Seraké ita preparadu ba Jesus nia mai fali daruak?

Nunee matan moris ba, tanba imi la hatene oras ne'ebé imi-nia Nai sei mai. Mateus 24:42 BK

Mateus 24:42

Iha evanjellu Mateus 24, Jesus hanorin Ninia dixipulu sira kona-ba Ninia tempu atu mai fali ba dala rua. Nia esplika katak la iha ema ida mak hatene loron ka oras - anju sira mós lahatene, dixipulu sira mós lahatene - so Aman Maromak deit. Tan ne'e, Jesus haruka ita atu matan-moris nafatin no prontu nafatin kualkér momentu. 

"Matan moris" la signifika katak ita hateke hela de'it ba lalehan. Maibé ida ne'e signfika moris loroloron ho laran ne'ebé prontu atu hasoru Jesus. Ida-ne'e signifika katak mantein ita-nia fidelidade, halo tuir Ninia Liafuan sira iha sagrada Eskritura, no la'o besik ho Nia hosi loron ba loron. Ema ne'ebé prontu atu simu Jesus la la'o tuir mundu nia hakarak, maibé la'o tuir Nai Jesus ho seriadade ka sinseridade.

Jesus fó ezemplu ida iha kapítulu ne'e: se uma na'in hatene bainhira mak na'ok-teen mai, nia sei hadeer nafatin proteje ninia uma. Nune'e mós, tanba ita la hatene bainhira mak Jesus sei fila fali mai, ita-nia laran tenke hadeer nafatin no hametin ita-nia fiar loron-loron. 

 Preparadu signifika: 

 *Hadook an husi pekadu 

 *Halo ita-nia laran sai moos no haraik-an 

 *Hadomi ema seluk hanesan Jesus hanorin 

 *Halo orasaun loroloron 

* Fiél nafatin maski iha susar laran 

 *Halo tuir Maromak nia Liafuan

Jesus Nia fila fali mai dala rua, la'ós buat ne'ebé halo ita ta'uk, maibé buat ne'ebé ita hein no espera. Ba sira ne'ebé tau fiar ba Maromak, ne'e mak loron ne'ebé sira hein no hetan ksolok, vitória, no moris rohan-laek. Maibé ita tenke prontu. Ita la bele hein to'o "tarde liu". Ohin loron mak tempu atu la'o tuir Nia ho laran-metin. 

Husu ba ita-nia an: Se Jesus fila fali mai ohin, seraké ha'u prepararadu? Se lae, mai la'o tuir Nia agora. Hili obedese, hili hahalok santu, hili Jesus. 

Ema ne'ebé sira-nia laran preparadu, sei la'o ho konfiansa hodi hein Nai Jesus Ninia mai ba daruak no la'o ho firmi iha dalan ba lalehan. 

Orasaun: Nai Jesus, ajuda ami atu matan-moris nafatin no prontu hodi hein ita-nia fila fali ba daruak. Halo ami-nia laran fiél nafatin, ami-nia moris moos nafatin, no hali ami la'o besik ho Ita. Prepara ami loron-loron bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kaer-metin ba Maromak Ninia promesa sira

Rona lai, Maromak mak ha'u-nia salvasaun, ha'u sei fiar no ha'u la tauk, tanba Nia mak Nai ne'ebé ha'u-nia kbiit no ha'u-nia kanta, no Nia sai ona ha'u-nia salvasaun. Isaias 12:2 BK

Isaias 12:2

Isaias 12: 2 mak versíkulu furak ida kona-ba esperansa. Maromak promete ida-ne'e ba Ninia povu durante tempu susar sira. Sira hasoru perigu, ta'uk, no tempu la serteza sira. Maibé Maromak fó-hanoin sira katak Nia rasik mak sei sai sira-nia salvasaun - Maromak ida ne'ebé salva, proteje no fó forsa. 

Iha versíkulu ne'e, profeta Isaias hanorin ita atu tau fiar tomak ba Maromak. Nia hatete: "Hau sei tau fiar no la ta'uk." Ida-ne'e la dehan katak moris sei sempre fasil. Maibé ida ne'e signfika maski ita hasoru buat saida de'it, ita kaer-metin Maromak Nia promesa sira. Ita kaer metin ba Ninia Liafuan hanesan fatuk ne'ebé metin iha tempu hasoru anin-fuik. 

Maromak promete katak nia sei sai ita-nia salvasaun, ne'ebé signifika nia sei salva ita husi sala no husi situasaun hotu ne'ebé tenta halakon ita. Nia promete katak Nia sei sai ita-nia forsa kuandu ita sente fraku. No Maromak promete katak Nia sei defende ita, no nia sei halo funu kontra forsa nakukun nian ne'ebé ita labele halo ho ita-nia forsa rasik.

