Mensajen Tinan Foun 2025

Família no belun doben sira, 

Ita hakat tama ba tinan 2025, ami-nia laran nakonu ho agradese ba imi hotu. Tinan foun ne'e lori oportunidade, dezafiu no bénsaun foun, no ami hakarak fó korajen ba ita atu la'o ba oin ho fiar no esperansa. 

Bíblia fó-hanoin ita iha Isaias (Yesaya) 40:31 hanesan tuir mai "maibee sira nebee hein Nai sei hetan forsa foun, sira sei sae ho liras hanesan makikit nian; sira sei halai no la sai kole, sira sei lao no la sai fraku". La prekupa dezafiu saida mak Hein ita iha futuru , maibé Maromak sempre iha kbiit atu ajuda ita. 

Saida mak akontese iha moris dala barak ita la bele halo predisaun, maibé Maromak nia promesa sira kontinua metin nafatin. Bainhira ita hasoru tinan foun Ida ne'e hamutuk, mai ita hanoin Maromak Ninia Liafuan iha Filipe 4:13 ne'ebé dehan: "Hau bele halo buat hotu iha Nia nebee foo kbiit mai hau" Maski iha situasaun ne'ebé susar ka difisil, Maromak nia laran-di'ak sufisiente ba ema hotu ne'ebé presiza. 

Ami mós fó korajen ba imi atu hala'o ita-nia atividade loron-loron ho domin no laran-di'ak. Hanesan 1 Korinto 16: 14 hatete: "Matan moris ba, hamriik metin iha fiar, lao nudar mane, sai forti ba" Mai ita valoriza ita-nia relasaun ho ema seluk, fó perdua ho laran, no tane malu hanesan Maromak bolu ita atu halo.

Tinan ida-ne'e, mai ita hotu hakbesik liután ba Maromak no ba malu. Mai ita tau fiar ba ninia planu ne'ebé perfeitu, tanba ita hatene katak Maromak hamutuk ho ita iha dalan hotu. Liafuan iha Proverbios 3: 5-6 hatete: "Fiar ba Nai ho o nia fuan laran tomak, no keta sadere ba o nia kompriensaun rasik.Iha o nia dalan hotu, hanoin ba Nia, no Nia sei diriji o nia dalan sira.

Ho domin no orasaun ba bénsaun iha tinan 2025

 Familia Amaral.

Read More

Moris foun iha Kristu

Nee duni, se ema ida hela iha Kristu, nia mak kriasaun foun ida. Buat tuan sira liu tiha ona. Tebes, buat hotu sai foun ona. 2 Korinto 5:17

Paulo hakerek ona katak Kristu nia mate tanba ita-nia sala troka ona oinsá Ninia haree kona-ba ema. Ema sira ne'ebé fiar ba Kristu, Maromak la haree hanesan ema baibain de'it, maibé Nia haree ema ne'ebé iha Kristu hanesan ema ne'ebé diferente. 

Sira ne'ebé "iha Kristu" mak sira ne'ebé tau fiar ba nia, sira ne'ebé hetan moris loos tamba Kristu nia moris ne'ebé loos, no sira-nia sala hetan perdua tanba Kristu nia mate. Ema sira-ne'e mak kriatura foun. Sira ne'ebé "iha Kristu" sai ona ema ne'ebé diferente. Sira-nia identidade troka ona husi sira-nia versaun rasik ne'ebé sempre monu ba sala, ba Kristu nia hahalok loos. Tamba ne'e mak agora sira sai kriasaun foun. 

Tuir loloos, tradusaun antigu husi ema kristaun molok sira "iha Kristu" mak labele rekupera. Paulo hakerek katak hahalok tuan lakon ona. Buat foun mai ona. Buat uluk nian hanesan ita-nia mehi, ideas no agenda troka ona ho Kristu Ninia hanoin, ideas no objetivu. Mai ita sai kriasaun foun iha Kristu 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷

Read More

Ema hotu nia fonte moris

 Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau. Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida. João 15:4-5

 Hateke hale'u... 

Buat hotu ne'ebé ita haree dezeña ho matenek: Lalehan, ai-huun, foho, tasi. Animál sira, ema, buat ne'ebé haree no la haree. 

Ita bele dada iis tanba ita iha pulmaun, oksijen no ambiente ne'ebé bele sustenta ita-nia moris. Ita bele muda tanba ita iha muskulu, tendon no kakutak ne'ebé fo instrusaun ba ita-nia isin. Ita bele hanoin, mehi, planeia, kria, harii, tanba ita iha hakarak, abilidade, no materiál sira. 

