Hamriik hamutuk Iha kadunan nia oin

Tuir mai hau haree, no tebes, ema lubun boot ida, nebee ema la bele sura, hosi nasaun, suku, povu no lian hotu-hotu. Sira hamriik iha kadunan nia oin, no iha Bibi Oan nia oin. Sira hatais ropa mutin no kaer ai palma tahan iha sira nia liman. Sira hakilar ho lian makaas dehan, “Salvasaun mai hosi ita nia Maromak nebee tuur iha kadunan, no hosi Bibi Oan” Apokalipse 7:9-10 BK

Ema iha mundu iha modelu oinoin. Ema iha fuuk no kulit oinoin, iha matan kor oinoin no iha oin-midar. Ema iha kulit oinoin morena,mutiny, metan, balu iha as-rahun, balu hasan kuak bainhira hamnasa. Sira iha fuuk naruk, fuuk badak, fuuk loos, fuuk karakól, no balu fuuk la iha. 

Sira hotu iha idaidak ninia background no esperiénsia moris ne'ebé diferente. Sira hotu iha lian ne'ebé úniku, no hahalok ne'ebé diferente. Sira hotu halo ona tuir Maromak nia ilas. Loron ida, ema kristaun hotu iha istória tomak mundu nian sei hamriik hamutuk iha Maromak nia kadunan oin. 

Biblia deskrebe hanesan tuir mai: "Tuir mai hau haree, no tebes, ema lubun boot ida, nebee ema la bele sura, hosi nasaun, suku, povu no lian hotu-hotu. Sira hamriik iha kadunan nia oin, no iha Bibi Oan nia oin. Sira hatais ropa mutin no kaer ai palma tahan iha sira nia liman. Sira hakilar ho lian makaas dehan, “Salvasaun mai hosi ita nia Maromak nebee tuur iha kadunan, no hosi Bibi Oan” Apokalipse 7:9-10 BK

Versikulu iha Apokalipse ne'e ko'alia kona-ba ema husi background oinoin, kultura oioin, kultura oioin, no dalan moris oinoin halibur hamutuk hodi adora Maromak. Ita bele adora Maromak iha dalan ida-ne'e tanba bainhira ita sei sala-na'in hela, Kristu mate ba ita (Roma 5:8). Jesus sai hanesan ponte entre ita ho Maromak hodi sai nu'udar sakrifísiu ne'ebé perfeitu hodi salva ita  

So Jesus nia kbiit de'it maka bele halibur ema hotu iha mundu. No tanba Jesus nia kbiit boot ne'ebé halo serbisu iha Igreja tomak, ita bele intensionalmente hein Na'i Jesus Ninia fila fali mai daruak hodi fahe ninia domin, ksolok, esperansa no dame ba ema hotu ne'ebé hale'u ita. Tanba ita-nia esperansa, forsa, no futuru so de'it iha Jesus, ho Jesus Ninia podér ita bele hakilar hamutuk ho ema kristaun iha fatin hotu-hotu: "Salvasaun mai hosi ita nia Maromak ne'ebé tuur iha kadunan, no hosi Bibi Oan”!

Tan ne'e, ohin loron, mai ita adora Maromak ho is-moris ne'ebé iha liuhosi nafatin fokus ba Jesus, no moris ho unidade ho ema kristaun seluk bainhira ita hein hela Na'i Jesus atu fila fali Mai ba daruak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Ita merese duni atu hetan adorasaun

 “O merese, ami nia Nai no Maromak, atu simu glória no onra no kbiit, tanba O mak kria buat hotu-hotu. Tuir O nia hakarak mak O kria sira no sira iha.” Apokalipse 4:11 BK

Ita iha Kriadór ne'ebé kbiit boot, maibé fasil atu haluha katak nia mak kmanek tebes. Ita moris iha mundu ne'ebé nakonu ho ninia milagre sira, maibé baibain ba ita atu fokus ba buat kmanek sira ne'e la'os ba kriadór ne'e rasik. 

Maromak kria buat Ida hosi mamuk. Maromak ko'alia no moris, ninia signifikasaun, no ninia hakarak ezisti. Nia mak autór ba buat hotu. Nia merese atu hetan adorasaun. 

Baleia sira nani iha tasi, ursu/beruang buka hahan iha foho tutun sira, fire flies/ kunang kunang haroman area remota sira. Ema harii uma andar sira ne'ebé aas ba to'o lalehant, ema te'in hahán, dezenvolve língua, no halo relasaun ne'ebé komplexu ho Maromak no ho ema. 

 "O merese, ami nia Nai no Maromak, atu simu glória no onra no kbiit, tanba O mak kria buat hotu-hotu. Tuir O nia hakarak mak O kria sira no sira iha” Apokalipse 4:11 BK

Eskritura ne'e hatete katak "buat hotu" inklui buat hotu ne'ebé ita bele haree no buat hotu ne'ebé ita la bele haree. " Buat hotu" inklui mós ita ema Maromak mak kria. 

Maromak intensionalmente kria ita ho hakarak rasik no Maromak dezeñu ita uniku. Maromak tau ita Iha planeta ida ne'e ho ojetivu ida. Maromak fo kbiit ba ita atu fó naroman no fahe ninia domin ba ema seluk iha dalan espesiál no uniku. 

Tan ne'e, foti tempu balu ohin-loron atu hanoin katak Maromak kria ita no nia hadomi ita. Nia merese atu hetan ita-nia adorasaun.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Ko'alia onestu ho Maromak

Maibee hau sei kanta kona ba O nia kbiit,

sin, hau sei kanta makaas iha dadeer tanba O nia domin metin. Tanba O mak hau nia fatin aas nebee seguru no fatin subar iha loron nebee hau hetan terus. Salmu 59:16 BK

Bainhira David sei joven, nia hetan ordena nu'udar liurai ba Izrael. Maibé, duke sa'e ba kadunan ho glória ne'ebé nabilan, nia halai tinan barak husi Izrael nia liurai (nia banin) ne'ebé koko beibeik atu oho nia. 

Durante tempu ne'e, David lamenta ba Maromak: Nia ko'alia ho onestu kona-ba ninia situasaun, maibé nia iha esperansa katak Maromak sei restaura ninia situasaun. Salmu 59 mak rezultadu husi David ninia konversa sira ho Maromak. 

David nia laran-susar fó dalan ba nia atu espresa ninia triste, hakilar ba justisa, no hanoin Maromak Nia fidelidade. Fokus ba Maromak Ninia fidelidade, fo hanoin David kona-ba Maromak nia karakter no hatene Maromak nia karakter ajuda nia atu iha esperansa. Tan ne'e mak nia bele hatete: "Maibee hau sei kanta kona ba O nia kbiit, sin, hau sei kanta makaas iha dadeer tanba O nia domin metin. Tanba O mak hau nia fatin aas nebee seguru no fatin subar iha loron nebee hau hetan terus. Salmu 59:16 BK

Ko'alia ho onestu ho Maromak, ajuda David hatene katak maski ninia situasaun atuál ne'e la di'ak, maibé Maromak nafatin di'ak, no Nia merese atu hetan adorasaun. David fiar katak Maromak sei kontrola nafatin, no loron ida nia sei haree Maromak nia promesa sira sai loos. 

No loron ida, Maromak nia promesa sira ne'e sai loos duni. Maibé tinan barak ne'ebé David halai hosi fatin ba fatin la saugati de'it tamba Maromak uza tempu sira ne'e hodi ajuda David sai lideransa no funu-na'in ne'ebé Izrael presiza. Tempu sira ne'e, haforsa David ninia karakter no prepara nia ba ninia hakarak iha futuru. Maski nia hasoru susar oioin, maibé Maromak nafatin fiél ba nia. 

No Maromak mós bele no sei fiél ba ita-nia moris. 

Bainhira ita tau ita-nia esperansa ba Jesus, ita sei la terus saugati de'it, tanba Maromak ne'ebé agora mós Maromak ne'ebé sei ba nafatin iha futuru. No nia kontinua defende no halo buat ne'ebé di'ak ba ita. Tan ne'e, maski ita hasoru buat susar saida de'it, ita bele kaer metin ba esperansa ne'e: Jesus bele halo ita-nia laran-susar ba ita-nia di'ak no ba Ninia glória. 

Maromak bele halo ita-nia laran-susar no uza ida-ne'e ba ninia hakarak sira. Nia bele loke dalan liuhusi ita-nia tempu rai-fuik maran nian. Nia mak Ita-nia forsa no protesaun iha tempu susar. La iha buat ida mak imposivél ba Maromak.

Nune'e ohin loron, kontinua hakbesik an ba Maromak, no buka evidénsia kona-ba ninia fidelidade. Bainhira ita intensionalmente buka Maromak, buka dalan atu adora Nia hanesan David.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Saida mak Biblia hatete kona-ba kiak?

