Proteje ó-nia fuan laran

Proteje ó-nia fuan laran ho seguru, tanba ó-nia moris mosu mai hosi ó-nia fuan laran. Provérbiu 4:23 BK

Provérbiu 4:23

Ita-nia laran la'ós de'it hanesan fatin ba sentimentu. Iha Bíblia, "fuan-laran" mak ita-nia hanoin, desizaun, hakarak no fiar horik ba. Tan ne'e mak Proverbios haruka ita atu guarda didi'ak ita-nia laran ho kuidadu. Buat ne'ebé ita husik tama ba ita-nia laran sei forma ita-nia karakter no influensia ita-nia moris. 

Iha versíkulu sira ne'ebé hale'u Proverbios 4:23, hakerek-nain ne'e fó sabedoria ba ninia oan-mane. Nia hatete atu rona ba Maromak Nia liafuan, atu hasees an husi dalan aat sira, no atu hili dalan atu halo hahalok loos. Nia esplika katak ita tenke proteje ita-nia laran tanba ida-ne'e afeta ita-nia moris tomak. Se ita enxe ita-nia laran ho hirus, laran-moras, ka hakarak sala-nian, ita-nia asaun sira sei hatudu mós. Maibé se ita halo tuir Maromak Nia lia-loos, domin, no sabedoria, ita bele moris iha dalan ne'ebé halo Maromak kontente. 

Proteje ita-nia laran signifika ita tenke kuidadu kona-ba buat ne'ebé ita haree, buat ne'ebé ita rona, no se mak ita banati tuir. Ne'e signifika hatete "lae" ba buat ne'ebé dada ita dook husi Maromak. Ida-ne'e mós signifika hatete "loos" ba orasaun, lee Biblia, tuir adorasaun, no gasta tempu ho ema ne'ebé ajuda ita krexe iha fiar. 

Ita labele proteje ita-nia laran liuhusi ita-nia forsa rasik. Maibé Maromak prontu atu ajuda ita. Kuandu ita husu Maromak atu halo ita-nia laran sai nakonu ho Ninia Espíritu, Nia fó ita hakarak foun no matenek atu halo desizaun ne'ebé di'ak. Laran ne'ebé protejidu sai laran ne'ebé forsa - laran ne'ebé iha dame, puru/moos, no haksolok. 

Bainhira ita proteje ita-nia laran no tau Maromak iha sentru iha ita-niamoris - ita-nia hakat sira sai firmi, no ita-nia dalan sira sai klaru liután. Ne'e mak dalan ne'ebé halo ita kontinua la'o ho laran-metin iha dalan ba lalehan. Biar ba, Maromak ajuda ita no proteje ita-nia laran loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Iha hanoin hanesan Jesus

Agora Maromak, ne'ebé fó pasiénsia no korajen, bele halo hodi ita moris neon ida laran ida ho ita-nia maluk, hamutuk ho Kristu Jesus. Roma 15:5 BK

Roma 15:5

Iha versíkulu ne'e, apóstolu Paulo enkoraje ema kristaun atu moris iha unidade. Nia fó-hanoin ita katak Maromak mak fó forsa no korajen mai ita. No ho Ninia ajuda, ita bele hanoin, hadomi, no iha hahalok ne'ebé hanesan ba ema seluk hanesan Jesus 

"Hanoin ne'ebé hanesan" Jesus, signifika halo tuir ninia ezemplu sira. Jesus hatudu laran-maus, pasiénsia, haraik-an, no nakonu ho domin. Nia la hanoin de'it kona-ba nia an rasik. Nia tau matan ba ema ne'ebé fraku, fó perdua ba ema sala-na'in sira, no serbí ema seluk ho laran-tomak. Kuandu ita hatudu hahalok hanesan Jesus, ita hatudu ba mundu oinsá Maromak Nia domin iha asaun. 

Iha versíkulu sira antes ida-ne'e, apóstolu Paulo ko'alia kona-ba simu malu. Ema kristaun balu iha fiar metin, balu fraku. Balu iha hanoin ne'ebé la hanesan kona-ba ai-han no loron espesiál sira. Apóstolu Paulo hanorin katak duké julga malu, ema kristaun tenke ajuda malu atu krexe iha fé. Jesus la rejeita ema, maibé nia simu sira. Tan ne'e, ita mós tenke simu ita-nia irmaun-irman sira ho domin maski ita hanoin la hanesan. 

Moris hanesan Jesus la sempre fasil. Dala ruma ema hakanek ita-nia laran ka la konkorda ho ita. Maibé kuandu ita halo orasaun no husu Maromak atu ita bele tahan no fó korajen mai ita, Nia ajuda ita atu hatudu pasiénsia no laran-di'ak ba ema hotu. Liuhusi Maromak Nia ajuda, ita-nia uma, igreja no fatin serbisu bele sai fatin dame nian. 

Bainhira ita aprende atu hanoin no halo tuir Jesus, ita bele sai forte liután iha ita-nia viajen moris nian hamutuk ho Maromak. Kuandu ita hadomi, fó perdua, no serbí hanesan Jesus, ita kontinua la'o iha dalan ne'ebé loos - ne'e mak dalan ba lalehan. Biarba Maromak sei ajuda ita loroloron atu iha hanoin hanesan Kristu. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

.... akontese ba sira nudar ezemplu

Agora, buat sira ne'e akontese ba sira nudar ezemplu. No buat sira ne'e hakerek hodi fó hanoin ba ita, ne'ebé moris iha tempu nia rohan. 1 Korinto 10:11 TL

 1 Korinto 10:11

Bíblia nakonu ho istória kona-ba povu Izrael. Istória balu kontente, no balu triste. Apóstolu Paulo hakerek Iha 1 Korinto 10: 11 katak istória sira-ne'e hakerek ona atu hanorin ita. Maromak hakarak ita atu aprende husi buat ne'ebé akontese ba sira, atu nune'e ita labele repete sala ne'ebé sira halo. 

 1. Sira-nia sala fó lisaun mai ita

Ema Izrael sira haree milagre barak. Maromak fera Tasi Mean, fó-han ba sira ho manna, no fó bee ba sira iha rai-fuik maran. Maibé maski sira haree tiha Maromak nia podér, sira barak murmura, adora estátua, no la halo tuir Maromak. 

Maromak tau istória sira-ne'e iha Biblia, atu ita kuidadu an. Se sira monu ba sala maski sira haree tiha Maromak nia milagre sira, entaun ita tenke kuidadu ita-nia laran loroloron. 

 2. Sira-nia istória hatudu Maromak nia pasiénsia 

Maski ema Izrael halo sala, maibé Maromak la husik sira. Nia korrije sira, maibé nia mós dirije sira no fó oportunidade seluk tan ba sira. Ida-ne'e hanorin ita katak Maromak mós hatudu pasiénsia ba ita. Kuandu ita monu ka halo sala, Nia hadomi nafatin ita no bolu fali ita ba Nia. 

3. Sira-nia ezemplu enkoraje ita atu fiél. 

Ema balu hanesan Moises, Josue, Caleb, no David hili atu tau fiar ba Maromak. Tanba sira-nia fiar, Maromak haraik bénsaun boot ba sira. 

Sira-nia moris fó-hanoin ita katak halo tuir Maromak mak sempre desizaun ne'ebé di'ak liu. Kuandu ita hasoru susar iha moris, sira-nia istória fó forsa mai ita atu kontinua la'o ba oin. 

 4. Lisaun sira-ne'e mós bale ba ita ohin loron.

Apóstolu Paulo hatete katak ita moris iha "tempu ikus mundu ne'e nian". Ida-ne'e signifika katak ita tenke tau atensaun maka'as liután ba Maromak nia Liafuan. Istória sira-ne'e la'ós de'it istória, maibé sai nu'udar avizu no matadalan ba ita-nia moris ohin loron. 

Istoria sira iha Biblia ne'e hakerek ba ita. Sira hanorin ita saida mak ita tenke hasees an iha ita-nia moris, saida mak ita tenke halo, no oinsá mak ita bele tau fiar ba Maromak iha ita-nia moris tomak. 

Bainhira ita kontinua la'o iha dalan ba lalehan, mai ita aprende husi lisaun sira-ne'e no halo tuir Maromak ho laran-metin to'o ita to'o iha ita-nia uma ne'ebé loos, iha Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak hadomi uluk ita

Ita hadomi tanba Maromak hadomi uluk ita. 1 João 4:19 BK

1 João 4:19

Kada relasaun hotu iha ita-nia moris ne'ebé ita estabelese - família, amizade, ka mós relasaun di'ak ho ema seluk iha igreja - hahú ho ema ida-ne'ebé foti pasu dahuluk. 

Domin nunka moris iha izolamentu, maibé domin krexe tanba iha ema ida mak hatudu uluk domin ne'e. Hanesan ne'e mós, domin ba Maromak la'ós buat ne'ebé ita mak hahú. 

Eskritura hatete ho klaru: "Ita hadomi tanba Maromak hadomi uluk ita" 1 João 4:19. Maromak Nia domin la'os resposta ida ba ita-nia laran-di'ak. Maibé Maromak Nia domin ne'e mak fonte no fundasaun ba ita-nia moris espirituál tomak. 

 1. Maromak Nia domin mai uluk (Roma 5:8) 

Maromak hadomi ita antes ita hatene Nia, antes ita hili Nia, no maski ita sei sala-na'in hela. Kuandu ita sei dook hosi Maromak, Nia hatudu domin ba ita. Tanba Ninia domin mak mai uluk, ita bele hetan seguransa. 

 2. Maromak Nia domin transforma ita (2 Korinto 5: 14-15).

Kuandu ema ida hadomi tebes Ita, ida-ne'e muda Ita-nia hahalok. Sa tán, Maromak Ninia domin! 

Ninia domin rezulta ba arrependementu, obedese, no dezezu atu buka Maromak. Ita hadomi Maromak la'ós tanba ta'uk, maibé tanba gratidaun, tanba agora ita komprende katak Maromak Nia laran-sadi'a kle'an tebes. 

3. Maromak Nia domin hanorin ita atu hadomi ema seluk (1 Joao 4: 11).

Kuandu ita esperiensia Maromak Nia domin, ita bele hadomi ema ne'ebé la merese atu hetan domin, fó perdua ba ema ne'ebé la merese atu hetan perdua, no hatudu laran-di'ak ba ema ne'ebé hakanek ita. Ita mós sai hanesan kanál ba domin ne'ebé salva ita. 

Se Maromak hein ita to'o ita sai perfeitu antes nia bele hadomi ita, ita sei la iha esperansa. Tan ne'e, Maromak bolu ita atu hadomi ema seluk ho pasiénsia, laran-sadi'a no laran-di'ak ne'ebé nia hatudu ona mai ita.

Maromak nia domin mak hun ba buat hotu ne'ebé ita halo iha ita-nia vida Kristaun. Ita halo orasaun, serbí, adora, no obedese tanba Nia hadomi uluk ita. Loron-loron, fó hanoin ita-nia an: "Maromak hadomi ha'u." Husik lia-loos ne'e hametin ita-nia fiar, fó komfortu ba ita-nia laran, no dirije ita atu la'o iha dalan ba lalehan.

No hanoin-ba katak dalan ba lalehan hahú hosi simu no hatán ba Maromak nia domin. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak besik ba sira ne'ebé bolu Nia

Nai mak besik ba ema hotu ne'ebé bolu Nia, ba sira ne'ebé bolu Nia ho lia loos. Salmu 145:18 BK

Salmu 145:18

Salmu 145 fó-hanoin ita kona-ba Maromak Nia di'ak, laran-maus no domin. Iha versíkulu 18, ita simu promesa furak ida: Maromak besik ba ema hotu ne'ebé bolu Nia ho laran. Ida-ne'e signifika katak Maromak la dook, la nonook, no la haluha ita. Nia besik - atu rona, tau matan no prontu atu ajuda. 

