Serake diabu bele duni sai diabu?

No se karik uma kain ida fahe hodi hasoru ninia aan rasik, nunee uma kain nee sei la hamriik. Marcos 3:25

Iha evanjellu tolu ne'ebé Jesus hatete katak ukun ida-ne'ebé haketak hasoru ninia an rasik sei la to'o rohan ka uma ida-ne'ebé haketak la bele hamriik (Lucas 11:17; Marcos 3:25; Mateus 12:25). Deklarasaun iha evanjelu tolu ne'e, hanesan resposta ida ba ema Farizeu sirania akuzasaun ba Jesus katak Nia duni sai anju aat sira uza podér Satanas nian. 

Jesus nia resposta ba ema farizeu sira ne'e rasionál: reiñu ne'ebé ho hakarak rasik kontra nia an sei monu. Kualkér uma-kain ne'ebé kontra fali nian an sei monu. Klaru katak Jesus duni anju aat sira husi ema. Se Jesus mak hamutuk ho Satanas, ka se Satanas mak halo buat ruma liuhosi Jesus, ida ne'e la rasionál, tanbasá mak Satanas duni sai ninia an rasik? 

Kuandu Jesus dehan katak uma ne'ebé haketak malu labele hamrik, nia hatudu katak susesu ne'e depende ba unidade. Ne'e mak buat ne'ebé ita haree iha ita-nia moris loroloron nian. Maski mákina, ekipa desportu, partidu governu, ka ema ida nia hanoin rasik, buat sira-ne'e tenke servisu hamutuk se hakarak alkansa buat ruma. Bíblia hatete katak ema ida-ne'ebé iha hanoin ruarua la iha kbiit atu halo buat ida (James 1:8), no Paulo hatete ba igreja sira katak la iha ema fiar-na'in ida-ne'ebé haketak malu "Hau husu imi, maun-alin sira, hodi ita nia Nai Jesus Kristu nia naran, atu imi hotu koalia hamutuk. La bele haketak malu maibee sai laran ida neon ida ho hanoin nebee hanesan" 1 Korinto 1:10

Tuir loloos, igreja sira tenke iha unidade iha sira-nia hakarak no julgamentu hotu, hodi evita ema ne'ebé halo divizaun iha igreja laran no hanorin doutrina ne'ebé la loos (Roma 16:17). Ema kristaun labele kontra malu, maibé atu iha unidade hodi komprende lia-loos. Hanesan Salmista hatete "Tebes, oinsaa diak no hakmatek bainhira maun-alin sira hela hamutuk ho unidade" Salmu 133:1

Maromak haruka ema fiar-na'in sira atu sai ida de'it tanba bainhira konflitu tama iha povu ka entidade ida nia leet, sira-nia produtividade no utilidade sei sai fraku no halo organizasaun sai fraku no vulneravél. Hanesan Jesus hatete, "Uma kain ida fahe hodi hasoru ninia aan rasik, nunee uma kain nee sei la hamriik. Marcos 3:25" 

Espiritu nia fuan Ida mak dame (Galatia 5:22). Ema kristaun sira mak sai nu'udar dixipulu husi Liurai dame nian, sira tenke kria Paz (Mateus 5:9). Maromak bolu ita atu moris iha harmonia Nia laran (Roma 12: 16) no, depende ba ita atu kria paz ho ema hotu (Ebreu 12:14). Jesus Kristu harii hela ninia igreja (Mateus 16: 18). Ninia "uma" sei hamriik, "nia reiñu" sei la lakon, no ninia ukun sei la iha rohan" (Daniel 6:26). 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Labele buka liután buat ne'ebé la iha folin

Depois Jesus dehan ba sira, “Rona di-diak, no kuidadu kona ba laran kaan. Tanba ema nia moris laos kona ba riku-soin nebee nia iha.” Lucas 12:15

Kaan-teen. 

Hahalok kaan-teen hafalun an ba ema hanesan ropa iha kultura modernu, nia sikat an iha ita-nia dezeju, halo ita-nia julgamentu sai buradu, no halakon ita-nia valor humanu atu buka Maromak. Ema ne'ebé kaan-teen sempre buka liutan - buka validasaun liutan, buka status sosiàl liutan, buka komfortu liutan no sira mós buka buat barak liutan. 

Maibé realidade hahalok kaan-teen mak ne'e: kuandu ita hetan ona rikusoin iha rai, ita hetan ona estatutu, ka ita hetan ona poder, ita sei la kontente no satisfaz nafatin.

Iha ita-nia versíkulu ohin loron nian, iha Lucas 12:15, Jesus fó avizu kona-ba oinsá iluzaun atu bele hetan buat barak liutan halo ita nia matan-delek no labele ajuda ita atu hetan ksolok no hakarak ne'ebé loos, no buka-tuir buat ne'ebé folin-laek sira.

