La'o iha Maromak Nia naroman

Nasaun sira sei hakbesik ba ó-nia naroman No liurai sira sei hakbesik ba ó-nia kmanek neʼebé nabilan. Isaias 60:3 TMF

Isaias 60:3

Isaias ko'alia kona-ba tempu ne'ebé Maromak nia povu sai nabilan ho Ninia naroman, no nasaun barak sei hakbesik ba naroman ne'e. Profesia ne'e fó-hanoin ita katak Maromak mak fonte ba naroman ne'ebé loos. Iha versikulu tuir mai iha kapítulu hanesan, profeta Isaias hatete: "Loro matan sei laos ita nia naroman iha loron, no fulan sei la foo naroman ba ita, maibee Nai mak ita naroman too tinan ba tinan, no ita nia Maromak mak ita nia glória. Ita nia loro matan sei la tuun fali; no ita nia fulan sei la sai, tanba Nai mak ita nia naroman too tinan ba tinan, no loron sira nebee ita tanis halerik sei hotu" Isaias 60:19-20 BK

Iha Testamentu Foun, ita haree se mak naroman ne'e. Naroman ne'e mak Jesus Kristu. Nia hatete: " Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.” João 8:12 BK. Apóstolu João hatete: "Naroman nee nabilan iha nakukun. No nakukun la bele halakon naroman nee" João 1:5 BK

Nakukun iha Bíblia dala barak signifika sala, ta'uk, no la iha esperansa. Maibé kuandu Jesus tama iha ita-nia moris, nia halakon nakukun no halo ita nakonu ho esperansa, dame no ksolok. Ninia naroman la'ós de'it muda ita, maibé nia mós fó naroman liuhusi ita atu ema seluk bele haree no hakbesik ba Maromak. 

Ohin loron, mundu ne'e nakonu ho nakukun. Maibé hanesan nasaun sira ne'ebé promete ona atu mai iha Maromak Nia naroman, ema sira ne'ebé hale'u ita mós sei hakbesik nafatin ba Jesus kuandu sira haree Ninia naroman nabilan iha ita-nia laran no ita-nia moris loronloron. 

Se ita hakarak buka dalan atu sai husi nakukun laran, la'o iha Jesus Nia naroman. Nia mak naroman rohan-laek ne'ebé dirije ita no hatudu ita dalan ba lalehan. 

Orasaun: Nai Jesus, obrigadu tanba Ita mak mundu nia naroman. Fó naroman ba ami-nia laran atu ema seluk bele haree no hatudu dalan ba lalehan. Amen.

Isaias 60:3

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Mediador entre ita ho Maromak iha hira?

Tanba iha Maromak mesak Ida de'it, no iha Ida de'it ne'ebé Mediadór entre Maromak no ema, no ema ida ne'e mak Kristu Jesus. Nia entrega aan hodi hola fali ema hotu. Ida ne'e mak testemuña ne'ebé Nia foo, tuir tempu ne'ebé loos" 1 Timóteo 2:5-6 BK

1 Timóteo 2:5-6

Iha apóstolu Paulo nia karta ba Timoteo, nia fó-hanoin igreja kona-ba lia-loos ne'ebé importante tebes. Nia dehan iha Maromak ida de'it no so iha Mediador ida de'it entre Maromak no ema, ne'e mak Jesus Kristu. Mediador mak ema ida ne'ebé hamriik iha klaran hodi lori dame entre parte rua. Tanba ita-nia pekadu, ita haketak an husi Maromak (Isaias 59:2). Ita labele mai hasoru Maromak liuhusi ita-nia hahalok di'ak sira, orasaun, ka esforsu an rasik. Maibé Jesus mai atu halo ponte entre ita ema pekador ho Maromak. 

Oinsá mak Jesus halo ida-ne'e? Versíkulu 6 hatete: "Nia entrega aan hodi hola fali/redensaun ba ema hotu". Redensaun mak osan ne'ebé ita selu atu fó liberdade ba ema ruma. Iha kruz, Jesus selu ita-nia sala ho Ninia moris rasik. Nia simu ita-nia kastigu atu nune'e ita bele hetan perdua no lori ita fila fali ba Maromak. 

Ida-ne'e signifika katak ita la presiza mediador seluk tan ne'ebé merese Liu - la presiza amlulik, santu sira, no ema se de'it atu sai ita-nia Mediador. So Jesus mesak de'it naton ona. Liuhusi Jesus, ita bele halo orasaun direta ba Maromak, liuhosi Jesus ita bele hetan perdua, no liuhosi Jesus ita bele hetan moris rohan-laek. 

Evanjellu ne'e simples: Maromak ida de'it, Mediador ida de'it, sakrifísiu ida de'it no dalan ida de'it atu hetan salvasaun. Se ita tau fiar ba Jesus, ita iha dame ho Maromak no ita iha esperansa atu hetan moris rohan-laek. 

No ne'e mak liafuan di'ak ne'ebé ami fahe ba ita boot sira iha programa ne'e: Jesus, ita-nia Mediador, mak dalan úniku ba lalehan. 

Orasaun: Obrigadu Nai Jesus, tanba fó Ita-nia moris nu'udar sakrifísiu ba ami. Ajuda ami atu tau fiar de'it ba Ita nu'udar ami-nia Mediador no la'o tuir Ita iha dalan ba lalehan. Amen.

1 Timóteo 2:5-6

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak bele muda ita-nia laran toos?

Ha'u sei fó fuan laran foun ba imi, no Ha'u sei tau espíritu foun iha imi nia laran. Ha'u sei hasai fuan fatuk nian hosi imi-nia isin no fó fali fuan isin nian ba imi. Ezekiel 36:26 BK

Ezekiel 36:26

Dala barak povu Izrael hasees an husi Maromak no halo tuir sira-nia dalan rasik. Sira-nia laran sai toos hanesan fatuk - sira ulun-toos no lakohi halo tuir Maromak Nia hanorin sira. Maibé liuhusi profeta Ezequiel, Maromak fó promesa furak ida: Nia sei troka sira-nia laran. Nia sei hasai tiha sira-nia laran ne'ebé toos hanesan fatuk no fó fali laran ne'ebé mamar. Nia mós sei tau Ninia espíritu iha sira-nia laran atu ajuda sira la'o tuir Ninia dalan sira. 

Versíkulu ne'e hatudu buat ne'ebé importante tebes ba ita: mudansa ne'ebé loos so maihosi Maromak. Ita labele muda ita-nia laran rasik. Ita bele koko atu halo di'ak, maibé se ita la iha Maromak Nia Espiritu, ita-nia laran nafatin toos. So Maromak de'it mak bele fó ba ita laran foun ne'ebé hadomi Nia, tau fiar ba Nia no halo tuir Nia. 

Kuandu Maromak fó ita laran-foun, ita-nia moris komesa muda. Ita fó perdua, hadomi no serbí ema seluk. Ita la hetan tan ksolok iha pekadu, maibé ita hakarak halo tuir Maromak nia dalan sira. Ne'e mak podér Espiritu Santu ne'ebé serbisu iha ita-nia laran. 

Tan ne'e, hanoin-ba katak dalan ne'ebé permiti ita atu moris hamutuk ho Maromak ba nafatin mak husik Nia muda ita-nia laran. Ne'e mak dalan ba lalehan. 

Orasaun: Nai, hasai tiha ami-nia laran-toos no fó ba ami laran foun ne'ebé nakonu ho Ita-nia Espiritu, atu nune'e ami bele la'o ho fiél iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake deskansa sábadu nian sei iha ba Maromak Nia povu?

Entaun, sei iha deskansa Sábadu nian ba Maromak Nia povu. Ebreu 4:9 BK

Ebreu 4:9

Husi tempu uluk kedas, Maromak fó sabadu nu'udar prezente. Iha Genesis 2: 1-3, depoisde Maromak kria mundu iha loron neen nia laran, Nia deskansa iha loron dahitu. Nia haraik bénsaun no halo santu. Ida-ne'e hatudu katak loron Sabadu la'ós ema mak halo, maibé Maromak rasik mak halo. 

Liutiha tempu balu, iha mandamentu 10, Maromak fó-hanoin ba Ninia povu kona-ba loron Sábadu: "Hanoin no hasantu loron Sabadu" (lee Exodus 20: 8-11). Ita tenke serbisu loron neen, maibé deskansa iha loron dahitu, hanesan saida mak Maromak halo ona. Loron Sábadu mak sinál ida kona-ba Maromak Nia podér nu'udar Kriador no Salvador, no ida-ne'e fó tempu ba Ninia povu atu adora, deskansa no haksolok ho Ninia bénsaun sira. 

Ebreu 4: 9 fó-hanoin ba ita katak loron Sábadu sei mantein nafatin ba Maromak Ninia povu. Kada Sábadu iha semana ida nia laran indika ba ita atu iha deskansa ne'ebé loos iha Jesus Kristu. Maibé hanesan ita para serbisu iha loron Sabadu, ita mós la koko atu salva ita-nia an liuhusi ita-nia hahalok rasik. Jesus halo hotu serbisu salvasaun nian iha kruz, no kuandu ita tau fiar ba Nia, ita tama ba Maromak Nia deskansa. 

Entaun, loron Sabadu mak hanesan memória ba kriasaun no mós promesa salvasaun nian. Hodi halo tuir Maromak nia loron Sabadu (ne'ebé la'ós ema mak halo), ita hatudu ita-nia fiar ba Ninia Liafuan no Jesus. No Blbainhira Kristu mai fali, ita sei haksolok ho loron Sabadu ba nafatin iha ninia reiñu. 

Se ita hakarak la'o ho Maromak Nia bénsaun no buka dalan ba lalehan, hanoin loron Sabadu ne'ebé Maromak kria iha tempu kriasaun, halo santu nafatin, no deskansa iha Jesus, Na'in ba Sabadu nian. 

Orasaun: Maromak kriador, obrigadu ba prezente Sabadu nian. Ajuda ami atu fó onra ba Ita-nia loron no la'o iha Ita-nia dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá ita bele sai roman iha mundu nakukun?

No ema matenek sira sei sai naroman hanesan loro matan, no sira ne'ebé fila ema barak ba hahalok loos sei sai naroman hanesan fitun sira to'o tinan ba tinan. Daniel 12:3 BK

Daniel 12:3 

Profeta Daniel hetan vizaun kona-ba tempu mundu nia rohan. Maromak fó sai katak sei iha resuresaun ka moris-hias: balu sei moris hi'as fali ba moris rohan-laek, no balu sei hetan moe no julgamentu (Daniel 12: 2). Depois ne'e, Maromak promete kedas ba sira ne'ebé moris ho sabedoria no ajuda ema seluk atu la'o tuir Maromak, sira sei nabilan ba nafatin hanesan fitun sira. 

Versíkulu ne'e hanorin ita buat rua. Primeiru, Maromak hakarak ita atu moris ho sabedoria/matenek kle'an. Matenek ne'ebé loos la'ós de'it kona-ba koñesementu, maibé kona-ba hamta'uk Maromak no halo tuir ninia Liafuan sira. Segundu, Maromak haraik bénsaun ba ema ne'ebé direji ema atu halo buat ne'ebé loos. Kuandu ita fahe kona-ba Jesus, fó korajen ba ema atu arrepende an, no ajuda ema la'o iha Maromak nia dalan, ita hanesan naroman iha mundu nakukun. 

Maromak nia rekompensa/rewards la'ós temporariu ka ba tempu uitoan de'it. Ema ne'ebé moris ba Maromak sei nabilan ba nafatin. Hanesan fitun sira ne'ebé nunka para atu nabilan iha lalehan kalan, nune'e mós Maromak nia oan sira sei sai nabilan iha ninia reiñu ka ukun ba nafatin. Ne'e mak ninia promesa esperansa nian ba ema hotu ne'ebé fiél la'o tuir nia hanorin sira.

Ba ita ohin loron, ida-ne'e signifika katak ita labele moris ba ita-nia aan de'it. Ita tenke moris iha dalan ne'ebé hatudu ema seluk atu moris tuir Maromak Nia hanorin. Hahalok domin nian hotu, liafuan korajen hotu, no esforsu hotu atu fahe Jesus ba ema seluk lori naroman ba mundu. 

Se Ita hakarak sai nabilan hanesan fitun ba nafatin, la'o tuir Maromak nia sabedoria/matenek no ajuda ema seluk atu buka dalan no moris ne'ebé loos. Dalan loos ne'e lori ba fatin ida de'it, ne'e mak dalan ba lalehan. 

Orasaun: Nai, ajuda ami moris ho matenek no lori ema seluk ba Ita, atu nune'e ami hamutuk bele nabilan ho Ita ba nafatin. Amen.

Daniel 12:3 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Iha dalan hira atu ba Lalehan?

Jesus dehan ba nia, “Ha'u mak dalan, lia loos no moris. Ema ida la bele hakbesik ba Aman, só de'it liu hosi Ha'u.” João 14:6 BK

João 14:6 

Antes Jesus ema krusifika iha krús, Nia ko'alia ba Ninia dixipulu sira atu komfortu sira. Nia hatete ba sira katak Nia sei ba no prepara fatin ba sira iha Ninia Aman Nia uma, fatin ne'ebé sira sei hela hamutuk ho Nia ba nafatin. Dixipulu sira konfundi no la komprende dalan ne'e. Tomé dehan ba Nia, “Nai, ami la hatene Ó atu ba ne'ebé. Entaun oinsá mak ami bele hatene dalan ne'e?” João 14:5 BK. Jesus hatán ho klaru: "Ha'u mak dalan, lia loos no moris. Ema ida la bele hakbesik ba Aman, só de'it liu hosi Ha'u.” João 14:6 BK

Versíkulu ne'e hanorin ita buat importante ida. Dalan ba Maromak no ba Lalehan la'ós liuhusi ita-nia serbisu di'ak sira, la'ós liuhusi relijiaun, no la'os liuhusi dalan barak. So iha dalan ida de'it, no dalan ne'e mak Jesus. Nia mak "dalan" tanba nia fó ninia moris ba ita-nia sala sira iha krús. Nia mak "lia loos" tanba nia hatudu ba ita se mak Maromak ne'ebé loos. Nia mak "moris" tanba liuhusi Nia mak ita simu moris rohan-laek. 

Ohin loron ema barak hanoin katak iha dalan barak ba lalehan. Maibé Jesus hatete lia-loos ba ita: só liuhosi fiar ba Nia no la'o tuir Nia, ita bele to'o ba Aman. Ida-ne'e la'ós atu halo ita ta'uk, maibé atu fó serteza ba ita. Ita la presiza buka iha fatin hotu-hotu, tanba Jesus rasik mak dalan ne'e. 

Entaun, se ita hakarak hetan dame ho Maromak no dalan ba lalehan, fiar ba Jesus. La'o hamutuk ho nia loroloron, no nia sei lori ita ba Lalehan ho seguru. 

Orasaun: Nai Jesus, obrigadu, tanba Ita mak dalan, lia-loos no moris. Ajuda ha'u atu sempre la'o tuir Ita. Amen

João 14:6 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Matenek ne'ebé loos hatudu iha hahalok

See mak iha matenek kle'an no kompriensaun iha imi-nia leet? Husik nia hatudu hahalok di'ak liuhosi buat ne'ebé nia halo ho laran maus ne'ebé maihosi matenek kle'an. Tiago 3:13 BK

Tiago 3:13 

Tiago fó-hanoin ita katak sabedoria ka matenek la'ós de'it kona-ba koñesimentu ka ko'alia liafuan barak. Sabedoria ne'ebé loos hatudu liuhosi oinsá ita hala'o ita-nia moris loronloron. Ema ne'ebé matenek la foti-an, maibé nia haraik-an, laran-di'ak no la'o tuir matadalan husi Maromak. Ita-nia sabedoria, ema bele haree hosi asaun sira - hanesan oinsá ita trata ema, oinsá ita rezolve problema, no oinsá ita halo desizaun ba ita moris loronloron. 

Evanjelu Lukas 6:45 esplika katak ita-nia liafuan no hahalok ka asaun sira maihusi ita-nia laran: "Ema di'ak fó sai buat di'ak hosi riku-soin di'ak ne'ebé iha ninia fuan laran, no ema aat fó sai buat aat hosi riku-soin aat iha ninia fuan laran. Tanba ema nia ibun sei ko'alia sai buat ne'ebé nakonu hela iha ninia fuan laran" Se ita-nia laran nakonu ho Maromak Nia lia-loos, sabedoria, no domin, ita-nia moris sei hatudu ho hahalok-di'ak. Maibé se ita-nia laran nakonu ho hirus, foti-an, ka hanoin an de'it, ida-ne'e mós sei hatudu iha ita-nia hahalok loronloron. 

Iha ne'ebé mak ita bele hetan sabedoria ka matenek kle'an ne'ebé loos? Proverbios 1: 7 hatete: "Hamtauk ba Nai mak matenek nia huun, maibee beik-teen sira despreza matenek klean no instrusaun" Sabedoria ne'ebé loos hahú ho fó onra ba Maromak, respeitu Ninia lia-fuan no prontu atu halo tuir Ninia hanorin sira. Se la ho Maromak, ita-nia sabedoria sei mamuk. Maibé kuandu ita tau uluk Maromak iha ita-nia moris, nia sei hanorin ita oinsá atu moris ne'ebé loos. 

Ohin loron, mai ita husu ita-nia aan: Serake ita-nia hahalok hatudu Maromak nia sabedoria?, ka ita moris tuir mundu nia matenek? Biarba Ita-nia laran nakonu ho Maromak nia Liafuan, no biarba haraik-an gia ita-nia pasu sira iha ita-nia moris loronloron. Bainhira ita halo buat sira ne'e, ita-nia moris sei nabilan ho matenek ne'ebé mai husi leten.

