Mesmu iha ne'ebá...

iha nebaa mos O nia liman sei hatudu dalan mai hau, no O nia liman loos sei kaer hau. Salmu 139:10

David, ne'ebé mak liurai Izrael maizumenus iha tinan 1000 molok Kristu, mak ema ne'ebé hakerek ita-nia versíkulu ohin loron nian: 

 ... "iha nebaa mos O nia liman sei hatudu dalan mai hau, no O nia liman loos sei kaer hau" Salmu 139:10

Nota: Bainhira versíkulu ida hahú hosi klaran, di'ak atu buka-hatene kona-ba istória ne'e nia kontestu. Iha kazu versikulu iha leten David esplora hela faktu maraviloza kona-ba Maromak katak nia nunka bele halai ses husi Maromak nia prezensa. 

David hatene katak se nia tuur ka hamriik, iha rai-li'ur ka deskansa iha uma, iha lalehan ka iha rate laran, ko'alia ka hanoin de'it iha laran, ou karik nia ba tiha iha tasi klaran ne'ebé kle'an liu. 

 Tuirmai David kontinua dehan: 

 ... "iha nebaa mos O nia liman sei hatudu dalan mai hau, no O nia liman loos sei kaer hau" 

Maski iha ne'ebá, maski iha ne'e , maski iha ne'ebé de'it iha fatin hotu hotu, Maromak sempre iha ne'eba atu lidera, gia, haforsa no suporta.

Maski ita haka'as an atu hasees an husi Maromak, ka halai husi ninia moris, maibé nia hatudu pasiénsia atu buka tuir ita, atu korrije ita, atu dirije ita. 

Buat ida ne'ebé serteza mak ne'e: Nia sei nunka husik ita. 

Tan ne'e, kuandu ita fasi hela bikan, halimar hela telemovél, ka halo desizaun ne'ebé susar; kuandu ita serbisu maka'as, ka baruk no toba hela iha uma, ka gasta tempu hamutuk ho ema ne'ebé ita hadomi; kuandu ita-nia laran nakdedar, kuandu ita-nia laran haksolok, kuandu ita iha dúvida, kuandu ita iha esperansa, no kuandu ita halo desizaun ne'ebé aat... 

 ... "iha nebaa mos O nia liman sei hatudu dalan mai hau, no O nia liman loos sei kaer hau"

Iha fatin ne'ebé de'it mak agora ita hela ohin loron, hatene ba katak ita la mesak. Ita sempre iha ema ida-ne'ebé kuida, no bele salva. Obrigadu ba Maromak, tamba ita la bele halai ses husi ninia prezensa.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Aprende husi ema matenek

La bele hanoin katak o iha matenek klean iha o nia matan rasik, hamtauk ba Nai, no husik hahalok aat. Provérbiu 3:7

Ita bele hetan matenek kuandu ita hasoru esperiénsia. Tan ne'e mak ema ne'ebé idade ona mós iha tendénsia atu sai matenek liu - sira iha esperiénsia barak liu atu aprende husi sira-nia moris. 

Ita presiza aprende husi ema ne'ebé iha matenek no esperiénsia barak liu, tanba sira bele ajuda ita atu haree buat ne'ebé ita la haree. Maski kultura hatete katak ita tenke moris tuir ita-nia lia-loos rasik no halo buat hotu ne'ebé ita hanoin mak di'ak liu, maibé hanoin hanesan ne'e lori susar ba ita. 

Ita-nia kapasidade atu hetan matenek limite ba ita-nia esperiénsia. Tan ne'e mak Eskritura hatete katak ita labele matenek iha ita-nia an rasik. 

Matenek ne'ebé loos mai husi hamta'uk Maromak. Ida-ne'e katak ita presiza hafolin Maromak nia Liafuan no ninia matadalan sira. Nia hatene buat hotu, inklui mós buat ne'ebé di'ak liu ba ita. 

Ita mós bele hetan matenek husi ema seluk. Kuandu ita aprende husi ema seluk nia sala ka esperiénsia, di'ak liu atu ita la halo sala hanesan. Maibé, se ita hanoin katak ita mesak de'it mak hatene di'ak liu, ita sei repete fali sala ne'ebé hanesan. 

Ohin halo komitmentu atu haka'as an rona Maromak nia matenek no matadalan iha ninia Liafuan loroloron antes rona rona ba buat seluk. Tan ne'e, haka'as an atu rona ba ema kristaun sira-nia matenek iha ita-nia moris. Labele la'o mesak de'it iha moris, maibé moris iha komunidade ho ema seluk.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Fila Rai ne'ebé toos

Kari hahalok loos ba imi rasik, no imi sei kuu domin metin. Fila rai hosi imi nia toos nebee seidauk fila. Tempu too ona hodi buka Nai, hodi Nia bele mai no halo udan justisa nian tuun ba iha imi. Oseias 10:12

Hanoin to'ok kona-ba ita-nia an nu'udar agrikultór ida, no ita-nia moris mak to'os. Ita kuda fini iha rai, no fini sira-ne'e reprezenta ita-nia hakarak, desizaun no hahalok. 

Iha Oseias 10: 12 ita bele haree kona-ba Maromak nia povu. Izrael kuda ona fini husi sala no hahalok-aat, no ida-ne'e halo rai iha sira-nia laran sai toos no la simu Maromak nia mandamentu sira. Banhira Maromak atu besik julga sira-nia hahalok aat sira ne'e, profeta Oseias hatete ho urjensia katak "Kari hahalok loos ba imi rasik, no imi sei kuu domin metin. Fila rai hosi imi nia toos nebee seidauk fila. Tempu too ona hodi buka Nai, hodi Nia bele mai no halo udan justisa nian tuun ba iha imi. Oseias 10:12" 

Hanesan toos-nain ida koá barak liu fali buat ne'ebé sira kari iha sira-nia nia to'os, ita-nia Maromak promete katak ita mós sei koá buat ne'ebé ita kuda (Galasia 6: 7-9). Maibé, versíkulu ne'e mós hatudu katak la sufisiente atu kuda buat ne'ebé loos. Ita mós tenke fila rai ne'ebé seidauk halo kultivasaun (Hosea 10:12). 

Ita-nia laran sai hanesan rai-fuik bainhira ita halo ita-nia laran toos no ulun-toos - rezisti Maromak nia Liafuan no Maromak Ninia serbisu iha ita-nia moris. Maibé Maromak hakarak ninia povu atu prepara rai iha sira-nia laran atu simu ninia fini no Ninia Liafuan. Buka Nai mak hanesan udan dahuluk iha tempu kultivasaun nian; udan ne'e mak halo rai sai mamar no halo rai prontu atu kultiva ka kuda. 

Keta hein. Ohin loron, buka nia ho laran-manas. Medita Oseias 10:12; no ezamina ita-nia moris rasik, serake ita kuda fini lia-loos no ko'a domi rohan-lek? 

La tarde atu buka Nai, fila ita-nia laran ba Maromak ne'ebé promete atu fo ho laran-sadi'a no laran-di'ak ba ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Medita kona-ba Kristu nia domin ne'ebé furak

Reflesaun bazeia ba Roma 8:18-39 Biblia Kadi 

Serake iha Ita-nia moris, iha situasaun balu ne'ebé halo Ita kestiona Maromak nia domin? 

Paulo sofre maka'as los - liuhosi ema baku, tama prizaun, no hetan susar barak seluk tan. 

Maibé nia hatete katak terus sira-ne'e la bele kompara ho glória ne'ebé ita sei haree loron ida. La iha komparasaun entre tempu susar sira ohin loron no tempu di'ak sira oin mai (Roma 8:18). 

Bainhira imi hein hela, imi iha espíritu nia fuan primeiru (Roma 8:23). Espíritu santu mak garantia ba glória iha futuru. Loron ida, kriasaun tomak sei sai livre (Roma 8:21). Iha ne'e no agora, ita-nia isin bele sai aat liután (Roma 8:22) bainhira isin-lolon ne'e iha degradasaun ka neneik - neneik sai aat liután, maibé loron ida isin-lolon ne'e sei restaura no sai di'ak fali. Ita-nia moris-hias la'ós de'it iha espíritu, maibé fiziku mós. Ita hein ho laran-manas ba redensaun isin nian (Roma 8:23). 

Paulo uza análogu isin-rua nian.Tanba ita hatene katak kriasaun tomak halerik hamutuk no tanis ho kanotak moras too agora (Roma 8:22). 

"Nunee mos, Espíritu ajuda ita tanba ita sei fraku. Tanba ita la hatene atu husu saida bainhira ita halo orasaun, maibee Espíritu rasik halo ita nia orasaun ho lian halerik nebee klean liu ema nia lian" Roma 8:26. Nia fó dalan ba ita atu halo orasaun tuir Maromak nia hakarak (Roma 8:27). Se espíritu santu mak dirije ita atu halo orasaun, ita sei hetan resposta duni, tanba orasaun sira ne'e sei tuir Maromak nia hakarak. 

Buat hotu ne'ebé akontese iha moris la'os naran akontese de'it. "Ita hatene katak buat hotu halao hamutuk hodi halo diak ba sira nebee hadomi Maromak, ba sira nebee Maromak bolu tuir Ninia planu" Roma 8:28

Iha ita-nia moris tomak, Maromak serbisu hela. Buat hotu inklui mós ita-nia eru sira. Maromak bele mós foti ita-nia eru sira no halo buat sira-ne'e sai di'ak. Nia mak ukun-na'in. Iha buat hotu Nia bele halo buat di'ak ba sira ne'ebé hadomi Nia. Krús hatudu katak hanesan Maromak halo akontesimentu ne'ebé aat liu iha istória no halo ida-ne'e sai di'ak liu fali buat ne'ebé aat liu iha ita-nia moris. Maromak bele foti buat ne'ebé aat liu iha ita-nia moris no uza buat sira-ne'e ba buat di'ak. 

Promesa sira ne'e aplika ba ema kristaun hotu. Nia esplika iha versíkulu 29-30, "Tanba ema nebee Nia konhese nanis ona, Nia mos desidi ona atu sira bele sai hanesan Ninia Oan Mane.Ema nebee Nia desidi ona kona ba ida nee, Nia mos bolu sira. No sira nebee Nia bolu ona nee, Nia mos halo sira sai loos. No sira nebee Nia halo loos ona, Nia mos foo glória ba sira, Roma 8:29-30. Eventu haat primeiru akontese ona, maibé glória mak eventu ida iha futuru. Maibé, Paulo mós uza "past tense" ka fraze tempu pasadu ba eventu sira hotu. "Ita hetan... glória." Paulo uza "tense" ne'ebé kompleta ona, Ida ne'e hatudu Paulo ninia serteza ba futuru. Futuru ne'ebé seguradu ona (bainhira ita mantein fiél to'o rohan).

Ida-ne'e estraordinariu. Karik ida-ne'e mak deklarasaun fé ne'ebé berani tebes iha testamentu foun tomak. Ida ne'e ko'alia kona-ba seguransa totál. Seguransa ema kristaun nian mak solídu bazeia ba Maromak nia domin. Fundasaun fé ida ne'e kle'an liu kondisaun no sentimentu hotu.

Oinsá ita bele serteza kona-ba Maromak Ninia domin? Paulo husu pergunta 5 tuir mai:

1. Ho Maromak iha ita-nia sorin, oinsá mak ita bele Lakon? "Se Maromak hamutuk ho ita, see mak bele kontra ita? Roma 8:31b. Se Maromak mak ba ita, buat ne'ebé ema seluk hanoin la importante. Ita livre husi ta'uk ba ema no la hanoin demais kona-ba ema seluk nia hanoin.

 2. Se Maromak fó ninia Oan-Mane mesak ba ita, serake ita hanoin katak nia bele tahan netik buat seluk ba ita? "Nia nebee la husik Ninia Oan Mane rasik, maibee entrega Oan nee tanba ita hotu, laos Nia sei foo gratis buat hotu ba ita? Roma 8:32

 3. Se mak barani atu halo presegisaun ba Ita? " See mak foo sala hasoru sira nebee Maromak hili ona? Roma 8:33a 

 4. Se Maromak mak juis no Jesus mak ita-nia konsellu atu defende ita, oinsá mak prosekusaun/tunturan bele hetan susesu? "Maromak halo sira sai loos, se mak bele kondena, Roma 8:33b-34. Jesus mak ita-nia advogadu defeza nian. Nia iha kualifikasaun ne'ebé boot liu. Kristu Jesus, ne'ebé mate ona (Roma 8:34) mak kumpre ona kastigu mate ba ita. Maromak "halo nia moris-hias" (Roma 8:34). Nia iha fatin onra nian, iha Aman Maromak Ninia sorin kwana (Roma 8:34). Nia halo orasaun ba Ita (Roma 8:34). Nia hamriik metin ba ita. Jesus nunka para atu halo orasaun ba Ita. 

 5. Oinsá mak ema ida bele haketak malu entre ita no Kristu nia domin? 

Ita bele haketak an husi ita-nia belun no família liuhusi situasaun balu ka mate. Maibé, se mak sei haketak ita husi Kristu nia domin? (Roma 8:35a). Ne'e la signifika katak moris ne'e fasil. Karik iha problema ruma, susar, odi, hamlaha, la iha uma, ameasa no traisaun. Maibé mesmu pekadu aat liu ne'ebé alista iha eskritura.. La iha buat ida mak bele separa ita tanba Jesus hadomi ita (Roma 8:35b-37). Iha situasaun susar hotu nia leet, ita bele kaer metin ba Maromak nia domin ba ita. 

Paulo alista posibilidade sanulu-resin-hitu ne'ebé envolve kalamidade, ajénsia sira ne'ebé iha kbiit boot liu tempu no fatin (Roma 8:35-39). Ninia lista inklui difikuldade sira ne'ebé ita bele hasoru. Nia konklui katak nia totalmente konvensidu katak "la iha buat ida nebee bele haketak ita hosi Maromak nia domin, iha Kristu Jesus ita nia Nai" Roma 8:39

Nai, oinsá mak ha'u bele agradese ba Ita-Boot tanba Ita-Boot nia domin ne'ebé furak? Obrigadu ba Maromak tanba ita serbisu hamutuk iha buat hotu ne'ebé di'ak iha ha'u-nia moris, no la iha buat ida mak absolutamente bele haketak ha'u husi ita-nia domin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Referensia 

Roma 8:18-39

18 Tanba hau hanoin katak ita la bele kompara terus iha tempu agora ho glória nebee ita sei haree aban-bainrua.

19 Tanba kriasaun nee hein ho laran ba tempu nebee Maromak sei hatudu sai Ninia oan sira.

20 Tanba kriasaun nee tenki tama tempu folin laek, laos tanba kriasaun hakarak, maibee tanba Maromak haruka kriasaun atu tama tempu nee hodi simu esperansa.

21 Ita espera katak kriasaun nee sei sai livre hosi kastigu nebee halo nia sai aat no hetan liberdade ho glória nebee Maromak nia oan sira sei hetan.

22 Tanba ita hatene katak kriasaun tomak halerik hamutuk no tanis ho kanotak moras too agora.

23 No laos kriasaun deit, maibee ita mos nebee simu ona rezultadu primeiru nian hosi Espíritu. Ita mos halerik iha ita nia laran, tanba ita hein ho laran atu sai Maromak nia oan sira bainhira Nia hola fali ita nia isin.

24 Tanba ita simu ona salvasaun ho esperansa ida nee. Maibee tuir lo-loos esperansa nebee ita haree ona nee laos esperansa. Tanba see mak espera atu hetan buat nebee nia haree hetan ona?

25 Maibee se ita espera ba buat nebee ita la haree, ita hein ida nee ho pasiénsia.

26 Nunee mos, Espíritu ajuda ita tanba ita sei fraku. Tanba ita la hatene atu husu saida bainhira ita halo orasaun, maibee Espíritu rasik halo ita nia orasaun ho lian halerik nebee klean liu ema nia lian.

27 No Nia nebee buka hatene ema nia fuan laran hatene Espíritu nia hanoin. Tanba Espíritu halo orasaun ba santu sira tuir Maromak nia hakarak.

28 Ita hatene katak buat hotu halao hamutuk hodi halo diak ba sira nebee hadomi Maromak, ba sira nebee Maromak bolu tuir Ninia planu.

29 Tanba ema nebee Nia konhese nanis ona, Nia mos desidi ona atu sira bele sai hanesan Ninia Oan Mane. Nunee Jesus bele sai Maun Boot iha Ninia alin sira nia leet.

30 Ema nebee Nia desidi ona kona ba ida nee, Nia mos bolu sira. No sira nebee Nia bolu ona nee, Nia mos halo sira sai loos. No sira nebee Nia halo loos ona, Nia mos foo glória ba sira.

31 Entaun ita bele dehan saida kona ba buat sira nee? Se Maromak hamutuk ho ita, see mak bele kontra ita?

32 Nia nebee la husik Ninia Oan Mane rasik, maibee entrega Oan nee tanba ita hotu, laos Nia sei foo gratis buat hotu ba ita?

33 See mak foo sala hasoru sira nebee Maromak hili ona? Maromak halo sira sai loos.

34 See mak kondena? Tanba Kristu mak mate ona, no liu tan nee, Nia moris hias ona, no Nia iha Maromak nia liman loos, no tebes Nia halo orasaun tanba ita.

35 See mak haketak ita hosi Kristu nia domin? Terus, ka susar, ka ema hanehan ita, ka hamlaha, ka isin molik, ka perigu, ka surik?

36 Hanesan ema hakerek nanis ona,

“Tanba Ita, sira oho ami durante loron tomak,

sira haree ami hanesan bibi nebee sira atu oho.” Roma 8:36

37 Lae! Iha buat sira nee hotu ita mak liu fali manaan nain sira liu hosi Nia nebee hadomi ita.

38 Tanba hau fiar duni katak la iha buat ida - mate ka moris, ka anju sira, ka ukun nain sira, ka buat sira nebee iha agora, ka buat sira nebee atu mai, ka kbiit,

39 ka buat aas, ka buat klean, ka buat seluk-seluk tan iha kriasaun tomak - la iha buat ida nebee bele haketa

k ita hosi Maromak nia domin, iha Kristu Jesus ita nia Nai.

Read More

Hadomi ema ne'ebé halo susar ita

Imi rona ona katak ema dehan, ‘O tenki hadomi o nia maluk, no odi o nia inimigu.’ Maibee Hau dehan ba imi: Hadomi imi nia inimigu no halo orasaun ba sira nebee foo terus ba imi. Mateus 5:43-44

Mateus 5-7 Koñesidu hanesan diskursu iha foho, hanesan hanorin balu ne'ebé Jesus hanorin bainhira Nia hahú ninia serbisu haklaken. Buat barak ne'ebé Jesus ko'alia la'os hanorin foun, maibé reorienta fali kona-ba oinsá ema judeu sira komprende lei sira husi Testamentu Antigu. 

Fasil atu hadomi ema ne'ebé besik ita. Ita mós bele hadomi ema ne'ebé hanesan ho ita, no mós sira ne'ebé hadomi ita. Maibé Jesus nia mandamentu la'ós de'it atu hadomi ema ne'ebé fasil atu hadomi. Jesus hatete katak ita mós tenke hadomi ita-nia inimigu sira. 

Nia mós hatete atu halo orasaun ba sira ne'ebé haterus ita. Ne'e la'ós orasaun ida atu sira bele dook hosi ita, maibé orasaun ida atu sira bele sai ema di'ak. Ita tenke halo orasaun atu sira bele hetan salvasaun husi sira ne'ebé hakarak atu hakanek ita, hodi husu sira bele rekoñese sira-nia hahalok no fila fali ba Maromak. 

Ne'e mak oinsá Maromak halo ba ita ema pekadór. Kuandu ita sai Maromak nia inimigu, nia hatudu nafatin domin mai ita. Nia fó ita-nia is moris no moris nee rasik, no nia mós haruka Jesus atu hadi'a ita-nia relasaun ho Nia. 

Hanoin to'ok kona-ba ema balu ne'ebé susar atu hadomi iha ita-nia moris. Hahú hodi halo orasaun ba sira. Halo orasaun atu sira bele hetan salvasaun se sira la'ós ema kristaun, no halo orasaun ba sira-nia moris-di'ak. Hanoin to'ok kona-ba dalan ida ka rua ne'ebé ita bele hatudu domin ba ita-nia inimigu sira no fahe Jesus nia esperansa.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hakmatek iha tempu anin-fuik

Tanba Hau, Nai, imi nia Maromak, kaer ita nia liman loos, no dehan ba ita, “Keta tauk, Hau mak ajuda ita.” Isaias 41:13

Istória ida-ne'ebé ema hatene liu iha Jesus nia moris mak Jesus hakalma anin-fuik sai hakmatek (Mateus 8:23-27, Marcos 4:35-41, no Lucas 8:22-25). 

Hanoin to'ok kona-ba dixipulu sira ne'ebé sai ho ro bainhira anin-fuik ameasa sira-nia moris iha bee leten. Sira la prontu atu hasoru ida-ne'e. Sira ta'uk no hatene katak sira bele mate. Bainhira buat sira-ne'e akontese, Jesus toba hela ho dame iha ro laran.

Duke hareeJesus nia reasaun ba situasaun ne'e, dixipulu sira husik sira-nia situasaun kontrola sira-nia reasaun. 

Depois sira husu Jesus atu halo buat ruma, nia halo anin-fuik sai hakmatek, maibé antes ne'e husu uluk ba sira: "Tanbasa mak imi ta'uk?" 

Jesus hasee sira ho mamar, la'ós tanba sira la fiar katak Jesus bele salva sira husi anin-fuik, maibé tanba sira luta atu fiar katak nia sei salva sira husi anin-fuik. 

Sira hatene katak Jesus iha sira-nia ro, maibé sira la komprende saida mak nia bele halo. 

Jesus mak sira-nia forsa bainhira sira hasoru anin-fuik. Jesus mak sira-nia fornesedor, protejedor, kurador, no sira-nia ulun-nain. Jesus mak sira-nia fonte ba dame no podér. 

No Maromak ne'ebé hamutuk ho dixipulu sira iha ro iha tempu ne'ebà, Maromak ne'ebé hanesan hamutuk ho ita. La problema karik ita hasoru hela anin-fuik oioin- Jesus besik hela. La iha situasaun ida-ne'ebé ita hasoru iha ita-nia moris ne'ebé Jesus la hamutuk ho ita Iha ita-nia sorin hodi hasoru situasaun susar sira. 

Jesus mai ona, agora iha ne'e, no sei mai bainhira ita presiza. Jesus iha ne'eba iha tempu hahú kedas no Nia mós sei iha ne'eba iha tempu ikus nian. Nia haree ona akontesimentu hotu ne'ebé akontese iha ema nia istória, no nia la husik ema ida-ne'ebé halerik no tau fiar ba Nia. 

La iha buat ida-ne'ebé imposivél ba Maromak, no Ninia karakter nunka muda. Nia hamutuk ho ita, la'ós kontra ita - tan ne'e mak ita la iha buat ida atu ta'uk. Tan ne'e mak ohin ita bele halo Isaias (Yesaya) 41:13 sai promesa pesoal, "Tanba Hau, Nai, imi nia Maromak, kaer ita nia liman loos, no dehan ba ita, “Keta tauk, Hau mak ajuda ita.”

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Sai Maromak nia oan

Reflesaun bazeia ba Roma 8:1-17 Biblia Kadi 

Oinsá mak Ita haree Ita-nia an iha relasaun ho Maromak? Serake ita sempre sente sala? Serake ita-boot sira sempre moris iha kalohan metan sala nia laran? Roma 8:1 hatete "Nunee ema nebee iha Kristu Jesus sei la hetan kastigu".

Karik ita sente tauk no sala, ida ne'e la'ós dalan ne'ebé Maromak intende ba moris nu'udar ema kristaun. Ita mak Maromak nia oan ne'ebé Maromak hadomi tebes, no nia simu no fó kbiit ba ita tanba nia domin inkondisionál. Nia hakarak ita hetan liberdade husi sala no kondenasaun no atu hetan relasaun ne'ebé besik ho nia, besik liu fali relasaun di'ak entre inan-aman no oan. 

Iha momentu ne'ebé ita simu Jesus, ita-nia pekadu sira iha pasadu hamoos ona. Ita simu perdua kompletamente. Bareira entre Ita ho Maromak hasai tiha ona. Paulo hakerek: "Nunee ema nebee iha Kristu Jesus sei la hetan kastigu" Roma 8:1. Imi sai livre husi ukun-fuan sala no mate nian (Roma 8:2). Maski ukun-fuan ne'e di'ak, maibé la iha kbiit atu salva ita tanba ita-nia natureza sala-na'in (Roma 8:3a). Tan ne'e, Maromak haruka Jesus mate ba ita nu'udar sakrifísiu sala nian (Roma 8:3b). Jesus hasai tiha ita-nia sala hotu. 

Agora, ita bele moris iha espíritu. "Tanba agora ita lao tuir Espíritu laos tuir isin nia hakarak" Roma 8:4. Espíritu santu lidera ita atu ita la tau ita-nia hanoin ba " buat nebee isin nian. Maibee sira nebee moris tuir Espíritu hanoin deit buat nebee Espíritu nian" Roma 8:5. Ida-ne'e lori ita ba moris no dame (Roma 8:6).

Paulo la dehan katak ita sei sai ema ne'ebé perfeitu, maski ita sei hasoru nafatin sala nia limitasaun hotu, maibé ita rasik sei hetan moris tuir Maromak nia liafuan (Roma 8:10). Ida-ne'e bele akontese tanba agora Maromak nia espíritu moris iha ita (Roma 8:9).

Liután ne'e, ita bele haree ba oin kona-ba resuresaun Isin nian iha futuru. Espíritu santu ne'ebé moris iha Jesus no halo Nia moris hi'as fali, hela iha ita. Tan ne'e, ita-nia isin, hanesan Jesus, sei moris hi'as. Paulo dehan: "No se Maromak nia Espíritu nebee halo Jesus moris hias ona hosi mate mak hela mos iha imi, Nia nebee halo Kristu Jesus moris hias ona hosi mate sei halo mos imi nia isin moris hias liu hosi Ninia Espíritu nebee hela iha imi" Roma 8:11.

"Maibee ema hotu nebee simu Nia, nebee fiar ba Ninia naran, Nia foo kbiit atu sai Maromak nia oan sira. João 1:12. Ita sai Maromak nia oan, la'ós tanba ita moris hosi ita-nia inan, maibé tanba ita moris fila fali liuhosi espíritu Santu. 

Se ema Roma mak "ema Timor" husi Testamentu Foun, entaun Roma 8 mak ninia foho Ramelau no ninia tutun mak versíkulu sira ne'ebé Paulo deskrebe katak ema ne'ebé espíritu santu dirije mak Maromak nia oan (Roma 8:14-17). 

Privileju saida mak ema Kristaun hetan bainhira espíritu santu dirije?

 1.Status aas liu 

 La iha status ne'ebé aas liu fali Maromak nia oan (Roma 8:14). Tuir Roma nia lei, se ema adultu ida hakarak atu transfer ninia eransa nia bele hili oan ida, ou nia bele adopta oan hakiak ida atu simu ninia eransa. Maromak iha oan-mane ida de'it, Jesus, maibé Nia adopta oan-mane no oan-feto barak tama ba Ninia familia. La iha buat ida iha mundu ne'e ne'ebé ita bele kompara atu sai Kriador lalehan nia oan.

