e, Ninia atributu bele haree ona iha buat ne'ebé Nia kria.

Aprende kona-ba Maromak Nia karakter liuhusi natureza, hanaran revelasaun jeral. Ne'e mak buat ne'ebé ema hotu bele aprende kona-ba Maromak hodi haree Ninia kriasaun sira. Revelasaun espesiál mak koñesimentu kona-ba Maromak no salvasaun ne'ebé mai de'it husi ninia Liafuan. 

Ezemplu ida husi revelasaun espesial mak iha Habakuk 2:14, ne'ebé ko'alia kona-ba loron Ida iha futuru iha ne'ebé mundu sei nakonu ho koñesimentu ne'ebé loos kona-ba Maromak. Bainhira promesa ida ne'e fo sai ba dahuluk, nasaun Izrael iha dadur laran. Sira hasoru situasaun injustisa hosi sira-nia inimigu. Maibé Maromak fó promesa ba sira iha sira-nia situasaun ne'ebé la iha esperansa... 

"Tanba mundu nee sei sai nakonu ho matenek kona ba Nai nia glória, hanesan tasi nakonu ho bee" Habakuke 2:14 BK

Loron ida sei to'o mai bainhira ema hotu sei hatene Maromak. Koñesimentu kona-ba Nia no Ninia glória sei taka rai. Sira ne'ebé tau fiar ba Maromak nu'udar sira-nia Salvador sei hamutuk ho Nia ba nafatin iha lalehan. Maibé sira ne'ebé la hatene Jesus sei hasoru nia nu'udar sira-nia Juis, no sira sei haketak an husi Maromak ba nafatin. 

Bainhira Jesus mai dahuluk iha mundu, ema bele haree Maromak Ninia glória uitoan. No tanba espíritu santu sei serbisu hela iha Igreja, ita mós sei hetan glória ne'e to'o ohin loron. Maibé iha loron ne'ebé Jesus fila fali, ema hotu sei rekoñese Nia nu'udar Liurai ne'ebé loos. Iha tempu ne'ebá, sei tarde liu ona atu ita fahe novidades kona-ba Jesus Nia salvasaun liuhosi ninia mate no moris-hias ba ema seluk. Tan ne'e mak ita tenke uza oportunidade hotu ne'ebé ita iha atu ajuda ema hatene Jesus nu'udar sira-nia Salvador antes tarde liu. 

Nu'udar ema kristaun, ita tenke halo orasaun kona-ba loron ne'ebé Jesus sei fila fali mai no halo nakonu rai ho Ninia glória. Ita tenke buka nafatin Maromak, no lee Maromak nia Liafuan hodi hetan koñesimentu kona-ba Nia. Maibé ita mós tenke buka oportunidade atu fahe koñesimentu kona-ba Maromak ba ema seluk - agora.

Tan ne'e, gasta tempu balu atu konsidera se mak ita bele fahe Jesus nia esperansa ba. No halo orasaun ba sira ne'ebé seidauk hatene Jesus, hodi husu Maromak atu uza ita atu ajuda ema seluk hatene kona-ba Nia.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Tau fé ba pratika

Agora, fiar mak laran metin ba buat sira nebee ita espera atu simu, no hatudu realidade kona ba buat sira nebee ita la haree. Ebreu 11:1 BK

Fé ne'e mak parte esensial ida hodi ita bele la'o tuir Na'i Jesus. 

Ebreu 11: 6 hatete: "Maibee se ita la fiar, ita la bele halo Maromak kontenti" no Efesu 2:8 hatete"Tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik, maibee ida nee mak prezenti hosi Maromak"

Tan ne'e, ita labele tau fiar liu ba ita-nia fé rasik, maibé tau fiar ba Maromak. Nia de'it mak bele kria, salva no sustenta. Ita la bele hatene buat hotu, maibé ita bele hatene Maromak, ne'ebé hatene buat hotu. Tan ne'e mak di'ak liu atu tau fiar ba Maromak. 

Maibé la fasil atu tau ita-nia fé ba prátika. Hakerek-nain husi Ebreu hatete katak fiar hahú hosi tau fiar ba buat ne'ebé ita espera. Liután ne'e, ita iha serteza ba buat ne'ebé ita la bele haree.

Maski ida-ne'e hanesan kontradisaun ida, maibé fé rekere tau fiar ba buat ida ne'ebé fora hosi ita-nia an. Se ita bele haree no sukat, ida-ne'e la presiza fé. Porezemplu, iha Eskritura ita lee katak Maromak kria lalehan no rai rai no buat hotu ne'ebé iha rai (Jenesis 1:1) Maibé ita la iha ne'ebá bainhira kriasaun ne'e akontese. Presiza fé atu fiar ida-ne'e. 

Jesus hatete katak sira ne'ebé fiar ba Nia, sei simu moris rohan-laek, maibé ne'e mak promesa ba futuru ne'ebé sei mai. Ita tenke iha fé katak Jesus sei kumpre ninia promesa sira, no loron ida ita sei hamutuk ho Nia iha lalehan hanesan Nia promete ona iha João 14:1-3.

Fé mak serteza katak saida mak Maromak promete sei akontese. Fé mak konfia katak saida mak Jesus dehan ne'e loos duni. Tan ne'e mak ema sira iha Eskritura hein ho laran-metin ba Maromak atu kumpre ninia promesa sira. Karik sira barak mak la haree kumprimentu ba Maromak Ninia promesa ne'e bainhira sira sei moris, maibé sira iha fé katak Maromak sei kontinua halo tuir saida mak Nia promete ona 

Gasta tempu atu hanoin kona-ba Ita-nia fiar rasik. Serake Ita-nia fiar nakonu ho esperansa? Halo orasaun ba Maromak atu fó garantia katak ninia promesa hotu sei sai loos. No bainhira ita halo ida ne'e, aprende husi istória sira ne'ebé temi iha Ebreu 11 kona-ba oinsá mak ita bele tau ita-nia fé ba pratika

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Bensaun ba Nia ne'ebé mai hodi Nai nia naran

... “Bensaun ba Liurai nebee mai hodi Nai nia naran! Dame iha lalehan, no glória iha fatin aas liu!” Lucas 19:38 BK

Durante tinan 400 liu, povu Izrael hein no tahan terus no abuzu maka'as husi ukun-na'in estranjeiru sira. Sira hein durante semana, fulan no tinan barak, sira kaer metin ba profesia hosi profeta sira hanesan Isaias no Zacarias ne'ebé hatete katak, loron ida sira sei halakon sira-nia inimigu.

Ema judeu hein hela mane ida-ne'ebé iha kbiit boot atu halakon Roma nia ukun no foti ninia fatin atu sai liurai no manán. Depois, iha loron ida, iha ema naran-boot ida mosu mai (neebe foin hamoris fali ema ida husi mate) iha sidade kapital, Jeruzalein, no nia sa'e kuda-burru ida, animál ida-ne'ebé dala barak asosiadu ho liurai no dame. 

Maibé Jesus la'ós de'it ema baibain, maibé nia mak Maromak no ema. No Jesus la'ós de'it atu tama ba Jeruzalein ho triumfante, maibé ida ne'e Marsa ne'ebé nakonu ho fiar, ne'ebé sei lori Nia ba krusifikasaun ne'ebé Hein hela Nia.

Jesus sei sai liurai, maibé la'ós tuir dalan ne'ebé ema judeu sira espera. Maibé, Ninia dixipulu sira hatene katak iha buat espesiál ruma kona-ba Jesus, sira hakilar no kanta... 

 "... “Bensaun ba Liurai nebee mai hodi Nai nia naran! Dame iha lalehan, no glória iha fatin aas liu!” Lucas 19:38 BK

Iha loron balu de'it, Jesus tama ba sidade ne'e ho triumfante, sei manán fali inimigu sira ne'ebé forte liu hotu hanesan: mate, anju aat, no separasaun eternal husi Maromak. Maibé vitoria ne'e nia kustu mak Jesus nia moris, no ema-lubun ne'ebé hakikar hosana bainhira Jesus tama ba Jerusalem, sira ne'e mak ikus mai hakilar no hakarak Jesus Nia mate.

Ninia sakrifísiu mak folin-boot tebes, maibé liuhosi Ninia sakrifisiu Nia fó buat hotu mai ita. 

Tanba Jesus sakrifika ninia an ba ita, agora ita bele mai ho aten brani iha Ninia prezensa. 