Ema nebee hatudu laran diak ba ema kiak mak foo empresta ba Nai, no Nia sei selu fali ema nee tuir buat nebee ema foo. Provérbiu 19:17 BK

Saida mak Bíblia ko'alia kona-ba fé/ fiar iha kontestu fó? Kona-ba Maromak nia laran ba ema kiak sira? 

Bíblia riku ho sabedoria kona-ba Maromak nia domin ba ema ne'ebé moris iha kiak laran, no kona-ba ita-nia responsabilidade atu ajuda. Ita hadomi dalan ne'ebé Jesus hatudu oinsá atu tau matan ba ema vulneravél no marjinalizadu. Refleta kona-ba versíkulu Biblia sira ne'e kona-ba fó no halo orasaun ba labarik, família no komunidade ne'ebé presiza. Tuir mai buat ne'ebé Biblia hatete kona-ba kiak. 

Imi tenki foo duni ba nia. Imi nia fuan laran keta tristi bainhira imi foo ba nia. Tanba nee, Nai, imi nia Maromak, sei foo bensaun ba imi iha buat hotu nebee imi halo, no iha buat hotu nebee imi nia liman kona. Deuteronómiu 15:10 BK

Ema nebee hatudu laran diak ba ema kiak mak foo empresta ba Nai, no Nia sei selu fali ema nee tuir buat nebee ema foo. Provérbiu 19:17 BK

Nia nebee laran luak sei hetan bensaun,

tanba nia foo ninia paun ba ema fraku. Provérbiu 22:9 BK

No se imi fui imi nia moris hodi ajuda ema hamlaha, no habokur ema nebee iha moris terus, nunee imi nia lampu sei sae hosi fatin nakukun, no imi nia rai nakaras sei sai hanesan loro aas. Isaias 58:10 BK

Maibee bainhira o halo festa, konvida ema kiak sira, ema aleijadu sira, ema ain aat sira no ema matan delek sira. No o sei simu bensaun, tanba sira la bele selu fali o. Tanba o sei simu o nia kolen iha tempu nebee ema loos sei moris hias. Lucas 14:13-14 BK

Pontu mak nee: ema nebee kari uitoan sei koa uitoan, ema nebee kari barak sei koa mos barak. Ema ida-idak tenki foo tuir buat nebee nia desidi ona iha ninia fuan laran. La bele foo ho laran todan ka tanba ema obriga ita. Tanba Maromak hadomi ema nebee foo ho laran kontenti. 2 Korinto 9:6-7 BK

Refleta kona-ba saida mak Biblia hatete kona-ba fé/fiar nian, biarba eskritura sira-ne'e sai matadalan ba ita-nia asaun no ita-nia laran atu iha kompaixaun no laran-luak ba ema kiak sira.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Viziñu ne'ebé loos

Tanba ita bele kumpri lei tomak ho liafuan ida deit: “Hadomi o nia maluk hanesan o nia aan rasik.” Galásia 5:14 BK

Karik Ita hanoin: "Maromak hakarak ha'u halo saida?" 

Se ita buka versíkulu ida-ne'ebé sumariza mandamentu iha Testamentu Antigu no Testamentu Foun, Paulo hakerek ba ema kristaun sira iha Galasia hanesan tuir mai ne'e... 

 "Hadomi o nia maluk hanesan o nia aan rasik" Galásia 5:14

Paulo nia liafuan mak hanesan ukun-fuan ida-ne'ebé Jesus fó bainhira ema husu ba nia kona-ba mandamentu ne'ebé importante liu (Mateus 22:37-40). Buat ne'ebé sira nain-rua dehan mak: alende hadomi Maromak ho buat hotu ne'ebé ita iha, Ita tenke mós hadomi ita-nia maluk hanesan ita-nia an rasik. 

Se mak ita-nia viziñu? Ema judeu ida-ne'ebé matenek kona-ba ukun-fuan relijiaun nian husu ba Jesus: "Se mak ha'u-nia viziñu ka ha'u-nia maluk?" Tan ne'e, Jesus konta istória kona-ba mane ida-ne'ebé hetan baku no besik mate iha dalan ninin. Amlulik ida no ema Levi ida la'o liu no la hanoin kona-ba mane ne'e, maibé ema Samaria ida fo ninia tempu no osan hodi ajuda kura nia. 

Tanba razaun barak, ema judeu sira hakribi ema Samaria. Maibé ida-ne'e la hanetik ema Samaria atu hatudu laran-sadi'a. Saida mak Jesus hakarak ema judeu nia matenek-na'in (no ita) atu rona katak ema hotu, iha fatin ne'ebé de'it mak ita-nia maluk ka viziñu, no ema hotu merese atu simu ita-nia domin nu'udar sakrifísiu. 

Oinsá mak Ita hadomi Ita-nia an? Kuandu ita presiza buat ruma ba ita-nia an, ita serbisu maka'as atu hetan buat ne'e. Ita la presiza hanoin kona-ba oinsá atu trata ita-nia an, tamba ida ne'e mak buat ne'ebé ita naturalmente halo. Kuida ne'ebé naturalmente ita halo ba ita-nia an, mak buat ne'ebé ita presiza halo ba ema seluk mós. 

Oinsá mak ita bele hadomi ita-nia maluk hanesan ita hadomi ita-nia an? Se ema ruma presiza ajuda ho sira-nia serbisu ruma iha sira-nia uma, serbisu saida de'it, ka ajuda sira-nia oan, ita bele serbí ho haksolok. Se família ida hasoru susar atu hetan osan, ita bele fó ho laran-luak. Se iha ema ruma iha ita-nia moris ne'ebé la iha ezemplu di'ak kona-ba halo tuir Maromak nia hanorin, ita bele ajuda sira oinsá moris tuir Maromak Nia hanorin.

Sai viziñu ne'ebé loos la fasíl tamba involve kustu ruma, maibé ita sei bele hili atu hadomi sira hanesan ita hadomi ita-nia an rasik. No kuandu ita serbí ema seluk hanesan ne'e, ita mós serbí Jesus. 

Ohin loron, foti tempu balu hodi konsidera ema sira ne'ebé presiza Ita-nia ajuda. Tuirmai, husu Maromak atu hatudu oinsá mak ita bele hadomi no serbí sira iha semana ne'e.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Dame ne'ebé nunka husik Ita

Hau husik dame ba imi. Hau foo Hau nia dame ba imi. Hau foo ba imi laos hanesan mundu foo. Keta laran susar, no keta laran tauk. João 14:27 BK

Hanoin to'ok kona-ba tempu ne'ebé Ita prekupadu ka hanoin barak kona-ba buat balu. Oinsá mak Ita hasoru ida-ne'e? Karik Ita koko husik problema ne'e domina ita-nia neon. Naturalmente ita responde ho hanoin sira hanesan ne'e, maibé Maromak hatudu dalan ne'ebé di'ak liu ba ita atu hatán ba prekupasaun sira-ne'e. 

Molok Jesus mate iha krús, nia hatete ba ninia dixipulu sira katak nia sei husik hela sira. Prekupa kona-ba moris la ho Jesus, dixipulu sira hakarak hetan resposta. Maibé, duke fó resposta ba sira, Jesus haruka ninia dixipulu sira atu iha dame no la husik sira-nia laran sai taridu.

Hanoin to'ok, ida-ne'e halo ninia dixipulu sira sente frustadu. Sira sente katak Jesus sei husik sira daudaun, no sira haka'as an ho sira-nia ideia rasik atu halo tuir buat ne'ebé nia hatete ba sira-nia futuru. 

Oinsá ho ita? Ita mós bele haka'as an atu buka solusaun ba ita-nia problema rasik bainhira ita hanoin barak kona-ba prekupasaun balu. Ita bele husik buat ne'ebé akontese ba ita halo ita-nia hanoin sai buradu no influénsia ita-nia relasaun ho Maromak. Maibé Maromak nia hakarak ne'e dook no boot liu buat ne'ebé ita bele haree no komprende. 

Kuandu Jesus hatete ba dixipulu sira atu iha dame no la bele hanoin barak, Jesus haree alende kruz - Nia haree ninia moris-hias, Nia fila fali ba lalehan, no Maromak nia espíritu santu mai. 

Nune'e mós, Maromak haree ita-nia situasaun liu fali ita-nia situasaun sira. 

Tanba ita moris iha mundu ne'ebé la perfeitu, ita sei hasoru susar oioin, maibé tanba ita serbí Maromak ne'ebé di'ak, Nia haree alende buat-aat ne'ebé ita hasoru. Nia haree ita-nia futuru nakonu ho esperansa. 

Jesus hatete ba ninia dixipulu sira atu iha dame tanba Nia hakarak sira tau fiar ba Nia. Hanesan ne'e mós, Maromak hakarak ita atu iha dame iha situasaun hotu-hotu tanba ita tau fiar ba Nia atu halo buat hotu ba ita-nia di'ak no ba Ninia glória. 

