Saudades atu fila ba uma

Nunee mak Nai sei sai Liurai ba mundu tomak. Iha loron nebaa, Nai sei ida deit no Nia naran sei ida deit. Zakarias 14:9 BK 

Iha tempu ne'ebá, ema Izrael sira sai dadur iha Babilonia. Bainhira sira dadur hela, iha tinan 70 nia rohan, profeta Zacarias hakerek livru istória, mehi, no vizaun sira kona-ba nasaun Izrael ne'ebé iha terus laran, hodi dezafia sira atu fiél nafatin ba sira-nia aliansa ho Maromak no atu fó esperansa ba Maromak nia Ukun iha futuru. 

Saudades atu fila ba hela iha ita-nia rai moris fatin mak hanesan buat ne'ebé ita hakarak tebes bainhira ita hela iha ema-nia rain. Uma la'ós de'it fatin fíziku de'it, maibé ida-ne'e mak halo ema sente komfortu, iha familiaridade, no sentimentu partensi ba. 

Zecarias 14: 9 mak resposta ba sira-nia saudades ne'e: "Nunee mak Nai sei sai Liurai ba mundu tomak. Iha loron nebaa, Nai sei ida deit no Nia naran sei ida deit" Zakarias 14:9 BK 

Maizumenus iha tinan 70 nia rohan, profeta Zacarias hakerek karta ba nasaun ida-ne'ebé nakonu ho susar atu fó-hanoin sira kona-ba Maromak nia laran-di'ak, atu sira fiél nafatin ba Maromak, no atu fó esperansa ba Maromak nia Ukun ne'ebé sei mai. 

Hanoin to'ok kona-ba nasaun ida-ne'ebé sai husi sira-nia rai ba tinan 70 nia laran, hasoru dúvida no inserteza kona-ba sira-nia futuru. Profeta Zakaria Ninia lia-fuan la'os de'it istória, maibé kona-ba destinu sira-nia moris ba oin, buat ne'ebé nia hatete ne'e fó-hanoin ba sira ne'ebé sai dadur hela katak sira-nia viajen sei to'o ninia rohan. Liafuan sira-ne'e hatudu Maromak nia restaurasaun, imajen ba Maromak Ninia ukun iha futuru. 

Ohin loron, karik ita sente dook husi Maromak Nia hakarak ka dook hosi Maromak Ninia promesa ba ita-nia moris. Karik ita saudades atu hetan komfortu, profeta Zacarias nia korajen sei vale, to'o ohin loron iha ita-nia tempu. Maromak Nia laran-di'ak no laran-metin nunka para, no Maromak promete ona ba ninia ema sira ne'ebé fiar ba Nia katak loron ida Nia sei lori sira ba lalehan iha ne'ebé Maromak mak ukun (Apokalipse 21). 

Ita bele tau fiar ba Maromak nia Ukun iha futuru. Ita-nia uma la dook, besik ona!

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Esperansa iha tempu susar laran

"Tanba saa mak o tristi, Oh hau nia klamar Tanba saa mak o susar iha hau nia laran? Hein iha Maromak, tanba hau sei hahii fila fali Nia, hau nia salvasaun no hau nia Maromak" Salmu 42:11 BK

Iha ita-nia moris iha tempu triste, susar, konfuzaun, no hein buat ruma ne'ebé la serteza, bainhira ita senti todan no senti dook hosi Maromak. Salmu 42: 11 ko'alia kona-ba situasaun hanesan ne'e. Autór salmu hatete ho momoos kona-ba ninia kondisaun moris nian. Nia sente laran-tun no la hakmatek. Maibé nia la hela iha situasaun ne'ebá. Nia ko'alia ba ninia an. Nia fó mandamentu ba ninia an: "Tau ó-nia esperansa ba Maromak." 

Versíkulu ne'e fó-hanoin ita katak iha fé la signifika livre hosi luta ba moris nian, maibé fé mak hili atu fiar nafatin mesmu iha terus nia laran. Salmista la nega ninia terus, maibé nia intrega ba Maromak no tau nia esperansa ba Maromak. Ida ne'e mak esensi hosi fé ne'ebé maduru: aprende atu hahii Maromak bainhira ita hein, aprende atu hahi'i maski resposta ba orasaun sira la mai lalais. 

Liafuan "maski nune'e Hau sei hahii Nia" mak deklarasaun ba fé nian. Nia hatete: "Hau la sente kontente agora, maibé ha'u sei sente kontente fali. Ha'u sei hahii Nia nafatin". Tipu esperansa ida ne'e, kaer metin ba Maromak Ninia karakter ne'ebé nunka muda". Nia sei nafatin ita-nia Salvador. Nia sei nafatin ita-nia Maromak. 

Kuandu ita sente katak ita-nia moris terus liu ona, ko'alia ba ita-nia an hanesan Salmista ne'e. Keta husik Ita-nia sentimentu determina ita-nia fé, pelu kontrariu biarba ita-nia fé mak determina ita-nia sentimentu.  

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Iha forsa ne'ebé boot liu iha ita-nia laran

Oan doben sira, imi mai hosi Maromak, no imi manaan ona sira. Tanba Nia nebee iha imi nia laran mak boot liu nia nebee iha mundu. 1 João 4:4 BK 

Iha funu ida-ne'ebé akontese hale'u ita, ne'e mak funu ida ba ita-nia laran, ita-nia neon no ita-nia klamar. Funu ne'ebé la'ós de'it fiziku (iha isin), maibé mós espirituál. Funu hasoru inimigu reál sira ne'ebé fó impaktu ba mundu ne'ebé ita bele haree no la haree. 

João hakerek: 

"Oan doben sira, imi mai hosi Maromak, no imi manaan ona sira. Tanba Nia nebee iha imi nia laran mak boot liu nia nebee iha mundu" 1 João 4:4 BK

Loos duni, ita iha funu ne'ebé reál. 

Loos duni, ita iha inimigu ne'ebé reál. 

Loos duni, forsa nakukun kontinua funu hasoru forsa naroman. 

Maibé ba sira ne'ebé tau fiar ba Kristu nia serbisu ne'ebé hotu ona, Ida ne'ebé moris iha ita-nia laran mak boot liu fali Ida ne'ebé moris iha mundu ne'e. 

Ita iha Salvador ne'ebé reál. 

Istoria ne'e seidauk remata. 

Nakukun nia ukun sei nunka domina hasoru naroman nia ukun. 

Ita-nia inimigu mai atu na'ok, oho no destroi. Atu lori ema ba dalan nakukun, halo manipulasaun, halo konfuzaun, no haketak malu.

Maibé Maromak mak boot liu fali dúvida ne'ebé halo ita-nia neon sai fraku, boot liu inimigu sira ne'ebé baralla ita-nia planu no ita-nia hanoin sira.

Ita bele luta husi fatin manán nian tanba funu ne'e manán tiha ona liuhosi Na'i Jesus.

Na'i Jesus manán ona mate. Agora, kuandu ita hein ema seluk atu hetan salvasaun no Maromak sei lori buat hotu hotu ne'ebé ita bele hetan ho Kristu Nia kbiit, ita bele luta ho konfiansa no esperansa ne'ebé metin. 

Iha funu ida-ne'ebé akontese hale'u ita, ne'e mak funu ba ita-nia laran, ba ita-nia neon, ba imi-nia klamar. Maibé Maromak ne'ebé moris iha ita-nia laran mak boot liu fali forsa nakukun ne'ebé moris iha mundu ne'e.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More