Goza mudansa radikál moris nian

Bazeia ba Roma 2: 1-16 

Maromak hadomi Ita. Nia hakarak buat ne'ebé di'ak liu ba ita-nia moris. Nia lakohi ita lakon ita-nia moris. Sala lori ita tama ba nakukun laran (Roma 2:1). Maromak laran-di'ak, maibé nia la mamar. Ho laran-di'ak nia lori ita ho Ninia liman no lori ita ba mudansa radikál (Roma 2:4). 

Paulo ko'alia kona-ba Maromak nia laran nakali (Roma 2:5,8). Ne'e mak Maromak nia hirus ne'ebé nakonu ho domin no hahalok loos hasoru sala. Maibé Apóstolu Paulo la komesa ho Maromak nia laran-nakali. Nia hahú ho ninia laran-di'ak, pasiénsia no hahalok-di'ak ne'ebé nia simu (Roma 2:4). Maromak mak domin. Ninia hirus mak buat ne'ebé ikus liu ba sira ne'ebé buka aan rasik no la simu lia-loos no halo buat-aat (Roma 2:8). 

Maromak hadomi ema hotu. Nia la hatudu favoritismu (Roma 2:11). Nia hadomi ema judeu no ema jentiu. Maromak ne'e imparsiál. Nia mak juis ne'ebé loos. 

Ita hotu halo ona sala no la iha razaun. Bainhira ita kritika ema Ida, ita kondena ita-nia aan. Kritika no julga ema seluk hanesan dalan Ida atu hases aan hosi ita-nia sala atu ema la detekta ita-nia krimi no hahalok aat sira (Roma 2:1)

Fasil tebes atu julga ema seluk kona-ba buat ne'ebé ita rasik halo. Hahalok julga ema sempre foka ba ema seluk nia sala la'os buat ne'ebé ema halo loos. 

Livru lima husi Testamentu Antigu hatudu Maromak nia relasaun ho ninia povu no fó matadalan kona-ba oinsá atu moris. Maibé se ita la halo tuir buat ne'ebé Maromak haruka, ita lakon ita-nia tempu de'it (Roma 2:13). Tan ne'e, ita hotu sei hetan julgamentu liuhusi buat ne'ebé ita hatene. Ba ema balu, ne'e mak Maromak nia ukun-fuan, ba ema seluk nia konxiensia rasik: Buat ruma ne'ebé kle'an iha sira-nia laran ne'ebé hatudu Maromak nia loos no la loos (Roma 2:15). 

Bainhira ita halo sala, ita hotu presiza arrepende. Maromak nia laran-di'ak hakarak ita arrepende aan. Bainhira ita arrepende aan no fila fali ba Maromak, ita hetan oportunidade seluk tan atu hetan moris foun. Hahalok arrepende aan la'ós de'it kona-ba hasees an husi sala, maibé kona-ba fila aan ba Maromak. 

Nai, perdua ami ba tempu ne'ebé sira ne'ebé ami julga ema seluk. Obrigadu ba Na'i tamba loron-loron hanesan oportunidade ida ne'ebé Na'i fo ba Ami no biban atu hahú foun fila fali.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Referensia 

Roma 2:1-16 Biblia Kadi

1 Nee duni, Oh ema, o la iha razaun atu tesi lia ba ema seluk. Tanba bainhira o tesi lia ba ema seluk, o kondena o nia aan rasik. Tanba maski o tesi lia, o mos halo hanesan sira.

2 Ita hatene katak Maromak tesi lia lo-loos ba ema nebee halo buat sira nee.

3 Oh ema nebee tesi lia ba ema seluk nebee halo buat sira nee, maibee o mos halo hanesan, o hanoin katak o bele halai sees hodi Maromak la tesi lia ba o ka?

4 Ou karik o hakribi Maromak nia laran diak tebes, nebee Nia hein hela ho pasiénsia naruk. O la hatene katak Maromak hatudu laran diak nee hodi o bele arepende ka?

5 Maibee o aumenta ba beibeik Maromak nia laran hirus hasoru o tanba o ulun toos no lakohi arepende. Laran hirus nee sei mai iha loron nebee Maromak tesi lia ho hahalok loos.

6 Nia sei selu ema ida-idak tuir ema nia hahalok.

7 Ba sira nebee halo diak ho pasiénsia hodi hetan glória, onra no moris nebee nunka mate, Maromak sei foo moris rohan laek.

