Arrepende an no perdua

Se ita konfesa ita-nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu. 1 João 1:9 BK 

1 João 1:9

Bénsaun boot ida iha ita-nia moris kristaun nian mak: ita hatene katak Maromak prontu atu fó perdua. Maski ita monu to'o dook halo nusa mós, Maromak konvida ita atu fila fali ba Nia liuhusi arrependementu no fiar. 

1 Joao 1: 9 hatete: "Se ita konfesa ita-nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu" Maromak la'ós de'it fó perdua, maibé Nia mós hamoos no restaura fali ita-nia relasaun ho Maromak. 

Arrepende la'ós de'it sente triste ba ita-nia pekadu. Arependementu katak ita hadook an husi sala no fila fali ba Maromak. Bainhira povu Izrael fila kotuk ba Maromak, Maromak bolu sira atu fila fali ba Nia (Livru Oseias 6). Arependementu ne'ebé loos, rezulta ba renovasaun relasaun di'ak ho Maromak. 

Hafoin, Jesus mate no moris hi'as, apóstolu Pedro haklaken: "Nunee arepende ba, no fila fali ba Maromak hodi Nia bele hamoos imi nia sala, Apostolu 3:18-19. Arrependementu loke dalan ba Maromak atu fó perdua no renova ita-nia vida espirituál.

Bíblia hanorin katak sala sei lori konsekuensia boot. Roma 6:23 hatete: "Tanba sala nia kolen mak mate, maibé Maromak Nia prezenti mak moris rohan laek iha ita-nia Nai Kristu Jesus". Sala haketak ita husi Maromak. Maibé liuhusi Jesus, ita bele hetan perdua no moris rohan-laek. 

Maromak hatudu an ba Moises katak Nia Maromak ne'ebé "hatudu laran-sadi'a, grasa wain, pasiénsia, no nakonu ho lia-loos no buat di'ak" (lee livru Exodo 34:1-10). Iha historia tomak, Maromak hatudu ona Ninia dezezu atu fó perdua bainhira ema laran-moos mai hasoru Nia. 

Iha ai-knanoik kona-ba festa kazamentu nian (Mateus 22: 1-14), Maromak konvida ema hotu atu simu Ninia prezente atu hetan salvasaun. Ita labele mai hasoru Nia ho ita-nia hahalok loos rasik. Ita presiza roupa ne'ebé Maromak fornese. Ida-ne'e fó-hanoin ita katak perdaun ne'e mak prezente grasa nian, la'ós buat ne'ebé ita hetan tamba ita-nia esforsu. 

Tanba Maromak Nia laran-sadi'a, ita bele haksolok. Livru Isaias 61:10 hatete katak Maromak fo hatais ita ho roupa salvasaun nian no taka ita ho roupa moris loos nian. Liuhusi Kristu, ita-nia sala sira hetan perdua, no Maromak simu fali ita.

Ohin loron, se iha sala ruma iha ita-nia moris, keta subar sala ne'e. Lori sala ne'e ba Jesus. Konfesa ita-nia sala ho laran-moos, arrepende an ho laran-tomak, no tau fiar ba Ninia promesa sira. Nia fiél atu fó perdua no restaura fali ita-nia relasaun ho Maromak.

Bainhira ita hetan Maromak Nia perdaun no arepende loroloron hodi arrepende an, ita hakbesik liután ba Kristu no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake hatene Maromak de'it bele tama reinu lalehan?

La'os ema hotu ne'ebé dehan mai Ha'u, ‘Nai, Nai,’ sei tama ba reinu lalehan, maibé nia de'it ne'ebé halo tuir Ha'u-nia Aman iha lalehan Nia hakarak. Mateus 7:21 BK 

                                  Mateus 7:21

Ema barak hatene kona-ba Maromak, sira ba igreja, no lee Biblia. Maibé Jesus hanorin katak hatene lia-loos de'it la sufisiente. Ita mós tenke aplika lia-loos ne'e iha ita-nia moris. 

Iha Evanjellu Mateus 7:21, Jesus hatete: "La'os ema hotu ne'ebé dehan mai Ha'u, ‘Nai, Nai,’ sei tama ba reinu lalehan, maibé nia de'it ne'ebé halo tuir Ha'u-nia Aman iha lalehan Nia hakarak." Liafuan sira-ne'e mak liafuan sériu. Jesus hanorin katak fé ne'ebé loos la'ós de'it iha ita-nia liafuan, maibé mós iha ita-nia hahalok moris loronloron nian. 

Problema hatene lia-loos maibé la halo tuir ne'e, la'ós buat foun ida. Maromak ko'alia liuhusi profeta Oseias, hodi dehan katak la iha lia-loos ka koñesimentu kona-ba Maromak iha rai ne'e (Livru Oseias 4: 1). Liutiha tempu balu, Nia hatete tan: "Hau-nia povu lakon tanba la iha koñesimentu." Maibé kestaun ne'e la'ós de'it la hatene ka falta informasaun. Ema hatene buat barak kona-ba Maromak, maibé sira lakohi halo tuir. Tan ne'e mak sira lakon sira-nia relasaun ho Maromak (Livru Oseias 4: 10).

Jesus mós esplika katak moris rohan-laek la'ós de'it hatene lia-loos kona-ba Maromak. Evanjellu João 17: 3 hatete katak moris rohan-laek mak hatene Maromak no Jesus Kristu personalmente. Ita-nia relasaun personál ho Kristu halo ita obedese ba Maromak no transforma ita-nia moris espiritualmente. 

Jesus mós fó avizu katak iha loron ikus ema balu sei dehan katak sira halo ona serbisu relijioza boot hodi Ninia naran, maibé Nia sei dehan: "Hau nunka hatene imi" (Mateus 7:22-23). Sira halo atividade relijiaun nian, maibé sira la iha relasaun di'ak ho Maromak. 

Iha Jesus Nia diskursu iha foho nia rohan, Nia konta istória kona-ba ema nain-rua ne'ebé harii uma (Mateus 7:24-29). Badaen ne'ebé matenek la'ós de'it rona Jesus Nia liafuan, maibé nia mós halo tuir Jesus Nia liafuan sira. Ninia uma hamriik metin durante anin-fuik. Badaen ne'ebé beik rona liafuan ne'ebé hanesan, maibé nia la halo tuir, no ninia uma monu. 

Lisaun ne'e hatudu ho klaru katak Maromak hakarak liu fali koñesimentu iha ita-nia neon. Nia hakarak obedesementu iha ita-nia moris. Dixipulu ne'ebé loos la'ós de'it rona Maromak Nia Liafuan, maibé sira halo tuir. 

Ohin loron, husu ba ita-nia an: serake ha'u aprende de'it lia-loos husi Maromak, ka ha'u moris tuir lia-loos ne'e? Bénsaun ne'ebé boot liu mak kuandu koñesimentu lori ita obedese ba lia-loos no obedese ba lia-loos halo ita hakbesik liután ba Kristu. 

Bainhira ita hatene Jesus personalmente no halo tuir Ninia hanorin sira loroloron, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🎗️🎗️🎗️🎗️🎗️🎗️🎗️🎗️🎗️🎗️🎗️

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Signifikativu hosi Maromak tesi no aparu sanak uvas iha ita-niamoris?

Sanak hotu iha Ha'u ne'ebé la fó fuan, Nia hasai tiha. No sanak hotu ne'ebé fó fuan, Nia hamoos hodi bele fó fuan liu tan. João 15:2 BK 

                                   João 15:2

Iha Evanjellu João 15: 2 , Jesus hatete katak sanak hotu ne'ebé fó fuan, Nia sei aparu atu bele fó fuan barak liután. Jesus uza imajen kona-ba uvas-hun no sanak sira atu esplika kona-ba ita-nia relasaun ho Nia. Maromak hanesan toos-nain ida-ne'ebé tau matan ba Ninia ai-horis sira ho domin. 

Maibé saida mak signifikativu hosi aparu sanak sira iha realidade moris nian? 

Aparu mak bainhira toos-nain ida hasai ka tesi tiha ramu sira ne'ebé la saudavel ka la nesesáriu atu nune'e ai-horis refere bele sai forte liután no fó fuan barak liután. Espiritualmente, dala ruma Maromak hasai ka aparu buat ruma husi ita-nia moris ne'ebé hafraku ita-nia relasaun ho Nia. 

Dala ruma Maromak aparu ita-nia toman aat, hahalok sala-na'in, foti-an, hirus, hanoin an de'it, ka dezezu pekadu nian. Dala ruma mós, Maromak bele husik ita esperiénsia susar sira atu transforma ita-nia karakter, atu sadere liután ba Nia. 

Aparu iha ita-nia moris ne'e halo ita sente moras. Karik ita lakon ita-nia komfortu, lakon ita-nia relasaun di'ak, ita-nia planu, ka distraksaun ne'ebé halo ita dook husi Maromak. Dala ruma ita la komprende tanbasá mak Maromak husik susar balu kona ita. Maibé hanesan toos nain ne'ebé aparu uvas ho kuidadu, Maromak mós serbisu iha ita-nia moris ho matenek no domin.

Iha realidade moris nian, aparu bele akontese bainhira: 

1. Maromak hasé ita kona-ba hahalok sala ruma. 

2. Ita hasoru susar ruma atu ita aprende kona-ba pasiénsia no fiar. 

 3. Maromak hasees tiha buat sira ne'ebé foti ita-nia tempu no atensaun tomak ne'ebé halo ita haluha Maromak. 

4. Ita aprende oinsá haraik-an kuandu ita falla.  

5. Liuhusi susar sira, ita bele aprende atu sai ema ne'ebé hatudu domin, fó perdua, no sai maduru liután iha vida espirituál.

Maromak la aparu ita atu fo perigu ba ita. Nia aparu ita atu ita bele krexe espiritualmente no fó fuan espíritu nian hanesan: domin, ksolok, dame, pasiénsia, laran-di'ak, no kontrola an. 

