JESUS HATETE "FIAR NO SIMU"

Nunee Hau dehan ba imi, buat saida deit mak imi husu liu hosi orasaun, fiar katak imi simu, no imi sei hetan duni. Marcos 11:24 BK

Versíkulu ne'e hanorin ita kona-ba orasaun no fé. Jesus hatete katak kuandu ita halo orasaun, ita tenke fiar iha ita-nia laran katak Maromak rona ita. Antes ita haree Nia resposta, ita tenke fiar katak Maromak serbisu dadauk ona. Fiar katak ita fiar ba buat ne'ebé ita seidauk haree (Ebreu 11: 1). 

Kuandu ita halo orasaun, ita labele dúvida. Tiago 1: 6 hatete: "Maibee nia tenki husu ho fiar, no la bele namlele iha ninia hanoin. Tanba nia nebee namlele iha ninia hanoin mak hanesan laloran iha tasi nebee anin baku ba-mai" Tiago 1:6 BK. Maromak hakarak ita tau fiar tomak ba Nia, hanesan oan ida tau fiar ba inan-aman ne'ebé hadomi nia. 

Maibé, ida-ne'e la dehan katak Maromak sempre fó buat ne'ebé ita husu. Dala ruma Maromak hatete "hein" ka "lae" tanba Nia hatene saida mak di'ak liu ba ita. Hanesan aman ne'ebé di'ak, Maromak mós fó buat ne'ebé di'ak ba ninia oan sira (Mateus 7: 9-11).

Ita mós tenke halo orasaun ho laran ne'ebé moos. Iha Marcos 11:25, Jesus fó-hanoin ita atu fó perdua ba ema seluk antes ita halo orasaun. Se ita hirus ka odi, ida-ne'e hanetik ka blokeia ita-nia orasaun. 

Entaun ohin, hanoin-ba katak: kuandu ita halo orasaun, fiar ba katak Maromak rona ita-nia orasaun. Tau fiar ba Maromak Nia tempu. Keta rende!. Kontinua halo orasaun ho fiar no fó perdua ba malu. Nia mak Maromak di'ak ne'ebé tau matan ba ita. 

Hanesan referensia lee mós versikulu sira tuir mai: Ebreu 11: 1; Tiago 1: 6; Mateus 7: 9-11 no Marcos 11:25.

Orasaun: Nai, ajuda ami atu fiar bainhira halo orasaun. Hanorin ami atu tau fiar ba Ita maski seidauk haree ita-nia resposta. Ajuda ami fó perdua ba ema seluk no halo ami-nia laran moos nafatin iha Ita-nia oin. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

AJUDA MALU HO DOMIN

Lori imi nia maluk nia todan, atu nunee imi kumpri Kristu nia lei. Galásia 6:2 BK

Moris ne'e la fasíl. Dala ruma ita sente kole, triste, ka iha problema barak. Maromak lakohi ita atu la'o mesak de'it iha ita-nia moris. Tan ne'e mak Galasia 6: 2 hatete ba ita atu "Lori imi nia maluk nia todan". Ne'e signifika katak ita tenke ajuda malu, rona malu, no hatudu domin bainhira ema ruma monu ba susar. 

Kuandu ita ajuda ema seluk, ita halo tuir Jesus nia hakarak - hadomi malu (João 13:34). Karik ita la bele rezolve problema hotu, maibé ita-nia prezensa iha sira-nia leet, halo orasaun hamutuk, ka fahe hahán hamutuk ho sira bele ajuda ita-nia maluk ne'ebé hetan susar. 

Jesus mós hatete iha Mateus 11:28: "Mai iha Hau, imi hotu nebee kole no lori naha todan, no Hau sei foo deskansa ba imi" Mateus 11:28 BK. Ida-ne'e hatudu katak Jesus mós hakarak lori ita-nia todan sira. Kuandu ita sente kole iha laran, ita bele mai ba Jesus liuhosi orasaun. Nia sei fó dame no forsa mai ita. No kuandu ema seluk iha todan ruma, ita bele hatudu Maromak Nia domin ba sira liuhosi ajuda saida mak sira presiza. 

La fasil atu ajuda malu. Ajuda ema presiza tempu, rekursu, no pasiénsia. Maibé ida-ne'e halo Maromak kontente. Ida-ne'e hatudu katak ita moris hanesan Jesus. 

Mai ita husu ba ita-nia an ohin: Se mak presiza ha'u-nia ajuda? Se mak ha'u bele fó korajen? Liafuan di'ak, ajuda, ka orasaun bele hamenus ema nia todan. 

Orasaun: Nai, obrigadu tanba Ita hadomi ami no ajuda lori ami-nia todan. Hanorin ami atu hadomi ema seluk hanesan Ita hadomi ami. Ajuda ami atu haree ema seluk nia presiza no fó laran-manas mai ami atu ajuda. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hamtauk ba Na'i signifika saida?

Hamtauk ba Nai mak matenek klean nia huun, no konhesimentu ba Ida Nebee Santu mak kompriensaun. Provérbiu 9:10 BK

"Hamta'uk Nai" la signifika katak ita ta'uk Maromak hanesan ita ta'uk samea ka nakukun. Maibé hamta'uk Maromak signifika katak ita hatudu respeitu no hahi'i ba Maromak tanba Nia poderozu, santu no nakonu ho domin. Ne'e mós signifika ita hatene katak Maromak haree buat hotu, tan ne'e ita hakarak halo buat ne'ebé loos tuir Ninia haree. 

Proverbios 9: 10 hatete katak hamta'uk ba Nai mak inisiu husi sabedoria/matenek. Matenek katak hatene saida mak loos no halo buat ne'ebé loos. Buat ne'ebé loos mak Maromak Ninia lia-fuan (João 17:17). Tan ne'e ita tenke lee Biblia hodi hatene buat ne'ebé loos. Se ita respeitu duni Maromak, ita sei rona ba Ninia Liafuan no halo tuir Ninia dalan sira. Ita sei hasees an husi buat-aat no halo buat ne'ebé di'ak, tanba ita hatene katak Maromak haree hela, no ita hakarak halo Nia kontente. 

Tipu hamta'uk hanesan ne'e ajuda ita atu krese iha fiar. Salmu 111:10 hatete buat ne'ebé hanesan: "Hamtauk ba Nai mak huun ba matenek klean, ema hotu nebee halo nunee iha kompriensaun diak. Liafuan nebee hahii Nia sei dura too tinan ba tinan" Salmu 111:10 BK. Kuandu ita hamta'uk Maromak, ita sei halo tuir Nia, no ida-ne'e sei lori ita ba moris ne'ebé di'ak liu. 

Hamta'uk ba Na'i la'ós buat ne'ebé halo ita halai dook husi Maromak. Ida-ne'e lori ita besik liután ba Maromak. Hanesan oan ida ne'ebé halo tuir inan-aman ne'ebé hadomi nia, ita mós halo tuir Maromak tanba ita hatene katak Nia hadomi ita no hakarak buat ne'ebé di'ak liu ba ita. 