Tan ne'e, ohin loron, hanoin to'ok kona-ba oinsá Jesus Ninia obedese to'o mate Iha kruz hodi bele hadi'a fali ita-nia relasaun ba nafatin ho Maromak. Tuirmai, uza tempu balu atu fó bénsaun no hahi'i ba Liurai ne'ebé mai hodi Nai nia naran.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Naroman boot

Povu nebee lao iha nakukun laran haree fali naroman boot. Sira nebee hela iha lalatak mate nia rai, naroman leno ba sira. Isaias 9:2 BK

Serake Ita haree ona nakukun ne'ebé kle'an tebes? Maioria hosi ita haree ona Ida ne'e iha tempu balu iha ita-nia moris. Maibé iha naroman boot ida ne'ebé muda oinsá ita haree. 

Iha Testamentu Antigu nia laran, iha profesia barak kona-ba eventu sira ne'ebé sei akontese iha futuru. No libru Isaias hakerek kona-ba esperansa iha futuru... 

 "Povu nebee lao iha nakukun laran haree fali naroman boot. Sira nebee hela iha lalatak mate nia rai, naroman leno ba sira" Isaias 9:2 BK

Iha versíkulu ida anterior, eskritura ne'e esplika katak iha futuru, "ema sira ne'ebé la'o iha nakukun laran" husi "Galleia husi ema jentiu sira" sei simu naroman boot. Liafuan "jentiu" mak termu ida ba ema uza ba ema sira ne'ebé la'ós judeu, ne'ebé reprezenta mistura ekletiku husi nasaun seluk.

Izrael mak Maromak nia nasaun ne'ebé Maromak hili atu liuhosi nia Na'i Salvadór sei moris mai iha mundu ne'e. Maibé Maromak mós hatete ba Abrão, ne'ebé konsidera hanesan ema judeu sira-nia aman, katak família no nasaun hotu iha mundu mós sei hetan bénsaun liuhusi ninia jerasaun sira (haree Jenesis 12: 2-3; 22:18). 

Profesia ida ne'e kumpri duni iha Jesus Kristu, Mesias. Maibé kuandu nia hatudu an iha Izrael, ninia povu rasik la simu nia, liuliu tanba Nia la hatudu an hanesan saida mak sira espera, maibé, ema jentiu barak ne'ebé uluk la iha fiar mak simu nia. 

Maromak fahe liután kona-ba ida-ne'e iha Isaias 49: 6 bainhira ko'alia profesia kona-ba Salvador: 

 ".... Hau sei halo ita sai naroman ida ba nasaun sira, hodi Hau nia salvasaun bele too iha mundu tomak.” Isaias 49:6

Iha Testamentu Foun, Mateus temi Isaias 9: 1-2 bainhira hakerek kona-ba Jesus nia serbisu haklaken besik Tasi Galileia, iha ne'ebé ema jentiu sira barak hela ba. Nia komprende katak ida ne'e kumprimentu ba Maromak nia liafuan liuhusi profeta Isaias. 

Ida-ne'e mak avizu furak ida ba ita vkatak la prekupa ita ne'e se, la prekupa ita hela iha ne'ebé, la prekupa ita-nia istória, la prekupa ita-nia nakukun ne'ebé kle'an tebes, naroman boot mai ona. Naroman ne'e fera nakukun, halakon lalatak sira, no lori moris ba buat hotu ne'ebé nia kona. 

Naroman boot ne'e mak Jesus, no Nia mesak de'it mak ita-nia esperansa. Uluk ita iha nakukun laran, maibé agora ita iha naroman.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Na'i sei la husik Ita

Ema moris loos hetan terus barak, maibee Nai salva nia hosi terus hotu nee. Salmu 34:19 BK

Karik Ita sente katak moris ne'e halo Ita sente KO (knockout)? Se nune'e, ó la mesak de'it. Tuir loloos, la'ós segredu katak mundu ne'e nakonu ho buat di'ak no problema. 

Liurai David, ne'ebé ninia moris deskrebe barak iha Testamentu Antigu, nia toman ona moris iha problema nia laran. Nia hetan ameasa husi inimigu sira no hasoru susar ne'ebé fo amiesa ba mate. 

Maibé, inspira hosi espíritu santu nia hakerek: 

 "Ema moris loos hetan terus barak, maibee Nai salva nia hosi terus hotu nee" Salmu 34:19 BK

Se iha buat ida de'it ne'ebé ita bele depende ba iha ita-nia moris, ne'e mak Maromak ne'ebé moris, ativu, no sempre prezensa iha ita-nia moris tomak, maski iha tempu susar liu iha ita-nia moris. 

Maibé se mak "ema laran-loos" ne'ebé Liurai David temi iha Salmo ida-ne'e? Tamba bainhira ita lee parte seluk iha Biblia dehan: "La iha ema ida mak loos, nein ema ida mós" (Roma 3:10, Salmo 14: 3). Iha maneira ida atu ita komprende kontradisaun ida-ne'e: 

Laran loos, ita la bele hetan, maibé Maromak bele fo. 

Kuandu ita tau fiar ba Maromak, no mós ba Ninia Oan-Mane, Jesus Kristu (neebe sakrifika Ninia moris atu ita bele moris), ita fiar katak Ninia hahalok loos mós sei habelar ba ita. 

Atu halo simples, ema laran-loos mak ema sira ne'ebé sadere ba Maromak nia hahalok loos. 

Ita haree ida-ne'e hanesan la justu no la merese, loos ka lae? Maibé ne'e mak grasa. Tamba grasa, liuhusi fé mak ita bele sai nu'udar ema laran-loos. Ita la bele serbisu hodi hetan ida-ne'e no ita labele sosa ho osan. 

Tan ne'e, kuandu ita hasoru susar oioin, ita bele espera katak Maromak sei hatudu an iha dalan barak ne'ebé úniku. La'ós tanba ita mak ema loos, maibé tanba Ninia hahalok loos. No Ninia hahalok loos la iha limitasaun. 

Entaun, oinsá mak Maromak hatudu hahalok-loos? 

Nia dirije ita. Nia fo komfortu. Nia korrije. Nia fó-hanoin ita kona-ba buat ne'ebé loos. Nia ajuda ita atu tahan nafatin. Nia fo sabedoria no matenek ba ita-nia neon. Nia inspira ema seluk atu ajuda ita. Nia book ita laran atu ajuda ema seluk. Nia fó dame mai ita iha tempu susar nia laran. Nia fó korajen mai ita atu hamriik metin iha fiar. Nia serbisu, serbisu no serbisu iha dalan ne'ebé ita la komprende.

No kuandu ita hanoin katak Maromak sei husik ita iha tempu susar, hanoin ba katak Maromak nia prezensa sempre iha ita-nia terus laran no ninia rekursu la iha rohan. Di'ak ba ita atu presiza Maromak loroloron. Atu bele dada iis. Atu bele Tahan moris ka sobrevive no moris-di'ak. 

Entaun maun-alin sira, susar sei mai. Maibé Maromak sei nunka husik ita-nia sorin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak deit mak halo moris

Entaun nia nebee kuda no nia nebee rega nee laos buat ida, só Maromak deit nebee halo moris. 1 Korinto 3:7 BK

Karik Ita sente katak haklaken evanjelu ne'e todan tebes? Susar tebes? Hanesan buat hotu depende tomak ba Ita de'it, no Ita sente kolen los? 

Karik ita sente hanesan ne'e, ita la mesak. Agradese ba Maromak tamba Nia la intende atu ita halo Ida ne'e mesak de'it.

1 Korinto 3: 7 fó-hanoin ita: "Entaun nia nebee kuda no nia nebee rega nee laos buat ida, só Maromak deit nebee halo moris" 1 Korinto 3:7 BK

Versíkulu ne'e hasai tiha ita-nia todan iha kabaas. La'ós ita mesak mak halo buat hotu.

Maromak mak ida ne'ebé fo kresimentu ba moris espirituál. Ita-nia parte mak foti pasu kiikoan balu, hanesan kuda fini lia-loos nian, laran-di'ak, fo korajen, ka orasaun, no tau fiar de'it ba Maromak atu halo buat ne'ebé so nia de'it mak bele halo. 

No iha buat ne'ebé furak: ita la halo ida-ne'e mesak de'it. Evanjellu la'ós asaun ne'ebé ema halo iha izolamentu Nia laran, maibé ne'e mak misaun ne'ebé ita halo hamutuk. Iha mundu tomak, ema fiar-na'in sira halo misaun ne'e hamutuk iha fatin oinoin no iha sidade sira. Ita bele kuda, ema seluk rega bee, maibé Maromak mak book ema-nia laran. 

Entaun oinsá mak ita bele halo ida-ne'e ohin loron? Ita bele halo ida ne'e liuhosi haruka mensajen ba kolega ida, hasa'e orasaun ba ema seluk, konvida sira ba igreja, ka fo sasin kona-ba oinsá Jesus muda ita-nia moris. Hahalok simples no fiél sira ne'e Maromak bele uza hodi halo buat ne'ebé boot iha ema seluk ninia moris.