Tan ne'e, foti tempu balu ohin loron, atu refleta kona-ba situasaun balu ne'ebé halo ita hanoin barak. Tuirmai, hatete ba Maromak katak ita tau fiar ba Nia iha situasaun sira-ne'e. Imajina entrega prekupasaun sira ne'e ba Nia no husik nia fó fali ninia dame ba ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Haka'as an buka dame

Sees hosi buat aat no halo buat nebee diak, buka dame no hakaas aan hodi hetan buat nee. Salmu 34:14 BK

Iha mundu ne'ebé nakonu ho konflitu, estres, no inserteza, Maromak bolu ita atu sai ema ne'ebé buka dame. Versikulu ne'e fó-hanoin ba ita katak dame la'ós buat ne'ebé automatikamente akontese, maibé ita tenke haka'a an ho intensaun buka dame ne'e. Dame ne'ebé loos mai husi hasees an husi sala no hili buat ne'ebé di'ak no loos iha Maromak nia oin. 

Buka dame signifika la'os de'it evita halo argumenta ka debate ho ema seluk kona-ba buat folin laek sira, maibé buka dame rekere ita atu ativamente hatudu domin, perdua no hatudu laran-di'ak ba ema seluk, maski la fasíl. Ida-ne'e signifika katak tau fiar ba Maromak iha situasaun hotu-hotu, tanba ita hatene katak Maromak mak ita-nia fonte dame nian. Kuandu ita hili hahalok loos duke halo sala, ita hatudu Kristu nia domin no lori Ninia dame ba ema seluk nia moris. 

Ohin loron, mai ita husu Maromak atu ajuda ita buka dame iha ita-nia laran, iha ita-nia relasaun ho se de'it no iha ita-nia komunidade nia let. Espera katak ita sei sai Maromak Ninia instrumentu ba dame nian no sai nu'udar Maromak Ninia embaixador ba dame nian.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Dame Maromak nian

No Maromak nia dame, nebee aas liu fali kompriensaun hotu, sei tau matan ba imi nia fuan laran no neon liu hosi Kristu Jesus. Filipe 4:7 BK

Ema hotu hakarak dame. Iha mundu, iha ita-nia uma, no iha ita-nia laran. Iha tempu susar ita buka komfortu. Maski memontu ita laran susar, ita hakarak dame ne'ebé metin nafatin. 

Bíblia hanorin kona-ba dame ne'e. Filipe 4: 7 esplika kona-ba Maromak nia dame. La iha espresaun ka meditasaun ne'ebé bele prodús dame modelu ida ne'e. Ida-ne'e so bele mai husi Maromak rasik. Dame hanesan ne'e mak dame ne'ebé perfeitu no ksolok Maromak nian, ne'ebé sempre kontente. 

Dame ne'e aas liu fali ita hotu nia kompriensaun. Ida ne'e mak idea ida ne'ebé aas Liu fali ita-nia pensamentu normál. Ne'e mak deskrisaun furak ida kona-ba buat ne'ebé Maromak nia dame bele halo. Ida ne'e ne'e liu fali buat ne'ebé ita bele imajina. Maromak Ninia dame mós guarda no proteje ita-nia laran no neon. 

Oinsá mak ita bele hetan dame hanesan ne'e? Versíkulu anterior iha Filipe fó matadalan. Iha Filipe 4:6 dehan "Keta hanoin barak kona ba buat ida. Maibee iha buat hotu, liu hosi orasaun no harohan, hamutuk ho agradese, hatoo imi nia pedidu sira ba Maromak". Ita tenke fokus ba Maromak nia lia loos atu hamoos ita-nia an hosi prekupasaun mundu nian. Kumu lian hanesan simbulu ba kaer metin ita-nia problema, depois, foti no loke ó-nia liman hodi halo orasaun nu'udar símbolu atu hasai ó-nia todan ba Maromak. 

Filipe 4: 8 hatete "Ikus mai, maun-alin sira, buat hotu nebee tuir lia loos, buat hotu nebee iha onra, buat hotu nebee loos, buat hotu nebee moos, buat hotu nebee furak, buat hotu nebee bele dehan diak, no se iha buat ruma nebee lao diak, no se iha buat ruma nebee bele hahii, hanoin kona ba buat sira nee". Dala ruma fasil atu halo ida ne'e. Maibé iha momentu susar no la iha seguransa, susar liu atu halo ida-ne'e. Ho Maromak nia ajuda, ita bele hili atu hanoin kona-ba buat ne'ebé loos. 

Maromak nia dame maihosi Ninia karakter ne'ebé nunka muda no Maromak Ninia dame la depende ba ita-nia situasaun. Kuandu ita sente laran-susar, biarba ita tau fiar ba Maromak ne'ebé fó dame ne'ebé boot liu fali ita-nia kompriensaun. 

Ohin loron, mai ita Lori ita-nia neon susar ba Maromak liuhosi orasaun no hanoin kona-ba buat ne'ebé loos, furak no moos. Ninia dame sei proteje ita-nia laran no neon. Ne'e mak moris tuir buat ne'ebé Maromak promesa ona.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hakmatek maski iha laloran boot

Hau koalia buat sira nee ba imi, atu imi bele iha dame iha Hau. Iha mundu nee imi sei hetan susar. Maibee aten brani ba; Hau manaan tiha ona mundu. João 16:33 BK

Iha buat balu ne'ebé la halo ita hakfodak: Tempu malirin no manas Kada tinan. Loro-matan sa'e Kada dadeer. Ita kontinua presiza hahán, bee, anin no deskansa. Mudansa sira ne'e hanesan parte esensiál hosi moris.

Nune'e mós, ita la bele halai sees husi realidade katak ita-nia moris nakonu ho susar. Mundu furak ne'e aat ona ba dadauk. Maski nune'e, Jesus fó esperansa mai ita: 

"Hau koalia buat sira nee ba imi, atu imi bele iha dame iha Hau. Iha mundu nee imi sei hetan susar. Maibee aten brani ba; Hau manaan tiha ona mundu" João 16:33

Saida mak Jesus foin hatete ba ninia dixipulu sira? 

Nia onestu kona-ba sira-nia triste no terus ne'ebé sira hasoru ona, maibé mós ko'alia kona-ba sira-nia ksolok iha futuru ne'ebé sira sei esperiensia. Nia prepara sira-nia laran ba ninia mate no presegisaun ne'ebé sira sei hasoru, maibé mós ba ninia moris-hias no salvasaun. Jesus ninia korajen ba sira, hanesan mós Nia fó korajen mai ita.

Ita labele hakfodak katak mundu ne'e nakonu ho dezafiu sira, maibé Jesus boot liu fali dezafiu sira ne'e hotu. 

Tuir Maromak la automatikamente halakon terus iha mundu - iha loron ida iha futuru sei la iha terus, maibé agora dadauk seidauk. Ita sei nafatin luta ba justisa no buat-aat. Maibé Maromak la husik ita luta mesak. Nia la abandona ita. Ita bele tau fiar ba Nia ho laran tomak bainhira ita hein ba Nia atu fila fali mai ba dala rua. 

Tan ne'e, kuandu ita hanoin kona-ba problema sira iha ita-nia moris, kona-ba ita-nia problema iha saúde, relasaun, osan, ka susar seluk, hanoin ba katak: Ita sei bele iha dame nafatin, ita sei bele iha laran hakmatek, no ita sei bele hetan komfortu tanba Jesus Kristu manán ona mundu ne'e!

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Kbiit hosi hakmatek

“Hakmatek ba, no hatene katak Hau mak Maromak, ema sei foti aas Hau iha nasaun sira nia leet, no sira sei foti aas Hau iha mundu!” Salmu 46:10 BK

Ita okupadu tebes. Entre serbisu iha uma, família no kolega sira, oráriu ne'ebé nakonu no serbisu ne'ebé la iha rohan, halo ita hakarak book an lalais liu iha ita-nia loron sira no ita la para atu hateke ba leten. 

Maibé Maromak ko'alia liuhusi Salmista (ema ne'ebé hakerek salmu) dehan: 

"Hakmatek ba, no hatene katak Hau mak Maromak, ema sei foti aas Hau iha nasaun sira nia leet, no sira sei foti aas Hau iha mundu!” Salmu 46:10

Serake ita hanoin, horbainhira mak Ita ho hakarak rasik hakarak hakmatek (la'ós de'it bainhira Ita toba hela)? Horbainhira mak ita-nia isin no neon hakmatek atu bele rekoñese katak Maromak mak Maromak? 

Karik iha tempu ne'ebé liu ona ita la hakmatek, saida mak ita sei hili ohin loron? Ita bele taka telemovél ida-ne'e, vistu tiha "tempu ho Maromak" no kontinua ho negósiu hanesan baibain. Ou, ita bele husik Maromak nia koñesimentu no lia-loos lori dame ba ita-nia laran ne'ebé la hakmatek.