Mai ita husu Maromak atu fó laran ne'ebé hamta'uk nia iha dalan ne'ebé loos - ho domin, respeitu no tau fiar ba Nia. Ne'e mak dalan primeiru atu sai matenek no moris hodi fó glória ba Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KONTROLA SAIDA MAK ITA HANOIN

Se ita hanoin deit buat isin nian ita mate. Maibee se ita hanoin deit buat Espíritu nian ita hetan moris no dame. Roma 8:6 BK

Ita-nia hanoin/pensamentu iha influensia boot tebes iha ita-nia moris. Buat ne'ebé ita hanoin bele lori ita atu halo buat di'ak ka aat. Maromak Ninia lia-fuan iha Roma 8: 6 hatete katak se ita husik ita-nia hahalok isin-nian (hahalok mundu nian ka hahalok pekadu nian) kontrola ita-nia hanoin, ida-ne'e sei lori ita ba mate (lee hahalok isin nian iha Galasia 5:19-21). Maibé se ita husik Espiritu Santu dirije ita-nia neon, ita sei iha dame iha ita-nia moris (lee fuan hosi Espiritu nian iha Galasia 5:22-23).

Kuandu ita hanoin kona-ba buat di'ak sira ka buat ne'ebé tuir Maromak Ninia hanorin iha Sagrada Eskritura, ida ne'e halo Maromak kontente. Maromak Ninia lia-fuan iha Filipe 4: 8 hatete: "Ikus mai, maun-alin sira, buat hotu nebee tuir lia loos, buat hotu nebee iha onra, buat hotu nebee loos, buat hotu nebee moos, buat hotu nebee furak, buat hotu nebee bele dehan diak, no se iha buat ruma nebee lao diak, no se iha buat ruma nebee bele hahii, hanoin kona ba buat sira nee" Filipe 4:8 BK. Hanoin sira-ne'e mak halo ita iha dame no hametin ita-nia fiar. 

Dala ruma hanoin-aat koko atu tama iha ita-nia neon hanesan hirus, ta'uk, zelozu/laran-moras, ka odi. Maibé ita tenke luta hasoru ita-nia hanoin aat sira ne'e liuhosi halo orasaun, lee Biblia, no husu ajuda husi Maromak. Maromak Ninia lia-fuan iha 2 Korinto 10: 5 hatete: "Ita bele sobu rahun hanorin hotu no hanoin aas nebee ema harii hasoru Maromak nia matenek. Nunee ita bele kaer hanoin hotu atu halo tuir Kristu" 2 Korinto 10:5 BK. Ida ne'e signifika katak ita la husik hanoin aat mantein iha ita-nia neon, maibé tenke soe tiha hanoin aat sira ne'e no hili atu hanoin kona-ba Maromak nia dalan sira. 

Espíritu santu ajuda ita atu iha hanoin ne'ebé loos. Kuandu ita konvida Jesus ba ita-nia laran, Ninia Espiritu moris iha ita-nia laran. Espiritu Santu ajuda ita atu hanoin kona-ba hanoin ne'ebé moos, laran-di'ak no dame. Hanoin sira ne'e halo ita hakbesik liután ba Maromak. 

Orasaun: Aman Maromak, ajuda ami atu iha hanoin ne'ebé di'ak. Favór, dirije ami-nia neon ho Ita-nia espíritu santu. Hanorin ami atu rejeita hanoin ne'ebé aat no simu hanoin sira ne'ebé hanesan Ita-nia hakarak. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KETA HANOIN RESIN KONA BA LORON ABAN

Nunee, keta hanoin resin kona ba loron aban, tanba loron aban sei hanoin resin kona ba ninia aan rasik. Loron ohin nia terus too ona ba loron ohin nee. Mateus 6:34 BK 

Moris bele nakonu ho problema - la iha osan, la iha serbisu, moras, ka família nia problema. Fasil atu preokupa kona-ba saida mak sei akontese aban. Maibé Na'i Jesus hatete ho klaru iha Mateus 6:34 katak labele hanoin barak kona-ba aban. Tanbasá? Tanba kada loron iha ona nia problema rasik. Prekupasaun kona-ba aban so aumenta tan de'it estres ba loron ohin. 

Maromak hakarak ita labele hanoin barak kona-ba saida mak sei akontese aban, hanoin de'it saida mak ita hasoru kada loron. Kuandu ita tau fiar ba Maromak, ita fiar katak Nia sei tau matan ba ita-nia presiza ohin no aban. Na'i Jesus fó-hanoin ba ita iha Mateus 6:26 katak Maromak fó-han manu fuik sira maski sira la kuda ka koá. Se Maromak tau matan ba manu fuik sira, Nia sei tau matan ba ita, Ninia oan sira. 

Kuandu ita hanoin barak, ita hatudu katak ita la tau fiar tomak ba Maromak. Iha Filipe 4:6, Biblia hatete: "Keta hanoin barak kona ba buat ida. Maibee iha buat hotu, liu hosi orasaun no harohan, hamutuk ho agradese, hatoo imi nia pedidu sira ba Maromak" Filipe 4:6 BK. Ida-ne'e signifika katak ita tenke halo orasaun ba Maromak duke hanoin barak. Hatete ba Maromak ita-nia problema no tau fiar ba Nia atu ajuda ita  

No mós iha Proverbios 3: 5-6 hatete ba ita atu "Fiar ba Nai ho o nia fuan laran tomak, no keta sadere ba o nia kompriensaun rasik. Iha o nia dalan hotu, hanoin ba Nia, no Nia sei diriji o nia dalan sira" Provérbiu 3:5-6 BK. Maromak haree futuru. Nia hatene saida mak di'ak liu ba ita. Tan ne'e, ita la presiza ta'uk kona-ba buat ne'ebé sei akontese aban. 

Ohin loron, mai ita hili atu tau fiar ba Maromak iha ita-nia moris. Nia fiél. Mai ita husik hanoin barak kona-ba aban nian, no moris ba ohin loron nian ho dame iha ita-nia laran. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

LIBERDADE IHA KRISTU

Agora, Nai mak Espíritu. No iha fatin nebee Nai nia Espíritu hela, iha nebaa mak liberdade. 2 Korinto 3:17 BK

Ema barak hanoin katak liberdade mak halo buat saida de'it ne'ebé sira hakarak. Maibé Biblia fó-hatene ba ita kona-ba liberdade ne'ebé di'ak liu - ne'e mak liberdade ne'ebé mai husi Maromak. 

2 Korinto 3:17 hatete: "Agora, Nai mak Espíritu. No iha fatin nebee Nai nia Espíritu hela, iha nebaa mak liberdade" 2 Korinto 3:17. Ida ne'e signifika katak kuandu ita fiar ba Jesus no halo tuir Nia, Ninia Espiritu sei moris iha ita-nia laran. No iha fatin ne'ebé Maromak Nia Espiritu iha, ita la sai tan atan ba sala, ta'uk, ka moe. Ita livre. Ita iha LIBERDADE.

Antes hatene Na'i Jesus, ita mak hanesan ema ne'ebé kesi ho korenti. Ita Hakesian ba toman aat, hirus, bosok, no sala. Maibé kuandu ita fó ita-nia moris ba Jesus, nia destroi korenti sira-ne'e. Nia fó ba ita laran foun no dalan foun atu moris tuir Kristu Nia hanorin. Nia fó liberdade ba ita atu hadomi, fó perdua, halo buat ne'ebé loos, no moris ho dame no ksolok. 

Liberdade iha Jesus Kristu la signifika katak ita bele halo buat saida de'it ne'ebé ita hakarak. Maibé liberdade iha KRISTU signifika katak ita livre atu moris tuir Maromak Ninia hakarak. Sala ka pekadu la kontrola tan ita, maibé Maromak Nia Espiritu mak dirije ita. 

Se ita sente katak ita tama hela iha lasu Diabu nian ne'ebé halo ita sai atan ba hahalok at sira, hanesan: pekadu/sala, ta'uk, ka triste husu Na'i Jesus atu tama iha ita-nia laran. Ninia Espiritu sei fó liberdade ne'ebé loos ba ita, la'ós de'it ba ohin loron, maibé ba nafatin. 

Orasaun: Nai Jesus, obrigadu tanba fó liberdade mai ami liuhusi Ita-nia Espiritu. Ajuda ami atu moris tuir Ita-nia lia-loos no la'o tuir Ita-nia dalan sira. Ami hakarak sai livre husi buat saida de'it ne'ebé halo ami dook husi Maromak. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Haksolok ba sira nebee fiar, maski la haree

Jesus dehan ba Tomé, “O fiar tanba o haree Hau ka? Haksolok ba sira nebee fiar, maski la haree.” João 20:29 BK 

Depoisde Jesus moris hi'as husi mate, nia mosu ba ninia dixipulu sira. Maibé entre dixipulu sira ida, naran Tomé, la iha ne'ebá bainhira Jesus mai. Kuandu sira seluk hatete ba Tomé katak Jesus moris fali ona, nia la fiar sira. Tomé dehan katak nia sei fiar de'it se nia bele haree Jesus ho ninia matan rasik no kaer Ninia kanek sira (João 20:24-25). 

Liutiha tempu balu, Jesus mai fali no hatudu Ninia an ba Tomé. Jesus husik Tomé kaer Ninia liman no sorin. Tuirmai Tomé fiar no dehan: "Hau-nia Nai no ha'u-nia Maromak!" (João 20:28). 

Jesus hatete ba Tomé: "O fiar tanba o haree Hau ka? Haksolok ba sira nebee fiar, maski la haree.” João 20:29 BK. Ne'e katak Jesus fó bénsaun espesiál ba ema ne'ebé fiar ba Nia maski sira la bele haree Nia. 

Ohin loron, ita la bele haree Jesus ho ita-nia matan, maibé ita bele fiar nafatin ba Nia. Ita bele tau fiar ba Biblia, ne'ebé fó-hatene lia-loos kona-ba Jesus Nia moris, mate, no moris-hias. Liuhosi fé ita fiar, no Jesus bolu fé hanesan ne'e "bensaun". 

Maski ita hasoru susar ruma, bainhira ita la haree kedas Maromak nia intervensaun, ita sei bele tau fiar nafatin ba Nia. Nia mak loos, Maromak ne'e real, Nia hadomi ita, no Nia hakarak ita atu fiar ba Nia. 

Mai ita halo orasaun: Nai Jesus, obrigadu ba hadomi ami. Maski ami la haree Ita ho ami-nia matan, maibé ajuda ami atu fiar ho ami-nia laran. Fó fé ne'ebé metin ba ami hanesan Tomé kuandu nia haree ona Ita. Fo bensaun mai ami bainhira ami tau fiar ba Ita. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

TAU FIAR BA MAROMAK IHA TEMPU SUSAR

Oh koko took, no haree ba katak Nai diak, haksolok ba ema nebee fiar Nia. Salmu 34:8 BK 

Liurai David hakerek versíkulu ne'e bainhira nia moris iha perigu nia laran. Iha tempu ne'ebá, Liurai Saul laran-moras tebes ba David no hakarak oho David. Maski David la halo sala buat ida, maibé nia tenke halai no subar. 

Loron ida, Saul mós tuda diman ida ba David bainhira nia halimar múzika hela (1 Samuel 18: 10-11). David halai, maibé Saul la para duni tuir nia. Saul hatete ba ninia oan-mane Jonatan no ninia soldadu sira atu oho David (1 Samuel 19: 1-2). David tenke halai salva ninia moris. 

Nia halai ba rai seluk no ta'uk tebes to'o nia tenke halo nia an hanesan ema bulak no beik ida atu bele moris nafatin (1 Samuel 21: 10-15). Depois ne'e, David ba subar iha fatuk-kuak ida (1 Samuel 22:1). Nia hela iha rai-fuik, no Saul kontinua buka nia. Maibé Biblia hatete: "Maromak la entrega David ba Saul nia liman." Maromak proteje David beibeik. 

Maski David ta'uk, nia tau fiar nafatin ba Maromak. Tan ne'e mak nia hakerek: "Oh koko took, no haree ba katak Nai diak, haksolok ba ema nebee fiar Nia" Salmu 34:8 BK. David hakarak hatete ba ita katak " Koko fiar ba Maromak hosi ita-nia an rasik no ita sei haree oinsá Maromak Ninia di'ak mai ita"

Ohin loron, karik ita mós hasoru tempu susar. Karik Ita sente ta'uk ka mesak. Maibé hanesan David, ita mós bele tau fiar ba Maromak. Halo orasaun ba Nia. Subar iha Ninia domin. No ita sei haree - Maromak ne'e di'ak. Nia sempre hamutuk ho ita 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak hatudu Ninia domin liuhosi Na'i Jesus

Maromak hatudu Ninia domin iha ita nia leet bainhira Nia haruka Ninia Oan Mane Mesak ba iha mundu, atu ita bele moris liu hosi Nia. 1 João 4:9 BK 

Maromak Nia domin la'ós de'it ho liafuan. Nia hatudu Ninia domin hodi halo buat ida ne'ebé boot tebes - Maromak haruka Ninia Oan-Mane mesak, Jesus, ba mundu ba ita. 

Ita dook husi Maromak tanba sala (Isaias 59:2). Sala mak kuandu ita la halo tuir Maromak (1João 3:4). Sala lori mate no kastigu (Roma 6:23). Maibé Maromak lakohi ita atu hela iha nakukun laran. Nia hakarak salva ita. Tan ne'e, Nia fó Ninia prezente ne'ebé di'ak liu, prezente ne'e mak Jesus. 

Jesus mai iha mundu no moris hanesan ita ema. Nia sente moras, hamlaha, no triste. Maibé nia nunka halo sala (1Pedro 2:22). Tuirmai, Nia mate iha kruz hodi simu ita-nia sala no kastigu. Nia moris-hi'as fali hodi fó moris foun mai ita. 

