Husik Ita-nia naroman nabilan

Nunee husik imi nia naroman nabilan iha ema nia oin, atu sira bele haree imi nia hahalok diak, no foo glória ba imi nia Aman nebee iha lalehan. Mateus 5:16 BK

Mateus 5:16

Iha Mateus 5:14-15, Jesus hatete: "Imi mak naroman ba mundu nee. Ita la bele subar sidade ida nebee iha foho leten. Ema la sunu ahi oan hodi taka iha baldi okos. Maibee nia tau iha ahi oan nia fatin, no ahi oan nee bele foo naroman ba ema hotu iha uma laran" Tuirmai iha versíkulu 16, nia haruka ita atu husik ita-nia naroman nabilan. Ida-ne'e signifika katak nu'udar ninia dixipulu, ita tenke moris hodi hatudu laran-di'ak ba ema seluk. 

Iha versíkulu sira uluk nian (Mateus 5: 13-15), Jesus mós hatete katak ita mak "masin mundu nian". Masin halo hahán ninia sabór di'ak no halo hahán ne'e labele at. Nune'e mós, ema kristaun tenke halo mundu sai di'ak liu tan liuhusi domin, laran-di'ak no lia-loos. Sai "naroman" signifika katak ita bele hatudu Maromak Nia dalan sira iha mundu nakukun ne'ebé nakonu ho pekadu no triste. 

Mateus 5:16

Husik ita-nia naroman nabilan la signifika katak ita hatudu an ka haka'as an atu halo ema gaba ita. Ida ne'e signifika katak moris iha dalan ne'ebé ajuda ema atu haree Maromak Nia domin. Bainhira ita ajuda ema kiak sira, fó perdua ba sira ne'ebé hakanek ita, ko'alia lia-loos, ka moris ho onestu /laran-moos, ema seluk sei haree. Nune'e duke ema dehan: "Ita mak ema di'ak," sira sei dehan: "Maromak mak di'ak!" no fó glória ba Maromak. 

Dala ruma susar atu halo ita-nia an sai roman. Ema bele hamnasa ita ka ignora ita. Maibé naroman ne'e presiza liu iha kalan nakukun. Se ita subar ita-nia naroman, ema sei la haree dalan ba Maromak. 

Ohin loron, husu Maromak atu ajuda ita atu sai naroman iha ita-nia uma, iha serbisu-fatin, no iha ita-nia komunidade. Maski asaun domin ki'ik oan ida bele hatudu ema ba Jesus. Hanoin-ba katak ita-nia naroman la'ós ita-nian, maibé mai husi Jesus ne'ebé mak sai naroman ba mundu.

Mateus 5:16

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hamriik no sai naroman ba!

Hamriik no leno ba, tanba ita nia naroman mai ona, no Nai Nia glória sae ona no leno ba ita. Isaias 60:1 BK

Isaias 60:1

Antes versíkulu ne'e, iha Isaias 59: 9-10 esplika kona-ba ema ne'ebé moris iha nakukun laran. Sira hanesan ema matan-delek ne'ebé la'o la ho naroman. Sira hein naroman, maibé sira hetan de'it mak nakukun tanba sira-nia pekadu. Ida-ne'e hatudu katak se la iha Maromak, moris mak hanesan kalan - ne'ebé halo ema konfuzaun, perigu, no la iha esperansa. 

Maibé Isaias 60: 1 lori mudansa boot. Maromak Nia naroman mai ona! Naroman ne'e mak Ninia glória - Ninia prezensa, Ninia lia-loos, no Ninia salvasaun. Bainhira Maromak fó naroman ba ita, pekadu nia nakukun, ta'uk, no triste tenke lakon. Ninia naroman fó esperansa, matadalan no ksolok ba ita. 

Na'i Jesus hatete iha Mateus 5:14: "Imi mak mundu nia naroman." Ida ne'e signifika katak kuandu ita simu Maromak Nia naroman, ita labele subar naroman ne'e. Hanesan loro-matan mosu hodi fo naroman ba mundu tomak, ita mós tenke husik Maromak Nia naroman fo roman ba ema seluk. Ita sai naroman liuhosi moris ho laran-di'ak, ko'alia lia-loos Maromak nian, ajuda ema seluk, no fahe evanjelu kona-ba Jesus. 