"Bolu Nia ho lia-loos" signifika katak ita bele hakbesik ba Maromak ho onestu. Ita la presiza liafuan ne'ebé perfeitu. Ita la presiza finje. Maromak hakarak ita atu ko'alia ho laran tomak ba Nia - hodi fó sai ita-nia ta'uk, ita-nia presiza, ita-nia sala, ita-nia esperansa no ita-nia gratidaun. Kuandu ita mai hasoru Nia hanesan ne'e, nia hakbesik liután ba ita. 

Dala ruma ita sente mesamesak. Dala ruma ita-nia problema sente todan liu ka ita-nia orasaun sente fraku liu. Maibé Maromak promete katak kuandu ita bolu Nia, Nia besik ita. Nia rona ita-nia halerik iha silensiu, ita-nia bisibisi hosi lian ne'ebé kole, no ita-nia orasaun ne'ebé ita labele espresa ho liafuan.

Maromak besik bainhira ita hanoin barak. 

Maromak besik bainhira ita laran kanek. 

Maromak besik bainhira ita sente lakon. 

Maromak besik bainhira ita agradese. 

Nia besik iha tempu hotu ne'ebé ita fila fali ba Nia. 

Ita la la'o mesak de'it iha ita-nia moris. Ohin, Maromak ne'ebé halo lalehan hamriik besik ita. Nia la'o hamutuk ho ita, fó kmaan ba ita, haforsa ita, no dirije ita. 

Harohan ba nia ho fiar. Tau fiar ba Nia ho ita-nia laran tomak. Sente Ninia besik iha ita-nia pasu sira hotu. 

Kuandu ita la'o hamutuk ho Maromak ne'ebé sempre besik, ita sei nunka lakon iha ita-nia moris, ita la'o ho seguru iha dalan ba lalehan. 

Orasaun: Nai, obrigadu tamba sempre besik ami. Ajuda ami bolu Ita ho laran-moos no tau fiar ba Ita-nia prezensa iha momentu hotu. Kontinua hakbesik ba ami bainhira ami la'o iha dalan ba lalehan. Amen.

Salmu 145:18

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Halo orasaun iha tempu hotu

Halo orasaun nafatin ho orasaun hotu no pedidu iha Espíritu. No hanesan ne'e, matan moris ba nafatin hela de'it. Halo orasaun ba Maromak kona-ba santu sira hotu. Efezu 6:18 BK

Efezu 6:18

Iha Efeso 6, apóstolu Paulo ko'alia kona-ba "Armamentu Maromak nian" - protesaun espirituál ne'ebé ema kristaun hotu presiza. Depoisde alista armamentu sira, nia remata ho mandamentu poderozu ida: "Halo orasaun nafatin". Orasaun la'ós buat ne'ebé ita halo de'it iha igreja ka bainhira ita hasoru susar. Orasaun mak iis-moris ema kristaun nian. Liuhosi orasaun mak ita mantein ligasaun ho Maromak Loroloron.

Apóstolu Paulo hatete ba ita atu halo orasaun iha tempu hotu. Ida-ne'e signifika katak ita bele halo orasaun bainhira ita hadeer, kuandu ita serbisu, kuandu ita halo viajen, kuandu ita hasoru problema, no kuandu ita sente kontente. Maromak sempre prontu atu rona. Ita la presiza liafuan espesiál ida. Ita presiza de'it laran-moos. 

Apóstolu Paulo mós hatete atu halo orasaun "ho orasaun oioin". Dala ruma ita halo orasaun atu husu ajuda. Dala ruma ita halo orasaun atu husu perdua. Dala ruma ita halo orasaun atu husu kurativu no forsa. Dala ruma ita halo orasaun ba ema seluk ne'ebé hasoru susar. No dala ruma ita agradese de'it ba Maromak tanba nia laran-di'ak. Orasaun sira-ne'e hotu folin-boot ba Maromak. 

Halo orasaun "iha espíritu santu" signifika katak halo orasaun ho Maromak nia matadalan - hodi husik espíritu santu dirije ita-nia hanoin, ita-nia hakarak, no ita-nia liafuan. Kuandu ita la hatene saida mak ita bele hatete, espíritu santu ajuda ita atu halo orasaun. Kuandu ita sente fraku, nia haforsa ita. 

Orasaun halo ita-nia fiar sai moris. Orasaun proteje ita husi tentasaun. Orasaun fó dame mai ita. Orasaun lori Maromak nia kbiit mai ita-nia moris loroloron. 

Halo orasaun hanesan ita-nia toman ida - la'ós de'it iha tempu susar maibé iha momentu hotu. Ko'alia ba Maromak nu'udar ita-nia Aman, tau fiar ba nia nu'udar ita-nia protejedor, no sadere ba nia nu'udar ita-nia forsa na'in. 

Moris ne'ebé nakonu ho orasaun sei halo ita-nia laran hakbesik nafatin ba Maromak no la'o ho firmi iha dalan ba lalehan. 

Orasaun: Nai, hanorin ami atu sempre halo orasaun. Ajuda ami atu ko'alia ho Ita iha momentu hotu no tau fiar ba Ita-nia espíritu atu dirije ami-nia orasaun. Halo ami-nia laran besik ba Ita bainhira ami la'o iha lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Generosidade/laran-luak

Nia ne'ebé fó bensaun gratis deit sei sai bokur, no nia nebee foo bee sei hetan fali bee. Provérbiu 11:25 BK

                           Provérbiu 11:25

Versikulu iha Proverbios ne'e hanorin ita lia-loos ne'ebé furak kona-ba generosidade ka laran-luak. Maromak fo bensaun ba ema sira ne'ebé haraik bénsaun ba ema seluk. Kuandu ita fó ho laran - ita-nia tempu, ita-nia domin, ita-nia laran-di'ak, Maromak hakonu fali ita hodi kontinua fó bénsaun ba ema barak liután. 

Laran-luak la'ós de'it kona-ba osan. Ema ne'ebé laran-luak voluntarimente hakarak fahe korajen, ai-han, halo orasaun ba ema seluk, vizita ema ne'ebé moris mesamesak, fó perdua lalais, no ajuda ema neʼebé presiza. Kuandu ita laran-luak ba ema seluk, ita fó komfortu, forsa, no esperansa ba sira-nia moris. 

Maromak haree buat ki'ik hotu ne'ebé ita halo ho domin. Hahalok ki'ik sira mós importante. Liafuan di'ak ida bele enkoraje no hamoris ema nia espíritu. Orasaun simples ida bele fó korajen ba ema seluk. Prezente ki'ik ida bele fó-hanoin ema katak Maromak kuida. No bainhira ita fó komfortu ba ema seluk, Maromak mós fó komfortu mai ita. Nia fó ksolok, dame, forsa, no bénsaun foun ba ita. 

Generosidade ka laran-luak refleta Maromak nia hahalok. Nia mak Maromak ne'ebé laran-luak liu hotu - Nia fó ita iis moris nian, moris ne'e rasik, salvasaun, fó perdaun, no Ninia domin ne'ebé la iha rohan. Kuandu ita fó, ita banati-tuir Nia. No kuandu ita banati-tuir Nia, ita sai hanesan Jesus. 

Dala ruma ita sente ta'uk atu fó tanba ita hanoin katak ita la iha osan ka sasan ne'ebé sufisiente. Maibé Maromak promete katak ema ne'ebé laran-luak sei moris-di'ak - la'ós sempre ho osan, maibé ho bénsaun espirituál, dame iha laran, no ho laran-haksolok. 

Ohin, husu Maromak atu halo ita laran-luak. Buka ema ida atu bele fó bénsaun ba. Fó ho laran-manas no haksolok, hodi fiar katak Maromak sei kuida ita. 

Ema ne'ebé laran-luak hatudu Maromak-Nia domin ba mundu, no ajuda ema seluk atu la'o iha dalan ba lalehan. 

Orasaun: Nai, halo ami sai laran-luak hanesan Jesus. Ajuda ami atu fó kmaan ba ema seluk ho laran-di'ak no domin. Bainhira ami fó, hakonu fali ami ho Ita-nia bénsaun atu nune'e ami bele kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak ita-nia protejedor

Nai sei proteje ò, Nai mak ó-nia mahon iha ó-nia liman loos. Salmu 121:5 BK

Salmu 121:5

Salmu 121 mak knananuk fiar nian. Dala barak povu Izrael kanta salmu ne'e bainhira sira halo viajen liu husi foho perigu sira hodi ba adora Maromak. Sira-nia viajen dook no nakonu ho risku - hanesan animál fuik sira, na'ok-teen sira, rai-manas no la'o iha dalan ne'ebé kloot no perigu. Maibé sira fó-hanoin ba sira-nia an kona-ba lia-loos ida-ne'ebé iha kbiit boot: Nai mak sira-nia protejedor. 

Versíkulu 5 hatete katak Maromak "sei proteje ò". Ne'e katak nia nunka taka ninia matan, nunka husik ninia pozisaun, no nunka haluha ita. Maromak la'ós hanesan guarda ema ne'ebé bele sai kole. Nia sempre matan-moris, Ninia prezensa sempre iha, no sempre defende Ninia oan sira. 

Versikulu ne'e mós hatete katak Maromak mak "Ó-nia mahon iha ó-nia liman loos". Iha loro-matan ne'ebé manas iha medio oriente, mahon signifika seguransa, komfortu no protesaun husi rai-manas. Hanesan ne'e mós, Maromak fó komfortu espirituál mai ita - komfortu bainhira ita sente susar iha moris, dame bainhira ita hanoin resin kona-ba ita-nia moris, no forsa kuandu ita sente fraku. 

Maski ita hasoru susar oioin ohin loron - hanesan ta'uk, moras, problema iha ita-nia uma, ka dezafiu sira iha ita-nia serbisu fatin - hanoin ba katak Maromak hamriik besik ita-nia sorin. Nia besik, la dook ida. Nia proteje ita husi perigu ne'ebé ita haree no perigu ne'ebé ita la haree. Ninia kuida kobre ita iha tempu loron, tempu kalan, ita-nia hakat sira no ita-nia futuru. 

Ita la la'o mesak de'it. Na'i mak ita-nia protector, agora no ba nafatin. 

Tau fiar ba Nia, hakbesik nafatin ba Nia, no kontinua la'o tuir Nia ho laran-metin. Ho Nai ne'ebé proteje ita-nia moris, ita bele la'o ho seguru no ho fiar an iha dalan ba lalehan. 

Orasaun: Nai, obrigadu tanba Ita mak ami-nia protector. Tau matan ba ami-nia hakat sira no proteje ami husi buat-aat hotu. Ajuda ami tau fiar ba Ita-Boot bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Seraké ita preparadu ba Jesus nia mai fali daruak?

Nunee matan moris ba, tanba imi la hatene oras ne'ebé imi-nia Nai sei mai. Mateus 24:42 BK

Mateus 24:42

Iha evanjellu Mateus 24, Jesus hanorin Ninia dixipulu sira kona-ba Ninia tempu atu mai fali ba dala rua. Nia esplika katak la iha ema ida mak hatene loron ka oras - anju sira mós lahatene, dixipulu sira mós lahatene - so Aman Maromak deit. Tan ne'e, Jesus haruka ita atu matan-moris nafatin no prontu nafatin kualkér momentu. 

"Matan moris" la signifika katak ita hateke hela de'it ba lalehan. Maibé ida ne'e signfika moris loroloron ho laran ne'ebé prontu atu hasoru Jesus. Ida-ne'e signifika katak mantein ita-nia fidelidade, halo tuir Ninia Liafuan sira iha sagrada Eskritura, no la'o besik ho Nia hosi loron ba loron. Ema ne'ebé prontu atu simu Jesus la la'o tuir mundu nia hakarak, maibé la'o tuir Nai Jesus ho seriadade ka sinseridade.

Jesus fó ezemplu ida iha kapítulu ne'e: se uma na'in hatene bainhira mak na'ok-teen mai, nia sei hadeer nafatin proteje ninia uma. Nune'e mós, tanba ita la hatene bainhira mak Jesus sei fila fali mai, ita-nia laran tenke hadeer nafatin no hametin ita-nia fiar loron-loron. 

 Preparadu signifika: 

 *Hadook an husi pekadu 

 *Halo ita-nia laran sai moos no haraik-an 

 *Hadomi ema seluk hanesan Jesus hanorin 

 *Halo orasaun loroloron 

* Fiél nafatin maski iha susar laran 

 *Halo tuir Maromak nia Liafuan

Jesus Nia fila fali mai dala rua, la'ós buat ne'ebé halo ita ta'uk, maibé buat ne'ebé ita hein no espera. Ba sira ne'ebé tau fiar ba Maromak, ne'e mak loron ne'ebé sira hein no hetan ksolok, vitória, no moris rohan-laek. Maibé ita tenke prontu. Ita la bele hein to'o "tarde liu". Ohin loron mak tempu atu la'o tuir Nia ho laran-metin. 

Husu ba ita-nia an: Se Jesus fila fali mai ohin, seraké ha'u prepararadu? Se lae, mai la'o tuir Nia agora. Hili obedese, hili hahalok santu, hili Jesus. 

Ema ne'ebé sira-nia laran preparadu, sei la'o ho konfiansa hodi hein Nai Jesus Ninia mai ba daruak no la'o ho firmi iha dalan ba lalehan. 

Orasaun: Nai Jesus, ajuda ami atu matan-moris nafatin no prontu hodi hein ita-nia fila fali ba daruak. Halo ami-nia laran fiél nafatin, ami-nia moris moos nafatin, no hali ami la'o besik ho Ita. Prepara ami loron-loron bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kaer-metin ba Maromak Ninia promesa sira

Rona lai, Maromak mak ha'u-nia salvasaun, ha'u sei fiar no ha'u la tauk, tanba Nia mak Nai ne'ebé ha'u-nia kbiit no ha'u-nia kanta, no Nia sai ona ha'u-nia salvasaun. Isaias 12:2 BK

Isaias 12:2

Isaias 12: 2 mak versíkulu furak ida kona-ba esperansa. Maromak promete ida-ne'e ba Ninia povu durante tempu susar sira. Sira hasoru perigu, ta'uk, no tempu la serteza sira. Maibé Maromak fó-hanoin sira katak Nia rasik mak sei sai sira-nia salvasaun - Maromak ida ne'ebé salva, proteje no fó forsa. 

Iha versíkulu ne'e, profeta Isaias hanorin ita atu tau fiar tomak ba Maromak. Nia hatete: "Hau sei tau fiar no la ta'uk." Ida-ne'e la dehan katak moris sei sempre fasil. Maibé ida ne'e signfika maski ita hasoru buat saida de'it, ita kaer-metin Maromak Nia promesa sira. Ita kaer metin ba Ninia Liafuan hanesan fatuk ne'ebé metin iha tempu hasoru anin-fuik. 

Maromak promete katak nia sei sai ita-nia salvasaun, ne'ebé signifika nia sei salva ita husi sala no husi situasaun hotu ne'ebé tenta halakon ita. Nia promete katak Nia sei sai ita-nia forsa kuandu ita sente fraku. No Maromak promete katak Nia sei defende ita, no nia sei halo funu kontra forsa nakukun nian ne'ebé ita labele halo ho ita-nia forsa rasik.

Kuandu sentimentu ta'uk tenta tama iha ita-nia laran, hanoin-hetan versikulu ne'e. Kuandu ita-nia problema sira sente todan liu, hanoin-hetan katak Maromak mak ita-nia forsa. Kuandu ita la hatene kona-ba moris nee atu sai oinsá los, hanoin-hetan katak Maromak mak ita-nia salvasaun. Ninia promesa sira nunka falla. 

Kaer-metin ba Maromak nia promesa sira, signifika hili tau fiar ba Maromak ninia lia-fuan sira liu fali ita-nia sentimentu ta'uk sira. Ne'e signifika katak ita tau fiar katak Maromak hamutuk ho ita, nia suporta ita, no Nia sei lori ita liuhosi tempu susar hotu iha ita-nia moris. 

Kaer-metin ba Ninia promesa sira ohin loron. Husik Ninia lia-loos enxe ita-nia laran ho dame no korajen. Kuandu ita tau fiar ba Maromak Nia salvasaun, ita la'o ho aten-barani no la'o ho seguru iha dalan ba lalehan. 

Orasaun: Nai, obrigadu ba Ita-Boot Nia promesa sira ne'ebé nunka falla. Ajuda ami tau fiar ba Ita ho ami-nia laran tomak no kaer metin ba Ita-nia Liafuan bainhira ami ta'uk. Sai ami-nia forsa no ami-nia salvasaun bainhira ami la'o iha dalan ba lalehan. Amen.

Isaias 12:2

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lia-loos neʼebé fó liberdade

No imi sei hatene lia-loos, no lia-loos sei halo imi livre. João 8:32 BK

João 8:32

Iha versíkulu ne'e, Jesus ko'alia ba ema sira ne'ebé fiar ba Nia. Nia esplika katak liberdade ne'ebé loos mai husi koñesimentu no moris iha Ninia lia-loos. Ema barak hanoin katak liberdade signifika halo buat saida de'it ne'ebé sira hakarak, maibé Jesus hanorin buat ne'ebé diferente. Liberdade ne'ebé loos, so hetan iha Jesus - iha Jesus ita bele hetan liberdade husi sala, ta'uk, no lia-bosok sira. 

Jesus hatete: "Imi sei hatene lia-loos." Lia-loos ne'ebé Nia ko'alia, la'ós de'it informasaun. Ne'e mak Nia an rasik. Jesus hatete iha Joao 14:6: "Hau mak dalan, lia-loos no moris." Kuandu ita halo tuir Ninia hanorin sira, obedese ba Ninia Liafuan sira, no hakbesik nafatin ba Nia, ita sei hetan lia-loos ne'ebé lori dame no matadalan ba ita-nia moris. 

Pekadu lasu ita. Lia-bosok husi Diabu halo ita konfuzaun. Ta'uk kaer metin ita no dada ita ba kotuk. Maibé lia-loos husi Jesus halo rahun kadeli diabu nian sira-ne'ebe kesi metin ita. Ninia lia-loos hatudu ba ita se mak ita loloos - Maromak hadomi, fó perdua, no halo ita hetan moris foun. Ninia lia-loos hanorin ita buat ne'ebé loos no fó forsa mai ita atu la'o dook husi buat ne'ebé sala. 

Kuandu ita lee Biblia, halo orasaun, no halo tuir Maromak nia lian, lia-loos sei hakonu liután iha ita-nia laran. No bainhira Nia lia-loos hakonu ita-nia laran, ita sei esperiensia liberdade liután - liberdade atu moris ho ksolok, liberdade atu hili buat ne'ebé di'ak, no liberdade atu la'o ho fiar an ba Maromak. 

Ohin loron, loke ita-nia laran ba Jesus nia lia-loos. Husu ba Nia atu hasai tiha lia-bosok no ta'uk ne'ebé hanehan ita. Husik Maromak Nia Liafuan dirije ita-nia hakat sira. 

Bainhira ita la'o tuir Jesus Nia lia-loos sira, ita la'o iha liberdade ne'ebé loos - no ita sei kontinua la'o iha dalan ba lalehan. 

Orasaun: Nai Jesus, obrigadu tanba Ita mak lia-loos ne'ebé halo ami livre. Hakonu ami-nia laran ho Ita-nia Liafuan no fó matadalan mai ami loroloron. Ajuda ami la'o iha Ita-nia liberdade bainhira ami la'o dadaun iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hahi'i Nai ho laran-tomak

Ha'u sei fó agradese ba Nai ho ha'u-nia fuan-larantomak, ha'u sei konta Ó-nia milagre hotu. Salmu 9:1 BK

Salmu 9:1

Iha Salmo 9: 1, David hatudu oinsá mak ita bele hahi'i Maromak - la'ós ho laran-ruarua, maibé ho ita-nia laran tomak. Hahi'i Maromak la'ós de'it liuhosi kanta knananuk ka ko'alia liafuan di'ak sira. Maibé hahi'i Maromak mak fo agradese ba Maromak ho laran-moos, haksolok, no laran tomak. Hahi'i Maromak liuhusi hanoin-hetan buat hotu ne'ebé Maromak halo ona ba ita no fó Nia onra ne'ebé nia merese. 

Liurai David hasoru susar barak iha ninia moris - hanesan ta'uk, funu, hasoru inimigu, no momentu triste sira. Maibé nia sei hili nafatin atu hahi'i Maromak ho ninia laran tomak. Ida-ne'e hanorin mai ita katak hahi'i Maromak la'ós de'it iha loron di'ak sira. Maibé hahi'i Maromak mós iha tempu susar sira. Kuandu ita fó hahi'i Maromak iha tempu susar sira, ita-nia laran sai forte liután no ita-nia fiar sai kle'an liután. 

Versikulu ne'e mós hatete: "Ha'u sei konta Ó nia milagre hotu". Hahi'i Maromak signifika katak hanoin-hetan Ninia laran-di'ak sira. Hanoin kona-ba tempu ne'ebé Nia proteje ita, kura ita, fó perdua ba ita, ka fó matadalan ba ita. Bénsaun hotu-hotu mak razaun ida atu fó obrigadu ba Maromak. 

Kuandu ita fó hahi'i ba Maromak, ita muda ita-nia matan husi ita-nia problema ba Maromak nia kbiit boot. Hahi'i Maromak lori dame. Hahi'i Maromak lori ksolok. Hahi'i Maromak lori Ninia prezensa mai ita-nia moris. 

Ohin loron, foti tempu atu hahi'i Maromak ho Ita-nia laran tomak. Ko'alia ho lian maka'as buat ne'ebé Nia halo ona ba ita. Kanta knananuk ida. Halo orasaun hodi fó agradesementu. Husik Ita-nia laran nakonu ho gratidaun. 

Laran ne'ebé hahi'i Maromak la'o besik ho Nia - no ida-ne'e halo ita la'o iha dalan loos hodi la'o ba oin ho laran-metin iha dalan ba lalehan. 

Orasaun: Nai, ami hahi'i Ita ho ami-nia laran tomak. Obrigadu ba Ita-Boot nia hahalok furak sira iha ami-nia moris. Hakonu ami-nia laran ho agradese no ajuda ami moris loroloron iha Ita-Nia prezensa bainhira ami la'o iha dalan ba lalehan. Amen.

Salmu 9:1

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak ne'ebé lori ita-nia todan

Adora ba Nai ne'ebé lori ita loro-loron, ba Maromak ne'ebé fó salvasaun mai ita. Salmu 68:19 BK

Salmu 68:19

Iha ita-nia moris, ita lori todan barak. Todan balu ita bele haree - hanesan moras, problema finanseiru, ka problema família nian. Problema balu subar an iha ita-nia laran - hanesan ta'uk, hanoin resin, sente mesak de'it, ka moras ne'ebé ita la bele esplika. Maibé Salmo 68: 19 fó ita promesa furak ida: Maromak lori ita-nia todan loroloron. 

Versikulu ne'e hatete "loron-loron" tanba Maromak ajuda ita la'os dala ruma de'it. Nia la'os de'it apoia ita kuandu ita sente forte. Nia ajuda ita loroloron, maski ita sente fraku ka kole. Nia la'ós Maromak ne'ebé haree ita hosi dook de'it. Nia mak Aman domin na'in ne'ebé besik no lori ita-nia todan hotu ne'ebé ita labele lori. 

Dala barak, ita koko atu lori buat hotu mesak de'it. Ita koko atu rezolve ita-nia problema hotu, hadi'a ita-nia situasaun hotu, no koko atu haforsa an mesak deit. Maibé Maromak nunka husu ita atu halo ida ne'e. Maibé, Jesus konvida ita hodi dehan "mai ba ha'u... no ha'u sei fó deskansa ba imi". Maromak hakarak ita intrega ita-nia todan ba Nia - liuhusi orasaun, fiar, no intrega an ba Nia. 

Kuandu ita fó ita-nia todan ba Nai, Nia fó dame mai ita. Nia fó forsa ba ita ohin no esperansa ba aban. Nia troka ita-nia ta'uk ho aten-barani, no ita-nia triste ho komfortu.

Entaun ohin, foti tempu atu tau ita-nia todan iha Maromak nia oin. Hatete ba Nia buat ne'ebé todan iha ita-nia laran. Fiar katak Nia sei foti todan ne'e, dirije ita, no la'o hamutuk ho ita. 

Kuandu ita husik Maromak lori ita-nia todan, ita bele la'o ho kman liu, libre liu, no forte liu hodi lao iha dalan ba lalehan. 

Orasaun: Nai, obrigadu, tamba lori ami-nia todan loroloron. Ajuda ami tau fiar ba Ita no entrega buat hotu ne'ebé hatodan ami. Fó dame no forsa mai ami bainhira ami la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Moris ho laran- luak

Fó ba, no imi sei hetan. Nia sei sukat di-diak, hanehan tuun, doko tan, enxe resin no tau iha imi nia hitin. Tanba buat ne'ebé imi sukat ba ema, nune'e ema sei sukat fali ba imi. Lucas 6:38 BK

Lucas 6:38

Jesus hanorin ita iha versíkulu ida-ne'e katak moris ho laran-luak lori bénsaun boot - la'ós de'it ba ema seluk, maibé mós ba ita. Laran-luak mak liu fali fó osan. Ne'e mak fó ita-nia tempu, kuida, perdua, hadomi no ajuda ema ne'ebé presiza. 

Iha Jesus Nia tempu, ema uza raga hodi sukat trigu. Bainhira ema ida hakarak hatudu laran-luak, sira hanehan trigu ne'e tun, baku atu halo fatin barak liután, no tau tan trigu to'o resin. Ida-ne'e mak imajen ne'ebé Jesus uza atu hatudu oinsá Maromak rekompensa ba ema ne'ebé laran-luak. Kuandu ita fó buat hotu ho laran-luak, Maromak sei fó fali bénsaun sira ne'ebé nakonu to'o resin.

Maibé Jesus la hanorin ita atu fó de'it atu ita bele simu. Nia hakarak ita atu iha laran hanesan Ninian - laran-di'ak, nakloke no iha dezezu atu fahe. Laran-luak hatudu Maromak-Nia domin ba mundu. Kuandu ita ajuda ema seluk, ita refleta Jesus Nia hahalok ne'ebé fó Ninia moris ba ita. 

Dala ruma ita hanoin katak ita la iha buat barak atu fó. Maibé Maromak mós bele uza hahalok laran-di'ak ne'ebé ki'ik liu, hanesan oin-midar, orasaun, vizita, no hahán atu book ema nia laran. Buat ne'ebé importante mak la'ós prezente ne'ebé boot, maibé domin ne'ebé sai ita-nia motivu. 

Entaun ohin, husu Maromak atu halo ita sai ema laran-luak. Buka ema ne'ebé Ita bele fo bensaun. Fo ho laran-haksolok tamba ita hatene katak Maromak haree asaun karidade hotu ne'ebé ita halo no sei fó fali buat ne'ebé boot liu fali buat ne'ebé ita bele imajina. 

Kuandu ita moris ho laran-luak, ita la'o tuir Jesus nia hakat sira, no ita ajuda gia ema seluk atu la'o iha dalan ba lalehan. 

Orasaun: Nai, fó laran-luak mai ami. Ajuda ami fahe buat ne'ebé ami iha ho ksolok no domin. Uza buat ne'ebé ami fo atu haraik bénsaun ba ema seluk no lori sira la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK NIA ESPIRITU KO'ALIA LIUHOSI ITA

Tanba la'os imi rasik ko'alia, maibé imi nia Aman nia Espíritu sei koalia liu hosi imi. Mateus 10:20 BK

Mateus 10:20

Kuandu Jesus haruka Ninia dixipulu sira ba haklaken Evanjellu, nia fó avizu ba sira katak sira sei hasoru opozisaun. Ema balu sei rejeita sira, pergunta sira, ka ema balu sei ataka sira. Karik dixipulu sira sente ta'uk no hanoin kona-ba saida mak sira bele hatete ka oinsá atu defende sira-nia an. 

Maibé Jesus fo ba sira promesa furak ida: katak sira sei la ko'alia mesak de'it. Maromak nia Espíritu, Espíritu santu, sei ko'alia liuhusi sira. 

Versíkulu ne'e fó-hanoin ita katak Maromak la bolu ita atu serbí Nia ho ita-nia kbiit rasik. Kuandu ita fahe Ninia Liafuan, fó komfortu ba ema ruma, halo orasaun ba ema ruma, ka fó-hatene ema seluk kona-ba Jesus, Espíritu Santu fó liafuan ne'ebé loos mai ita iha tempu ne'ebé ita presiza. Maski ita sente fraku, moe, ka seidauk prepara an, maibé Maromak fo forsa nafatin. 

Ita-nia "Aman Nia Espíritu" hatudu katak Maromak besik ho ita. Nia la dook hosi ita. Nia hela iha ita-nia leet. Nia ajuda ita. Hanesan aman ida-ne'ebé hadomi ninia oan sira, Maromak mós dirije ita-nia hanoin, ita-nia liafuan, no ita-nia asaun. Kuandu ita sadere ba Maromak, Nia uza ita-nia liafuan simples sira hodi book ema-nia laran no muda ema-nia moris. 

Entaun keta ta'uk atu ko'alia kona-ba Ita-nia fiar. Keta hanoin barak kona-ba ko'alia ho perfeitu. Tau fiar de'it ba Maromak. Loke ita-nia laran, no husik Espíritu Santu serbisu liuhosi ita. Nia bele halo ita-nia liafuan ki'ik sira sai bénsaun boot ba ema ne'ebé presiza esperansa. 

Bainhira ita husik Maromak Nia Espíritu ko'alia liuhosi ita, ita fó naroman ba ema seluk, no ita ajuda sira atu la'o iha dalan ba lalehan. 