Jesus hakarak ita atu nafatin iha ligasaun ho Nia. Sanak ne'ebé haketak an hosi uvas hun la bele moris. Nune'e mós iha ita-niamoris, ita presiza halo orasaun loroloron, estuda Biblia, no halo tuir Maromak Nia matadalan hodi bele nafatin saudavél espiritualmente. 

Kuandu Maromak tesi ka halakon buat-aat sira iha ita-nia moris, ida-ne'e bele halo ita laran-kanek iha tempu balu, maibé ida-ne'e bele hametin ita-nia fiar no halo ita besik liután ba Maromak. Bainhira Maromak aparu, Ninia objetivu mak la'ós atu fó kastigu maibé atu ita bele krexe espiritualmente. 

Tan ne'e, kuandu ita liuhusi susar ruma bainhira Maromak halo koresaun, fó dixiplina, ka hasoru tempu susar ruma, hanoin ba katak Maromak aparu hela ita ba ojetivu ne'ebé boot liután iha ita-nia moris. Tau fiar ba Ninia liman ne'ebé nakonu ho domin. 

Bainhira ita nafatin iha relasaun di'ak ho Kristu no husik Maromak transforma ita-nia moris, ita bele krexe espiritualmente no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake Jesus apaga tiha mandamentu 10?

Keta hanoin katak Ha'u mai atu halakon Lei ka Profeta sira. Hau mai la'os atu halakon, maibé atu kumpri. Tebes, Hau hatete ba imi, to'o lalehan no rai lakon, pontu ida ka asentu ida sei la lakon hosi Lei, to'o buat hotu nee kumpri ona. Mateus 5:17-18 BK 

                         Mateus 5:17-18

Ema balu fiar katak Jesus halakon tiha Ukun-Fuan Sanulu bainhira Nia mai iha mundu. Maibé loloos ne'e, Jesus hatete saida ba sira? 

Iha Mateus 5:17-18, Jesus hatete ho klaru: "Keta hanoin katak Ha'u mai atu halakon Lei ka Profeta sira. Hau mai la'os atu halakon, maibé atu kumpri. Tebes, Hau hatete ba imi, to'o lalehan no rai lakon, pontu ida ka asentu ida sei la lakon hosi Lei, to'o buat hotu nee kumpri ona" Jesus esplika katak parte ki'ik liu husi ukun-fuan ne'e sei la lakon to'o buat hotu kumpridu. Ida-ne'e hatudu katak Jesus respeitu Maromak Nia ukun-fuan no la halakon ukun-fuan ne'e. 

Jesus mós hatete iha Evanjellu João 14:15: "Se imi hadomi ha'u, halo tuir ha'u-nia mandamentu sira." Obedese ba ukun-fuan la'ós dalan atu hetan salvasaun, maibé hanesan rezultadu hosi domin ba hadomi Kristu. 

Bíblia mós hanorin katak ita hetan salvasaun liuhusi fé, la'ós liuhusi ukun-fuan. Roma 3:28 hatete katak ema ida hetan salvasaun la'os tamba ukun-fuan. Galasia 2: 16 mós hanorin katak la iha ema ida mak hetan salvasaun husi ita-nia serbisu, maibé liuhusi fiar ba Jesus Kristu. 

Entaun, ukun-fuan nia objetivu mak saida? Ukun-Fuan hatudu ita katak ita pekadór no ita presiza Salvador. Ukun-fuan ne'e la bele salva ita, maibé ukun-fuan hatudu ba ita katak ita presiza Jesus. 

Roma 4: 13-16 esplika katak promesa ne'e mai husi fé no grasa Maromak nian, la'ós husi ema nia hakaas-an. Galasia 3: 13 hatete katak Kristu salva ita husi ukun-fuan nia malisan hodi mate ba ita iha krús. 

Tanba Jesus, ema fiar-na'in sira la koko atu hetan salvasaun liuhusi sira-nia hahalok rasik. Filipe 3: 9 hatete katak hahalok loos mai liuhusi fiar ba Kristu. 

Ukun-Fuan Sanulu sei hatudu nafatin Maromak nia karakter no hanorin ita oinsá atu moris ho domin ba Maromak no ba ema seluk. Ema kristaun halo tuir ukun-fuan la'os atu hetan salvasaun, maibé tanba sira hetan ona salvasaun no hadomi Jesus. 

Jesus la halakon lei morál ka ukun-fuan 10. Maibé, nia kumpre lei nia ojetivu no fó kbiit ba ema kristaun atu bele moris hodi obededese ba Ninia ukun-fuan sira.

Bainhira ita tau fiar ba Kristu no halo tuir Ninia mandamentu sira ho domin no fé, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak pekadu?

Ema hotu ne'ebé kontinua halo sala kontra hela lei. Tanba sala mak hahalok neʼebé kontra lei. 1 João 3:4 BK 

 

                               1 João 3:4

Ema barak ohin loron iha ideia oioin kona-ba sala/pekadu. Ema balu hanoin katak pekadu mak sala ne'ebé sériu, maibé ema seluk fiar katak pekadu ne'e la ezisti. Maibé Biblia esplika ho klaru saida mak pekadu. 

1 João 3: 4 hatete: "sala mak hahalok neʼebé kontra lei." Pekadu mak kontra Maromak Nia ukun-fuan no kontra Ninia hakarak sira. Hahalok pekadu inklui hahalok sala, liafuan sala, hanoin sala, no mós lakohi halo buat ne'ebé loos. 

Maromak Nia ukun-fuan hatudu ho klaru iha livru Exodo 20: 3-17. Ukun-fuan sira-ne'e hanorin ita oinsá atu hadomi Maromak no oinsá atu trata ema seluk. Jesus esplika liafuan sira-ne'e iha Evanjellu Marcos 12: 30-31 hodi dehan katak ita tenke hadomi Maromak ho ita-nia laran tomak no hadomi ita-nia maluk hanesan ita-nia an rasik. Pekadu mak buat ne'ebé kontra domin ne'e. 

Bíblia mós hanorin katak ukun-fuan bele ajuda ita hatene pekadu. Roma 3:20 hatete katak liuhusi ukun-fuan mak ema hatene sala. Ukun-fuan sira-ne'e hanesan espellu ida, hatudu ita-nia kondisaun espirituál nian. 

Pekadu la'ós de'it iha ita-nia li'ur, maibé mós iha ita-nia laran. Livru Salmo 51: 5 fó-hanoin ita katak ema hotu moris iha sala laran. Livru Jeremias 17: 9 hatete katak ita-nia laran nakonu ho lohi no fasil hadook ita husi Maromak. 

Maibé Maromak la husik ita la ho esperansa. Ebreu 1: 1-2 hatete katak Maromak ko'alia ona ba ita liuhusi Ninia Oan-Mane Jesus Kristu. Jesus mai atu salva ema sala-na'in sira no hatudu dalan ba ita atu fila fali ba Maromak. 

Bíblia mós hanorin katak halo tuir Maromak la'ós atu fó todan ba ita. 1 João 5: 3 hatete katak Maromak Nia ukun-fuan la todan. Kuandu ita hadomi Maromak, ita hakarak halo tuir Nia. 

Pekadu haketak ita husi Maromak, maibé Jesus fó perdua, hamoos no fó moris foun ba ita. Kuandu ita konfesa ita-nia sala no tau fiar ba Kristu, Nia muda ita-nia laran no ajuda ita atu obedese ba Nia. 

Ohin loron, mai ita husu Maromak atu ajuda ita komprende ho klaru saida mak pekadu no fó forsa mai ita atu moris tuir Ninia hakarak. Bainhira ita halo tuir Jesus no halo tuir Ninia Liafuan sira, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak sai bareira ba Ita-nia relasaun di'ak ho Kristu?

Maibé Ha'u dehan ba imi, see de'it ne'ebé fihir feto ida too kaan nia mak halo ona sala seksuál ho feto ne'e iha ninia fuan laran. Mateus 5:28 BK 

Mateus 5:28

Relasaun di'ak ho Kristu mak bénsaun boot ida-ne'ebé ita bele hetan iha ita-niamoris. Maibé dala ruma atitude/hahalok, asaun, no pekadu balu bele hafraku ita-nia relasaun di'ak ho Jesus. 

Iha Evanjellu Mateus 5:28, Jesus hanorin katak pekadu hahú iha ita-nia laran. Nia esplika katak hanoin fo'er bainhira haree feto ida, ita halo ona sala iha ita-nia laran. Ida-ne'e hatudu katak ita-nia relasaun ho Kristu la'ós de'it afeita ita-nia hahalok hosi liur, maibé mós kona ita-nia hanoin no hakarak sira iha fuan-laran. Maromak haree ba ita-nia nia laran. 

Hahalok foti-an no laran-makerek mós bele sai bareira no hafraku ita-nia relasaun di'ak ho Maromak. Iha Evanjellu Mateus 6:2, Jesus fó avizu atu labele halo hahalok-di'ak hodi ema seluk bele haree. Kuandu ita buka ema nia hahi'i liu fali Maromak, ita-nia moris espirituál sai fraku. 

Perigu seluk tan mak ita la kuidadu an kona-ba tentasaun. Eskritura 1 Korinto 10: 12 hatete: "Nunee ema nebee hanoin katak nia hamriik hela, nia tenki kuidadu katak nia la monu". Ita labele fiar an demais. Satanas hatene ita-nia frakeza sira no neineik-neineik koko hadook ita husi Maromak 

Julga ema seluk la ho razaun mós estraga ita-nia relasaun ho Kristu. Jesus hatete iha Evanjellu Mateus 7: 1-2 katak "Tanba ema sei fó sala ba imi tuir dalan neʼebé imi fó sala ba sira. No ho sasukat ne'ebé imi sukat ba ema seluk, nune'e mós ema seluk sei sukat fali ba imi". 1 Korinto 4: 5 fó-hanoin ita katak Maromak mak Juis ikus ne'ebé haree segredu sira ne'ebé ita subar iha ita-nia laran. 

La fó perdua no hirus-teen mós sai problema espirituál ne'ebé sériu. Jesus hanorin ita atu hadomi ita-nia inimigu sira (Mateus 5:44). Iha Evanjellu Mateus 5:22, Jesus fó avizu atu labele sai hirus no ko'alia liafuan odi nian. Ita-nia laran-nakali bele haketak ita-nia laran husi Maromak Nia espíritu. 

Jesus mós hatete iha Mateus 5:29 katak ita tenke hasai tiha buat saida de'it ne'ebé halo ita halo pekadu. Ida-ne'e katak ita tenke hanoin didi'ak kona-ba sala no hasees an husi buat ne'ebé hafraku ita-nia vida espirituál.

Liafuan di'ak mak ne'e: Jesus prontu atu fó perdua no restaura fali ita kuandu ita mai hasoru nia ho arrependementu no haraik-an (João 1:9). Nia hakarak ita atu moris besik nia loroloron. 

Ohin loron, mai ita ezamina ita-nia laran ho onestu. Mai ita hasai tiha buat saida de'it ne'ebé dada ita dook husi Kristu no buka nia ho laran-moos, haraik-an no domin. 

Bainhira ita entrega ita-nia laran tomak ba Jesus, ita hametin ita-nia relasaun ho nia no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Prekupasaun moris vs tentasaun

Entaun nia fó hatene ba Delila buat hotu ne'ebé iha nia fuan laran, no nia dehan ba Delila, “Lámina nunka kona hau nia ulun fatuk. Dezde iha inan nia kabun laran, ....."Juis 16:17

                                   Juis 16:17

Lisaun aprende husi Livru Juis 14 no 16:1, 4, 16, 17 

Maromak hili Samson atu halo serbisu espesiál ida ba Izrael. Maromak fó forsa boot ba Samson, maibé nia iha frakeza boot ida - ne'e mak nia husik distraksaun (distraction) no tentasaun dada ninia laran dook husi Maromak. 

Iha livru Juizes 14, Samson komesa halo desizaun ne'ebé la ho kuidadu. Duke buka Maromak Nia hakarak, nia halo tuir ninia hakarak rasik. Liutiha tempu balu, iha livru Juizes 16: 1, 4, 16, 17, ita haree oinsá nia ho neineik tama lasu ba tentasaun ne'e. Delilah kontinua fo presaun ba nia to'o nia fó sai segredu kona-ba ninia forsa. Samson lakon ninia fokus espirituál iha tempu naruk molok nia lakon ninia forsa fiziku.

Ohin loron, Satanas serbisu ho maneira ne'ebé hanesan. Nia serbisu liuhosi atraksaun sexual. Nia hatene katak nia tenke halo esforsu maxímu atu hadook ema atu labele iha relasaun di'ak ho Maromak, liuliu iha tempu ikus antes Jesus fila fali mai. Dala ruma buat ne'ebé hanetik ita-nia relasaun di'ak ho Maromak la'ós sempre buat ne'ebé sala. Atividade sira hanesan serbisu loroloron nian, media sosiál, kompras, desportu, divertimentu, ka hahán, ne'ebé foti ita-nia tempu tomak no ita la iha tempu ka iha tempu uitoan de'it atu gasta ho Maromak. 

Kuandu ita-nia moris sai nakonu ho distraksaun no prekupasaun, ita-nia orasaun sai fraku liután, no ita-nia tempu estudu Biblia sai ladún importante, no ida-ne'e halo ita-nia forsa espirituál sai fraku. Diabu, ita-nia inimigu komprende ita-nia frakeza sira no uza ida-ne'e atu dada ita atu dook liután hosi Maromak. 

Jesus fó avizu kona-ba sentimentu apatia (antonimo hosi simpatia) iha livru Apokalipse 3:14-22. Jesus komprende ita-nia luta sira tanba Nia mós sente saida mak kole no hetan presaun (Evanjellu João 4: 6). Maski nune'e, Jesus halo buat ne'ebé importante tebes - dala barak Nia pauza no ba fatin hakmatek atu halo orasaun. Evanjellu Lucas 5:16, 6:12, Marcos 1:35, no Mateus 14:23 hatudu katak Jesus regularmente gasta tempu hakmatek hamutuk ho Ninia Aman. Nia hatene katak orasaun fó forsa ba Nia atu manan tentasaun. 

Bíblia hanorin ita atu "buka uluk Maromak Nia reinu" (Mateus 6:33). Maromak tenke sai prioridade numeru 1 iha ita-nia moris. 

Ohin loron, mai ita aprende husi Samson nia eru no husi Jesus Nia ezemplu di'ak sira. Ita tenke hasees an husi buat ne'ebé hanetik ita-nia laran atu buka Maromak, gasta ita-nia tempu loroloron ho Maromak, no buka forsa liuhusi orasaun no estuda ninia Liafuan. 

Kuandu ita hateke nafatin ba Jesus duke hanoin kona-ba hakarak no gostu mundu ne'e nian, ita kontinua hametin ita-nia relasaun ho Maromak no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Pekadu, Evanjellu, no Ukun-Fuan

Ha'u sei nunka haluha Ó-nia mandamentu sira to'o tinan ba tinan, tanba ho liafuan ne'e Ó fó moris mai ha'u. Ha'u ne'e mak Ó nian, salva ha'u ba, tanba ha'u buka Ó-nia mandamentu sira. Salmu 119:93-94 BK 

                          Salmu 119:93-94 

Versíkulu sira-ne'e hatudu importansia hosi Maromak Nia ukun-fuan no Ninia Liafuan sira. Maromak Nia ukun-fuan sira la'ós atu destroi ita, maibé atu lori ita ba moris no lia-loos. 

Bíblia hanorin katak pekadu mak buat ida ne'ebé sériu. Iha livru Juizes 14, ita haree oinsá mak Samson nia desizaun ne'ebé halo la ho kuidadu, neineik-neineik halo nia la'o dook husi Maromak Nia planu. Pekadu bele kiik, maibé nia bele sai boot no rezulta ba sofrementu oinoin. Jesus mós fó avizu maka'as kona-ba pekadu iha Evanjellu Marcos 9:42-48. Nia hakarak ema atu komprende katak pekadu bele estraga ita-nia moris no haketak ita husi Maromak. 

Maromak Nia ukun-fuan ajuda ita atu hatene pekadu. Roma 3:20 hatete katak liuhusi ukun-fuan mak ita hatene pekadu. Ukun-fuan sira-ne'e hanesan espellu, hatudu ita-nia kondisaun reál. Ukun-fuan sei la salva ita, maibé ukun-fuan ajuda ita atu haree katak ita presiza Salvadór. 

Ho razaun ne'e mak ita iha Evanjellu. Evanjellu mak lia-fuan di'ak katak Jesus mai atu salva ita ema sala-na'in sira. Ita la hetan salvasaun tanba halo tuir ukun-fuan perfeitamente, tanba la iha ema ida mak bele halo ida ne'e. Roma 3:28 hanorin katak ita sai ema loos tamba fé la'os tamba ukun-fuan. Salvasaun mak prezente ida husi Maromak Nia grasa liuhusi Jesus Kristu.

Maibé ida-ne'e la dehan katak Maromak Nia ukun-fuan la iha folin. Jesus hatete iha Evanjellu Mateus 5:17-18 katak Nia la mai atu halakon ukun-fuan, maibé atu kumpre ukun-fuan sira. Maromak Nia mandamentu sira sei hatudu mai ita Maromak Nia karakter no hanorin ita oinsá atu moris ne'ebé loos. 

Jesus mós kompara Ninia hanorin sira ho fundasaun ne'ebé forte iha Mateus 7:24-29. Ema ne'ebé rona no halo tuir Maromak Nia liafuan mak hanesan ema ne'ebé harii uma iha fatuk ne'ebé metin. Bainhira ita obedese ba Maromak Nia ukun-fuan tenke ho motivu ne'ebé loos. Obedese ba Maromak ne'e mak rezultadu husi ita-nia laran ne'ebé transformadu. Obedese ba Maromak Nia ukun-fuan hanesan rezultadu hosi salvasaun ne'ebé ita hetan tamba Maromak nia grasa. 

Tan ne'e, ukun-fuan hatudu ita-nia pekadu, evanjellu oferese perdaun mai ita, no Jesus fó kbiit mai ita atu bele moris foun. Kuandu ita tau fiar ba Kristu no halo tuir Ninia Liafuan, ita bele hetan moris no esperansa ne'ebé loos. 

Bainhira ita simu Evanjellu no halo tuir Maromak Nia hanorin sira liuhusi fé, ita kontinua la'o ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak akontese bainhira ita konvida Jesus ba ita-nia moris?

Maibé ema hotu ne'ebé simu Nia, ne'ebé fiar ba Ninia naran, Nia fó kbiit atu sai Maromak nia oan sira. João 1:12 BK 

                                    João 1:12

Konvida Jesus mai ita-nia moris mak desizaun ne'ebé importante liu ne'ebé mak ita bele halo iha ita-nia moris. Simu Jesus, la'ós de'it atu tama ba igreja ida ka hatene istória husi Biblia. Maibé konvida Jesus mai ita-nia moris loke ita-nia laran ba Jesus no simu Nia nu'udar Salvador no Nai. 

Evanjellu Joao 1:12 hatete: "Maibé ema hotu ne'ebé simu Nia, ne'ebé fiar ba Ninia naran, Nia fó kbiit atu sai Maromak Nia oan sira". Bainhira ita simu Jesus, ita sai parte ba Maromak Nia família. Ita la haketak tan husi Maromak. Ita sai Ninia oan sira, Nia hadomi no simu ita.

Bénsaun seluk tan hosi simu Jesus mak ita bele iha dame ho Maromak. Roma 5: 1 hatete katak liuhusi fé ba Jesus, ita sai ema loos no iha dame ho Maromak. Sala haketak ema husi Maromak (Isaias 59:2), maibé Jesus restaura fali relasaun ne'e. Ita la presiza tan atu moris ho ta'uk ka sala tanba Jesus fó perdua no dame ba ita  

Konvida Jesus ba ita-nia moris mós lori mudansa espirituál ba ita-nia relasaun ho Maromak. Apóstolu 26:18 esplika katak Maromak halo ema sai husi nakukun laran ba naroman no husi podér Satanas ba podér Maromak nian. Jesus loke ita-nia matan espirituál no fó matadalan foun ba iha ita-nia moris. 

Ema kristaun nia moris sai dalan foun ka estilu moris foun ida. Galasia 2:20 hatete: " Laos ha'u mak moris, maibé Kristu mak moris iha ha'u". Ida-ne'e katak Jesus hahú halo mudansa ba ita-nia hanoin, hahalok no hakarak. Ita sei hasoru susar no dezafiu sira, maibé ita la la'o mesak ona. Kristu moris iha ita-nia laran no fó forsa mai ita. 

Kuandu ita konvida Jesus tama iha ita-nia moris, ita simu perdua, dame, identidade foun, no ojetivu foun ida. Ita komesa iha relasaun personál ne'ebé di'ak ho Maromak liuhusi orasaun, estuda Biblia, no halo tuir nia hanorin sira.

Jesus prontu atu tama ba laran hotu ne'ebé prontu atu simu Nia. La prekupa saida mak akontese iha pasadu, Nia simu ita ho domin no grasa. 

Bainhira ita simu Jesus no husik Nia dirije ita-nia moris, ita komesa la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika hosi la'o tuir espíritu?

Eskritura prinsipál: Galasia 5:16-25 

Maibee hau dehan ida nee, lao iha Espíritu, no imi sei la halo tuir buat nebee isin kaan. Galásia 5:16

                             Galásia 5:16

Bíblia hanorin katak ema kristaun ida-idak luta hasoru susar loroloron nian entre hakarak isin nian no espíritu santu nian. Apóstolu Paulo hatete iha Galasia 5:16: "Lao iha Espíritu, no imi sei la halo tuir buat nebee isin kaan" Maibé la'o tuir espíritu signifika saida? 

Moris iha Espíritu katak moris loroloron tuir Espíritu santu Nia matadalan no kbiit. Ida-ne'e katak hili Maromak Nia dalan duke halo tuir hakarak sala nian. Hanesan ema la'o sempre iha asaun pasu pur pasu, la'o tuir Espíritu mak estilu moris loroloron nian hodi tau fiar no halo tuir Maromak. 

Apóstolu Paulo esplika katak hahalok isin nian inklui buat sira hanesan hirus, laran-moras, hanoin an de'it, hanoin foer, no odi. Hahalok sira-ne'e dada ita dook husi Maromak. Maibé Espíritu santu fó moris ne'ebé diferente. 

Galasia 5:22-23 deskrebe kona-ba Espíritu nia fuan: domin, ksolok, dame, pasiénsia, laran-di'ak, laran-metin, fidelidade no kontrola an. Hahalok sira-ne'e sei krexe iha ita-nia laran bainhira ita mantein ligadu ho Maromak. 

La'o tuir Espíritu la dehan katak ita bele sai perfeitu iha kalan ida. Maibé ne'e signifika katak ita husik Maromak muda ita uitoan uitoan. Ita halo orasaun, lee Ninia Liafuan, no husu ajuda Maromak loroloron. Kuandu tentasaun mosu mai, ita sadere ba Espíritu atu hetan forsa. 

Bíblia mós hatete katak sira ne'ebé partensi ba Jesus krusifika ona sira-nia isin ninia hakarak (Galasia 5:24). Ida-ne'e katak ita hili atu hasees an husi hahalok sala-na'in no halo tuir Jesus. 

La'o tuir Espíritu santu mós muda oinsa ita trata ema seluk. Ita sai ema ne'ebé iha domin, pasiénsia, fó perdua no haraik-an. Bainhira ita iha karakter sira ne'e, ema sira ne'ebé hale'u ita komesa haree Kristu Nia karakter iha ita-nia moris. 

Ohin loron, Maromak konvida ita atu entrega ita-nia laran ba Espíritu santu. Ita labele manán pekadu liuhusi ita-nia kbiit rasik, maibé Maromak fó kbiit mai ita liuhusi Ninia espíritu. 

Bainhira ita la'o loroloron iha Espíritu santu no tuir Maromak pasu pur pasu, ita hakbesik liután ba Jesus no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Jesus Ninia fé

Ne'e mak liafuan neʼebé bolu santu sira atu hatudu pasiénsia no halo tuir Maromak Nia ukun fuan sira no kaer metin ba fiar iha Jesus. Apokalipse 14:12 BK 

 

                          Apokalipse 14:12

Livru Apokalipse 14: 12 deskrebe Maromak nia povu sira ne'ebé fiél mak sira ne'ebé "halo tuir Maromak Nia mandamentu no iha fé ba Jesus". Versíkulu ne'e hatudu katak ema kristaun ne'ebé loos la'ós de'it obedese ba Maromak, maibé mós iha fé hanesan Jesus. 

Saida mak fé Jesus nian? Fé Jesus nian mak tau fiar tomak ba Aman Maromak maski ita hasoru susar oinoin. Jesus hatudu fé hanesan ne'e durante Ninia moris tomak iha mundu. 

Ezemplu ida-ne'ebé klaru liu mak ita bele haree iha Evanjellu Mateus 26:36-42. Iha jardín Getsemane, Jesus halo orasaun ho triste tebes molok ema hedi nia ba kruz. Nia husu Nai karik bele foti tiha kaliz ne'e hosi nia, maibé Nia dehan: "La'os tuir Ha'u-nia hakarak, maibé Aman Nia hakarak." Maski Jesus sente moras no ta'uk, maibé Nia tau fiar no halo tuir Nia Aman kompletamente. Ne'e mak fé Jesus nian - fé ne'ebé kontinua tau fiar ba Maromak iha situasaun saida de'it. 

Jesus mós hatudu Nia fé liuhusi Ninia sakrifísiu. Livru Apokalipse 5: 9 hatete katak liuhusi Ninia raan, Nia halo redensaun ba ema husi nasaun, suku no língua hotu. Jesus tau fiar ba Aman Maromak Nia planu salvasaun nian no fó Ninia moris ba ema maksalak. 

Bíblia hanorin katak fé ne'e esensiál. Ebreu 11: 6 hatete katak se la ho fé, ita la bele halo Maromak kontente. Fé signifika fiar katak Maromak ne'e reál no fiar katak Nia sei fó kolen ba ema sira ne'ebé buka Nia. 

Fé ba Jesus la'ós de'it buat ne'ebé ita admira - maibé buat ne'ebé Maromak bolu ita atu esperiensia rasik. Kuandu ita hasoru susar ruma, ita bele tau fiar ba Maromak hanesan Jesus tau fiar ba Nia. Kuandu ita hasoru situasaun difisíl, ita bele halo orasaun hanesan Jesus halo orasaun. Se ita la komprende buat hotu ne'ebé akontese, ita bele nafatin obedese no fiar ba Maromak. 

Ita la iha forsa ne'ebé perfeitu, maibé Jesus bele ajuda ita. Kuandu ita gasta tempu halo orasaun, estuda Maromak Nia Liafuan, no sadere ba Nia loroloron, ita-nia fiar sei sai metin liután. 

Ohin loron, mai ita husu Maromak atu fó fé hanesan Jesus nian - fé ne'ebé tau fiar, obedese ba Maromak no fé neʼebé tahan to'o rohan. 

Bainhira ita la'o tuir Jesus ho laran-metin hanesan ne'e, ita kontinua la'o pasu pur pasu iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ezemplu fiar nian

Bazeia ba Ebreu 11 

                           Ebreu 11:17

Libru Ebreu iha Bíblia koñesidu ho kapítulu fé nian. Ebreu 11 fó ezemplu barak kona-ba ema ne'ebé tau fiar ba Maromak maski hasoru susar oinoin iha moris. Mane no feto sira-ne'e la perfeitu, maibé sira hili atu fiar Maromak no halo tuir Nia. 

Liuhusi fiar, Noe halo ró antes udan boot mai. Liuhusi fé, Abrão sai husi ninia uma no la'o tuir Maromak maski la hatene atu ba ne'ebé. Liuhusi fé, Moises hili atu halo tuir Maromak duke goza haksolok iha palasiu rai-Ejitu. Ema sira-ne'e tau fiar ba Maromak Nia promesa maski sira seidauk haree rezultadu. 

Fé la presiza boot atu sai realidade. Jesus hatete iha Evanjellu Mateus 17: 20 katak fiar ne'ebé ki'ik hanesan mostarda musan mós bele muda foho sira. Fé ne'ebé ki'ik mós bele sai forte bainhira ita tau fé ne'e ba Maromak ne'ebé poderozu. 

Ita-nia fé krexe liután bainhira ita rona Maromak Nia Liafuan. Roma 10:17 hatete katak fé mai husi rona Maromak Nia Liafuan. Kuandu ita lee no fiar ba Maromak Nia Liafuan, ita-nia fiar sai metin liután. 

Dala ida, dixipulu sira halo husi ba Jesus hodi dehan: "Nai, aumenta ami-nia fiar" (Haree Lucas 17:5). Ida ne'e mós bele sai ita-nia orasaun. Dala ruma ita luta hasoru susar hanesan aman ne'ebé halerik dehan: "Nai, ha'u fiar; ajuda ha'u karik ha'u fiar!" (Haree Marcos 9:24). Maromak komprende ita-nia frakeza sira no ajuda ita-nia fé atu sai boot liután. 

Fé la'ós fiar de'it, maibé ita tenke moris tuir saida mak ita fiar. Filipe 2: 12-16 fó korajen ba ema fiar-na'in sira atu sai naroman iha mundu nakukun. Fé ne'ebé loos muda ita-nia moris, ita-nia ko'alia no oinsa ita trata ema seluk. 

Moris kristaun mak hanesan viajen fiar nian. 2 Korinto 5: 7 hatete: "Ita la'o tuir fé la'ós tuir buat ne'ebé matan bele haree." Karik ita la komprende buat hotu ne'ebé Maromak halo, maibé ita tau fiar ba Nia tanba Nia fiél.

Ezemplu sira iha Ebreu 11 fó-hanoin ita katak ema baibain bele halo buat estraordinariu kuandu sira tau fiar ba Maromak. Ohin loron, Maromak mós bolu ita atu moris ho fé. 

Bainhira ita tau fiar ba Maromak loroloron, halo tuir Ninia Liafuan sira, no kontinua la'o tuir fé, ita la'o ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fé la'ós sentimentu

Jesus dehan ba sira, “Tanba imi nia fiar menus. Tebes, Hau dehan ba imi, se imi nia fiar hanesan mostarda musan ida, imi bele dehan ba foho nee, ‘Muda aan ba nebaa,’ no foho sei muda aan. La iha buat ida nebee imi la bele halo.” Mateus 17:20 BK 

                            Mateus 17:20 

Ema barak hanoin katak fé mak sentimentu ka emosaun ne'ebé forte. Maibé ita-nia sentimentu bele muda hosi loron ba loron. Dala ruma ita sente katak ita besik ho Maromak, no dala ruma ita sente fraku ka deskorajen. Fé ne'ebé loos mak kle'an liu fali sentimentu. Fé mak hili atu tau fiar ba Maromak no ba Ninia promesa sira maski ita iha situasaun ne'ebé la serteza. 

Iha Evanjellu Mateus 17:20, Jesus hatete katak fiar ne'ebé ki'ik hanesan mostarda musan mós bele muda foho sira. Maski mostarda musan ki'ik, maibé nia krexe sai boot liu (Mateus 13:31-32). Jesus hanorin katak fé ne'ebé ki'ik mós bele sai boot bainhira tau fiar ba Maromak. 

Maromak fó fé ba ita. Roma 12: 3 hatete katak Maromak fó ona fiar ba ema ida-idak. Efeso 2: 8 fó-hanoin ita katak salvasaun ne'e tamba grasa liuhusi fé - ne'e mak prezente husi Maromak. 

Dala ruma ita-nia fé sente fraku. Iha tempu ida, aman ida halerik ba Jesus hodi dehan: "Nai, ha'u fiar; ajuda ha'u karik ha'u la fiar!" (Marcos 9:24). Maromak komprende ita-nia luta no hatudu pasiénsia ba ita. Fé la dehan katak ita nunka luta; maibé ne'e katak ita kontinua tau fiar ba Maromak iha luta sira-ne'e nia laran. 

Maromak Nia domin mós hametin ita-nia fiar. Livru Jeremias 31:3 hatete katak Maromak hadomi ita ho domin rohan laek. Tanba Ninia domin nunka muda, ita bele tau fiar ba Nia maski ita-nia sentimentu muda. 

Bíblia fó korajen mai ita atu fiksa ita-nia matan ba Jesus, " hanesan autór ne'ebé sei kompleta ita-nia fiar". Ita-nia fiar sei sai boot liután bainhira ita foka liután ba Maromak duke ita-nia ta'uk. 

Dala ruma ita-nia moris bele susar, no dala ruma ita sente kole espiritualmente. Livru 2 Cronicas 15: 7 hatete: "Sai forte no keta rende." Maromak hafolin ita-nia fidelidade. 

Ita mós hanoin-hetan katak ema hotu sala-na'in no presiza Maromak Nia grasa (Roma 3:23-26). Ita la hetan salvasaun tanba ita-nia fiar perfeitu, maibé tanba Jesus mak perfeitu. Hanesan feto ne'ebé Jesus fó perdua iha Evanjellu Lucas 7:50, ita hetan salvasaun liuhusi fiar ba Nia. 

Fé la bazeia ba emosaun. Maibé fé ne'e bazeia ba Maromak Nia karakter, promesa no domin. Maski ita-nia sentimentu tun-sae Maromak nafatin fiél. 

Bainhira ita tau fiar ba Jesus loroloron, ita-nia fiar sai metin liután no lori ita ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Jesus haree ita-nia fé

No nia dehan ba sira, “Tanba sa mak imi tauk hanesan ne'e? Nusá mak imi la fiar? Marcos 4:40 BK 

                               Marcos 4:40

Dixipulu sira foin haree milagre barak husi Jesus. Sira rona ninia hanorin, haree Ninia podér, no la'o hamutuk ho Nia loroloron. Maibé kuandu anin-fuik mosu iha tasi, ta'uk domina tiha sira. Iha situasaun paniku, sira fanun Jesus tanba sira fiar katak sira besik mout ona. Jesus hakalma anin-fuik no husu pergunta importante ida: "Tanbasa mak imi ta'uk? Tanbasa mak imi la iha fé? 

Jesus la'ós de'it hateke ba anin-fuik ne'ebé hale'u sira, maibé nia hateke ba kondisaun sira-nia laran. Nia bele haree sira-nia ta'uk, dúvida, no fiar ne'ebé fraku. Maibé lia-loos ne'ebé furak mak ne'e: Jesus mós haree itania fé ne'ebé loos, maski fé ne'ebé ki'ik.

Iha Evanjellu sira-nia laran, Jesus fila fila rekoñese no responde ba ema-nia fé. Iha Evanjellu Mateus 15:21-28, feto ida hosi Kana kontinua husu Jesus Nia laran-sadi'a maski nia haree Jesus ignora nia. Maski nune'e feto ne'e kontinua husu, hatudu fiar ne'ebé kle'an, no Jesus hatán ba saida mak nia husu. Iha Evanjellu Lucas 7: 1-10, komandante Romanu ida fiar katak Jesus bele kura de'it nia atan ho liafuan ida. Jesus admira ho fiar hanesan ne'e. 

Iha tempu hanesan, Jesus mós haree fé ne'ebé kahur ho frakeza. Iha Evanjellu Marcos 9:24, aman ida-ne'ebé desperadu halerik no dehan: "Nai, ha'u fiar; ajuda ha'u- karik hau la fiar!" Orasaun onestu hosi ema ne'e hatudu katak ita la presiza sai perfeitu antes mai ba Jesus. Nia simu sira ne'ebé tau fiar ba Nia maski sira luta hela. 

Bíblia mós fó-hanoin ita katak Jesus hatene saida mak iha ema-nia laran. Mateus 2:23-25 hatete katak Jesus hatene saida mak iha ema-nia laran. Nia haree liu fali buat ne'ebé aparese iha liur. Karik ema seluk haree saida mak ema halo hanesan atividade relijiaun nian, maibé Jesus haree karik fé ne'ebé loos, ezisti iha ema-nia laran 

Ohin loron, Jesus mós sei nafatin husu pergunta ne'ebé Nia husu ba Ninia dixipulu sira: "Tanbasa mak imi ta'uk?" Anin-fuik sei mosu mai: hanesan problema, moras, moris ne'ebé la serteza, no desapontadu. Maibé fiar sai boot liután bainhira ita hanoin-hetan se mak hamutuk ho ita iha ro laran. Dixipulu sira fokus liu ba anin-fuik, maibé Jesus hakarak sira fokus ba Nia. 

Fé la signifika la iha ta'uk. Fé mak tau fiar ba Jesus maski iha anin-fuik laran

Pergunta ba ita-nia reflesaun:

Anin-fuik saida de'it mak agora dadauk koko hela ita-nia fiar? 

Serake Ita fokus liu ba problema sira ne'e ka fokus ba Jesus?

Serake ita bele halo orasaun ho onestu hodi dehan: "Nai, ha'u fiar; ajuda ha'u karik ha'u la fiar"? 

Orasaun:

Nai, Ita haree ami-nia laran kompletamente. Maromak hatene ami-nia ta'uk, dúvida, no luta sira. Favór hametin ami-nia fiar atu nune'e ami bele tau fiar ba Ita iha anin-fuik hotu iha ami-nia moris tomak. Ajuda ami atu hanoin katak la iha buat ida-ne'ebé imposivél ba Maromak. Hanorin ami atu fokus ba Jesus duke ta'uk. Hodi Jesus nia naran, Amen. 

Ohin loron, mai ita hanoin katak Jesus la'ós de'it haree ita-nia ta'uk, maibé nia mós haree ita-nia fiar maski fé ne'e ki'ik. No bainhira ita kontinua la'o hamutuk ho nia, bisrba ita-nia fiar sei sai metin liután hosi loro ba loron hodi nafatin la'o iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fó sinál mai ha'u!

No ema Farizeu sira mai no hahú haksesuk malu ho Jesus. Sira husu Nia hatudu sinál hosi lalehan, atu koko Nia. Jesus dada iis boot iha Ninia espíritu, no dehan, “Tanba saa mak jerasaun nee buka sinál ida? Tebes Ha'u dehan ba imi, jerasaun ne'e sei la hetan sinál ida.” Marcos 8:11-12 BK 

                           Marcos 8:11-12

Ema barak husu: "Se ha'u bele haree de'it milagre ida ho ha'u-nia matan rasik, entaun ha'u sei fiar." Karik ema balu fali hatete: "Se ha'u haree Tasi Mean fahe ba rua, manna monu husi lalehan, ka Jesus kura ema matan-delek sira, ha'u-nia fiar sei sai metin." Ohin loron mós, ema barak husu Maromak atu fó sinál antes sira hakarak tau fiar ba Nia. 

Iha Evanjellu Marcos 8:11-12, ema farizeu sira husu Jesus atu hetan sinál husi lalehan. Maibé Jesus laran-susar tebes tanba sira-nia laran la nakloke atu fiar. Sira haree ona milagre barak, maibé sira nafatin lakoi fiar ba Nia. Ida-ne'e hanorin ba ita katak sinál sira-ne'e la sempre prodús fé ne'ebé reál.

Ema Izrael mós haree milagre furak barak. Maromak salva sira husi rai-Ejitu, fó-han sira ho manna, no dirije sira liuhusi rai-fuik. Maski nune'e, sira barak sei dúvida kona-ba Maromak. Moises fó-hanoin ba povu Izrael atu hanoin Maromak nia matadalan no laran-di'ak sira iha pasadu (Deuteronomio 4:7-10, 8: 2-3). Hanoin fali Maromak Nia ajuda no tulun sira iha pasadu, sei ajuda ita atu hametin liután ita-nia fiar. 

Ohin loron, ita iha vantajen boot. La hanesan ho ema Izrael, ita iha Biblia tomak no istória rihun ba rihun ne'ebé hatudu Maromak Nia fidelidade. Evanjellu João 20:30-31 esplika katak milagre sira ne'ebé hakerek iha Eskritura hakerek ona atu nune'e ita bele fiar katak Jesus mak Maromak Nia Oan-Mane no ita bele hetan moris liuhusi Nia. 

Jesus mós fó avizu iha Evanjellu Mateus 24 katak iha loron ikus sira sei mosu sinál falsu no milagre barak. Ida-ne'e katak ita labele bazeia ita-nia fé ba milagre ka sentimentu. Fé ne'ebé loos tenke bazeia ba no maihusi Maromak Nia Liafuan. 

Depoisde Jesus moris hi'as fali, Tomé fiar bainhira nia haree Jesus ho ninia matan rasik. Maibé iha Evanjellu João 20:29, Jesus hatete: "Haksolok ba sira ne'ebé seidauk haree maibé fiar" Ne'e mak fiar ne'ebé Maromak hakarak. 

Ebreu 11: 1 fó-hanoin ita katak fé mak fiar maski ita seidauk haree. Maromak fó ona evidénsia ne'ebé sufisiente liuhusi Eskritura, istória, orasaun sira ne'ebé hetan resposta no Jesus nia moris. 

Tan ne'e, duke husu Maromak kona-ba sinál, mai ita haka'as an atu tau fiar ba Maromak liuhusi ninia Liafuan. Bainhira ita hanoin-hetan ninia fidelidade no la'o ho fé, la'ós ho buat neʼebé matan bele haree, ita kontinua la'o ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak fé?

Agora, fiar mak laran metin ba buat sira ne'ebé ita espera atu simu, no hatudu realidade kona ba buat sira ne'ebé ita la haree. Ebreu 11:1 BK 

                                Ebreu 11:1

Fé mak buat ne'ebé importante tebes iha ema Kristaun nia moris. Se ita la iha fé, imposivél ba ita atu fiar no tuir Maromak kompletamente. Maibé saida mak fé? 

Ebreu 11: 1 hatete: "Fiar mak laran metin ba buat sira ne'ebé ita espera atu simu, no hatudu realidade kona ba buat sira ne'ebé ita la haree". Fé signifika fiar ba Maromak maski ita seidauk haree resposta ba ita-nia orasaun Fé mak fiar katak Maromak ne'e reál, Ninia promesa sira loos, no Nia serbisu ba ita-nia di'ak tomak.  

Fé la'ós de'it sentimentu. Ita-nia sentimentu bele muda hosi loron ba loron. Fé mak tau fiar ba Maromak Nia Liafuan maski susar. Kuandu ita-nia moris sai susar, fé sei ajuda ita atu fiar nafatin katak Maromak sei hamutuk ho ita. 

Bíblia mós hanorin katak Maromak fó fé ba ita. Roma 12: 3 hatete katak Maromak fó ona fé ba ema ida-idak. Ne'e katak fé mak prezente husi Maromak. Ita presiza husu ajuda Maromak atu haforsa ita-nia fé. 

Salvasaun ne'e rasik mai husi fé. Efeso 2: 8-9 hatete katak ita hetan salvasaun tamba grasa liuhusi fé la'os tamba ita-nia serbisu sira. Ita labele hetan salvasaun tamba ita-nia esforsu rasik. Salvasaun ne'e prezente husi Maromak liuhusi Jesus Kristu. 

Iha fé la dehan katak ita sei nunka iha pergunta ka susar. Dala ruma ita-nia fé bele sente ki'ik. Maibé fé ne'ebé ki'ik mós bele sai boot liután bainhira ita uza tempu atu hamutuk ho Maromak liuhusi orasaun no Ninia Liafuan. 

Fé mós lori ita ba asaun. Kuandu ita tau fiar duni ba Maromak, ita sei halo tuir Nia no halo tuir Ninia hanorin sira. Karik ita la komprende buat hotu, maibé ita fiar katak Maromak hatene saida mak di'ak liu ba ita. 

Ohin loron, mai ita husu Maromak atu hametin ita-nia fé. Mai ita tau fiar ba Maromak iha tempu di'ak no tempu susar sira. Bainhira ita kontinua la'o ho fé, la'ós ho buat ne'ebé matan bele haree, ita hakbesik liután ba Maromak no kontinua la'o iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fó komfortu liuhusi orasaun

Tanba Nai sei hamaus Zion, Nia sei hamaus Zion nia fatin maran hotu, no Nia sei halo Zion nia rai-fuik hanesan Eden, no Zion nia rai-maran hanesan Nai Nia jardin; iha fatin ne'eba ema sai haksolok no kontenti, sira fó agradese no halo lian hananu. Isaias 51:3 BK 

                                       Isaias 51:3

Livru Isaias 51: 3 fó-hanoin ita katak Maromak bele fó komfortu no restaura fali ita-nia moris. Maibé promesa ne'e la'ós de'it buat ne'ebé ita lee, maibé ne'e mak buat ne'ebé ita lori ba Maromak liuhusi orasaun. 

Kuandu ita-nia moris sente hanesan rai-fuik maran, susar, ka deskorajen, ita tenke halo orasaun ho onestu. Orasaun ne'ebé pratiku ka praktis katak ita bele fó-hatene Maromak ho loloos ita-nia sentimentu sira. Ita la presiza liafuan furak. Ita bele simplesmente dehan: "Nai, ha'u sente kole. Favór ajuda ha'u." Maromak komprende. 

Isaias 51: 3 hatudu katak Maromak bele halo rai-fuik maran sai jardín ida. Liuhusi orasaun, ita husu Maromak atu halo serbisu hanesan ne'e iha ita-nia moris. Ita halo orasaun atu husu komfortu kuandu ita triste. Ita halo orasaun atu husu forsa bainhira ita fraku. Ita halo orasaun atu husu esperansa bainhira ita sente katak ita la iha esperansa. Ida-ne'e mak orasaun ne'ebé praktis: lori ita-nia ita-nia nesesidade reál ba Maromak ida ne'ebé reál.

Orasaun ne'ebé praktis mós signifika tau fiar ba Maromak Nia promesa sira. Kuandu ita halo orasaun, ita fiar katak Maromak rona ita no bele halo buat ruma atu muda ita-nia situasaun. Iha orasaun ita la'ós de'it husu, maibé mós fiar. Maromak Nia podér bele muda ita-nia situasaun, no Nia mós bele muda ita-nia laran. 

Versíkulu ne'e hanorin ita atu halo orasaun ho konfiansa. Maski ita-nia situasaun la muda kedas, maibé Maromak serbisu hela. Nia bele lori dame uluk, depois mak lori mudansa ba ita-nia situasaun. Ninia komfortu bele hahú iha ita-nia laran antes ita haree iha li'ur. 

Ita aprende ona kona-ba orasaun ne'ebé praktis, mai ita uza Isaias 51: 3 iha ita-nia orasaun loroloron nian. Husu Maromak atu halo ita-nia moris ne'ebé maran sai kreximentu espirituál ne'ebé nakonu ho lia-loos no haksolok. Halo orasaun atu husu Maromak Nia komfortu, Ninia restorasaun, no Ninia matadalan. 

Kuandu ita halo orasaun ho fiar ne'ebé simples no tau fiar ba Maromak Nia promesa sira, ita halo orasaun ne'ebé loos no praktis, no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak halo orasaun se Maromak hatene ona?

La bele sai hanesan sira, tanba ó-nia Aman hatene ona buat neʼebé imi presiza molok imi husu ba Nia. Mateus 6:8 BK 

                             Mateus 6:8

Ema balu husu: "Se Maromak hatene ona buat hotu, tanbasá mak ita tenke halo orasaun?" Ne'e mak pergunta di'ak ida. Bíblia fó razaun ne'ebé klaru. 

Primeiru, orasaun mak kona-ba relasaun ho Maromak, la'ós informasaun. Jesus hatete iha Evanjellu Mateus 18: 20 katak iha fatin ne'ebé ema nain-rua ka tolu halibur hamutuk hodi ninia naran: Nia hamutuk ho sira. Orasaun mak tempu atu hasoru Maromak. Ne'e mak tempu atu ita dezenvove relasaun di'ak ho nia. Maromak hakarak hakbesik ba Ninia oan sira. 

Segundu, orasaun mak oinsá ita espresa ita-nia presiza ba Maromak. Evanjellu Mateus 5: 6 hatete katak ema ne'ebé hamlaha no hamrook ba lia-loos sei hetan satisfasaun. Kuandu ita halo orasaun, ita hatudu katak ita hakarak Maromak Nia ajuda no Ninia lia-loos sira. 

Terseiru, orasaun konvida Espíritu Santu atu ajuda ita. Livru Isaias 44: 3 promete katak Maromak sei fakar Ninia Espíritu ba sira ne'ebé partensi ba Nia. Liuhusi orasaun, ita husu Maromak atu hakonu no gia ita. 

Dahaat, orasaun hatudu ita-nia fiar. Ebreu 11: 6 hatete katak se ita la iha fiar, ita la bele halo Maromak kontente. Kuandu ita halo orasaun, ita hatudu katak ita tau fiar ba Maromak. Jesus mós hanorin ita atu fiar kuandu ita halo orasaun (Haree Marcos 11:24). 

Dalimak, orasaun bele muda ita no ita-nia situasaun. Bíblia hatete katak Espíritu Santu ajuda ita kuandu ita la hatene saida mak ita tenke ko'alia bainhira halo orasaun (Roma 8:26-27). Maromak mós komprende ita-nia orasaun ne'ebé ita halo ho nonook iha ita-nia laran.

Jesus mós hanorin ita atu halo orasaun ho segredu (Mateus 6: 6). Orasaun ne'e personál no tenke halo ho laran-moos. Iha igreja inisiu, ema fiar-na'in sira halo orasaun hamutuk no Maromak hatán ba sira (Apostolu 12: 12). Bíblia fó korajen ba ita atu halo orasaun iha situasaun hotu (Tiago 5: 13-16). 

Maromak hatene ona ita-nia presiza, maibé Nia nafatin konvida ita atu halo orasaun. Orasaun mak la'ós atu fó informasaun foun ba Maromak. Maibé orasaun mak atu estabelese ita-nia fiar, hametin ita-nia fé, no hakle'an ita-nia relasaun ho Maromak. 

Kuandu ita halo orasaun ho fiar no haraik-an, ita hakbesik liután ba Maromak no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Orasaun nia komponente sira

Bazeia ba Evanjellu Mateus 6: 5-15 

                                Mateus  6:6

.... Bainhira o halo orasaun, tama iha ó-nia kuartu laran, no taka odamatan. Halo orasaun ba ó-nia Aman ne'ebé iha fatin subar. No ó-nia Aman ne'ebé haree iha fatin subar ne'e, Nia sei selu ó-nia kolen. Mateus 6:6

Jesus hanorin Ninia dixipulu sira oinsá atu halo orasaun ho simples no klaru. Iha versíkulu sira ne'e, Jesus hatudu ba ita atitude no estrutura orasaun ne'ebé loos. Orasaun la'ós atu hatudu an. Orasaun mak kona-ba ko'alia ho Maromak ho laran-tomak. 

Husi Evanjellu Mateus 6: 5-15, no husi ezemplu sira seluk husi Biblia, ita bele aprende kona-ba komponente 4 hosi orasaun: 

1. Adorasaun /Hahi'i 

Orasaun tenke hahú ho fó onra ba Maromak. Iha orasan Ami Aman, Jesus hanorin ita atu hatete: "santu duni Ita-nia naran." Ida-ne'e katak ita hatudu respeitu no tane as Maromak Nia naran. Livru Salmo 100 mós bolu ita atu tama ba Maromak Nia prezenza ho agradesementu no hahi'i. Hahi'i fó-hanoin ita katak Maromak mak santu, forte no domin. 

2. Konfesa

Ita tenke husu Maromak atu fó perdua ba ita-nia sala sira. Jesus hatete katak ita tenke halo orasaun atu husu perdua no mós fó perdua ba ema seluk (Mateus 6:12, 14-15). Iha livru Daniel 9: 4-19, Daniel konfesa ninia povu nia sala ho haraik-an. Konfesa halo ita-nia laran moos nafatin iha Maromak nia oin. Tiago 5: 16 fó-hanoin ita atu konfesa ita-nia sala no halo orasaun ba malu. 

3. Pedidu / husu

Jesus hanorin ita atu husu ba Maromak ita-nia presiza loroloron nian: " Haraik mai ami ai-han loroloron nian." (Mateus 6:11). Ita bele lori buat hotu ne'ebé ita presiza ba Maromak: hanesan ita-nia nesesidade fiziku, emosionál, no espirituál. Maromak konvida ita atu sadere ba Nia loroloron. 

4. Agradesementu 

Orasaun tenke inklui agradesementu. Ita agradese ba Maromak tanba Ninia bénsaun no laran-di'ak. Ita haree espiritu agradese nian iha Eskritura laran tomak, liuliu iha adorasaun no hahi'i. Kuandu ita fó agradese ba Maromak, ita hatudu fiar no agradese ba buat ne'ebé Nia halo ona ba ita no buat ne'ebé Nia sei halo iha futuru.

Jesus mós fó avizu atu labele halo orasaun atu fó impresaun ba ema seluk (Mateus 6: 5-8). Orasaun mak buat ida ne'ebé personál. Maromak haree iha segredu no fó rekompensa ba ema ne'ebé laran-moos. 

Kuandu ita halo orasaun uza komponente haat ne'e - Adorasaun/hahi'i, konfesa, pedidu, no agradesementu, ita-nia moris iha balansu no iha valór. Ida ne'e ajuda ita atu hakbesik liután ba Maromak no hametin ita-nia relasaun ho Nia. 

Bainhira ita halo orasaun loron-loron, hanesan ne'e, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Jesus hanorin ita oinsá atu halo orasaun

Tuir mai, Jesus halo orasaun iha fatin ida. Hotu tiha, Ninia eskolante ida dehan ba Nia, “Nai, hanorin ami atu halo orasaun, hanesan João mos hanorin ona ninia eskolante sira.” Lucas 11:1 BK 

                                Lucas 11:1

Dala ida dixipulu sira haree Jesus halo orasaun. Depoisde haree tiha ne'e, sira ida dehan: "Nai, hanorin ami atu halo orasaun." Rekerementu simples Iha Evanjellu Lucas 11: 1 hatudu katak orasaun importante tebes ba Jesus Nia moris. Dixipulu sira hatene katak se sira hakarak aprende oinsá atu halo orasaun, sira presiza aprende husi Jesus. 

Jesus la'ós hanorin de'it kona-ba orasaun, maibé Nia moris ho orasaun. Bíblia hatudu dala barak kuandu Nia halo orasaun. Iha Evanjellu Marcos 1:35, Jesus hadeer sedu iha dadeer hodi ba fatin hakmatek atu halo orasaun. Iha Evanjellu Lucas 5: 16 hatete katak dala barak Nia sai husi Ninia fatin ne'ebé hakmatek atu halo orasaun. Antes halo desizaun importante sira, hanesan hili Ninia dixipulu sira, Nia gasta kalan tomak halo orasaun (Lucas 6:12). Nia halo orasaun antes akontesimentu boot sira mosu, hanesan Nia hetan terus iha jardín (Lucas 22:41), no mós bainhira fó agradese ba ai-han (Lucas 24:30). Jesus halo orasaun regularmente hanesan toman ida. 

Jesus mós hanorin Ninia dixipulu sira oinsá atu halo orasaun. Iha Evanjellu Lucas 11: 2-4 no Evanjellu Mateus 6: 5-15, Jesus fo modelu orasaun ida. Nia hanorin ita atu hahi'i Maromak Nia naran, buka Ninia reinu, husu buat ne'ebé ita presiza loroloron, fó perdua ba ema seluk, no buka protesaun husi tentasaun. Jesus mós fó avizu atu ita labele halo orasaun ho ojetivu para ema seluk haree (Mateus 6: 5-8). Orasaun mak entre ita ho Maromak de'it mak hatene. 

Bíblia mós fó-hanoin ita katak Maromak iha kbiit boot no merese hetan hahi'i. 1 Cronicas 29:11 deklara katak buat hotu partensi ba Maromak no reinu, podér, no glória mak Maromak nian. Kuandu ita halo orasaun, ita rekoñese katak Maromak mak boot tebes. 

Iha tempu ta'uk ka perigu, ita bele tau fiar ba Maromak Nia protesaun. Livru Salmo 91 ko'alia katak Maromak mak ita-nia fatin protesaun no forsa. Orasaun ajuda ita atu hakbesik nafatin ba Nia no hetan protesaun husi Nia. 

Jesus hatudu mai ita katak orasaun la'ós de'it liafuan, maibé orasaun mak relasaun ho Aman Maromak. Se ita hakarak aprende oinsá atu halo orasaun, ita tenke haree ezemplu hosi Jesus. Halo tuir ninia ezemplu sira. Halo orasaun beibeik, halo orasaun ho laran-tomak no halo orasaun ho fé. 

Kuandu ita aprende atu halo orasaun hanesan Jesus ninia hanorin no pratika, ita bele hakbesik liután ba Maromak no kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bainhira orasaun haree hanesan la hetan resposta

Husu ba, no imi sei simu; buka ba, no imi sei hetan; dere ba, no odamatan sei nakloke ba imi. Mateus 7:7 BK 

                              Mateus 7:7 

Jesus fo promesa ne'ebé klaru: "Husu ba, no imi sei simu; buka ba, no imi sei hetan; dere ba, no odamatan sei nakloke ba imi". Eskritura ne'e fó korajen mai ita atu halo orasaun ho fiar an. Maromak konvida ita atu mai hasoru Nia ho ita-nia nesesidade, ita-nia todan, no ita-nia pergunta sira. 

Maibé, dala ruma ita la hetan resposta lalais ba ita-nia orasaun ka hetan resposta tuir dalan ne'ebé ita espera. Bíblia fó konsellu ne'ebé matenek kona-ba situasaun ne'e. 

Primeiru, ita tenke halo orasaun tuir Maromak Nia hakarak, la'ós tuir ita-nia hakarak rasik. Jesus hanorin ita atu halo orasaun hodi dehan: "Ita-nia hakarak mak akontese" (Mateus 6:10)." 1 Joao 5: 14-15 mós hatete katak kuandu ita husu tuir Maromak Nia hakarak, Nia rona ita. Maromak sempre hatán iha dalan ne'ebé di'ak liu, maski ida-ne'e la hanesan ho saida mak ita espera.

Segundu, ita tenke ezamina didi'ak ita-nia laran. Bíblia fó avizu katak sala ne'ebé ita hadomi liu bele blokeia ita-nia orasaun (haree Livru Salmo 66:18; 1 Pedro 3:12; no Proverbios 15:29). Ita mós tenke cek didi'ak ita-nia hanoin (Proverbios 16: 2; Tiago 4: 3). Maromak haree ita-nia laran. 

