Fatu interesante 22 kona-ba Bíblia

1. Bíblia hakerek iha dalen tolu
Dalen sira ne'e mak Ebreu,  Aramaic, no Greek. Testamentu tuan maioria hakerek ho dalen Ebreu. Parte balu hosi Testamentu tuan hakerek iha dalen  Aramaic (Ezemplu , Libru Ezra no Daniel). Testamentu foun hakerek iha dalen Greek;

2. Totál liafuan iha Bíblia Sagrada  mazumenus 611,000 (Iha lian orijinál totál liafuan iha Bíblia Sagrada  mazumenus 611,000, maibé bainhira traduz ba lian oinoin, iha variasaun no totál liafuan dalaruma sai barak liu atu esplika nia sentidu hosi dalen orijinál);

3. Libru ne'ebé naruk liu iha Bíblia mak Salmo ho kapítulu 150. Iha liafuan  43,743;

4. Libru ne'ebé badak liu iha Bíblia mak   3 João, so iha kapítulu 1 de'it no liafuan 299;

5. Bíblia hakerek hosi mazumenus autór na'in  40;

Moizés hakerek libru 5 dahuluk iha Testamentu tuan (Génesis, Éxodos, Levitico Números, Deuteronomo). Libru balu ita lahatene nia autór;

6. Bíblia hakerek hosi ema ho background oinoin (Parte balu hakerek hosi Liurai sira, ezemplu Salmo, Provérbios, Ecclesiastes.  Parte seluk hakerek hosi agrikultór, peskadór, ema ne'ebé halo tenda, profeta, Doutór, Eskriba profesionál, kantór, pastór etc);

7. Libru sira iha antigu Testamentu nia aranjamentu diferente iha Judaismo. Bíblia ne'ebé baibain ita uza tradús hosi Inglesh no aranja tuir tipu  literatura.  Tan ne'e iha Testamentu tuan, libru lei Moizés nian uluk, tuir mai istoria iha rai promesa, depois libru kona-ba sabedoria no poezia, no libru profeta sira nian. Maibé iha Judaismo, nia aranjamentu diferente.  Purezemplu, libru Torah ka lei uluk, tuir kedas ho profeta sira (kombinasaun profeta no istoria), depois mak hakerek sira hanesan poezia, istoria, no libru profesia. Aranjamentu hanesan ne'e, libru ikus liu mak Crônicas  la'os Malaquias;

8. Iha mazumenus knananuk 185 iha bíblia. Hosi knananuk 185 ne'e,  150  iha libru Salmo;

9. 1Reis no 2Reis divide depoisde hakerek.  Karik 1Reis no 2Reis junta hamutuk karik, sira sai libru ne'ebé naruk liu iha Bíblia.1Reis no 2Reis nia orijinál libru ida de'it. Nune'e mós 1Samuel & 2 Samuel no 1Crônicas & 2Crônicas;

10.  Bíblia, hakerek iha benua/  continents tolu. Maioria hakerek iha Israel (Asia), parte balu hosi Jeremias hakerek iha   Egypt (Afrika) no Libru Testamentu balu hakerek iha sidade balu iha Eropa;

11. Bíblia hakerek durante mazumenus tinan1500-1600 nia laran hosi ema na'in 40 ka liu. Tempu hakerek entre tinan 1500 BC to'o AD 100;

12. Divizaun Bíblia
Bíblia hanesan libru ida, maibé iha laran kontein libru 66. Libru Testamentu tuan hakerek antes Kristu moris no Testamentu foun kobre Na'i Jesus Nia moris  no depoisde Nia mate;

13. Maioria kada libru iha bíblia divide ba kapítulu no versikulu;

14. Iha libru 5 mak la fahe ba kapítulu, sira ne'e mak: Obadiah, Philemon, 2 João, 3 João, no Judas. Libru sira ne'e kiik no so fahe de'it ho versikulu;

15. Kapítulu iha bíblia introdús iha tinan   1238 hosi Kardinal Hugo de S. Caro. Maibé versikulu iha bíblia foin aumenta iha bíblia iha tinan  1551 hosi Robertus Stephanus;

16. Bíblia Inglesh versaun  King James kontein liafuan 788,258, versu 31,102,  Kapítulu 1,189 ,  no libru 66;

17. Versu ne'ebé badak liu iha lian Inglesh mak João 11: 35, ho liafuan 2 de'it  "Jesus tristi";

18. Kapítulu Bíblia ne'ebé naruk liu mak  Salmo 119 ho totál versu 176;

19. Kapítulu libru ne'ebé badak liu mak Salmo 117, so iha de'it versu  2;

20.   Versu ne'ebé naruk liu mak Esther 8:9 ho liafuan 90;

21. Libru ne'ebé ema fa'an barak liu mak Bíblia no libru ne'ebé ema na'ok barak liu mak Bíblia;

22. Liafuan ikus iha Bíblia mak Amen. Apokalipse 22:21.

Bíblia

Read More

Se mak autór loloos Bíblia nian?

Eskritura hotu mai husi Maromak no neʼe diʼak atu hanorin, atu fó konsellu, atu halo loos buat hotu, no atu treiñu ba Lia Loos. 2 Timoteo 3:16)

Iha versu anteriór, Paulo hatete katak Eskritura importante ba sabedoria salvasaun nian (1Timoteo 3:15). Paulo ko'alia versu ida ne'ebé ema sita barak. Nia hatete  "Eskritura hotu mai husi Maromak"  iha kazu ida ne'e refere liu ba Testamentu tuan, tanba libru Testamentu foun hanesan Mateus, Marku, Lukas etc seidauk ezisti. Maibé prinsipiu Ida nee aplika mós ba libru sira seluk iha Testamentu foun.

Autór ba libru Testamentu foun Ezemplu Pedro,  rekoñese katak Paulo nia karta sira ne'e hanesan eskritura (2 Peter 3:15–16). 

Deskrisaun Maromak Nia liafuan iha ne'e Mai hosi liafuan Greek  "theopneustos". Mai hosi liafuan 2 "Theo : Maromak no Pneo: espiritu, anin, is" Ne'ebé tradús hanesan "Maromak nia is"  "God-breathed."

Autór sira Hakerek Maromak Nia liafuan ba surat tahan tuir sira idaidak nia perspetiva no sira Nia estilu iha tempu la hanesan. Maibé fonte ba informasaun la'os mai hosi ema, maibé Maromak.

Tanba ne'e mak Bíblia ne'e perfeitu  (Salmo 19; 119). Tanba eskritura hotu perfeitu no utíl ba area moris nian hotu. 

Paulo alista area haat iha versu ne'e:  Dahuluk, eskritura Nia funsaun mak atu hanorin.  Ida ne'e uza atu fó instrusaun bá ema atu hatene Maromak di'ak liutan.  Daruak, bíblia Nia funsaun mak atu fó  konsellu "teguran/reproof ba Hahalok ne'ebé la loos, Hahalok pekadu nian, Hahalok ne'ebé kontra Maromak Nia ukunfuan.  Datoluk eskritura uza atu hadi'a Hahalok ne'ebé la loos. Eskritura hatudu sala no fó solusaun atu hadi'a.  Dahaat, eskritura uza atu treiñu ema iha dalan loos, dalan Maromak nian. Liuhosi eskritura ita bele hatene saida mak loos no sala, no Karik sala oinsá ita bele hadi'a.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Read More