Kuandu sentimentu ta'uk tenta tama iha ita-nia laran, hanoin-hetan versikulu ne'e. Kuandu ita-nia problema sira sente todan liu, hanoin-hetan katak Maromak mak ita-nia forsa. Kuandu ita la hatene kona-ba moris nee atu sai oinsá los, hanoin-hetan katak Maromak mak ita-nia salvasaun. Ninia promesa sira nunka falla. 

Kaer-metin ba Maromak nia promesa sira, signifika hili tau fiar ba Maromak ninia lia-fuan sira liu fali ita-nia sentimentu ta'uk sira. Ne'e signifika katak ita tau fiar katak Maromak hamutuk ho ita, nia suporta ita, no Nia sei lori ita liuhosi tempu susar hotu iha ita-nia moris. 

Kaer-metin ba Ninia promesa sira ohin loron. Husik Ninia lia-loos enxe ita-nia laran ho dame no korajen. Kuandu ita tau fiar ba Maromak Nia salvasaun, ita la'o ho aten-barani no la'o ho seguru iha dalan ba lalehan. 

Orasaun: Nai, obrigadu ba Ita-Boot Nia promesa sira ne'ebé nunka falla. Ajuda ami tau fiar ba Ita ho ami-nia laran tomak no kaer metin ba Ita-nia Liafuan bainhira ami ta'uk. Sai ami-nia forsa no ami-nia salvasaun bainhira ami la'o iha dalan ba lalehan. Amen.

Isaias 12:2

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lia-loos neʼebé fó liberdade

No imi sei hatene lia-loos, no lia-loos sei halo imi livre. João 8:32 BK

João 8:32

Iha versíkulu ne'e, Jesus ko'alia ba ema sira ne'ebé fiar ba Nia. Nia esplika katak liberdade ne'ebé loos mai husi koñesimentu no moris iha Ninia lia-loos. Ema barak hanoin katak liberdade signifika halo buat saida de'it ne'ebé sira hakarak, maibé Jesus hanorin buat ne'ebé diferente. Liberdade ne'ebé loos, so hetan iha Jesus - iha Jesus ita bele hetan liberdade husi sala, ta'uk, no lia-bosok sira. 

Jesus hatete: "Imi sei hatene lia-loos." Lia-loos ne'ebé Nia ko'alia, la'ós de'it informasaun. Ne'e mak Nia an rasik. Jesus hatete iha Joao 14:6: "Hau mak dalan, lia-loos no moris." Kuandu ita halo tuir Ninia hanorin sira, obedese ba Ninia Liafuan sira, no hakbesik nafatin ba Nia, ita sei hetan lia-loos ne'ebé lori dame no matadalan ba ita-nia moris. 

Pekadu lasu ita. Lia-bosok husi Diabu halo ita konfuzaun. Ta'uk kaer metin ita no dada ita ba kotuk. Maibé lia-loos husi Jesus halo rahun kadeli diabu nian sira-ne'ebe kesi metin ita. Ninia lia-loos hatudu ba ita se mak ita loloos - Maromak hadomi, fó perdua, no halo ita hetan moris foun. Ninia lia-loos hanorin ita buat ne'ebé loos no fó forsa mai ita atu la'o dook husi buat ne'ebé sala. 

Kuandu ita lee Biblia, halo orasaun, no halo tuir Maromak nia lian, lia-loos sei hakonu liután iha ita-nia laran. No bainhira Nia lia-loos hakonu ita-nia laran, ita sei esperiensia liberdade liután - liberdade atu moris ho ksolok, liberdade atu hili buat ne'ebé di'ak, no liberdade atu la'o ho fiar an ba Maromak. 

Ohin loron, loke ita-nia laran ba Jesus nia lia-loos. Husu ba Nia atu hasai tiha lia-bosok no ta'uk ne'ebé hanehan ita. Husik Maromak Nia Liafuan dirije ita-nia hakat sira. 

Bainhira ita la'o tuir Jesus Nia lia-loos sira, ita la'o iha liberdade ne'ebé loos - no ita sei kontinua la'o iha dalan ba lalehan. 

Orasaun: Nai Jesus, obrigadu tanba Ita mak lia-loos ne'ebé halo ami livre. Hakonu ami-nia laran ho Ita-nia Liafuan no fó matadalan mai ami loroloron. Ajuda ami la'o iha Ita-nia liberdade bainhira ami la'o dadaun iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More