Hasai tiha presaun. Ita la presiza halo buat hotu mesak de'it, maibé tenke halo buat ruma. Ita la mesak de'it, ninia rezultadu la depende de'it ba ita.

 Ita kuda. Ema seluk rega bee. 

 Maromak fo kresimentu ka fo.moris

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Haraik-an ho konfiansa

No ida nee mak konfiansa nebee ita iha ho Nia, katak se ita husu buat saida deit nebee tuir Ninia hakarak, Nia sei rona ita. 1 João 5:14 BK

Iha João kapítulu 5, apóstolu João esplika katak ema hotu ne'ebé fiar katak Na'i Jesus mak Kristu (Mesias ne'ebé fó sai nanis ona) - sai ona Maromak nia oan sira. 

Bainhira ita sai ita-nia Aman iha lalehan Ninia oan sira, ita la'ós de'it sai nu'udar liman-rohan eterna ba Ninia reiñu, maibé ita mós iha privelijiu atu hakbesik ba Liurai husi liurai hotu. 

Joao hatete nune'e: 

"No ida nee mak konfiansa nebee ita iha ho Nia, katak se ita husu buat saida deit nebee tuir Ninia hakarak, Nia sei rona ita" 1 João 5:14 BK

Bainhira ita kontinua lee versikulu ida ne'e, apóstolu João hatete fali katak Maromak hakarak fó buat ne'ebé ita husu ba ita, bainhira ita husu ho motivu ne'ebé loos. 

Hanoin to'ok kona-ba ida-ne'e: serake labarik ida hanoin barak kona-ba hakbesik an ba nia inan-aman bainhira nia presiza snack, hakoak, sujestaun ka ajuda ruma? 

Kuandu ita hakbesik ba Maromak ho konfiansa hanesan labarik ida ne'ebé aproxima ninia inan/aman, ho laran-moos, haraik-an, ho fiar, no desperadu ita bele serteza katak Nia rona ita. Kuandu ita hato'o pedidu ruma, karik ita hetan resposta "sin", ka karik ita hetan "lae" ka ita bele hetan "seidauk". Maski nune'e... 

Ita bele hatene katak Maromak rona ita bainhira ita tau fiar ba Nia ho ita-nia orasaun. 

Autór ba Livru Ebreu nian hatete: "Nunee mai ita hakbesik ho konfiansa ba kadunan grasa nian, atu ita bele simu laran luak no hetan grasa hodi tulun ita iha tempu nebee ita presiza" Ebreu 4:16 BK

Karik ita presiza matenek, matadalan, ka ajuda, ita bele hakbesik ba Maromak ne'ebé laran-di'ak. Ita bele hakbesik ba Maromak liuhusi ita-nia hahi'i no dúvida, ita-nia prekupasaun, ita-nia agradese no ita-nia pergunta sira. 

No kuandu ita husu buat ruma ne'ebé tuir ninia hakarak, Maromak sei nunka rejeita ita-nia orasaun, tanba ida-ne'e fó ksolok boot ba Maromak atu fó buat hotu ne'ebé ita presiza (Lukas 12:31-32).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Solusaun ida-ne'ebé dura

Maromak tau Jesus nudar sakrifísiu nebee taka ita nia sala nebee ita simu liu hosi fiar iha Jesus nia raan. Ida nee hatudu Maromak nia hahalok loos tanba Nia hatudu pasiénsia kona ba sala iha tempu uluk. Roma 3:25 BK

Serake Ita hasoru ona problema boot ruma ne'ebé la bele rezolve kedas? Problema balu iha ita-nia moris sei lori tempu atu hetan solusaun ne'ebé propriu. 

Iha Roma 3, apóstolu Paulo hahú introdus solusaun ba problema boot ida - pekadu. Sala mak hahalok sira ne'ebé la halo tuir Maromak Ninia mandamentu sira. No tanba Maromak ne'e santu no la halo sala, ita-nia sala haketak ita husi relasaun ho Maromak. 

Apóstolu Paulo esplika tan katak ema hotu la tuir Maromak nia matadalan atu moris 

 - ita hotu halo ona sala (Roma 3:23). Ita hotu haketak ona ka separadu husi Maromak. 

Ita bele hetan solusaun ba ita-nia problema iha Jesus. Apóstolu Paulo hatete katak Jesus mai atu reprezenta ita, no Ninia mate hamoos ita-nia sala. Ne'e katak Jesus foti kastigu ne'ebé ita merese hetan, no nia fornese dalan ba ita atu iha relasaun fali ho Maromak. 

Buat sira-ne'e hotu posivél liuhusi Ninia mate no moris-hias. Jesus fó ona solusaun permanente ba problema ne'ebé sériu tebes, no ita bele hola parte iha prezente ne'e ho gratuita. La iha buat ida-ne'ebé presiza atu selu hodi 8ta, maibé fiar no halo tuir de'it Ninia hanorin sira (Roma 10:9). 

Jesus nia mate no moris-hias la'ós de'it hamoos ita-nia sala sira, maibé mós hamoos ita-nia sala sira iha tempu uluk no iha futuru bainhira ita tau fiar no halo tuir Ninia hanorin sira. Ida-ne'e hatudu katak Maromak ne'e justu bainhira Nia rezolve ita-nia sala sira, maibé nia fornese dalan ba ita liuhusi Jesus. 

Serake iha sala sira iha pasadu ne'ebé Maromak fó perdua ona maibé ita sei kaer metin ba? Hanoin-ba katak Jesus selu sala sira ne'e hotu ona atu nune'e ita bele la'o iha liberdade nia laran.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Seguru ho Maromak

 Tanba nee hau nia fuan laran kontenti no hau nia aan tomak haksolok, no hau nia isin mos hela seguru. Tanba O sei la husik hau nia klamar ba Fatin Mate, no O sei la husik O nia ema santu atu sai isin dodok. Salmu 16:9-10 BK 

Kuandu ita sente katak ita-nia moris kolen no nakukun, ita bele hetan seguransa ne'ebé maihosi tau fiar ba Maromak. 

Liurai David, ne'ebé hakerek Salmo 16, hasoru susar oioin hanesan fizikamente, emosionalmente no spritualmente stress iha ninia moris tomak. Maski nune'e, nia sente dame no haksolok, tanba nia hatene katak ninia klamar seguru iha Maromak nia liman. 

 Nia hakerek... 

Tanba nee hau nia fuan laran kontenti no hau nia aan tomak haksolok, no hau nia isin mos hela seguru. Tanba O sei la husik hau nia klamar ba Fatin Mate, no O sei la husik O nia ema santu atu sai isin dodok. Salmu 16:9-10 BK

Eskritura hatete katak, tanba sala, ita-nia isin temporariu bele ran, ita-nia ruin bele tohar, no ikusmai ita-nia isin neneik neneik Sai ferik no katuas no ikus mai mate. Maibé hahi'i ba Maromak, tamba mate no rate sei la manan ita! Tanba Jesus selu ona ho Ninia moris rasik atu salva ita, tanba imposivél mate bele hanetik Nia, Nia hamoos ona dalan ba ita atu hetan moris rohan-laek. 

 Iha versíkulu tuirmai, David hatete tan:... 

 "O foo hatene kona ba dalan moris nian mai hau; hau sei haksolok tebes iha O nia prezensa" ,Salmu 16:11 BK

Jesus mak Mesias ne'ebé ema hein ba tempu naruk ona, ida ne'ebé perfeitu, Maromak ne'ebé nakfilak ba ema, Ida ne'ebé moris tuir Maromak Ninia hakarak, Nia mate ba ita, no Nia manan rate. Kuandu ita simu grasa, no domin ne'ebé Nia oferese, Nia sei la husik ita, Ninia espíritu sei fó kbiit mai ita no ita hetan asesu ba Maromak ba nafatin! 

Tan ne'e, se ita buka hela ultima seguransa, hatene ba katak ita la iha di'ak no susesu ne'ebé naton atu hetan seguransa ne'e. So Maromak mesak de'it mak bele guarda ita-nia moris, no ita bele konfia Nia.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Saida mak paun ba moris rohan-laek?

Hau mak Paun moris nian nebee tuun mai hosi lalehan. Se ema haan Paun nee, nia sei moris tinan ba tinan. Paun nebee Hau sei foo hodi mundu bele moris mak Hau nia isin. João 6:51 BK

Depois fó-han ema na'in 5000 ho paun lima no ikan rua de'it, ema-lubun boot duni tuir Jesus, sira hamlaha atu hetan tan paun. Maibé, duke halakon sira-nia hamlaha, Jesus haruka sira para buka ai-han ne'ebé la dura. Maibé, sira tenke buka ai-han ne'ebé dura ba moris rohan-laek. 

