La'os imposibél maibé susar tebes

Reflesaun Lukas 18:18-27

Joven sira namora malu, halo laran moras ba malu, balu tenta estabelese fila fali relasaun domin, no dalabarak ita rona espresaun ne'e "Fatin ba ó la iha ona" . Fatin ba eis doben la iha ne'e buat ida, maibé fatin ba Maromak la iha, ne'e buat ketak Ida. Na'i Jesus enkonta ho joven riku Ida, no liuhosi sira-nia dada lia ita bele aprende lisaun balu. Seraké riku ne'e mak problema ka, hanoin resin kona-ba riku-soin mak problema?

Bainhira ita halibur riku-soin barak hosi tempu ba tempu, riku-soin sira ne'e sei okupa ita-nia hanoin tomak no ita-nia moris sei la fokus ba Maromak. Joven riku iha historia iha evanjellu Lukas 18 tristi los bainhira Jesus haruka nia faan ninia riku soi fo ba ema kiak no tuir Jesus, tamba nia riku-soin barak tebes (Lukas v18:23). La'os impossibél ba ema riku atu tama reiñu lalehan (Lukas 18:27), maibé Jesus dehan susar tebes (Lukas 18:24-25) la'os tamba standarte ne'ebé aas liu maibé tamba ninia risku mak boot liu. Risku saida? Risku ne'e mak prekupa ba riku-soin to'o fatin ba Maromak la iha. 

Mai ita husu ita-nia aan, seraké hosi loron ba loron iha fatin ba Maromak iha ita-nia laran? 

Reference

Certo homem importante lhe perguntou: “Bom Mestre, que farei para herdar a vida eterna?” “Por que você me chama bom?”, respondeu Jesus. “Não há ninguém que seja bom, a não ser somente Deus. Você conhece os mandamentos: ‘Não adulterarás, não matarás, não furtarás, não darás falso testemunho, honra teu pai e tua mãe’.” “A tudo isso tenho obedecido desde a adolescência”, disse ele. Ao ouvir isso, disse-lhe Jesus: “Falta ainda uma coisa. Venda tudo o que você possui e dê o dinheiro aos pobres, e você terá um tesouro nos céus. Depois venha e siga-me”. Ouvindo isso, ele ficou triste, porque era muito rico. Vendo-o entristecido, Jesus disse: “Como é difícil aos ricos entrar no Reino de Deus! De fato, é mais fácil passar um camelo pelo fundo de uma agulha do que um rico entrar no Reino de Deus”. Os que ouviram isso perguntaram: “Então, quem pode ser salvo?” Jesus respondeu: “O que é impossível para os homens é possível para Deus”. Lucas 18:18‭-‬27 NVI

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