Moris ne'ebé nakonu ho agradesementu

Tama ba Ninia portaun ho agradese, no tama ba Ninia pátiu hodi hahii Nia! Foo agradese ba Nia, hahii Ninia naran! Salmu 100:4 BK

Serake ita hato'o ita-nia agradesementu, bainhira ko'alia ho Maromak? Mundu ne'ebé hale'u ita la enkoraje ita atu fó agradesementu. Hanorin sira iha mundu ne'e, hanorin ita atu tau matan ba ita-nia an hodi bele hetan buat ne'ebé ita hanoin ita merese hetan. 

Maski nune'e, ema kristaun tenke sai ema ne'ebé agradese liu iha mundu ne'e tanba Maromak fó ona buat hotu mai ita. Tiago 1:17 fó-hanoin ita katak prezente di'ak hotu mai husi Maromak. Ida-ne'e hatudu katak Maromak sempre hatudu laran-di'ak ba ita. 

Maromak la'ós de'it fó ona moris no iis-moris, maibé Nia mós fó ona ba ita prezente gratuita - moris rohan-laek. Maromak fó dalan ba ita atu iha relasaun di'ak ho Nia liuhusi Jesus nia mate no moris-hias. Ida ne'e mesak de'it mós sufisiente ba ita atu moris ho gratidaun no sempre agradese ba Maromak. 

Tanba buat ne'ebé Maromak halo ona ba ita, ita-nia laran tenke kontinua hato'o agradesementu ba Maromak. Maski nune'e, dala barak ita murmura tanba buat sira-ne'e la akontese tuir ita-nia hakarak. Ita murmura tanba ita la iha buat ne'ebé ita hanoin ita merese atu hetan. No bainhira ita murmura no protesta barak liutan, ita-nia laran sai aat liután.

Agradese ba Maromak tamba Salmo 100 fo ba ita ai-moruk ne'ebé bele kura hahalok-aat hanesan protesta no murmura: mak agradesementu. Agradesementu mak hanesan toman espirituál ida ne'ebé ita presiza intensionalmente dezenvolve liuhosi kontinua prátika toman ne'e. Ita bele prátika ida ne'e liuhosi foti tempu kada loron ko'alia ho Maromak, no agradese ba Maromak tanba buat hotu ne'ebé Nia halo ona mai ita. Ita mós bele hatudu ita-nia agradesementu liuhosi fó-hatene ba ema seluk katak ita agradese tebes ba sira-nia kontribuisaun ba ita-nia moris. 

Tan ne'e, bainhira ita hakarak protesta no murmura, hanoin didi'ak kona-ba Maromak Nia domin no laran-di'ak iha ita-nia moris. Duke murmura no protesta kona-ba moris ne'e, di'ak liu espresa ita-nia agradesementu ba Maromak no ba buat hotu ne'ebé Nia fó ona ba ita. Kontinua alista kona-ba buat ne'ebé halo ita agradese ba Maromak no kontinua aumenta ba lista ne'e iha semana tomak. Bainhira ita halo ne'e ona, haree to'ok oinsá ita-nia Hanoin no laran komesa transforma tamba hahalok simples: agradesementu ba buat sira ne'ebé ita iha 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sai manu-ain ba lia-foun di'ak

Maibee oinsaa mak sira bele bolu ba Nia se sira la fiar? No oinsaa mak sira bele fiar iha Nia se sira nunka rona kona ba Nia? No oinsaa mak sira bele rona se la iha ema ida atu haklaken? Roma 10:14 BK

Roma 10:14 

Pauza iha momentu balu no refleta kona-ba ita-nia papél hanesan manu-ain (messenger) ba evanjelu (lia-fuan di'ak). Serake ita boot ativanente fahe Kristu Nia domin ba ema sira ne'ebé hale'u ita? Serake ita buka atu sai nu'udar sasin moris kona-ba Maromak Ninia grasa? 

