Ema hadomi liu nakukun duké naroman (João 3:19)

"Naroman mai ona iha mundu, maibé ema hadomi liu nakukun duké naroman, tanba sira-nia hahalok aat" João 3:19

Kapítulu dahuluk iha Evanjellu João, refere Na'i Jesus hanesan "naroman", ida ne'e   hanesan konseitu inportante ida iha kultura Ebreu sira nian  (João 1:4–9). Naroman hatudu Lia Loos, revela buat sira ne'ebé subar an iha nakukun. Konformi João 3:19, ida ne'e mak razaun prinsipál ba ema barak rejeita Na'i Jesus.

Na'i Jesus Nia moris no Nia hanorin hatudu ema hotu hanesan ema maksalak  (Roma 3:10), no buat sira ne'ebé ita halo moralmente la loos  (Roma 4:7). Ema barak prefere subar an iha nakukun, duké hatudu an iha naroman  (João 1:5; João 8:12). Inportante tebes ba ita atu hanoin katak, sira ne'ebé hetan salvasaun dalaruma la'os di'ak liu sira ne'ebé rejeita Na'i Jesus no Nia Lia Loos, maibé sira ne'ebé simu Na'i Jesus, sira ne'e simplesmente ema maksalak ne'ebé rekoñese katak sira ema maksalak,  konfesa sira nia sala no fiar ba Na'i Jesus Nia hanorin (1 John 1:6–7).

Ita ema liuliu "Zaman now" barak mak la'os de'it imorál, maibé esforsu maka'as atu sai imorál. Ita hatudu ida ne'e, liuhosi ita nia estilu "zaman now", purezemplu hó estilu hatais, ko'alia,  konsumu droga, tua, involve an iha sex libre etc, to'o ikus sira nia moris sai aat no infrenta susar no terus oinoin hosi loron ba loron.  Moris ne'ebé imorál ne'e moris ne'ebé susar. Mesmu Diabu tau lasu no haree ba hanesan buat ne'ebé interesante maibé to'o ikus monu ba rai-kuak. Na'i Maromak Nia futarlia dehan "Ema ida hanoin katak ninia dalan mak loos, Maibé dalan neʼe nia rohan mak mate" Provérbios 16:25.

Mai ita medita Na'i Maromak Nia futarlia loron no kalan atu bele hasai ita nia an hosi podér nakukun nian atu la'o tuir Na'i Nia dalan. Mai ita hamoos an atu simu Na'i Maksoin mai moris iha ita fuan no laran.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

João 3:19

Read More

Lalehan nakloke no Maromak nia anju sira saʼe no tun ba Oan-Mane

Tebes haʼu hatete loloos ba imi katak, imi sei haree lalehan nakloke no Maromak nia anju sira saʼe no tun ba Oan-Mane” João 1:51

Na'i Jesus  fó previzaun kona-ba milagre sira ne'ebé dixípulu sira sei haree. Bainhira ko'alia ba  Nathanael, Na'i Jesus temi Israel, ne'ebé uluk hanaran Jacob. Iha Genesis 28:12, Jacob mehi kona-ba eskada entre Lalehan no rai no haree Anju sa'e tun iha eskada ne'e.

Na'i Jesus atu fó hatene ba Nia dixípulu sira kona-ba razaun ka objetivu Ninia misaun mai iha mundu: atu serbí hanesan ligasaun ka ponte entre Na'i Maromak no ema. Na'i Maromak Nia futarlia iha 1Timoteo 2:5 hatete "Tanba iha Maromak ida deʼit no iha mediadór ida  entre Maromak no ema, neʼe mak, Kristu Jesus"

Iha João 1:51, Na'i Jesus Kristu mós uza liafuan "Oan-Mane" ne'ebé refere ba nia an rasik. Oan-mane refere ba profesia kona-ba Mesias iha  Daniel 7:13 ne'ebé sei mai iha mundu. Ema Judeu sira ne'ebé rona liafuan "Oan-Mane"  sira hatene hó loloos katak Nia refere ba Salvadór no Liurai Israel nian.