Liuhosi ne'e mak ita hatene katak Maromak hadomi tebes ita. Nia la dehan de'it: "Hau hadomi ó." Nia hatudu ho asaun. Nia fó Jesus atu ita bele moris - moris iha dame, ksolok no esperansa. La'ós de'it ba ohin, maibé ba nafatin. 

Maromak Ninia domin ne'e gratuita. Buat ne'ebé ne'ebé ita presiza halo mak fiar ba Jesus no halo tuir Ninia hanorin sira ba Jesus no simu nia iha ita-nia laran. 

Ohin, hanoin buat tuirmai ne'e: Maromak hadomi ita. Maromak haruka Jesus ba ita. Ita-nia sala boot saida de'it iha pasadu, Maromak nia domin boot liu hotu. Husik domin ne'e muda Ita-nia moris. No mai ita hatudu domin ne'e ba ema seluk mós 

Orasaun: Aman Maromak, obrigadu ba hadomi tebes ami. Obrigadu haruka ona Jesus atu fó moris mai ami. Ajuda ami atu moris loroloron iha Ita-nia domin no fahe ba ema seluk. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Haksolok ba sira nebee hetan terus tamba lia-loos

Haksolok ba sira nebee hetan terus kona ba hahalok loos, tanba reinu lalehan mak sira nian. Mateus 5:10 BK

Dala ruma, ita tenta atu halo buat ne'ebé loos, halo ita-nia moris sai susar. Ema bele hamnasa ita, husik ita, ka insulta ita tanba la'o tuir Jesus. Karik ita lakohi bosok, ko'alia lia-loos bainhira fasil atu bosok, ka hatudu laran-di'ak ba ema balu ne'ebé ema odi. Ida-ne'e bele estraga ita. Karik Ita sente mesamesak ka hanoin katak ita-nia asaun ne'e iha valor duni ka lae.

Jesus hatene katak ida-ne'e sei akontese duni. Iha versikulu ohin nian, Na'i Jesus hatete katak ema ne'ebé hetan tratamentu aat tanba sira koko atu moris tuir Maromak nia hakarak sei hetan ksolok no hetan bénsaun. "Haksolok" signifika ita kontente tebes tamba Maromak tau matan ba ita. Ne'e la dehan katak buat-aat ne'e la real, maibé katak Maromak haree ita-nia terus no hanoin kle'an kona-ba ita. 

Tanbasá mak sira hetan bénsaun? Jesus hatete: "tanba reinu lalehan mak sira nian". Ne'e signifika:

 1. Maromak Iha ita-nia sorin. Bainhira ita hili buat ne'ebé loos mask tenke hasoru difikuldade, ita hatudu katak ita mak Maromak nian. 

 2. Maromak hamutuk ho ita agora. Nia hatene ita-nia luta no la'o hamutuk ho ita iha tempu susar sira. 

 3. Rezultadu ikus mak: LALEHAN. Maromak promete katak sei iha futuru ne'ebé furak ba nafatin hamutuk ho Nia, no iha ne'ebá mak buat-aat hotu sei lakon. 

Hanoin to'ok kona-ba Jesus. Nia sempre halo buat ne'ebé loos, no ema odi nia tanba ida-ne'e. Ikus msi sira mós oho nia. Maibé Maromak fó moris-hias ba nia! Maromak haree Ita-nia fidelidade iha susar nia laran. 

Tan ne'e, se ita hasoru susar ruma tanba ita koko atu moris tuir Maromak Nia dalan, keta rende! 

 * Ita la mesak de'it. Jesus komprende. 

 * Maromak dehan ita sei hetan bénsaun. 

 * Ita-nia kolen mak hamutuk ho Maromak ba nafatin. 

Orasaun: Nai, susar tebes bainhira ema hakanek ami tanba haka'as an atu halo buat ne'ebé loos. Ajuda Ami atu hanoin katak Ita haree ami-nia susar no bolu ami nu'udar ema ne'ebé hetan bénsaun. Fó forsa mai ami atu kontinua la'o tuir Ita. Obrigadu ba Ita-Boot nia promesa kona-ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA EMA NE'EBÉ HALO DAME

Haksolok ba sira nebee lori dame, tanba sira sei sai Maromak nia oan. Mateus 5:9 BK

Iha versíkulu ne'e, Jesus hanorin ita katak ema ne'ebé halo dame sei hetan bénsaun. Liafuan "Haksolok" ne'ebé tradus iha lian- Ingles "blessed" maihosi lian-gregu "makarios", ne'ebé signifika la'ós de'it katak ita kontente de'it, maibé kontente tebes tanba Maromak hamutuk ho ita no Maromak simu ita  

Jesus hatete katak "ema ne'ebé lori dame" hetan bénsaun. Liafuan gregu ba "lori dame" ka peace makers iha Ingles mak "eirēnopoioi". Lia-fuan ne'e signifika la'ós ema ne'ebé nonok de'it atu evita problema. Ema ne'ebé Lori dame mak ema ne'ebé lori dame iha fatin ne'ebé iha konflitu - dame entre ema, dame iha família, no mós dame ho Maromak. Ema ne'ebé lori dame haka'as an atu hadi'a relasaun di'ak ho ema seluk ho domin, pasiénsia, no laran-di'ak. 

Jesus hatete katak ema sira ne'ebé lori dame sei hanaran "Maromak nia oan sira". Iha lian-gregu, liafuan "huioi" signifika oan ka oan mane no feto sira. Ida-ne'e hatudu relasaun ne'ebé besik ho Maromak. Kuandu ita lori dame, ita hatudu ba mundu katak ita mak Maromak nian. Ita hatudu hahalok hanesan ita-nia Aman iha lalehan, ne'ebé mak lori dame. Liuhusi Jesus, Maromak halo dame ho ita (Roma 5: 1). 

Oinsa ita Lori dame iha moris loronloron?Ita bele hatudu Ida ne'e liuhosi hahalok sira hanesan: labele habelar gossip ka lia-bosok, la istori-malu, ka hamosu divizaun. Duke halo nune'e, ita tenke fó perdua, ajuda ema seluk fó perdua, no lori ema atu hamutuk. Kuandu ita moris hanesan ne'e, ita moris hanesan Jesus. 

Orasaun: Nai, ajuda ami atu lori dame. Hanorin ami atu fó perdua no hadomi ema seluk hanesan Ita hadomi ami. Halo ami sai naroman ba dame iha ami-nia uma, igreja, no ami-nia komunidade. Hodi Jesus nia naran, Amen. 

Reflesaun: serake iha ema sira ne'ebé hale'u ita ne'ebé presiza dame? Husu Maromak atu ajuda ita lori dame ba sira ohin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE LARAN MOOS

Haksolok ba sira nebee laran moos, tanba sira sei haree Maromak. Mateus 5:8 BK

Iha versíkulu ne'e, Na'i Jesus hatete katak ema ne'ebé laran moos sei hetan bénsaun. Liafuan "HAKSOLOK" ne'ebé tradus iha lian Ingles "blessed" maihosi lian-gregu "makarios", ne'ebé signifika kontente ne'ebé loos, kontente ne'ebé kle'an, no hetan Maromak nia favor. Bénsaun ne'ebe temi iha ne'e la'ós husi osan ka komfortu, maibé husi relasaun di'ak ho Maromak. 

Liafuan "moos ka puru" ne'ebé tradus ba Ingles "pure" maihosi lian-gregu "katharos". Ne'ebé signifika katak moos, livre husi fo'er, no mós livre husi motivu ka hahalok-aat sira. Laran ne'ebé moos mak laran ne'ebé hakarak halo Maromak kontente no la'ós hahalok sira ne'ebé taka falta de'it ka finje. Hahalok ne'ebé moos mak: onestu, sinseru ka hatudu laran-moos, no hadomi buat ne'ebé loos no di'ak. 

Liafuan "laran" iha lian-gregu mak "kardia". Iha Biblia, ita-nia laran la'ós de'it ita-nia emosaun ka sentimentu, maibé hanesan sentru ba ita-nia hanoin, dezezu ka hakarak sira no ita-nia hili ka desizaun. Tan ne'e, "laran ne'ebé moos" katak hanoin ne'ebé moos, hakarak ne'ebé moos, no dalan moris ne'ebé moos. 

Na'i Jesus promete katak ema ne'ebé iha laran moos sei haree Maromak. Liafuan "haree" iha lian-gregu mak "optanomai", ne'ebé signifika haree ho ita-nia matan, maibé mós hatene no esperiénsia rasik. Ema ne'ebé iha laran-moos sei esperiensia ka sente besik ba Maromak agora no loron ida sira sei haree nia oin iha lalehan (lee 1 Korinto 13:12).

Iha Isaias (Yesaya) 1:18 Maromak hatete: "Maski imi-nia sala sira hanesan mean, maibé sira sei sai mutin hanesan jelu-rahun. “Maski imi nia sala sira kór mean, sira sei sai mutin fali hanesan neve, maski sala sira nee hanesan hena mean, sira sei sai hanesan bibi malae nia fulun" Isaias 1:18 BK. Maromak prontu atu halo ita-nia laran sai moos se ita fila fali ba nia, bainhira ita konfesa ita-nia sala (1João 1:9).

Mai ita husu Maromak atu hamoos ita-nia laran. Mai ita hasai tiha lia-bosok, odi no sala sira, no moris ho lia-loos no domin tuir Biblia nia hanorin.

Orasaun: Nai Maromak, hamoos ami-nia laran husi sala. Ajuda ami atu hadomi Ita ho loos no la'o tuir Ita-nia dalan sira ne'ebé hakerek iha Sagrada Eskritura. Ami hakarak haree Ita no esperiensia ka sente Ita-nia prezensa loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KSOLOK BA SIRA NEʼEBÉ HATUDU LARAN-SADIʼA

“Ksolok ba sira neʼebé hatudu laran-sadiʼa, tanba sira sei hetan laran-sadiʼa". Mateus 5:7 TL 

Versíkulu ne'e hanesan parte ida husi sermaun ka diskursu iha Foho Oliveira, ne'ebé Jesus hanorin ita oinsá atu moris iha dalan ne'ebé halo Maromak kontente. Liafuan " laran-sadi'a" mai husi lian-gregu "eleēmōn" ne'ebé signifika hatudu laran-di'ak no kompaixaun ba ema seluk, liuliu kuandu sira presiza ka halo sala ruma. 

Hatudu laran-sadi'a katak ita-nia laran-di'ak. Ne'e signifika ajuda ema ne'ebé laran kanek, fó perdua ba sira ne'ebé hakanek ita-nia laran, no hatudu pasiénsia ba ema seluk. Jesus hakarak ita atu komprende katak laran-sadi'a la'ós de'it kona-ba ba arrepende ita-nia an (feel sorry) ba ema seluk, maibé ne'e kona-ba hatudu domin no laran-di'ak. Kuandu ita hatudu laran-sadi'a, ita moris hanesan Jesus. 

Promesa iha versíkulu ne'e importante: "Sira sei hetan laran-sadi'a." Ne'e signiika katak kuandu ita hatudu laran-sadi'a ba ema seluk, Maromak mós sei hatudu laran-sadi'a ba ita. Moris bele susar, no ita hotu halo sala. Maibé Maromak sempre hatudu laran-sadi'a ba ema ne'ebé hatudu laran-sadi'a ba ema seluk. Ne'e hanesan sirkulu laran-di'ak ne'ebé hahú ho ita. 

Ho liafuan simples, Jesus hanorin ita atu hatudu laran-di'ak no fó perdua tanba Maromak mós sei hatudu laran-di'ak no fó perdua ba ita. Kuandu ita hatudu laran-sadi'a, ita halo mundu sai fatin ne'ebé di'ak liu no hakbesik liután ba Maromak. 

Orasaun: Na'i Jesus, ajuda ami atu hatudu laran-di'ak no laran-sadi'a ba ema hotu ne'ebé ami hasoru. Hanorin ami atu fó perdua no hadomi hanesan Ita. Obrigadu ba Ita-nia laran-sadi'a ba ami. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAMLAHA & HAMROOK BA LIA-LOOS

“Ksolok ba sira neʼebé hamlaha no hamrook ba buat neʼebé loos, tanba sira sei sai bosu" Mateus 5:6 TMF

Iha versíkulu ne'e, Jesus ko'alia kona-ba ema ne'ebé hakarak tebes atu moris iha dalan ne'ebé loos. Liafuan "lia-loos" (righteousness iha Ingles) iha lian-gregu mak dikaiosynē, ne'ebé signifika moris loos ho Maromak no halo buat ne'ebé halo Maromak kontente. Ne'e la'ós de'it kona-ba hatudu hahalok-di'ak iha ema seluk nia oin, maibé kona-ba hadomi Maromak no hakarak halo tuir Nia ukunfuan sira ho ita-nia laran tomak. 

Liafuan "hamlaha" no "hamrook" hatudu dezezu ne'ebé kle'an. Hanesan ita-nia isin presiza ai-han no bee loroloron atu moris, ita-nia moris presiza lia-loos atu hakbesik ba Maromak no lia-loos ne'e mak Maromak Ninia lia-fuan (João 17:17). Jesus hatete: "Ksolok ba povu ne'ebé hakarak tebes moris iha dalan ne'ebé fó onra ba Maromak" Sira la perfeitu, maibé sira hakarak tebes atu la'o tuir Maromak Ninia dalan loos sira. 

No Maromak Ninia promesa mak: "Sira sei sai bosu ka satisfaz" Liafuan gregu iha ne'e mak chortazō, ne'ebé signifika katak ita bele sai kompletamente satisfaz ka nakonu. Maromak promete katak Nia sei hakonu ita ho buat ne'ebé ita presiza kuandu ita buka nia ho laran tomak (Jeremias 29:13). 

Jesus mós hatete: "Maibee buka uluk Maromak nia reinu, no Ninia moris loos; no Nia sei foo tan buat hotu nee ba imi" Mateus 6:33 BK (Biblia Kadi).

Versikulu ne'e fó korajen mai ita atu buka Maromak Nia dalan sira liu fali buat hotu. La'ós osan, la'ós naran-boot, maibé atu halo buat ne'ebé loos tuir Maromak Ninia hanorin. Kuandu ita halo nune'e, Maromak sei haraik bénsaun ba ita no halo ita-nia laran kontente. 

Mai ita halo orasaun loroloron, hodi dehan: "Nai, fó mai ha'u laran ne'ebé hamlaha no hamrook ba Ita."

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE LARAN MAUS

Haksolok ba sira nebee laran maus, tanba sira sei simu rai nudar liman rohan. Mateus 5:5 BK

Iha versíkulu ne'e, Jesus hatete katak ema laran-maus sira sei hetan bénsaun. Maibé "laran maus" katak sá? Ema barak hanoin katak ida-ne'e signifika fraku ka moedor. Maibé iha lian-gregu orijinál, liafuan "praus", signifika laran-maus, haraik-an, no kontrola an (gentle, humble, and self-controlled). Palavra ida ne'e uza hodi deskrebe kuda ne'ebé treinadu ona - poderozu ka forsa makaas, maibé kontroladu. Tan ne'e, laran-maus la'ós fraku. Ne'e mak forsa ho laran-mamar (gentleness). 

Jesus hanorin ita katak ema ne'ebé laran-maus no haraik-an sei hetan bénsaun. Sira la luta atu sai dahuluk. Sira la hakanek ema seluk atu alkansa buat ruma. Maibé sira tau fiar ba Maromak no hatudu laran-di'ak ba ema seluk maski moris susar. Sira la presiza hakilar ka dudu ema seluk ba susar. Maromak haree sira-nia laran, no Nia promete katak sira sei simu rai nu'udar eransa ka liman-rohan. Ida ne'e signifika katak sira sei simu bénsaun husi Maromak agora no iha futuru. 

Jesus mós laran-maus. Nia iha kbiit hotu, maibé nia hili atu hadomi, fó perdua no serbí. Kuandu ita halo tuir Jesus Nia ezemplu, ita hatudu dalan ne'ebé diferente ba mundu, ne'e mak dalan Maromak nian 

Mai ita halo orasaun hodi husu laran-maus - atu sai ema ne'ebé hatudu laran-maus, pasiénsia, no domin ne'ebé metin. Ne'e mak moris ne'ebé halo Maromak kontente. 

Orasaun: Nai Jesus, hanorin ami atu hatudu laran-maus hanesan Ita. Ajuda ami atu hatudu laran-di'ak no haraik-an iha situasaun hotu-hotu. Ami fiar katak Ita sei haraik bénsaun mai ami bainhira ami la'o tuir Ita-nia dalan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE LARAN TRISTI

Haksolok ba sira nebee laran tristi, tanba sira sei hetan kamaan. Mateus 5:4 BK

Versíkulu ne'e ko'alia mai ita katak ema ne'ebé sente triste kle'an sei hetan komfortu ka hetan kman. Maibé Jesus la'ós de'it ko'alia kona-ba ema ne'ebé triste tanba mate ka moras. Nia mós ko'alia kona-ba ema ne'ebé triste tanba pekadu, ne'e mak buat ne'ebé ita halo hasoru Maromak Nia ukunfuan (1João 3:4). 

Liafuan "Triste" ne'ebé Iha ingles tradus hanesan “mourn” maihosi lia-fuan Gregu πενθέω (pentheō). Lia-fuan gregu ne'e iha Biblia signifika ita sente triste tebes kona-ba buat ruma. Iha kontekstu ne'e, ita sente triste tamba ita-nia pekadu. Pekadu signifika hahalok kontra Maromak Ninia ukun-fuan (1João 3:4). Kuandu ita bosok, odi, na'ok, ka hakanek ema seluk, ita halo sala/pekadu. Kuandu ita realiza ida-ne'e, ida-ne'e halo ita triste. Ida-ne'e halo ita hakarak muda hahalok aat ne'e. Triste hanesan ne'e mak di'ak tanba ida-ne'e halo ita hakbesik liután ba Maromak. 

Jesus hatete katak kuandu ita triste hanesan ne'e, ita hetan ksolok no bénsaun. Tanbasá? Tanba Maromak hadomi ema ne'ebé haraik-an. Kuandu ita admite katak ita pekador ka ita rekoñese ita-nia sala no husu perdua, Maromak sei la husik ita. Nia sei fó kmaan ka komfortu mai ita. Nia sei hamoos ita-nia laran no ajuda ita moris di'ak liután. 

Entaun ohin, keta subar ó-nia sala sira. Lalika finje katak ita ema ne'ebé perfeitu. Hatudu laran triste tanba ita-nia sala sira. Nia prontu atu fó perdua ba ita no fó dame ba imi (1João 1:9).

Orasaun: Aman Maromak, ami husu deskulpa tamba ami-nia pekadu sira. Favor perdua ami. Obrigadu ba domin no komfortu. Ajuda ami atu moris iha dalan ne'ebé halo Maromak kontente. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE KIAK IHA ESPÍRITU

Haksolok ba sira nebee kiak iha espíritu, tanba reinu lalehan mak sira nian. Mateus 5:3 BK 

Iha versíkulu ne'e, Jesus hatete: "Haksolok ba sira ne'ebé kiak iha espíritu." Liafuan "haksolok" ne'ebé tradus iha Biblia Kadi (BK) hanesan haksolok ka Iha lian Ingles "blessed " mai husi lia-gregu makarios, ne'ebé signifika liu fali "haksolok". Ida-ne'e signifika ksolok ne'ebé kle'an, dame, no hetan favor husi Maromak - ksolok ne'ebé la depende ba osan ka sasan ne'ebé ita iha. Ne'e mak ksolok ne'ebé mai husi koñesimentu katak Maromak hamutuk ho ita no ita partensi ba Maromak. 

Maibé se mak "kiak iha espíritu"? Kiak iha Espiritu l ne'e, la signifika ema ne'ebé laiha osan. Ne'e signiika ema ne'ebé hatene katak sira presiza Maromak. Sira komprende katak sira labele salva sira-nia an. Sira la orgullu ka foti an. Maibé, sira mai hasoru Maromak ho haraik-an, hanesan labarik ida ne'ebé tau fiar ba sira-nia aman. 

Jesus hatete katak ema sira hanesan ne'e hetan bénsaun boot tebes. Tanbasá? Tanba kuandu ita rekoñese katak ita presiza Maromak, Nia fó buat ida-ne'ebé boot liu fali saida de'it iha mundu ne'e, ne'e mak reiñu LALEHAN. Ida-ne'e signifika ita sai parte ba Maromak nia família agora no ba nafatin bainhira Na'i Jesus fila fali mai hanesan Nia promete ona iha João 14:1-3. 

Tan ne'e, hetan ksolok ka bénsaun la'ós tamba ita iha rikusoin barak, maibé kona-ba laran ne'ebé loos no moos. Fuan-laran ne'ebé presiza Maromak sei simu prezente ne'ebé boot liu hotu - prezente ne'e mak moris hamutuk ho nia iha reiñu LALEHAN. 

Orasaun: Nai, ajuda ami atu sai ema kiak iha Espiritu. Hanorin ami atu depende ba Ita, la'ós ba ami-nia an rasik. Obrigadu tanba Ita simu ema sira ne'ebé iha laran haraik-an iha Ita-Boot nia reiñu LALEHAN. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Haraik-an iha Maromak nia liman okos

Nee duni, haraik aan iha Maromak nia liman forti nia okos, atu Nia bele foti aas imi iha tempu loos. 1 Pedro 5:6 BK

Versikulu ne'e fó-hanoin ita atu haraik-an iha Maromak nia oin. Haraik-an signiika ita la hanoin ita-nia an di'ak liu fali ema seluk. Ne'e signifika tau fiar ba Maromak maski ita hasoru susar iha moris. Dala ruma, ita hakarak hadi'a buat hotu mesak de'it. Maibé Maromak hakarak ita mai hasoru Nia no hein Ninia ajuda. 

Maromak haree ita-nia laran. Nia hatene bainhira ita hasoru susar. Nia hatene bainhira mak ita kole, triste, ka hanoin barak. Maibé Biblia hatete katak se ita haraik-an nafatin no tau fiar ba Maromak, Nia sei tane ita iha tempu ne'ebé loos. Ne'e signiika Maromak sei ajuda ita kuandu tempu loos. Ita la sempre komprende Maromak Nia tempu, maibé Ninia tempu mak perfeitu. 

Ita seguru iha Maromak nia liman forte nia okos, Hanesan liman ne'ebé forte proteje labarik ki'ik ida, nune'e mós Maromak Nia liman forte proteje ita. Maromak ne'e poderozu no laran-di'ak. Nune'e ita bele tau fiar ba Maromak atu tau matan ba ita. 

Ohin loron, mai ita hanoin atu haraik-an. Mai ita haka'as an atu labele foti-an. Maibé, mai ita tau fiar ba Maromak atu dirije ita no haraik bénsaun ba ita. Maromak promete sei tane aas ita. Ne'e mak esperansa boot ne'ebé ita bele kaer metin loroloron. 

Orasaun: Nai Maromak, ajuda ami atu haraik-an. Hanorin ami atu tau fiar ba Ita iha ami-nia moris tomak. Ami hatene katak Ita hadomi ami no sei ajuda Ami iha tempu ne'ebé loos. Hodi Jesus nia naran, Ami harohan, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hanoin-hetan buat ne'ebé Maromak halo ona

Hau sei hanoin hetan buat nebee Nai halo ona, tebes hau sei hanoin hetan O nia milagre sira hosi tempu antigu. Hau sei medita kona ba O nia servisu hotu, no konta kona ba buat furak nebee O halo ona. Salmu 77:11-12 BK

Dala ruma ita esperiensia tempu susar iha ita-nia moris. Iha tempu susar sira ne'e ita husu "Maromak iha ne'ebé? Tanbasá mak ida-ne'e akontese?" Iha Salmo 77, hakerek-nain ba Salmo ne'e mós sente hanesan ne'e. Nia halerik ba Maromak no sente hanesan Maromak la hatán ba ninia orasaun sira. Maibé depois ne'e, nia hili buat ne'ebé loos. Nia hili atu hanoin fali buat ne'ebé Maromak halo ona iha tempu uluk ba ninia moris. 

Nia hatete: "Hau sei hanoin hetan O nia milagre sira hosi tempu antigu" Nia hanoin-hetan oinsá Maromak ajuda Ninia povu, oinsá Maromak halo milagre sira, no oinsá Maromak sempre fiél ba nia. 

Kuandu ita hanoin-hetan Maromak nia hahalok sira iha tempu uluk, ita-nia laran sai forte fali. Ita hanoin-hetan katak Maromak ajuda ona ita iha pasadu, no nia bele halo fila fali buat sira ne'e. Maromak nunka muda, Jesus nunka muda (lee Ebreu 13:8, Tiago 1:17). Nia nafatin laran-di'ak, poderozu, no nakonu ho domin. 

Ohin loron, gasta tempu balu hodi hanoin to'ok kona-ba buat ne'ebé Maromak halo ona ba ita-nia moris. Karik nia uluk kura ita, fó ai-han ba ita kuandu ita hamlaha, ka fó dame ba ita kuandu ita hanoin barak. Fo obrigadu ba Maromak tamba buat sira-ne'e. 

Kuandu ita ko'alia kona-ba Maromak nia laran-di'ak, ita-nia fiar sei krese liután. Tan ne'e, maski ita-nia moris susar, kontinua hanoin no ko'alia kona-ba Ninia hahalok di'ak sira. 

Orasaun: Aman Maromak, obrigadu ba buat di'ak hotu ne'ebé Ita halo ona iha ami-nia moris. Ajuda ami atu hanoin-hetan Ita-nia laran-di'ak bainhira ami triste ka ta'uk. Ami hatene katak Ita sempre hamutuk ho ami. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

FÓ SASIN BA EVANJELLU

Maibee hau la foo folin ba hau nia moris se hau bele kontinua too rohan no halo kompletu ministériu nebee hau simu hosi Nai Jesus, atu foo sasin ba evanjelhu kona ba Maromak nia grasa. Apostolu 20:24 BK 

Versíkulu ne'e hatudu ba ita kona-ba apóstolu Paulo nia laran, ema ne'ebé tuir Jesus ho buat hotu ne'ebé nia iha. Apóstolu Paulo hatete katak ninia moris rasik la importante. Buat ne'ebé importante liu mak halo serbisu ne'ebé Na'i Jesus fó mai nia, ne'e mak atu fó sai liafuan di'ak kona-ba Maromak nia domin no grasa ba ema. 

Apóstolu Paulo prontu atu hetan terus no mate, naran katak nia bele halo hotu ninia serbisu ba Na'i Jesus. Nia hatene katak moris iha mundu ne'e badak, maibé Maromak Nia rekompensa mak eterna. Paulo nia hakarak mak la'ós atu sai riku ka famozu, maibé atu halo kontente Na'i Jesus no ajuda ema seluk atu hatene Nia. 

Ita bele aprende husi apóstolu Paulo nia ezemplu. Maromak mós iha ojetivu ba ita-nia moris mós. Karik Ninia ojetivu mak atu ita hatudu laran-di'ak ba ema seluk, serbí iha ita-nia igreja, ka fahe evanjellu iha ita-nia komunidade. Karik Ita-nia serbisu sira ne'e haree hanesan la vale ka ki'ik, maibé buat hotu ne'ebé ita halo ba Maromak ne'e importante ba Maromak. 

