MAROMAK NINIA FIDELIDADE DURA TOO BAINHIRA?

Maromak Ninia lia-fuan dehan: "Tanba Nai mak diak, Ninia domin metin sei dura too tinan ba tinan; Ninia fidelidade sei dura too jerasaun hotu" Salmu 100:5 BK

Iha mundu ne'ebé iha mudansa beibeik no dala barak la iha serteza, Salmo 100:5 fó esperansa ba ita-nia moris. Versíkulu ne'e mak liafuan ne'ebé hatudu katak Maromak Nia natureza la troka. Ida-ne'e fó-hanoin ita katak Maromak la'ós de'it di'ak, maibé Ninia laran-di'ak mak ba nafatin. Ninia laran-sadi'a la hotu tanba ita-nia sala sira, no Ninia lia-loos la iha ligasaun ho tempu ka kultura, maibé ba jerasaun hotu. 

Maromak Nia laran-di'ak la'ós de'it iha momentu balu, maibé ne'e mak esensi hosi Ninia karakter. Kada is ne'ebé ita dada, bénsaun hotu ne'ebé ita simu, no susar hotu ne'ebé ita hasoru ho Ninia forsa mak sai nu'udar sasin ba Ninia laran-di'ak. Kuandu ita duvida kona-ba Ninia prezensa bainhira hasoru susar oioin, versikulu ida ne'e fo hanoin ba ita kona-ba Ninia lia-loos: Maromak mak di'ak ba nafatin. 

Ninia laran-sadi'a mak ba nafatin, ne'e signifika katak ita sempre bele fila fali ba Nia, la prekupa ita la'o hela Maromak dook to'o ne'ebé de'it. Ninia laran-sadi'a la limite ba de'it iha grupu ida ka ba tempu ida de'it, maibé ba ema hotu ne'ebé bolu Nia ho fé. 

No ninia lia-loos? Ne'e nunka troka. Iha kultura ne'ebé dala barak lia-loos sente hanesan la serteza, Maromak nia Liafuan nafatin sai hanesan fundasaun ida-ne'ebé metin. Ita bele tau fiar ba Maromak Ninia promesa sira ohin loron, hanesan tinan rihun ba rihun liubá. 

Biarba versíkulu ida ne'e fó-hanoin ita loroloron katak: Maromak ne'e di'ak, Ninia laran-sadi'a sei la iha rohan, no Ninia lia-loos sei metin ba nafatin. Tau fiar ba Nia no la'o ho haksolok iha ninia domin ne'ebé nunka muda 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK HADOMI EMA NEBEE FOO HO LARAN

Ema ida-idak tenki foo tuir buat nebee nia desidi ona iha ninia fuan laran. La bele foo ho laran todan ka tanba ema obriga ita. Tanba Maromak hadomi ema nebee foo ho laran kontenti. 2 Korinto 9:7 BK

Serake ita adia ona atu halo buat ruma ne'ebé Ita hatene katak buat ne'e loos atu halo? 

Bainhira apóstolu Paulo hakerek karta segundu ba ema kristaun iha Korinto, igreja iha Korinto presiza koresaun. Iha kapítulu sia, apóstolu Paulo ko'alia liu kona-ba promesa ne'ebé ema Korinto halo tinan ida antes atu ajuda ema kristaun iha Jeruzalein. La'os de'it sarani sira iha Korinto halo promesa (atu foti oferta atu haruka ba Jerusalem) maibé sira hakarak tebes atu halo asaun karidade ida ne'e, no ida ne'e fó inspirasaun ba igreja sira seluk atu halo tuir sira. 

Maibé, ikus mai ema Korinto presiza tempu naruk atu kumpre sira-nia promesa sira, no iha tempu ne'ebá, sira-nia maun-alin sira iha Jeruzalein hetan terus hela. La'ós ne'e de'it, ikus mai sira-nia vontade atu fó komesa lakon ona, no sira la hatudu tan ezemplu di'ak ne'ebé uluk sira hatudu. Tan ne'e mak apóstolu Paulo hakerek: 

"Ema ida-idak tenki foo tuir buat nebee nia desidi ona iha ninia fuan laran. La bele foo ho laran todan ka tanba ema obriga ita. Tanba Maromak hadomi ema nebee foo ho laran kontenti". 2 Korinto 9:7

Kuandu ita lakohi fó, ita lakon oportunidade atu fó bénsaun ba ema seluk. Desobedese ba Espiritu Santo ne'ebé ko'alia mai ita-nia laran atu ajuda ema bele halo ita-nia laran sai toos ba ema seluk. Ita bele kaer metin ba buat ne'ebé ita iha tanba ita hanoin katak ita hatene di'ak liu. 

Maibé, kuandu ita fó buat hotu ne'ebé ema presiza ho urjente, Paulo hatete: "... Maromak bele foo grasa bar-barak ba imi, atu nunee imi sempre iha buat hotu nebee imi presiza hodi imi bele halo servisu diak hotu" 2 Korinto 9:8.

Nia sei haraik bénsaun ba imi atu nune'e "Imi sei sai riku ho buat oi-oin hodi imi bele hatudu laran luak oi-oin..." 2 Korinto 9:11

Agora, karik ida-ne'e la signifika katak Maromak sei fó osan barak ba ita. Maibé ida-ne'e katak Maromak sei sempre fó dalan ba ita atu hatudu laran-luak, ho ita-nia tempu, enerjia no osan. No tanba Maromak la hein atu fó ba ita, ita mós labele hein atu fó ba ema seluk. 

Ohin, buka oportunidade atu hatudu laran-luak ka jenerosidade ba ema ne'ebé presiza no fahe prezente di'ak sira ne'ebé Maromak fó mai ita, no kuandu ita haree oportunidade atu ajuda, keta hein! Fó ho laran-haksolok.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sabedoria husi Maromak

Fiar ba Nai ho o nia fuan laran tomak, no keta sadere ba o nia kompriensaun rasik. Iha o nia dalan hotu, hanoin ba Nia, no Nia sei diriji o nia dalan sira. Provérbiu 3:5-6 BK

Se ita-boot sira halo viajen ba fatin foun ruma ne'ebé ita nunka ba, ita-boot sira hatene katak importante tebes atu iha mapa. Mapa sira-ne'e ajuda ita atu halo navigasaun ba área sira ne'ebé ita la hatene. Hanesan ne'e mós, Maromak nia Liafuan ajuda ita atu la'o liuhusi tempu ne'ebé ita la hatene. Maromak Ninia lia-fuan hatudu Ninia sabedoria, ne'ebé importante tebes atu dirije ita-nia moris. 

Livru Proverbios nakonu ho sabedoria ka matenek kle'an no koñesimentu ne'ebé ajuda ema atu moris tuir Maromak nia hakarak. Ida-ne'e hahú liuhosi rekoñese katak buat hotu hahú ho Maromak. 

Tanba Maromak mak kriadór ba moris, Nia hatene dalan saida mak ita-nia moris tenke tuir. Tuir Proverbio, ita-nia knaar mak buka Nia no tau fiar ba Nia. Tau fiar ba Maromak katak ita iha relasaun di'ak ho Nia no fiar katak Nia hatene saida mak di'ak liu ba ita. 

Bainhira ita tau fiar liután ba Maromak no submete ita-nia moris ba Nia, ita sei moris tuir Ninia hakarak. Proverbio 3: 6 hatete katak kuandu ita submete ba Maromak nia sabedoria iha ita-nia dalan hotu, Nia sei dirije no gia ita. Agradese tamba, Maromak fó ona Sagrada Eskritura atu hatudu mai ita saida mak Maromak Ninia hakarak. 

Tan ne'e mak importante tebes atu lee Maromak nia Lia-fuan loroloron no hatene didi'ak buat hotu ne'ebé Nia hatete, atu nune'e ita bele tau fiar ba Maromak atu direji iha ita-nia dalan moris nian hotu. 

Foti tempu balu, atu halo orasaun kona-ba diresaun ita-nia moris. Se iha situasaun ruma ne'ebé ita la serteza, husu Maromak atu fó matenek ka sabedoria ba ita. Husik Nia dirije Ita-nia dalan sira. Halo toman an atu lee Ninia Lia-fuan, atu nune'e ita bele iha sabedoria atu hala'o ita-nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Krese iha domin no sabedoria

No hau halo orasaun katak imi nia domin bele aumenta ba beibeik ho matenek no kompriensaun hotu, hodi imi bele hatene lo-loos saida mak diak liu. Nunee imi bele sai moos no la iha sala iha Kristu nia loron. Filipe 1:9-10 BK

Iha versíkulu sira-ne'e, apóstolu Paulo hato'o orasaun furak ba ema kristaun sira iha Filipe. Nia harohan katak sira-nia domin sei kontinua aumenta. Maibé domin ne'e la'ós de'it kona-ba sentimentu. Apóstolu Paulo hakarak sira-nia domin, koñesementu no sabedoria atu krese ka sai buras.

Nu'udar ema kristaun, importante tebes atu hadomi ema seluk. Maibé importante mós atu krese iha sabedoria ka matenek kle'an kona-ba Maromak Ninia dalan sira. Kuandu ita hatene didi'ak Maromak liuhusi ninia Liafuan, ita bele hadomi liután Maromak. Domin hanesan ne'e ajuda ita atu halo desizaun ne'ebé di'ak liu iha ita-nia moris loronloron. Ne'e ajuda ita atu hatene saida mak loos no saida mak di'ak liu iha ita-nia moris loronloron. Kuandu ita krese iha domin no sabedoria iha ita-nia moris, Ida ne'e halo Maromak kontente liután.

Na'i Jesus promete sei fila fali mai mundu ne'e (lee iha João 14:1-3). Nune'e Apóstolu Paulo mós hakarak ita atu sai "moos no la iha sala" bainhira Jesus fila fali mai mundu ida ne'e. Ida-ne'e signifika moris iha dalan ne'ebé fó glória ba Maromak no hasees an husi sala sira. Sala mak kontra Maromak Ninia ukun-fuan sira (1 João 3:4). Ita la bele hases an hosi Sala uza ita-nia forsa mesak de'it, maibé ho Maromak nia ajuda, ita bele kontinua krese espiritualmente loroloron. 

Mai ita halo ida ne'e sai mós ita-nia orasaun hodi dehan: "Nai, ajuda hanorin mai ami ita-nia dalan loos sira. Fo mai ami kompriensaun, atu nune'e ami sempre hili buat ne'ebé loos no di'ak liu tuir ita boot Ninia hakarak. Ajuda ami atu moris ho laran-moos no fiél, atu halo Ita kontente" 

Reflesaun: 

Husu Maromak atu ajuda ita atu haburas domin no matenek. Hanoin to'ok kona-ba dalan ida-ne'ebé ita bele hatudu domin ne'ebé matenek no laran-di'ak ba ema seluk iha semana ne'e.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

TREINAMENTU BA ETERNIDADE

Tanba treinu ita nia isin foo benefísiu uitoan, maibee moris tuir Maromak sei foo benefísiu iha buat hotu, tanba treinu nee iha promesa ba moris agora no mos ba moris nebee atu mai. 1 Timóteo 4:8 BK

Iha mundu ohin loron, ema-nia atensaun barak foka ba saúde fiziku hanesan dieta, la'o, no halo fitness. Loos duni, ita-nia isin mak prezente husi Maromak, no tau matan ba ita-nia isin fó glória ba Maromak. Maibé apóstolu Paulo fó-hanoin Timoteo no ba ita katak, maski treinu fiziku fó benefísiu, maibé ida-ne'e iha limitasaun. Ninia valor remata iha rate laran. Pelu kontrariu, treinu atu moris tuir Maromak nia hakarak - moris ne'ebé refleta Kristu sei rezulta ba moris rohan-laek.

Moris tuir Maromak Ninia hakarak (godliness) mós involve moris ho dixiplina. Ita bele haburas hahalok ne'e liuhusi tempu ne'ebé ita gasta ba lee Maromak Ninia lia-fuan (Biblia), orasaun, relasaun di'ak ho ema seluk, no obedese ba Maromak Ninia ukun-fuan sira. La hanesan ho ema ne'ebé sai membru ba gym ida, moris tuir Maromak Ninia hakarak la'ós de'it forma ita-nia isin sai furak, maibé forma ita-nia hahalok, ita-nia karakter, ita-nia desizaun, ita-nia relasaun ho Maromak no ema. Ne'e la'ós de'it ajuda ita atu hasoru susar oioin iha ita-nia moris iha mundu ne'e de'it, maibé mós ba moris rohan-laek nian. 

Hanoin to'ok kona-ba ita-nia moris espirituál nu'udar ita-nia isin/muskulu. Bainhira ita treinu liután ita-nia fé sai forsa no sei metin liután. Moris tuir Maromak Nia hakarak iha impaktu ba ita-nia dame/pas, ita-nia ojetivu moris, no ita-nia ksolok - agora no ba moris rohan-laek nian. No ida-ne'e asegura ita-nia ksolok eternal nian. 

Entaun, loos, ba halo esersiziu hanesan halai, han di'ak, tau matan ba ita-nia isin. Maibé keta haluha moris espirituál nian. Tau ita-nia neon ba buat ne'ebé lori ita ba moris rohan-laek nian. Hili hahalok ne'ebé hametin ita-nia moris ho Maromak. Loron ida, ita sei kontente tamba ita halo ona ida-ne'e, Tamba treinamentu ida ne'e la'ós de'it forma its-nia moris iha mundu ne'e, maibé mós kona-ba oinsá prepara ita ba moris rohan-laek nian. 

Orasaun: Nai, ajuda ami atu treinu loroloron oinsa bele moris tuir Maromak Ninia hakarak. Hanorin ami atu hafolin buat ne'ebé sei lori ami ba moris rohan-laek. Forma ami atu sai ema ne'ebé refleta Jesus iha area hotu iha ami-nia moris. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La'os ona atan, maibé sai oan-feto no oan-mane

Nunee imi laos tan atan, maibee imi mak oan. No se imi mak oan, entaun imi iha direitu atu simu liman rohan hosi Maromak. Galásia 4:7 BK

Apóstolu Paulo nia mensajen iha versikulu ne'e kona-ba fiar na'in sira-nia identidade nu'udar ema kristaun. Versíkulu ne'e marka mudansa hosi atan tamba moris iha lei ninia okos ba liberdade ne'ebé ita hetan iha Kristu Jesus. Fiar na'in sira la'os hanesan atan ne'ebé halo sira-nia serbisu tamba obrigasaun maibé sira mak oan hakiak, ne'ebé adopta hosi Maromak atu simu eransa ba Maromak Ninia promesa sira 

Transformasaun ida-ne'e mai husi fé ba Jesus Kristu, la'ós tamba serbisu ukun-fuan nian. Tamba ukunfuan la salva ema, maibé ukunfuan so hatudu ita-nia sala, no lori ita ba buka Jesus ita-nia Salvadór (Roma 3:20). Biblia fo hanoin ba ita kona-ba perigu hosi kumpri ukunfuan hanesan legalismu ida de'it - tenta atu hetan favor hosi Maromak liuhosi ritual no hahalok sira. Ita-nia identidade hanesan Maromak Ninia oan mane no oan feto so bele asegura liuhosi grasa Maromak nian de'it. Bainhira Maromak perdua ita-nia sala no Ninia ajuda ita moris tuir Maromak Ninia hakarak sira, ita sai familia Maromak nian.

Hanesan ema ne'ebé sei simu eransa, ita la'os de'it simu perdaun. Maibé ita hetan asesu ba Espiritu Santu, ne'ebé hakerek lei domin nian iha ita-nia fuan laran, ne'ebé haforsa ita atu moris obedese ba Maromak. Obedese ba Maromak la'os atu manan salvasaun maibé hanesan resposta ka rezultadu hosi salvasaun ne'e rasik. Ida ne'e mak fuan hosi evanjelu.

Foti momentu balu hodi halo reflesaun: serake ita moris hanesan atan - ne'ebé la iha serteza, no nakonu ho prekupasaun barak? Ka Ita moris nu'udar oan doben, fiar metin ba Aman nia kuida? Liuhusi Kristu, ita sai nu'udar liman-rohan ida atu simu eransa. Ohin ita bele moris ho esperansa, tanba hatene katak ita-nia salvasaun bazeia ba Maromak Ninia domin la'os ba ita-nia performance ka hahalok.

Orasaun: Aman, obrigadu tanba simu ona ami ba ita-nia familia. Ajuda Ami atu la ta'uk, maibé tau fiar ba Ita-nia grasa no laran-di'ak. Husik ami-nia moris refleta ksolok moris nian nudar Ita-nia oan Feto no oan mane. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serbí Jesus liuhosi atividade loroloron

No Liurai sei hataan no dehan ba sira, ‘Tebes Hau dehan ba imi, hanesan imi halo buat sira nee ba Hau nia alin kiik liu, imi halo mai Hau rasik.’ Mateus 25:40 BK

Serbí Jesus katak sá? Mateus 25:40 revela verdade estraordinariu: kuandu ita tau matan ba ema seluk, ita serbí Na'i Jesus. Na'i Jesus hatete: "hanesan imi halo buat sira nee ba Hau nia maun-alin kiik liu, imi halo mai Hau rasik". Versíkulu ne'e mak parte ida husi ai-knanoik ida-ne'ebé Jesus esplika katak hatudu laran-di'ak ba ema seluk, maski ne'e aktu ki'ik de'it, refleta Maromak Ninia domin. 

Hanoin to'ok kona-ba situasaun sira tuir mai ne'e: fó bee kopu ida ba ema ne'ebé hamrook, fahe hahán ho ema ne'ebé hamlaha, ka fo korajen ba ema ne'ebé Iha susar laran. Asaun sira ne'e haree hanesan baibain, maibé asaun sira ne'e iha impaktu ba moris rohan-laek. Liuhusi asaun sira ne'e, ita hola parte iha Jesus nia serbisu atu fo esperansa ba sira ne'ebé desperadu, fornesementu ba sira ne'ebé moris kiak, no restaurasaun ba sira ne'ebé laran kanek. 

Jesus konvida ita atu haree ema sira ne'ebé hale'u ita liuhusi ninia matan. Ohin loron, se mak presiza ita-nia laran-sadi'a? Karik ema ne'ebé hetan susar ne'ebé la iha korajen, ema ne'ebé maluk la Iha ka moris mesamesak, ka ema ne'ebé luta hasoru susar ruma. Ita-nia asaun laran-di'ak mesmu ki'ik bele fó-hanoin ba ema sira ne'e katak Maromak haree, hadomi no valoriza sira lihusi ita.

Serbí ema seluk la'ós kona-ba asaun boot sira de'it. Liuhusi asaun sira ne'e ita permiti Maromak nia domin suli liuhosi iha ita-nia moris no asaun loroloron nian. Bainhira ita moris hanesan ne'e, ita lori Maromak Ninia prezensa ba situasaun reál no refleta Maromak Ninia laran ba mundu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Domin iha Asaun

Iha Mateus 25:35–36, Jesus hatete, "Bainhira Hau isin molik, imi foo hatais Hau. Bainhira Hau moras, imi mai vizita Hau. Bainhira Hau iha komarka laran, imi mai haree Hau.’ Depois ema moris loos sei hataan ba Nia, no sira dehan, ‘Nai, hori bainhira mak ami haree O hamlaha, no ami foo haan ba O; ka hamrook, no ami foo hemu ba O? Mateus 25:36-37 BK

Liafuan sira iha versikulu ne'e hatudu fé ne'ebé loos iha ita-nia laran bainhira ita halo tuir. Jesus identifika Ninia an ho ema sira ne'ebé vulneravél liu no fó-hanoin ita katak serbí ema seluk la'os buat ida ne'ebé ita bele hili ba ema fiar na'in sira, maibé obrigatoriu. Kuida ema iha dalan ne'ebé praktis hanesan: fo han ema ne'ebé hamlaha, fo hatais ba ema ne'ebé Isin molik, vizita ema ne'ebé senti mesak - refleta Maromak Ninia domin no grasa iha asaun.

Versikulu ne'e mós fó-hanoin ita katak ita-nia serbisu la'ós kona-ba rekoñesimentu hosi ema. Jesus nia liafuan hatudu katak Maromak haree no hafolin buat hotu ne'ebé ita halo ba ema ne'ebé vulneravél. Kuandu ita serbí ema seluk, ita serbí Maromak. Lia-loos ne'e ajuda ita atu muda ita-nia perspetiva, enkoraje ita atu haree ema seluk ho kompaixaun hanesan Maromak Ninia kompaixaun ba ita ema maksalak. 

Foti momentu balu atu halo reflesaun: oinsá ita bele refleta Maromak Ninia domin ohin loron? Asaun karidade kiikoan sira, hanesan vizita viziñu ka ema sira ne'ebé vulneravél bele iha impaktu rohan-laek bainhira ita halo ho fé no domin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ita-nia eransa hein hela

Depois Liurai nee sei dehan ba sira nebee iha Ninia liman loos, ‘Mai, imi nebee simu ona bensaun hosi Hau nia Aman. Simu reinu nee nudar liman rohan nebee Nia prepara ona hosi mundu hahuu. Mateus 25:34 BK

Iha Mateus 25:34, Jesus deskrebe konvite ksolok ne'ebé kle'an: "Depois Liurai nee sei dehan ba sira nebee iha Ninia liman loos, ‘Mai, imi nebee simu ona bensaun hosi Hau nia Aman. Simu reinu nee nudar liman rohan nebee Nia prepara ona hosi mundu hahuu"

Versíkulu ne'e hatudu lia-loos importante ida husi Evanjellu: salvasaun la'ós buat ne'ebé ita hetan tamba ita merese, maibé ne'e prezente ne'ebé ita simu. Liafuan "eransa" mak xave iha ne'e. Liman-rohan ka eransa ita hetan tamba relasaun (ho Maromak), la'ós tanba ita-nia serbisu. Liuhusi Jesus, ita hetan konvite atu tama ba Maromak Nia família, no nu'udar Ninia oan sira, ita hola parte iha reiñu ne'ebé Nia prepara ona ba ita. 

