Mate atu bele moris

Ha'u mate tiha ona hamutuk ho Kristu iha krús. La'os ha'u mak moris, maibé Kristu mak moris iha ha'u. No agora ha'u-nia moris iha isin ne'e, ha'u moris liuhosi fiar iha Maromak nia Oan, ne'ebé hadomi ha'u, no fó ona Ninia aan tanba ha'u. Galásia 2:20 BK

Galásia 2:20 

Bainhira apóstolu Paulo hakerek liafuan sira-ne'e, nia esplika lia-loos ida kona-ba moris kristaun nian. Lia loos nee mak: atu bele moris, ulukliu ita tenke mate, la'ós fizikamente maibé espirituálmente. Bainhira ita simu Jesus nu'udar ita-nia Salvador, ita-nia hahalok pekador tuan sira ita "prega ba krús ho Kristu". Ida ne'e signifika katak ita la moris tan atu halo ita-nia an kontente, maibé atu halo Maromak kontente. 

Mate ida hanesan ne'e, la'ós lakon maibé liberdade. Hahalok tuan sala nian ne'ebé ita halo ona no hanoin an de'it lakon ona no moris foun hahú. Jesus la'ós de'it fó perdua ba ita-nia sala sira, maibé nia muda ita-nia laran. Ninia espíritu hahú moris iha ita-nia laran hodi dirije ita-nia hanoin, liafuan no hahalok sira. 

Agora, ita moris liuhusi fé ba Jesus, fiar ba Nia loroloron. Maibé fiar ne'e mós tenke lori ita atu halo tuir Ninia hanorin sira iha Sagrada Eskritura. Se Kristu moris duni iha ita, ita-nia hahalok sei hatudu. Ita sei hasees an husi sala, ita sei hadomi ema seluk, no la'o tuir Ninia lia-loos hotu iha Sagrada Eskritura. Se ita halo ida ne'e, ita-nia moris sei refleta Jesus Ninia karakter di'ak sira. 

"Mate ba ita-nia an rasik" signifika katak ita rende ita-nia hahalok foti-an, hirus, kaan-teen, hakarak hanoin an de'it, no husik Jesus kontrola ita-nia moris. Ida ne'e sei la fasil ba ita, maibé ida ne'e mak dalan uniku ba ita atu hetan ksolok ne'ebé loos, dame no moris rohan-laek. 

Tan ne'e, bainhira ita mate ba ita-nia hahalok aat sira, ita komesa moris espirituálmente, tanba Kristu moris iha ita-nia laran. Ida ne'e mak segredu ba moris foun hodi la'o iha dalan ba lalehan. 

Orasaun: Nai Jesus, obrigadu tanba mate ona ba ami. Ajuda ami atu mate ba ami-nia hahalok aat sira kada loron, nune'e ita bele mai moris iha ami-nia laran. Hanorin ami atu hatudu ami-nia fiar liuhusi halo tuir ita-nia hanorin sira iha Sagrada Eskritura no direji ami atu sempre la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JUSTIFICADOS PELA FÉ

Ne'e duni tanba ita sai loos ona liu hosi fiar, ita iha dame ho Maromak liu hosi ita-nia Na'i Jesus Kristu. Roma 5:1 BK

Tendo sido, pois, JUSTIFICADOS PELA FÉ, temos paz com Deus, por nosso Senhor Jesus Cristo. Romanos 5:1 NVI

Romanos 5:1 

Justificados (sai loos) signifika halo sai loos ho Maromak - ka deklara hanesan pekadu la iha. Antes ita hatene Jesus, pekadu haketak ita husi Maromak (Isaias 59:2). Ita la bele salva ita-nia an, maski ita koko atu halo buat di'ak barak. Maibé tanba Jesus Ninia mate no moris hi'as, agora Maromak bele fó perdua no simu ita. 

Bíblia hatete katak ita sai loos (justificados) tanba fé - la'ós tanba ita-nia hahalok di'ak sira. Fé signifika katak tau fiar kompletamente ba buat ne'ebé Jesus halo ona ba ita iha kruz. Liuhusi fé mak ita simu Ninia perdua no sai Maromak nia oan sira. 

Maibé fé ne'ebé loloos la para iha fiar de'it, maibé fé ne'ebé loos lori ita atu halo tuir Maromak Ninia hanorin sira. Kuandu ita fiar duni ba Jesus, ita-nia laran muda, no tuir mai ita-nia hahalok mós muda. Ita komesa hadomi ema seluk, fó perdua, serbí no la'o iha lia loos hotu, la'ós atu hetan salvasaun, maibé tanba ita simu ona SALVASAUN ne'e. Hanesan Tiago 2:17 hatete, " Fiar ne'ebé la iha asaun mak mate" 

Fé ne'ebé loloos hamosu mudansa ne'ebé reàl. Bainhira ita halo tuir Maromak, ita hatudu katak ita-nia fiar ne'e moris no ita mak Maromak nia ema. Bainhira ita halo tuir Ninia Liafuan sira, ita bele refleta Maromak Ninia karakter ba mundu. 

Liuhusi fé no obedese (halo tuir Maromak), ita goza dame ho Maromak - la sai Maromak Nia inimigu, maibé sai Ninia oan doben sira. Dame ne'e fó forsa, esperansa no ksolok mai ita bainhira ita kontinua la'o ho laran-metin iha dalan ba lalehan. 

Orasaun: Nai, obrigadu tanba salva ami liuhusi fé ba Jesus. Ajuda ami atu hatudu ami-nia fiar no domin loroloron liuhusi halo tuir ita-nia hanorin sira, atu nune'e ami-nia moris bele hatudu katak ami mak Ita-nia oan sira ne'ebé la'o iha dalan ba lalehan. Amen.

Romanos 5:1 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak ita presiza enxe ba ita-nia neon?

Ikus mai, maun-alin sira, buat hotu ne'ebé tuir lia loos, buat hotu ne'ebé iha onra, buat hotu ne'ebé loos, buat hotu ne'ebé moos, buat hotu ne'ebé furak, buat hotu ne'ebé bele dehan diak, no se iha buat ruma ne'ebé la'o diak, no se iha buat ruma ne'ebé bele hahi'i, hanoin kona ba buat sira ne'e. Filipe 4:8 BK

Filipe 4:8 

Hanesan ita-nia isin presiza hahán di'ak atu ita bele sai saudavel, ita-nia neon mós presiza buat ne'ebé loos atu ita bele iha forsa no moris hakmatek. Apóstolu Paulo hanorin ita iha versíkulu ne'e kona-ba "hahan espirituál" ne'ebé ita tenke fo han ba ita-nia hanoin loroloron. 

Ita moris iha mundu ne'ebé nakonu ho novidades aat, lia-bosok no negatividade. Se ita kontinua enxe ita-nia neon ho ta'uk, gossip, lia-bosok, ka hirus, ita-nia laran sei sai todan no la kontente. Maibé kuandu ita enxe ita-nia hanoin ho buat ne'ebé tuir lia loos, onra, loos, moos, furak, no hahii, ita-nia neon sei sai saudavél no nakonu ho dame. 

Apóstolu Paulo hatete mai ita atu hanoin liután kona-ba buat di'ak sira ne'ebé mai husi Maromak - hanesan lia-loos husi Biblia, Ninia domin ne'ebé Jesus hatudu, no Ninia bénsaun sira iha ita-nia moris loroloron nian. Kuandu ita hili atu hanoin kona-ba buat sira-ne'e, ita-nia laran sai kontente liután, no ita komesa haree ita-nia moris hanesan saida mak Maromak haree. 

Kada loron, ita iha desizaun atu halo: ita bele husik mundu forma ita-nia hanoin, ka ita bele husik Maromak nia Liafuan enxe ita-nia neon. Saida mak ita hanoin afeta oinsá ita moris. Tan ne'e, mai ita enxe ita-nia hanoin kona-ba buat di'ak sira - hanesan buat ne'ebé fó glória ba Maromak no buat ne'ebé halo ita hakbesik liután ba Maromak.

Kuandu ita hanoin kona-ba Maromak nia hanoin sira, ita la'o iha naroman, dame, no lia-loos, no ida-ne'e halo ita la'o iha dalan ba lalehan. 

Orasaun: Nai, ajuda ami atu enxe ami-nia neon ho hanoin ne'ebé di'ak no moos. Hanorin ami atu fokus kona-ba Ita-nia lia-loos no hakonu ami-nia laran ho dame bainhira ami la'o tuir Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More