Iha dalan hira atu ba Lalehan?

Jesus dehan ba nia, “Ha'u mak dalan, lia loos no moris. Ema ida la bele hakbesik ba Aman, só de'it liu hosi Ha'u.” João 14:6 BK

João 14:6 

Antes Jesus ema krusifika iha krús, Nia ko'alia ba Ninia dixipulu sira atu komfortu sira. Nia hatete ba sira katak Nia sei ba no prepara fatin ba sira iha Ninia Aman Nia uma, fatin ne'ebé sira sei hela hamutuk ho Nia ba nafatin. Dixipulu sira konfundi no la komprende dalan ne'e. Tomé dehan ba Nia, “Nai, ami la hatene Ó atu ba ne'ebé. Entaun oinsá mak ami bele hatene dalan ne'e?” João 14:5 BK. Jesus hatán ho klaru: "Ha'u mak dalan, lia loos no moris. Ema ida la bele hakbesik ba Aman, só de'it liu hosi Ha'u.” João 14:6 BK

Versíkulu ne'e hanorin ita buat importante ida. Dalan ba Maromak no ba Lalehan la'ós liuhusi ita-nia serbisu di'ak sira, la'ós liuhusi relijiaun, no la'os liuhusi dalan barak. So iha dalan ida de'it, no dalan ne'e mak Jesus. Nia mak "dalan" tanba nia fó ninia moris ba ita-nia sala sira iha krús. Nia mak "lia loos" tanba nia hatudu ba ita se mak Maromak ne'ebé loos. Nia mak "moris" tanba liuhusi Nia mak ita simu moris rohan-laek. 

Ohin loron ema barak hanoin katak iha dalan barak ba lalehan. Maibé Jesus hatete lia-loos ba ita: só liuhosi fiar ba Nia no la'o tuir Nia, ita bele to'o ba Aman. Ida-ne'e la'ós atu halo ita ta'uk, maibé atu fó serteza ba ita. Ita la presiza buka iha fatin hotu-hotu, tanba Jesus rasik mak dalan ne'e. 

Entaun, se ita hakarak hetan dame ho Maromak no dalan ba lalehan, fiar ba Jesus. La'o hamutuk ho nia loroloron, no nia sei lori ita ba Lalehan ho seguru. 

Orasaun: Nai Jesus, obrigadu, tanba Ita mak dalan, lia-loos no moris. Ajuda ha'u atu sempre la'o tuir Ita. Amen

João 14:6 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Matenek ne'ebé loos hatudu iha hahalok

See mak iha matenek kle'an no kompriensaun iha imi-nia leet? Husik nia hatudu hahalok di'ak liuhosi buat ne'ebé nia halo ho laran maus ne'ebé maihosi matenek kle'an. Tiago 3:13 BK

Tiago 3:13 

Tiago fó-hanoin ita katak sabedoria ka matenek la'ós de'it kona-ba koñesimentu ka ko'alia liafuan barak. Sabedoria ne'ebé loos hatudu liuhosi oinsá ita hala'o ita-nia moris loronloron. Ema ne'ebé matenek la foti-an, maibé nia haraik-an, laran-di'ak no la'o tuir matadalan husi Maromak. Ita-nia sabedoria, ema bele haree hosi asaun sira - hanesan oinsá ita trata ema, oinsá ita rezolve problema, no oinsá ita halo desizaun ba ita moris loronloron. 

Evanjelu Lukas 6:45 esplika katak ita-nia liafuan no hahalok ka asaun sira maihusi ita-nia laran: "Ema di'ak fó sai buat di'ak hosi riku-soin di'ak ne'ebé iha ninia fuan laran, no ema aat fó sai buat aat hosi riku-soin aat iha ninia fuan laran. Tanba ema nia ibun sei ko'alia sai buat ne'ebé nakonu hela iha ninia fuan laran" Se ita-nia laran nakonu ho Maromak Nia lia-loos, sabedoria, no domin, ita-nia moris sei hatudu ho hahalok-di'ak. Maibé se ita-nia laran nakonu ho hirus, foti-an, ka hanoin an de'it, ida-ne'e mós sei hatudu iha ita-nia hahalok loronloron. 

Iha ne'ebé mak ita bele hetan sabedoria ka matenek kle'an ne'ebé loos? Proverbios 1: 7 hatete: "Hamtauk ba Nai mak matenek nia huun, maibee beik-teen sira despreza matenek klean no instrusaun" Sabedoria ne'ebé loos hahú ho fó onra ba Maromak, respeitu Ninia lia-fuan no prontu atu halo tuir Ninia hanorin sira. Se la ho Maromak, ita-nia sabedoria sei mamuk. Maibé kuandu ita tau uluk Maromak iha ita-nia moris, nia sei hanorin ita oinsá atu moris ne'ebé loos. 

Ohin loron, mai ita husu ita-nia aan: Serake ita-nia hahalok hatudu Maromak nia sabedoria?, ka ita moris tuir mundu nia matenek? Biarba Ita-nia laran nakonu ho Maromak nia Liafuan, no biarba haraik-an gia ita-nia pasu sira iha ita-nia moris loronloron. Bainhira ita halo buat sira ne'e, ita-nia moris sei nabilan ho matenek ne'ebé mai husi leten.

Tiago 3:13 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Iha Kristu ema Judeu no Jentiu ida de'it

Tanba liu hosi Nia, grupu rua ne'e agora tama iha Espíritu ida de'it hodi hetan dalan ba Aman. Efezu 2:18 BK

Efezu 2:18 

Versíkulu ne'e iha kbiit boot tanba fó-hanoin kona-ba buat ne'ebé Jesus halo ona ba ita. Antes Kristu mai, iha moru ida entre Maromak no povu. Pekadu haketak ita husi Maromak (Isaias 59:2), no la'ós ema hotu bele hakbesik ba Maromak. Maibé liuhusi Jesus Nia mate no moris-hias, moru ne'e rahun ona. Agora, ema hotu ne'ebé fiar Maromak bele Livremente hakbesik ba Maromak la haree ba sira-nia background. 

Paulo hatete katak "grupu rua" iha asesu. Nia ko'alia kona-ba ema judeu no ema jentiu, grupu rua ne'ebé haketak malu. Maibé iha Kristu, sira sai família ida de'it. Ohin loron, lia-loos ne'e sei aplika nafatin. La prekupa ka la haree ba ita-nia rasa, kultura, edukasaun, ka status sosiál - Liuhosi Kristu ita hotu iha direitu atu hakbesik ba Aman Maromak.

Asesu ne'e la'ós liuhusi ita-nia servisu di'ak ka esforsu pesoál sira. Jesus mesak de'it mak halo ida-ne'e sai realidade iha ita-nia laran liuhusi espíritu santu. Bainhira ita halo orasaun, adora, ka husu ajuda, ita la presiza amlulik, kostume, rituál ka fatin espesiál ida. Ita bele diretamente hakbesik ba Maromak, hanesan labarik sira ko'alia ba sira-nia Aman. 

Ne'e mak priviléjiu boot tebes! Ema barak koko atu buka dame ho Maromak iha dalan seluk, maibé so Jesus de'it mak loke dalan ba ita. Nia hatete: “Hau mak dalan, lia loos no moris. Ema ida la bele hakbesik ba Aman, só deit liu hosi Hau.” João 14:6.

Ohin loron, agradese ba prezente furak ne'e. Ita bele hetan asesu ba Maromak - iha kualkér tempu, iha fatin ne'ebé de'it. Mai ho aten-barani, tanba ita-nia Aman hein hela atu rona ita-nia lian.

Efezu 2:18 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More