Fatu interesante 22 kona-ba Bíblia

1. Bíblia hakerek iha dalen tolu
Dalen sira ne'e mak Ebreu,  Aramaic, no Greek. Testamentu tuan maioria hakerek ho dalen Ebreu. Parte balu hosi Testamentu tuan hakerek iha dalen  Aramaic (Ezemplu , Libru Ezra no Daniel). Testamentu foun hakerek iha dalen Greek;

2. Totál liafuan iha Bíblia Sagrada  mazumenus 611,000 (Iha lian orijinál totál liafuan iha Bíblia Sagrada  mazumenus 611,000, maibé bainhira traduz ba lian oinoin, iha variasaun no totál liafuan dalaruma sai barak liu atu esplika nia sentidu hosi dalen orijinál);

3. Libru ne'ebé naruk liu iha Bíblia mak Salmo ho kapítulu 150. Iha liafuan  43,743;

4. Libru ne'ebé badak liu iha Bíblia mak   3 João, so iha kapítulu 1 de'it no liafuan 299;

5. Bíblia hakerek hosi mazumenus autór na'in  40;

Moizés hakerek libru 5 dahuluk iha Testamentu tuan (Génesis, Éxodos, Levitico Números, Deuteronomo). Libru balu ita lahatene nia autór;

6. Bíblia hakerek hosi ema ho background oinoin (Parte balu hakerek hosi Liurai sira, ezemplu Salmo, Provérbios, Ecclesiastes.  Parte seluk hakerek hosi agrikultór, peskadór, ema ne'ebé halo tenda, profeta, Doutór, Eskriba profesionál, kantór, pastór etc);

7. Libru sira iha antigu Testamentu nia aranjamentu diferente iha Judaismo. Bíblia ne'ebé baibain ita uza tradús hosi Inglesh no aranja tuir tipu  literatura.  Tan ne'e iha Testamentu tuan, libru lei Moizés nian uluk, tuir mai istoria iha rai promesa, depois libru kona-ba sabedoria no poezia, no libru profeta sira nian. Maibé iha Judaismo, nia aranjamentu diferente.  Purezemplu, libru Torah ka lei uluk, tuir kedas ho profeta sira (kombinasaun profeta no istoria), depois mak hakerek sira hanesan poezia, istoria, no libru profesia. Aranjamentu hanesan ne'e, libru ikus liu mak Crônicas  la'os Malaquias;

8. Iha mazumenus knananuk 185 iha bíblia. Hosi knananuk 185 ne'e,  150  iha libru Salmo;

9. 1Reis no 2Reis divide depoisde hakerek.  Karik 1Reis no 2Reis junta hamutuk karik, sira sai libru ne'ebé naruk liu iha Bíblia.1Reis no 2Reis nia orijinál libru ida de'it. Nune'e mós 1Samuel & 2 Samuel no 1Crônicas & 2Crônicas;

10.  Bíblia, hakerek iha benua/  continents tolu. Maioria hakerek iha Israel (Asia), parte balu hosi Jeremias hakerek iha   Egypt (Afrika) no Libru Testamentu balu hakerek iha sidade balu iha Eropa;

11. Bíblia hakerek durante mazumenus tinan1500-1600 nia laran hosi ema na'in 40 ka liu. Tempu hakerek entre tinan 1500 BC to'o AD 100;

12. Divizaun Bíblia
Bíblia hanesan libru ida, maibé iha laran kontein libru 66. Libru Testamentu tuan hakerek antes Kristu moris no Testamentu foun kobre Na'i Jesus Nia moris  no depoisde Nia mate;

13. Maioria kada libru iha bíblia divide ba kapítulu no versikulu;

14. Iha libru 5 mak la fahe ba kapítulu, sira ne'e mak: Obadiah, Philemon, 2 João, 3 João, no Judas. Libru sira ne'e kiik no so fahe de'it ho versikulu;

15. Kapítulu iha bíblia introdús iha tinan   1238 hosi Kardinal Hugo de S. Caro. Maibé versikulu iha bíblia foin aumenta iha bíblia iha tinan  1551 hosi Robertus Stephanus;

16. Bíblia Inglesh versaun  King James kontein liafuan 788,258, versu 31,102,  Kapítulu 1,189 ,  no libru 66;

17. Versu ne'ebé badak liu iha lian Inglesh mak João 11: 35, ho liafuan 2 de'it  "Jesus tristi";

18. Kapítulu Bíblia ne'ebé naruk liu mak  Salmo 119 ho totál versu 176;

19. Kapítulu libru ne'ebé badak liu mak Salmo 117, so iha de'it versu  2;

20.   Versu ne'ebé naruk liu mak Esther 8:9 ho liafuan 90;

21. Libru ne'ebé ema fa'an barak liu mak Bíblia no libru ne'ebé ema na'ok barak liu mak Bíblia;

22. Liafuan ikus iha Bíblia mak Amen. Apokalipse 22:21.

Bíblia

Read More

Na'i Jesus Nia mai dahuluk iha Belein atu salva mundu

Maibé se ema ruma rona haʼu-nia liafuan no la halo tuir, haʼu la julga nia; tanba haʼu mai laʼós atu julga  mundu, maibé atu salva mundu. João 12:47

Se ita la haree ba nia kontestu, versu ida ne'e ita bele interpreta sala katak Na'i Jesus sei la julga pekadu, ne'ebé signifika katak ema hotu sei hetan salvasaun mesmu sira la fiar ba Na'i Jesus. Maibé se ita haree ba nia kontestu no ita lee versu anterior, Na'i Jesus espesifikamente hatete katak sira ne'ebé la fiar ba Nia sei moris iha nakukun laran (João 12:44–46). Ida ne'e koresponde ba Na'i Jesus Nia deklarasaun  kona-ba Nia papél iha ita nia salvasaun (João 8:12).

Parte ida hosi Na'i Jesus Nia hanorin mak, Na'i Jesus momoos hatete katak sira ne'ebé la simu Na'i Jesus  hó fé sei la hetan salvasaun  (João 3:36). Ikus mai, Na'i Jesus ko'alia ba ninia dixípulu sira katak la iha ema ida mai Aman Maromak se la liu hosi Nia  (João 14:6). Deklarasaun ida ne'e, subliña katak liafuan no hahalok ne'ebé Na'i Jesus halo mak liafuan no hahalok Aman Maromak nian  (Ebreu1:3; Kolose 1:15).

Bainhira Na'i Jesus mai dahuluk iha mundu, Nia moris no mate hanesan ema. Na'i Jesus nia komentariu iha João 12:48 fó hanoin ita katak Nia papél bainhira Nia mai dahuluk la'os finál no la'os atu halo julgamentu finál ba pekadu. Na'i Jesus ninia objetivu bainhira Nia mai dahuluk mak atu estabelese maneira oinsá ita ema bele hetan salvasaun (João 12:27–32).

Libru Ebreu fó hanoin ba ita katak bainhira Nia fila fali mai ba daruak, ninia papél mak sei ezekuta julgamentu finál (Ebreu 9:27–28). Bainhira Nia mai ba daruak, Nia sei sei la oferese tan perdaun ba sala   (Apokalipse 19:11–21). Iha tempu ne'ebá, Na'i Jesus sei separa sira ne'ebé fiar ba Kristu hosi sira ne'ebé la fiar (João 3:16–18).

Mai ita medita Na'i Maromak Nia futarlia loronloron no fiar no halo tuir Na'i Maromak Nia futarlia.

✝️✝️✝️✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

João 12:48

Read More

Seráke Na'i Maromak hatene motivu hosi ita Kritika ema?

Tanbasá mak la faʼan deʼit mina-morin neʼe ho folin denáriu 300 hodi fó ba ema kiak sira?” Nia koʼalia nuneʼe laʼós tanba nia hanoin ema kiak, maibé tanba nia ema naʼok-teen ida. Nia mak kaer kaixa osan nian, no nia iha toman  naʼok osan neʼebé tau iha kaixa neʼe nia laran. João 12:5-6

Judas Kritika Maria Magdalena nia hahalok "kose mina morin ba Na'i Jesus Nia ain ho mina morin ne'ebé karung tebes (Dináriu 300) atu fó onra ba Na'i Jesus (João 12:1–3). Judas nia kritika haree hanesan buat ne'ebé lojika (maibé nia motivu kritika mak sai kestaun). Nota katak Dináriu 300 ne'e ekivalente ho mazumenus salariu tinan ida nian ba traballadór baibain ida. Konserteza osan barak hanesan ne'e bele uza fo han ema kiak barak. Evanjellu Sn Marco mós hakerek buat ne'ebé hanesan  (Marco 14:3–11), katak tuir Judas nia hanoin, aktu ida ne'e para estraga osan de'it

Maibé motivu hosi Judas Isksriot nia kritika ne'e sai kestaun  (Mateus 27:3–7). Judas mak sai hanesan trezure grupu nian no nia bele foti osan iha kualker tempu. "Estraga osan" ne'ebé nia hatete iha ne'e mak osan ne'e tuir loos tama ba nia bolsu fakar estraga ba Na'i Jesus Nia ain, tanba nia ema na'ok-teen ida.

Ba ita sira ne'ebé kritika ita nia maluk sira ne'ebé halo asaun karidade ho laran tomak liuhosi ajuda ema, ema balu komesa hatete "Maksud?" Ka Ada apa dibalik ini semua?"

Dalaruma, loos duni katak aktu sira ne'e estraga duni, maibé husik ba, Na'i Maromak mak julga, tanba Na'i Maromak hatene ema idaidak nia laran (1 Samuel 16:7), la'os ita mak julga ita nia maluk sira  (João 7:24).

Bainhira, ita nia maluk balu fo sasan no halo sakrifisiu ho laran tomak atu ajuda ema, ita tenke fokus atu fó onra ba sira nia intensaun, la'os diskonfia ho asumsi oinoin.

Mai ita enkoraje malu atu sempre iha "positive thinking" ba ita nia maluk sira. Atu motivu loos ka Lae, biarbá Na'i Maromak mak julga.

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

João 12:6

Read More