Iha buat ida kona-ba hakmatek ne'ebé Liu fali saida mak ita komprende. Iha buat seluk Ida kona-ba hakmatek ne'ebé bele hasa'e ita-nia konsiensia kona-ba Maromak no ita-nia presiza ho Maromak.

Iha buat ida kona-ba rekoñese Maromak ho ita-nia liafuan, maibé buat ida seluk mak tau Nia aas liu fali buat di'ak, aat no buat ne'ebé interfere ita-nia moris, hodi moris iha dalan ne'ebé fó glória no hahi'i ba Nia. 

Tempu sei mai bainhira, ita atu prontu ka la prontu, Maromak sei hatudu Ninia an tomak. Tempu sei to'o mai bainhira, atu hakarak ka la hakarak, buat segredu hotu sei lori sai naroman. Tempu sei to'o mai bainhira, gosta ka la gosta, ema sei tane Maromak aas liu iha nasaun sira no Nia sei hetan onra iha mundu tomak. 

Maibé ita la presiza hein tempu ne'e atu to'o mai atu adora Nia. Ita la presiza hein atu bolu Nia nu'udar ita-nia Maromak. Ita la presiza hein atu halo Nia sai Na'i no Liurai ba ita-nia moris. Ita bele hakmatek - agora kedas - no hatene katak Nia mak Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Oinsá mak ita-nia fraku bele sai forte

Maibee Nai dehan mai hau, “Hau nia grasa nee too ona ba o, tanba Hau nia kbiit sei sai perfeitu iha isin fraku.” Entaun hau kontenti atu gaba aan liu tan kona ba hau nia isin fraku atu Kristu nia kbiit bele hela iha hau. 2 Korinto 12:9 BK

Hanoin to'ok kona-ba situasaun ne'ebé ita hakarak atu muda, no depois hanoin to'ok saida mak apóstolu Paulo hasoru iha 2 Korinto 12. 

Paulo sofre ka terus, no nia husu beibeik ba Maromak atu halakon ninia terus. Maibé Maromak la muda Paulo nia situasaun. Maibé, Maromak hatete ba Paulo katak ninia "grasa ne'e to'o ona" ba nia. 

"Charis" Iha lian-gregu antigu, ba liafuan "grasa" hatudu Maromak nia favor ba humanidade bainhira Nia haruka Jesus mai mundu ba ita. 

Antes Jesus, ema la bele hakbesik ba Maromak rasik. Maibé Jesus loke dalan atu ema hotu bele iha relasaun kle'an ho Maromak. Relasaun ho Maromak la'ós buat ne'ebé ita hetan ho ita-nia esforsu, maibé ida-ne'e mak prezente ne'ebé ita simu bainhira ita simu katak Jesus mate ona no moris hi'as fali husi mate. 

Tan ne'e, kuandu Maromak hatete ba Paulo katak ninia "grasa to'o ona" nia dehan: "Hau (Maromak ) to'o ona ba ó." 

Maromak bele hatán ba Paulo nia presiza tanba Maromak mak nia presiza, no Maromak hamutuk ho Paulo. Influensia ne'ebé Paulo iha ne'e tanba Maromak hili atu hatudu Ninia podér liuhusi Paulo. 

Hanesan Paulo, ita bele gaba an kona-ba ita-nia fraku hodi nune'e Maromak bele hetan gloria ka kréditu ba buat boot hotu ne'ebé akontese ba ita. 

Karik ita-nia situasaun la muda, maibé dala barak ita-nia halerik muda hosi "Maromak favor muda sofrementu ne'e" ba "Maromak, bainhira ha'u hetan sofrementu, hatudu mai ha'u oinsá Ita uza ida-ne'e ba Ita-nia glória no ha'u-nia di'ak." 

Entaun, buat saida de'it ne'ebé ita hasoru, hatene ba katak Maromak besik hela. Nia haree Ita, no nia hadomi Ita. Foti tempu balu ohin loron no husu Maromak atu hatudu oinsá Nia haforsa ita. Hakbesik ba Nia, no husik Nia haforsa ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Laran ne'ebé hakarak tuir Maromak

Haʼu-nia maluk doben, keta halo tuir hahalok neʼebé aat, maibé halo tuir hahalok neʼebé diʼak. Ema neʼebé halo diʼak mai husi Maromak. Ema neʼebé halo aat seidauk koñese Maromak. 3 João 1:11 TMF

Kuandu ita kuda fini masán, ita hein katak ai masán sei moris. Fini no abut sira mak determina tipu ai-huun sira ne'ebé moris iha rai. 

Hanesan ne'e mós, kuandu ita partensi ba Maromak, ita hein katak buat di'ak no hahalok loos sei krese iha ita-nia moris. Ita-nia hahalok mak refleta fini oioin ne'ebé ita kuda ona. 

Dalan ida-ne'ebé ita bele hatene Maromak nia serbisu iha ita-nia moris mak liuhosi haree ai-fuan sira ne'ebé ita prodús. Sinál ida kona-ba moris ne'ebé krese no tuir dalan Maromak nian mak moris ida ne'ebé hakarak halo tuir Maromak nia Liafuan. So ema ne'ebé gasta tempu ho Maromak de'it mak sei prodús hahalok hanesan ne'e iha sira-nia moris. 

Joao fó atensaun mai ita atu hanoin didi'ak kona-ba ai-fuan sira ne'ebé ita prodús iha ita-nia moris. Kuandu ita partensi ba Maromak, no ita gasta tempu ho Nia, ita-nia moris sei naturalmente prodús buat di'ak no moris ne'ebé loos. 

Ninia ojetivu la'os atu orgullu kona-ba hahalok di'ak hira mak ita prodús ona, maibé atu kultiva fuan- laran ne'ebé hakarak halo buat di'ak ba ema seluk hodi Na'i Jesus Nia naran. Ita la'os ema ne'ebé perfeitu, maibé ita-nia laran tenke dezezu atu tuir Maromak.

Foti momentu balu hodi hanoin kona-ba Ita-nia pensamentu no asaun iha semana kotuk. Serake ita-nia hanoin no asaun sira hatudu relasaun ne'ebé besik ba Maromak? Hanoin to'ok kona-ba pasu balu ne'ebé ita bele halo atu kria ritmu ne'ebé regular atu gasta tempu ho Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Haklaken ba mundu tomak

No Nia dehan ba sira, “Baa mundu tomak, no foo sai evanjelhu ba kriasaun hotu-hotu” Marcos 16:15 BK

Antes Jesus husik hela mundu no sa'e ba lalehan, nia halibur ninia dixipulu sira ne'ebé hamutuk ona ho nia durante tinan tolu nia laran. Bainhira sira tuur haleu meza hodi han, Jesus haruka sira atu kontinua serbisu ne'ebé nia hahú ona. 

Jesus uza maioria hosi ninia Ministériu haklaken kona-ba Maromak nia Ukun ne'ebé mai dadauk. Tan ne'e, responde ne'ebé loos ba Maromak Ninia reiñu ne'ebé to'o mai mak arepende katak fila kotuk ba hahalok-aat no fiar ba Jesus. 

Liafuan primeiru husi Jesus iha Evanjellu Marcos mak iha Marcos 1:15, no liafuan sira-ne'e avizu ka fó sai katak Maromak nia Ukun mai dadauk ona. No Jesus nia liafuan ikus ba ninia dixipulu sira, hahú iha Marcos 16:15, hanesan kontinuasaun hosi anunsiu primeiru ne'ebé nia fó sai ona iha inisiu. Jesus mós husu ita atu kontinua fó sai liafuan di'ak husi Evanjellu. 

Liafuan di'ak ne'e mak Jesus lori Maromak nia Ukun mai iha rai, no liuhusi ninia mate no moris-hias, nia fornese dalan ba ema hotu atu hetan moris foun iha Nia. 

Knaar fó sai kona-ba Jesus, ka atu fó-hatene ema seluk kona-ba Jesus, ne'e mak buat primeiru ne'ebé Jesus husu ba ninia dixipulu sira atu halo bainhira nia husik hela mundu. Ko'alia ba ema seluk kona-ba buat ne'ebé Jesus halo ona ba sira mak buat ne'ebé importante liu hotu ne'ebé ita bele halo ba ita-nia tempu. Ita simu ona prezente ne'ebé boot liu hotu - moris rohan-laek hamutuk ho Maromak. Maibé prezente furak ne'e mós disponivél ba mundu tomak.

Tan ne'e, foti tempu balu ohin loron atu halo orasaun ba sira ne'ebé la hatene esperansa ne'ebé Jesus fo. Halo orasaun atu sira bele hetan salvasaun, halo orasaun mós atu iha oportunidade atu fahe istória fiar nian ba sira. 

