Se Adão no Eva nia oan kain no Abel de'it, oinsá mak jerasaun bele kontinua to'o ohin loron?

Adão toba ho ninia feen Eva, no Eva sai isin rua. Eva tuur ahi hetan Kaín no dehan, “Hau hetan mane ida hosi Nai.” Depois nia tuur ahi hetan Kaín nia alin, Abel. Abel hein bibi, maibee Kaín fila rai. Jénesis 4:1-2 BK 

                               Jénesis 4:1-2

Ema barak husu: "Biblia temi kona-ba Kain no Abel, Adão no Eva nia oan-mane nain-rua. Se sira iha de'it oan-mane nain-rua, ema hotu iha mundu mai husi ne'ebé? 

Resposta ba pergunta ne'e mak simples hela: Adão no Eva iha oan barak liu tan depoisde Kain no Abel.

Iha Jenesis 5: 4 Biblia hatete: "Liu tiha ne'e, bainhira nia hetan ona Set, Adão moris tan tinan atus ualu (800), no nia hetan tan oan mane no oan feto sira". Bíblia fó-hatene de'it kona-ba Kaimln, Abel no Set tanba sira mak importante ba istória Biblia nian, maibé realidade Adão no Eva mós iha oan-mane no oan-feto barak seluk. 

Bainhira Kain oho Abel, Maromak fó oan-mane ida tan naran Seth ba Adão no Eva (Genesis 4:25). Bainhira tinan barak liu tiha, Adão nia família sai boot liután. Iha tempu ne'ebá, Adão no Eva nia oan sira kaben ho sira-nia maun-alin, alin-feto, ka família ne'ebé besik tanba la iha família seluk iha mundu. Maromak husik ida-ne'e akontese iha tempu ne'eba tanba sira mak ema dahuluk moris iha mundu. 

Bíblia hanorin katak ema hotu iha mundu mai husi família ida de'it. Apostolu 17:26 hatete "No hosi ema ida deit Nia halo nasaun hotu atu hela iha mundu tomak. No Nia desidi sira nia tempu no fatin nebee sira hela" Ne'e katak ema hotu ne'ebé nakonu iha mundu ne'e mai husi familia ida de'it. 

Bíblia mós hanorin katak Eva mak "inan ba buat moris hotu nian" (Jenesis 3: 20). Ema hotu ne'ebé moris ona iha mundu bele trasa sira-nia família nia istória fila ba tempu Adão no Eva nian. 

Tanbasá mak ida-ne'e importante? Tanba ida-ne'e fó-hanoin ita katak ema hotu equal ka hanesan iha Maromak nia oin. Karik ita iha língua, kultura,kor no nasaun oioin, maibé ita hotu partensi ba família ida de'it. Importante liu mak ita hotu presiza Jesus Kristu ne'ebé hanesan, ita-nia Salvador. 

Roma 3:23 hatete: "Tanba ema hotu halo ona sala no lakon ona Maromak Nia glória." Tanba ita hotu mai husi familia ne'ebé hanesan, ita hotu presiza Maromak Nia perdua no salvasaun. 

Ohin loron, hanoin-ba katak Maromak kria ema hotu no hadomi ema hotu. Liuhusi Jesus, ema husi nasaun hotu bele hola parte ba Maromak Nia família. 

Nu'udar membru hosi família ida-ne'ebé hetan konvite atu sai Maromak Nia familia liuhusi Kristu, ita kontinua la'o hamutuk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se sala nia rezultadu mak mate, tanbasá mak bebé sira mate, serake sira mós sala-na'in?

Tanba sala nia kolen mak mate, maibé Maromak Nia prezenti mak moris rohan-laek iha ita-nia Nai Kristu Jesus. Roma 6:23 BK 

                               Roma 6:23

Ema barak husu: "Se mate mai tanba sala, tanbasá mak bebé sira mate? Serake sira halo ona sala? 

Bíblia hanorin katak mate tama mai iha mundu tanba Adão no Eva nia sala. Antes sala tama iha mundu, la iha mate. Roma 5: 12 hatete katak sala tama ba mundu liuhusi ema ida deit, no mate mai liuhusi sala. 

Bebé sira la mate tanba sira halo sala barak. Sira mate tanba sira moris iha mundu ne'ebé sala estraga ona. Husi tempu ne'ebé Adão monu ba sala, ema hotu moris mai iha mundu ne'e nakonu ho moras, terus, asidente no mate. 

Liurai David hatete: "Tebes, ha'u moris mai iha sala nia laran kedas, hau iha sala ona bainhira hau iha ha'u-nia inan nia kanotak. Salmu 51:5. Ne'e katak ema hotu moris mai ho natureza sala-na'in. Ita la presiza hanorin oan kiik sira oinsa atu egois ka hanoin an de'it ka la obedese, sira moris mai ho natureza ne'e kedas. Natureza sala na'in ne'e hola parte iha ema ida-idak nia moris bainhira sala tama ona ba mundu. 

Maibé Biblia mós hatudu katak Jesus hadomi tebes labarik sira. Nia hatete: “Husik labarik kiik-oan sira hakbesik mai Hau, no keta bandu sira. Tanba reinu lalehan mak sira nian.” Marcos 10:14. Jesus nunka duni labarik sira. Nia simu sira no haraik bénsaun ba sira. 

Kuandu bebé ida mate, ita bele tau fiar ba Maromak Nia domin no laran-sadi'a. Tamba Maromak ne'e justu, laran-di'ak, no domin na'in. Nia komprende saida mak bebé sira la bele komprende. Ita bele husik sira ho seguru iha Maromak Nia futar liman. 

Bebé ida ne'ebé mate, fó-hanoin ita katak sala ka pekadu ne'e sériu tebes. Sala lori ona terus no mate ba mundu tomak. Maibé liafuan di'ak mak ne'e: Jesus mai atu salva ita husi sala no mate. 

Loron ida Jesus sei fila fali mai (João 14:1-3). No bainhira nia fila fali mai, Apokalipse 21: 4 hatete katak sei la iha tan mate, triste, tanis, ka moras. Maromak sei halo buat hotu foun. 

Maibé molok to'o iha loron ne'eba, ita tau fiar ba Maromak Nia domin. Ita hatene katak Jesus tau matan ba labarik hotu. Tanba Jesus nia sakrifísiu, mate la'ós rohan. Iha esperansa ba moris rohan-laek no ba futuru ne'ebé furak ho Maromak. 

Bainhira ita tau fiar ba Jesus, ne'ebé manán sala no mate, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Salvador ne'ebé harohan mai ita

“Simão, Simão, tebes, Satanás hakarak hetan ó hodi nia bele peneira ó hanesan trigu. Maibé Ha'u halo orasaun ona kona ba ó, hodi ó-nia fiar la bele lakon. No bainhira ó fila fali, hametin ó-nia maluk sira.” Lucas 22:31-32 BK 

                       Lucas 22:31-32 

Antes Jesus ema prega ba krús, nia ko'alia liafuan balu ne'ebé fó komfortu ba Pedro. Jesus hatete: "Simão, Simão, tebes, Satanás hakarak hetan ó hodi nia bele peneira ó hanesan trigu. Maibé Ha'u halo orasaun ona kona ba ó, hodi ó-nia fiar la bele lakon" (Lukas 22:31–32).

Apóstolu Pedro mak Jesus Nia dixipulu ida-ne'ebé besik liu ba Jesus. Pedro hadomi Jesus, maibé nia la perfeitu. Lakleur tan, Pedro sei nega Jesus dala tolu. Jesus hatene katak Pedro sei falla, maibé Nia la rejeita Pedro. Duke halo nune'e, Jesus halo orasaun ba nia. 

Ita iha salvadór ida ne'ebé furak tebes! Jesus haree Pedro nia fraku, ninia falla, no ninia arrependementu iha futuru. Antes Pedro monu, Jesus halo ona orasaun ba nia. 

Liafuan di'ak mak ne'e: Jesus la'ós de'it halo orasaun ba Pedro, maibé Nia mós halo orasaun ba ita. Ita hotu hasoru tentasaun, luta, desapontadu, no funu espirituál sira. Dala ruma ita falla. Dala ruma ita sente fraku no deskorajen. Satanás hakarak ita atu rende atu halo tuir Maromak, hanesan saida mak nia halo ba Pedro. Maibé Jesus la haluha ita. 

Bíblia hatete katak Jesus mak ita-nia advogadu no ita-nia mediador ba Aman Maromak. Nia komprende ita-nia luta sira tanba Nia moris iha mundu no hasoru tentasaun. Nia hatene ita-nia ta'uk, ita-nia fraku no ita-nia presiza. 

Nota katak, Jesus la halo orasaun atu Pedro nunka hasoru susar. Maibé, Nia halo orasaun atu Pedro nia fé labele falla. Maromak la sempre halakon susar hotu iha ita-nia moris, maibé Nia fó forsa mai ita atu tahan susar sira-ne'e. Maski ita sidi, maibé Ninia grasa bele halo ita hiit an fali. 

Hafoinde Pedro arrepende an, nia sai nu'udar lider ida ne'ebé forte hodi ajuda ema barak lao tuir Kristu. Salvadór ne'ebé hanesan ne'ebé restaura Pedro, Nia mós bele restaura fali ita. La iha falla ida mak boot liu fali Maromak Nia laran-sadi'a.

Ohin loron, se ita sente fraku, hanoin-ba katak Jesus halo orasaun ba ita. Se ita monu ona karik, fila fali ba Nia. Se ita hasoru susar ruma karik, tau fiar ba Ninia forsa. Ita-nia Salvador la rende atu ajuda ita. 

Bainhira ita kontinua tau fiar ba ita-nia Salvador ne'ebé kontinua halo orasaun ba ita, ita-nia fé sai forte liután no ita kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ita hatene duni Maromak sein Biblia?

Jesus halo orasaun ba Aman hodi dehan: "Halo sira santu liu hosi lia loos. Ó-nia liafuan mak lia-loos" (João 17:17). Liafuan ne'e fó-hanoin ita katak Biblia mak baze atu hatene Maromak no komprende ninia lia-loos. 

                                   João 17:17

Ohin loron, ema barak dehan: "Hau hatene Maromak," maibé sira nunka ka kuaze la loke sira-nia Biblia ka uza tempu atu estuda Ninia Liafuan. Se ema ida la lee no estuda Biblia, sira-nia fiar bazeia de'it ba sira-nia hanoin ka opiniaun rasik, tradisaun, sentimentu, ka lojika de'it. Maibé, ita-nia hanoin, opiniaun no tradisaun la sempre hanesan ho Maromak Nia lia-loos. Se ita la ezamina ita-nia fiar liuhusi Eskritura, ita bele halo tuir ita-nia ideia no hanoin rasik duke hanorin husi Maromak. 

Jesus alerta kona-ba perigu ne'e bainhira nia hatete: "Sira adora Hau saugati deit,

tanba sira hanorin ema nia ukun fuan sira nudar doutrina.’Mateus 15:9. Iha tempu ne'ebá no mós tempu agora, ulun-nain relijiaun sira hatene tradisaun barak, maibé balu tau ema nia hanorin aas liu fali Maromak Nia Liafuan. 

Maromak hakarak Ninia povu estuda Biblia rasik ho kuidadu, labele fiar de'it saida mak ema ko'alia. Biblia hatete katak Ema Berea sira ne'e matenek " Tanba sira simu liafuan ne'e ho neon prontu. Loro-loron sira buka hatene iha Eskritura sira atu haree se liafuan ne'e loos ka lae" Apostolu 17:11. Sira la simu de'it hanorin ida tanba ema ida dehan hanorin ne'e ba sira, maibé sira ezamina buat hotu tuir Maromak Nia Liafuan. 

Maromak mós fó avizu mai ita atu labele aumenta ka hamenus Maromak Nia Liafuan. Deuteronomio 4: 2 hatete: "Keta aumenta liafuan ne'ebé Ha'u manda ba imi, no keta hamenus liafuan ne'e. Nune'e imi bele halo tuir ukun fuan sira hosi Nai, imi Nia Maromak, ne'ebé Ha'u manda ba imi" Deuteronómiu 4:2. Nune'e mós, Apokalipse 22:18-19 fó avizu sériu atu labele troka Maromak Nia liafuan. 

Apóstolu Paulo fó korajen ba ema kristaun sira atu fahe lia-loos ba malu ho loloos (2 Timóteo 2:15). Ida-ne'e katak ita presiza estuda didi'ak no komprende didi'ak Biblia iha dalan ne'ebé loos tuir nia kontekstu. 

Hatene Maromak la hanesan ho hatene Maromak ho loloos. Ita hatene Maromak personalmente, kuandu ita rona Ninia lian liuhusi Ninia sagrada Eskritura, halo tuir Ninia hanorin sira, no husik Ninia lia-loos transforma ita-nia moris. 

Mai ita sai ema kristaun la'os de'it ho naran ka depende de'it ba saida mak ema seluk hatete. Mai ita loke Biblia loroloron, halo orasaun husu Espíritu Santu atu dirije ita, no buka Maromak Nia lia-loos ho haraik-an. 

Bainhira ita hatene Maromak liuhusi Ninia sagrada Eskritura no halo tuir Ninia lia-loos ho fiél, ita kontinua la'o ho seguru iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak ita presiza lee Biblia?

Maromak huu sai Eskritura hotu, no Eskritura ne'e fó benefísiu hodi hanorin, hatudu sala, koriji no fó treiñu iha moris loos, 2 Timóteo 3:16 BK 

                            2 Timóteo 3:16

Bíblia la'ós livru baibain ida. Bíblia la'ós de'it kolesaun istória ne'ebé ema hakerek ho sira-nia matenek. Bíblia mak Maromak Nia Liafuan. Hanesan 2 Timoteo 3: 16 hatete:"Maromak huu sai Eskritura hotu, no Eskritura ne'e fó benefísiu hodi hanorin, hatudu sala, koriji no fó treiñu iha moris loos". Liuhusi Biblia, Maromak ko'alia ba ita, hanorin ita, korrije ita, no dirije ita iha dalan ne'ebé loos. 

Ema barak hakarak rona Maromak ko'alia diretamente ba sira. Lia-loos ne'ebé furak mak Maromak sei ko'alia nafatin ohin loron liuhusi Ninia Liafuan. Kuandu ita loke Biblia ho haraik-an no halo orasaun, ita loke ita-nia laran atu rona ita-nia Kriador nia lian. Bíblia fó sai Maromak Nia karakter, Ninia domin, Ninia promesa, Ninia avizu sira, no Ninia planu atu salva ita liuhusi Jesus Kristu. 

Hanesan ita-nia isin presiza hahán loroloron atu nafatin saudavél, ita-nia klamar mós presiza ai-han espirituál husi Maromak Nia Liafuan. Ema ne'ebé ignora Biblia espiritualmente sei sai fraku, fasil atu sente deskorajen no bele vulneravél ba tentasaun. Maibé ema ne'ebé estuda Biblia beibeik sei hetan matenek, forsa, komfortu, no matadalan ba moris loroloron nian. 

Lee Biblia la'ós de'it devér ka toman ida. Maibé lee Biblia mak oportunidade ida atu gasta tempu hamutuk ho Maromak personalmente. Kada versíkulu iha kbiit atu muda ita-nia hanoin, forma ita-nia karakter, no halo ita hakbesik liután ba Kristu. Kuandu ita hatene liután Maromak liuhusi Ninia Liafuan, ita sei hadomi liután Nia no hakarak atu halo tuir Ninia hakarak sira. 

Iha mundu ne'ebé nakonu ho barullu, ita presiza gasta tempu atu rona ba lian ne'ebé importante liu - mak Maromak Nia lian liuhusi Eskritura. Keta husik loron ida liu leet de'it, sein uza tempu balu atu lee no refleta kona-ba Maromak Nia Liafuan. 

Ohin loron, haka'as an atu loke ita-nia Biblia loroloron. Lee ho neineik, halo orasaun kona-ba mensajen ne'ebé ita lee, no husu Maromak atu ajuda ita obedese ba buat ne'ebé Nia hanorin ita. 

Kuandu ita rona Maromak Nia lian liuhusi Biblia no husik Ninia Liafuan transforma ita-nia moris, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mak ita bele hela iha Kristu iha ita-nia moris loroloron?

Jesus hatete: "Se imi hela iha Ha'u, no Ha'u-nia liafuan hela iha imi, imi bele husu saida de'it neʼebé imi hakarak, no ida ne'e sei halo ba imi" João 15:7 BK. Iha versíkulu ne'e, Jesus uza ai-knanoik kona-ba ramu uvas ida-ne'ebé iha ligasaun ho uvas-hun. Hanesan ramu/sanak ida hetan moris no forsa husi uvas-hun, ita mós hetan moris espirituál no forsa bainhira ita nafatin iha ligasaun ho Kristu. 

                                  João 15:7

Maibé oinsá mak ita bele hela iha Kristu iha ita-nia moris loroloron nian? 

Ulukliu, ita hela iha Kristu liuhosi gasta tempu ho Nia loroloron liuhusi orasaun. Orasaun la'ós de'it atu husu Maromak buat ruma, maibé iha orasaun ita ko'alia ho Nia nu'udar belun di'ak ida. Iha relasaun ne'ebé di'ak, presiza komunikasaun regular no ita-nia relasaun ho Jesus krexe, kuandu ita mantein ko'alia ho Nia durante ita-nia atividade loron-loron nian. 

Segundu, ita hela iha Kristu liuhusi permiti Ninia Liafuan moris iha ita-nia laran. Jesus hatete: "Hau-nia liafuan hela iha imi." Ita presiza lee Biblia, medita Ninia hanorin sira, no aplika lisaun sira-ne'e iha ita-nia desizaun loroloron nian. Maromak Nia Liafuan fó matadalan mai ita kuandu ita konfundi no fó forsa mai ita kuandu ita hetan tentasaun. 

Terseiru, ita hela iha Kristu liuhusi obedese ka halo tuir Ninia hanorin sira. La to'o atu hatene de'it saida mak Jesus hanorin; ita tenke aplika Ninia liafuan sira. Kada desizaun hotu ne'ebé ita halo atu hatudu onestidade, laran-di'ak, fó perdua, pasiénsia, no domin mak evidensia katak Kristu moris iha ita-nia laran. 

Ba dala haat, ita hela iha Kristu liuhusi depende ba Nia iha situasaun hotu. Maski ita serbisu, estuda, tau matan ba ita-nia família, ka hasoru susar ruma, ita bele konvida Jesus atu hola parte iha ita-nia moris tomak. Moris ema kristaun nian la'ós de'it kona-ba adorasaun iha loron dahitu ka Sabadu, maibé kona-ba la'o hamutuk ho Kristu iha momentu hotu hosi loron ba loron. 

Ikusmai, hela iha Kristu rekere haketak buat ne'ebé separa ita husi Maromak. Buat ne'ebé haketak ita husi Maromak mak hanesan sala ne'ebé ita la konfesa, toman aat, no atividade sira hanesan asesu sosiál media ne'ebé foti ita-nia tempu tomak no halo ita la iha tempu atu hamutuk ho Maromak. 

Hela iha Kristu la'ós esperiénsia dala ida de'it, maibé desizaun loroloron nian. Bainhira ita nafatin iha ligasaun ho Jesus liuhusi orasaun, estuda Biblia, fé, no halo tuir Ninia hanorin sira, Nia transforma ita-nia hahalok/karakter no fó fuan espirituál ba ita. Fuan espiritu nian ita bele lee iha Galasia 5:22-23

Bainhira ita hili loron-loron atu hela iha Kristu, ita krexe liután iha Ninia grasa no kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá haburas grasa no koñesimentu kona-ba ba Nai iha ita-nia moris?

Maibé haburas ba iha grasa no iha koñesimentu kona-ba ita-nia Nai no Salvadór Jesus Kristu. Glória ba Nia agora no to'o tinan ba tinan. Amén. 2 Pedro 3:18

                             2 Pedro 3:18

Moris kristaun nian mak viajen ne'ebé kontinua krexe. Apóstolu Pedro fó korajen ba ema kristaun sira hodi hatete: "Haburas ba iha grasa no iha koñesimentu kona-ba ita-nia Nai no Salvadór Jesus Kristu". Ida-ne'e katak kuandu ita simu onaJesus, ita-nia moris labele hanesan ho ita-nia moris tuan uluk nian. Maromak hakarak ita krexe espiritualmente loroloron iha ita-nia relasaun ho Nia. 

Krexe iha grasa signifika esperiénsia liután Maromak Nia domin, perdaun, pasiénsia, no podér transformasaun iha ita-nia moris. Ita krexe iha grasa bainhira ita hatene katak ita presiza Jesus no sadere ba nia loroloron. Ema ne'ebé krexe iha grasa sai haraik-an liután, fó perdua liután, hatudu pasiénsia liután, no hatudu domin liután ba ema seluk. Ita aprende oinsá atu hatudu laran-sadi'a hanesan Maromak hatudu ona mai ita. 

Krexe iha koñesimentu kona-ba Jesus, ne'e la'ós de'it aprende lia-loos husi Biblia. Maibé ne'e katak ita hatene Nia personalmente. Ita bele krexe iha koñesimentu ne'e liuhosi gasta tempu ho Maromak liuhusi orasaun no estuda Ninia Liafuan. Hanesan ita-nia amizade ho ita-nia maluk sira sai forte liután bainhira ita gasta tempu hamutuk, nune'e mós ita-nia relasaun ho Kristu sai kle'an liután bainhira ita buka Nia loroloron. 

Iha ita-nia pratika moris loroloron nian, ita bele haburas ita-nia relasaun ho Maromak liuhusi uza tempu atu halo orasaun, lee Biblia, no hanoin kona-ba buat ne'ebé Maromak hanorin ona mai ita. Ita bele krexe liután kuandu ita halo tuir Maromak Nia matadalan maski iha buat ki'ik de'it. Ita mós bele krexe iha ita-nia fiar bainhira ita tau fiar ba Maromak iha tempu hasoru susar ruma, serbí ema seluk ho laran-di'ak, fó perdua ba sira ne'ebé hakanek ita, no hili buat ne'ebé loos bainhira hasoru tentasaun. 

Kreximentu espirituál ka akontese Iha loron ida nia laran. Hanesan ai-horis ida presiza bee, loro-matan, no tempu atu moris, ita moris espirituál presiza ligasaun ho Jesus loroloron atu krexe. Iha loron balu ita ladun krexe, maibé se ita nafatin iha ligasaun ho Kristu, Nia sei kontinua Ninia serbisu iha ita-nia laran. 

Ohin loron mai ita husu ita-nia an: Serake ita hakbesik liután ba Jesus ka ita dook liután hosi Maromak tamba prekupasaunmundunian? Halo desizaun loroloron atu uza tempu hamutuk ho Maromak no husik Ninia grasa muda ita-nia moris. Bainhira ita kontinua krexe iha grasa no koñesementu kona-ba Jesus Kristu, ita-nia hahalok sai hanesan Nia, no ita hakbesik liután ba Maromak hodi la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Komisaun Boot

Nee duni, imi bá, no halo dixipulu ba ema hosi nasaun hotu-hotu. Fó batizmu ba sira hodi Aman, hodi Oan, no hodi Espíritu Santu nia naran. Hanorin sira atu halo tuir buat hotu ne'ebé Ha'u manda ona ba imi. No tebes, Hau sei hamutuk nafatin ho imi, to'o mundu nia rohan. Mateus 28:19-20 BK 

                           Mateus 28:19-20

Antes Jesus fila fali ba lalehan, nia fó orden ka instrusaun ikus no importante ida ba Ninia dixipulu sira. Orden ne'e hanaran Komisaun Boot. Jesus haruka Ninia dixipulu sira ba no halo ema sai dixipulu ba nasaun hotu, hanorin ema atu la'o tuir Nia hanorin sira.

Ema kristaun barak hanoin katak haklaken evanjellu mak so de'it ba pastor sira, pregador sira, evanjelista sira, ka ulun-nain igreja sira. Maibé Jesus la fó orden ne'e ba ema espesiál balu de'it. Nia fó orden-ne'e ba ema hotu. Ema kristaun ida-idak iha responsabilidade atu fó-hatene ema seluk kona-ba Maromak Nia domin no salvasaun ne'ebé Jesus Kristu fó sai. 

Ita la presiza hamriik iha palku boot ka halo viajen ba rai estranjeru hodi obedese ba Komisaun Boot ne'e. Ita bele hahú iha fatin ne'ebé ita hela ba. Ita bele fahe ita-nia fé ba ita-nia família, kolega, viziñu no kolega serbisu sira. Ita bele fó korajen ba ema ne'ebé sente laran-tun, halo orasaun ba sira ne'ebé hetan terus, no hatudu Kristu Nia domin liuhusi ita-nia hahalok. Hatudu sasin simples kona-ba buat ne'ebé Jesus halo ona iha ita-nia moris bele halo ema hakbesik liután ba Maromak. 

Dala ruma ita sente ta'uk ka hanoin katak ita ladún hatene atu fahe Evanjellu. Maibé Jesus fo promesa furak ida: "Ha'u sempre hamutuk ho imi." Ita la serbisu mesak de'it. Kristu hamutuk ho ita no fó korajen no matenek ne'ebé ita presiza. 

Loron ida, ita sei hamriik iha Maromak Nia oin no responsabél kona-ba oinsá mak ita uza oportunidade sira ne'ebé Maromak fó mai ita atu influensia ema seluk ba Maromak Nia reiñu.

Fahe Jesus Nia liafuan di'ak ba ema seluk, ne'e mak parte importante ida husi ita-nia viajen iha dalan ba lalehan. Bainhira ita ho fiél ko'alia kona-ba Kristu liuhusi ita-nia liafuan no hahalok, ita ajuda ema barak liután deskobre dalan ne'ebé lori ema ba moris rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Nai, hau fiar ona; ajuda ba bainhira hau la fiar!

No labarik nia aman hakilar kedas, no dehan ho matan been, “Nai, ha'u fiar ona; ajuda ba bainhira ha'u la fiar!” Marcos 9:24 BK 

                               Marcos 9:24

Favór lee ninia istória kompletu iha Evanjellu Marcos 9.

Ema kristaun barak hanoin katak fé signifika la iha dúvida. Maibé Biblia hatudu ba ita katak ema ida bele fiar Maromak, maibé sei luta nafatin mós ho ta'uk no inserteza sira. Ida-ne'e mak esperiénsia husi aman ne'ebé lori ninia oan-mane ne'ebé demonia tama ona ba nia laran. Nia fiar katak Jesus bele ajuda, maibé kuandu nia haree nia oan terus ba tinan barak, nia laran sei iha duvida ba buat balu. Duke subar ninia frakuleza sira ne'e, nia halerik ho onestu: "Nai, hau fiar ona; ajuda ba bainhira hau la fiar!" 

Ida-ne'e hanorin ita lisaun importante ida. Fiar la signifika la iha dúvida iha ita-nia moris. Fé ka fiar mak hili atu lori ita-nia dúvida ba Jesus no husu Nia atu hametin ita-nia fiar. Fiar ne'ebé fraku ne'ebé sadere ba Jesus di'ak liu fali fiar ne'ebé metin maibé depende de'it ba ita-nia an rasik. 

Bíblia fó ezemplu seluk tan kona-ba ema fiar-na'in sira ne'ebé luta ho sira-nia dúvida. Pedro la'o iha bee leten, bainhira nia hateke ba Jesus, maibé nia komesa mout bainhira nia hateke ba anin-boot no ta'uk (Mateus 14:29-31). Dixipulu Tomé la fiar katak Jesus moris hi'as ona to'o nia haree Jesus ho ninia matan rasik, maibé ho pasiénsia Jesus ajuda nia fiar (João 20:24-29). Jesus la husik sira, maibé Nia hametin sira-nia fiar. 

Oinsá mak ita bele halakon ita-nia dúvida ne'ebé halo ita lakon fiar? Ulukliu, onestu ho Maromak kona-ba Ita-nia dúvida sira. Segundu, gasta tempu lee Maromak Nia promesa sira iha Biblia. Terseiru, hanoin-fali oinsá mak Maromak ajuda Ita iha tempu pasadu. Ikusmai, kontinua halo orasaun no obedese ba Maromak maski ita-nia fiar kiik hela. Fé sai forte liután bainhira ita la'o hamutuk ho Kristu loroloron. 

Hili tau fiar ba Jesus maski ita hasoru susar no dúvida ruma sei ajuda ita fiél nafatin bainhira ita kontinua la'o iha dalan ba lalehan. Bainhira ita lori ita-nia dúvida ba Kristu, Nia hametin ita-nia fiar ho pasiénsia no lori ita besik liután ba Ninia reinu lalehan nian.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Nai mak fó, no Nai mak foti fali

Nia dehan, “Molik ha'u sai hosi ha'u-nia inan nia kabun laran, no molik hau sei fila fali ba. Nai mak fó, no Nai mak foti fali. Hahi'i ba Nai Nia naran.” Job 1:21 BK .

                                       Job 1:21

Job mak ema ida ne'ebé riku tebes. Nia iha animál barak, atan barak no família boot. Maibé iha loron ida de'it, nia lakon kuaze buat hotu. Ninia rikusoin lakon hotu, no ninia oan sira mate hotu. Iha tempu susar ne'e nia laran, Job hatete: "Nai mak fó, no Nai mak foti fali. Hahi'i ba Nai Nia naran.” 

Ohin loron, ema kristaun barak okupadu los hodi buka osan, atu hetan susesu, no atu hetan sasán. La iha buat ida-ne'ebé sala atu serbisu maka'as hodi fornese ba ita-nia família. Maibé, problema sira mosu bainhira ita uza tempu hodi buka osan sai importante liu duke uza tempu hamutuk ho Maromak. 

Ema balu okupadu tebes harii sira-nia negósiu to'o sira la iha tempu atu halo orasaun. Ema seluk serbisu ba tempu naruk, maibé sira kuaze la iha tempu loke sira-nia Biblia. Karik sira iha osan barak iha banku, maibé sira-nia relasaun ho Maromak sai fraku. Sira haluha tiha katak buat hotu ne'ebé sira iha mai husi Maromak. 

Job komprende lia-loos importante ida: tuir loloos, la iha buat ida mak partensi ba ita. Ita-nia saúde, serbisu, uma, família, no osan mak prezente husi Maromak. Maromak husik ita goza buat sira ne'e ho haksolok, maibé Nia bele foti fali iha kualkér tempu. Moris ne'e la iha serteza, maibé Maromak nunka muda. 

Ida-ne'e la dehan katak Maromak hakarak ita sai kiak. Maibé Nia hakarak ita atu hatene katak Nia mak folin-boot liu fali buat hotu ne'ebé ita iha. Rikusoin bele lakon iha kalan ida, maibé ita-nia relasaun ho Maromak sei dura ba nafatin. 

Ohin loron pauza no husu ita-nia an: "Serake ha'u okupadu demais too la iha tempu ba Maromak?" Se ita-nia serbisu no riku-soin troka ona Maromak Nia fatin, agora mak tempu atu tau Maromak nu'udar prioridade fila fali. 

Tau Maromak liu fali osan, susesu, no riku-soin sira, ajuda ita fiél nafatin ba Kristu no halo ita kontinua la'o iha dalan ba lalehan. Kuandu ita hanoin katak bénsaun hotu mai husi Maromak, ita sei tau fiar ba Maromak liu fali rikusoin sira iha mundu ne'e.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak sinal katak diabu domina ona ita-nia moris?

Hanoin di-diak no matan moris ba. Tanba imi-nia inimigu Diabu la'o ba-mai hanesan liaun ida ne'ebé hasai lian haka'as no buka ema atu haan. 1 Pedro 5:8 BK 

                                 1 Pedro 5:8

Bíblia hanorin katak Satanas no ninia anju aat sira ezisti duni. Maibé, ita tenke kuidadu atu la akuza diabu iha problema hotu ne'ebé ita hasoru. La'ós moras, fraku, ka susar hotu kauza husi Diabu. Tamba saida? Tamba sofrementu balu ita hasoru hanesan konsekuénsia hosi ita-nia pekadu rasik. Bíblia hatudu sinál balu ne'ebé hatudu katak Diabu domina no kontrola ona ita-nia moris. 

Sinál ida mak hadomi hahalok pekadór nian no lakohi halo tuir Maromak Nia hanorin sira. Jesus hatete katak Satanas mak bosok-teen sira nia aman (João 8:44). Kuandu ita kontinua rejeita Maromak Nia lia-loos no hili atu moris iha sala laran, ita husik inimigu lohi no kontrola ita-nia hanoin. 

Sinál seluk tan mak ita iha toman aat sira. Iha Marcos 5: 1-20, ema ne'ebé diabu tama laran, ninia moris kontrola hosi Diabu atu kontinua halo toman aat ne'ebé estraga ninia moris rasik no ema seluk. Ohin loron, iha ema balu mak sira-nia moris hetan kontrola hosi sira-nia hahalok no toman-aat ne'ebé estraga sira-nia isin. Ezemplu hahalok sira ne'e mak hanesan : dependensia ba substansia sira ne'ebé halo ema addicted hanesan droga, alkohol, hahalok odi, hahal9k violénsia, ka hahalok-aat seluk ne'ebé haketak ita husi Maromak. 

Sinál terseiru mak odi Maromak no buat espirituál sira. Bíblia hatudu katak espíritu aat kontra Maromak Nia serbisu (Apos 16: 16-18). Sinál ida-ne'ebé klaru mak "alerjia ba lia-loos Biblia nian". Ema ida bele sai hirus kuandu: Eskritura hatudu ninia sala, lakohi simu koresaun hosi Biblia, ka lakohi rona Maromak nia Liafuan. Duke hadomi lia-loos, sira kontra fali lia-loos. Hahalok hanesan ne'e hatudu katak ita komesa hadook an husi Maromak no loke ita-nia an ba inimigu nia influénsia. 

Oinsá mak ita bele manán diabu? Ulukliu, ita tenke halo orasaun loroloron no husu Jesus atu ukun Ita-nia laran. Segundu, lee Biblia maski ida-ne'e soke no korrije Ita. Terseiru, konfesa Ita-nia sala sira no hasees an husi sala sira-ne'e. Dahaat, hale'u ita-nia an ho ema kristaun sira ne'ebé bele fó korajen ba ita atu la'o tuir Kristu. Ikusmai, hanoin-ba katak Jesus forte liu fali Satanas no Nia fo manán ba sira ne'ebé tau fiar ba Nia (Tiago 4: 7). 

Hadomi Maromak Nia lia-loos ajuda ita atu fiél nafatin ba Kristu bainhira ita kontinua la'o iha dalan ba lalehan. Kuandu ita simu Maromak Nia Liafuan ho haraik-an no entrega ita-nia moris ba Jesus loroloron, Nia proteje ita husi inimigu nia kbiit no prepara ita ba Ninia reinu rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fiar ne'ebé kura

Jesus dehan ba nia, “Oan feto, ó-nia fiar salva ona ó. La'o ba ho dame, no sai di'ak hosi ó-nia moras ne'e.” Marcos 5:34 BK 

                               Marcos 5:34

Ema barak ohin loron buka atu hetan kura. Ema balu sofre tamba moras, maibé ema seluk lori kanek iha sira-nia laran. Karik sira sente mesamesak, deskorajen, hanoin barak, ka sente kulpadu tanba pekadu. Bíblia konta istória kona-ba feto ida-ne'ebé hetan moras ba tinan 12. Nia gasta ona ninia osan hotu atu hetan kura, maibé la iha ema ida mak bele kura nia (Mark 5:25-26). 

Bainhira nia rona kona-ba Jesus, nia fiar katak Jesus bele ajuda nia. Feto ne'e dudu ema-lubun no konsege kaer kona Jesus Nia roupa ninin de'it. Nia hatete ba nia an: “Se hau kona deit Ninia ropa, ida ne'e mós sei salva ha'u.” Marcos 5:28 BK. Imediatamente nia hetan kura. 

Saida mak halo diferensa? Feto ne'e hetan kura la'ós tamba nia liman kona Jesus Nia ropa. Maibé nia hetan kura tamba ninia fiar ba Jesus. Feto ne'e tau fiar ba Jesus kuandu nia haree katak nia la iha esperansa ona ba buat seluk. Tuirmai Jesus hatete: "“Oan feto, ó-nia fiar salva ona ó"

Fé la signifika fiar de'it katak Jesus ezisti. Fiar mai husi ita-nia nesesidade loroloron nian no tau fiar ba Maromak atu halo buat ne'ebé di'ak liu ba ita. Dala ruma Maromak kura ita-nia isin ne'ebé moras. Dala ruma nia kura ita-nia laran ne'ebé rahun. Dala ruma Maromak fó forsa mai ita atu tahan hasoru susar sira. Maibé Nia sempre responde ba fiar ne'ebé loos. 

Jesus konvida ema hotu atu mai ba Nia. Iha Mateus 11:28-29, Nia hatete: "Mai iha Hau, imi hotu neʼebé kole no lori naha todan, no Ha'u sei fó deskansa ba imi. Simu Ha'u-nia todan, no aprende hosi Ha'u. Tanba Ha'u laran maus no haraik aan; no imi-nia klamar sei hetan deskansa" Mateus 11:28-29 BK. La iha todan ida-ne'ebé todan liu ba Nia. La iha problema ida mak susar liu ba Nia atu rezolve. 

Dalan ba lalehan hahú ho fé ba Jesus. Hanesan feto ne'ebé kaer kona Jesus Ninia roupa, ita mós tenke mai hasoru Nia ho fiar no haraik-an. Bainhira ita tau fiar ba Kristu, Nia lori kurativu ba ita-nia laran, dame ba ita-nia neon, no esperansa ba moris rohan-laek. Bainhira ita tau fiar ba Jesus no halo tuir Ninia hanorin sira, ita asegura ita-nia dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Anin-boot moris nian

Nune'e Nia hamriik, no siak anin, no dehan ba tasi ne'e, “Nonook lai, hakmatek ba!” No anin ne'e para ona, no tasi mós hakmatek los. Marcos 4:39 BK 

                            Marcos 4:39

Ema hotu hasoru anin-fuik iha sira-nia moris. Anin-fuik sira-ne'e bele mosu iha forma oinoin hanesan moras, problema finanseiru, problema família nian, susar, ka lakon ema ne'ebé ita hadomi. Kuandu susar sira-ne'e mosu mai, karik ita sente ta'uk no hanoin se Maromak haluha ona ita. 

Dixipulu sira hasoru anin-fuik maka'as bainhira sira hakur Tasi Galileia hamutuk ho Jesus. Anin huu maka'as, laloran baku makaas ro, no sira haree katak sira sei mout. Maibé Jesus hamutuk ho sira iha ró laran hela. Iha sira-nia ta'uk, dixipulu sira hakilar dehan: "Mestri, Ó la haree ita besik atu mate ona ne'e?” Marcos 4:38.

Ita barak mós husu pergunta ne'ebé hanesan bainhira hasoru anin-fuik moris nian. Ita halo orasaun, maibé problema sei mosu nafatin. Ita tanis, maibé lalehan haree hanesan nonook de'it. Maibé Jesus la abandona Ninia dixipulu sira. Iha tempu ne'ebé loos, nia hamriik hodi hasee anin no tasi hodi dehan: "“Nonook lai, hakmatek ba!” imediatamente, anin-fuik para!. 

Dala ruma Maromak hakalma anin-fuik ne'ebé hale'u ita. Iha tempu seluk, Maromak hakalma ita-nia sentimentu ta'uk iha ita-nialaran. Maneira ida ne'ebé de'it mak Maromak hili, fiar katak Maromak sempre kontrola buat hotu. Tuirmai Jesus husu ba Ninia dixipulu sira: “Tanbasá mak imi tauk hanesan nee? Nusaa mak imi la fiar?”. Marcos 4:40

Fé ka fiar katak tau fiar ba Maromak maski ita la komprende saida mak akontese. Hanesan Paulo hatete, "Tanba ita lao liu hosi fiar, la'os liuhosi buat neʼebé ita haree (2 Korinto 5:7). Karik ita la haree oinsá mak ita bele hetan solusaun, maibé ita bele tau fiar ba Maromak ne'ebé kaer metin ita-nia futuru. 

Dalan ba lalehan dala ruma la'o liuhusi anin-fuik laran. Maibé kuandu Jesus iha ita-nia ró laran, ita la iha buat ida atu ta'uk. Tau fiar ba Nia, la'o hó fiar, no Nia sei dirije ita ho seguru ba Ninia reinu rohan-laek. Saida mak akontese, mai ita nafatin iha dalan ba lalehan 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

click iha ne'e atu estuda  Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak ema di'ak sofre no ema aat moris di'ak?

Tanba ha'u laran moras ba ema neʼebé loko aan, bainhira ha'u haree ema aat moris hakmatek. Salmu 73:3 BK 

                                  Salmu 73:3 

Ema barak husu: "Tanbasa mak ema di'ak sira hetan terus bainhira ema aat sira haree hanesan moris-di'ak hela de'it?" Ne'e la'ós pergunta foun ida. Maski Asaf, autor ba Salmo 73, mós husu pergunta hanesan. Nia haree ema aat sira moris hakmatek, bainhira ema di'ak sira hasoru terus no susar oinoin. 

Dala ruma ida-ne'e la justu. Ema ne'ebé onestu no laran-di'ak bele hasoru moras, kiak, deskorajen no desapontadu. Iha tempu hanesan, ema aat sira goza rikusoin, susesu, no podér. Karik ita hanoin no pergunta: serake serbí Maromak no sai ema di'ak iha vantajen ruma? 

Maibé, Asaf nia komprensaun muda bainhira nia mai ba Maromak Nia prezensa. Nia realiza katak susesu iha mundu mak temporariu de'it. Rikusoin, naran-boot, no podér sei la dura ba nafatin. Salmu 73:17-18 hanorin katak ema aat sira bele haree hanesan seguru agora, maibé se sira-nia futuru sei sai perigu, se sira la iha Maromak. Sira-nia prosperidade mak ba tempu badak de'it. 

Bíblia mós hanorin katak Maromak permiti terus balu ba ema di'ak ho objetivu balu. Roma 5: 3-4 hatete katak terus halo ita tahan/perseveransa, forma ita-nia karakter no hanorin ita esperansa. Dala barak Maromak uza susar atu hametin ita-nia fiar liután no atu ita hakbesik liután ba Nia. Job hetan sofrementu boot, maibé nia fiél nafatin no to'o ikus Maromak fó bénsaun ba nia. 

Bainhira ita hasoru susar, importante liu mak ita tenke hanoin-hetan Jesus Nia sofrementu. Nia di'ak loos, maibé nia hetan terus barak liu fali ema hotu. Liuhusi Ninia terus, Nia lori salvasaun ba mundu. Ida-ne'e fó-hanoin ita katak terus la sempre hatudu katak Maromak la kontente. 

Loron ida, Maromak sei tesi-lia ba ema hotu ho justu. Iha loron ne'ebá, ema sei hetan kolen ba hahalok loos hotu, no ema aat sei hetan kastigu-mate. 

Maun-alin sira, dalan ba lalehan la sukat ho susesu mundu nian, maibé sukat ho oinsa ita fiél ba Jesus. Maski moris haree hanesan la justu agora, tau fiar ba Maromak. Nia sei fo rekompensa ba ema di'ak sira ho moris rohan-laek. Ema ne'ebé fiél nafatin ba Jesus sei la desapontadu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda  Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ita husik espíritu santu halo serbisu iha Ita-nia moris?

No bainhira Nia mai, Nia sei fó hanoin ba mundu kona ba sala, moris loos no julgamentu. João 16:8 BK 

                                        João 16:8

Ema barak hakarak moris di'ak liu, maibé sira la hatene iha ne'ebé mak sira bele hetan kbiit atu muda. Novidades di'ak mak: Maromak fó ona Espíritu Santu mai ita hodi ajuda ita. 

Jesus hatete katak Espíritu Santu sei fó hatene kona-ba ema-nia sala (João 16: 8). Ne'e katak Maromak ajuda ita atu haree saida mak sala iha ita-nia moris. Kuandu ita sente sala bainhira ko'alia lia-bosok, ko'alia liafuan maka'as, ka halo buat ruma ne'ebé halo Maromak la kontente, karik elEspíritu Santu mak ko'alia ba ita-nia laran. Nia halo ida-ne'e tanba Maromak hadomi ita no hakarak salva ita. 

Espíritu Santu la hatudu de'it ita-nia sala. Jesus promete katak ita-nia Aman iha lalehan prontu atu fó Espíritu Santu ba sira ne'ebé husu Nia (Luc 11: 13). Ita la presiza luta hasoru susar oioin iha ita-nia moris mesamesak. Loron-loron ita bele halo orasaun no husu Maromak atu halo ita nakonu ho Ninia Espíritu Santu. 

Jesus mós hatete: "Hela iha ha'u" (João 15: 4). Hanesan uvas nia sanak ida tenke mantein ligadu ho uvas-hun atu bele moris, ita mós tenke iha ligasaun ho Jesus liuhusi orasaun, estuda Biblia, no obedese ba Ninia hanorin sira. Kuandu ita hela iha Kristu, Espíritu Santu fó forsa mai ita atu moris ba Maromak. 

Bíblia mós fó avizu ba ita atu labele halo Espíritu Santu triste (Efeso 4:30). Ita halo Espiritu Santu triste bainhira ita finje ka kontinua halo sala no lakohi halo tuir Maromak Nia hanorin sira. Duke halo nune'e, ita tenke rona bainhira Espiritu ko'alia ba ita-nia laran no halo tuir ninia instrusaun sira. 

Dalan ba lalehan mak la'ós de'it hatene kona-ba Jesus, maibé mós permite Espíritu Santu muda ita-nia laran loroloron. Kuandu ita rona ba Ninia lian, mantein ligadu ho Kristu, no halo tuir Maromak Nia matadalan, nia prepara ita atu nafatin la'o iha dalan ba lalehan.

                                  João 16:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá ita bele hatais Kristu Nia roupa moris loos nian?

“No Noiva nee hetan lisensa atu hatais aan ho hena linhu diak, nebee nabilan no moos.” Hena linhu diak nee katak santu sira nia hahalok loos. Apokalipse 19:8 BK

                         Apokalipse 19:8

Iha ita-nia devosaun uluk nian, ita aprende katak Kristu fó roupa ne'ebé folin-boot liu ba ita, ne'e mak Ninia roupa moris loos nian. Maibé oinsá mak ita hatais roupa ne'e iha ita-nia moris loroloron? 

Hatais roupa hahalok loos Kristu Nian la'ós de'it kona-ba buat ne'ebé ita fiar, maibé mós kona-ba oinsá ita hala'o ita-nia moris loroloron. Maibé kuandu Jesus moris iha ita-nia laran, ita-nia hahalok komesa refleta Kristu Nia karakter. 

Ita hatais Kristu-Nia roupa bainhira ita hili onestu duke bosok, ko'alia ho lian mamar duke ko'alia ho liafuan maka'as, no fó perdua duke halo vingansa. Ita hatais roupa Kristu nian kuandu ita ajuda ema ne'ebé presiza, ko'alia lia-loos ho domin, no hatudu respeitu ba ema seluk. Ita mós hatais Kristu-Nia roupa kuandu ita halo orasaun, estuda Maromak-Nia Liafuan, no buka Maromak-Nia konsellu iha ita-nia desizaun loroloron nian. 

Dala ruma ita falla no monu ba sala. Kuandu ida-ne'e akontese, ita labele subar ita-nia an husi Maromak. Duke subar, ita tenke konfesa ita-nia sala, husu perdua, no tau fiar ba Jesus atu hamoos fali ita-nia sala. Loron-loron, ita presiza entrega ita-nia moris ba Maromak no husik Espíritu Santu forma ita-nia hanoin, liafuan no asaun sira. 

Hena "Liñu di'ak" ne'ebé temi iha Apokalipse 19: 8 reprezenta Maromak-Nia povu Nia hahalok loos sira. Hahalok di'ak sira-ne'e la salva ita, maibé hahalok di'ak sira ne'e hatudu katak Kristu serbisu iha ita-nia moris. Hanesan roupa hatudu status ruma kona-ba ema ne'ebé hatais, nune'e mós ita-nia hahalok loroloron nian hatudu katak ita la'o hamutuk ho Jesus ka lae. 

Dalan ba lalehan ita hetan la'os tamba ita-nia hahalok-loos rasik, maibé tanba Kristu Nia hahalok loos. Kuandu ita simu Ninia prezente salvasaun nian no husik Nia transforma ita-nia moris loroloron, ita sei hatais Ninia roupa moris loos nian no prontu atu hasoru nia kuandu nia mai atu lori ita ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Roupa ne'ebé karung liu

“No Noiva ne'e hetan lisensa atu hatais aan ho hena liñu di'ak, ne'ebé nabilan no moos.” Hena liñu di'ak ne'e katak santu sira-nia hahalok loos. Apokalipse 19:8 BK 

                        Apokalipse 19:8

Iha tempu antigu, rikusoin ida-ne'ebé folin-boot liu mak roupa furak ida. Liurai sira hatais an ho liurai nia roupa atu hatudu sira-nia podér, no ema riku sira hatais roupa di'ak atu hatudu sira-nia status. Maski nune'e, roupa ne'ebé folin-boot liu hotu ne'ebé oferese la'ós halo husi osan-mean, ka material folin-boot sira. Maromak fó roupa moris loos nian ba Ninia povu. 

Lia-fuan roupa temi dahuluk iha Biblia ligadu ho humanidade monu ba sala. Depoisde Adão no Eva monu ba sala, sira hatene katak sira molik no koko atu taka sira-nia an ho ai figeira nia tahan (Genesis 3: 7). Sira-nia roupa ne'ebé sira halo rasik reprezenta ema nia esforsu atu rezolve problema sala liuhusi esforsu rasik. Maibé, la iha ema ida mak bele taka sala iha Maromak santu Nia oin. 

Iha tempu naruk, iha historia tomak, ema kontinua tenta atu suku sira-nia "ropa hosi figeira tahan". Ema balu tau fiar ba sira-nia hahalok-di'ak sira, serimonia relijiaun nian, asaun karidade sira, ka sira-nia personalidade morál nian. Maski nune'e, la iha buat hirak ne'e mak bele halo ita sai loos iha Maromak nia oin. Tuir Jesus nia ai-knanoik kona-ba, roupa kaben nian, Nia revela lia-loos ne'e. Bainhira konvidadu ida tama iha festa kazamentu nian la hatais roupa propriu, ema duni sai nia tanba nia la hatais roupa ne'ebé liurai fornese ona (Mateus 22: 1-14). Lisaun ne'e hatudu ho klaru katak Maromak fornese roupa ne'e, no ita tenke simu roupa ne'e. 

Roupa ne'ebé deskrebe iha Apokalipse 19: 8 mak presioza tebes tamba sosa ho folin-boot tebes. Roupa ida-ne'e sosa liuhusi Jesus Kristu Nia sakrifísiu iha krús. Maski ita bele hetan salvasaun gratuita, maibé lalehan selu roupa ne'e ho kustu boot tebes. Kristu fó Ninia moris atu nune'e ema sala-na'in sira bele hatais Ninia roupa hahalok loos nian no bele merese hamriik iha Maromak nia futar-oin. 

Roupa ne'e mós furak tebes no la iha komparasaun. Paulo hatete ba ita katak Kristu hakarak aprezenta Ninia igreja ba nia an "Nebee la iha noda ka namkurut ka buat seluk hanesan nee, maibee atu igreja bele santu no moos" Éfezu 5:27. Maromak Nia planu la'ós de'it atu fó perdua mai ita, maibé atu transforma ita sai ema ne'ebé refleta Ninia karakter. Hena liñu deskrebe hanesan hena ne'ebé "moos no nabilan", ne'ebé hatudu moris ne'ebé furak tamba hetan transformasaun hosi Maromak Nia grasa. 

Jesus mós fó-hanoin ita katak ita labele rai rikusoin iha mundu, iha ne'ebé bele hetan estraga no sai feruzen, maibe rai riku-soin iha lalehan (Mateus 6:19-21). Roupa mundu nian sei sai tuan, aat, no ikusmai destroi. Kristu Nia roupa moris loos nian sei nunka lakon. Roupa ne'e mak buat ne'ebé folin-boot liu hotu ne'ebé ita bele hetan tanba prepara ita ba moris rohan-laek. 

Ohin loron, konvite ne'e nafatin nakloke ba ita. Ita bele kontinua tau fiar nafatin ba ita-nia roupa ne'ebé hosi halo hosi ai-figeira tahan, ka ita bele simu roupa ne'ebé Kristu oferese ho livre ne'ebé sosa ho nia raan. Roupa neʼebé karung liu iha universu tomak, tamba sosa ona ho Salvador nia moris rasik. Pergunta mak ne'e: ita hakarak simu no hatais ka lae?

Pergunta reflesaun nian: 

 1. Serake ita sadere ba Ita-nia di'ak rasik, ka ba Kristu nia hahalok loos atu hetan salvasaun? 

 2. "Figeira tahan" ida ne'ebé mak dala barak ema uza hodi kobre sira-nia nesesidade espirituál? 

 3. Oinsá mak koñesimentu ba kustu ba ita-nia salvasaun hakle'an ita-nia apresiasaun ba Maromak Nia grasa? 

Mai ita hatais roupa moris loos ne'ebé Kristu prepara ona ba ita, nafatin halo orasaun, lee Maromak Nia Liafuan loroloron atu ita nafatin la'o iha dalan loos, dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak Nia Grasa

Nai iha laran luak no grasa, Nia neineik atu sai hirus no Nia nakonu ho domin metin. Salmu 103:8 BK.

                                 Salmu 103:8 

Liafuan ida-ne'ebé furak liu iha Biblia mak grasa. Grasa mak Maromak Nia laran-sadi'a ne'ebé boot ba ema sala-na'in sira. Grasa mak Maromak Nia laran-di'ak ne'ebé fó mai ita, la'ós tanba ita merese, maibé tanba Nia hadomi ita. 

Salmu 103: 8 deskrebe kona-ba Maromak Nia karakter: "Nai iha laran luak no grasa, Nia neineik atu sai hirus no Nia nakonu ho domin metin." Maromak la trata ita tuir ita-nia hahalok-pekador nian. Duke halo nune'e, Nia hatudu kompaixaun no perdua ba ita. 

Lia-loos ne'e mós revela ba Moises. Iha Exodo 24: 1-10, Maromak fó sai Ninia an nu'udar Maromak ne'ebé laran-sadi'a, grasa wain, pasiénsia, no nakonu ho laran-di'ak no lia-loos. Maski ema Izrael halo ona sala hodi adora estatua karau-oan osan-mean, maibé Maromak prontu fó perdua ba sira ne'ebé arrepende an. Ninia grasa boot liu fali sira-nia sala. 

Jesus ilustra Ninia grasa iha istória kona-ba kobradór impostu, ne'ebé halo orasaun hodi dehan: "Maromak, hatudu laran-sadi'a ba ha'u, sala-na'in ida!" (Lc 18:13). La hanesan ho ema farizeu ne'ebé foti-an, mane ne'e hatudu haraik-an no simu Maromak Nia favor. Ema ne'ebé rekoñese katak sira presiza Maromak, mak simu Ninia grasa.

Maromak nlNia grasa ne'e disponovél ba ema hotu. Apokalipse 3:20 hatudu katak Jesus hamriik iha odamatan no dere. Ho pasiénsia, Nia konvida ita atu loke ita-nia laran ba Nia. Nia nunka obriga Ninia an tama ba ita-nia laran, maibé Nia hein ho domin ba ita-nia responde.

Grasa la'os de'it perdua, maibé mós restaurasaun. Iha Zacarias 3: 4, Maromak hasai tiha Josue nia roupa ne'ebé fo'er no hatais roupa ne'ebé moos. Ne'e mak buat ne'ebé Maromak halo ba ita. Nia hasai tiha ita-nia sala no taka ita ho Kristu Nia hahalok loos. 

Bíblia hatete katak "Tanba sala nia kolen mak mate, maibee Maromak nia prezenti mak moris rohan laek iha ita nia Nai Kristu Jesus" Roma 6:23. Salvasaun la'ós buat ne'ebé ita hetan. Ne'e mak prezente grasa nian. 

Roma 5: 20-21 hanorin katak iha fatin ne'ebé sala aumenta, grasa mós aumenta liután. La iha pekadu ne'ebé boot liu fali Maromak Nia grasa, Kuandu ita arrepende an no mai hasoru Nia. Roma 5: 8 hatutan tan katak kuandu ita sei sala-na'in hela, Kristu mate ba ita. Maromak nia domin alkansa ita antes ita buka nia. 

Ohin loron, hanoin-ba katak Maromak Nia grasa boot liu fali ita-nia sala, ita-nia fraku no sala sira iha tempu uluk. Mai hasoru Nia ho haraik-an. Simu Ninia perdaun, Ninia hahalok loos, no Ninia prezente moris rohan-laek. 