Tiago 3:13 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Iha Kristu ema Judeu no Jentiu ida de'it

Tanba liu hosi Nia, grupu rua ne'e agora tama iha Espíritu ida de'it hodi hetan dalan ba Aman. Efezu 2:18 BK

Efezu 2:18 

Versíkulu ne'e iha kbiit boot tanba fó-hanoin kona-ba buat ne'ebé Jesus halo ona ba ita. Antes Kristu mai, iha moru ida entre Maromak no povu. Pekadu haketak ita husi Maromak (Isaias 59:2), no la'ós ema hotu bele hakbesik ba Maromak. Maibé liuhusi Jesus Nia mate no moris-hias, moru ne'e rahun ona. Agora, ema hotu ne'ebé fiar Maromak bele Livremente hakbesik ba Maromak la haree ba sira-nia background. 

Paulo hatete katak "grupu rua" iha asesu. Nia ko'alia kona-ba ema judeu no ema jentiu, grupu rua ne'ebé haketak malu. Maibé iha Kristu, sira sai família ida de'it. Ohin loron, lia-loos ne'e sei aplika nafatin. La prekupa ka la haree ba ita-nia rasa, kultura, edukasaun, ka status sosiál - Liuhosi Kristu ita hotu iha direitu atu hakbesik ba Aman Maromak.

Asesu ne'e la'ós liuhusi ita-nia servisu di'ak ka esforsu pesoál sira. Jesus mesak de'it mak halo ida-ne'e sai realidade iha ita-nia laran liuhusi espíritu santu. Bainhira ita halo orasaun, adora, ka husu ajuda, ita la presiza amlulik, kostume, rituál ka fatin espesiál ida. Ita bele diretamente hakbesik ba Maromak, hanesan labarik sira ko'alia ba sira-nia Aman. 

Ne'e mak priviléjiu boot tebes! Ema barak koko atu buka dame ho Maromak iha dalan seluk, maibé so Jesus de'it mak loke dalan ba ita. Nia hatete: “Hau mak dalan, lia loos no moris. Ema ida la bele hakbesik ba Aman, só deit liu hosi Hau.” João 14:6.

Ohin loron, agradese ba prezente furak ne'e. Ita bele hetan asesu ba Maromak - iha kualkér tempu, iha fatin ne'ebé de'it. Mai ho aten-barani, tanba ita-nia Aman hein hela atu rona ita-nia lian.

Efezu 2:18 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Buat hotu bele de'it ba ema ne'ebé fiar.

Jesus dehan ba nia, “‘Se Ó bele’ ka! Buat hotu bele de'it ba ema ne'ebé fiar.” Marcos 9:23 BK

Marcos 9:23

Iha istória ne'e, aman ida lori ninia oan-mane ba Jesus. Labarik ne'e hetan terus boot, no aman ne'e desperadu tebes. Nia husu Jesus atu ajuda, maibé nia dehan: "Se Ó bele halo buat ruma, hanoin ami no ajuda ami ba" Marcos 9:22. Jesus hatán: “Se Ó bele’ ka! Buat hotu bele de'it ba ema ne'ebé fiar.”

Ida-ne'e hatudu katak fiar mak xave atu experiensia Maromak Ninia podér. Fé la signifika katak ita hetan buat hotu ne'ebé ita hakarak, maibé ita fiar katak la iha buat ida mak susar liu ba Maromak atu halo. Nia bele kura, fornese, fó perdua, no muda ita-nia moris. 

Dala ruma ita mós hanesan aman iha istória ne'e. Ita halo orasaun maibé ita sei iha dúvida iha ita-nia laran. Ita hanoin: "Maromak bele halo ida-ne'e duni ka lae?" Maibé Jesus fó-hanoin ba ita katak ita lta-nia fokus labele ba ita-nia problema ka ita-nia forsa rasik, maibé ita-nia fokus tenke ba Maromak Ninia podér. 

Aman ne'e hatán ho laran-moos hodi dehan: “Nai, hau fiar ona; ajuda ba bainhira hau la fiar!” Marcos 9:2. Ne'e mak orasaun ne'ebé ita mós bele halo. Maski ita-nia fiar fraku, maibé ita bele husu Maromak atu ajuda ita tau fiar liután ba Nia. 

Ohin loron, hanoin-ba katak la iha situasaun ida ne'ebé boot liu ba Maromak. Ita-nia saúde, ita-nia família, ita-nia susar no ita-nia futuru hotu iha Maromak nia liman. Lori ita-nia presiza hotu ba Maromak ho fé no fiar katak Nia bele halo buat ne'ebé ita la bele halo. 

Ho Maromak, buat hotu bele, ba ema ne'ebé fiar.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fiél iha buat kiik, fiél mós iha buat boot

Ema ne'ebé hatudu fidelidade ho buat kiik, nia sei hatudu fidelidade mós ho buat boot. No ema ne'ebé la onestu ho buat kiik, nia sei la onestu mós ho buat boot. Lucas 16:10 BK

Lucas 16:10

Jesus hanorin lia-loos importante ida iha ne'e: Fiél hahú ho buat ki'ik sira. Ema barak hakarak oportunidade boot, bénsaun boot, ka pozisaun importante sira. Maibé Jesus hatete katak teste loloos ba ema ida nia karakter mak oinsá nia hendel no fiél ba buat ki'ik sira iha ninia-nia moris. 

Se ita onestu no iha responsabilidade ba serbisu ki'ik sira, Maromak hatene katak Nia bele tau fiar ba ita ho buat ne'ebé boot liu tan. Maibé se ita labele kuida buat kiik sira no baruk halo buat kiik sira, tanbasá mak Maromak sei fó buat boot liu tan ba ita? 

Lia-loos ne'e aplika ba buat hotu iha ita-nia moris. Iha serbisu fatin, serake ita fiél maski la iha ema ida mak haree? Iha uma, serake ita hatudu laran-di'ak iha serbisu loroloron nian? Ho osan, serake ita uza ho matenek, maski osan ne'e uitoan de'it? Ho buat ne'ebé espirituál, serake ita lee no halo tuir Maromak Ninia ukun-fuan simples sira? 

Lucas 16:10

Jesus rasik hatudu ezemplu hanesan ne'e mai ita. Antes nia haklaken, nia moris ho fiél nu'udar karpentór iha Nazare. Nia halo tuir Ninia inan-aman, serbisu maka'as, no hahi'i Maromak iha ninia moris loroloron nian. Liutiha tempu balu, Maromak fó misaun boot liu tan ba Nia - ne'e mak serbisu ba ita-nia SALVASAUN.