Konta historia kona-ba Jesus la signifika katak ita tenke hamriik iha dalan sira hodi hakilar, maibé ne'e katak ita tenke buka atu iha konversa ne'ebé iha valor ho ema seluk kona-ba Jesus. Kuandu ita fó-hatene ema seluk kona-ba moris foun no kona-ba Maromak nia Ukun ne'ebé disponivél ba sira, ita kontinua serbisu ne'ebé Jesus husik hela ba ita atu halo.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak nunka muda

Nai, o nia Maromak, mak iha o nia laran, Nia mak asuwain ida nebee sei salva o; Nia sei sai haksolok kona ba o ho laran kontenti; Nia sei hamaus o ho Ninia domin; Nia sei dansa no kanta makaas kona ba o. Sofonias 3:17 BK

Entre tinan 640 to'o tinan 608 molok Kristu, profeta Sofonias ko'alia ba povu Izrael. Nia fó avizu ba sira kona-ba Maromak nia julgamentu, maibé nia mós fó-hanoin sira kona-ba Maromak nia promesa ba sira-nia futuru. 

 "Nai, o nia Maromak, mak iha o nia laran (iha imi-nia leet), Nia mak asuwain ida nebee sei salva o; Nia sei sai haksolok kona ba o ho laran kontenti; Nia sei hamaus o ho Ninia domin; Nia sei dansa no kanta makaas kona ba o" Sofonias 3:17 BK

Ita la'os ema Izrael iha tinan 640 antes de Kristu, maibé nu'udar ema ne'ebé estuda Maromak nia Liafuan, ita mós bele hetan komfortu husi Sofonias nia liafuan. 

Ita hatene katak Maromak mai iha ita-nia leet liuhusi Jesus no nia fó ninia espíritu ba ita kuandu ita fiar (João 1:14; Galasia 4:6). Ita mós hatene katak Maromak hadomi tebes ita (João 3:16, 1 Joao 4:16). Paulo hanorin katak Maromak nia dame sei guarda ita-nia laran no neon iha Kristu Jesus kuandu ita halo orasaun ba Nia (Filipinas 4: 6-7). 

Tan ne'e, maski ita la'ós profeta Sofonias ninia audensia orijinál, maibé ita bele hetan komfortu tanba ita hatene katak Maromak mak hanesan iha jerasaun hotu. Nia sei iha ita-nia leet, nia sei salva nafatin ema, nia sei haksolok nafatin ho ita, no nia sei taka nafatin Ninia oan sira ho Ninia domin ne'ebé la iha rohan. 

Nia nafatin ita-nia Maromak ne'ebé kbiit boot, no Nia tau matan ba sira ne'ebé mai no bolu Nia. 

Tan ne'e, ohin loron, uza tempu atu fó agradese ba Maromak no refleta Ninia fidelidade no ninia karakter ne'ebé la muda. Tuirmai, lee fali Sofonias 3:17 no ko'alia sai versu ne'e ho lian maka'as ba Ita-nia an no ba Ita-nia família.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Valór ema seluk nian iha tempu susar

Belun ida hadomi nafatin hela deit, no maluk ida moris mai ba tempu susar. Provérbiu 17:17

Mundu ne'ebé hale'u ita koko atu dada ita atu depende-ba ita-nia an rasik de'it, maibé Maromak kria ita atu ita depende ba malu. Ba komunidade. Ba moris ne'ebé la'ós mesak de'it. 

Autór Proverbios hatete nune'e: "Belun ida hadomi nafatin hela deit, no maluk ida moris mai ba tempu susar" Provérbiu 17:17 BK

Ita hotu sei hasoru susar - dalaruma bainhira iha tempu ita la espera. Maski nune'e, belun ida-ne'ebé tau matan didi'ak ba ita iha tempu sira ne'e valor boot tebes, maun-alin sira nia domin ne'ebé inkondisionál ema ida sei labele troka, no viziñu sira-nia ajuda iha tempu susar mak valor boot tebes mós.

Ita presiza malu liu fali buat ne'ebé ita realiza: emosionalmente, pratikamente no espirituálmente.

Se Ita-Boot prekupadu los iha moris, iha ne'ebé ita ita ladún prekupa ho ita-nia kolega di'ak sira, ou karik ita ladún tau matan ba ita-nia familia rasik, agora mak tempu atu prioritiza sira fali.

Karik iha konflitu balu ne'ebé seidauk rezolve ho kolega ka membru familia no Ida ne'e neneik neneik estraga ita-nia relasaun, agora mak tempu atu hasai tiha ita-nia orgullu no restaura fali ita-nia relasaun ho sira. 

Se ita haka'as an atu luta mesak de'it, agora mak tempu atu husik ema seluk ajuda ita. Telefoni ba sira, haruka SMS ba sira, ka vizita sira. Se ita la onestu no vulnerabél sei susar ba ita atu hetan ajuda. 

La'ós de'it ita presiza ema, maibé ema sira-ne'e mós presiza ita.

Ita iha kbiit, prezente, talentu, no personalidade ne'ebé úniku ba ita no fó benefísiu ba ema no ema sira ne'e mós benefisiu hosi ita. Tanbasá mak ita hakoi talenta no rekursu seluk ne'ebé ita iha se buat sira ne'e bele fo benefisiu ba ema seluk? 

Dala ruma ita presiza husu ajuda ba ema no dala ruma ema presiza ajuda hosi ita.

Serake ita presiza ajuda, ka serake ita bele fo ajuda? Serake ita bele ajuda, ka ita iha tempu adisionál, osan, konsellu ka matenek atu fó ba ema? 

Se ita koko atu izola aan, keta haluha katak Maromak kria ita atu moris hamutuk.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Konvite ba deskansa

Tanba ema nebee tama ona ba Maromak nia fatin deskansa mak deskansa ona hosi ninia servisu hanesan Maromak mos deskansa hosi Ninia servisu. Ebreu 4:10

Ita prekupa ba serbisu barak atu sustenta moris. Ita balu hakarak serbisu kontinua no lakoi deskansa. Ita buka dolar liuhosi serbisu to'o dolar didi'ak.

Observa deskansa loron dahitu, loron Sabadu nian, permiti ita tama ba ritmu ne'ebé hanesan ho Maromak estabelese bainhira Nia kria mundu ne'e. Eskritura hatete ba ita katak kuandu Maromak deskansa husi ninia serbisu, ne'e tanba ninia serbisu hotu ona (Jenesis 2: 1).

Jenesis 2:1-3 hatete "Nunee lalehan no rai kompletu ona, ho buat hotu nebee iha laran nee. Iha loron hitu, Maromak nia servisu nebee Nia halo remata ona. Nunee Nia deskansa iha loron hitu hosi Ninia servisu hotu nebee Nia halo ona. Maromak foo bensaun ba loron hitu, Nia halo loron nee santu, tanba iha loron nee Nia deskansa hosi Ninia servisu hotu nebee Nia halo iha kriasaun nee"

Iha Ebreu 4:10, autór hatudu katak Maromak deskansa nune'e ita mós presiza deskansa, nia dehan: "Tanba ema nebee tama ona ba Maromak nia fatin deskansa mak deskansa ona hosi ninia servisu hanesan Maromak mos deskansa hosi Ninia servisu". Maromak konvida ita atu haksolok iha Ninia prezensa no hola parte iha Maromak nia ksolok. 

Deskansa ne'e la'ós kona-ba deskansa hosi serbisu di'ak sira. Maibé ida ne'e kona-ba tau fiar ba Maromak nia serbisu ne'ebé kompletu ona. La iha serbisu di'ak ne'ebé halo ita merese hetan Maromak nia domin. Tamba buat sira-ne'e asegura ona liuhusi Jesus nia serbisu hotu ne'ebé remata ona iha kruz. Bainhira ita tama ba ritmu deskansa nian ne'ebé Maromak haruka, ita bele hetan kontente ba ita-nia moris tomak. 

Maromak bolu ita atu la halo buat hotu mesak de'it, maibé buka dame iha Jesus nia serbisu hotu ne'ebé remata ona iha krús.

Hatun ó-nia todan, la'ós tanba baruk teen maibé submete ka rende an ba Maromak. Fiar katak Maromak ne'ebé kria mundu ne'e mós tau matan ba Ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Halo orasaun ba ema ne'ebé halo aat ita

Foo bensaun ba sira nebee foo malisan ba imi, no halo orasaun ba sira nebee koalia aat ba imi. Lucas 6:28

Durante Jesus nia serbisu haklaken, nia kontinua hanorin atu troka pratika komún ne'ebé ema halo. Iha tempu ne'ebá, ulun-nain relijiaun sira la'o dook ona hosi halo tuir Maromak nia ukun-fuan. Jesus nia hanorin ajuda sira atu hanoin fila fali kona-ba Maromak Ninia ukun-fuan, maibé dala barak nia halo ida-ne'e ho dalan ne'ebé halo ema hakfodak. 

Ita barak hanoin katak ita halo serbisu ne'ebé di'ak bainhira ita hadomi ema seluk. Maibé se ita hakarak onestu, maioria hosi ita uza ita-nia tempu hodi hadomi ema ne'ebé hadomi ita. Fasil liu ba ita atu hadomi ema ne'ebé kolega ho ita. Bainhira ita iha fiar malu iha tempu naruk, fasil ba ita atu hadomi. 

Jesus hatete katak hadomi ema ne'ebé hadomi Ita la sufisiente. Iha Lucas 6:28, Nia dezafia ita liutan. Nia hatete katak ita tenke haraik bénsaun ba sira ne'ebé ko'alia aat ita, no ita tenke halo orasaun ba sira ne'ebé halo aat ita. 

Se ema ruma halo ona aat ba Ita, ka ema ruma ko'alia ladi'ak kona-ba Ita, entaun Ita hatene katak susar ba Ita atu hadomi ema sira ne'e. Susar atu hadomi ema ne'ebé la hatudu domin. Maibé Jesus halo ida ne'e duni. Bainhira ita sai ema aat liu, nia hadomi nafatin ita. 

Se ita sente susar atu haraik bénsaun ba ema ne'ebé halo aat ba ita, hahú ho orasaun. Husu Maromak atu halo mamar ita-nia laran liuhosi orasaun. Husu ba Maromak Ninia justisa iha situasaun espesifiku, maibé mós husu atu bele restaura fila fali. 

 Ema hotu ne'ebé eziste mak ema ne'ebé Jesus hakarak hadomi. No kuandu ita haka'as an atu hadomi ema ne'ebé la hatudu domin, ita hatudu Jesus Ninia domin ba ema ne'ebé presiza hadomi. Nu'udar ita halo orasaun ba ema ne'ebé halo sala ba ita, ita mós bele sai hanesan Jesus. 

Foti minutu balu atu halo orasaun agora. Husu Maromak atu ajuda ita haburas domin ba ema ne'ebé hale'u ita. Se iha ema ruma ne'ebé hakanek Ita, husu Maromak atu hahú kura Ita-nia laran. Halo mós orasaun ba ema ne'e. Husu Maromak atu hamutuk ho sira, atu ajuda sira, no atu halo sira-nia laran sai mamar. Obrigadu ba Jesus tanba nia hadomi ita maski ita la hatudu domin ba Nia.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Pasa hosi mate ba moris eterna

Tebes, tebes, Hau dehan ba imi, ema nebee rona Hau nia liafuan, no fiar Ida nebee haruka Hau mai, nia hetan moris rohan laek. Nia sei la hetan kastigu. Nia muda hosi mate ba moris. João 5:24 BK

Liafuan Amen mai husi língua antigu Aramaiku. Lia-fuan ne'e sobrevive iha lian-gregu iha Testamentu foun no mós iha língua modernu sira. Dala barak tradusaun ne'e tradús ho liafuan "tebes" . Hodi uza liafuan ne'e iha fraze nia rohan mak dalan ida atu hatudu lia-loos, ka esperansa. Tan ne'e mak dala barak ita taka orasaun ho liafuan "amen". Maibé, uza deklarasaun ida-ne'e iha inisiu hosi fraze signifika buat ne'ebé totalmente diferente. Iha kultura ne'ebà, Jesus uza "Amen, Amen, Lego hymin... - "tebes, tebes Ha'u hatete ba imi" - signifika nia hatete katak ema ida-idak iha koñesimentu personal absoluta. Ne'e la'ós tamba buat ne'ebé nia aprende ka ema hanorin. Maibé faktu hatudu katak ida ne'e tebes duni. 

Ida-ne'e ligadu ho Jesus nia liafuan iha (João 5:23). Sira ne'ebé simu Kristu, simu ona Maromak. Ne'e katak simu moris rohan-laek. La simu Jesus katak la simu Maromak. Sira ne'ebé la simu Jesus sei hetan julgamentu (João 3:36). Jesus nia kbiit ba moris no mate espirituál prova ona iha parte balu liuhosi Ninia podér ba moris no mate fiziku nian (João 20:30-31). 

Jesus uza liafuan moris rohan-laek iha tempu agora. Ne'e katak ema ne'ebé tau fiar ba Kristu, agora daudauk iha moris rohan-laek. Sira pasa ona "hosi mate ba moris" akontese ona. Deskrisaun pasa hosi mate ba moris so uza iha Testamentu Foun de'it no so uza hosi João iha fatin 2 de'it, ida mak iha João 5:24 no ida seluk mak iha 1 Joao 3:14. "Ita hatene katak ita husik ona mate no agora ita moris, tanba ita hadomi maun-alin sira. Nia nebee la hatudu domin mak hela nafatin iha mate"

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Kbiit hosi ita-nia hanoin

O sei proteje no foo dame nebee perfeitub a ema nebee hanoin nafatin O, tanba nia fiar ba O. Isaias 26:3

Serake ita hatene katak ita-nia hanoin bele halo Ita sente laran-taridu, kontente, ka ta'uk? Serake ita hatene katak tempu ne'ebé ita gasta hodi hanoin saida de'it afeta ita-nia sentimentu, hahalok, no ikusmai ita-nia karakter ? Ita-nia hanoin mak buat ne'ebé iha kbiit boot liu kona-ba Ita. 

Eskritura ko'alia buat barak kona-ba ita-nia hanoin, tanba Maromak hatene kbiit hosi ita-nia hanoin. Iha Isaias 26: 3 hatete katak se ita hanoin nafatin kona-ba Maromak, Maromak sei hametin ita-nia laran ho dame ne'ebé perfeitu. 

Serake ita bele imajina ida-ne'e? Dame ne'ebé perfeitu. 

Bainhira ita uza tempu barak liu atu hanoin kona-ba Maromak no ninia Liafuan, ita-nia laran sei nafatin iha dame. Ida-ne'e mak hanoin ne'ebé iha kbiit boot liu, liuliu iha mundu ne'ebé kontinua buka dame no unidade. 

Dame komesa hosi tau fiar ba Maromak. Ita tenke tau fiar ba Maromak no tau fiar ba buat ne'ebé nia halo ona ba ita. Ita hatene katak Maromak mak di'ak no justu. Tan ne'e, se ita tau fiar ba Nia, ita hatene katak Maromak simu no hadomi ita. No ema ne'ebé tau fiar ba Maromak hetan asesu ba Nia no ninia prezensa.

Dame ne'ebé perfeitu disponivél ba sira ne'ebé konsisten fiar ba Maromak no fiksa sira-nia hanoin iha Maromak.

Pergunta mak ne'e, tempu hira mak ita gasta ba buat ne'ebé ralasiona ho Maromak? Serake ita fokus ita-nia hanoin ba Maromak bainhira ita stres? Buat simples saida mak ita boot bele halo atu nune'e ita bele kontinua hanoin kona-ba Maromak iha ita-nia moris tomak?

Uza tempu balu hanoin kona-ba Ita-nia hanoin rasik nia kbiit no oinsá Ita bele hetan asesu ba Maromak liuhusi Eskritura. Haka'as an atu haburas hahalok ne'ebé halo ita fokus no hanoin kona-ba Maromak hodi bele hetan dame ne'ebé perfeitu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Manaan hahalok aat ho hahalok diak

Keta husik hahalok aat manaan imi, maibee manaan hahalok aat ho hahalok diak. Roma 12:21

Roma 12 esplika kona-ba oinsá mak halo ita-nia isin nu'udar sakrifísiu moris nian ba Maromak. Se ita hakarak onestu, ida-ne'e susar tebes. Paulo nia pontu importante barak liu iha versíkulu sira uluk nian mak atu haketak ita-nia an hosi mundu ninia hahalok. Ida ne'e susar ba ita atu halo ba ita-nia maluk kristaun sira-nia, sa tan ba ita-nia inimigu sira. Atu difisil ka lae, Paulo bolu ita atu moris hanesan Jesus. 

Agora, apóstolu to'o ona Kapítulu nia rohan. Paulo hatete katak ita tenke forsa atu moris tuir dalan Maromak nian. Ita labele manán buat-aat ho buat aat, maibé ita tenke manan buat aat ho buat di'ak. Paulo hanoin katak buat aat manan ita kuandu ita hasoru buat-aat ho buat aat. Ida-ne'e hamosu sala barak liután, laran moras barak liután, no ida-ne'e hamosu vingansa no odi ba nafatin. 

Ho liafuan seluk, buat-aat sei manán kuandu ita moris de'it ba ita-nia an rasik, ita-nia direitu, no ita-nia di'ak rasik, duke ema seluk nia di'ak. 

Maibé, se ita iha forsa iha Kristu, ita iha oportunidade boot atu halakon buat-aat hodi kontinua halo buat di'ak hanesan Kristu halo. Buat-aat sei labele totalmente halakon husi mundu ne'e agora. Maibé Iha futuru, Maromak sei halo ita manán buat-aat (Apokalipse 20: 11-15). Nune'e mós, buat-aat bele lakon iha tempu ne'ebé de'it bainhira ema kristaun hamriik no fó fali buat di'ak ba sira ne'ebé halo sala ba sira. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Fila kotuk ba hahalok mundu nian

Tanba Maromak hatudu sai ona Ninia grasa nebee lori salvasaun ba ema hotu. Grasa nee foo hanorin ba ita atu fila kotuk ba hahalok nebee la hamtauk Maromak no atu la kaan buat mundu nian. Grasa nee hanorin ita atu moris ho hanoin diak, hahalok loos no hamtauk Maromak iha tempu nee. Tito 2:11-12 BK

Serake ita hanoin tempu ne'ebé Maromak salva ita husi ita-nia hahalok aat sira? Oinsá mak Maromak fó ba ita moris foun, esperansa ne'ebé foun, no futuru ne'ebe di'ak? 

Tanba Maromak nia laran-di'ak ne'ebé furak tebes, Nia fó kbiit mai ita atu moris ho aten-barani ba Maromak. 

Iha Paulo nia karta ba ninia kolega, amigu, no kimpañeru viajen nian, Tito, nia hatete: "Tanba Maromak hatudu sai ona Ninia grasa nebee lori salvasaun ba ema hotu. Grasa nee foo hanorin ba ita atu fila kotuk ba hahalok nebee la hamtauk Maromak no atu la kaan buat mundu nian. Grasa nee hanorin ita atu moris ho hanoin diak, hahalok loos no hamtauk Maromak iha tempu nee" Tito 2:11-12 BK

Maromak kria mundu iha ne'ebé ita bele hetan moris, iha ne'ebé ninia kriasaun sira bele fó fuan, iha ne'ebé ninia povu bele ukun hodi nia naran, no iha ne'ebé ema hotu bele haree Ninia glória. 

Maibé kuandu ninia povu hili atu haluha ka ignora ninia hakarak ne'ebé nakonu ho domin, no kuandu sira kontra hasoru ninia planu sira, ida-ne'e halo susar barak mosu iha ita-nia moris.

Tanba Maromak Nia laran-di'ak ka tamba grasa de'it mak ita bele hetan salvasaun. No husi fundasaun ne'e mak ita bele harii ita-nia moris ba Maromak. 

Maromak kria ita no hatene ita-nia laran. Nia hadomi Ita no hatene oinsá mak ita bele moris di'ak liu. Tamba, nia mak ita-nia kriadór. Tan ne'e mak Maromak fó matadalan, instrusaun no mós alerta ba ninia povu bainhira sira halo sala atu hatudu ba sira oinsá atu hetan moris ne'ebé di'ak liu. 

Bainhira ita-nia salvasaun sai seguru ona no ita hatene katak ita la bele halo buat ida atu hetan Maromak nia domin, depois ita bele simu Ninia konvite atu moris no atu sai parte ida husi istória boot liu iha mundu ne'e nian. Maromak kria ita atu halo nune'e duni.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Nanaal iha podér hodi halo mate ka moris

Nanaal iha podér hodi halo mate ka moris, no sira nebee hadomi nanaal sei haan ai fuan hosi nia. Provérbiu 18:21

Proverbios ida-ne'e hateten katak liafuan sira-ne'e iha kbiit boot. Atake verbál rasik la bele harahun ruin. Maibé, lia-fuan bele inspira reasaun pozitivu ka negativu. Nia bele harii, ka bele haketak. Tuirmai eskritura sira seluk ne'ebé hatudu katak liafuan sira-ne'e iha kbiit boot (Proverbios 10:19; 15: 1-4; Tiago 3: 5-8). 

Salomão mós hatete katak liafuan ne'e lori konsekuénsia ba ema ne'ebé ko'alia (Mateus 12:36; Proverbios (Amsal) 18:20). Iha proverbio Ingles ne'ebé hatete: "Sira ne'ebé moris ho surik sei mate ho surik."adapta hosi Jesus Ninia lia-fuan Iha Mateus 26:52. Iha livru Proverbios, ita bele hatete katak ema ne'ebé "moris tuir sira-nia liafuan" sei "mate tuir sira-nia liafuan". Liafuan ne'ebé fó moris, saudavel, bele lori susesu no seguransa (Proverbios 15:23). Liafuan ne'ebé aat bele hamosu susar (Proverbios 18: 6).

Profeta Isaias fó-hatene nanis katak iha tempu balu, ema sei kastigu no oho Mesias, maibé nia hili atu la ko'alia hodi defende nia an rasik. Bíblia iha Testamentu Antigu kompara Jesus ho bibi-malae ne'ebé ema dada atu ba oho (Izaias 53: 7). Bainhira Jesus hetan julgamentu, nia kompletamente inosenti, maibé nia la selu fali insulta sira ho insulta. Maski nune'e, Sanhedrin tribunál ne'ebé julga Nia, selu sasin falsu sira no hodi kondena Jesus ba mate iha krús. 

Lia-fuan hosi ema fiar na'in sira bele rezulta ba moris rohan-laek ba ema sira ne'ebé fiar liafuan husi Evanjellu (Apos 5: 20). Maibé, ema ne'ebé lakohi fiar sei sofre mate rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Labele rende

Maibee imi aten brani ba! Keta husik imi nia liman sai fraku. Tanba Nia sei selu fali imi tuir imi nia servisu. 2 Krónikas 15:7 BK

Karik Ita hanoin kona-ba tempu balu iha ne'ebé ita senti susar tebes no hakarak rende maibé la konsege? Ita hetan forsa husi ne'ebé? Saida mak halo ita bele kontinua la'o? 

Parte ida-ne'ebé furak liu hotu hodi sai ema Kristaun mak ita-nia forsa rasik mak parte ida de'it husi ekuazaun. Maromak nia forsa bele ajuda ita. Salmu 46: 1 hatete: "Maromak mak ita nia subar fatin no ita nia forsa, Nia besik loos hodi ajuda ita iha tempu terus" . Ida ne'e inkredivél, Maromak Ninia lia-fuan la dehan: "Dala ruma ajuda." Maibé Nia mak "sempre ajudu iha tempu susar (kualkér tempu susar).

Iha 2 Cronicas (Tawarikh) 15, ita haree katak Asa, Liurai Juda, hasoru susar boot tebes, tan nia re-fokus nasaun Juda ba Maromak fila fali depoisde tinan barak sira halo adorasaun ne'ebé la loos no funu. Nia hasoru dezafiu boot tebes! Liuhusi profeta Azariah, Maromak fó korajen ba nia atu hametin nia: 

"Maibee imi aten brani ba! Keta husik imi nia liman sai fraku. Tanba Nia sei selu fali imi tuir imi nia servisu" 2 Krónikas 15:7 BK

Maromak hatene saida mak Asa hasoru. Nia hatene didi'ak kona-ba todan hotu ne'ebé nia hasoru. Maromak mós hatene katak nia bele fó forsa ba ema ne'ebé sadere ba Nia. Nia la dehan: "Boa sorte iha liur ne'ebá, bainhira ita hasoru susar." Maibé Nia hatete: "Keta husik imi nia liman sai fraku. Tanba Nia sei selu fali imi tuir imi nia servisu" 2 Krónikas 15:7 BK

Hanesan Asa ne'ebé rona liafuan sira-ne'e no hetan aten-barani, ita mós bele sai aten-barani. Ita bele depende ba Maromak Ninia forsa. Ita-nia kolen hotu Maromak sei selu. Keta rende!.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Matadalan ne'ebé folin-boot

Maibee hau dehan ida nee, lao iha Espíritu, no imi sei la halo tuir buat nebee isin kaan. Galásia 5:16

Serake ita bele moris hodi fó glória ba Maromak? Serake ita bele treinu ita-nia neon no isin atu halo buat ne'ebé loos, duke sente katak ita la iha kbiit atu hasoru tentasaun? 

Paulo nia karta ba igreja sira iha Galasia mak hanesan resposta ba pergunta sira hanesan ne'e: 

 "Maibee hau dehan ida nee, lao iha Espíritu, no imi sei la halo tuir buat nebee isin kaan" Galásia 5:16

Se ita la submete an ba Maromak nia hakarak, ita-nia natureza maksalak sei halo funu hasoru buat ne'ebé Maromak hakarak. 

La ho Maromak, se ita la'o mesak, ita sei buka de'it mundu nia hakarak. No kuandu ita rende ita-nia an ba tentasaun ita sei hakarak liutan halo tuir isin nia kaan (hanesan buka pornografia hodi buka ksolok isin nian). Maibé ho espíritu santu nia ajuda, ita-nia laran sei mamar, hodi bele aprende oinsá atu hanoin kona-ba buat ne'ebé Maromak hanoin di'ak liu ba ita. 