Imajen reiñu " ne'ebé Nia prepara ona hosi mundu hahuu" Fo hanoin-ba ita kona-ba Maromak Ninia planu eternal. Molok tempu hahuu, Maromak hakarak atu ita iha relasaun di'ak ho Nia. No hafoin adão no Eva no jerasaun mundu tomak monu ba sala (Jenesis 3), Maromak loke dalan atu ita bele restaura ita-nia relasaun ne'e liuhusi Jesus. 

Liman-rohan ka eransa ne'e ita hetan la'os tanba ita merese, maibé tanba Maromak nia grasa, ne'ebé nia fó ho livre ba ema hotu ne'ebé fiar. Oinsá mak hatene katak salvasaun mak prezente grasa, la'ós tamba ita-nia serbisu, muda oinsá ita moris ohin loron?

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Refleta Maromak Ninia domin

Bainhira Ema Nia Oan mai iha Ninia glória, hamutuk ho anju santu sira hotu, Nia sei tuur iha Ninia kadunan glória nian. Nasaun hotu sei halibur iha Ninia oin. Depois Nia sei haketak ema ida-idak, hanesan bibi atan haketak ninia bibi malae hosi bibi timor. Mateus 25:31-32 BK

Iha evanjelu Mateus 25:31-32, Na'i Jesus deskrebe kona-ba oinsá Nia sei fila-fali mai. Nia sei mai ho glória, hamutuk ho anju hotu, tuur iha ninia kadunan, no nia sei haketak ema hanesan bibi-atan ida haketak bibi-malae hosi bibi-timur sira. Ida ne'e la'ós de'it kona-ba eventu ida iha futuru, maibé liuhosi imajen ida ne'e mós Maromak bolu ita atu ezamina ita-nia moris ohin loron. 

Imajen bibi-atan ne'e signifikativu tebes. Iha tempu uluk, tempu biblikal nian, bibi-malae no bibi-timur sira dala barak Han hamutuk iha pastajen ida, maibé sira-nia natureza la hanesan. Bibi-malae halo tuir sira-nia bibi-atan nia lian, fiar no depende ba bibi-atan. Maibé bibi-timur ne'e independente liu, la tuir bibi-atan ninia lian. Jesus uza ai-knanoik ne'e atu fó-hanoin ba ita katak: la sufisiente atu hatudu an hanesan ema di'ak hosi liur de'it- buat ne'ebé importante mak tuir Maromak Iha ita-nia fuan-laran.

Nu'udar Jesus bolu ita atu refleta/hatudu ninia domin, ita tenke husu ita-nia an: serake ita moris nu'udar ninia bibi-malae, halo tuir ninia lian no hatudu domin ba ema seluk hanesan nia hatudu ona ba ita? Serbí ema seluk, liuliu sira ne'ebé presiza, mukit no kbiit-laek, aktu sira ne'e mak dalan ida atu la'o tuir Jesus no fo onra ba Nia. Ita-nia asaun ba ema kiik no mukit sira hanesan serbí Na'i Jesus rasik Mateus 25:40).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La iha buat ida mak bele haketak ita

Tanba hau fiar duni katak la iha buat ida - mate ka moris, ka anju sira, ka ukun nain sira, ka buat sira nebee iha agora, ka buat sira nebee atu mai, ka kbiit, ka buat aas, ka buat klean, ka buat seluk-seluk tan iha kriasaun tomak - la iha buat ida nebee bele haketak ita hosi Maromak nia domin, iha Kristu Jesus ita nia Nai. Roma 8:38-39

Paulo nia liafuan iha Roma 8:38-39 asegura katak fiar-na'in sira seguru iha Maromak nia domin liuhosi Kristu. Versikulu ne'e ko'alia ho klaru katak la iha buat ida (luta internal ka esternal) ne'ebé bele haketak ita hosi ligasaun entre fiar-na'in ho sira-nia Salvador. 

Tema grande konflitu entre forsa nakukun no naroman subliña iha testu ida-ne'e. Ita moris iha universu ida ne'ebé iha funu espirituál laran, iha ne'ebá satanas buka atu deskoraje, lohi no destroi ita. Maski nune'e, apóstolu Paulo hatete ho aten-barani katak maski forsa nakukun boot halo nusa mós, la bele halakon Maromak nia domin ba ita. Domin Kristu nian, ne'ebé hatudu liuhusi Ninia moris, mate, no halo interasau/orasaun iha fatin sagradu iha lalehan, nafatin metin. 

Importante liu mak domin ne'e la'ós de'it kona-ba sentimentu, maibé mós kona-ba redensaun. Ohin loron, Kristu kontinua serbí iha santuariu iha lalehan, iha ne'ebé Nia kontinua halo orasaun ba ita (Ebreu 7:25).

"Tanba nee, Nia bele salva too kompletu duni sira nebee hakbesik ba Maromak liu hosi Nia. Tanba Nia sempre moris atu halo orasaun ba sira" Ebreu 7:25

Ita-nia fiar la'ós bazeia ba ita-nia sentimentu ka situasaun, maibé bazeia ba Kristu Nia serbisu ne'ebé hotu ona no kontinua halo advokasia ba ita. 

Kuandu ita hasoru susar, lakon, ka ta'uk, Roma 8 fó-hanoin ba ita kona-ba lia-loos ne'ebé nunka lakon: Maromak nia domin la fraku. Maromak Ninia domin la muda tamba ita-nia falla/monu no lakon iha tempu balu. Maromak Ninia domin ne'e ba nafatin, konsisten, no personal. 

Biarba versikulu ida ne'e hametin ita-nia laran, ohin loron. Tamba ita la'os depende ba ita-nia kbiit rasik, maibé ba Maromak ne'ebé Ninia domin boot - mate no moris la bele halakon domin ne'e. 

Reflesaun: 

Serake ita tau fiar tomak ba Kristu nia domin ohin loron, ka husik sentimentu tauk domina ita? Intrega an ba Maromak no reklama vitoria ne'ebé paulo deskrebe - domin rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fatuk ida nebee badaen sira rejeita

Imi seidauk lee Eskritura nee ka? ‘Fatuk ida nebee badaen sira rejeita, ida nee sai fatuk ulun iha lidun. Marcos 12:10 BK

Iha Marcos 12:10, Jesus temi Salmo 118 atu konfronta ka hasoru ulun-nain relijiaun sira ne'ebé la simu Nia. Jesus hatudu ninia an nu'udar "fatuk lidun ne'ebé ema rejeita". Ida-nee mak hanesan imajen poderozu ida ne'ebé hatudu oinsá Maromak sempre halo serbisu iha dalan ne'ebé ita la espera. Buat ne'ebé ema soe tiha, Maromak uza nu'udar fundasaun. 

Jesus la'os Mesias ne'ebé Ulun-nain sira espera. Saida mak sira espera? Sira buka podér polítika no glória mundu nian, maibé saida mak Na'i Jesus oferese? Jesus oferese haraik-an, sakrifísiu no konvite atu arrepende an. Sira la simu Nia, maibé Maromak tane aas Nia hodi halo Nia sai nu'udar fatuk salvasaun nian. Agora buat hotu tenke aliña ho Nia no depende ba Nia. 

Iha ita-nia moris rasik, dala ruma ita rejeita buat ne'ebé la tuir ita-nia espetativa - Rejeisaun bele ba pesoál ida, susar ida, ka Maromak nia konvite rasik liuhosi Ninia hanorin sira iha Sagrada Eskritura. Maibé Marcos 12: 10 fó-hanoin ita katak dala barak Maromak harii ninia serbisu ne'ebé boot uza buat ne'ebé ita haree hanesan la vale.

