Krusifika hahalok isin nian ho Kristu

Ema sira ne'ebé Kristu Jesus nian mak prega ona isin ba krús hamutuk ho buat ne'ebé isin hakarak no kaan. Galásia 5:24 BK

Galásia 5:24

Apóstolu Paulo hakerek versíkulu ne'e hodi fó-hanoin ba ema fiar-na'in sira katak halo tuir Jesus mak dalan foun atu moris. Antes ita hatene Jesus, ita halo tuir ita-nia isin nia hakarak. "Isin nia hahalok nee klaru ona: sala seksuál, sala foer, hahalok la moos, kaan buat aat, adora ídulu, halo lulik, odi malu, istori malu, laran moras, laran nakali, provoka malu, haketak malu, fahe malu, laran moras, lanu, hahalok arbiru no buat seluk hanesan nee. Hanesan hau foo hanoin ona ba imi, hau foo hanoin fali katak sira nebee halo hanesan nee sei la simu Maromak nia reinu nudar liman rohan" Galásia 5:19-21. Maibé kuandu ita simu ona Jesus, ita hili atu hasees an husi hahalok aat sira-ne'e. Ne'e hanesan "prega ita-nia hahalok isin nian" ne'ebé aat ba krús hamutuk ho Jesus. 

Prega "hahalok isin nian" signifika katak ita la husik tan ita-nia hahalok isin nian ka hahalok sala-na'in kontrola ita. Duke halo nune'e, ita moris liuhusi espíritu santu nia diresaun, ne'ebé fó podér mai ita atu halo buat ne'ebé loos. Versíkulu sira antes ne'e ko'alia kona-ba espíritu nia fuan. "Maibee Espíritu nia ai fuan mak nee: domin, ksolok, dame, pasiénsia, laran diak, hahalok diak, fidelidade, laran maus no kontrola aan. La iha lei ida mak kontra buat sira nee" Galásia 5:22-23 BK. Bainhira ita iha fuan espíritu sira hanesan ne'e, hatudu katak ita-nia laran partensi ba Jesus.

La fasil atu moris hanesan ema kristaun. Dala ruma ita-nia hakarak tuan ne'ebé uluk ita prega ona hakarak fila fali. Maibé kuandu ita hanoin-hetan krús, ita mós hanoin katak Jesus manán ona pekadu. Loron-loron ita tenke hili atu la'o tuir Maromak no hatete lae ba hahalok sira ne'ebé haketak ita husi Maromak. 

Se ita la'o tuir Espiritu Santu Nia hakarak no halo tuir Kristu Nia ezemplu, ita-nia moris sei refleta Kristu Ninia hahalok. Ne'e mak dalan ne'ebé lori ita besik liu ba Maromak, no mós dalan ba lalehan. 

Orasaun: Nai Jesus, obrigadu tanba Ita mate ba ami. Ajuda ami atu prega ami-nia hakarak sala nian no moris tuir Ita-nia espíritu Nia hakarak Kada loron, bainhira Ami la'o tuir Ita iha dalan lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Espiritu ne'ebé for moris

No se Maromak nia Espíritu ne'ebé halo Jesus moris hi'as ona hosi mate mak hela mós iha imi, Nia ne'ebé halo Kristu Jesus moris hi'as ona hosi mate sei halo mós imi nia isin moris hi'as liuhosi Ninia Espíritu ne'ebé hela iha imi. Roma 8:11 BK

Roma 8:11

Apóstolu Paulo fó-hanoin ita kona-ba lia-loos ne'ebé Iha podér boot: Espiritu Santu ne'ebé fó moris-hias ba Jesus husi mate, Espiritu ne'e iha mós ema fiar-na'in hotu nia laran. Ida-ne'e signifika katak podér resuresaun nian serbisu hela iha ita agora.