Maibé, segredu atu moris tuir Maromak nia hakarak mak espíritu santu. No espíritu santu mak Maromak ida husi Trindade: Aman, Oan-Mane (Jesus), no espíritu santu. 

Jesus halo ona serbisu salvasaun ne'ebé susar no furak liu hotu, liuhusi moris, mate, no moris fali tanba Ninia oan sira, maibé agora Nia hakarak kontinua ninia serbisu ne'ebé boot iha ita no liuhusi ita. 

Se ita hanoin ida-ne'e imposivél, ida-ne'e sei la bele akontese, se ita luta mesak de'it. Maibé, hanesan Jesus hatete ba ninia dixipulu sira: “Ba ema, la bele; maibee laos ba Maromak: tanba ba Maromak, buat hotu bele deit” Marcos 10:27. Ema ne'ebé hakerek salmu mós fo perspetiva di'ak ida hodi dehan: "Oinsaa joven ida bele hamoos ninia hahalok? Liu hosi halo tuir O nia liafuan" Salmu 119:9

Kuandu ita kaer-metin ba Maromak nia Liafuan, ne'ebé inspira hosi espíritu santu, buat hotu la'os de'it posivél maibé ita bele moris hodi fó glória no onra ba Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Paradigma foun

Keta selu aat ho aat fali, ka hataan tolok ho tolok fali. Maibee foo bensaun. Tanba imi hatene katak Maromak bolu imi ba hahalok nee atu nunee imi bele simu bensaun nudar liman rohan. 1 Pedro 3:9

Antes Jesus, Maromak nia povu halo tuir Moises nia ukun-fuan. Tuir ukunfuan sira ne'e, bainhira ema hakanek no estraga sira-nia an, ukun-fuan sira-ne'e klaru no justu: "matan troka matan, nehan troka nehan, liman troka liman, ain troka ain" Exodu 21:24. Esensialmente, ba ema ida-idak nia kanek, ema ne'ebé hakanek tenke hetan kanek ne'ebé hanesan. 

Maibé depois ne'e, Jesus mai. Jesus hanorin Kontrariu ho ukunfuan Moses nian ne'ebé temi iha Exodus 21:24. Iha Mateus 5, bainhira Jesus halo Ninia sermaun iha foho leten, Nia hatete: "Imi rona ona katak ema dehan, ‘Matan troka matan, no nehan troka nehan.’ Maibee Hau dehan ba imi: Keta hapara ema nebee halo aat. Maibee se ema ruma basa o nia hasan sorin loos, see tan o nia hasan sorin karuk ba nia" Mateus 5:38-39.

Jesus la'ós de'it hatudu oinsa Maromak nia povu sira trata ema seluk, maibé Nia hanorin paradigma foun ida: 

 Hadomi ema seluk maski sira odi Ita. 

 Serbí ema seluk maski sira halo aat ba Ita. 

 Halo orasaun ba ema seluk maski sira haterus 

  ita. 

Apóstolu Pedro, ne'ebé hakerek livru 1 no 2 Pedro, mak dixipulu ida ne'ebé hamutuk ho Jesus iha foho-leten durante Jesus halo sermaun iha Foho leten. Iha ninia karta ba ema fiar-na'in sira, tinan barak depoisde Jesus mate no moris hi'as, Pedro hatutan fali Jesus nia hanorin: 

"Keta selu aat ho aat fali, ka hataan tolok ho tolok fali. Maibee foo bensaun. Tanba imi hatene katak Maromak bolu imi ba hahalok nee atu nunee imi bele simu bensaun nudar liman rohan. 1 Pedro 3:9

La iha buat ida mak Jesus husu ba ita atu halo ne'ebé Nia rasik seidauk hatudu ezemplu . Se karik Maromak halo tuir ukunfuan tuan ne'ebé hatete 'Matan troka matan, no nehan troka nehan' oinsá mak nia bele salva ita? Tanba Jesus nia domin ne'ebé moos no Ninia perdaun, nia fó ninia moris ba ita ema maksalak. Nia oferese paradigma foun ida. Nia hanorin ita dalan ne'ebé bdi'ak liu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Fonte ba buat di'ak hotu

Prezenti hotu nebee diak no perfeitu mai hosi leten, no tuun mai hosi Aman naroman nian. Nia la muda. Ninia lalatak mos la muda. Tiago 1:17

Iha Tiago 1:17, fó-hatene buat barak kona-ba Maromak. Primeiru, Tiago hatete katak Maromak mak fó prezente di'ak no perfeitu. Ne'e tanba Maromak mak kria universu. Nia mak forma buat hotu no ema hotu. Buat hotu hahú ho Maromak, tan ne'e prezente di'ak hotu no bensaun hotu iha ita-nia moris maihosi Maromak.

Liután ne'e, Maromak mak fó salvasaun mai ita, ne'ebé mak prezente boot liu hotu. Nia fó ita moris rohan-laek liuhosi fiar ba Jesus ne'ebé salva ita. Maromak la'ós de'it fó prezente ne'ebé perfeitu, maibé Nia mós prezente ne'ebé perfeitu. 

Buat tuirmai ne'ebé ita aprende kona-ba Maromak iha versíkulu ne'e mak Maromak ukun husi lalehan, maibé nia mós tun husi lalehan ba ita. Maromak ukun husi ninia kadunan iha lalehan, hanesan Salmo 103:19 hatete. Maibé iha Joao 6:38 ita mós haree katak Jesus tun husi lalehan no sai hanesan ema. Nia mak prezente ne'ebé perfeitu ne'ebé tun ona husi lalehan. 

Ikusliu, ita aprende husi versíkulu ne'e katak Maromak la muda. Ema muda beibeik. Ita kontinua haburas ita-nia hanoin, aprende, no haburas hanoin foun. Maromak la hanesan ne'e. Nia hanesan horiseik, ohin, no aban, no ninia karakter nunka muda. 

Maromak ne'ebé hadomi ita no fó laran-di'ak mai ita ohin sei halo hanesan iha loron aban. Nia sempre di'ak. 

Tan ne'e, ohin loron, ita presiza foti tempu uitoan atu fó agradese ba Maromak tamba buat ne'ebé nia halo ona ba ita. Obrigadu ba Nia ba prezente no bénsaun sira ne'ebé Nia fó ona ba ita. 

Obrigadu ba Nia ba prezente salvasaun nian.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Ita-nia paun loroloron nian

Foo mai ami ai haan loro-loron nian. Mateus 6:11

Iha Mateus 6, Jesus nia dixipulu sira husu Nia oinsá mak sira halo orasaun. Tan ne'e, Jesus hanorin sira atu halo orasaun simples ne'ebé kobre area bazika moris nian. Modelu orasaun ne'ebé Jesus hanorin orienta ita-nia laran ba Maromak no Ninia reiñu Nia serbisu iha mundu. Iha orasaun ne'e nia klaran, Jesus hatete: "Foo mai ami ai haan loro-loron nian. Mateus 6:11" 

Buat ne'ebé Jesus hatudu mai ita mak ne'e: Maromak hakarak ita lori buat hotu ba nia liuhusi orasaun - inklui mós buat ki'ik sira. Maromak kuida ita no ita-nia presiza sira. 

Orasaun ne'e mós hatudu katak Maromak mak fó buat di'ak ba ita no fornese buat hotu ba ita. Maski ita haree hanesan ita rasik mak hetan ita-nia nesedidade bazika, maibé Maromak mak fó ita is-moris no ita-nia abilidade atu serbisu hodi hetan saláriu. Maromak mós kria ai-han ne'ebé ita han. 

Buat hotu ne'ebé ita iha mai husi Maromak. Ida-ne'e signifika katak ita bele uza tempu atu halo orasaun hodi agradese ba Maromak tanba buat ne'ebé nia fó mai ita, no ko'alia ho nia kona-ba ita-nia presiza sira. 

Buat ne'ebé importante mak Jesus la husu Maromak atu fó buat ne'ebé nia presiza ba aban ka semana oin - Nia so husu de'it ninia presiza ohin loron. Ita-nia moris tomak bele muda ka nakfilak derepente no buat ne'ebé ita rai hela ba tinan barak ona bele lakon derepente mós. Tan ne'e Jesus hanorin ita atu depende ba Maromak hodi bele hatán ba ita-nia presiza loroloron. Maibé dependensia ba Maromak presiza fiar, bainhira ita tau fiar ba Maromak ita bele moris tuir Na'i Nia podér no provizaun duke depende ba ita-nia kbit rasik. 

Foti tempu balu ohin-loron no agradese ba Maromak ba buat hotu ne'ebé nia fó ona ba ita. Hatoo agradesementu ba Maromak tanba nia tau matan ba ita-nia presiza loroloron nian, no husu ba Maromak atu kontinua tau matan ba ita-nia presiza loroloron nian. Konsidera to'ok oinsá mak ita bele moris hodi hatene liután kona-ba Maromak nu'udar fornesedor. Nia hadomi Ita no tau matan ba Ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More