Barak liu buat hotu nebee ita husu ka hanoin

Agora, ba Nia nebee bele halo barak liu buat hotu nebee ita husu ka hanoin, tuir kbiit nebee lao iha ita nia laran, glória ba Nia iha igreja no iha Kristu Jesus too jerasaun ba jerasaun, no tinan ba tinan. Amén. Efezu 3:20-21 BK

Efezu 3:20-21

Saida mak orasaun boot ne'ebé ita bele husu ho aten-barani ba Maromak? Ka saida mak buat furak boot liu ne'ebé ita bele hanoin? 

Serake ita hatene katak Maromak bele aumenta tan ba buat sira ne'e? 

Apóstolu Paulo hatete nune'e: 

 "Agora, ba Nia nebee bele halo barak liu buat hotu nebee ita husu ka hanoin, tuir (Ninia) kbiit nebee lao iha ita nia laran. Efezu 3:20 BK

Serake ita hatene ita-nia mehi sira-ne'ebé ita iha maibé la temi-sai iha Ita-nia laran? Maromak tau mehi sira ne'e iha ne'ebá. Serake ita hatene oinsá dezezu ba buat ne'ebé di'ak liu iha mundu ne'ebé komesa at ba beibeik? Maromak fó ita dezezu hanesan ne'e. Serake ita hatene dezezu ne'ebé kle'an liu ba ita-nia moris tomak? Maromak hatene oinsá atu hetan buat sira-ne'e. 

Hanesan apóstolu Paulo hatete, Maromak bele halo buat barak liu fali buat ne'ebé ita husu ka hanoin-hetan, maibé ita mós tenke hanoin parte segundu husi ninia liafuan sira: tuir Ninia kbiit ne'ebé la'o iha ita-nia laran". 

Ne'e mak Maromak nia kbiit tomak no ninia planu. Maibé Nia konvida ona ita atu hola parte iha planu sira ne'e. 

Entaun, saida mak ita-nia parte iha prosesu ne'e? 

Ita bele fó glória ba Maromak, tanba ita hatene katak Maromak mak fó ita hakarak no kbiit atu halo buat ne'ebé halo nia kontente (Filipe 2: 13). Nia kria ita, hadomi ita, no fó ona knaar mai ita atu fahe ninia mensajen ba mundu. 

Ita bele submete ita-nia an ba Ninia planu, tanba ita hatene katak buat hotu mak Maromak nian, maibé Nia hili atu serbisu hodi hetan ojetivu sira ne'e hamutuk no liuhosi Ninia povu. Nia la presiza ita atu sai perfeitu, nia hakarak de'it ita atu prontu. 

Ita bele tau fiar ba Maromak ba prosesu hotu, tanba ita hatene katak nia mak di'ak, loos, merese, forte, no eterna. Ita la presiza hatene resposta hotu tanba ita iha ona Maromak, no Nia bele halo buat barak liu fali buat ne'ebé ita bele husu ka imajina.

Efezu 3:20-21

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

BUKA BUAT NE'EBÉ IMPORTANTE LIU

Nunee hau husu imi, maun-alin sira, tanba Maromak nia laran luak, atu foo imi nia isin nudar sakrifísiu moris nian, nebee santu no Maromak bele simu. Ida nee mak imi nia ministériu espirituál nian. Roma 12:1 BK

Iha livru Roma, apóstolu Paulo husu ema kristaun atu entrega sira-nia moris tomak ba Maromak tanba Maromak sakrifika buat hotu ba sira. Jesus husik ninia moris atu nune'e ita bele hetan ninia domin no grasa ne'ebé la iha rohan. 

Se ita lakohi atu halo tuir Jesus nia hahalok, ita sei halo Jesus Ninia sakrifisiu sai folin la iha. Maibé ita fó ita-nia moris ba Maromak hodi halo Maromak sai buat ida-ne'ebé ita buka liu fali buat seluk iha ita-nia moris.

Tan ne'e, iha pasu 5 ne'ebé ita bele halo agora atu ajuda ita tau uluk Maromak iha ita-nia moris: 

1. FÓ OBRIGADU 

Ami fó obrigadu ba Ita, oh Maromak, ba Ita; Ami foo agradese ba O, Oh Maromak, ami foo agradese tanba O nia naran nebee besik. Ema konta O nia hahalok furak. Salmu 75:1 BK

Agora, foti tempu atu fó agradese ba Maromak tanba buat ne'ebé nia halo ona ba ita. Refleta kona-ba Ninia fidelidade, no konta istória sira ne'ebé Ita haree ona no rona kona-ba Ninia kbiit furak sira.

2. UZA MINUTU 5 HAKMATEK 

"Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau" João 15:4 BK

Hela ho Jesus hahú ho hakmatek. Entaun agora, pauza, dada iis naruk, no fó ita-nia prekupasaun hotu ba Maromak. Uza minutu 5 fokus kona-ba ida ne'ebé importante liu. 

 3. HANOIN KONA-BA ITA NE'E SE NIAN

 "Imi hatene ka lae katak imi nia isin lolon mak templu ba Espíritu Santu nebee iha imi nia laran? Imi simu ona Espíritu nee hosi Maromak. Imi laos imi nian. Tanba Maromak hola ona imi ho folin ida. Nunee foo glória ba Maromak iha imi nia isin" 1 Korinto 6:19-20 BK

Maromak hadomi Ita. Folin ne'ebé nia selu ba ita mak Karungtebes. Tan ne'e, fo hanoin ba ba ita-nia an kona-ba ita ne'e se nian, no refleta fali kona-ba buat balu ne'ebé Maromak ko'alia ba ita ona. 

 4. MEDITA KONA-BA MAROMAK NIA LIAFUAN 

"Oh hau hadomi tebes O nia lei! Hau medita ba nia loron tomak" Salmu 119:97 BK

Dalan ida-ne'ebé di'ak liu atu hatene oinsá mak Jesus hakarak iha ita-nia moris mak uza tempu lee eskritura. Bainhira ita halo ida ne'e, husu Maromak atu ko'alia ba ita liuhusi Ninia Liafuan kona-ba saida mak Ninia hakarak. 

 5. FOKA LIU BA BUAT NE'EBÉ ESELENTE 

"Ikus mai, maun-alin sira, buat hotu nebee tuir lia loos, buat hotu nebee iha onra, buat hotu nebee loos, buat hotu nebee moos, buat hotu nebee furak, buat hotu nebee bele dehan diak, no se iha buat ruma nebee lao diak, no se iha buat ruma nebee bele hahii, hanoin kona ba buat sira nee" Filipe 4:8 NK

Ita hetan ona Kristu Nia hanoin. Se Ita la serteza saida mak Ita presiza hanoin, koko husu Ita-nia an: Saida mak folin-boot liu? Hanoin no hahalok saida de'it mak sei fó glória ba Maromak? Halo lista kona-ba buat hotu ne'ebé ita hanoin, no buka buat sira-ne'e. 

Liuhosi pratika pasu sira-ne'e loroloron, ita bele kria toman atu ajuda ita atu hatudu domin ba Maromak no tau Maromak uluk iha buat hotu iha ita-nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Koñesimentu kona-ba Maromak

Tanba mundu nee sei sai nakonu ho matenek kona ba Nai nia glória, hanesan tasi nakonu ho bee. Habakuke 2:14 BK

Iha fatin ne'ebé de'it ita haree, ita bele aprende buat ruma kona-ba Maromak. Rai nakonu ho informasaun kona-ba Maromak. Salmu 19: 1 hatete katak lalehan fó sai buat furak sira ne'ebé Maromak halo ona. Iha Roma 1:20 mós hatete katak husi tempu ne'ebé Maromak kria mundu ne'e, Ninia atributu bele haree ona iha buat ne'ebé Nia kria.

Aprende kona-ba Maromak Nia karakter liuhusi natureza, hanaran revelasaun jeral. Ne'e mak buat ne'ebé ema hotu bele aprende kona-ba Maromak hodi haree Ninia kriasaun sira. Revelasaun espesiál mak koñesimentu kona-ba Maromak no salvasaun ne'ebé mai de'it husi ninia Liafuan. 

Ezemplu ida husi revelasaun espesial mak iha Habakuk 2:14, ne'ebé ko'alia kona-ba loron Ida iha futuru iha ne'ebé mundu sei nakonu ho koñesimentu ne'ebé loos kona-ba Maromak. Bainhira promesa ida ne'e fo sai ba dahuluk, nasaun Izrael iha dadur laran. Sira hasoru situasaun injustisa hosi sira-nia inimigu. Maibé Maromak fó promesa ba sira iha sira-nia situasaun ne'ebé la iha esperansa... 

"Tanba mundu nee sei sai nakonu ho matenek kona ba Nai nia glória, hanesan tasi nakonu ho bee" Habakuke 2:14 BK

Loron ida sei to'o mai bainhira ema hotu sei hatene Maromak. Koñesimentu kona-ba Nia no Ninia glória sei taka rai. Sira ne'ebé tau fiar ba Maromak nu'udar sira-nia Salvador sei hamutuk ho Nia ba nafatin iha lalehan. Maibé sira ne'ebé la hatene Jesus sei hasoru nia nu'udar sira-nia Juis, no sira sei haketak an husi Maromak ba nafatin. 

Bainhira Jesus mai dahuluk iha mundu, ema bele haree Maromak Ninia glória uitoan. No tanba espíritu santu sei serbisu hela iha Igreja, ita mós sei hetan glória ne'e to'o ohin loron. Maibé iha loron ne'ebé Jesus fila fali, ema hotu sei rekoñese Nia nu'udar Liurai ne'ebé loos. Iha tempu ne'ebá, sei tarde liu ona atu ita fahe novidades kona-ba Jesus Nia salvasaun liuhosi ninia mate no moris-hias ba ema seluk. Tan ne'e mak ita tenke uza oportunidade hotu ne'ebé ita iha atu ajuda ema hatene Jesus nu'udar sira-nia Salvador antes tarde liu. 

Nu'udar ema kristaun, ita tenke halo orasaun kona-ba loron ne'ebé Jesus sei fila fali mai no halo nakonu rai ho Ninia glória. Ita tenke buka nafatin Maromak, no lee Maromak nia Liafuan hodi hetan koñesimentu kona-ba Nia. Maibé ita mós tenke buka oportunidade atu fahe koñesimentu kona-ba Maromak ba ema seluk - agora.

Tan ne'e, gasta tempu balu atu konsidera se mak ita bele fahe Jesus nia esperansa ba. No halo orasaun ba sira ne'ebé seidauk hatene Jesus, hodi husu Maromak atu uza ita atu ajuda ema seluk hatene kona-ba Nia.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More