8 Maibee ba sira nebee buka aan deit provoka ema seluk no lakohi halo tuir lia loos, maibee halo tuir hahalok nebee la loos, Maromak sei hatudu laran nakali no hirus.

9 Ema hotu nebee halo aat sei hetan terus no susar, primeiru ba ema Judeu no mos ba ema Jentiu.

10 Maibee ema hotu nebee halo diak sei hetan glória, onra no dame, primeiru ba ema Judeu no mos ba ema Jentiu.

11 Tanba Maromak la fihir ba ema ida.

12 Tanba ema hotu nebee halo sala maski sira la hatene lei, sira sei lakon ketak hosi lei. No ema hotu nebee halo sala bainhira sira hatene lei, Maromak sei tesi lia ba sira tuir lei nee.

13 Tanba laos ema nebee rona deit lei mak ema nebee sai loos iha Maromak nia oin, maibee sira nebee halo tuir lei mak sai loos.

14 Tanba bainhira ema Jentiu sira, nebee la iha lei, halo tuir deit buat nebee lei haruka, sira sai lei ba sira nia aan rasik, maski sira la iha lei.

15. Sira hatudu katak hahalok hosi lei nee hakerek ona iha sira nia fuan laran. Sira nia konsiénsia mos foo sasin, no sira nia hanoin mos akuza sira no mos defende sira.

16 Tuir evanjelhu nebee hau haklaken, ida nee sei akontese iha loron nebee Maromak tesi lia ba ema nia segredu liu hosi Jesus Kristu.

Read More

Moris ne'ebé hetan transformasaun

Depois Pedro dehan ba sira, “Arepende ba, no imi ida-idak simu batizmu hodi Jesus Kristu nia naran atu hetan perdua ba sala, no imi sei simu prezenti Espíritu Santu nian.” Apostolu 2:38

Karik Ita-Boot sente ona katak Ita presiza komesa halo fila fali buat ruma? Se nune'e, Ita-Boot la mesak. Pedro mós halo nune'e. 

Pedro mak ema ida hosi Jesus nia dixipulu sanulu-resin-rua, no Jesus konvida nia atu husik ninia moris nu'udar peskadór no hamutuk ho nia durante ninia serbisu iha mundu. Iha kalan ne'ebé ema traidór sira julga Jesus, Pedro la'o tuir nia hodi tuir julgamentu ne'e. Ema sira iha área ne'e abertamente kontra Jesus. Hanoin to'ok oinsá mak ema sira ne'ebé haleu Pedro hakarak trata nia hanesan saida mak sira halo ba Jesus. 

Iha Mateus 26 no Lucas 22, ita haree katak Pedro hili atu la hatudu ninia an. Nia lakoi ema-lubun ne'ebé hirus atu hatene nia. Maski nune'e, ema nain-tolu mak hatene nia katak nia Jesus nia dixipulu no komesa husu nia. Dala tolu, Pedro nega katak nia hatene Jesus. 

Maibé, se ita hakat ba oin iha Eskritura, ita bele haree Pedro halo buat ne'ebé diferente. Iha Apostolu 2, Pedro hamriik iha ema-lubun boot nia oin, nakonu ho ema ne'ebé bele haterus nia. Duke nega atu hatene Jesus, nia fó sai segredu ba moris: arrepende an no hetan batizmu hodi Jesus Kristu nia naran hodi fó perdua ba sala sira, no simu espíritu santu. 

Ida ne'e risku. Ema sei hanoin saida kona-ba nia? Oinsá se sira halo ba nia hanesan saida mak sira halo ba Jesus? Maski nune'e, nia aten-barani. Nia mak ema ne'ebé mak iha ona transformasaun ba ninia hanoin, kompara ho tempu uluk bainhira nia nega Jesus.

Oinsá mak Pedro transforma ninia hahalok? Jesus restaura nia. Nia mós simu prezente husi espíritu santu. 

Bainhira ita lee eskritura sira, buat importante rua mak akontese: Jesus vizita Pedro, no ho grasa restaura nia. Segundu, espíritu santu tun mai husi lalehan hodi book Jesus nia dixipulu sira. Liuhusi espíritu santu mak ita bele hetan kbiit hodi brani halo transformasaun ba moris. Liuhosi Espiritu Santo, ema kristaun sira iha aten-barani no iha transformasaun ba moris (Apos 2). 

Ita barak hasoru situasaun susar sira hanesan ne'e: iha tempu sira hanesan ne'e Jesus Ninia resposta mak aten-barani, maibé resposta ne'ebé fasil liu mak hakruuk no la halo buat ida. Ita sei tetu no hatete ema sei hanoin saida kona-ba ha'u? Saida mak sira sei halo ba ha'u? 