Karik agora ita-nia moris sente nakukun: tamba nakonu ho problema, sala, ka triste. Maibé ohin Maromak bolu ita hodi dehan: "Hadér!" Ne'e signifika katak hamriik hosi situasaun ne'ebé la iha esperansa. "Sai naroman!" Ne'e signifika husik Maromak Ninia domin no lia-loos hatudu iha ita-nia moris loronloron. 

Kuandu ita moris iha Maromak Nia naroman, ita la'ós de'it haree dalan ne'ebé loos, maibé mós ajuda ema seluk atu hetan dalan ne'ebé loos. Nakukun la bele manán bainhira Maromak Nia naroman iha ita-nia laran. 

Orasaun: Nai, obrigadu tanba lori ona Ita-nia naroman mai ami-nia moris. Ajuda ami atu hamriik husi nakukun laran hodi fo naroman ba ema seluk. Uza ami atu fó matadalan ba ema seluk kona-ba Ita-nia domin. Amen.

Isaias 60:1

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Jesus sei mai fali, serake ita prontu simu Nia?

Nunee mós, imi tenki prontu nafatin. Tanba Ema Nia Oan sei mai iha oras nebee imi la hatene. Lucas 12:40 BK

Lucas 12:40 

Na'i Jesus hatete iha Lucas 12: 40 katak ita tenke prontu kualkér tempu ba Jesus Ninia fila fali mai ba dala rua. Nia sei mai bainhira ema barak la espera. Ida-ne'e signifika katak ita labele hein to'o loron ikus atu prepara ita-nia laran - ita tenke prontu loroloron. 

Iha evanjelu João 14: 1-3, Na'i Jesus promete katak Nia prepara hela fatin ba ita iha Ninia Aman Nia uma. Nia dehan katak Nia sei fila fali mai hodi lori ita ba hamutuk ho Nia ba moris rohan-laek. Ne'e mak promesa furak ida! Jesus la haluha ita - tanba nia prepara hela buat hotu ba ita iha lalehan no bainhira prontu ona Nia sei mai fali atu lori ita ba Lalehan.

Bíblia mós hatete iha 1 Tesalonika 4: 16-17 katak "Tanba Nai rasik sei tuun mai hosi lalehan ho lian makaas, ho lian hosi anju boot, no ho lian hosi Maromak nia korneta. No sira nebee mate iha Kristu sei moris hias uluk. Depois ita nebee sei moris hela sei sae ba hamutuk ho sira iha kalohan laran hodi hasoru Nai iha loro leten. No ita sei hamutuk nafatin ho Nai. 1 Tesalónika 4:16-17 BK. Biblia ko'alia katak ema sira ne'ebé mate iha Kristu no moris ho Kristu sei ba hamutuk lalehan, la'os sira ne'ebé mate ona mak ba uluk lalehan (lee didiak versikulu ne'e).

Iha Apokalipse 1:7, hatete "Tebes, Nia sei mai ho kalohan sira. No matan ida-idak sei haree Nia, inklui mos sira nebee uluk sona Nia. No suku hotu-hotu iha mundu sei tanis tanba Nia. Nee duni. Amén" Apokalipse 1:7 BK. Bainhira Na'i Jesus mai fali, Mundu tomak sei haree, ne'e la'ós segredu. 

Tan ne'e, ita tenke prontu kualkér tempu. Ida-ne'e signifika katak tau fiar ba Jesus nu'udar ita-nia Salvador, hadook an husi sala, moris tuir prinsipiu Biblia nian no moris hodi halo Nia kontente. Ita la hatene loron ka oras ne'ebé loos kona-ba bainhira mak Na'i Jesus sei fila mai, maibé se ita moris ba nia agora, prepara ita-nia an loronloron, ita sei haksolok no la ta'uk bainhira nia fila fali mai iha kalohan leten. 

Mai ita hanoin loron-loron: la kleur tan, Jesus sei mai fali - mai ita halo ita-nia an prontu loroloron!

Lucas 12:40 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More