Ohin loron, hanoin to'ok kona-ba buat ki'ik sira iha ita-nia moris. Karik buat sira ne'e haree hanesan la importante, maibé ne'e importante tebes ba Maromak. Fiél iha orasaun, serbí ema seluk, ko'alia lia-loos, no uza ita-nia tempu ho didi'ak. 

Hanoin-ba katak fiél ba buat boot sira sempre hahú ho pasu ki'ik sira. Se ita aprovadu fiél iha buat uitoan, Maromak bele fó fiar ba ita bénsaun barak liután.

Lucas 16:10

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Banati tuir Jesus

Mai ita hanoin hanesan mós ho Kristu Jesus nia hanoin. Filipe 2:5 BK

Filipe 2:5 

Bíblia hanorin katak nu'udar Jesus Nia dixipulu, ita tenke kopia ka banati tuir Ninia hahalok. Jesus Ninia hahalok mak saida de'it? Iha Filipe 2:6-8 esplika ho klaru "Tanba maski Nia iha ilas Maromak nian, Nia la hanoin atu hadau pozisaun nebee hanesan ho Maromak. Maibee Nia halo aan mamuk, no simu ilas atan nian, no sai hanesan ho ema. No bainhira Nia iha ilas ema nian, Nia haraik aan, no halo tuir Maromak nia hakarak too Nia mate, no Nia mate iha krús" 

Ida ne'e mak ezemplu di'ak liu kona-ba haraik-an no domin. Jesus la moris ba Nia an rasik. Nia husik tiha Ninia direitu atu nune'e ita bele hetan salvasaun. Ninia moris tomak hatudu hahalok serbí no sakrifísiu. 

Iha João 15: 12-13, Jesus mós hatete: "Ida ne'e mak Ha'u-nia ukun fuan, katak imi hadomi malu hanesan Ha'u hadomi imi. La iha domin boot liu ne'e, katak ema fó Ninia moris tanba Ninia belun sira". Ninia domin la'ós de'it ho liafuan, maibé hatudu ho asaun. Nia fó buat hotu, inklui mós Ninia moris rasik. 

Banati-tuir Jesus nia hahalok, signifika ita mós moris ho haraik-an no domin. Ita hapara tau uluk ita-nia an, maibé ita tau uluk ema seluk. Ita serbí, fó perdua, no hatudu laran-di'ak, maski susar. Liuhosi moris hanesan ne'e, ema sei haree Kristu moris iha ita-nia laran. 

Ohin loron, mai ita husu ba ita-nia an: serake ita foti-an ka hatudu Jesus Ninia domin ho haraik-an? Hanoin-ba katak sai boot la'ós kona-ba podér ka pozisaun, maibé kona-ba serbí ema ho Kristu Nia laran. 

Mai ita halo orasaun atu Maromak ajuda ita atu banati-tuir Jesus nia hahalok loroloron, atu nune'e liuhosi ita-nia moris ema seluk bele haree Kristu Nia domin.

Filipe 2:5 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ba no halo dixípulu

Ne'e duni, imi ba, no halo dixípulu ba ema hosi nasaun hotu-hotu. Fó batizmu ba sira hodi Aman, hodi Oan, no hodi Espíritu Santu Nia naran. Mateus 28:19 BK

Mateus 28:19

Antes Jesus fila fali ba lalehan, Nia fó mandamentu klaru ba Ninia dixipulu sira: "ba, no halo dixípulu ba ema hosi nasaun hotu-hotu" Ida-ne'e dala barak bolu nu'udar Komisaun Boot. Ida-ne'e hatudu katak tuir Jesus la'ós de'it kona-ba fiar ba Nia, maibé mós kona-ba fahe Jesus ba ema seluk. 

"Halo dixipulu" katak ajuda ema atu hatene Jesus, ajuda ema atu la'o tuir Nia, no ajuda haburas sira-nia fé. Ne'e la'ós de'it ko'alia ba ema kona-ba Evanjellu, maibé mós kona-ba la'o hamutuk ho sira, hanorin sira, no fó korajen ba sira atu halo tuir Maromak nia Liafuan. 

Jesus hatete katak misaun ne'e ba nasaun hotu. Ne'e signifika katak misaun ne'e ba ema hotu. Suku hotu, língua no kultura hotu, hetan konvite atu rona lia-foun di'ak. Ohin loron, misaun ne'e sei sai ita-nia responsabilidade nu'udar fiar-na'in. Karik ema balu ba fatin ne'ebé dook, maibé sira seluk mós fahe evanjellu iha fatin ne'ebé sira hela ba: iha sira-nia família, iha sira-nia fatin servisu, no iha sira-nia komunidade. 

Versikulu ne'e mós fó-hanoin ba ita katak dixipulu sira tenke hetan batizmu hodi Aman, Oan-Mane no espíritu santu Sira-Nia naran. Batizmu nu'udar sinál katak ita partensi ba Maromak Nia família no hahú moris foun iha Kristu. 

Misaun ne'e ita sente todan, maibé Jesus mós promete ba ita: " ... tebes, Hau sei hamutuk nafatin ho imi, too mundu nia rohan" Mateus 28:20 BK. Ita sei la mesak de'it iha serbisu ne'e. Espíritu santu fó kbiit mai ita atu sai sasin. 

Ohin loron, husu ba ita-nia an: Ho se mak ha'u bele fahe Jesus? Hanoin-ba katak Komisaun Boot ne'e la'ós de'it ba pastor no misionáriu sira, maibé ba ema fiar-na'in hotu. Ba, hadomi, no halo dixipulu.

Mateus 28:19

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Iha Kristu, Ita hotu ida de'it

La iha tan ema Judeu ka ema Gregu, la iha tan atan ka ema livre, la iha tan mane ka feto, tanba imi hotu ida de'it iha Kristu Jesus. Galásia 3:28 BK.

Galásia 3:28

Dala barak mundu fahe ema ba grupu - tuir rasa, língua, status, ka pozisaun. Ema balu haree hanesan importante liu, maibé ema seluk haree hanesan ladún iha folin. Maibé Apóstolu Paulo fó-hanoin ita iha Galasia 3:28 katak iha Kristu moru separasaun sira-ne'e monu ona.