Terseiru, ita tenke hakbesik nafatin ba Maromak no ba Ninia Liafuan. Jesus hatete katak se ita halo tuir Nia no Ninia Liafuan, ita-nia orasaun sai poderozu (João 15: 7). Fé mós importante. Maromak Nia liafuan haruka ita atu halo orasaun ho fé (Ebreu 11: 6; Tiago 1:6; Marcos 11:24). 

Ita mós tenke haraik-an (Tiago 4:6, 1 Peter 5:6) no fó perdua ba ema seluk (Marco 11:25-26. Se ita la fó perdua, ida-ne'e bele afeta ita-nia moris espirituál nian. 

Ikusmai, ita tenke hanoin katak Maromak haree buat ne'ebé ita labele haree. Nia halo serbisu ba ita-nia di'ak (Roma 8,:28). Maromak bele halo buat barak liu fali buat ne'ebé ita husu ka hanoin (Efeso 3: 20). Ninia planu ba ita mak di'ak (Jeremias 29:11-13). Dala ruma Ninia resposta mak simples, hanesan Nia hatete ba apóstolu Paulo: "Hau-Nia grasa sufiente ba ó." (2 Korinto 12:9).

Kuandu ita haree hanesan ita-nia orasaun la hetan resposta, ita tenke tau fiar nafatin ba Maromak. Hanesan Ana ka Hannah iha 1 Samuel 1: 10-17, ne'ebé halo orasaun ho triste no fiar ne'ebé kle'an, ita bele fakar sai buat ne'ebé iha ita-nia laran ba Maromak. No hanesan livru Salmo 62: 8 fó-hanoin ita katak: ita tenke tau fiar ba Maromak iha tempu hotu no fakar sai buat neʼebé iha ita-nia laran ba Maromak. 

Maromak sempre rona Ninia oan sira. Maski ita la haree kedas Maromak Nia resposta, maibé ita bele tau fiar ba Ninia matenek no domin. Bainhira ita kontinua halo orasaun ho fiar no submete ba Maromak Nia hakarak, ita la'o nafatin ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Elias - Orasaun iha tempu krize

.... “Too ona, Oh Nai. Agora, hasai hau nia vida ba. Tanba hau la diak liu hau nia bei-ala sira.” 1 Liurai 19:4 BK 

                              1 Liurai 19:4

Elias mak Maromak Nia profeta ne'ebé iha kbiit boot. Nia foin hetan vitória iha Foho Karmel, iha ne'ebé Maromak hatudu Ninia kbiit iha dalan ne'ebé furak. Maibé lakleur depoisde Elias hetan vitória, nia hasoru krizi boot. Liurai-feto Jezabel ameasa atu oho nia, no ta'uk hakonu nia laran. 

Iha 1 Liurai 19: 1-18, ita haree Elias halai ba rai-fuik. Nia sente kole, deskorajen no mesak. Maromak Nia atan sira ne'ebé maka'as mós bele esperiensia momentu fraku sira. Maibé duke rende kompletamente, nia halo orasaun. Nia hatete ba Maromak oinsá nia sente no husu ajuda. Ida-ne'e hatudu katak orasaun importante tebes iha tempu susar. 

Maromak la rejeita Elias. Duke rejeita nia, Maromak tau matan ba nia. Nai fornese ai-han, deskansa no korajen. Maromak mós fó-hanoin Elias katak nia sei serbisu iha dalan ne'ebé nia la bele haree no kompriende. Maski Elias hanoin katak nia mesak de'it, maibé Maromak dehan sei iha ema barak ne'ebé fiél nafatin. 

Istória ne'e fó-hanoin ita kona-ba lia-loos importante ida iha livru Isaias 55:8-9. Maromak hatete katak Ninia hanoin la'ós ita-nia hanoin, no Ninia hanoin mak aas liu fali ita-nian. Kuandu ita hasoru problema ruma, karik ita la komprende saida mak Maromak halo daudauk. Maibé ita bele fiar katak Maromak hatene buat hotu. Ninia planu sira mak diak liu fali ita-nian. 

Elias aprende katak Maromak Nia prezensa la'ós de'it iha anin boot, rai-nakdoko, ka ahi. Maromak mós ko'alia ho laran-maus. Ida-ne'e hanorin ita katak iha tempu susar nian, ita presiza hakmatek atu rona didi'ak ba Maromak nia lian. 

Kuandu ita sente ta'uk, deskorajen, ka laran-tun, ita tenke halo tuir Elias nia ezemplu no halo orasaun ba Maromak. Maromak rona, tau matan, no fó forsa ba ita kada loron foun.

Maski iha krizi laran, Maromak la dook hosi ita. Kuandu ita tau fiar ba Ninia dalan sira ne'ebé aas liu no halo orasaun ho laran-moos, Nia sei dirije ita atu nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Pratika Orasaun

Fiar nafatin ba Nia, Oh povu, loke imi-nia fuan laran iha Ninia oin. Maromak mak ita-nia fatin seguru. Salmu 62:8 BK 

                           Salmu 62:8 

Orasaun la'ós tenke buat ne'ebé komplikadu no formál. Orasaun mak tempu ida ne'ebé ita loke ita-nia laran ba Maromak hanesan ita ko'alia ho ita-nia belun di'ak ida. Iha Salmo 62:8, David konvida ita atu tau fiar ba Maromak iha tempu hotu no fakar sai buat ne'ebé iha ita-nia fuan-laran ba Maromak. Ida-ne'e katak ita bele ko'alia ho onestu ba Maromak kona-ba ita-nia ta'uk, luta, sala, esperansa no ita-nia presiza sira. Orasaun ne'ebé loos ne'e praktikál tamba bele ajuda liga ita-nia moris loroloron nian ho lalehan. 

Iha 1 Liurai 19: 1-18, Elias sente deskorajen, ta'uk, no kolen depoisde ninia vitoria iha Foho Karmel. Nia halai ba rai-fuik no husu Maromak atu foti tiha nia moris. Maibé Maromak rona ba ninia atan ne'ebé kole. Na'i la la rejeita Elias tamba ninia fraku sira. Duke halo nune'e, nia fó ai-han, deskansa, komfortu no fo instrusaun ho laran-mamar. Ida-ne'e hanorin ita katak orasaun la'ós de'it ita halo iha tempu ita iha forsa, maibé mós liuliu iha tempu desperadu sira. Maromak prekupa kona-ba Ninia oan sira-nia laran-susar. 

Jesus mós hanorin orasaun ne'ebé praktikál iha Mateus 6: 5-8. Nia fó alerta atu labele halo orasaun hodi fo impresaun ba ema seluk liuhosi halo orasaun naruk. Orasaun la'ós performance ka dezempeñu ida. Maromak hateke ba itania laran-moos, la'ós saida mak aperese ka haree hosi li'ur. Jesus hatete katak Aman Maromak haree buat hotu inklui segredu sira no hatene saida mak ita presiza antes ita husu nia. Tan ne'e, orasaun nee estabelese bazeia ba relasaun di'ak ho Maromak la'os repete liafuan mamuk sira ne'ebé hanesan no la iha folin. 

Iha Lucas 11: 2-4 no Mateus 6: 9-15, Jesus hanorin modelu orasaun ne'ebé koñesidu hanesan Orasaun Ami Aman. Orasaun ne'e hanorin ita kona-ba balansu iha orasaun. Ita hahi'i Maromak Nia naran, buka Ninia hakarak, husu paun loroloron nian, konfesa ita-nia sala, fó perdua ba ema seluk, no husu protesaun espirituál hosi Maromak. Orasaun ne'e praktikál tanba orasaun ne'e hanorin ita kona-ba parte hosi ita-nia moris tomak, hanesan adorasaun, ita-nia presiza fiziku, ita-nia relasaun, perdua, no vitória hasoru tentasaun. 

Daniel 9:4-19 fó ezemplu ida tan kona-ba prátika orasaun. Daniel la'os de'it konfesa ninia sala, maibé mós ninia povu nia sala sira. Iha ninia orasaun, Daniel hatudu haraik-an, hatudu laran-moos, no foka ba Maromak Nia laran-sadi'a. Daniel hatene katak orasaun ne'ebé loos inklui arrependementu no dependensia ba Maromak. Nia la tau fiar ba ema nia laran-di'ak, maibé nia husu ba Nai Nia kompaixaun. 

Dala ruma ita mós la hatene oinsá atu halo orasaun ho didi'ak. Iha momentu sira hanesan ne'e, Roma 8:26-27 fó komfortu boot ba ita. Espíritu santu ajuda ita-nia fraku sira no ajuda ita atu halo orasaun tuir Maromak Nia hakarak. Maski ita-nia liafuan la perfeitu, maibé lalehan komprende ita-nia laran halerik. 

Orasaun ne'ebé praktikál, la limite de'it iha igreja ka eventu espesiál sira. Maibé orasaun ne'ebé praktikál mak la'o ho Maromak loroloron. Ita bele halo orasaun bainhira ita serbisu, estuda, halo viajen, iha terus laran, ka bainhira halo desizaun ruma. Orasaun fó forsa ba ema ne'ebé fraku, matenek ba ema ne'ebé konfuzaun, dame ba ema ne'ebé laran-taridu, no esperansa ba ema ne'ebé deskorajen. Kuandu ita halo orasaun barak liután, ita bele tau fiar ba Maromak liután iha situasaun hotu-hotu.

Ohin loron, mai ita simu Maromak Nia konvite atu fakar sai saida mak iha ita-nia laran ba Maromak. La iha susar ida mak todan liu, no la iha problema ne'ebé ki'ik liu atu Nai bele rona. Orasaun muda ita-nia moris tanba ida-ne'e lori ita atu iha komuñaun ho Maromak ne'ebé moris. 

Biarba devosaun ida ne'e enkoraje ita estabelese orasaun ne'ebé praktikál iha ita-nia moris, bainhira ita kontinua la'o daudauk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More