Reflesaun: 

serake iha dalan ruma ne'ebé ita rejeita Maromak nia serbisu tanba ida-ne'e la tuir ita-nia espetativa, latuir ita-nia tradisaun, la tuir ita-nia fiar tradsionál, la tuir buat ne'ebé ita gosta? Husik Jesus, nu'udar fatuk-sasukat ka fatuk fundasaun, aliña Ita-nia laran halo sai loos tuir Maromak Ninia hakarak. Simu no benvindu Nia la'ós de'it hanesan Salvador, maibé hanesan fundasaun ba ita-nia moris tomak. 

Orasaun:  Nai Jesus, obrigadu tanba Ita mak fatuk-sasukat. Perdua ami-nia sala tanba dala Barak ami rejeita Ita-nia planu, ita-nia konvite sira. Ajuda Ami tau fiar ba Ita-nia planu no dezeñu sira no harii ami-nia moris ne'ebé funda iha ita boot de'it. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Moris ne'ebé nakonu ho agradesementu

Tama ba Ninia portaun ho agradese, no tama ba Ninia pátiu hodi hahii Nia! Foo agradese ba Nia, hahii Ninia naran! Salmu 100:4 BK

Serake ita hato'o ita-nia agradesementu, bainhira ko'alia ho Maromak? Mundu ne'ebé hale'u ita la enkoraje ita atu fó agradesementu. Hanorin sira iha mundu ne'e, hanorin ita atu tau matan ba ita-nia an hodi bele hetan buat ne'ebé ita hanoin ita merese hetan. 

Maski nune'e, ema kristaun tenke sai ema ne'ebé agradese liu iha mundu ne'e tanba Maromak fó ona buat hotu mai ita. Tiago 1:17 fó-hanoin ita katak prezente di'ak hotu mai husi Maromak. Ida-ne'e hatudu katak Maromak sempre hatudu laran-di'ak ba ita. 

Maromak la'ós de'it fó ona moris no iis-moris, maibé Nia mós fó ona ba ita prezente gratuita - moris rohan-laek. Maromak fó dalan ba ita atu iha relasaun di'ak ho Nia liuhusi Jesus nia mate no moris-hias. Ida ne'e mesak de'it mós sufisiente ba ita atu moris ho gratidaun no sempre agradese ba Maromak. 

Tanba buat ne'ebé Maromak halo ona ba ita, ita-nia laran tenke kontinua hato'o agradesementu ba Maromak. Maski nune'e, dala barak ita murmura tanba buat sira-ne'e la akontese tuir ita-nia hakarak. Ita murmura tanba ita la iha buat ne'ebé ita hanoin ita merese atu hetan. No bainhira ita murmura no protesta barak liutan, ita-nia laran sai aat liután.

Agradese ba Maromak tamba Salmo 100 fo ba ita ai-moruk ne'ebé bele kura hahalok-aat hanesan protesta no murmura: mak agradesementu. Agradesementu mak hanesan toman espirituál ida ne'ebé ita presiza intensionalmente dezenvolve liuhosi kontinua prátika toman ne'e. Ita bele prátika ida ne'e liuhosi foti tempu kada loron ko'alia ho Maromak, no agradese ba Maromak tanba buat hotu ne'ebé Nia halo ona mai ita. Ita mós bele hatudu ita-nia agradesementu liuhosi fó-hatene ba ema seluk katak ita agradese tebes ba sira-nia kontribuisaun ba ita-nia moris. 

Tan ne'e, bainhira ita hakarak protesta no murmura, hanoin didi'ak kona-ba Maromak Nia domin no laran-di'ak iha ita-nia moris. Duke murmura no protesta kona-ba moris ne'e, di'ak liu espresa ita-nia agradesementu ba Maromak no ba buat hotu ne'ebé Nia fó ona ba ita. Kontinua alista kona-ba buat ne'ebé halo ita agradese ba Maromak no kontinua aumenta ba lista ne'e iha semana tomak. Bainhira ita halo ne'e ona, haree to'ok oinsá ita-nia Hanoin no laran komesa transforma tamba hahalok simples: agradesementu ba buat sira ne'ebé ita iha 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sai manu-ain ba lia-foun di'ak

Maibee oinsaa mak sira bele bolu ba Nia se sira la fiar? No oinsaa mak sira bele fiar iha Nia se sira nunka rona kona ba Nia? No oinsaa mak sira bele rona se la iha ema ida atu haklaken? Roma 10:14 BK

Pauza iha momentu balu no refleta kona-ba ita-nia papél hanesan manu-ain (messenger) ba evanjelu (lia-fuan di'ak). Serake ita boot ativanente fahe Kristu Nia domin ba ema sira ne'ebé hale'u ita? Serake ita buka atu sai nu'udar sasin moris kona-ba Maromak Ninia grasa? 

Karik ita lee apóstolu Paulo nia konvite atu "haklaken" iha Roma 10:14 no hanoin katak konvite ne'e rezerva ba pastor, misionariu no mestri hanorin biblia sira. Maibé Iha fatin ne'ebé de'it ita horik ba, iha ita-nia uma, fatin servisu, no komunidade sira, bele sai nu'udar fatin haklaken bainhira ita hakarak sai instrumentu Maromak nian. Iha fatin sira ne'ebé haree hanesan baibain ne'e, ita bele fahe Kristu Ninia domin liuhusi hato'o mensajen ba rona-nain sira atu lori dame ba sira-ne'ebé neon susar, liman ne'ebé ajuda sira ne'ebé presiza, ka liafuan korajen no esperansa ba sira ne'ebé la iha esperansa. 

Nu'udar Kristu nia dixipulu, ita hotu kualifikadu atu fahe esperansa ne'e no fó korajen ba ema seluk! Buat ne'ebé Maromak hakarak mak obedese no hakarak ita sai Ninia instrumentu hodi haklaken Ninia Liafuan di'ak sira. Iha ita-nia interasaun simples sira loronloron, ita bele sai Maromak Ninia instrumentu ba Maromak Ninia domin, no Sai manu-ain ba lia-fuan di'ak.

Nu'udar ema fiar-na'in, ita iha knaar atu fahe Jesus Kristu Ninia Evanjellu. Bainhira ita halo ita-nia an disponivel atu sai hanesan instrumentu Maromak nian, Espíritu santu fó podér ba ita. Maromak hili no fó podér ba ita. No fini sira ne'ebé ita kari, mesmuke ki'ik liu, iha podér atu habelar mensajen salvasaun nian.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Espiritu lia-loos nian

Maibee bainhira Espíritu lia loos nian mai, Nia sei lori imi tama ba lia loos hotu. Tanba Nia sei la koalia hosi Ninia aan rasik, maibee Nia sei koalia buat hotu nebee Nia rona. No Nia sei foo sai ba imi kona ba buat sira nebee atu mai. João 16:13 BK

Promesa boot ida hosi promesa sira iha Testamentu Antigu mak: katak loron ida Maromak Nia Espiritu sei hela iha Maromak Nia povu Nia leet. Antes ne'e, Maromak nia povu halo interasaun ho Maromak Nia prezensa iha templu laran. 

Hodi kumpre ba Eskritura, Jesus promete katak nia sei haruka Espiritu Santu atu fó matadalan no fó komfortu ba Maromak Nia povu. Ida ne'e iha implikasaun boot. Ida-ne'e signifika katak ema kristaun bele hetan asesu ba Maromak liuhusi Espiritu Santu ne'ebé hela iha ita-nia leet. Maromak Nia Espiritu hamutuk ho ita iha fatin ne'ebé de'it ita ba. 

Jesus temi iha João 16: 13 katak Maromak Nia Espiritu sei dirije ita ba lia-loos hotu. Maromak hakarak sai parte iha ita-nia moris loroloron nian, hodi ajuda ita no gia ita ba buat ne'ebé loos. 

Kuandu ita iha pergunta kona-ba diresaun saida mak ita atu foti iha ita-nia moris, Espiritu Santu iha ne'eba hodi ajuda ita. Kuandu ita la hatene saida mak loos ka sala, Espiritu Santu hamutuk ho ita atu ajuda ita halo desizaun. 

Jesus hatete katak Espiritu Santu sei ko'alia ba ita tuir Aman no Oan-Mane Nia hakarak. Espíritu Santu mós sei haforsa no ajuda ita atu komprende buat ne'ebé ita lee iha Eskritura. 

Durante semana ida-ne'e, haka'as an atu hanoin didi'ak kona-ba Espiritu Santu Ninia prezensa iha ita-nia moris. Fo hanoin ba ita-nia an katak Maromak hamutuk ho ita loroloron. Husu Espiritu Santu atu gia no fó naroman ba ita-nia dalan iha ita-nia moris, no gasta tempu atu halo orasaun atu Maromak fó komfortu no haforsa ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lalehan fó sai Maromak nia glória

Buat sira neʼebé iha lalehan fó sai Maromak nia glória; Sira haklaken kona-ba serbisu neʼebé nia halo ho ninia liman. Salmo 19:1 TMF

Salmu 19: 1 fó-hanoin ita katak kriasaun mak sasin ba Maromak nia majestade. Bainhira ita hateke ba lalehan, fitun sira ne'ebé nabilan iha kalan, loro-matan ne'ebé nabilan iha dader, no fulan ne'ebé fo naroman iha kalan hakmatek, iha buat sira ne'e hotu ita haree Maromak nia kbiit boot ida-ne'ebé la iha liafuan atu deskrebe, sira hatudu ho klaru Maromak nia glória. 

David, ema ne'ebé hakerek salmu, konvida ita atu pauza no hateke ba leten. Lalehan la nonook de'it; sira-nia ezistensia hatudu evidénsia katak iha Kriador ida ne'ebé iha kbiit no matenek ne'ebé kria buat hotu. Lalehan nia furak sira hatudu buat ne'ebé Maromak halo ona, hanesan dezeñu ida hatudu artista ne'e nia mstenek. Lalehan fó sai Maromak Ninia gloria ba mundu tomak.

Iha mundu ne'ebé nakonu ho barullu, distrasaun, no inserteza, versikulu ida-ne'e bolu ita atu rekoñese Maromak nia lian iha Ninia kriasaun. Ida-ne'e fó korajen ba ita atu haree Maromak liutan Iha natureza - atu haree Maromak nia obra bainhira loro-matan sa'e Kada dader, iha kalohan hotu, no fitun iha kalan. 

Husik versikulu ne'e inspira ita ohin loron. Uza tempu balu atu adora Maromak ne'ebé halo buat hotu. Maromak la dook hosi ita. Nia sempre hatudu Ninia an liuhosi buat ne'ebé Nia kria ona inklui kriasaun iha lalehan leten aas ba. Biarba ita-nia matan sei nakloke ba ninia glória, no biarba ita-nia laran responde ho hahi'i ba Maromak. 

Nai, loke ami-nia matan atu haree Ita-nia glória iha kriasaun hotu. Ajuda ami atu haree Ita-nia Gloria ne'ebé Ita hatudu iha lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Liafuan ne'ebé hametin

Keta koalia aat ho imi nia ibun. Maibee koalia deit buat nebee diak atu hametin ema, tuir tempu loos, hodi imi bele foo grasa ba sira nebee rona. Efezu 4:29 BK

Karik Ita reprezenta ona ema ruma ka buat ruma? Bainhira ita pertense ba grupu ruma, ka ita reprezenta ema ida, saida mak ita hatete no oinsá ita hatete ne'e importante. Buat saida de'it ne'ebé ita hatete mak refleta ema ka buat ne'ebé ita reprezenta. 

Nu'udar ema kristaun, ita reprezenta Jesus. Apóstolu Paulo hatete katak ita mak embaixador ka reprezentante husi Kristu tanba Nia fizikamente la iha ona iha mundu atu serbí ema (2 Korinto 5:20). Tan ne'e, Jesus serbisu liuhusi Ninia povu atu halo buat ne'ebé nia hakarak halo iha mundu. 

Tanba buat hotu ne'ebé ita hatete no halo mak Jesus nia reprezentasaun, ita presiza hili ita-nia liafuan ho matenek. Kuandu ita uza liafuan atu ko'alia gossip ka lia-bosok, hakanek ka estraga ema, ita la reprezenta Jesus Nia laran no karakter. Maibé bainhira ita uza liafuan atu enkoraje ema ida, ita-nia liafuan iha potensiál no utíl ba ema seluk. 

Dalaruma ita hatene ita-nia liafuan iha kbiit ka podér. Serake iha ema ruma hatete ona ba Ita buat ruma ne'ebé halo ita-nia laran moras? Ka ita bele hanoin ema ruma ne'ebé ko'alia ona lia-fuan murak Hodi tane ita ligadu ho susesu ruma? Karik ita sei bele hanoin to'o agora oinsá mak situasaun sira-ne'e halo ita sente. 

Karik Ita la bele kontrola buat ne'ebé ema hatete ba Ita, maibé Ita bele kontrola buat ne'ebé Ita hatete ba ema seluk. Tan ne'e, foti momentu balu atu hanoin kona-ba buat ne'ebé foin lalais ita ko'alia sai ona. Serake iha buat ruma ne'ebé Ita hatete ne'ebé presiza hetan perdua? Ohin loron, hili atu reprezenta Kristu no ninia karakter hodi ko'alia liafuan ne'ebé di'ak no ajuda ema.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La'o liuhusi susar sira

Haksolok ba ema nebee tahan bainhira nia hasoru tentasaun. Tanba bainhira nia manaan tiha, nia sei simu koroa moris nian. Nai promesa ona koroa nee ba sira nebee hadomi Nia. Tiago 1:12 BK

Mai ita ko'alia kona-ba mitus ida ne'ebé hatete katak Lao tuir Maromak sei lahetan terus. Realidade mak ne'e: Iha fatin ne'ebé de'it iha Biblia, Maromak nunka promete ba ita moris ne'ebé perfeitu, ne'ebé livre husi problema. Faktu hatudu katak, dala barak iha Biblia, ema ne'ebé halo tuir Kristu hetan presegisaun, terus, sira hetan atake ka hasoru susar oioin. 

Iha karta husi Tiago ba ema kristaun sira iha apóstolu sira-nia tempu, Tiago fó-hatene sira kona-ba susar oioin ne'ebé sira sei hasoru iha sira-nia moris. Apóstolu Paulo dehan nune'e:

"Haksolok ba ema nebee tahan bainhira nia hasoru tentasaun. Tanba bainhira nia manaan tiha, nia sei simu koroa moris nian. Nai promesa ona koroa nee ba sira nebee hadomi Nia" Tiago 1:12 BK

Kuandu ita haree susar sira hanesan dalan Ida atu sai hanesan Jesus, ita sei hetan bensaun. 