Liuhusi Jesus, ita hotu hakbesik ba Maromak, liuhusi dalan ne'ebé hanesan - fé. La prekupa ita moris iha ne'ebé, la prekupa osan hira mak ita iha, ka la prekupa mane ka feto. Iha kruz ita hotu hanesan de'it. Ita hotu sala-na'in ne'ebé presiza Maromak Nia grasa, no Maromak hadomi tebes ita. 

Versíkulu ne'e fó-hanoin fali ba igreja ohin loron. Dala ruma ita nafatin luta hasoru divizaun ka haketak malu, foti-an, ka hahalok favoritismu. Maibé Maromak bolu ita atu haree malu nu'udar maun-alin iha Kristu. Kuandu ita partensi ba Maromak, ita sai família ida deit. 

Sai "Ida de'it iha Kristu" la signifika ita hotu haree hanesan de'it ka lakon ita-nia diferensa. Maromak halo ema ida-idak úniku. Maibé ida-ne'e signifika katak ita-nia unidade mak forte liu fali ita-nia diferensa sira. Buat ne'ebé halo ita iha unidade mak boot liu fali buat ne'ebé haketak ita - ne'e mak Jesus rasik. 

Ohin loron, hanoin lia-loos ida ne'e: Ita mós partensi ba Maromak nia família, hanesan ho ema fiar-na'in hotu. Biarba lia-loos ne'e gia ita oinsá ita trata ema seluk - ho domin, respeitu, no haraik-an. Iha Kristu, la iha fatin ba hahalok foti-an ka haketak malu. Ita hotu ida de'it, no hamutuk ita hatudu Maromak nia domin ba mundu.

Galásia 3:28

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Halo tuir Maromak la'os mundu

Keta halo tuir mundu ne'e. Maibé troka imi-nia hahalok liuhosi hanoin foun. Atu nune'e imi bele hili dalan ne'ebé tuir Maromak Nia hakarak, ne'ebé di'ak no perfeitu no Maromak bele simu. Roma 12:2 BK

Roma 12:2 

Mundu ne'e iha dalan oioin ne'ebé halo ita hanoin no moris la fó onra ba Maromak. Dala barak ema hakarak hanoin an de'it, buka osan liu fali buat hotu no haluha Maromak, ka moris la hanoin kona-ba buat ne'ebé loos no sala. Apóstolu Paulo fó hanoin mai ita atu labele halo tuir mundu nia dalan sira. 

Nia bolu ita atu "transforma" ka troka ita-nia hahalok liu hosi hanoin foun. Ida-ne'e signifika muda kompletamente, hanesan caterpillar transforma sai barboleta. Oinsá mak ida-ne'e bele akontese? Liuhusi renova ita-nia hanoin. Kuandu ita lee Maromak nia Liafuan, halo orasaun, no husik espíritu santu ajuda ita, ita-nia hanoin no atitude komesa muda. Ita komesa haree moris hanesan Maromak haree moris. 

Rezultadu hosi transformasaun ida ne'e kbiit boot tebes - tanba liuhosi transformasaun ne'e mak ita bele komprende Maromak Nia hakarak ba ita-nia moris. Maromak Nia hakarak la halo konfuzaun ka todan; maibé ne'e di'ak, haksolok, no perfeitu. Kuandu ita moris tuir Ninia hakarak, ita hetan dame no ksolok. 

Versíkulu ne'e fó-hanoin ba ita katak mudansa ne'ebé loos, hahú iha ita-nia laran. Ida ne'e la'os haree hanesan ema ne'ebé fiar nain hosi liur de'it, maibé husik Maromak transforma ita-nia laran no hanoin loroloron. 

Ohin loron, husu ba ita-nia an: serake Ita-nia moris hetan transformasaun hosi mundu ka liuhusi Maromak nia Liafuan?. Foti tempu atu enxe ita-nia hanoin ho Maromak Ninia lia-fuan, orasaun, no buat ne'ebé tuir Maromak Nia hanorin. Husik Maromak transforma ita-nia hanoin, no ita sei deskobre Ninia planu furak ba ita-nia moris.

Roma 12:2 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tau Maromak Nia ukunfuan Iha neon & asaun

Nune'e imi tenki rai liafuan ne'e iha imi-nia fuan laran no imi-nia klamar, kesi liafuan ne'e ba imi-nia liman hodi sai sinál no taka iha imi-nia reen toos. Deuteronómiu 11:18 BK

Deuteronómiu 11:18 

Bainhira Moises ko'alia liafuan sira-ne'e, povu Izrael besik ona atu tama ba rai ne'ebé Maromak promete ona. Sira la'o iha rai-fuik durante tinan 40 ona, no agora Maromak prontu atu fó rai ne'ebé nia promete ona ba sira. Maibé iha kondisaun ida, sira tenke halo tuir ninia mandamentu sira. 

Moises hatete ba sira katak halo tuir Maromak sei fó forsa ba sira. La'os sira-nia forsa no armamentu funu nian mak sei ajuda sira, maibé Maromak Ninia bensaun ne'ebé mai tamba obedese ba Ninia ukun-fuan sira. Se sira halo tuir Maromak nia dalan sira, nia sei fó korajen, vitoria no dame iha rai ne'e. 

Ohin loron, versikulu ne'e hanorin ba ita lia-loos importante ida. Maromak Nia bénsaun sira dala barak iha ligasaun ho ita-nia obedese ba Ninia ukun-fuan sira. Kuandu ita la'o iha ninia dalan sira, hodi moris ho laran-moos/onestu, laran-di'ak, no fidelidade, Maromak haforsa ita atu hasoru susar ka dezafiu sira iha ita-nia moris. La fasil atu halo tuir Maromak Ninia ukunfuan sira, maibé bainhira ita halo tuir, ida-ne'e sempre lori dame no ksolok. 

Karik ita la tama ba rai fizikamente hanesan ema Izrael sira, maibé ita mós hasoru funu moris nian hosi loron ba loron - iha serbisu fatin, iha família, ka iha ita-nia moris rasik. Maromak promete katak Nia sei fó forsa mai ita se ita hakbesik nafatin ba nia no halo tuir Ninia Liafuan sira. 