Bainhira ita moris loroloron iha Maromak Nia grasa ne'ebé furak, ita hakbesik liután ba Jesus no kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Arrependementu ne'ebé loos

Maibé buat neʼebé Maromak fó sai nanis ona liu hosi profeta hotu nia ibun, katak Kristu sei hetan terus, buat ne'e Nia kumpri ona. Nune'e arepende ba, no fila fali ba Maromak hodi Nia bele hamoos imi-nia sala, no imi bele hetan tempu hakmatek iha Nai Nia prezensa. Apostolu 3:18-19 BK 

                           Apostolu 3:19

Arependementu mak hanorin ida ne'ebé importante liu iha Biblia. Maibé ema barak komprende sala kona-ba arependementu. Ema balu hanoin katak arrependementu mak sentimentu triste de'it ba hahalok sala. Ema seluk fali hanoin katak arependementu mak konfesa asaun ka hahalok sala sira. Bíblia hanorin katak arrependementu iha signifikativu ne'ebé kle'an tebes. Arependementu mak mudansa iha ita-nia laran no ida-ne'e rezulta ba transformasaun iha ita-nia moris espirituál.

Mensajen arrependementu mak sai sentru ba João Batista no Jesus nia serbisu haklaken nian. João hatete: “Arepende ba, tanba reinu lalehan besik ona" (Mateus 3: 2). Jesus haklaken: “Tempu too ona, no Maromak Nia reinu besik ona. Arepende ba, no fiar evanjelhu.” Marcos 1:15. Depois Jesus moris hi'as fali, Nia haruka atu haklaken konaba arependementu no perdaun ba nasaun hotu (Lc 24:46-47). 

Iha Apostolu 3:18-19, Pedro bolu ema atu "Arepende ba, no fila fali ba Maromak hodi Nia bele hamoos ita-nia sala". Arrependementu involve hasees an husi sala no hakbesik an ba Maromak. Arependementu la'ós triste tamba hetan konsekuénsia hosi sala, maibé triste tamba ofonde ona Maromak ne'ebé hadomi ita.

Liafuan di'ak mak ne'e: Maromak rasik mak lori ita ba arrependementu. Roma 2: 4 hanorin katak Maromak Nia laran-di'ak mak lori ita ba arrependementu. Maromak la obriga ita. Maibé, Ninia domin, laran-sadi'a, no pasiénsia mak book ita-nia laran atu fila fali ba Nia. Tuir loloos, 2 Pedro 3: 9 hatete katak Maromak lakohi ema ida atu mate, maibé Nia hakarak ema hotu tenke arrepende an. 

Arrependementu inklui mós konfesa. 1 Joao 1: 9 promete katak se ita konfesa ita-nia sala, Maromak sei fó perdua ba ita no hamoos ita husi ita-nia sala hotu. Arrependementu mós inklui simu Maromak nia disiplina. Jesus hatete: "Hau koriji no disiplina sira nebee Hau hadomi. Entaun laran manas ba no arepende" Apokalipse 3:19

Arrependementu no fé sempre la'o hamutuk. Paulo sumariza Ninia ministériu hanesan bolu ema atu " Arepende ba Maromak no tau fiar ba ita nia Nai Jesus Kristu" Apostolu 20:21. Ita hasees an husi sala no tau fiar ba Jesus. 

Arrependementu ne'ebé loos prodús fuan. Jesus hanorin iha João 15: 2-8 katak ema ne'ebé hela iha Nia sei fó fuan barak. Ikusmai laran ne'ebé transformadu sei bele haree iha moris ne'ebé transformadu. Ita la hetan salvasaun tanba hahalok di'ak sira, maibé arrependementu ne'ebé loos, rezulta ba kreximentu espirituál no obedesementu ba MaromakNia hanorin. 

Ikusmai, arrependementu mak prezente husi Maromak. Bainhira ema kristaun sira haree konversaun hosi ema jentiu sira, sira fó glória ba Maromak, hodi dehan “Entaun Maromak fó mós ba ema Jentiu sira atu arepende hodi hetan moris.” Apostolu 11:18. Prezente furak tebes! Maromak la'ós de'it fó perdua ba ema sala-na'in sira, maibé nia mós fó kbiit no hakarak ba sira atu fila fali ba nia. 

Ohin, se espíritu santu ko'alia ba ita-nia laran, keta demora. Mai ba Jesus. Konfesa Ita-nia sala sira, tau fiar ba ninia laran-sadi'a, no husik nia transforma Ita-nia moris. Arrependementu ne'ebé loos, lori perdaun, restorasaun, no la'o besik liután ho Maromak. 

Bainhira ita hasees an husi sala no hakbesik ba Kristu loroloron, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Marta vs Maria iha Moris Moderna

Marta iha alin feto ida naran Maria, ne'ebé tuur iha Jesus nia ain hodi rona Ninia liafuan. Maibé Marta preokupa ho servisu barak atu serví sira. No nia hakbesik ba Jesus no dehan, “Nai, O la hanoin ka katak ha'u-nia alin husik hela hau mesak atu serví? Nunee haruka nia ajuda hau ba.” No Jesus hataan ba nia, “Marta, Marta, ó preokupa no hanoin resin kona ba buat barak. Maibé ó presiza buat ida deit. Maria hili tiha ona parte ida ne'ebé diak, no ema ida sei la foti ida ne'e hosi nia.” Lucas 10:39-42 BK 

                           Lucas 10:1-42

Iha istória kona-ba Marta no Maria, Jesus hanorin lisaun importante ida-ne'ebé iha relevansia tebes ba ita-nia moris modernu ohin loron. Marta kontinua serbí hodi tau matan ba responsabilidade barak, no Maria tuur iha Jesus Nia ain hodi rona ba Jesus Nia liafuan sira. Marta prekupa kona-ba buat barak hodi serbí Jesus, maibé Jesus hatete katak Maria hili ona "parte di'ak liu" ne'ebé ema sei labele foti husi nia. 

Ita barak moris hanesan Marta. Ita okupadu tebes ho serbisu, responsabilidade família nian, média sosiál sira, kompras, atividade halimar nian, no atividade loroloron nian ne'ebé konta la hotu. Maski atividade sira-ne'e importante, maibé atividade sira ne'e fasil foti ita-nia tempu tomak no atensaun to'o ita la iha tempu ho Maromak. Hanesan Marta, ita mós bele hanoin barak, stress, no halo ita desapontadu. 

Maria fó-hanoin ita katak importante tebes atu tau uluk Jesus. Nia hatene katak uza tempu ho Jesus mak importante liu fali atividade seluk. Maromak sei buka nafatin ema ne'ebé buka Nia ho sira-nia laran tomak. Salmu 53: 2 hatete katak Maromak hateke tun husi lalehan hodi haree se iha ema ruma ne'ebé komprende no buka Nia.

Lisaun seluk tan husi istória ne'e mak katak ita-nia hakaas-an rasik la bele halo ita sai loos iha Maromak nia oin. Marta okupadu tebes atu halo serbisu, maibé salvasaun so mai husi buat ne'ebé Kristu halo ona ba ita. Isaias 64: 6 hatete ba ita katak ita-nia hahalok loos mak hanesan tapete ne'ebé foer. Ita presiza buat loos ne'ebé Maromak fornese. 

Liafuan di'ak mak: Jesus hasai tiha ita-nia roupa foer sala nian no hatais ita ho Ninia hahalok loos. Iha Zacarias 3:4, Maromak hasai tiha roupa ne'ebé fo'er no troka ho roupa ne'ebé moos. Apokalipse 7: 14 hatete katak Maromak Nia povu mak ema ne'ebé fase ona sira-nia roupa iha Bibi-Oan Nia raan. Isaias 61:10 haksolok tanba hatais roupa salvasaun nian no hatais hahalok loos hosi Maromak. 

Serbí mak buat ne'ebé importante, maibé ida-ne'e tenke rezulta husi relasaun di'ak ho Kristu. Antes ita bele serbí ho didi'ak ba Jesus, ita tenke uza tempu hamutuk ho Jesus. Maria hili atu iha relasaun di'ak ho Jesus antes serbí Nia, no Jesus hatete katak nia hili buat ne'ebé di'ak liu. 

Ohin, husu ba ita-nia an: serake ha'u okupadu tebes to'o ha'u haluha atu uza tempu hamutuk ho Maromak? Hanesan Maria, mai ita loron-loron hili atu tuur iha Jesus Nia ain liuhusi orasaun no estuda Biblia. Kuandu ita tau uluk Maromak iha ita-niamoris, buat seluk sei hatur iha ida-idak nia fatin propriu.

Bainhira ita hili loroloron atu buka Jesus liu fali prekupasaun moris no buat seluk mundu nian no simu roupa moris loos nian hosi Kristu, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More