Maibee agora Nai hatete, Nia nebee kria ona o, Oh Jacó, no Nia nebee forma o, Oh Israel, “Keta tauk, tanba Hau hola fali o tiha ona, Hau bolu ona o ho o nia naran. O mak Hau nian.” Isaias 43:1 BK
Iha Isaias 43: 1 Maromak ko'alia ba ninia povu ho mensajen kona-ba esperansa no korajen:
"Keta tauk, tanba Hau hola fali o tiha ona, Hau bolu ona o ho o nia naran. O mak Hau nian.” Isaias 43:1 BK
Liafuan sira-ne'e fó-hanoin ita kona-ba ita-nia se no ita ne'e se nian.
Maromak mak ita-nia Kriador no mós ita-nia redentor. Nia mak Ida ne'ebé forma ita, no nia homan ita hamutuk iha ita-nia inan nia knuuk laran (Salmo 139:13), no nia mak Ida ne'ebé fo redensaun ba ita, no Nia lori fali ita ba relasaun di'ak ho Maromak liuhusi Na'i Jesus.
Ita bele hakmatek ho dame hodi hatene katak Maromak iha lalehan la haluha ita no la husik ita, maibé Maromak ne'ebé kria universu hatene no tau matan ba ita.
Kuandu Maromak hatete: "Keta ta'uk," nia la haluha dezafiu ne'ebé ita hasoru. Nia rekoñese duni ita-nia ta'uk tan ne'e Nia fó komfortu iha Ninia prezensa. Dala barak ita ta'uk tanba ita sente mesamesak ka la iha serteza, maibé Maromak nia promesa ne'e klaru: Nia bolu ona ita-nia naran no ita ne'e mak Maromak nian. Ita mak Maromak nian, maski ita hasoru dezafiu saida de'it.
Maski ita la'o iha tempu ne'ebé la iha serteza, hasoru susar ka dezafiu ruma, ka lori todan ruma iha ita-nia laran, versikulu ida ne'e konvida ita atu hakmatek iha lia-loos katak ita hetan ona redensaun, Na'i koñese ita no hadomi ita.
Maromak Ninia xamada ne'e sei la nakdoko. Ohin loron, hamriik metin iha promesa ne'e no la'o ba oin ho korajen, tanba ita hatene katak ita nunka mesak tamba Maromak sempre tau matan ba nia.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
0 comments:
Post a Comment