Tan ne'e, se ita hakarak atu moris iha moris ne'ebé iha legacy, ita tenke iha ligasaun ho moris nia hun. Jesus uza ai-knanoik ida-ne'ebé ninia rona-nain sira hatene: 

"Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau. Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida. João 15:4-5 

Kuandu Jesus hatete: "Hau mak uvas-hun," nia halo statement ida. Nia dehan katak Maromak mak halo buat hotu, nia mak moris nia hun no nia mak iha kbiit atu fó moris. 

Tan ne'e, se ita hakarak atu hetan lia-loos ne'ebé loos, atu hetan sabedoria ne'ebé loos, ka atu halo diferensa ba nafatin iha mundu ne'e, ita tenke hakbesik ba Maromak, tanba buat saida de'it ne'ebé folin-boot hahú ho Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More

Hateke ba leten

Se imi moris hias ona hamutuk ho Kristu, buka buat sira nebee iha leten, iha fatin nebee Kristu tuur iha Maromak nia liman loos. Kolose 3:1

Bibain ita uza ita-nia tempu, enerjia, no ita-nia atensaun hodi foka liu ba ida-ne'e no agora. Ita okupadu tebes. Dala ruma ita hanoin barak kona-ba buat barak. No bainhira ita hakmatek no hanoin kona-ba ida-ne'e, susar ba atu komprende. 

Maibé iha Paulo nia karta ba ema Koloso, nia fó korajen ba ninia maluk kristaun sira atu hateke ba leten: 

 "Se imi moris hias ona hamutuk ho Kristu, buka buat sira nebee iha leten, iha fatin nebee Kristu tuur iha Maromak nia liman loos" Kolose 3:1

Hanoin to'ok kona-ba ne'e. Kona-ba Lalehan nia realidade. Bainhira ita hanoin kona-ba Paulo nia liafuan sira, ita sei ko'alia kona-ba buat haat tuirmai ne'e: 

 1. Lalehan la'ós buat ne'ebé la iha folin, la'os hanesan mehi. Maibé ne'e mak fatin ne'ebé real, iha ne'ebé Maromak mak Liurai.

 2. Loron Ida ita sei hasoru Maromak oin no oin. Iha tempu ne'eba buat hotu ne'ebé ita hein sei revela ba ita. 

 3. Ita-nia problema no ita-nia laran-susar (no mós mate rasik) temporáriu de'it! Eskritura hatete katak iha tempu ne'ebà Maromak sei halakon moras, mate, no terus hotu para sempre. 

 4. Maromak sei hela iha ninia kadunan, hamutuk ho Jesus iha Ninia sorin hodi fó glória ba Nia. Maski ita haree katak mundu ne'e hanesan bulak, la iha sensibilidade, no halo ita laran moras, maibé ita bele konfia katak la iha buat ida mak akontese forada Maromak Ninia planu.  

Tan ne'e, kuandu ita koko atu hateke ba ema seluk ka hateke ba ita-nia an, mai ita hateke ba leten. Lalehan mak iha fatin ne'ebé Maromak horik ba, no ne'e mak realidade ne'ebé loos liu hotu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷

Read More

Sai hanesan Kristu

 2 Timoteo 2:15 NIV hatete: "Hakaas aan atu aprezenta aan ba Maromak nudar ema nebee Nia bele simu, servisu nain nebee la moe, maibee hatoo lia loos tuir liafuan loos"

Nu'udar ema kristaun, loron-loron ita hetan konvite atu sai hanesan Kristu. Ita hakarak iha hanoin no atitude ne'ebé hanesan ho Nia, atu sai hanesan Nia loroloron. Iha mundu ne'ebé kontinua kontra Maromak nia hakarak, ita hakarak haka'as an atu hatudu ita-nia an ba Maromak nu'udar serbisu-nain ne'ebé la moe. 

Karik ita la sempre moris hamutuk ho Kristu. Karik iha buat ruma iha Ita-nia tempu uluk ne'ebé Ita moe. Ne'e la buat ida. Ita la mesak de'it. 

Iha karta ne'e, Paulo hatete ba Timoteo atu labele moe kona-ba ninia tempu uluk, maibé atu husik ninia tempu uluk no hatudu katak Jesus muda ona ninia moris. Bainhira ita simu Jesus, ita foin hahú foun no foin hahú. Ita-nia pasadu mak parte ida husi ita-nia istória, dalan ida-ne'ebé ita bele hatudu ba ema oinsá Jesus muda ita-nia moris. 

Dalan di'ak liu hotu ne'ebé ita bele troka liuhusi Jesus mak buka nafatin ninia lia-loos iha Eskritura. Bainhira ita halo tuir Eskritura no espíritu santu, ita-nia hanoin no laran sai hanesan Kristu. 

