Bibi-atan ne'ebé tau matan ba ita

Nia sei hein Ninia bibi hanesan bibi atan ida, Nia sei halibur bibi oan sira iha Ninia liman laran; Nia sei kous sira iha Ninia hitin, no kuidadu sira nebee susu hela. Isaias 40:11 BK

Isaias 40:11

Iha Isaias 40, Maromak fó komfortu ba Ninia povu ne'ebé fraku, kole no laran-susar. Iha versíkulu 11, Maromak ne'e deskrebe hanesan Bibi-Atan ne'ebé di'ak. Bibi-atan ida tau matan ba ninia bibi sira, asegura katak sira seguru no lori sira ba duut iha pastejen ne'ebé di'ak. Nune'e mós, Maromak tau matan ba Ninia povu ho domin no laran-mamar. 

Versíkulu ne'e hatudu katak Maromak nunka dook hosi ita. Nia hatene ita-nia susar no presiza sira. Hanesan bibi-atan ida-ne'ebé lori bibi-malae oan sira besik ba ninia hirus matan, Maromak mós lori ita bainhira ita fraku. Nia la dudu ita maka'as, maibé Nia lori ita ho laran-mamar, liuliu kuandu ita hetan todan ka kole. 

Iha Testamentu Foun, Jesus bolu Nia an nu'udar Bibi-Atan ne'ebé Diak. Nia hatete: "Hau mak Bibi Atan ne'ebé di'ak. Bibi Atan di'ak fó Ninia moris tanba bibi" João 10:11 BK. Jesus la'ós de'it kuida ita, maibé Nia mós fó Ninia moris atu salva ita husi sala no mate. 

Ita mak hanesan bibi-malae, ita la bele hetan dalan ne'ebé loos ho ita-nia esforsu rasik. Maibé ho Jesus nu'udar ita-nia Bibi-atan, ita seguru. Nia halibur ita ba Ninia liman laran, fó perdua ba ita, no lori ita ba dalan loos. 

Se ita hakarak la'o ho dame no seguru, la'o tuir Jesus, Bibi-Atan ne'ebé Diak. Nia kuida ita ho domin no sei gia ita ba dalan ba lalehan. 

Orasaun: Nai Jesus, obrigadu tanba Ita mak ami-nia Bibi-Atan ne'ebé Diak. Leva ami bainhira ami fraku, no lori ami ho fiél no Lori ami ba dalan ba lalehan. Amen.

Isaias 40:11

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La'o iha Maromak Nia naroman

Nasaun sira sei hakbesik ba ó-nia naroman No liurai sira sei hakbesik ba ó-nia kmanek neʼebé nabilan. Isaias 60:3 TMF

Isaias 60:3

Isaias ko'alia kona-ba tempu ne'ebé Maromak nia povu sai nabilan ho Ninia naroman, no nasaun barak sei hakbesik ba naroman ne'e. Profesia ne'e fó-hanoin ita katak Maromak mak fonte ba naroman ne'ebé loos. Iha versikulu tuir mai iha kapítulu hanesan, profeta Isaias hatete: "Loro matan sei laos ita nia naroman iha loron, no fulan sei la foo naroman ba ita, maibee Nai mak ita naroman too tinan ba tinan, no ita nia Maromak mak ita nia glória. Ita nia loro matan sei la tuun fali; no ita nia fulan sei la sai, tanba Nai mak ita nia naroman too tinan ba tinan, no loron sira nebee ita tanis halerik sei hotu" Isaias 60:19-20 BK

Iha Testamentu Foun, ita haree se mak naroman ne'e. Naroman ne'e mak Jesus Kristu. Nia hatete: " Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.” João 8:12 BK. Apóstolu João hatete: "Naroman nee nabilan iha nakukun. No nakukun la bele halakon naroman nee" João 1:5 BK

Nakukun iha Bíblia dala barak signifika sala, ta'uk, no la iha esperansa. Maibé kuandu Jesus tama iha ita-nia moris, nia halakon nakukun no halo ita nakonu ho esperansa, dame no ksolok. Ninia naroman la'ós de'it muda ita, maibé nia mós fó naroman liuhusi ita atu ema seluk bele haree no hakbesik ba Maromak. 

Ohin loron, mundu ne'e nakonu ho nakukun. Maibé hanesan nasaun sira ne'ebé promete ona atu mai iha Maromak Nia naroman, ema sira ne'ebé hale'u ita mós sei hakbesik nafatin ba Jesus kuandu sira haree Ninia naroman nabilan iha ita-nia laran no ita-nia moris loronloron. 

Se ita hakarak buka dalan atu sai husi nakukun laran, la'o iha Jesus Nia naroman. Nia mak naroman rohan-laek ne'ebé dirije ita no hatudu ita dalan ba lalehan. 

Orasaun: Nai Jesus, obrigadu tanba Ita mak mundu nia naroman. Fó naroman ba ami-nia laran atu ema seluk bele haree no hatudu dalan ba lalehan. Amen.

Isaias 60:3

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Mediador entre ita ho Maromak iha hira?

Tanba iha Maromak mesak Ida de'it, no iha Ida de'it ne'ebé Mediadór entre Maromak no ema, no ema ida ne'e mak Kristu Jesus. Nia entrega aan hodi hola fali ema hotu. Ida ne'e mak testemuña ne'ebé Nia foo, tuir tempu ne'ebé loos" 1 Timóteo 2:5-6 BK

1 Timóteo 2:5-6

Iha apóstolu Paulo nia karta ba Timoteo, nia fó-hanoin igreja kona-ba lia-loos ne'ebé importante tebes. Nia dehan iha Maromak ida de'it no so iha Mediador ida de'it entre Maromak no ema, ne'e mak Jesus Kristu. Mediador mak ema ida ne'ebé hamriik iha klaran hodi lori dame entre parte rua. Tanba ita-nia pekadu, ita haketak an husi Maromak (Isaias 59:2). Ita labele mai hasoru Maromak liuhusi ita-nia hahalok di'ak sira, orasaun, ka esforsu an rasik. Maibé Jesus mai atu halo ponte entre ita ema pekador ho Maromak. 

Oinsá mak Jesus halo ida-ne'e? Versíkulu 6 hatete: "Nia entrega aan hodi hola fali/redensaun ba ema hotu". Redensaun mak osan ne'ebé ita selu atu fó liberdade ba ema ruma. Iha kruz, Jesus selu ita-nia sala ho Ninia moris rasik. Nia simu ita-nia kastigu atu nune'e ita bele hetan perdua no lori ita fila fali ba Maromak. 

Ida-ne'e signifika katak ita la presiza mediador seluk tan ne'ebé merese Liu - la presiza amlulik, santu sira, no ema se de'it atu sai ita-nia Mediador. So Jesus mesak de'it naton ona. Liuhusi Jesus, ita bele halo orasaun direta ba Maromak, liuhosi Jesus ita bele hetan perdua, no liuhosi Jesus ita bele hetan moris rohan-laek. 

Evanjellu ne'e simples: Maromak ida de'it, Mediador ida de'it, sakrifísiu ida de'it no dalan ida de'it atu hetan salvasaun. Se ita tau fiar ba Jesus, ita iha dame ho Maromak no ita iha esperansa atu hetan moris rohan-laek. 

No ne'e mak liafuan di'ak ne'ebé ami fahe ba ita boot sira iha programa ne'e: Jesus, ita-nia Mediador, mak dalan úniku ba lalehan. 

Orasaun: Obrigadu Nai Jesus, tanba fó Ita-nia moris nu'udar sakrifísiu ba ami. Ajuda ami atu tau fiar de'it ba Ita nu'udar ami-nia Mediador no la'o tuir Ita iha dalan ba lalehan. Amen.

1 Timóteo 2:5-6

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More