Karik ita bele hanoin fali kona-ba tempu susar iha ita-nia moris ne'ebé liu ona. Karik ita bele haree oinsá mak Maromak hadi'a ita-nia karakter no hasai ita hosi susar sira ne'e. Dala barak Maromak servisu atu hakle'an no hadi'a liután ita-nia karakter liuhosi susar sira ne'ebé ita hasoru maski ita la haree no la senti. 

Karik agora , ita hasoru hela tempu susar sira-ne'e. Tau versikulu ida ne'e iha ita-nia fuan laran! Ita bele hamriik metin no tahan nafatin, tanba ita hatene katak iha lalehan sei iha premiu ne'ebé Maromak promete ona. Maski ita la hetan kolen ka premiu iha mundu ida ne'e, maibé Jesus fó esperansa ba ita atu tahan hasoru susar sira ne'ebé ita hasoru ohin loron. 

Se ita la'o iha tempu susar iha ita-nia moris, medita kona-ba Maromak nia promesa sira ne'e. Maromak promete katak nia sei nunka abandona ka husik ita, maibé la'o hamutuk ho ita liuhusi susar sira ne'e. No bainhira terus sira ne'e remata, ita sei sai hanesan Kristu. 

Foti momentu balu hato'o agradesementu ba Maromak tanba nia fidelidade no domin iha ita-nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Keta hanoin barak, iha buat hotu halo orasaun

Keta hanoin barak kona ba buat ida. Maibee iha buat hotu, liu hosi orasaun no harohan, hamutuk ho agradese, hatoo imi nia pedidu sira ba Maromak. No Maromak nia dame, nebee aas liu fali kompriensaun hotu, sei tau matan ba imi nia fuan laran no neon liu hosi Kristu Jesus. Filipe 4:6-7

Prekupasaun ka hanoin resij dala barak mai nonok iha ita-nia fuan laran hanesan ababu taka rai. Dala barak ita hanoin resik kona-ba futuru, relasaun, osan, ka saúde, buat sira ne'e bele halo ita sente laran-tun no halo ita toba la dukur. Maibé iha Filipe 4: 6-7, Paulo fó-hatene ita kona-ba buat ne'ebé simples maibé kbiit boot: "lori buat hotu ba Maromak liuhusi orasaun". 

Nota katak Paulo la hatete: "Keta hanoin barak, hanoin positivu de'it" Nia dehan, halo orasaun. Ko'alia ho onestu ba Maromak kona-ba Ita-nia ta'uk no presiza. Husu ba Maromak. Aprezenta buat hotu, maibé halo ida-ne'e ho agradesementu. Tanbasá? Tanba hanoin-hetan Maromak nia laran-metin iha tempu uluk, ida-ne'e hametin ita-nia fiar ba Maromak ninia arranju iha futuru. 

Tuirmai, Maromak promete: "Maromak nia dame". Ne'e la dehan katak ita-nia problema lakon kedas, maibé ninia dame sei "guarda" ita-nia laran no neon hanesan abrigu. Dame ne'e la iha ligasaun ho situasaun sira, maibé dame ne'e nia abut mak iha Kristu Jesus. 

Pergunta ba reflesaun: 

Prekupasaun saida de'it mak iha ita-nia laran ohin loron? 

Serake Ita Lori ona ita-nia prekupasaun sira ne'e ho onestu ba Maromak ho agradesementu? 

Oinsá ita esperiensia Maromak Ninia dame iha tempu susar sira iha pasadu? 

Orasaun: Nai, obrigadu ba Ita-Boot tanba ha'u bele mai hasoru Ita ho ha'u-nia prekupasaun hotu. Ajuda ha'u atu halakon ha'u-nia laran-susar no tau fiar ba Ita-nia laran-di'ak. Hakonu ha'u ho Ita-nia dame no proteje ha'u-nia laran no neon iha Kristu Jesus. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak kria ita iha Kristu Jesus

Tanba Nia mak halo ita. Nia kria ita iha Kristu Jesus atu halo buat nebee diak. Maromak prepara uluk hahalok diak nee atu ita bele lao tuir buat sira nee. Efezu 2:10 BK

Versíkulu ne'e fó-hanoin ita kona-ba lia-loos ne'ebé kle'an: Maromak la kria ita tamba asidente. Ita mak Maromak Ninia traballadór sira. Iha mundu ne'ebé dala barak defini ita-nia valór liuhosi ita-nia susesu, Paulo nia liafuan ko'alia kle'an kona-ba ita-nia identidade. Maromak rasik mak kria ita ho kuidadu no ho intensaun. 

"Kria iha Kristu Jesus" signifika katak ita-nia ojetivu moris so bele hetan iha Jesus. Liuhusi ita-nia relasaun ho Kristu mak ita bele hetan transformasaun atu bele kumpre Maromak nia ojetivu ne'ebé nia fó ona ba ita-nia moris.

"Hahalok di'ak sira" ne'ebé temi iha versikulu ne'e la'ós serbisu ne'ebé ita halo atu hetan laran-sadi'a; knaar sira-ne'e mak knaar divinu ne'ebé Maromak fo, ne'ebé Maromak prepara ona ba ita ida-idak. 

Ida-ne'e halo ita-nia moris loroloron nian sai importante tebes. Hahalok laran-di'ak hotu, asaun ksridade hotu, hahalok fidelidade hotu, desizaun hotu ne'ebé ita hili atu serbí duke atu hetan serbí, mak parte ida husi lao tuir serbisu sira ne'ebé Maromak prepara ona ba ita. Ita bele halo serbisu sira ne'e liuhosi moris tuir espíritu santu Ninia diresaun. 

Serake ita la'o tuir buat ne'ebé Maromak prepara ona ba ita? Husu ba Nia ohin atu loke ita-nia matan ba oportunidade sira ne'ebé hale'u ita. Fiar katak Maromak fó ona ba ita kapasidade atu halo serbisu di'ak sira ne'e, no hanoin ba katak ita mak ninia Ninia serbisu na'in sira, ne'ebé Maromak kria atu atinji Ninia ojetivu divinu sira. 

Nai, obrigadu ba Ita-Boot tanba Ita kria ami ho ojetivu ida. Ajuda ami atu halo serbisu di'ak sira ne'ebé Ita prepara ona. Uza ami-nia moris atu fó glória ba Ita. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Objetivu hosi Jesus Ninia moris

Nia sei tuur ahi oan mane ida, no o sei hanaran Nia Jesus, tanba Nia sei salva Ninia povu hosi sira nia sala. Mateus 1:21 BK

Imajina, bainhira Maria no Jose sei finaliza sira-nia lista konvidadu sira no hili dosi kazamentu nian, Maria halo Jose hakfodak ho novidades katak - nia ne'ebé virjen, isin-rua ona.

Jose hanoin katak Maria la fiél ba nia, tan ne'e Jose hakarak kansela prenda ne'e. Maibé bainhira nia hanoin hela estratejia oinsá atu kansela prenda ne'e, Nai Nia anju ida mosu ba nia iha mehi ida - hodi dehan ba Jose labele ta'uk atu hola Maria nu'udar ninia feen, tanba bebé ne'e mai husi Espiritu Santu. 