Espresaun "Oan-mane/Son of man" aparese ka mosu dala 81 iha Evanjellu haat (Mateus, Marco, Lukas no João). Liafuan Oan-mane mosu dala 30 iha  Mateus, dala 14 iha Marco, dala 25 iha Lukas no dala 12 iha João. 

Ema Farizeu sira ne'ebé mak  la fiar Na'i Jesus hanesan Mesias, bainhira Na'i Jesus refere Nia an hanesan "Oan-mane" ne'ebé sei tur iha Aman Nia sorin loos no sei mosu iha kalohan leten  sira hirus tebes (Mateus 26:64-66).

Oinsá hó ita? Dalaruma ita la hirus ka rejeita, maibé ita mós la simu Na'i Jesus iha ita nia moris loronloron, alias fiar ne'ebé la manas no la malirin (morna de'it). Ema ba igreja, ita mós ba; ema baku malu, ita mós baku malu; ema tolok, ita mós tolok; ema halo korupsaun, ita mós halo, etc.

Na'i Jesus ko'alia mai ita atu evita fiar tipe "morna". Na'i Jesus hatete, "Haʼu hatene ó-nia hahalok sira, katak ó la malirin no mós la manas. Haʼu hakarak ó sai hanesan bee malirin ka manas. Maibé, tanba ó morna deʼit no la manas ka malirin, entaun haʼu sei muta sai ó husi haʼu-nia ibun" Apokalipse 3:15-16

Mai ita enkoraje malu, atu estuda Na'i Jesus Nia hanorin iha Sagrada Bíblia no halo tuir. Hau Nia harohan atu bainhira Na'i Jesus mosu mai iha kalohan, ita nia fé manas hela.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

João 1:51

Read More

Loke neon atu kompriende Maromak Nia futarlia

"Tuirmai, nia loke sira-nia neon hodi hatene didiʼak signifika husi Eskritura sira" Lukas 24:45

Ita ema maksalak labele kompriende eskritura bainhira Na'i Maromak la fó kompriensaun ba ita. Ita nia edukasaun bele aas maibé ita sei labele kompriende eskritura bainhira ita uza ita nia matenek mundu nian.

Tanbasá mak ita labele kompriende eskritura hó ita nia matenek rasik? Maromak Nia futarlia ko'alia "Maibé ema neʼebé moris tuir deʼit hakarak isin nian lakohi simu buat neʼebé mai husi Maromak nia espíritu, tanba nia haree buat sira-neʼe hanesan buat neʼebé beik. Nia la hatene buat neʼebé Maromak nian, tanba nia tenke buka-hatene buat sira-neʼe ho ajuda husi Maromak nia espíritu"

So Maromak liuhosi Nia espiritu santu de'it mak bele loke ita nia neon atu bele kompriende Na'i Maromak Nia futarlia.  Na'i Maromak mak bele rezolve ita nia dúvida, loke ita nia laran ka neon atu simu Na'i Maromak Nia futarlia hó haraikan hó simplisidade hanesan labarik ida  (lee  Apostolu 16:14; Tiago 1:21; Marco 10:15).

Klaru bainhira ita Maromak Nia futarlia, iha buat balu mak ita la kompriende, maibé to'o tempu ida Na'i Maromak rasik mak sei fó kompriensaun ba ita. Karik la kompriende buat balu intrega de'it ba Na'i Maromak. Maromak Nia futarlia ko'alia "Buat sira neʼebé subar hela mak Na'i ita-nia Maromak nian,  maibé buat neʼebé hatudu sai ona mak ita-nian no ita-nia bei-oan sira-nian ba nafatin, atu nuneʼe ita bele halo tuir liafuan hotu iha Ukun-Fuan neʼe" Deuteronomo 29:29

Na'i Maromak loke ita nia neon atu ita bele kompriende eskritura, la'os atu halo ita iha matenek no sabedoria liufali saida mak hakerek nanis ona iha eskritura. Maibé Na'i Maromak loke ita nia neon atu submete ita nia an tomak ba Na'i Maromak Nia futarlia.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Lukas 24:45

Read More