Iha mundu ezisti mazumenus relijiaun hamutuk 4300. 75% hosi populasaun Iha mundu partensi ba relijiaun Buddhismu Christaun, Hinduismu, Islam, no Judaismu. Relijiaun sira ne'e oferese dutrina ne'ebé la hanesan. Mesmu hanorin ne'ebé diferente, ema reklama katak mesmu ita nia relijiaun diferente ho dutrina ne'ebé diferente, diferensia sira ne'e ezisti iha kulit-li'ur de'it maibé relijiaun hotu-hotu hanorin ema atu ba lalehan. Ida ne'e haree-ba hanesan pozisaun ne'ebé moderadu no di'ak tebes, maibé iha problema ho konseitu ida ne'e bainhira ita lee Na'i Jesus nia hanorin. Purezemplu, iha evanjellu João 14:6, Na'i Jesus hatete “Eu sou o caminho, a verdade e a vida. Ninguém vem ao Pai, a não ser por mim" João 14:6 NVI (Haʼu mak dalan no lia-loos no moris. Ema ida labele mai-ba Aman se la liu husi haʼu" João 14:6).
Jesus hatete katak Nia mak “dalan, lia-loos no moris” (John 14:6). Nota katak Jesus La'os de'it reklama hanesan ema ida ne'ebé ko'alia ka hanorin lia-loos; maibé nia reklama katak Nia mak lia-loos ne'e rasik - lia-loos ne'ebé halo inkarnasaun ba ema, lee Fil. 2:5-11 tuir mai:
Seja a atitude de vocês a mesma de Cristo Jesus, que, embora sendo Deus , não considerou que o ser igual a Deus era algo a que devia apegar-se; mas esvaziou-se a si mesmo, vindo a ser servo , tornando-se semelhante aos homens. E, SENDO ENCONTRADO EM FORMA HUMANA, humilhou-se a si mesmo e foi obediente até a morte, e morte de cruz! Por isso Deus o exaltou à mais alta posição e lhe deu o nome que está acima de todo nome, para que ao nome de Jesus se dobre todo joelho, nos céus, na terra e debaixo da terra, e toda língua confesse que Jesus Cristo é o Senhor, para a glória de Deus Pai.
Filipenses 2:5-11 NVI
Kontinua iha hanoin hanesan Kristu Jesus nian.Maski nia mak Maromak nia illas, nia la hanoin atu tau nian an hanesan Maromak. Maibé nia husik buat hotu neʼebé nia iha no sai hanesan atan ida no sai ema.Laʼós neʼe deʼit, bainhira nia moris nuʼudar ema, nia haraik an hodi halo tuir toʼo mate, mate iha ai-cruz. Tan razaun neʼe mak Maromak foti nia ba pozisaun neʼebé aas liu no ho laran-diʼak Maromak fó ba nia naran ida neʼebé boot liu naran sira seluk, atu nuneʼe, iha Jesus nia naran mak sira hotu neʼebé iha lalehan no iha rai no mós iha rai okos tenke hakneʼak, no sira hotu tenke konfesa katak Jesus Kristu mak Naʼi neʼebé lori glória ba Aman Maromak. Fil. 2:5-11
Tan ne'e saida de'it mak Jesus hatete no halo ne'e autoritária (authoritative). Tuir-mai Jesus hatete iha versu hanesan katak: “Laiha ema ida mai-ba Aman se laliu hosi Nia” (João 14:6). Igreja primitivu ko'alia momoos kona-ba konseitu ne'e. Lee versu sira seluk tuir mai:
"Esta é a vida eterna: que te conheçam, o único Deus verdadeiro, e a Jesus Cristo, a quem enviaste.
João 17:3 NVI
(Neʼe mak moris rohan-laek: Katak sira hatene didiʼak kona-ba Ita, Maromak loos mesak deʼit,no mós Jesus Kristu neʼebé Ita haruka mai, João 17:3).
"Não há salvação em nenhum outro, pois, debaixo do céu não há nenhum outro nome dado aos homens pelo qual devamos ser salvos”.
Atos 4:12 NVI (La iha salvasaun liuhusi ema seluk, tanba la iha naran seluk iha lalehan nia okos neʼebé Maromak hili tiha ona atu salva ita” Apostolu 4:12)
"Quem tem o Filho, tem a vida; quem não tem o Filho de Deus, não tem a vida" 1 João 5:12 NVI
("Ema neʼebé iha Oan-Mane, nia hetan moris, maibé ema neʼebé la iha Maromak nia Oan-Mane, nia la hetan moris".1João 5:12)
"Pois há um só Deus e um só mediador entre Deus e os homens: o homem Cristo Jesus" 1 Timóteo 2:5 NVI ("Tanba iha Maromak ida deʼit no iha mediadór ida entre Maromak no ema, neʼe mak, Kristu Jesus"1Timoteo 2:5)
Portantu, mesmu iha opsaun barak ne'ebé relijiaun barak oferta iha li'ur ne'eba, maibé la'os hotu-hotu lori ema ba Maromak. Moris rohan-laek no salvasaun - relasaun ne'ebé íntimu ho Maromak so bele hetan Iha Kristu de'it no sei laiha ema seluk (lee Apokalipse. 3:20).
Se saida mak Jesus, Peter, Paulo, no João ne'e loos (ha'u fiar katak loos duni), maka ema seluk inklui Mohammad, Buddha, Confucius, etc mak bele fo moris rohan-laek ka salvasaun, se la'os Jesus Kristu.
 |
| João 14:6 |
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment