Ha'u-nia maun-alin sira, haksolok ba bainhira imi hasoru susar oi-oin. Tanba imi hatene katak bainhira sira koko imi-nia fiar, rezultadu mak imi tahan hela. Tiago 1:2-3 BK
Saida mak Ita halo bainhira problema mosu? Ita barak koko atu hasees an husi problemasira-ne'e. Ita lakohi moras ka problema sira. Maibé Maromak Nia Liafuan fó ba ita hanoin ne'ebé diferente. Biblia hanorin katak bainhira problema sira ne'e mosu mai, ita "haksolok tebes" . Oinsá mak ida-ne'e bele akontese?
Maromak la husu ita atu finje katak laran kanek sira ne'e la reál ka la ezisti. Moras, problema ka laran kanek ne'e realidade duni. Maibé Maromak hakarak ita haree liuhosi problema sira ne'e saida mak Maromak Nia ojetivu ka hakarak. Ita-nia susar sira iha ojetivu ba ita-niamoris. Susar sira ne'e koko ita-nia fiar, hanesan ahi sunu no halo osan-mean sai moos. Kuandu ita-nia fé hetan koko, halo ita-nia fiar sai forte liután. Teste sira ne'e hanorin ita atu tau esperansa ba Maromak ho fiar no pasiénsia.
Hanoin to'ok kona-ba ita-nia isin ka muskulu. Muskulu sai forte bainhira hetan teste no uza. Nune'e mós, ita-nia fiar mós sai forsa no metin bainhira ita kaer metin ba Maromak durante anin-fuik mai. Haksolok ne'ebé Maromak ko'alia iha versíkulu ne'e la'ós kona-ba sentimentu haksolok tamba problema ne'ebé ita hasoru. Maibé Ita kontente tebes tanba ita hatene katak Maromak uza problema sira-ne'e ba ita-nia di'ak. Ne'e katak ita bele oin-midar ka hamnasa, la'ós tanba ita-nia terus, maibé tanba ita hatene katak Maromak hamutuk ho ita iha terus laran no sei lori buat di'ak husi terus ne'e.
Dalan ba lalehan la'ós dalan ne'ebé fasil. Iha Fatuk laran, foho no anin-fuik. Maibé ita-nia fiar bele sai metin liután iha fatin hotu ne'ebé ita hasoru susar. Se ita tau fiar ba Jesus liuhusi koko hotu, ida-ne'e bele lori ita besik liután ba Nia. Ida ne'e mak ksolok ne'ebé ita hetan liuhusi koko, ksolok ne'ebé ita hatene katak Maromak ne'ebé kaer ita-nia liman ihacterus laran iha tempu ohin, sei simu ita iha Ninia uma iha lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment