Iha Kristu, Ita hotu ida de'it

La iha tan ema Judeu ka ema Gregu, la iha tan atan ka ema livre, la iha tan mane ka feto, tanba imi hotu ida de'it iha Kristu Jesus. Galásia 3:28 BK.

Galásia 3:28

Dala barak mundu fahe ema ba grupu - tuir rasa, língua, status, ka pozisaun. Ema balu haree hanesan importante liu, maibé ema seluk haree hanesan ladún iha folin. Maibé Apóstolu Paulo fó-hanoin ita iha Galasia 3:28 katak iha Kristu moru separasaun sira-ne'e monu ona.

Liuhusi Jesus, ita hotu hakbesik ba Maromak, liuhusi dalan ne'ebé hanesan - fé. La prekupa ita moris iha ne'ebé, la prekupa osan hira mak ita iha, ka la prekupa mane ka feto. Iha kruz ita hotu hanesan de'it. Ita hotu sala-na'in ne'ebé presiza Maromak Nia grasa, no Maromak hadomi tebes ita. 

Versíkulu ne'e fó-hanoin fali ba igreja ohin loron. Dala ruma ita nafatin luta hasoru divizaun ka haketak malu, foti-an, ka hahalok favoritismu. Maibé Maromak bolu ita atu haree malu nu'udar maun-alin iha Kristu. Kuandu ita partensi ba Maromak, ita sai família ida deit. 

Sai "Ida de'it iha Kristu" la signifika ita hotu haree hanesan de'it ka lakon ita-nia diferensa. Maromak halo ema ida-idak úniku. Maibé ida-ne'e signifika katak ita-nia unidade mak forte liu fali ita-nia diferensa sira. Buat ne'ebé halo ita iha unidade mak boot liu fali buat ne'ebé haketak ita - ne'e mak Jesus rasik. 

Ohin loron, hanoin lia-loos ida ne'e: Ita mós partensi ba Maromak nia família, hanesan ho ema fiar-na'in hotu. Biarba lia-loos ne'e gia ita oinsá ita trata ema seluk - ho domin, respeitu, no haraik-an. Iha Kristu, la iha fatin ba hahalok foti-an ka haketak malu. Ita hotu ida de'it, no hamutuk ita hatudu Maromak nia domin ba mundu.

Galásia 3:28

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Halo tuir Maromak la'os mundu

Keta halo tuir mundu ne'e. Maibé troka imi-nia hahalok liuhosi hanoin foun. Atu nune'e imi bele hili dalan ne'ebé tuir Maromak Nia hakarak, ne'ebé di'ak no perfeitu no Maromak bele simu. Roma 12:2 BK

Roma 12:2 

Mundu ne'e iha dalan oioin ne'ebé halo ita hanoin no moris la fó onra ba Maromak. Dala barak ema hakarak hanoin an de'it, buka osan liu fali buat hotu no haluha Maromak, ka moris la hanoin kona-ba buat ne'ebé loos no sala. Apóstolu Paulo fó hanoin mai ita atu labele halo tuir mundu nia dalan sira. 

Nia bolu ita atu "transforma" ka troka ita-nia hahalok liu hosi hanoin foun. Ida-ne'e signifika muda kompletamente, hanesan caterpillar transforma sai barboleta. Oinsá mak ida-ne'e bele akontese? Liuhusi renova ita-nia hanoin. Kuandu ita lee Maromak nia Liafuan, halo orasaun, no husik espíritu santu ajuda ita, ita-nia hanoin no atitude komesa muda. Ita komesa haree moris hanesan Maromak haree moris. 

Rezultadu hosi transformasaun ida ne'e kbiit boot tebes - tanba liuhosi transformasaun ne'e mak ita bele komprende Maromak Nia hakarak ba ita-nia moris. Maromak Nia hakarak la halo konfuzaun ka todan; maibé ne'e di'ak, haksolok, no perfeitu. Kuandu ita moris tuir Ninia hakarak, ita hetan dame no ksolok. 

Versíkulu ne'e fó-hanoin ba ita katak mudansa ne'ebé loos, hahú iha ita-nia laran. Ida ne'e la'os haree hanesan ema ne'ebé fiar nain hosi liur de'it, maibé husik Maromak transforma ita-nia laran no hanoin loroloron. 

Ohin loron, husu ba ita-nia an: serake Ita-nia moris hetan transformasaun hosi mundu ka liuhusi Maromak nia Liafuan?. Foti tempu atu enxe ita-nia hanoin ho Maromak Ninia lia-fuan, orasaun, no buat ne'ebé tuir Maromak Nia hanorin. Husik Maromak transforma ita-nia hanoin, no ita sei deskobre Ninia planu furak ba ita-nia moris.

Roma 12:2 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tau Maromak Nia ukunfuan Iha neon & asaun

Nune'e imi tenki rai liafuan ne'e iha imi-nia fuan laran no imi-nia klamar, kesi liafuan ne'e ba imi-nia liman hodi sai sinál no taka iha imi-nia reen toos. Deuteronómiu 11:18 BK

Deuteronómiu 11:18 

Bainhira Moises ko'alia liafuan sira-ne'e, povu Izrael besik ona atu tama ba rai ne'ebé Maromak promete ona. Sira la'o iha rai-fuik durante tinan 40 ona, no agora Maromak prontu atu fó rai ne'ebé nia promete ona ba sira. Maibé iha kondisaun ida, sira tenke halo tuir ninia mandamentu sira. 

Moises hatete ba sira katak halo tuir Maromak sei fó forsa ba sira. La'os sira-nia forsa no armamentu funu nian mak sei ajuda sira, maibé Maromak Ninia bensaun ne'ebé mai tamba obedese ba Ninia ukun-fuan sira. Se sira halo tuir Maromak nia dalan sira, nia sei fó korajen, vitoria no dame iha rai ne'e. 

Ohin loron, versikulu ne'e hanorin ba ita lia-loos importante ida. Maromak Nia bénsaun sira dala barak iha ligasaun ho ita-nia obedese ba Ninia ukun-fuan sira. Kuandu ita la'o iha ninia dalan sira, hodi moris ho laran-moos/onestu, laran-di'ak, no fidelidade, Maromak haforsa ita atu hasoru susar ka dezafiu sira iha ita-nia moris. La fasil atu halo tuir Maromak Ninia ukunfuan sira, maibé bainhira ita halo tuir, ida-ne'e sempre lori dame no ksolok. 

Karik ita la tama ba rai fizikamente hanesan ema Izrael sira, maibé ita mós hasoru funu moris nian hosi loron ba loron - iha serbisu fatin, iha família, ka iha ita-nia moris rasik. Maromak promete katak Nia sei fó forsa mai ita se ita hakbesik nafatin ba nia no halo tuir Ninia Liafuan sira. 

Ohin loron, husu ba ita-nia an: serake ha'u halo tuir Maromak ona? Hanoin-ba katak Ninia mandamentu sira la'ós atu fó todan mai ita, maibé atu haraik bénsaun mai ita. Tau fiar ba Maromak no forsa nafatin, no Nia sei fó forsa ba ita atu kaer metin futuru di'ak ne'ebé Nia prepara ona ba ita.

Deuteronómiu 11:18 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak bele dura to'o tinan ba tinan?

Duut namlaik, no funan mós lakon, maibé ita- nia Maromak Nia liafuan sei hamriik metin to'o tinan ba tinan. Isaias 40:8 BK

Isaias 40:8 

Iha mundu ne'e, buat barak muda. Du'ut sai matak ba tempu ida, depois maran. Ai-funan sira moris ho furak, maibé lakleur sira monu no mate. Nune'e mós, ema, osan, podér, no nasaun sira mós hamriik no monu. La iha buat ida iha mundu ne'ebé dura ba nafatin. 

Maibé profeta Isaias fó-hanoin ba ita kona-ba buat ida-ne'ebé nunka muda: Maromak Nia Liafuan. Ninia promesa sira mantein nafatin husi jerasaun ba jerasaun. Saida mak Maromak ko'alia iha tinan rihun ba rihun liubá sei sai loos nafatin to'o ohin loron. Ninia Liafuan sei la buradu, la falla, no sei nunka lakon. 

Ida ne'e mak novidade di'ak ba ita. Kuandu ita sente la serteza, ita bele tau fiar ba Maromak Nia Liafuan. Kuandu ema halo ita laran-tun ka ita-nia situasaun muda, Maromak Nia Liafuan nafatin firmi/metin. Jesus hatete: "Lalehan no mundu sei lakon, maibé Ha'u-nia liafuan sei nunka lakon" Mateus 24:35 BK

Ida ne'e signifika katak ita bele harii ita-nia moris tuir Biblia. Biblia fó matadalan, forsa no esperansa mai ita. Mundu ida ne'e bele ko'alia bosok, maibé Maromak nia Liafuan sempre sai lia-loos. Biblia hatudu dalan atu hetan salvasaun liuhusi Jesus no hanorin ita oinsá atu moris loroloron. 

Ohin loron, husu ba ita-nia an: Ita tau fiar ba saida? Rikusoin, podér, ita-nia furak, ka ema nia forsa sei lakon hanesan ai-funan. Maibé se Ita tau fiar ba Maromak nia Liafuan, Ita hamriik iha fatin ne'ebé metin ba nafatin. 

Uza tempu atu lee Biblia loroloron. Kaer Metin ba Ninia promesa sira. Mundu bele muda, maibé Maromak nia Liafuan sei dura ba nafatin.

Isaias 40:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fornesedór

No ha'u-nia Maromak sei fó buat hotu ne'ebé imi presiza iha Kristu Jesus tuir Ninia riku-soin iha glória. Filipe 4:19 BK

Filipe 4:19 

Moris nakonu ho nesesidade. Ita presiza hahán, roupa, fatin atu hela, no forsa atu moris hosi loron ba loron. Dala ruma ita mós hasoru susar barak liu tan, hanesan selu osan eskola, problema saúde, ka problema família nian. Iha momentu sira hanesan ne'e, karik ita husu: "serake ha'u-nia moris sei sufisiente? Serake Maromak sei tau matan ba ha'u? 

Apóstolu Paulo hakerek promesa iha Filipe 4: 19, depoisde ema kristaun sira iha Filipe fó ho laran-luak atu ajuda nia iha ninia serbisu haklaken nian. Nia fó-hanoin ba sira katak Maromak sei la haluha sira-nia laran-di'ak. Hanesan sira tau matan ona ba nia, Maromak mós sei tau matan ba sira. Anota katak versikulu ne'e dehan "Maromak sei fó buat hotu ne'ebé ita presiza", la'ós balu de'it. 

Maromak hatene saida mak ita presiza liu fali ita. Dala ruma ita husu buat ne'ebé ita hakarak, maibé Maromak fó buat ne'ebé di'ak liu ba ita. Ninia fornesimentu la'ós uitoan de'it, maibé Barak "tuir Ninia riku-soin iha glória" Ne'e Signifika katak Ninia rikusoin nunka hotu. Maromak mak Kriador ba lalehan no rai. Nia mak na'in ba buat hotu, no Nia laran-luak ba Ninia oan sira. 

Versíkulu ne'e la dehan ba ita katak ita sei sempre riku ka hetan buat hotu ne'ebé ita hakarak. Maibé ida-ne'e signifika katak iha Kristu, ita sei nunka falta buat ne'ebé ita presiza atu moris, serbí no la'o tuir Nia. Dala ruma Maromak fo ita-nia presiza fiziku nian, iha tempu seluk nia fo dame, matenek, ka forsa atu moris. 

Ohin loron, hanoin-ba katak Maromak mak Ita-nia Fornesedor. Lori ita-nia presiza ba nia iha orasaun. Tau fiar ba Maromak atu fó buat ne'ebé ita presiza Iha tuir Ninia dalan no tempu ne'ebé perfeitu. Maromak ne'e fiél, no nia nunka falla.

Filipe 4:19 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hahii Maromak iha tempu & fatin hotu

Hosi lorosae too loromonu, hahii Nai nia naran. Salmu 113:3 BK

Salmu 113:3 

Versíkulu ne'e ko'alia ba ita buat importan ida: Maromak merese atu simu ita-nia hahi'i iha tempu hotu. Husi dadeer to'o kalan, husi Lorosa'e to'o loro-monu, ema tenke tane Ninia naran. 

Tanbasá? Tanba Maromak ne'e boot, no Ninia domin nunka hotu. Nia fó ba ita moris, iis moris, hahán, família, no bénsaun hotu ne'ebé ita goza. Maski ita hasoru susar iha ita-nia moris, maibé Maromak merese hetan hahi'i nafatin tanba Nia fiél no laran di'ak. 

Hahi'i Maromak la'ós de'it bainhira ita kanta iha igreja. Maibé hahii Maromak bele mós liuhosi agradese ba Maromak iha ita-nia laran, ko'alia liafuan di'ak sira, no moris iha dalan ne'ebé fó glória ba Nia. Ita bele hahi'i Maromak iha uma, iha serbisu fatin, iha toos, iha merkadu, ka iha fatin ne'ebé de'it ne'ebé ita ba. Maromak Ninia naran santu no tenke hetan onra iha fatin hotu no iha momentu hotu. 

Dala ruma ita sente kole demais ka hanoin barak demais atu hahi'i Maromak. Maibé kuandu ita hili atu fó agradese ba Maromak, maski ita hasoru susar oioin, ita-nia laran sai forte liután. Hahi'i ba Maromak fo hanoin ba ita katak Maromak boot liu fali ita-nia problema sira. Hahi'i ajuda ita atu fokus ba Maromak Ninia podér duke ita-nia ta'uk. 

Hanoin kona-ba loro-matan sa'e no loro-matan tun. Loron-loron sira la falla atu mai hodi hatudu Maromak nia fidelidade. Nune'e mós, biarba ita-nia hahi'i sae ba Maromak loroloron iha situasaun saida de'it.

Ohin loron, halo desizaun tuirmai ne'e: husi dadeer to'o kalan, foti Nai Nia naran. Horiseik, ohin, no ba nafatin, Maromak merese hetan hahi'i.

Salmu 113:3 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Prontu esplika esperansa Kristu nian

Maibé iha imi-nia fuan laran, fó onra ba Na'i Kristu ne'ebé santu. Imi tenki prontu nafatin atu hataan ema ne'ebé husu imi atu esplika esperansa ne'ebé iha imi nia laran. Maibé hataan ho laran maus no respeitu. 1 Pedro 3:15 BK

1 Pedro 3:15

Nu'udar Jesus nia dixipulu, ita lori esperansa espesiál iha ita-nia laran. Esperansa ne'e la bazeia ba osan, saúde, ka susesu. Maibé esperansa ne'e bazeia ba Jesus, ne'ebé mate tanba ita, moris hi'as fali, no promete moris rohan-laek. Mundu ne'ebé hale'u ita dala barak nakonu ho ta'uk no nakukun, maibé iha Kristu ita iha dame no ksolok. 

Pedro fó-hanoin ita atu "fo onra ba Kristu nu'udar Nai iha ita-nia laran". Ida-ne'e signifika katak Jesus tenke sai nu'udar prioridade dahuluk iha ita-nia moris. Bainhira Maromak mak iha sentru hosi ita-nia moris, ita-nia liafuan no hahalok sei hatudu Ninia domin ba ema seluk. Tuirmai ema bele husu: "Tanbasá mak ita iha dame? Tanbasá mak ita iha esperansa? Kuandu ida-ne'e akontese, ita tenke prontu atu hatán. 

Ita la presiza liafuan boot ka koñesimentu ne'ebé kle'an. Ita bele fó-hatene de'it ba ema seluk saida mak Jesus halo ona ba ita - oinsá mak Nia fó perdua ba ita-nia sala, oinsá Nia muda ita-nia moris, no oinsá Nia fó forsa loroloron mai ita. Fahe ita-nia sasin iha podér boot, maski simples. 

Pedro mós hanorin ita oinsá atu ko'alia ho laran maus no respeitu. Kristu la bolu ita atu diskute malu. Ita tenke hatudu laran-di'ak, laran maus no domin ba ema maski sira la konkorda. 

Ohin loron, hanoin ida-ne'e: hanesan ema Kristaun, ita lori Jesus Nia naroman. Ita tenke prontu atu fahe Ita-nia esperansa ba ema seluk. Maski liafuan ki'ik ida de'it kona-ba fé, bele ajuda ema atu hakbesik liután ba Maromak.

1 Pedro 3:15

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HEIN NA'I BA!

Hein Na'i, sai forti no hametin ó-nia laran, hein Na'i ba! Salmu 27:14 BK

Salmu 27:14

Moris nakonu ho hein. Ita hein resposta, hein atu hetan kura, hein atu hetan serbisu, hein dame iha família laran, ka hein atu Maromak loke odamatan foun ba ita-nia moris. La fasil atu hein. Dala ruma ita sente kole, laran-taridu, no la iha esperansa. Maibé Salmo 27:14 fo korajen ba ita: "Hein Na'i, sai forti no hametin ó-nia laran, hein Na'i ba!"

David, ne'ebé hakerek salmu ne'e mós hasoru susar barak. Nia iha inimigu, ema duni nia, no dala barak nia sente mesamesak. Maibé David fiar katak Maromak sei mai iha tempu ne'ebé loos. Tan ne'e mak nia hatete ba nia an no ba ema seluk atu hein ba Na'i. 

Salmu 27:14

"Hein Na'i" la signifika katak ita la halo buat ida. Maibé ne'e signifika katak ita tau fiar ba Maromak bainhira ita halo orasaun, halo tuir saida mak Maromak hanorin iha Biblia, no kontinua la'o ba oin. Ida ne'e signifika katak ita la rende, maski resposta sira-ne'e lentu no la mai lalais. Maromak nia tempu sempre perfeitu. Nia haree buat ne'ebé ita labele haree, no nia hatene saida mak di'ak liu ba ita. 

Versikulu ne'e mós hatete: "sai forti no hametin o nia laran" Ida ne'e signifika katak ita labele lakon korajen. Ita-nia forsa la mai husi ita-nia an rasik, maibé husi Maromak. Kuandu ita sente fraku, ita bele halo orasaun no husu Maromak atu fó dame no pasiénsia mai ita. 

Ohin loron, se ita hein hela buat ruma, hanoin ida-ne'e: Maromak ne'e fiél. Ninia promesa sira nunka falla. Ita la Hein saugati de'it, maibé Maromak serbisu hela ba buat hotu ne'ebé ita hein. Tau fiar ba Nia, kaer metin ba Ninia promesa sira, no iha tempu ne'ebé loos, nia sei hatán.

Salmu 27:14

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Buka buat sira ne'ebé iha leten

Se imi moris hi'as ona hamutuk ho Kristu, buka buat sira ne'ebé iha leten, iha fatin ne'ebé Kristu tuur iha Maromak Nia liman loos. Kolose 3:1 BK

Kolose 3:1

Bainhira ita fiar ba Jesus, buat importante ida akontese - ita unidu ho Jesus. Hanesan Jesus mate no moris hi'as fali hosi mate, ita mós mate ba ita-nia hahalok tuan nu'udar pekador ba moris foun iha Kristu. Apóstolu Paulo fó-hanoin ba ema kristaun sira iha Koloso 3: 1 katak tanba sira moris hi'as hamutuk ho Kristu ona, sira-nia fokus moris nian tenke muda. 

Apóstolu Paulo hatete: "Buka buat sira ne'ebé iha leten". Ida-ne'e signifika katak ita-nia dezezu, ita-nia hanoin, no ita-nia prioridade tenke fokus ba Maromak nia reiñu, la'ós de'it kona-ba buat ne'ebé iha mundu. Mundu haruka ita atu buka osan, famozu ka naran-boot, no komfortu. Maibé buat sira-ne'e la permanente. Buat ne'ebé sei permanese ba nafatin mak buat ne'ebé Maromak nian hanesan: fé, domin, santidade, no esperansa moris rohan-laek. 

Tau ita-nia fuan atu "buka buat sira ne'ebé iha leten" mak hanesan fixa ita-nia hanoin kona-ba ita-nia ojetivu ida. Ne'e signifika ita intensionalmente ka hakarak duni atu halo buat ida. Loron-loron ita iha desizaun atu halo: ita hakarak moris ba ksolok ne'ebé temporariu ka ba rikusoin rohan-laek? Jesus rasik hatete: "Maibee haloot riku-soin ba o nia aan rasik iha lalehan. Tanba iha lalehan ular no ferujen la halo aat, no naok-teen sira la bele tama no naok. Tanba iha fatin nebee o rai o nia riku-soin, o nia fuan laran mos iha nebaa" Mateus 6:20-21

Ida-ne'e la signifika katak ita tenke husik ita-nia servisu ka para atu tau matan ba ita-nia família. Maibé, ida signifika katak ita halo buat hotu no sempre tau Maromak iha ita-nia neon ka ita-nia hanoin. Karik ita serbisu, estuda, ka tau matan ba ema seluk, ita halo buat sira ne'e ho nia ojetivu atu halo Maromak kontente la'os ema. 

Ohin loron, hanoin to'ok kona-ba fatin ne'ebé ita-nia laran fokus ba. Serake Ita-nia laran fokus ba buat mundu nian ka fokus ba Kristu iha Lalehan? Hanoin ba katak Kristu tuur iha Maromak nia liman-loos ho podér tomak. Bainhira ita tau ita-nia laran ba Jesus, ita-nia moris sei iha ojetivu, dame, no esperansa.

Kolose 3:1

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hasoru susar? Jesus dehan keta laran susar!

Keta laran susar: fiar ba Maromak, fiar mós ba Ha'u. João 14:1 BK

João 14:1 

Jesus ko'alia liafuan sira-ne'e iha kalan molok ema hedi Nia ba krús. Dixipulu sira hanoin - resin no ta'uk. Jesus hatete ona ba sira katak Nia sei la'o hela sira, no sira la komprende saida mak sei akontese. Sira-nia laran susar, nakonu ho ta'uk no pergunta barak. 

Maibé Jesus fó komfortu ba sira hodi dehan: "Keta laran susar." Nia la dehan katak moris sei sai fasil. Nia hatene katak susar no terus sei mai. Maibé nia fó-hanoin ba sira atu tau fiar ba Nia. Hanesan sira fiar ba Aman Maromak, sira mós tenke fiar ba Nia, Oan Maromak.

Eskritura ne'e fó-hanoin ba ita katak dame la mai husi ita-nia situasaun. Problema, moras, ka preokupasaun bele hale'u ita, maibé dame mai kuandu ita tau fiar ba Jesus. Nia hatene futuru, no nia kaer ita-nia moris iha Ninia liman. Depois iha kapítulu ne'e, iha versikulu tuir mai, Jesus promete katak Nia sei prepara fatin ba ita iha Ninia Aman Nia uma (João 14: 2-3). Ne'e signifika katak ita-nia esperansa la'ós de'it ba ohin loron, maibé mós ba eternidade. 

Kuandu ta'uk koko tama iha ita-nia laran, ita tenke hili fiar duke ta'uk no hanoin barak. Tau fiar ba Jesus la signifika katak ita-nia problema hotu sei lakon, maibé tau fiar ba Jesus signifika ita la presiza luta hasoru problema sira mesak de'it. Nia hamutuk ho ita, fó ita forsa, dame, no esperansa. 

Ohin loron, se ita sente laran-susar, hanoin Jesus Ninia liafuan sira. Lori ita-nia laran-susar sira ba Maromak liuhosi orasaun. Fiar katak Nia sei kuida ita, no tau fiar ba Ninia promesa sira. Jesus ne'ebé fó kmaan ba Ninia dixipulu sira, Jesus ne'ebé hanesan hatete mai ita: "Keta laran susar"

João 14:1 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak hamutuk ho ita iha foho leet nakukun

Maski ha'u la'o iha foho leet ne'ebé iha lalatak mate nian, ha'u la tauk buat aat, tanba Ó hamutuk ho ha'u; Ó-nia rota no Ó-nia ai tonka mak konsola ha'u. Salmu 23:4 BK

Salmu 23:4

Moris la sempre fasíl. Dala ruma ita la'o liu foho leet nakukun sira: hanesan tempu triste, moras, ta'uk, ka bainhira ita hasoru problema. David, autór ba Salmo 23, hatene oinsá sentimentu bainhira ita hasoru perigu. Nu'udar bibi-atan, dala barak nia tenke proteje ninia bibi-malae sira husi animál fuik iha foho leet nakukun sira. Nu'udar ema, nia hasoru inimigu, traidór no funu barak. Maibé David dehan katak nia sei la ta'uk. Tanbasá? Tanba Maromak hamutuk ho nia. 

"Foho leet ne'ebé iha lalatak mate nian" mak imajen ida kona-ba tempu susar liu iha ita-nia moris. Maibé nota saida mak David hatete: "Hau la ta'uk buat ida" Nia la ta'uk no hela iha ne'ebá beibeik. Ho Maromak nia prezensa, foho-leet nakukun la permanese. Maromak lori ita pasa liu foho leet nakukun sira ne'e. 

Salmu 23:4

David mós ko'alia kona-ba Maromak nia rota no ai-tonka. Bibi-atan uza rota atu proteje bibi-malae sira husi inimigu. Sira uza ai-tonka atu gia no foti bibi-malae bainhira sira monu. Nune'e mós, Maromak proteje ita husi buat ne'ebé bele estraga ita no gia ita kuandu ita fraku. Ninia prezensa lori komfortu no forsa ba ita. 

Ba ita ohin loron, Jesus mak ita-nia Bibi-atan ne'ebé di'ak (João 10: 11). Nia promete katak nia sei nunka husik ita. Maski iha foho-leet sira ne'ebé nakukun liu: maski ta'uk, moras, ka mate, Maromak hamutuk ho ita. Ninia espíritu fó komfortu no Ninia Liafuan fó matadalan ba ita. 

Ohin loron, hanoin-ba katak ita la la'o mesak iha foho leet nakukun sira. Tau fiar ba Maromak atu dirije ita, proteje ita, no fó dame ba ita. Karik foho-leet bele nakukun, maibé Ninia prezensa naroman liu fali nakukun sira ne'e.

Salmu 23:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Salmu 23:4

Read More

Simu kbiit atu sai Testemuña

Maibee imi sei simu kbiit bainhira Espíritu Santu tuun ba imi. No imi sei sai Ha'u-nia sasin iha Jerusalém, iha Judeia no Samaria tomak, no to'o mundu-nia rohan. Apostolu 1:8 BK

Apostolu 1:8

Antes Na'i Jesus fila fali ba lalehan, Nia fó ba Ninia dixipulu sira promesa no misaun boot ida. Nia hatete ba sira katak Espiritu Santu sei mai no fó podér ba sira. Podér ne'e la'ós ba rikusoin, naran-boot, ka komfortu. Podér ne'e atu sai Jesus nia sasin sira- hodi fó-hatene ba mundu kona-ba Na'i Jesus. 

Dixipulu sira ne'e ema baibain. Balu peskadór, ida kobrador impostu, no barak mak fraku no ta'uk. Maibé kuandu Espiritu Santu mai iha loron Pentekosta, sira-nia moris muda. Apóstolu Pedro, ne'ebé uluk nega Na'i Jesus, hamriik no haklaken ho aten-barani. Ema rihun ba rihun fiar ba Na'i Jesus. Evanjellu hahú habelar husi Jeruzalein ba nasaun barak, hanesan Na'i Jesus hatete ona. 

Promesa ne'e mós ba ita ohin loron. Kuandu ita fiar ba Na'i Jesus, Espiritu Santu mai iha ita-nia moris. Nia fó forsa mai ita atu moris santu, aten-barani atu fahe ita-nia fiar no matenek atu serbí ema seluk. Ita mesak, ita fraku, maibé ho Espiritu Santu ita bele halo buat ne'ebé Maromak bolu ita atu halo. 

Na'i Jesus mós hatudu ba ita Ninia misaun: atu sai Ninia sasin hahú husi fatin ne'ebé ita hela-ba (ita-nia "Jeruzalein"), depois alkansa liutan- ba ita-nia komunidade, ita-nia nasaun, no to'o mundu nia rohan. Ema kristaun hotu-hotu hetan bolu atu sai sasin, la'ós de'it pastor no misionáriu sira.

Ohin loron, hanoin-ba katak Ita la mesak de'it. Espíritu Santu ne'ebé fó podér ba dixipulu sira, moris iha ita-nia laran. Husu Maromak atu fó aten- barani no domin ba ita, atu nune'e ita bele fahe Jesus liuhusi ita-nia liafuan no hahalok sira.

🙏 Would you like me to also prepare a short prayer asking for the Holy Spirit’s power to be added at the end of this devotion?

Apostolu 1:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak Maromak hakarak ita halo?

Nia fó hatene ona, Oh ema, saida mak di'ak, no saida mak Na'i buka hosi ita? Só atu hala'o justisa, gosta hatudu domin metin, no la'o ho laran ne'ebé haraik aan ho ita-nia Maromak. Mikeias 6:8 BK

Mikeias 6:8 

Ema barak husu: "Saida mak Maromak hakarak husi ha'u?" Serake sakrifísiu boot sira? Serake asaun relijioza sira? Iha profeta Miqueias nia tempu, ema hanoin katak fó sakrifisiu animál barak ka prezente barak liután mak halo Maromak kontente. Maibé profeta Miqueias hatán ho klaru: Maromak la'ós de'it buka ita-nia oferta no sakrifísiu, maibé nia hakarak ita-nia moris atu refleta Ninia karakter. 

Versíkulu ne'e fó instrusaun tolu ne'ebé simples maibé kbiit boot: 

1. Hatudu justisa - Moris ho onestidade no justu. Trata ema seluk ho loos, la bosok, ka la hatudu favoritismu.

2. Hadomi laran-sadi'a - Hatudu laran-di'ak no fó perdua. Hatudu kompaixaun ba ema ne'ebé presiza, hanesan Maromak hatudu laran-sadi'a ba ita loroloron. 

3. Haraik-an ba Maromak, depende ba Maromak la'ós ba Ita-nia an rasik. Moris ho haraik-an signifika katak ita tau fiar ba Maromak nia dalan, halo tuir Ninia Liafuan sira, no hanoin-hetan katak buat hotu ne'ebé ita iha mai husi Maromak. 

Buat tolu ne'e mak justisa, laran-sadi'a, no haraik-an, buat 3 ne'e hatudu adorasaun ne'ebé loos ba Maromak. Hahalok 3 ne'e la'ós de'it kona-ba hahalok relijiaun ne'ebé ema haree hosi li'ur de'it, maibé kona-ba laran ne'ebé hadomi Maromak no ema. 

Ohin loron, hanoin kona-ba Ita-nia moris. Mai ita husu ita-nia aan. Serake ita moris ho justu no onestu? Serake ita fó perdua no hatudu laran-di'ak? Serake ita la'o loroloron ho Maromak ho haraik-an? Ida ne'e mak Na'i hakarak ita atu halo iha ita-nia moris loronloron, no kuandu ita moris hanesan ne'e, ita lori ksolok ba Ninia laran.

Mikeias 6:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La ho Maromak Ninia prezensa moris folin la iha

Moisés hatán, “Se Ó-nia prezensa la ba hamutuk ho ami, keta haruka ami husik fatin ida ne'e.” Exodu 33:15 BK

Exodu 33:15 

Hafoin povu Izrael komete pekadu hodi halo estatua karau-oan osan-mean, Maromak sai hirus tebes. Nia hatete ba Moises katak anju ida sei lori sira ba rai ne'ebé Nia promete ona atu fo ba ema Israel, maibé nia rasik sei la ba hamutuk ho sira. Moises hatene katak se la ho Maromak Ninia prezensa, sira sei la la'o ba oin. Tan ne'e mak nia harohan: “Se Ó-nia prezensa la ba hamutuk ho ami, keta haruka ami husik fatin ida ne'e.”

Moises komprende buat ne'ebé importante liu: buat ne'ebé halo ita forte la'ós ita-nia kbiit rasik, maibé Maromak Ninia prezensa hamutuk ho ita. Rai ne'ebé Maromak promete ona atu fo ba sira sei la iha folin se Maromak la la'o hamutuk ho sira-nia povu. Vitoria, bénsaun, no seguransa iha moris so iha folin, bainhira Maromak hamutuk ho ita. 

Lia-loos ne'e mós aplika ba ita ohin loron. Ita bele iha planu di'ak, serbisu di'ak, ka bénsaun barak, maibé se Maromak Ninia prezensa la iha ita-nia moris, buat hotu sei sai mamuk de'it. So Maromak de'it mak bele fó dame, ksolok no ojetivu moris ne'ebé loos. Ninia prezensa gia ita iha tempu susar no fó korajen mai ita kuandu ita ta'uk. 

Hanesan Moises, ita mós tenke buka Maromak Ninia prezensa loroloron. Ita bele hetan Maromak Ninia prezensa liuhusi orasaun, lee Ninia Liafuan, no obedese ba Ninia hanorin sira. Kuandu Maromak hamutuk ho ita, ita bele hasoru dezafiu saida de'it ne'ebé ita hasoru Iha moris ne'e ho konfiansa.

Ohin loron, mai ita halo orasaun hanesan Moises, hodi dehan: “Se Ó-nia prezensa la ba hamutuk ho ami, keta haruka ami husik fatin ida ne'e.” Ho Ninia prezensa, ita nunka mesak de'it, no ita sei to'o fatin ne'ebé Nia prepara ona ba ita.

Exodu 33:15 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fó moris ba mate -ruin

Nai Maromak hatete nune'e ba mate ruin: Tebes, Ha'u sei halo iis tama ba imi, no imi sei moris fali. Ezekiel 37:5 BK

Ezekiel 37:5

Profeta Ezequiel haree vizaun ida husi Maromak. Iha vizaun ne'e, nia hamriik iha Foho klaran ne'ebé nakonu ho ruin maran. Ruin sira mate ona no la iha moris. Tuirmai Maromak haruka nia ko'alia Maromak Ninia liafuan ba ruin sira ne'e. No Maromak promete nune'e: "Hau sei halo iis tama ba imi, no imi sei moris fali"

Istória ne'e la'os de'it kona-ba ruin. Istoria ne'e kona-ba ema. Povu Izrael sente la iha ona esperansa, fraku no lakon. Sira hanoin katak sira-nia futuru lakon no la iha ona. Maibé Maromak hatudu ba sira katak Nia bele lori fali moris, maski buat hotu haree hanesan mate ona. 

Nune'e mós ho ita ohin loron. Dala ruma ita sente maran iha ita-nia laran. Karik ita sente maran tamba hasoru problema, triste, ka pekadu ne'ebé halo ita sente mamuk. Maibé Maromak Nia Espiritu bele fó ita moris foun. Hanesan iis fó moris ba ita-nia isin, Espiritu Santu mós fó moris ba ita-nia fuan-laran. 

Kuandu Jesus mai dahuluk iha mundu ne'e iha belein, Nia fó prezente moris nian ne'ebé boot liu ba ita. Liuhusi Ninia mate no moris-hias, ita bele hetan perdua no hetan Maromak nia Espiritu moris iha ita-nia laran. Ho Maromak sempre iha esperansa, maski ita sente katak ita la iha ona esperansa.

Ohin loron, se Ita sente maran ka deskorajen, hanoin-hetan Ezequiel nia vizaun. Maromak bele fó forsa foun ba ita. Halo orasaun no husu Nia atu halo ita nakonu ho Ninia Espiritu no fó fali moris ba ita. Ho Maromak, la iha buat ida mak mate liu ba Nia atu restaura fali.

Ezekiel 37:5

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Orasaun iha Poder boot

Konfesa imi nia sala ba malu, no halo orasaun ba malu, atu nune'e imi bele hetan kura. Orasaun ne'ebé ema loos mak halo iha forsa boot tebes. Tiago 5:16 BK

Tiago 5:16

Iha versíkulu ne'e, Tiago hanorin ita kona-ba importánsia husi orasaun no konfesa. Nia dehan katak ita tenke konfesa ita-nia sala ba malu no halo orasaun ba malu atu nune'e ita bele hetan kura. Ida-ne'e hatudu katak orasaun la'ós de'it ba ita-nia an rasik, maibé mós ba ema seluk. 

Orasaun iha kbiit boot tanba orasaun liga ita direta ba Maromak. Ida ne'e la'ós magic, maibé liuhosi orasaun mak Maromak serbisu iha Ninia povu nia moris. Kuandu ita halo orasaun ho laran ne'ebé moos no tau fiar ba Maromak, Nia rona ita. Tiago fó-hanoin ba ita kona-ba profeta Elias, mane ida hanesan ita, ne'ebé halo orasaun no Maromak hapara udan ba tinan tolu. Tuirmai nia halo fali orasaun, no udan mai (Tiago 5:17-18). Ida-ne'e hatudu saida mak Maromak bele halo liuhusi orasaun. 

Dala ruma ita hanoin katak ita-nia orasaun ki'ik liu ka fraku liu. Maibé versíkulu ne'e fó korajen mai ita katak kuandu ita halo orasaun ho laran-moos, Maromak rona. Karik nia la sempre hatán iha dalan ne'ebé ita espera, maibé nia sempre hatán ba ita-nia di'ak. 

Versikulu ne'e mós hanorin ita atu tau matan ba malu. Kuandu ita halo orasaun ba ema seluk - ita-nia família, kolega, ka igreja - ita hatudu domin. Dala barak Maromak lori moris-di'ak, forsa, no dame liuhusi ninia povu nia orasaun. 

Ohin loron, hanoin-ba katak Ita-nia orasaun importante. Keta para atu halo orasaun. Lori ita-nia nesesidade no ema seluk nia presiza ba Maromak nia oin. Maromak rona, no nia iha kbiit atu muda ema nia laran no situasaun.

Tiago 5:16

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

77: Husu, Buka, Dere

Husu ba, no imi sei simu; buka ba, no imi sei hetan; dere ba, no odamatan sei nakloke ba imi. Mateus 7:7 BK

Mateus 7:7 

Iha versíkulu ne'e, Jesus hanorin ita kona-ba orasaun. Nia hatudu ba ita katak Maromak mak Aman domin na'in ne'ebé hadomi ita no rona bainhira Ninia oan sira mai hasoru Nia liuhosi orasaun. Orasaun la'ós de'it kona-ba ko'alia, maibé mós kona-ba fiar katak Maromak rona no hatán. 

Jesus fó ba ita asaun tolu: husu, buka, no dere. 

1. Husu

Husu signifika halo orasaun ho fé, fó-hatene ba Maromak saida mak ita presiza. 

2. Buka

Buka signifika kontinua buka Maromak Nia hakarak iha ita-nia moris, labele rende. 

3. Dere

Dere signifika kontinua hakbesik ba Maromak, hodi fiar katak Nia sei loke odamatan iha tempu ne'ebé loos. 