Tuirmai nia hatete ba sira: “Rona di-diak, no kuidadu kona ba laran kaan. Tanba ema nia moris laos kona ba riku-soin nebee nia iha.” Lucas 12:15

Buat ne'ebé halo Ita kontente no satisfaz, ita lahetan liuhosi hetan ita-nia rikusoin barak ka buka komfortu ba nafatin. Satisfasaun ne'ebé loos bele hetan kuandu ita sente kontente, agradese no iha relasaun ne'ebé kle'an ho Maromak, no ida-ne'e lori ita atu buka ninia ukun no lia-loos (Lucas 12:31). 

Serake Iha area ruma iha ita-nia moris ne'ebé ita hakarak atu hetan ksolok liután, komfortu liután no iha rikusoin barak liután? Serake iha area sira ne'e iha ita-nia moris ne'ebé impede oinsá ita buka Maromak nia ukun no ninia lia-loos? Se iha l, mai intrega ba Maromak no halo orasaun atu buka uluk Maromak no Ninia lia-loos molok ita buka buat seluk iha ita-nia moris, nune'e ita bele satisfaz ho saida mak ita iha no sempre agradese no kontente ho buat ne'ebé ita iha.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Matan moris nafatin, halo orasaun no keta dukur

Matan moris nafatin ba, halo orasaun no keta dukur. Tanba imi la hatene bainhira tempu nee sei mai. Marcos 13:33

Lia-fuan "hader" ka hanesan Biblia Kadi tradus "Matan moris nafatin" maihosi lia-fuan Grego agrupneo, ne'ebé lieralmente signifika atu kontinua hadér maibé figurativamente signifika matan-moris no prontu. Maski Jesus hatete katak ita tenke tau atensaun katak sinál ba tempu ikus ne'ebé sei mai (Marcos 13:28-29), maibé nia la dehan katak ita tenke uza ita-nia tempu no haka'as an atu deside bainhira mak ida-ne'e sei akontese. Ita la hatene bainhira mak nia sei fila fali (Marcos 13: 32). 

Jesus fó alerta katak la iha tempu atu iha fiar ne'ebé tuir ita-nia gostu. Paulo hatete: "Haree di-diak oinsaa imi lao, laos nudar ema beik maibee nudar ema matenek klean Hola fali imi nia tempu, tanba loron sira nee mak aat" Éfezu 5:15-16. Hanesan atan ne'ebé fiél (Marcos 13:34-36) ka noiva sira ne'ebé hein noivu (Mateus 25: 1-13), ita la bele hanoin katak tamba Jesus mai tarde ita halo buat ne'ebé la loos (Mateus 24:48-51). 

Lukas fó informasaun espesífiku liu tan kona-ba tansá ema fiar-na'in sira tenke prontu iha tempu ikus. Iha sofrementu sira ne'ebé sei mosu iha tempu susar, ema barak sei la prontu "Kuidadu aan ba atu imi nia laran la sai todan ho ulun fatuk moras tanba lanu, no keta preokupa kona ba imi nia moris. Se imi halo hanesan nee, loron nee sei hasoru imi derepenti deit nudar lasu ida" Lucas 21:34. Naturalmente bainhira ita hasoru susar ema balu halai ba kimiku ka susbtansia balu hanesan tua ka droga hodi alevia terus sira ne'e, maibé ida-ne'e la'ós opsaun ida ba ema ne'ebé halo tuir Kristu (Efeso 5: 18). 

Ema kristaun sira ne'ebé hasoru terus iha tribulasaun, no iha tempu hotu, mós presiza hanoin katak ita sei hasoru terus no mate maibé terus sira ne'e temporariu de'it. Tamba ema barak ne'ebé tuir Kristu sei mate (Apokalipse 6: 9-11). Hamlaha sei estraga mundu. Ema sira ne'ebé tuir antikristu de'it mak sei sente fasil atu hetan sasán (Apokalipse 13: 16-17). Maibé rikusoin no konfortu husi ema sira ne'ebé tuir antikristu sei la to'o rohan (Apokalipse 18). 

Jesus mós hakarak ninia dixipulu sira ne'ebé hetan terus bele moris, se sira bele. Nia fó korajen atu "... matan moris ba no halo orasaun nafatin, katak imi bele iha kbiit atu halai sai hosi buat hotu nebee sei akontese, no hodi imi bele hamriik iha Ema Nia Oan nia oin" Lucas 21:36. Ema Kristaun tenke mantein fiél iha sofrementu ne'ebé sei mai, labele halai ba tua, droga ka susbtansia seluk tamba sofrementu sira ne'e temporariu de'it . Maibé buat ne'ebé importante liu mak ita bele hamriik iha Kristu nia oin tanba ita iha fiar ne'ebé metin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More