Mai ita haree novidades di'ak balu: ita nunka mesak. Ita labele aten-barani mesak de'it. Espíritu santu hamutuk ho ita loroloron, hodi fó kbiit mai ita atu sai aten-barani no halo transformasaun ba moris. Loron-loron ita bele la'o ho Maromak nia ajuda. 

Ita bele hahú ohin. Agora ita aten-barani ona. Espíritu santu prontu ona atu la'o hamutuk ho ita

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More

Adora Maromak mesak de'it

Bazeia  ba Roma 1:18-32 

(Versikulu kompletu haree iha parte referensia iha parte okos)

Ita sai hanesan buat ne'ebé ita adora. Se ita adora ídulu ka estátua sira ne'ebé la iha folin, ita-nia moris sei la iha folin. Se ita adora Maromak, ikusmai ita sei sai hanesan Nia. 

Apóstolu Paulo komesa esplika kona-ba buat ne'ebé lao sala ona iha mundu ne'e. Problema prinsipál ne'ebé akontese mak ema prefere liu adora kriatura no kriasaun duké adora Maromak (Roma 1:25). 

Maromak revela (fó sai ona ninia an) iha Eskritura sira no ikusmai iha Jesus Kristu, ne'ebé mak reprezenta Nia (Ebreu 1: 3). Maibé oinsá ho sira ne'ebé nunka rona evanjelu ka liafuan di'ak? Paulo nia argumentu iha ne'e mak ita hotu "la iha razaun" katak ita lahatene Maromak (Roma 1:20). 

Maromak hatudu sai ona Ninia an iha ninia kriasaun: Maromak nia realidade mak klaru tebes. Loke ó-nia matan no haree! Haree didi'ak ba buat ne'ebé Maromak kria ona, ema sempre haree saida mak sira-nia matan la bele haree hanesan: purezemplu Maromak nia kbiit rohan-laek, no Maromak nia mistériu sira. Tanba ne'e laiha ema ida mak iha razaun di'ak atu dehan sira lahatene Maromak (Roma 1: 19-20). 

Koñesimentu kona-ba Maromak ne'e parsiàl no limitadu. Maibé, hanesan autór salmu hatete: Lalehan foo sai Maromak nia glória, no loro leten deklara Ninia liman nia servisu. Salmu 19:1

Ita hateke de'it ba mundu ne'ebé Maromak kria atu hatene katak Maromak ne'e iha. Problema iha mundu ne'e mak maski Maromak revela ka fó sai ona nia an, maibé ema lakohi adora Nia nafatin (Roma 1:21). Sira la fó glória ba nia nu'udar Maromak no la fó agradese ba nia (Roma 1:21). Duke adora Maromak sira adora no serví fali kriatura ka kriasaun (Roma 1:25). 

Tan ne'e, apóstolu Paulo hakerek katak Maromak entrega sira ba sira-nia hakarak rasik (Roma 1:24, 26,28). Maromak husik ita atu la'o tuir dalan rasik atu nune'e ita bele aprende kona-ba rezultadu aat sira husi hahalok aat sira. Moris ne'ebé fila kotuk ba Maromak mak moris ne'ebé folin laek. Moris ne'ebé la iha Maromak mak moris ne'ebé la iha domin (Roma 1: 27). 

Tanba ema la prekupa ho Maroma, Maromak husik sira la'o tuir sira-nia hakarak rasik (Roma 1:28). 

Bainhira vontade adorasaun ba Maromak tun, ema nia morál mós tun. Ita labele hakfodak bainhira ita-nia moral tun tanba ita lakohi adora Maromak iha ita-nia nasaun maibé Adora sasan sira ne'ebé la'os Maromak, tan ne'e buat barak ne'ebé esplika iha lisaun ne'e kona ita. 

Se Ita hakarak tau Ita- nia perspetiva ne'ebé loos, ita-nia hanoin tenke nafatin fokus ba Jesus no kontinua adora no serbí Ita-nia kriador. 

Nai, ha'u harohan atu iha ami-nia sosiedade bele halakon adorasaun ba kriatura no kriasaun maibé adora de'it Maromak, ita-nia Kriador.

Reference 

Roma 1: 18-32

18 Tanba Maromak nia laran hirus mosu mai hosi lalehan hasoru ema nia hahalok nebee la hamtauk no la loos. Tanba liu hosi hahalok la loos ema hanehan lia loos.