Mai ita la ta'uk atu moris ba Jesus. Maski susar, ninia grasa fó forsa mai ita. Hanesan apóstolu Paulo, ita bele hatete: "Hau sei remata ha'u-nia halai taru. Ha'u sei la rende" 

Orasaun: Na'i Jesus, ajuda ami atu moris ba Ita-boot, la'ós ba ami-nia an rasik. Fó korajen mai ami atu halo serbisu ne'ebé Ita fó mai atu halo. Husik ami-nia moris hatudu Ita-nia domin ba ema seluk. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

OBRIGADU BA MAROMAK BA VITÓRIA

 Maibee agradese ba Maromak, nebee foo vitória ba ita liu hosi ita nia Nai Jesus Kristu. 1 Korinto 15:57 BK

Moris bele sai susar tebes. Dala ruma ita sente fraku, triste, ka ta'uk. Karik ita hasoru problema kona-ba osan, família, moras, ka sala. Maibé Biblia fó liafuan di'ak mai ita: Maromak fó ona vitoria ba ita! 

Ne'e signiika sáida? 

Ne'e signiika katak ita la luta mesak de'it. Jesus manán ona funu boot liu hotu, funu ne'e mak funu hasoru pekadu no mate. Nia mate iha krús no moris fali. Tanba Kristu moris fali, ita la presiza ta'uk mate ka infernu. Se ita fiar ba Jesus, ita iha esperansa no moris ba nafatin hamutuk ho Maromak. 

Versíkulu ne'e fó-hanoin ita atu agradese. Maski moris ne'e la fasil, maibé ita bele dehan: "Hau agradese ba Ita, Maromak!" tanba nia hamutuk ho ita no ajuda ita. Vitória ne'e la'ós tanba ita ne'e ema forte ka di'ak. Vitoria ne'e mai husi Jesus. Nia mak ita-nia Salvador no ita-nia ajuda-nain. 

Kuandu ita sente kole ka ta'uk, hanoin versikulu ne'e. Ita la mesak de'it. Jesus hamutuk ho ita. Nia manán ona funu. Ita iha parte manán nian. 

Entaun ohin, fó obrigadu ba Maromak. Tau fiar ba Jesus. La'o hamutuk ho nia loroloron. No kuandu ita hasoru susar ruma, ko'alia lia-loos ne'e no dehan: "Agradese ba, Maromak, tanba fó ba ha'u vitoria liuhusi Jesus!" 

Orasaun: Aman Maromak, obrigadu fo ona vitoria mau ha'u liuhosi Jesus. Ajuda ha'u tau fiar ba Ita maski hasoru susar iha moris. Obrigadu ba Ita-nia domin no kbiit. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JESUS HALO ORASAUN MAKAAS HO MATAN BEEN

Bainhira Jesus sei iha nee iha isin lolon, Nia oferese orasaun no pedidu sira, ho lian makaas no matan been, ba Ida nebee bele salva Nia hosi mate. No Maromak rona Nia tanba Nia hamtauk Maromak. Ebreu 5:7 BK

Bainhira Na'i Jesus moris iha mundu, nia hatene sente oinsá triste, ta'uk, no sente laran kanek. Iha Ebreu 5:7, ita haree katak Jesus halerik hodi halo orasaun ba Maromak. Nia la subar ninia sentimentu. Nia ko'alia ho Ninia Aman iha lalehan ho onestu no fiar. 

Na'i Jesus husu Maromak atu ajuda Nia. Nia hatene katak Ninia mate iha krús sei mai. Ida ne'e susar tebes ba Nia. Maibé, nia halo orasaun. Nia tau fiar ba Maromak no halo tuir nia maski susar. 

Versikulu ne'e hanorin ita buat importante ida: ita bele mai ba Maromak ho ita-nia problema sira. Hanesan Jesus, ita bele tanis, halo orasaun, no husu ajuda. Maromak la dook hosi ita. Nia rona ita-nia orasaun, liuliu kuandu ita tau fiar ba nia no halo tuir nia. 

Karik agora dadauk ita la'o hela iha tempu susar. Karik Ita sente ta'uk, kole, ka mesak. Maromak komprende. Jesus mós sente hanesan ne'e kuandu nia sei moris iha mundu ne'e. Nia hatene Ita-nia laran kanek sira. Entaun keta ta'uk atu halo orasaun. Ita bele ko'alia ho Maromak iha tempu ne'ebé de'it, ho ita-nia liafuan rasik. 

Maromak rona ninia oan sira-nia halerik. Nia haree ita-nia matan-been. Nia hadomi Ita no hakarak ajuda Ita. Tau fiar ba Maromak hanesan saida mak Na'i Jesus halo, no kontinua la'o hamutuk ho Nia maski moris iha susar laran. 

Orasaun: Aman Maromak, obrigadu ba rona ami-nia orasaun bainhira Ami halerik. Ajuda Ami atu tau fiar ba Maromak no halo tuir Ita, hanesan Jesus mós halo. Ami hatene katak Maromak hadomi ami. Favór ida, fó forsa mai ami ohin. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fo komfortu ita atu ita mós bele ajuda ema seluk

Bensaun ba ita nia Nai Jesus Kristu nia Maromak no Aman. Nia mak Aman nebee hatudu laran luak no Maromak nebee foo kamaan hotu. Nia foo kamaan ba ita iha ita nia terus hotu, atu nunee ita bele foo kamaan ba ema seluk nebee iha terus saida deit, liu hosi kamaan nebee ita simu hosi Maromak. 2 Korinto 1:3-4 BK

Karik ita pernah sente triste, ta'uk, ka sente moras? Karik ita lakon ema ruma ne'ebé ita hadomi ka ita hasoru susar ruma?. Iha momentu sira-ne'e, ita bele sente mesamesak. Maibé versíkulu husi Biblia ohin loron fó-hanoin ita kona-ba buat ne'ebé importante tebes, katak Maromak sempre hamutuk ho ita, no Nia fó komfortu mai ita. 

Maromak mak hanesan aman di'ak ida ne'ebé tau matan ba Ninia oan sira. Kuandu ita laran tristi, no hetan terus, nia haree ita-nia matan-been. Nia rona ita-nia orasaun. Nia fó dame mai ita iha ita-nia laran, maski buat sira ne'ebé hale'u ita la fo dame. Ida ne'e mak Bíblia bolu "komfortu". Ne'e la dehan katak problema ne'e sei lakon lalais, maibé ne'e signifika katak ita bele sente Maromak Nia domin no forsa bainhira hasoru hela problema ida. 

Maibé la'ós ne'e de'it. Maromak la fó komfortu mai ita ba ita-nia an rasik de'it. Nia mós hakarak ita atu fahe Ninia komfortu ne'e ho ema seluk. Karik Ita hatene ema ne'ebé triste ka iha problema hela. Ita bele ajuda sira atu sente di'ak liu. Ita bele halo orasaun ba sira, ko'alia ho sira, ka iha ne'ebá de'it hamaluk sira. Tanba Maromak ajuda Ita, agora Ita mós bele ajuda ema seluk. 

Entaun kuandu ita esperiensia ka la'o liu tempu susar ruma, hanoin-ba katak Maromak hamutuk ho ita. Nia sei fó komfortu ba ita. No depois ne'e, nia sei uza ita atu fó kmaan ba ema seluk mós. 

Orasaun: Aman Maromak, obrigadu ba fó kmaan mai ami kuandu ami triste ka laran kanek. Ajuda ami atu fó kmaan ba ema seluk mós. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More