Karik ita lee apóstolu Paulo nia konvite atu "haklaken" iha Roma 10:14 no hanoin katak konvite ne'e rezerva ba pastor, misionariu no mestri hanorin biblia sira. Maibé Iha fatin ne'ebé de'it ita horik ba, iha ita-nia uma, fatin servisu, no komunidade sira, bele sai nu'udar fatin haklaken bainhira ita hakarak sai instrumentu Maromak nian. Iha fatin sira ne'ebé haree hanesan baibain ne'e, ita bele fahe Kristu Ninia domin liuhusi hato'o mensajen ba rona-nain sira atu lori dame ba sira-ne'ebé neon susar, liman ne'ebé ajuda sira ne'ebé presiza, ka liafuan korajen no esperansa ba sira ne'ebé la iha esperansa. 

Nu'udar Kristu nia dixipulu, ita hotu kualifikadu atu fahe esperansa ne'e no fó korajen ba ema seluk! Buat ne'ebé Maromak hakarak mak obedese no hakarak ita sai Ninia instrumentu hodi haklaken Ninia Liafuan di'ak sira. Iha ita-nia interasaun simples sira loronloron, ita bele sai Maromak Ninia instrumentu ba Maromak Ninia domin, no Sai manu-ain ba lia-fuan di'ak.

Nu'udar ema fiar-na'in, ita iha knaar atu fahe Jesus Kristu Ninia Evanjellu. Bainhira ita halo ita-nia an disponivel atu sai hanesan instrumentu Maromak nian, Espíritu santu fó podér ba ita. Maromak hili no fó podér ba ita. No fini sira ne'ebé ita kari, mesmuke ki'ik liu, iha podér atu habelar mensajen salvasaun nian.

Roma 10:14 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Espiritu lia-loos nian

Maibee bainhira Espíritu lia loos nian mai, Nia sei lori imi tama ba lia loos hotu. Tanba Nia sei la koalia hosi Ninia aan rasik, maibee Nia sei koalia buat hotu nebee Nia rona. No Nia sei foo sai ba imi kona ba buat sira nebee atu mai. João 16:13 BK

Promesa boot ida hosi promesa sira iha Testamentu Antigu mak: katak loron ida Maromak Nia Espiritu sei hela iha Maromak Nia povu Nia leet. Antes ne'e, Maromak nia povu halo interasaun ho Maromak Nia prezensa iha templu laran. 

Hodi kumpre ba Eskritura, Jesus promete katak nia sei haruka Espiritu Santu atu fó matadalan no fó komfortu ba Maromak Nia povu. Ida ne'e iha implikasaun boot. Ida-ne'e signifika katak ema kristaun bele hetan asesu ba Maromak liuhusi Espiritu Santu ne'ebé hela iha ita-nia leet. Maromak Nia Espiritu hamutuk ho ita iha fatin ne'ebé de'it ita ba. 

Jesus temi iha João 16: 13 katak Maromak Nia Espiritu sei dirije ita ba lia-loos hotu. Maromak hakarak sai parte iha ita-nia moris loroloron nian, hodi ajuda ita no gia ita ba buat ne'ebé loos. 

Kuandu ita iha pergunta kona-ba diresaun saida mak ita atu foti iha ita-nia moris, Espiritu Santu iha ne'eba hodi ajuda ita. Kuandu ita la hatene saida mak loos ka sala, Espiritu Santu hamutuk ho ita atu ajuda ita halo desizaun. 

Jesus hatete katak Espiritu Santu sei ko'alia ba ita tuir Aman no Oan-Mane Nia hakarak. Espíritu Santu mós sei haforsa no ajuda ita atu komprende buat ne'ebé ita lee iha Eskritura. 

Durante semana ida-ne'e, haka'as an atu hanoin didi'ak kona-ba Espiritu Santu Ninia prezensa iha ita-nia moris. Fo hanoin ba ita-nia an katak Maromak hamutuk ho ita loroloron. Husu Espiritu Santu atu gia no fó naroman ba ita-nia dalan iha ita-nia moris, no gasta tempu atu halo orasaun atu Maromak fó komfortu no haforsa ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More