19 Tanba buat nebee ema bele hatene kona ba Maromak, ema bele hatene mo-moos deit, tanba Maromak hatudu ona buat sira nee ba ema.

20 Tanba maski ema la haree ho matan buat nebee Maromak nian, katak Ninia kbiit rohan laek no Ninia karakter nudar Maromak, sira sei bele hatene mo-moos. Tanba dezde Nia kria mundu, ema bele kompriende buat sira nee liu hosi buat nebee Nia halo ona. Nunee ema la iha razaun atu la fiar.

21 Tanba maski sira hatene Maromak, sira la foo glória ba Nia nudar Maromak no sira la foo agradese ba Nia. Maibee sira nia hanoin lakon ona folin, no sira nia laran beik sai nakukun.

22 Sira foti aan nudar ema matenek klean, afinál sira sai beik-teen. 

23 Sira husik glória hosi Maromak nebee nunka mate hodi hetan estátua ho modelu hanesan ema nebee bele mate, no hanesan manu, animál ain haat no animál sira nebee dolar.

24 Nunee Maromak entrega sira ba sira nia laran nebee kaan atu sai foer no estraga sira nia isin lolon ho ema seluk.

25 Tanba sira troka Maromak nia lia loos ho lia bosok. Sira adora no serví kriasaun laos Kriadór, nebee simu bensaun too rohan laek! Amén.

26 Tanba razaun nee Maromak husik sira tuir sira nia hakarak nebee la loos. Sira nia feto sira troka relasaun naturál atu halo tuir buat nebee kontra hasoru hahalok naturál.

27 Hanesan nee mos mane sira husik relasaun naturál ho feto sira no kaan fali mane seluk. Mane halao hahalok moe nian ho mane sira seluk, no sira simu kastigu tuir sira nia sala.

28 Sira lakohi atu hanoin Maromak, entaun Maromak husik sira ba hanoin folin laek atu halo buat nebee tuir lo-loos la bele halo.

29 Sira sai nakonu ho buat oi-oin nebee la loos, hahalok sala, laran kaan no hahalok aat. Sira sai nakonu ho laran moras no sira oho ema. Sira sempre istori malu, bosok malu, hanoin aat no lori lia.

30 Sira koalia aat kona ba ema seluk, odi Maromak, la iha respeitu, foti aan, gaba aan, halo planu aat no la halo tuir inan-aman.

31 Sira beik no la fiel. Sira la hatudu laran diak ka laran luak.

32 Maski sira hatene Maromak nia estatutu katak sira nebee halo buat sira nee merese atu mate, sira kontinua halo nafatin buat sira nee. Laos nee deit, maibee sira apoia ema seluk nebee halo mos buat sira ne'e.

Romans 1:18-32 NKJV

[18] For the wrath of God is revealed from heaven against all ungodliness and unrighteousness of men, who suppress the truth in unrighteousness, 

[19] because what may be known of God is manifest in them, for God has shown it to them. 

[20] For since the creation of the world His invisible attributes are clearly seen, being understood by the things that are made, even His eternal power and Godhead, so that they are without excuse, 

[21] because, although they knew God, they did not glorify Him as God, nor were thankful, but became futile in their thoughts, and their foolish hearts were darkened. 

[22] Professing to be wise, they became fools, [23] and changed the glory of the incorruptible God into an image made like corruptible man—and birds and four-footed animals and creeping things. 

[24] Therefore God also gave them up to uncleanness, in the lusts of their hearts, to dishonor their bodies among themselves, 

[25] who exchanged the truth of God for the lie, and worshiped and served the creature rather than the Creator, who is blessed forever. Amen. 

[26] For this reason God gave them up to vile passions. For even their women exchanged the natural use for what is against nature. 

[27] Likewise also the men, leaving the natural use of the woman, burned in their lust for one another, men with men committing what is shameful, and receiving in themselves the penalty of their error which was due. 

[28] And even as they did not like to retain God in their knowledge, God gave them over to a debased mind, to do those things which are not fitting; 

[29] being filled with all unrighteousness, sexual immorality, wickedness, covetousness, maliciousness; full of envy, murder, strife, deceit, evil-mindedness; they are whisperers, [30] backbiters, haters of God, violent, proud, boasters, inventors of evil things, disobedient to parents, 

[31] undiscerning, untrustworthy, unloving, unforgiving, unmerciful; 

[32] who, knowing the righteous judgment of God, that those who practice such things are deserving of death, not only do the same but also approve of those who practice them.

Read More