Oinsá mak imi bele sai hanesan Kristu ohin loron? Hanoin to'ok kona-ba 0asu ki'ik balu ne'ebé ita bele halo atu muda ita-nia hanoin no hahalok hodi halo tuir Maromak nia misaun ka Kristu nia karakter.

Husu Maromak nia ajuda bainhira ita buka atu la'o tuir nia loroloron.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More

Fo onra ba Salvador

Bainhira sira haree fitun nee, sira haksolok tebes no kontenti liu. Sira tama ba uma laran no sira haree labarik kiik ho Ninia inan Maria. No sira hakneak no adora Nia. Sira loke sira nia riku-soin no foo prezenti sira ba Nia: osan mean, mina morin, no mina mira. Mateus 2:10-11

Bainhira ema Izrael hein hela Salvador ida, dook husi parte leste, mane nain-tolu estuda fitun no eskritura antigu sira. Ema sira-ne'e, ne'ebé parese mai husi Babilonia ka Persia, mai buka Jesus. Tanbasá? Tanba sira haree ona fitun ida. Sira haree ona sinál ida iha lalehan katak Liurai ida moris mai ona.

 Entaun sira hahú viajen. Viajen ne'ebé naruk no susar, sira buka Jesus. Sira tenke adora ema ne'ebé sinál hatudu ona. Sira tenke haree ho matan rasik.

"Sira tama ba uma laran no sira haree labarik kiik ho Ninia inan Maria. No sira hakneak no adora Nia". Mateus 2:10 BK

Ida-ne'e mak ilustrasaun furak ida kona-ba dedikasaun no onra. Izrael hatene katak salvadór ida sei mai, maibé ema sira husi parte leste la hatene. Maibé sira mai buka ema ne'ebé tuir sinal hatudu. No kuandu sira haree nia, sira koñese kedas nia. Tuirmai sira hakru'uk no adora. 

Sira-nia istória fó-hanoin ita katak, ita merese buka Jesus. Kristu nia liafuan di'ak mak ba ema hotu. 

Ikusmai, kuandu sira hasoru Jesus, ema matenek sira adora no fó prezente. Aktu adorasaun ne'e la'ós de'it formalidade. Prezente sira-ne'e ida-idak iha signifikasaun no objetivu ne'ebé úniku, tanba sira hatudu respeitu no rekoñesimentu ne'ebé kle'an ba Jesus nia ukun (osan-mean), ninia divinidade (mina morin/Frankincense), no ninia terus no mate (mina Mira/myrrh). Prezente sira-ne'e la'ós de'it folin-boot, maibé sira hatudu katak sira komprende Jesus mak se no nia sei Sai saida iha futuru.

Ema matenek sira adora Jesus tanba nia merese. Nia sei nafatin merese. Oinsá mak ita adora nia ohin?

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More

Tau fiar ba Maromak nia istória

No nia tuur ahi oan mane primeiru. Nia falun ninia oan ho hena no hatoba nia iha animál nia haan fatin, tanba la iha fatin iha uma ida atu hela. Lucas 2:7 BK

Hanoin to'ok kona-ba Maria no Jose prontu ona sai inan-aman. Karik sira husu pergunta barak ne'ebé hanesan ho inan-aman sira tempu agora husu.: Bebe ne'e saudavel ka lae? Ami prontu atu tau matan ba labarik ne'e ka lae? Bebé ne'e sei moris iha ne'ebé? Ita prontu ona atu simu bebé ne'e bainhira nia moris ka lae? 

Bainhira Maria isin-rua besik remata, Cesar Augustus fó sai dekretu katak ema hotu iha Roma nia laran tenke fila fali ba sira-nia fatin atu halo sensu (Luc 2: 1-4). Ida-ne'e katak Maria no Jose tenke sai husi sira-nia uma iha Nazare hodi halo viajen loron haat ba Belein, sidade David, ne'ebé mak Jose nia bei'ala sira horik ba 

Tanba sensu ne'e, Belein nia hotel ka uma aluga nian nakonu ho ema ne'ebé halo viajen ba sensu. Nune'e, kuandu tempu to'o mai, Maria tuur-ahi ba Jesus iha fatin ne'ebé sira bele hetan: iha animal nia luhan. Nia tau nia iha animal ninia ai-han fatin, tanba ne'e mak fatin ne'ebé sira bele hetan. Fatin ne'ebé loloos, la merese ba Maria atu hahoris ba ninia oan primeiru. 

Maibé Ida ne'e mak Maromak haruka sira halo. Maromak hatudu buat barak mai ita kona-ba ninia Ukun liuhusi situasaun kona-ba oinsá ninia Oan moris. 