Ohin loron, husu ba ita-nia an: serake ha'u halo tuir Maromak ona? Hanoin-ba katak Ninia mandamentu sira la'ós atu fó todan mai ita, maibé atu haraik bénsaun mai ita. Tau fiar ba Maromak no forsa nafatin, no Nia sei fó forsa ba ita atu kaer metin futuru di'ak ne'ebé Nia prepara ona ba ita.

Deuteronómiu 11:18 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak bele dura to'o tinan ba tinan?

Duut namlaik, no funan mós lakon, maibé ita- nia Maromak Nia liafuan sei hamriik metin to'o tinan ba tinan. Isaias 40:8 BK

Isaias 40:8 

Iha mundu ne'e, buat barak muda. Du'ut sai matak ba tempu ida, depois maran. Ai-funan sira moris ho furak, maibé lakleur sira monu no mate. Nune'e mós, ema, osan, podér, no nasaun sira mós hamriik no monu. La iha buat ida iha mundu ne'ebé dura ba nafatin. 

Maibé profeta Isaias fó-hanoin ba ita kona-ba buat ida-ne'ebé nunka muda: Maromak Nia Liafuan. Ninia promesa sira mantein nafatin husi jerasaun ba jerasaun. Saida mak Maromak ko'alia iha tinan rihun ba rihun liubá sei sai loos nafatin to'o ohin loron. Ninia Liafuan sei la buradu, la falla, no sei nunka lakon. 

Ida ne'e mak novidade di'ak ba ita. Kuandu ita sente la serteza, ita bele tau fiar ba Maromak Nia Liafuan. Kuandu ema halo ita laran-tun ka ita-nia situasaun muda, Maromak Nia Liafuan nafatin firmi/metin. Jesus hatete: "Lalehan no mundu sei lakon, maibé Ha'u-nia liafuan sei nunka lakon" Mateus 24:35 BK

Ida ne'e signifika katak ita bele harii ita-nia moris tuir Biblia. Biblia fó matadalan, forsa no esperansa mai ita. Mundu ida ne'e bele ko'alia bosok, maibé Maromak nia Liafuan sempre sai lia-loos. Biblia hatudu dalan atu hetan salvasaun liuhusi Jesus no hanorin ita oinsá atu moris loroloron. 

Ohin loron, husu ba ita-nia an: Ita tau fiar ba saida? Rikusoin, podér, ita-nia furak, ka ema nia forsa sei lakon hanesan ai-funan. Maibé se Ita tau fiar ba Maromak nia Liafuan, Ita hamriik iha fatin ne'ebé metin ba nafatin. 

Uza tempu atu lee Biblia loroloron. Kaer Metin ba Ninia promesa sira. Mundu bele muda, maibé Maromak nia Liafuan sei dura ba nafatin.

Isaias 40:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fornesedór

No ha'u-nia Maromak sei fó buat hotu ne'ebé imi presiza iha Kristu Jesus tuir Ninia riku-soin iha glória. Filipe 4:19 BK

Filipe 4:19 

Moris nakonu ho nesesidade. Ita presiza hahán, roupa, fatin atu hela, no forsa atu moris hosi loron ba loron. Dala ruma ita mós hasoru susar barak liu tan, hanesan selu osan eskola, problema saúde, ka problema família nian. Iha momentu sira hanesan ne'e, karik ita husu: "serake ha'u-nia moris sei sufisiente? Serake Maromak sei tau matan ba ha'u? 

Apóstolu Paulo hakerek promesa iha Filipe 4: 19, depoisde ema kristaun sira iha Filipe fó ho laran-luak atu ajuda nia iha ninia serbisu haklaken nian. Nia fó-hanoin ba sira katak Maromak sei la haluha sira-nia laran-di'ak. Hanesan sira tau matan ona ba nia, Maromak mós sei tau matan ba sira. Anota katak versikulu ne'e dehan "Maromak sei fó buat hotu ne'ebé ita presiza", la'ós balu de'it. 

Maromak hatene saida mak ita presiza liu fali ita. Dala ruma ita husu buat ne'ebé ita hakarak, maibé Maromak fó buat ne'ebé di'ak liu ba ita. Ninia fornesimentu la'ós uitoan de'it, maibé Barak "tuir Ninia riku-soin iha glória" Ne'e Signifika katak Ninia rikusoin nunka hotu. Maromak mak Kriador ba lalehan no rai. Nia mak na'in ba buat hotu, no Nia laran-luak ba Ninia oan sira. 

Versíkulu ne'e la dehan ba ita katak ita sei sempre riku ka hetan buat hotu ne'ebé ita hakarak. Maibé ida-ne'e signifika katak iha Kristu, ita sei nunka falta buat ne'ebé ita presiza atu moris, serbí no la'o tuir Nia. Dala ruma Maromak fo ita-nia presiza fiziku nian, iha tempu seluk nia fo dame, matenek, ka forsa atu moris. 

Ohin loron, hanoin-ba katak Maromak mak Ita-nia Fornesedor. Lori ita-nia presiza ba nia iha orasaun. Tau fiar ba Maromak atu fó buat ne'ebé ita presiza Iha tuir Ninia dalan no tempu ne'ebé perfeitu. Maromak ne'e fiél, no nia nunka falla.

Filipe 4:19 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hahii Maromak iha tempu & fatin hotu

Hosi lorosae too loromonu, hahii Nai nia naran. Salmu 113:3 BK

Salmu 113:3 

Versíkulu ne'e ko'alia ba ita buat importan ida: Maromak merese atu simu ita-nia hahi'i iha tempu hotu. Husi dadeer to'o kalan, husi Lorosa'e to'o loro-monu, ema tenke tane Ninia naran. 

Tanbasá? Tanba Maromak ne'e boot, no Ninia domin nunka hotu. Nia fó ba ita moris, iis moris, hahán, família, no bénsaun hotu ne'ebé ita goza. Maski ita hasoru susar iha ita-nia moris, maibé Maromak merese hetan hahi'i nafatin tanba Nia fiél no laran di'ak. 