Jesus hatene ita-nia hamlaha fiziku nian, maibé Nia mós hatene ita-nia hamlaha boot liu tan ba ita-nia klamar. Iha ita-nia kabun ne'ebé tarutu maka'as tamba hamlaha, iha hamlaha espirituál ne'ebé boot liutan ba perdaun, rekonsiliasaun ka dame malu, no moris hamutuk ho Maromak. Tan ne'e mak Jesus deklara: 

Hau mak Paun moris nian nebee tuun mai hosi lalehan. Se ema haan Paun nee, nia sei moris tinan ba tinan. Paun nebee Hau sei foo hodi mundu bele moris mak Hau nia isin. João 6:51 BK

Ne'e la'ós kona-ba paun ne'ebé halo bosu ba loron ida de'it, maibé ida ne'e kona-ba paun espirituál - ninia isin Rasik ne'ebé fó ba mundu nia moris. 

Kuandu Jesus tuur hamutuk ho ninia dixipulu sira iha andar leten antes ema kaer, julga, no halo krusifikasaun, Nia silu paun hamutuk ho sira, hodi dehan: "Nee mak ha'u-nia isin, ne'ebé fó ba imi." Ne'e mak komuñaun dahuluk, ai-han ba perdaun no moris rohan-laek nian. 

Ohin loron, Jesus sei konvida ita ba ninia meza, iha ne'ebé iha grasa barak no kadeira hotu nakonu ho domin. Nia bolu ita atu labele duni tuir buat ne'ebé la dura, maibé buka buat ne'ebé bele dura ba moris rohan-laek.

Iha meza ida, hahán ida de'it, no paun ida de'it mak bele fó satizfasaun ba nafatin. Mai ita hamlaha ba Jesus no husik Jesus hakonu ita-nia moris. "Ema ne'ebé han paun ne'e sei moris ba nafatin"

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Aten brani ba!

Hau koalia buat sira nee ba imi, atu imi bele iha dame iha Hau. Iha mundu nee imi sei hetan susar. Maibee aten brani ba; Hau manaan tiha ona mundu. João 16:33 BK

Jesus la presiza fó-hanoin ninia dixipulu sira katak problema sei mosu mai. Tamba sira esperiensia ona susar barak, hanesan ema rejeita sira, opozisaun, no presegisaun. Ema hakilar ona ba sira, ema duni ona sira tamba de'it sira la'o tuir Jesus.

Maski nune'e, iha kalan molok ema hedi nia ba kruz, Jesus hatete ba ninia dixipulu sira: Problema sei mosu mai. La'ós de'it aban, maibé iha loron hotu iha futuru. 

Nia hakarak sira preparadu. Nia hakarak ita preparadu. 

Maibé haree didi'ak ba buat seluk tan ne'ebé nia hatete: "Aten brani ba" 

Tanbasá? Tanba pas ne'e posivél/bele.

Evanjellu husi João nakonu ho Jesus nia liafuan ne'ebé nakonu ho esperansa. Nia ko'alia kona-ba espíritu ninia prezensa, kona-ba ninia domin ba ita, kona-ba Ninia orasaun ba ita. Ita bele hetan dame iha buat ne'ebé Nia dehan. 

Maibé liu fali ida-ne'e mak ita bele hetan dame iha Jesus. 

Jesus la dúvida ko'alia liafuan sira-ne'e. Nia hatene saida mak sei akontese iha Sesta feira Santa. Nia hatene krús ninia todan. Maibé nia mós hatene katak loron-domingu sei mai. Katak mate sei labele kaer netik nia. Nia hatene duni katak Ninia vitoria ne'e serteza. 

Ita-nia problema sira ne'ebé mak ita hasoru ne'e reál, maibé problema sira ne'e la'ós Ita-nia na'i. Jesus mak ita-nia Na'i. No nia manán ona mundu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: be opp Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hosi triste sai ksolok

Tebes, tebes, Hau dehan ba imi, katak imi sei tanis no halerik, maibee mundu sei haksolok. Imi sei laran susar. Maibee imi nia laran susar nee sei sai haksolok. João 16:20 BK

Liafuan sira-ne'e, ne'ebé Jesus ko'alia ona maizumenus tinan 2,000 liubá, sai nu'udar dalan moris nian ba ema barak ne'ebé triste. Ohin, mai ita hanoin kona-ba ema primeiru ne'ebé rona promesa ida ne'e: ninia dixipulu sira. 

Jesus ko'alia liafuan sira-ne'e iha Kinta-feira Semana Santa nian iha andar leten. To'o Sesta, ema krúsifika Nia, no mundu haksolok tebes tanba Nia mate. Depois ne'e, loron Sabadu mai - loron triste, konfuzaun, no silensiu. 

Karik dixipulu sira fila fali ba kuartu iha andar leten ne'ebé hanesan, no sira-nia matan-been suli sai nonok iha sira-nia silensiu. Serake sira hanoin Jesus Ninia liafuan husi Kinta-feira Santa? "Imi sei triste, maibé imi-nia triste sei sai ksolok" 

Serake sira hakarak fiar ida-ne'e? 

Kuandu Jesus hatete ida-ne'e, nia la oferese lia-fuan mamuk de'it. Nia fó sai lia-loos iha istória kona-ba Maromak nia povu. Husi Abrão nia viajen ba to'o Izrael ninia exodus, Maromak sempre halo triste sai ksolok. Ida-ne'e lori tempu. Dala barak ida-ne'e envolve sofrementu no triste. No ida-ne'e sempre taka ho mistériu. Maibé Maromak ne'e fiél. 

Se ohin loron ita sente hanesan loron Sabadu, loron ne'ebé ita hein, triste, ka la serteza, hatene ida ne'e katak "Ita sei triste, maibé ita-nia triste sei sai ksolok"

Kaer metin ba promesa ne'e. Ne'e loos tanba ida ne'ebé ko'alia mak Jesus no Ninia rate ne'ebé mamuk.

Ita-nia ksolok mai daudaun. Kontinua nafatin iha esperansa, tanba Maromak kontinua halo triste sai dansa, triste sai kanta, no triste sai ksolok.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

La iha domin boot liu Jesus Ninia domin

La iha domin boot liu nee, katak ema foo ninia moris tanba ninia belun sira. João 15:13 BK

La iha domin ne'ebé boot liu fali domin ne'ebé Jesus hatudu bainhira Nia fó Ninia moris ba Ninia belun sira. Ba ita!. 

Jesus la'ós de'it ema di'ak ne'ebé mate ho injustisa. Nia mak Maromak nia Oan-Mane ne'ebé la iha sala no santu. Mate la merese kona Nia. Maski nune'e, Nia hakarak duni fo Nia an ba mate. Nia husik Ninia moris atu ema seluk bele hetan moris rohan-laek. 

Ida-ne'e de'it to'o ona atu halo ita admira. Maibé buat ne'ebé halo ninia sakrifísiu halo ita admira liután mak povu ne'ebé Nia mate ba.

Kuandu Jesus ko'alia liafuan sira-ne'e iha João 15, nia ko'alia ba Ninia belun sira ne'ebé dook husi perfeitu. Peskadór. Skeptikál, duvidadór. Kobradór impostu. Maun-alin sira ne'ebé uluk hakarak hatún ahi hosi lalehan atu sunu suku ida. No se tan iha liur ne'eba? Feto-aat sira. Ema ne'ebé soe sai hosi komunidade. Ema ne'ebé la moos. Ema sala-na'in sira. No mós ba ita!. 

Jesus fo Ninia moris atu ema hotu bele sai ninia belun. Atu nune'e ema hotu bele simu Ninia domin. Atu nune'e ita bele hatene kle'an iha ita-nia laran katak Nia la rejeita ita, Nia la haluha ita, maibé Nia hatene ita no kaer metin ita. 

Tan ne'e, ohin foti momentu balu atu deskansa iha Ninia lia-loos ne'ebé dehan: la iha domin ida ne'ebé boot Liu Jesus nia domin ba ita. Nia hatudu ida-ne'e iha krús.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Serake ita-nia toos moris prodús fuan?

Nunee Hau dehan ba imi, Maromak sei foti Ninia reinu hosi imi, no foo ba povu ida nebee sei foo fuan. Mateus 21:43 BK

Iha ai-knanoik ema ne'ebé hadau toos, Jesus konta istória kona-ba rai-na'in ida-ne'ebé kuda toos-uvas, fo aluga ba agrikultór balu, no bainhira toos na'in haruka ninia atan sira atu halibur ai-fuan hosi ninia toos ne'e, ema sira ne'ebé aluga toos oho sira. 

Bainhira toos na'in haruka ninia oan-mane rasik atu halibur ai-fuan hosi toos ne'e, sira mós oho nia. 

Tamba ne'e, husik hela toos na'in ho opsaun ida de'it: tempu to'o ona atu intrega toos ne'e ba ema seluk. 

Ai-knanoik ne'e refleta rejeisaun ne'ebé Jesus hasoru. Maromak nia Oan-Mane mai ona iha mundu ne'e atu fó fuan ba reiñu lalehan, maibé nia la hetan fuan hosi toos ne'e. Iha semana ida ne'e nia rohan, Oan-Mane ne'e sei mate. 

Jesus nia liafuan iha ne'e mak dezafiu ida no mós komfortu ida. 

Dezafiu saida? Dezafiu atu prodús fuan. Maromak nia ukun la'ós kona-ba títulu, tradisaun, ka kona-ba buat ne'ebé ema bele haree hosi liur, maibé kona-ba fo fuan ba fiar, justisa, no domin. Se ita la fó fuan, ita sei lakon reiñu ne'e.

Komfortu saida? Ema ne'ebé sente la merese simu konvite atu hola parte iha reiñu lalehan. Ema sira ne'ebé haree hanesan "ikus" hetan benvindu hanesan "dahuluk". 

Semana santa fó-hanoin ba ita katak iha Jesus, buat hotu muda. Reiñu lalehan ne'e ba sira ne'ebé prontu atu simu reiñu ne'e no fó fuan. Ida-ne'e mak xamada solene no promesa ne'ebé nakonu ho esperansa.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Labele halo manipulasaun iha Maromak Nia uma orasaun

Nia dehan ba ema sira nee, “Hakerek nanis ona, ‘Ema sei hanaran Hau nia uma nudar uma orasaun nian.’ Maibee imi halo fatin nee sai fali naok-teen sira nia knuuk.” Mateus 21:13 BK

Iha momentu ida, iha Mateus 21, hafoin Jesus tama ba Jeruzalein, nia baku fila meza vendador sira nian, soe namkari sira-nia osan, no duni sai animál sira iha templu nia oin. Nia la halo ida ne'e arbiru, maibé nia hatudu buat ne'ebé loos. Nia haree ema na'ok iha templu tuir maneira rua ne'ebé aat. 

Ulukliu, ema ne'ebé fa'an animal sakrifisiu nian ho folin ne'ebé la razoavél no folin-boot , sira manipula ka explora valor troka osan ba ema sira ne'ebé halo viajen dook hodi mai halo adorasaun iha templu. Liuhosi aktu sira ne'e sira na'ok, explora no manipula sasan nia folin ba ema sira ne'ebé atu mai adora iha templu.

Maibé, na'ok ne'ebé kle'an liu mak parte espirituál. Sira ne'ebé kbiit la iha no la bele selu osan tamba sasan folin boot, sira la hetan permisaun atu tama ba templu hodi bele adora Maromak, sira la iha oportunidade atu halo orasaun no halo relasaun ho Maromak. Ema ne'ebé halo negósiu no ulun-nain relijiaun sira ne'ebé fó kbiit ba vendador sira atu halo nune'e, sira kria obstákulu iha templu, liuliu ba ema kiak, kbiit-laek no ema vulneravél sira atu bele hetan asesu ba Maromak Ninia prezensa iha templu.

Jesus Ninia desizaun mak: "para". Nia hamoos tiha templu hodi hasai tiha bareira ne'ebé ema halo ona entre povu no Maromak. 

Jesus Ninia aktu ne'e la'ós de'it ba momentu ne'ebá de'it, maibé lia-loos ida ne'e ba mós ita ohin loron. Liuhusi Jesus, obstaklu ka bareira hotu entre ita ho Maromak halakon tiha ona. Presu ne'e selu tiha ona, dalan nakloke ona, no konvite habelar mai ita ona. 

La problema ita ne'e se no saida mak ita halo ona iha pasadu, maibé la iha buat ida mak taka ita-nia dalan ba Maromak. Iha Jesus, iha dalan ne'ebé nakloke ona. Mai ita tama ba Ninia uma orasaun ho gratidaun no hodi agradese, tanba ita hatene katak ninia odamatan nakloke ba ita hotu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Tanbasá mak ita hadook an husi Maromak nia laran-sadi'a?

Oh Jerusalém, Jerusalém, sidade nebee oho profeta sira, no tuda mate ho fatuk ema sira nebee Maromak haruka ba o! Dala hira ona mak Hau hakarak halibur hamutuk o nia oan sira hanesan manu inan halibur ninia oan sira iha ninia liras okos. Maibee o lakohi! Mateus 23:37 BK

Bainhira Jesus hateke ba Jeruzalein, nia laran-susar. Nia hakarak tebes atu halibur ninia povu hanesan manu inan halibur ninia oan sira, ne'ebé fraku, la iha kbiit, desperadu no presiza kuida. Maibé sira lakohi Nia tau matan ba sira. 

Ne'e mak buat ne'ebé triste tebes: ema ne'ebé presiza laran-sadi'a lakohi simu ida-ne'e. Iha tempu pasadu, Maromak haruka profeta sira atu dirije Ninia povu, no sira oho tiha. Iha semana santula nia rohan, sira mós sei oho tan Jesus, profeta ikus no fonte ba sira-nia salvasaun rasik.

Tanbasá mak ita hasees an husi Maromak nia laran-sadi'a? Dala barak, tanba ita luta atu fiar katak laran sadi'a ne'e ba ita. Iha mundu ne'e, laran-sadi'a sente estrañu. Maibé Jesus Ninia hanoin la funsiona hanesan mundu nia hanoin. 

Iha versíkulu ne'e ita haree katak oferese laran-sadi'a mak ninia hakarak ne'ebé kle'an liu. Kruz hatudu mai ita oinsá Jesus esforsu atu ita bele hetan buat ne'ebé ita la merese atu hetan - Ninia domin, grasa, no perdua no la hetan buat ne'ebé ita merese hetan - mak mate.

Jesus hakarak tebes atu halibur ita hodi tau matan ba ita. Ninia laran-sadi'a la iha komparasaun. Nia la hakiduk no dúvida, maibé hakarak tebes atu halibur ita iha ninia liras okos.

Mai ita fiar katak laran-sadi'a ne'e real (loos duni) ba ita. Mai ita simu ida-ne'e ho laran ne'ebé agradese ba Jesus ne'ebé mate ona hodi oferese laran sadi'a ba ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Liurai dame nian

“Hatete ba Zion nia oan feto, ‘Tebes, o nia Liurai mai ba o, ho laran maus, no Nia sae kuda buru ida, no kuda buru oan ida nebee halo servisu baibain deit" Mateus 21:5 BK

Maizumenus tinan atus ba atus antes Jesus moris, profeta Zacarias ko'alia ba ema Izrael ne'ebé lakon funu ona katak liurai ida sei mai la ho kbiit ka forsa, maibé ho haraik-an no sa'e kuda-burru ida. Liurai ne'e sei hametin dame, la'ós liuhusi forsa, maibé liuhusi Espiritu. 

Kuandu ema-lubun simu Jesus bainhira Nia tama ba Jeruzalein, sira fiar katak Nia mak liurai ne'ebé, sira hein ne'ebé sei duni sai governu Romanu no restaura Izrael nia ukun rasik an. Maibé Jesus la kumpre sira-nia espetativa. Duke foti surik hodi halo funu, nia rende an ho dame. Nia tahan hasoru hahalok-aat, hahalok injustisa, no mate Iha kruz ho haraik-an no domin. 

Jesus la'ós de'it liurai; Nia mak Liurai ne'ebé halo dame entre Maromak no ema, no liuhusi Nia iha dame entre povu. Ninia ukun la'ós kona-ba hatudu podér no halo vingansa, maibé kona-ba rekonsiliasaun no grasa. 

Jesus nia ukun ne'ebé laran-maus dezafia ita atu hadomi mós ita-nia inimigu sira, hanesan Nia hadomi ona ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Ita livre ona!

Maun-alin sira, Maromak bolu ona imi ba liberdade. Keta uza liberdade nee atu halo tuir imi nia isin nia hakarak, maibee serví malu liu hosi domin. Galásia 5:13 BK

Serake Ita-boot debe ema-nia osan ka hatene ema ruma ne'ebé debe osan? Ita hatene ninia impaktu ba ema ne'e. Bainhira ita iha debe, ita-nia osan, tempu, ka rekursu sira la'ós ita-nian - tamba ema osan na'in kontinua foti husi Ita-boot, no dala barak foti mós ho ninia funan.

La iha ema ida mak hakarak sai atan ba ema ne'ebé fó-empresta, maibé ita hotu iha debe ida ne'ebé ita labele selu. 

Liafuan gregu antigu ne'ebé tradús nu'udar "pekadu" signifika "lakon marka". Uluk ema uza ida ne'e atu deskreve rama oan ne'ebé la kona alvu sentru ka la kona tarjetu. Iha kompetisaun hana, ema la prekupa se rama oan besik tarjetu ka dook husi sentru. Se ó la kona alvu ka tarjetu iha sentru, ó lakon. 

Iha Eskritura, "Marka/tarjetu" mak sasukat ne'ebé Maromak hakarak ita atu halo tuir- maibé ita hotu lakon marka ka tarjetu ne'e. Ita lakon marka ne'e bainhira ita hili hanoin an de'it duke haraik-an, ita hili hirus duke hatudu laran maus. Ita lakon marka ne'e bainhira ita ko'alia lia-bosok, na'ok, halo protesta, no gossip. Ita lakon marka ne'e bainhira ita hakanek ema seluk duke obedese ba Maromak no hatudu laran-di'ak ba malu. Pekadu hanetik ita atu sai ema ne'ebé tuir Maromak hakarak.

Maibé liafuan di'ak mak ne'e: Jesus salva ita ida-idak liuhosi hasa'e nia an nu'udar sakrifísiu ba ita-nia sala sira. Ita la bele selu fali ita-nia tusan mesmuke ita moris iha tinan miliaun ba miliaun, maibé nia halo ita livre husi sala sira ne'e iha momentu ida deit. 

No tanba nia selu ita-nia debe ne'e, Nia hakarak ita atu moris nu'udar ema ne'ebé livre.

Kuandu ita buka buat saida de'it ne'ebé haketak ita husi Maromak nia Espiritu, liuhosi halo desizaun ne'ebé legalistik ka la halo tuir ukunfuan sira, ita halo ita nia an hanesan Jesus la halo ita livre. Maibé kuandu ita hili atu hadomi ema seluk hanesan Jesus hadomi ita, ida-ne'e hatudu katak ita hafolin Jesus nia sakrifísiu no hakarak atu simu liberdade ne'ebé Nia sosa ba ita. 

Entaun, oinsá mak ita bele moris livre? 

Ita simu katak buat ne'ebé Jesus halo sufisiente ona ba ita, no depois ne'e ita komete atu hadomi Nia. Bainhira ita-nia domin ba Maromak krese boot liután, Ninia Espiritu ajuda ita atu hadomi ema seluk ho laran tomak. Kuandu ita hadomi liután, ita bele simu ita-nia liberdade liután, no tanba Maromak nia domin, la iha buat ida mak bele foti ita-nia liberdade.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Forsa iha tempu hotu

Hau bele halo buat hotu iha Nia nebee foo kbiit mai hau. Filipe 4:13 BK

Filipe 4:13 ne'e versikulu ne'ebé famozu, ne'ebé dala barak ita haree ona ema tau iha media sosiál, sticker, ka iha kareta. Karik Ita rona ona ema ruma sita versikulu ida ne'e molok hala'o eventu desportivu ka koko atu alkansa knaar difisíl ruma. 

Versikulu ida ne'e bele mós aplika ba situasaun sira temi iha leten, maibé Infelizmente, dala barak ema komprende sala versikulu ne'e. Versíkulu ne'e la dehan katak ita bele halo buat hotu ne'ebé ita hakarak. Paulo la ko'alia kona-ba manán jogu desportu ka iha aten-barani atu halo buat ruma. 

Maibé, Paulo ko'alia kona-ba ninia tempu iha komarka. Nia ko'alia kona-ba Maromak nia kbiit ne'ebé hamutuk ho nia durante tempu susar ne'e. 

Iha Filipe 4:12 nia ko'alia kona-ba kbiit ne'ebé nia iha atu moris kontente iha situasaun hotu-hotu iha ninia moris. Nia aprende oinsá atu moris ho sasan barak no la iha buat ida. Nia aprende atu moris ho hahán no rekursu uitoan de'it, no mós ho hahán no rekursu barak. 

Paulo haree katak maski nia iha situasaun saida de'it, Maromak kontinua fó kbiit ba nia atu halo Maromak Ninia serbisu. Maski nia iha komarka laran, maibé nia nunka falta forsa no rekursu atu fó-hatene ema seluk kona-ba Jesus nia liafuan di'ak. Mesmuke nia ema sulan hela iha komarka laran.

Paulo bele moris iha situasaun hotu iha ninia moris no alkansa buat hotu ne'ebé Maromak husu nia atu halo liuhusi kbiit ne'ebé Maromak fó ba nia. 

Tan ne'e, duke Maromak fó forsa mai ita atu halo buat saida de'it ne'ebé ita hakarak, Maromak fó forsa mai ita atu tahan hasoru situasaun oioin no alkansa misaun ne'ebé Nia fó mai ita. Ida-ne'e signifika katak ita sei nunka falta rekursu ida atu moris no krese tuir Maromak Nia hakarak, ka atu fahe liafuan di'ak kona-ba Jesus ba ema seluk. 

Se ita iha sasan barak ka la iha buat barak, hanoin-ba katak Maromak mak fó forsa ba ita atu tahan iha tempu hotu. Se ita hasoru situasaun difisíl ruma, husu Maromak atu fó forsa, ne'ebé so Nia de'it mak bele fó.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Xamada urjente

No Nia dehan ba Ninia eskolante sira, “Loos duni, toos nee boot, maibee ema hodi servisu mak uitoan deit. Nunee halo orasaun ba Toos Nain hodi Nia bele haruka ema hodi servisu iha Ninia toos.” Mateus 9:37-38 BK

Serake, Ita fahe ona Jesus nia liafuan di'ak ka evanjelu ba ema seluk iha Ita-nia moris? 

Kuandu Jesus hanorin no fó treinu ba dixipulu nain sanulu resin rua, nia dala barak uza imajen no ai-knanoik sira ne'ebé iha sira-nia kultura uza atu komunika lia-loos importante ba ema. Iha Mateus 9:37-38, Jesus konta kona-ba serbisu ne'ebé nia halo daudauk hanesan toos-nain ida-ne'ebé serbisu iha toos.

Jesus hatete katak ema ne'ebé la hatene Jesus mak hanesan toos trigu nian ne'ebé prontu atu koá. Maibé, la iha serbisu-nain natoon atu ba koá iha toos sira ne'e. Jesus hatete atu halo orasaun atu Maromak haruka serbisu-nain barak liután atu halibur no ko'a.

Tuir loloos, iha ema balu ne'ebé prontu no prontu atu rona no hatán ba mensajen husi Evanjellu, ne'ebé Jesus lori atu fo esperansa ba ema hotu. Maibé kuandu Jesus dehan "serbisu-nain uitoan de'it" (Mateus 9:38), ne'e signifika ema la to'o atu haklaken lia-fuan di'ak ba ema seluk. 

Nu'udar ema kristaun, ita hetan moris rohan-laek hanesan prezente gratuita no ita hetan xamada atu fahe mensajen moris rohan-laek ne'e ba ema seluk. Maibé, ema kristaun barak mak rai prezente ne'e ba sira-nia an de'it. 

Ita tenke iha aten-barani atu fahe mensajen husi krús ba ema seluk atu nune'e sira mós bele hetan moris foun iha Jesus. 

Ohin loron, hanoin to'ok kona-ba pasu ki'ik saida mak ita bele halo atu hahú fahe Jesus ba ema seluk. Husu ba ita-nia viziñu, kolega servisu, ka kolega sira saida mak sira-nia background espirituál atu nune'e ita bele komesa ko'alia kona-ba Maromak. Halo orasaun ba Maromak atu fó aten-barani ba ita, depois hakat Slsai ba no hahú fahe evanjelu ba ema seluk.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Igreja mak Maromak nia espasu santu

Imi kompriende ka lae katak imi mak Maromak nia templu, no Maromak nia Espíritu hela iha imi? 1 Korinto 3:16 BK

Iha istória sira husi Testamentu Antigu, Maromak hili fatin sagradu atu ninia povu bele hasoru Nia. 

Primeiru, Maromak tau jardín ida iha Eden, ne'e mak fatin furak ida iha paraízu atu tau Ninia kriasaun sira. Tuirmai, tenda santu ka Tabernaklu movél, ne'ebé ema Izrael sira lori ba-mai iha rai-fuik depoisde hetan salvasaun husi ema Ejitu sira. Depois mak templu hanesan spasu permanente Iha Jeruzalein ba povu Izrael. 