Espíritu ne'e fó moris espirituál mai ita. Antes ita hatene Kristu, ita mate tanba pekadu, no ita la iha esperansa no la iha forsa. Maibé kuandu ita fiar ba Jesus, Espiritu Santu mai moris iha ita. Nia muda ita-nia laran, fó hakarak ka dezezu foun ba ita, no ajuda ita atu manan tentasaun atu halo sala. 

Versikulu ne'e mós fó esperansa ba ita atu moris iha futuru. Loron ida, Espiritu ne'ebé hanesan mós sei halo ita moris hi'as no sai husi rate, hanesan Nia halo Jesus moris hi'as fali ona. Mate la'os rohan ba Maromak Nia oan sira. Moris rohan-laek mak promesa ne'ebé serteza liuhusi Kristu. 

Tanba Espiritu Santu hela ho ita, ita bele moris ho fiar an no ksolok. Ita nunka moris mesak de'it. Maromak Nia podér iha ita-nia laran, dirije ita, haforsa ita, no prepara ita ba eternidade.

Entaun, se ita iha Maromak Nia Espiritu iha ita-nia laran, lembra katak ita lori hela podér ba moris ne'e rasik. Kontinua la'o ho fé, nakonu ho Ninia Espiritu Santu, no ita ho serteza sei to'o duni ba fatin ne'ebé nia promete ona: dalan ba lalehan. 

Orasaun: Nai, obrigadu ba fó Ita-nia Espiritu Santu mai ami, podér moris nian. Hakonu Ami ho ita-nia forsa loroloron, no ajuda ami atu moris ho fidelidade iha dalan ba lalehan. Amen.

Roma 8:11

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá ita bele deskansa ho dame?

Hau sei toba hakmatek no dukur, tanba Ó deit, Oh Na'i, mak halo ha'u hela iha fatin seguru. Salmu 4:8 BK

Salmu 4:8 

Liurai David hakerek Salmu ne'e durante tempu susar boot. Ema barak kontra nia, no ninia moris iha perigu laran. Iha situasaun sira hanesan ne'e, duké ta'uk no hanoin barak, liurai David hili atu tau fiar nafatin ba Maromak. Nia dehan katak nia bele latan no toba ho dame tanba Na'i mesak de'it mak bele halo nia seguru. 

Versikulu ida ne'e hanorin ita lia-loos ne'ebé Iha kbiit boot: dame ne'ebé loos la mai husi rikusoin, podér ka uma ne'ebé seguru - maibé dame ne'ebé loos maihusi tau fiar ba Maromak. Maski mundu ne'ebé haleu ita, sente la serteza, maibé ita bele deskansa iha Maromak Nia kuida. Nia nunka toba, no Nia nunka haluha Ninia oan sira. 

Ema barak ohin loron la bele toba ho di'ak tanba laran-susar, sentimentu sala, ka ta'uk ba futuru. Maibé kuandu ita intrega ita-nia prekupasaun sira ba Maromak liuhosi orasaun, nia fó dame mai ita-nia laran. Hanesan Filipe 4: 7 hatete: "No Maromak nia dame, ne'ebé aas liu fali kompriensaun hotu, sei tau matan ba imi nia fuan laran no neon liu hosi Kristu Jesus"

Liurai David nia ezemplu fó-hanoin ita atu hakotu kada loron hodi tau fiar tomak ba Maromak. Kuandu ita deskansa iha Ninia liman laran, ita sente kalma iha ita-nia laran no seguru iha ita-nia moris. 

Se ita hakarak hetan dame ne'ebé loos, la'ós de'it iha kalan, maibé iha ita-nia moris tomak, fó ita-nia laran ba Jesus. Nia mak Liurai ba dame nian, no tuir Nia mak dalan úniku atu hetan deskansa ho dame ba nafatin, ne'e mak dalan ba lalehan. 

Orasaun: Nai, obrigadu ba fó dame mai ami iha susar laran. Ajuda ami atu tau fiar ba Ita loroloron no deskansa ho seguru iha Ita-nia kuida bainhira ami prepara an atu la'o ba lalehan. Amen.

Salmu 4:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More