Ida-ne'e la signifika katak Maromak sempre fó buat hotu ne'ebé ita hakarak. Hanesan aman ne'ebé di'ak, Nia fó buat ne'ebé di'ak liu ba ita, la'ós buat ne'ebé bele hakanek ita. Dala ruma nia hatán ho "loos", dala ruma ho " hein", no dala ruma ho "lae". Maibé kada resposta nia fo tuir ninia domin no sabedoria.

Versikulu ne'e fó korajen mai ita atu kontinua halo orasaun no la lakon esperansa. Maromak hakarak ita atu sadere ba Nia, la'ós de'it bainhira ita hasoru susar, maibé loron-loron. Kuandu ita halo orasaun barak liu, ita sei krese espirituálmente no halo ita hakbesik liután ba Maromak. 

Ohin loron, lori ita-nia nesesidade no prekupasaun ba Maromak. Husu ho fé, buka Ninia hakarak, no kontinua dere ho laran-metin. Fiar katak Ita-nia Aman iha lalehan rona Ita no hatene saida mak di'ak liu ba Ita.

Mateus 7:7 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mak Maromak bele rona no kura ita?

Se Ha'u-nia povu, ne'ebé lori Ha'u-nia naran, haraik aan, halo orasaun, buka Ha'u-nia oin no fila hosi sira-nia hahalok aat, entaun Ha'u sei rona hosi lalehan, no fó perdua ba sira-nia sala, no kura sira-nia rai. 2 Krónikas 7:14 BK

2 Krónikas 7:14

Versíkulu ne'e mak Maromak Ninia promesa ba Liurai Salomão bainhira templu iha Jeruzalein harii ona. Maromak hatete ba Salomão katak kuandu Ninia povu hasoru susar hanesan rai-maran tamba udan la iha, moras, ka hasoru inimigu, ninia resposta mak la'ós ho sira-nia kbiit rasik, maibé fila fali ba Maromak. 

Versíkulu ne'e fó-hatene ba ita pasu haat ne'ebé klaru atu Maromak bele rona no kura: 

1. Haraik-an - Admite katak ita presiza Maromak no la bele rezolve buat hotu mesak de'it. 

2. Orasaun - Koalia ho laran-moos ba Maromak kona-ba ita-nia sala no ita-nia presiza. 

3. Buka Maromak - Hakarak hatene liután Maromak, la'ós de'it Ninia bénsaun sira. 

4. Hadook an husi hahalok-aat sira, ne'e katak arrepende an, ne'ebé signifika husik hela pekadu hodi moris tuir ba Maromak. 

Kuandu Maromak Nia povu halo ida-ne'e, Nia promete katak Nia sei fó perdua no fo kurativu. Kurativu ida-ne'e bele bele ba ita-nia laran, ita-nia família, ita-nia komunidade, no mós ita-nia nasaun. 

Ohin loron, ita-nia mundu mós hasoru problema barak hanesan violénsia, moras, kiak, relasaun familia ne'ebé rahun. Bainhira devosaun ida ne'e hakerek, ita-nia nasaun viziñu Indonesia hasoru problema boot tamba demonstrasaun hasoru sira-nia membru parkamentu Nasional.

Versíkulu ne'e fó-hanoin ita katak mudansa ne'ebé loos so akontese bainhira Maromak Nia povu fila fali ba Nia. Se ita arrepende an no halo orasaun, Maromak bele restaura fali ita. 

Mai ita halo orasaun la'ós de'it ba ita-nia presiza rasik, maibé mós ba ita-nia rai no ba ita-nia nai-ulun sira. Maromak ne'e fiél atu kura kuandu Ninia ema sira haraik-an iha ninia oin.

2 Krónikas 7:14

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak segredu ba vitoria hasoru problema boot?

Oh ami-nia Maromak, Ó sei la tesi lia ba sira ka? Tanba ami la iha podér hodi hasoru ema lubun boot nee ne'ebé mai hasoru ami. No ami la hatene atu halo saida. Maibé ami-nia matan hateke ba Ó. 2 Krónikas 20:12 BK

2 Krónikas 20:12

Bainhira Liurai Jeosafat ukun Juda, tropa lubun boot ida mai ataka nia (2 Cronicas 20). Nia ta'uk, maibé nia la depende ba ninia forsa rasik, maibé nia fila fali ba Maromak. Nia bolu povu hotu atu halo orasaun no jejún. Jeosafat hatete: "Ami la hatene saida mak atu halo, maibé ami hateke ba Ita." 2 Cronicas 20:12

Istória ne'e hanorin ita buat importante ida: kuandu problema mosu, ita labele ta'uk, panik ka tau fiar de'it ba ita-nia an. Hanesan Jeosafat, ita mós tenke haree ba Maromak. Karik funu ne'e boot liu ba ita, maibé ba Maromak la iha buat ida mak susar liu.

Maromak hatán ba Jeosafat liuhusi ninia espíritu: "Funu ne'e la'ós imi-nian, maibé Maromak nian" (versikulu 15). Povu la presiza halo funu. Sira presiza de'it hamriik metin, tau fiar ba Maromak no hahi'i Nia. Bainhira sira komesa kanta no adora, Maromak halo sira-nia inimigu sai konfuzaun, no sira manán funu nein foti surik. 

Dala ruma iha ita-nia moris, ita mós hasoru susar oioin, hanesan moras, problema família, preokupasaun, ka inimigu. Karik susar ba ita atu hasoru funu boot sira-ne'e. Maibé hanesan Jeosafat, ita bele halo orasaun hodi dehan: "Nai, ami la hatene saida mak Ami sei halo, maibé ami tau fiar ba Ita." Kuandu ita intrega ita-nia funu ba Maromak, nia halo funu ba ita iha dalan ne'ebé ita la bele haree. 

Lisaun saida mak ita bele aprende hosi istoria Jeosafat nian? Lisaun mak ne'e: orasaun no hahi'i Maromak forte liu fali ta'uk. Kuandu ita foti ita-nia matan ba Maromak, nia lori dame no manán ba ita.

Ohin loron, se ita hasoru problema ruma ne'ebé todan liu ba ita, hanoin-hetan Jeosafat nia ezemplu. Keta luta mesak de'it. Halo orasaun, tau fiar, no husik Maromak mak halo funu ne'e.

2 Krónikas 20:12

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak Aman ba feto-faluk no oan-kiak sira?

Nia mak Aman ba oan-kiak sira, Nia proteje feto faluk sira, Maromak ne'ebé hela iha Ninia fatin santu. Salmu 68:5 BK

Salmu 68:5 

Versikulu ne'e fó komfortu ba ita kona-ba Maromak. Nia la'ós de'it Kriador ba lalehan no rai, maibé Nia mós Aman domin na'in. Ema balu sai boot la ho aman, ka ho aman ne'ebé la tau matan ba sira. Ema balu lakon sira-nia la'en no sente mesamesak no fraku. Maibé Maromak promete katak Nia rasik sei sai sira-nia Aman no defensór. 

Atu sai "alAman ba oan-kiak sira" signifika katak Maromak fó domin, kuida/tau matan no fo matadalan ba sira ne'ebé sente mesamesak. Nia rona ba sira-nia orasaun, fornese ba sira-nia presiza, no fó komfortu ba sira-nia laran-susar. Atu sai "defensór ba feto-faluk sira" ka iha versaun Biblia Kadi tradus hanesan "Nia proteje feto faluk sira" signifika katak Maromak proteje ema ne'ebé fraku no hamriik iha ema ne'ebé la iha ema seluk atu ajuda. Maromak nunka okupadu demais ka dook liu atu ajuda ita. 

Lia-loos ne'e hatudu ba ita Maromak Nia laran. Nia tau matan ba ema ne'ebé ema haluha, ema ne'ebé laran-kanek, no ema ne'ebé mesamesak. Nia la husik ema ida iha kotuk. Se ita sente abandonadu ka fraku, hanoin-ba katak Maromak besik ho ita. Nia hakarak ita tau fiar ba Nia hanesan labarik ida tau fiar ba nia aman domin na'in ida. 

Ohin loron, mai ita agradese ba Maromak tanba nia mak ita-nia Aman. No mai ita mós hatudu Ninia domin hodi tau matan ba oan-kiak, feto-faluk no ema ne'ebé la iha ema ida atu apoia sira. Liuhosi asaun sira ne'e, ita bele hatudu Maromak Nia domin ba mundu.

Salmu 68:5 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hadomi hanesan Jesus hadomi

Ha'u fó ukun fuan foun ida ba imi hodi imi sei hadomi malu: hadomi malu hanesan Ha'u hadomi imi. João 13:34BK

João 13:34

Antes Jesus ema hedi iha krús, Nia fó mandamentu importante ida ba Ninia dixipulu sira. Nia haruka sira atu hadomi malu. Domin ne'ebé  Jesus dehan la'ós de'it liafuan, maibé domin ho asaun. Ida-ne'e signifika katak tau matan ba ema kiak sira, ajuda ema ne'ebé presiza, fó perdua ba ema ne'ebé halo sala ba ita, no serbí ema seluk hanesan Jesus. 

Jesus hatudu Ninia domin hodi fase Ninia dixipulu sira-nia ain maski Nia mak sira-nia Na'i. Nia hatudu Ninia domin liuhosi kura ema moras, fó-han ba ema ne'ebé hamlaha, no fó perdua ba ema sala-na'in sira. Domin ne'ebé boot liu hotu ne'ebé Nia hatudu mak kuandu Nia mate iha krús iha foho kalvariu atu sou ita ema sala na'in. Nia fó Ninia moris ba ita atu ita bele hetan salvasaun. 

Jesus hatete: "Hanesan ha'u hadomi ona imi, imi mós tenke hadomi malu." Ida ne'e signifika  ita tenke halo tuir Ninia ezemplu sira. Ita tenke hadomi maski dalaruma ida-ne'e la fasil. Dala ruma ema hakanek ita-nia laran, maibé Jesus bolu ita atu fó perdua. Dala ruma ema presiza buat ruma, no ita bele hatudu domin liuhosi fó buat  ne'ebé ema presiza. Domin mak sinál husi Jesus nia dixipulu ne'ebé loos. 

João 13:34

Kuandu ita hadomi ema seluk, ema sei haree Jesus iha ita-nia moris. Ita-nia família, viziñu, no belun sira sei hatene katak ita mak Maromak Nia oan sira, la'ós tanba buat ne'ebé ita hatete, maibé tanba  oinsá ita hatudu ita-nia domin liuhosi  asaun karidade sira.

Ohin loron, hanoin kona-ba ema ne'ebé ita bele hatudu domin ba. Karik liuhusi liafuan ne'ebé di'ak, perdua, ka ajuda. Hanoin-ba katak hadomi ema seluk mak halo tuir saida mak Jesus haruka.

João 13:34

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak segredu ba planu ne'ebé susesu?

Entrega ó-nia servisu ba Na'i, no ó-nia planu sei la'o di'ak. Provérbiu 16:3 BK

Provérbiu 16:3 

Loron-loron ita halo planu. Ita hanoin kona-ba saida mak ita hakarak halo, ba fatin ne'ebé ita hakarak ba, ka planu kona-ba atu sai saida iha futuru. Maibé dala ruma, maski ita esforsu an maka'as, maibé ita-nia planu sira falha. Ida-ne'e bele halo ita sente triste ka laran-tun. Proverbio 16: 3 fó-hanoin ita kona-ba buat importante ida: ita tenke intrega ita-nia planu sira ba Maromak. 

 "Entrega ka komete" signifika katak tau buat ruma iha Maromak nia liman tomak. Ne'e signifika katak: "Nai, ha'u hakarak halo ida-ne'e, maibé ha'u intrega ba Ita-boot atu lidera ha'u." Kuandu ita halo ida-ne'e, Maromak sei dirije ita-nia hakat sira no hametin ita-nia planu sira iha dalan ne'ebé di'ak liu ba ita. 

Maromak hatene buat hotu. Nia haree futuru, maibé ita bele haree de'it ohin loron. Dala ruma buat ne'ebé ita hakarak la di'ak ba ita. Maibé kuandu ita tau fiar ba Maromak iha ita-nia planu sira, nia sei fó buat ne'ebé loos no buat ne'ebé sei fo bénsaun ba ita, iha tempu naruk. 

Versíkulu ne'e hanorin ita atu halo orasaun antes foti desizaun. Molok atu halo desizaun kiik ka boot, ita tenke husu: "Nai, serake Ita-nia hakarak mak ida ne'e?" Kuandu ita husik Maromak lidera ita, ita bele hetan dame, maski buat sira-ne'ebé ita planu la la'o tuir saida mak ita-nia planu ona.

Ohin loron, hanoin kona-ba Ita-nia planu sira - Ita-nia serbisu, Ita-nia família, Ita-nia mehi sira. Lori buat sira ne'e hotu ba Maromak liuhusi orasaun. Tau fiar ba Maromak atu loke odamatan ne'ebé loos no taka ida ne'ebé sala. Kuandu ita tau ita-nia planu ba Maromak nia liman,Nia sei ajuda ita hetan susesu.

Provérbiu 16:3 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More