"Nia sei tuur ahi oan mane ida, no o sei hanaran Nia Jesus, tanba Nia sei salva Ninia povu hosi sira nia sala" Mateus 1:21 BK

Milagre ne'e hanesan kumprimentu ba profesia atus ba atus kona-ba Mesias, Salvador, ka "Ida ne'ebé Maromak hili ona", ne'ebé hakerek iha Testamentu Antigu. Bainhira Jesus sei iha Maria ninia kanotak, Jesus Ninia ojetivu fo sai ona: atu salva Ninia povu husi sira-nia sala. Tanba antes Maromak kria mundu, ninia planu mak atu salva mundu ne'e. 

Buat ne'ebé interesante mak ne'e, ita la hili tempu, fatin, Isin, ka familia ne'ebé Ita moris ba! Loos ka lae? Maibé Maromak halo ita ezisti iha ne'e agora, ho ojetivu rasik. 

Ita-nia ezistensia hakerek ona iha Maromak Ninia istória ida-ne'ebé hakerek daudauk husi tempu hahu kedas. No Jesus Ninia sakrifísiu atu fo salvasaun husi ita-nia sala no selu debe ka tusan ne'ebé ita nunka bele selu, ne'e estende ona mai ita.

Saida mak pekadu? Pekadu mak la halo tuir Maromak Ninia ukunfuan sira (1João 3:4). Pekadu mak hili ita-nia dalan rasik duke Maromak nia dalan. Pekadu mak kontra hasoru Maromak Ninia planu sira. No ita hotu halo ona ida-ne'e - ita hotu la tuir Maromak nia standard ne'ebé loos. Maibé, tan ne'e mak Maromak haruka Jesus mai, tanba Nia hadomi tebes ita. 

Hanesan soldadu ida-ne'ebé sakrifika ninia moris ba ninia família, belun, ka nasaun, Jesus fó ninia moris tanba mundu ne'e. 

Se ita nunka simu prezente salvasaun nian, ohin mak ita-nia loron, no momentu agora mak ita-nia momentu. La iha buat ida mak ita bele halo atu hetan, maibé ita bele hakbesik ba Nia, ho kondisaun reál ne'ebé agora ita iha. Mai de'it ba Na'i, Nia Hein hela ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bensaun Sabadu nian

Maromak foo bensaun ba loron hitu, Nia halo loron nee santu, tanba iha loron nee Nia deskansa hosi Ninia servisu hotu nebee Nia halo iha kriasaun nee. Jénesis 2:3 BK

Husi tempu uluk kedas, Maromak haketak loron dahitu nu'udar tempu deskansa no Nia hasantu loron ne'e. Jenesis 2: 3 fó-hanoin ba ita katak loron Sabadu la mosu iha tempu ikus, maibé ida-ne'e Maromak fo iha inisiu kedas, hanesan parte ida husi Maromak nia dezeñu ne'ebé perfeitu ba ita ema. Sábado hanesan instituisaun divinu, Maromak kria la'os de'it ba deskansa fiziku maibé mós atu renova ita-nia vida espirituál no ita-nia relasaun ho kriadór.

Liuhusi fo bénsaun no hasantu loron dahitu, Maromak fó-hanoin ba ita semanalmente kona-ba Ninia podér nudar kriadór no Ninia domin hanesan Aman. Ida-ne'e signifikante tebes tamba, ida ne'e akontese antes sala tama iha mundu. Loron Sabadu ne'e Maromak fo kedas iha Eden hatudu katak ida-ne'e la'ós de'it ba ema judeu sira ka ritual ida de'it iha Testamentu tuan, maibé ida ne'e prezente ba ema hotu.

Iha mundu ne'ebé ema hahii produtividade, loron Sabadu konvida ita atu pauza no hanoin kona-ba ita ne'e se no ita ne'e se nian. Loron sábado mak loron haksolok ba Maromak Ninia kriasaun, atu hanoin fali kona-ba Ninia laran-di'ak, no atu adora Maromak hanesan kriadór. 

Biblikamente, hasantu loron sábado la'os kona-ba legalidade maibé kona-ba relasaun ho ita-nia kriadór. Hasantu loron dahitu, loron sábado hanesan espresaun fé katak Maromak sei fornese no fiar ba tempu ne'ebé Maromak determina (la'os ema). Kuandu ita hasantu loron Sabadu, ita aliña ita-nia an ho ritmu Maromak nian no haburas dame ne'ebé Nia fo. 

Reflesaun: Oinsa mak ita bele prepara an atu deskansa no halo relasaun di'ak ho Maromak iha loron Sabadu ne'e? 

Orasaun: Nai, obrigadu ba prezente Sabadu nian. Ajuda ha'u atu fó onra ho haksolok no hakbesik liután ba Ita-Boot kada semana. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá atu serbi hanesan Jesus

Entaun se Hau, nebee imi nia Nai no Mestri, fasi ona imi nia ain, nunee imi mos tenki halo ida nee ba malu, atu fasi imi nia maluk nia ain. João 13:14 BK

Bainhira ita haree imajen ulun-nain ida, serake ita haree ita-nia an rasik? 

Ita hotu iha área influénsia nian, ne'e signifika katak ita ida-idak iha kbiit atu lidera. No se ita la'o tuir Jesus, ita hetan konvite atu halo tuir ezemplu lideransa nian ne'ebé Nia fó sai ba ita, iha fatin ne'ebé de'it ita hela, iha buat saida de'it ne'ebé ita halo. 

Bainhira Jesus fase ninia dixipulu sira-nia ain, Nia hatudu katak sira presiza hamoos sira-nia espirituál ka sira-nia relasaun ho Maromak, maibé Nia mós hatudu ba sira saida mak Ninia standard ba lideraransa. Atu lidera hanesan Na'i Jesus, Ninia dixipulu sira presiza haraik-an hanesan Jesus no halo sakrifisiu atu serbí ema seluk.

"Tanba Ema Nia Oan mos la mai hodi ema bele serví Nia, maibee Nia mai hodi Nia bele serví ema, no foo Ninia moris hodi hola fali ema barak" Marcos 10:45 BK

Iha apóstolu sira-nia tempu, serbisu fase ain ne'e, knaar atan sira nian. Nune'e saida mak Jesus halo ne'e hanesan buat radikál ida no Nia haruka ninia dixipulu sira atu halo buat ne'ebé hanesan. Ida-ne'e sei tau dixipulu ida-idak iha pozisaun nu'udar atan. 

Maibé atu sai boot iha Jesus Nia oin, ita tenke serbí ema seluk ho sakrifísiu. No atu ita bele sakrifika an hodi serbí ema seluk, ita tenke haree ema seluk di'ak liu fali ita-nia an.

Ida-ne'e la signifika katak ita hatún an ka hanoin ita-nia an menus iha ema seluk nia leet. Ida-ne'e signifika katak ita la haree ita-nia an nu'udar ema ne'ebé boot liu ka kiik Liu fali ema seluk. Maibé ita haree ita-nia an hanesan Jesus haree ita: nu'udar ema ne'ebé merese hetan serbí no merese atu serbí ema seluk mós. 

Tanba Jesus nia domin mak nia serbí Ninia dixipulu sira, no tanba nia hadomi ita mak Nia leba krús ho hakarak rasik iha foho Kalvariu. Jesus hatudu ba ita katak se ita hakarak sai lider, ita presiza serbí ema seluk ho haraik-an. 

No se ita hakarak atu lidera hanesan Jesus, ita presiza sai hanesan Nia. 

Tan ne'e, agora husu ba Jesus atu hatudu oinsá ita haree ita-nia an no oinsá ita haree ema seluk ne'ebé Maromak tau iha ita-nia moris. Tuirmai, husik Maromak hatudu ba ita oinsá mak ita bele serbí ema seluk ho domin. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More