Iha situasaun hotu, fatin sira-ne'e mak fatin adorasaun nian, no mós sinál sira kona-ba Maromak Ninia prezensa. 

Maromak, Kriador ba buat hotu ne'ebé ezisti la bele hela iha jardín, tenda, ka uma, maibé Nia hela iha fatin sagradu sira ne'ebé nia determina ona.

Tanba Maromak ne'ebé santu hadomi ema sala-na'in, ne'ebé iha problema separasaun tamba ita-nia pekadu (Isaias 59:2). Tan ne'e mak iha antigu Testamentu, saserdote ka amlulik sira hili nu'udar reprezentante iha adorasaun, sakrifísiu no expiasaun (serimonia hamoos sala liuhosi sakrifisiu animal). Ida-ne'e di'ak ona, maibé ida-ne'e hanesan solusaun temporáriu de'it. 

Maibé kuandu Na'i Jesus mosu mai, Nia la'os de'it kumpre profesia sira husi Testamentu Antigu no mós ojetivu sira husi templu, maibé nia mós sai ponte ba separasaun entre ema ho Maromak. La presiza tan templu ida-ne'ebé halo husi ai ka fatuk, maibé iha isin no raan. La presiza tan sakrifisiu sira ne'ebé rohan la iha, tamba Jesus mak amlulik boot ikus nian ne'ebé fornese ona ultima sakrifisiu: mak Ninia an Rasik. Ikusliu, Maromak nia espíritu bele hela hamutuk no iha Ninia povu, hanesan "templu"foun.

Tan ne'e mak Paulo husu ba ema Korinto: "Imi kompriende ka lae katak imi mak Maromak nia templu, no Maromak nia Espíritu hela iha imi?" 1 Korinto 3:16 BK

Ita serbí Maromak ida-ne'ebé hasoru ema iha sira-nia fatin: iha jardín, iha rai-fuik, iha templu no iha sira-nia an rasik.

Entaun, se ita ema Kristaun ka ema ne'ebé tuir Kristu, hanoin katak: Ita mak fatin ne'ebé Ninia espíritu agora hela ba. Ita mak fatin ne'ebé Nia hela, muda, halo serbisu no fó kbiit ba ita. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Besik liu fali Ita-nia hanoin

“La iha arma funu ida nebee ema forma hodi hasoru ita mak bele manaan, no nanaal ida-idak nebee sae hodi hasoru ita iha julgamentu nee ita sei kondena. Ida nee mak liman rohan ba Nai nia atan sira, no sira nia hahalok loos mai hosi Hau,” hatete Nai. Isaias 54:17 BK

Bainhira buat aat los akontese, .... Na'i sei besik nafatin ba ita. 

Iha Eskritura laran, ita bele haree ezemplu sira hanesan ne'e: Maromak halo funu ba ema Izrael no salva sira husi ema Ejitu (Exodus 14: 13-14). Josue manán nasaun sira ne'ebé iha kbiit boot tanba Maromak halo funu ba nia (Josue 23: 10). Maromak proteje ema Izrael bainhira sira harii fali Jeruzalein nia moru (Neemias 4:20). 

Iha Isaias 54, Maromak fó-hanoin ema Izrael katak nia haree sira-nia terus, no nia iha kompaixaun ba sira-nia situasaun. Iha tempu ne'ebá, ema Izrael sai dadur hela. Maibé Maromak promete katak sira-nia terus loron ida sei hotu.

Maromak la husik Ninia povu. Maski sira hasoru susar boot, maibé to'o ikus Maromak sei mosu mai, no kuandu sira halerik ba Nia, Nia sei luta ba sira. 

No Maromak ne'ebé hanesan ne'ebé halo funu ba ema Izrael halo funu mós ba ita ida-idak. Ne'e la signifika katak ita sei la hasoru susar. Maibé maski ita-nia hanoin no laran dúvida, Maromak besik hela. Nia fó dame ne'ebé ita la bele esplika. 

Agora daudauk, uza tempu uitoan atu alista buat saida de'it ne'ebé halo ita-nia laran susar. Tuirmai, fó lisensa ba ita-nia an atu tuur iha Maromak nia prezensa iha tempu balu. Fó ba Maromak ita-nia prekupasaun hotu, no husu ba Nia atu hatudu ba ita oinsá Nia proteje no fornese ona ba ita iha ita-nia moris loronloron.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Naran úniku ne'ebé salva

La iha salvasaun iha ema seluk, tanba la iha naran seluk iha lalehan okos nebee Maromak foo ba ema hodi ita bele hetan salvasaun. Apostolu 4:12 BK

Versíkulu ida-ne'e fó-hanoin ita katak so Jesus nia naran mak bele Salva no la iha naran seluk ne'ebé iha podér hanesan ho Jesus. Iha mundu ne'ebé dala barak promove dalan barak atu hetan lia-loos no salvasaun, versikulu ne'e hatudu ho klaru katak so Jesus mak dalan ba lalehan. Pedro fó sai lia-loos ida ne'e ho aten-barani iha Sanhedrin (Conselho relijiaun Judaismo nian) nia oin, no nia hamriik firmi iha ninia fiar maski ema kontra nia. 

Jesus nia naran la'ós de'it hanesan marka ida, maibé reprezenta Maromak nia planu salvasaun ba ema hotu. Liuhusi Jesus nia moris, mate, no moris-hias, Nia halo dalan atu ita bele rekonsilia ka dame ho Maromak. La iha ema seluk, filozofia, ka relijiaun ida mak bele fó salvasaun ne'ebé Maromak fó ba ita. Ninia naran mak iha podér, kurativu, no iha esperansa rohan-laek. 

Lia-loos ne'e dezafia ita kona-ba ba se mak ita atu tau ita-nia fiar ba. Serake ita haka'as an atu depende ba ita-nia esforsu rasik, ita-nia susesu, ka ritual relijiaun nian ba salvasaun? Ka ita tau konfiansa ba Kristu nia serbisu salvasaun ne'ebé remata ona iha foho Kalvariu? 

Biarba versikulu ne'e book ita-nia laran atu iha agradesementu no konviksaun. Jesus mesak de'it mak merese atu simu ita-nia adorasaun. Ninia naran mak fatin subar ka protesaun, ita-nia identidade, no ita-nia esperansa rohan-laek. Bainhira ita hala'o ita-nia moris loroloron nian, mai ita haklaken ho konfiansa katak la iha naran seluk iha lalehan nia okos, iha ne'ebé ema bele hetan salvasaun. So Jesus de'it!

Orasaun: 

Nai Jesus, obrigadu ba Ita tanba Ita mak dalan úniku atu hetan salvasaun. Ajuda ha'u atu tau fiar tomak ba Ita no haklaken ita-nia naran ho aten-barani ba ema seluk. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hatene Maromak ho kle'an

Hau hakarak konhese Nia no hatene kbiit nebee halo Nia moris hias ona. Hau hakarak hola parte iha Ninia terus no sai hanesan Nia iha Ninia mate. Atu nunee, liu hosi dalan saida deit, hau bele moris hias hosi mate. Filipe 3:10-11 BK

Iha livru Filipe, Paulo fó korajen ba ema kristaun atu fokus nafatin ba Jesus no labele tau fiar ba sira-nia kbiit rasik ba sira-nia moris di'ak. Nia rekoñese katak se iha ema ruma iha razaun atu gaba an tanba hahalok-di'ak- ne'e mak nia (Paulo). 

Paulo mak ema judeu ne'ebé apaixonadu, no halo tuir Maromak nia ukun-fuan hotu, no halo buat hotu ne'ebé loos. Ulun-nain judeu sira hatudu respeitu ba nia antes nia sai ema kristaun, no tuir ukun-fuan judeu nian, Paulo la iha sala. Maibé apóstolu Paulo hatete katak buat hotu ne'ebé nia hetan iha tempu ne'ebá la iha komparasaun ho koñesimentu kona-ba Jesus. 

"Nee duni, hau sura buat hotu nudar folin laek tanba folin boot liu mak atu konhese hau nia Nai Kristu Jesus. Tanba Nia mak hau lakon buat hotu no sura buat hotu nudar lixu deit, atu nunee hau bele manaan Kristu" Filipe 3:8 BK

Kuandu Paulo deside tuir Kristu, nia lakon ninia relasaun ho autoridade judeu sira. Ema sira ne'ebé uluk fó suporta ba nia, sira komesa fo-terus ba nia. Sira haruka ema-lubun husi sidade ba sidade atu koko no hapara Paulo atu haklaken. Sira baku nia, baku nia ho sikote, ko'alia lia-bosok ba nia, no goza nia. Iha fatin ne'ebé de'it Paulo ba, nia hasoru blokeia no rezistensia oioin. 