Hahi'i Maromak la'ós de'it bainhira ita kanta iha igreja. Maibé hahii Maromak bele mós liuhosi agradese ba Maromak iha ita-nia laran, ko'alia liafuan di'ak sira, no moris iha dalan ne'ebé fó glória ba Nia. Ita bele hahi'i Maromak iha uma, iha serbisu fatin, iha toos, iha merkadu, ka iha fatin ne'ebé de'it ne'ebé ita ba. Maromak Ninia naran santu no tenke hetan onra iha fatin hotu no iha momentu hotu. 

Dala ruma ita sente kole demais ka hanoin barak demais atu hahi'i Maromak. Maibé kuandu ita hili atu fó agradese ba Maromak, maski ita hasoru susar oioin, ita-nia laran sai forte liután. Hahi'i ba Maromak fo hanoin ba ita katak Maromak boot liu fali ita-nia problema sira. Hahi'i ajuda ita atu fokus ba Maromak Ninia podér duke ita-nia ta'uk. 

Hanoin kona-ba loro-matan sa'e no loro-matan tun. Loron-loron sira la falla atu mai hodi hatudu Maromak nia fidelidade. Nune'e mós, biarba ita-nia hahi'i sae ba Maromak loroloron iha situasaun saida de'it.

Ohin loron, halo desizaun tuirmai ne'e: husi dadeer to'o kalan, foti Nai Nia naran. Horiseik, ohin, no ba nafatin, Maromak merese hetan hahi'i.

Salmu 113:3 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Prontu esplika esperansa Kristu nian

Maibé iha imi-nia fuan laran, fó onra ba Na'i Kristu ne'ebé santu. Imi tenki prontu nafatin atu hataan ema ne'ebé husu imi atu esplika esperansa ne'ebé iha imi nia laran. Maibé hataan ho laran maus no respeitu. 1 Pedro 3:15 BK

1 Pedro 3:15

Nu'udar Jesus nia dixipulu, ita lori esperansa espesiál iha ita-nia laran. Esperansa ne'e la bazeia ba osan, saúde, ka susesu. Maibé esperansa ne'e bazeia ba Jesus, ne'ebé mate tanba ita, moris hi'as fali, no promete moris rohan-laek. Mundu ne'ebé hale'u ita dala barak nakonu ho ta'uk no nakukun, maibé iha Kristu ita iha dame no ksolok. 

Pedro fó-hanoin ita atu "fo onra ba Kristu nu'udar Nai iha ita-nia laran". Ida-ne'e signifika katak Jesus tenke sai nu'udar prioridade dahuluk iha ita-nia moris. Bainhira Maromak mak iha sentru hosi ita-nia moris, ita-nia liafuan no hahalok sei hatudu Ninia domin ba ema seluk. Tuirmai ema bele husu: "Tanbasá mak ita iha dame? Tanbasá mak ita iha esperansa? Kuandu ida-ne'e akontese, ita tenke prontu atu hatán. 

Ita la presiza liafuan boot ka koñesimentu ne'ebé kle'an. Ita bele fó-hatene de'it ba ema seluk saida mak Jesus halo ona ba ita - oinsá mak Nia fó perdua ba ita-nia sala, oinsá Nia muda ita-nia moris, no oinsá Nia fó forsa loroloron mai ita. Fahe ita-nia sasin iha podér boot, maski simples. 

Pedro mós hanorin ita oinsá atu ko'alia ho laran maus no respeitu. Kristu la bolu ita atu diskute malu. Ita tenke hatudu laran-di'ak, laran maus no domin ba ema maski sira la konkorda. 

Ohin loron, hanoin ida-ne'e: hanesan ema Kristaun, ita lori Jesus Nia naroman. Ita tenke prontu atu fahe Ita-nia esperansa ba ema seluk. Maski liafuan ki'ik ida de'it kona-ba fé, bele ajuda ema atu hakbesik liután ba Maromak.

1 Pedro 3:15

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HEIN NA'I BA!

Hein Na'i, sai forti no hametin ó-nia laran, hein Na'i ba! Salmu 27:14 BK

Salmu 27:14

Moris nakonu ho hein. Ita hein resposta, hein atu hetan kura, hein atu hetan serbisu, hein dame iha família laran, ka hein atu Maromak loke odamatan foun ba ita-nia moris. La fasil atu hein. Dala ruma ita sente kole, laran-taridu, no la iha esperansa. Maibé Salmo 27:14 fo korajen ba ita: "Hein Na'i, sai forti no hametin ó-nia laran, hein Na'i ba!"

David, ne'ebé hakerek salmu ne'e mós hasoru susar barak. Nia iha inimigu, ema duni nia, no dala barak nia sente mesamesak. Maibé David fiar katak Maromak sei mai iha tempu ne'ebé loos. Tan ne'e mak nia hatete ba nia an no ba ema seluk atu hein ba Na'i. 

Salmu 27:14

"Hein Na'i" la signifika katak ita la halo buat ida. Maibé ne'e signifika katak ita tau fiar ba Maromak bainhira ita halo orasaun, halo tuir saida mak Maromak hanorin iha Biblia, no kontinua la'o ba oin. Ida ne'e signifika katak ita la rende, maski resposta sira-ne'e lentu no la mai lalais. Maromak nia tempu sempre perfeitu. Nia haree buat ne'ebé ita labele haree, no nia hatene saida mak di'ak liu ba ita. 

Versikulu ne'e mós hatete: "sai forti no hametin o nia laran" Ida ne'e signifika katak ita labele lakon korajen. Ita-nia forsa la mai husi ita-nia an rasik, maibé husi Maromak. Kuandu ita sente fraku, ita bele halo orasaun no husu Maromak atu fó dame no pasiénsia mai ita. 

Ohin loron, se ita hein hela buat ruma, hanoin ida-ne'e: Maromak ne'e fiél. Ninia promesa sira nunka falla. Ita la Hein saugati de'it, maibé Maromak serbisu hela ba buat hotu ne'ebé ita hein. Tau fiar ba Nia, kaer metin ba Ninia promesa sira, no iha tempu ne'ebé loos, nia sei hatán.

Salmu 27:14

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More