Hamtauk ba Nai mak matenek nia huun, maibee beik-teen sira despreza matenek klean no instrusaun. Provérbiu 1:7
👉Fatin atu hahú 👈
Iha fatin barak ne'ebé ita bele aprende kona-ba buat foun no haburas koñesimentu. Livru sira ne'ebé ita bele hetan asesu libre atu aprende buat saida de'it ne'ebé ita hakarak. Internét nakonu ho konteúdu no dalan atu aprende kona-ba buat ruma ne'ebé ita bele imajina.
Maski sira mak fatin ne'ebé di'ak atu hahú atu haburas koñesimentu, maibé eskritura hatete mai ita katak koñesimentu hotu hahú ho hamta'uk ba Maromak. Ida-ne'e katak, maski ita bele aprende buat husi ema ida, maibé koñesimentu ne'ebé loos hahú husi Maromak.
Hamta'uk Maromak katak sá? Ne'e katak ita tenke moris nakonu ho respeitu ba Maromak. Ulukliu ita halo ida-ne'e hodi rekoñese Maromak nia hahalok. Nia mak kriador no huun ba buat hotu. Nia mak Maromak ne'ebé iha kbiit tomak no no hatene buat hotu. Maromak nia Liafuan hatete katak nia iha kbiit ba moris no mate. Ita bele fiar katak ida-ne'e mak atributu Maromak nian ne'ebé bele halo ita hatudu laran-manas ka respeitu ba Maromak.
Eskritura mós hatete katak Maromak hatudu domin, laran-di'ak no laran-sadi'a. Maski ita mak Ninia kriasaun rasik, maibé ita abandona Nia ka husik nia no kontra nia, maibé ho laran-di'ak Maromak fó asesu fali ba ita liuhusi ninia Oan-Mane Jesus. Maromak ne'ebé kria lalehan hadomi ita hotu.
Hatene didi'ak Maromak ho loos no hatene saida mak nia halo ona ba ita mak hahú husi koñesimentu hotu.
Ita sei beik atu hasees an husi Maromak ne'ebé iha kbiit boot no laran-di'ak. Maski ita bele aprende buat barak liuhusi livru ka internét, maibé koñesimentu ne'ebé importante liu mak hahú husi Maromak, ninia Liafuan, no oinsá ita haree Nia.
Uza tempu balu ho Maromak hodi halo orasaun, hodi agradese ba nia tanba nia mak se no saida mak nia halo ona ba ita. Hatoman aan atu lee Eskritura beibeik atu nune'e imi bele hatene liután kona-ba Nia.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷
0 comments:
Post a Comment