Maibé Paulo la haree ninia terus nu'udar problema, maibé hanesan oportunidade. 

Terus ba Jesus mak oportunidade ida atu hakbesik liutan ba Jesus. Kuandu apóstolu Paulo hetan terus, nia hanoin Jesus Ninia terus iha kruz tamba de'it atu ajuda ita ema sala na'in. 

Kuandu ita hatene kle'an kona-ba Kristu, ita komesa hatene katak ita-nia hahalok-di'ak la to'o atu hetan Ninia domin ka bénsaun. Dalan ida de'it ne'ebé ita bele halo atu bele sai loos iha Maromak nia oin mak fiar ba Ninia Oan-Mane Jesus. No evidénsia kona-ba ita-nia fiar mak ita-nia hakarak atu la'o tuir Nia ... no mós terus hamutuk ho nia. 

Entaun... serake ita hakarak hatene Jesus hanesan Paulo? Se nune'e, hahalok-aat saida mak ita prontu atu rende? Serake ita hakarak haree dezafiu sira ne'ebé ita hasoru nu'udar oportunidade atu hetan terus hamutuk ho Kristu no hatene didi'ak Jesus? 

Ita bele komprende liután kona-ba Jesus nia domin ne'ebé kle'an tebes ba ita kuandu ita hadomi, fó perdua, serbí no ajuda ema seluk- ho kustu ka konsekuensia saida de'it 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak Ninia prezensa ho ita

Depois Nai hatete, “Hau nia prezensa sei hamutuk ho o, no Hau sei foo deskansa ba o.” Exodu 33:14 BK

Ita sente sempre ta'uk atu hahú buat foun ruma se ita la hatene oinsá mak ida-ne'e bele akontese, maski ne'e relasaun foun, serbisu, projetu ka viajen ba fatin foun. Ita nunka hatene dezafiu saida de'it mak ita sei hasoru iha dalan. 

Bainhira Maromak hasoru povu Izrael iha Foho Sinai, Nia fó ba sira identidade foun ida (povu ne'ebé Maromak nian), valór foun (ukunfuan Sanulu), no destinasaun foun ida (Rai ne'ebé Maromak promete ona). Sira la hatene atu ba ne'ebé ka to'o bainhira. No Maromak lori sira ba rai-fuik, maibé nia mós fó promesa ba povu rai-fuik maran ne'e katak Nia sei hamutuk ho sira no fó deskansa ba sira. 

Sira iha pergunta barak kona-ba buat hotu! Serake sira bele hetan ai-han no bee? Serake sira sei hasoru inimigu sira iha sira-nia viajen? Oinsá mak sira bele moris? 

Kuandu ita hasoru situasaun foun iha fatin foun, ita la bele antisipa kona-ba buat hotu ne'ebé ita presiza, maibé ita bele hetan benefísiu husi promesa ne'ebé Maromak promete ona ba ema Izrael: "Hau nia prezensa sei hamutuk ho o, no Hau sei foo deskansa ba o" Exodu 33:14 BK

Maski buat saida de'it mak akontese ba ita iha fatin ne'ebé de'it ita ba, Nia sei loke dalan atu ita bele deskansa. 

Ita bele fiar katak Maromak sei lori ita ba futuru hodi deskansa. Hanesan Maromak fó "Manna" ba ema Izrael atu han kuandu sira presiza ai-han, nia mós sei fó ba ita saida mak ita presiza. Nia sempre hamutuk ho ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak nu'udar Ita-nia Kriador

Horiuluk kedas Maromak kria lalehan no rai. Jénesis 1:1 TMF

Serake ita pernah pauza atu refleta kona-ba Maromak nu'udar Ita-nia Kriador? 

Maromak la hanesan ho buat seluk ne'ebé ita hatene iha pasadu, agora ka buat sira ne'ebé sei mai. Nia mesak de'it mak bele sustenta buat ne'ebé nia kria ona. No nia mesak de'it mak bele kria, hodi ko'alia de'it no buat hotu ezisti. 

Liafuan "Jenesis" katak "hahu", no ne'e mak lifuan ne'ebé ita lee kona-ba Maromak nia kriasaun iha inisiu. Se ita ke'e kle'an liután iha Eskritura nia pájina sira, ita bele aprende kona-ba podér ida ne'ebé mak Maromak uza hodi kria. 

Purezemplu João 1: 1-3: "Hahuu fo-foun, Liafuan iha nanis ona. No Liafuan nee hamutuk ho Maromak. No Liafuan nee mak Maromak. Nia hamutuk ho Maromak hori uluk kedas. Maromak halo buat hotu-hotu liu hosi Nia. Maromak la halo buat ida ketak hosi Nia"

Ka Koloso 1:16: "Tanba Maromak kria buat hotu liu hosi Nia, buat nebee iha lalehan no iha mundu, buat nebee ita bele haree no la bele haree, inklui kadunan sira, ukun sira, nai ulun sira no podér sira. Maromak kria buat hotu liu hosi Nia no tanba Nia"

Autór libru Ebreu asegura ba ita katak "Liu hosi fiar mak ita kompriende katak Maromak nia liafuan kria buat hotu, atu nunee Nia halo buat nebee ita haree hosi buat nebee ita la haree" Ebreu 11:3 BK

"Liafuan" ne'e mak Jesus Kristu, no liuhusi Nia mak Maromak halo buat hotu mosu. Maromak nia promesa hotu kona-ba redensaun ka salvasaun sei kumpri liuhosi "lia-fuan" ne'ebé hanesan - Jesus Kristu. 

Refleta to'ok lia-loos ne'e iha momentu balu: podér ne'ebé "ko'alia" de'it no uiverso no buat hotu mosu mak podér ne'ebé hanesan atu salva buat hotu ne'ebé Maromak promete ona. 

Ohin loron, uza tempu balu atu hanoin didi'ak kona-ba Maromak nia knaar nu'udar Kriador, no permiti ida ne'e fo esperansa boot ba ita. Tanba Nia la'ós de'it kriador baibain, Nia mak ita-nia Kriador, no Nia kaer metin universu no kaer metin ita-nia moris iha Ninia liman.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Halo buat hotu ba Maromak Nia glória

Entaun, se imi haan ka hemu, ka iha buat hotu nebee imi halo, halo buat hotu-hotu ba Maromak nia glória. 1 Korinto 10:31 BK

Halo desizaun ne'e la fasíl

Bainhira ita koko atu foti desizaun ne'ebé perfeitu, to'o ikus no dala barak la akontese. Maski ita sempre halo orasaun hodi hatene ita-nia hakat tuir Maromak nia Liafuan no ninia dalan sira, maibé dala ruma mós ita la konsege.

Iha apóstolu Paulo nia karta primeiru ba ema kristaun iha Korinto, nia ko'alia kona-ba ai-han, kona-ba saida mak sira bele no labele han. Apóstolu Paulo dehan: 

 "Entaun, se imi haan ka hemu, ka iha buat hotu nebee imi halo, halo buat hotu-hotu ba Maromak nia glória" 1 Korinto 10:31 BK

Maski eskritura ne'e ko'alia kona-ba ai-han, maibé ninia prinsípiu bele aplika ba buat hotu iha ita-nia moris. Desizaun saida de'it mak ita halo, halo de'it atu fó glória ba Maromak. Nune'e, ita bele halo ita-nia konxiensia sai klaru. 

Fo gloria ba Maromak iha situasaun hotu. Bainhira ita prepara hela hahán ka halo negósiu ruma. Bainhira ita halimar desportu ka harii uma. Bainhira ita lidera ekipa ida ka kuida labarik sira. Bainhira ita lao, tur ka bainhira ita tau matan ba ema vulneravel sira, etc.

Saida de'it mak ita halo - ita-nia dezezu prinsipál mak tenke hadomi Maromak no hadomi ema seluk, no iha desizaun hotu-hotu tenke demonstra domin ne'e. Tan ne'e, ohin loron, husu ba ita-nia an: Desizaun ne'e fó glória ba Maromak ka lae? Desizaun ne'e nakonu ho integridade ka lae? Serake ema seluk bele haree Maromak Ninia karakter liuhusi ha'u-nia moris ka lae? Serake ha'u-nia desizaun sei halo ema hakbesik liután ba Maromak ka halo sira dook husi Nia? 

Maski ita iha situasaun saida de'it, Maromak fó ona Ninia Liafuan, Ninia Espiritu Santu no ninia povu atu ajuda ita hatene buat ne'ebé loos. Tan ne'e, kuandu ita foti desizaun, mai ita buka atu fó gloria ka hahi'i ba Maromak, no tau fiar ba Nia iha ita-nia desizaun hotu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More