Nia hatudu ba ita katak Jesus haraik-an. Jesus moris iha luhan no tau iha animal ninia fatin han. Maibé, Liurai husi Kriasaun hotu hahú ho haraik-an hanesan ne'e. 

Nia hatudu ba ita katak Maromak nia Ukun ita bele asesu. Liurai ne'e la haketak an iha palásiu ka hela-fatin ida, ketak husi ninia povu no hale'u ninia povu ho luxu sira. Bibi-atan no ema matenek sira mós bele mai vizita nia. 

Nia hatudu ba ita katak ita bele tau fiar ba istória ne'e. Maria tenke tau fiar ba Maromak nia istória. Jose tenke tau fiar ba Maromak nia istória. Hanoin to'ok oinsá mak istória ne'e sei la hanesan, se Maria no Jose husu atu sira bele iha uma ida-ne'ebé di'ak, hodi hakilar dehan: "Nia mak Mesias, povu! Fo kuartu! " Maibé sira la halo nune'e. Sira simu situasaun ne'ebé sira hasoru, tanba sira tau fiar ba Maromak nia istória maski sira hanoin katak situasaun ne'e la favorabél.

No husi situasaun ne'e, Maromak Lori Ninia Oan-Mane Mai ita tuir buat ne'ebé nia planu ona. 

Ita bele tau fiar ba istória ne'e tanba Maromak mak autór. Kondisaun Jesus nia moris la'os asidente Ida, maibé ne'e hanesan mensajen no imajen atu hatudu oinsá Maromak nia Ukun ne'ebé loloos. Ida-ne'e mós konvida ita atu entrega ita-nia planu sira, ita-nia hanoin kona-ba oinsá mak istória ne'e tenke hakerek, no tau fiar ba Maromak nia liman ne'ebé ita bele fiar iha ita-nia moris. Ita bele tau fiar ba Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

#GodsWord #hopechannel #hopechanneltimorleste #awrtimoleste #RTL

Read More

Fatin atu hahú

Hamtauk ba Nai mak matenek nia huun, maibee beik-teen sira despreza matenek klean no instrusaun. Provérbiu 1:7

👉Fatin atu hahú 👈

Iha fatin barak ne'ebé ita bele aprende kona-ba buat foun no haburas koñesimentu. Livru sira ne'ebé ita bele hetan asesu libre atu aprende buat saida de'it ne'ebé ita hakarak. Internét nakonu ho konteúdu no dalan atu aprende kona-ba buat ruma ne'ebé ita bele imajina. 

Maski sira mak fatin ne'ebé di'ak atu hahú atu haburas koñesimentu, maibé eskritura hatete mai ita katak koñesimentu hotu hahú ho hamta'uk ba Maromak. Ida-ne'e katak, maski ita bele aprende buat husi ema ida, maibé koñesimentu ne'ebé loos hahú husi Maromak. 

Hamta'uk Maromak katak sá? Ne'e katak ita tenke moris nakonu ho respeitu ba Maromak. Ulukliu ita halo ida-ne'e hodi rekoñese Maromak nia hahalok. Nia mak kriador no huun ba buat hotu. Nia mak Maromak ne'ebé iha kbiit tomak no no hatene buat hotu. Maromak nia Liafuan hatete katak nia iha kbiit ba moris no mate. Ita bele fiar katak ida-ne'e mak atributu Maromak nian ne'ebé bele halo ita hatudu laran-manas ka respeitu ba Maromak. 

Eskritura mós hatete katak Maromak hatudu domin, laran-di'ak no laran-sadi'a. Maski ita mak Ninia kriasaun rasik, maibé ita abandona Nia ka husik nia no kontra nia, maibé ho laran-di'ak Maromak fó asesu fali ba ita liuhusi ninia Oan-Mane Jesus. Maromak ne'ebé kria lalehan hadomi ita hotu. 

Hatene didi'ak Maromak ho loos no hatene saida mak nia halo ona ba ita mak hahú husi koñesimentu hotu. 

Ita sei beik atu hasees an husi Maromak ne'ebé iha kbiit boot no laran-di'ak. Maski ita bele aprende buat barak liuhusi livru ka internét, maibé koñesimentu ne'ebé importante liu mak hahú husi Maromak, ninia Liafuan, no oinsá ita haree Nia. 

Uza tempu balu ho Maromak hodi halo orasaun, hodi agradese ba nia tanba nia mak se no saida mak nia halo ona ba ita. Hatoman aan atu lee Eskritura beibeik atu nune'e imi bele hatene liután kona-ba Nia.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷

Read More