Orasaun: Aman, obrigadu tanba fó Ita-nia espíritu santu mai ami. Ajuda ami tau fiar ba Ita kuandu ami ko'alia Maromak Nia lia-fuan no sadere ba Ita-nia forsa, la'ós ami-nian forsa rasik. Uza ami-nia liafuan atu haraik bénsaun ba ema seluk no dirije sira iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La'o liuhosi foho leet mate nian

Maski ha'u la'o iha foho leet ne'ebé iha lalatak mate nian, ha'u la ta'uk buat aat, tanba Ó hamutuk ho ha'u; Ó-nia rota no Ó-nia ai tonka mak konsola ha'u. Salmu 23:4 BK

Salmo 23:4

Moris la'ós sempre fasil. Dala ruma ita la'o liuhusi tempu nakukun no ta'uk - hanesan tempu moras, tempu perigu, tempu ita lakon ema ne'ebé ita hadomi, tempu konfuzaun, ka momentu triste sira. Iha Salmo 23: 4, liurai David bolu fatin ne'e nu'udar "foho leet lalatak mate nian". Ne'e mak imajen ida kona-ba situasaun susar liu iha ita-nia moris, kuandu buat hotu sente la serteza no sentimentu ta'uk koko atu kontrola ita-nia laran.

Maibé David fó-sai lia-loos ne'ebé iha kbiit boot mai ita: ita la la'o liu foho leet rai nakukun mesak de'it. Nai, ita-nia Bibi-atan, hamutuk ho ita. Nia la husik ita, maski ita-nia dalan sente todan no moras. Ninia prezensa mak ita-nia protesaun boot liu hotu. 

Liurai David hatete: "Hau sei la ta'uk buat aat." Nia la ta'uk, la'os tanba foho leet ne'e seguru - maibé tanba Maromak besik ho nia. Maromak nia ai-tonka mak hanesan instrumentu ne'ebé bibi-atan uza atu proteje no dirije bibi sira. Nune'e mós, Maromak uza Ninia podér atu defende ita no ho Ninia lian Nia dirije ita. Ninia Liafuan no Ninia Espíritu fó-hanoin ita katak Maromak mak kontrola buat hotu maski ita la serteza kona-ba moris. 

Versikulu ne'e la promete katak ita sei nunka hasoru susar. Maibé versikulu ne'e promete buat ne'ebé di'ak liu: Maromak rasik sei la'o besik ita-nia sorin. Nia sei lori ita bainhira ita fraku, fó kmaan mai ita kuandu ita laran kanek, no fó matadalan mai ita kuandu ita la haree dalan ba oin. 

Entaun, ohin. bainhira ita hasoru ita-nia foho leet mate nian, foti ita-nia matan ba Bibi-Atan. Tau fiar ba Ninia prezensa. Kaer metin ba Ninia Liafuan sira. Husik Maromak dirije ita pasu pur pasu iha dalan ba Lalehan 

Ho Maromak nu'udar ita-nia Bibi-atan, ita sei kontinua la'o ba oin ho laran-metin no seguru iha dalan ba lalehan. 

Orasaun: Nai, kuandu ami la'o liuhosi foho leet mate nian ne'ebé nakukun no susar, fó-hanoin ami katak Ita hamutuk ho ami. Hasai tiha ami-nia ta'uk no hakonu ami ho Ita-nia komfortu no dame. Lori ami ho seguru iha dalan ba lalehan. Amen.

Salmo 23:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Dedika an ba orasaun loroloron

Imi tenki badinas iha orasaun. Matan moris ba iha orasaun ho agradese. Kolose 4:2 BK

Colossenses 4:2 

Dediquem‑se à oração, vigiando por meio dela com ações de graças. Colossenses 4:2 NVI

Iha versíkulu ne'e, apóstolu Paulo hanorin ema kristaun iha Koloso atu iha abitu halo orasaun loroloron. Liafuan "devosaun" katak kontinua halo buat ida ho fidelidade, la rende an maski ita sente okupadu ka susar. Apóstolu Paulo hakerek karta ne'e bainhira nia iha komarka laran, maibé nia nafatin fó korajen ba ema seluk atu halo orasaun. Ida-ne'e hatudu oinsá orasaun importante tebes ba ema kristaun hotu. 

"Matan-moris nafatin" signifika presiza espiritualmente hadér nafatin. Ita tenke tau atensaun ba buat ne'ebé Maromak halo hale'u ita no proteje ita-nia laran husi buat ne'ebé bele hafraku ita-nia fiar. Kuandu ita halo orasaun ho matan nakloke no ita-nia laran nakloke, ita bele haree ho klaru Maromak Nia ajuda no Maromak Nia matadalan sira. 

Apóstolu Paulo mós hatete katak ita tenke agradese. Laran ne'ebé agradese sempre hanoin Maromak nia laran-di'ak sira. Kuandu ita fó agradese ba Maromak iha ita-nia orasaun, maski iha tempu susar, halo ita-nia fé sai forsa. Agradese muda ita-nia laran susar sai fali adorasaun ba Maromak no fó-hanoin ita katak Maromak sempre kontrola buat hotu. 

Orasaun la'ós de'it atu husu Maromak buat ruma, maibé atu la'o besik ho Nia loroloron. Orasaun mak ko'alia ho ita-nia Aman, rona ba Ninia lian liuhusi Sagrada Eskritura, no tau fiar ba Ninia resposta sira. Ita-nia moris ne'ebé nakonu ho orasaun halo ita-nia laran sai mamar, ita-nia neon sai moos, no ita-nia fiar sai metin. 

Ohin loron, mai ita hafoun fali ita-nia komitmentu atu halo orasaun. Hahú ho hakat ki'ik sira: minutu balu iha dadeer, orasaun badak ruma durante serbisu, no orasaun agradesementu molok ba toba. Kuandu ita prátika ida ne'e beibeik, naturalmente orasaun sai parte ida husi ita-nia moris loroloron nian, ne'e mak prezente ida-ne'ebé bele liga ita ho Maromak nia kbiit no dame. 

Kuandu ita krese iha orasaun, ita hakbesik nafatin ba Maromak no kontinua la'o ho laran-metin iha dalan ba lalehan. 

Orasaun: Na'i, hanorin ami atu halo orasaun loroloron ho matan-moris no laran ne'ebé nakonu ho agradesementu. Ajuda ami atu hakbesik nafatin ba Ita no depende ba Ita iha ami-nia moris tomak. Kontinua haforsa ami bainhira ami la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More