2. Sai belun ne'ebé besik liu.

Ita iha relasaun ne'ebé besik liu ho Maromak. Paulo hatete katak liuhusi espíritu ita hakilar "Aba, Aman" (Roma 8:15). Karik liafuan Aramaic ne'e mak liafuan primeiru ne'ebé Paulo ko'alia, no Ida ne'e hanesan nia ko'alia ba ninia aman iha mundu. Jesus uza "Aba" atu ko'alia ba Maromak molok Nia mate. Ida ne'e hatudu respeitu ne'ebé kle'an no intimidade ne'ebé besik liu. Aba ne'e iha familia karik hanesan saida mak ita bolu ita-nia aman "pai" ka "Papa". Iha parte barak iha Mediu Oriente, liafuan ne'e sira sei hanorin ba labarik sira. 

Nu'udar Maromak nia oan, ita la'ós tan atan ba ta'uk, maibé oan hakiak hosi Maromak (Roma 8:15). Ita bele hakbesik liután ba Ita-nia Aman iha lalehan. 

 3. Bele esperiénsia relasaun kle'an liu ho Maromak.

 Espiritu fó esperiénsia ne'ebé kle'an liu kona-ba Maromak. "Espíritu nee foo sasin ho ita nia espíritu, katak ita mak Maromak nia oan sira" Roma 8:16. Nune'e mós ita hakarak ita-nia oan sira atu hatene no hatudu ita-nia domin ba sira no ita-nia relasaun ho sira, tan ne'e Maromak hakarak ninia oan sira atu hetan domin no relasaun hanesan ne'e. 

 4. Hetan seguransa boot liu. 

 Atu sai Maromak nia oan-mane ka oan-feto mak seguransa boot liu hotu. Tanba se ita mak Maromak nia oan sira, " ita sei simu liman rohan hosi Maromak. No ita sei simu liman rohan nee hamutuk ho Kristu. Naran katak ita simu terus hamutuk ho Nia, atu nunee ita bele simu mos glória hamutuk ho Nia" Roma 8:17. Tuir lei Roma nian, oan hakiak ida bele hetan eransa hosi ninia Aman hakiak nia riku-soin. 

Nu'udar Maromak nia oan, ita simu liman-rohan. Buat ne'ebé diferente mak ita la simu ita-nia liman-rohan momentu ita-nia aman mate, maibé ita simu hafoin ita mate iha Kristu. Ita sei goza domin rohan-laek ho

Jesus, hodi dehan: "se ita mak oan sira, entaun ita sei simu liman rohan hosi Maromak. No ita sei simu liman rohan nee hamutuk ho Kristu" Roma 8:17a

Paulo hatutan tan katak, "...ita simu terus hamutuk ho Nia, atu nunee ita bele simu mos glória hamutuk ho Nia" Roma 8:17b. Iha ema kristaun nia moris, glória mai husi terus: "Ita la'o tuir buat ne'ebé Kristu la'o liu ona. Se ita la'o liu tempu susar ho Nia, entaun ita sei la'o liu tempu di'ak ho Nia! (Roma 8:17). Ema kristaun identifika sira-nia an ho Jesus Kristu. Ida-ne'e hamosu terus boot ba ema kristaun ohin loron. Ita sei hasoru susar balu, maibé ita-nia liman-rohan nu'udar Maromak nia oan sei barak liu fali susar hotu ne'e. 

Abba Aman, obrigadu ba privilejiu sai Ita-nia oan. Obrigadu ba Ita-Boot tanba Ita-nia espíritu ne'ebé moris iha ha'u-nia laran fó sasin ho ha'u-nia espíritu katak ha'u mak Ita-nia oan. Obrigadu tanba asegura ona ha'u-nia futuru katak ha'u bele simu liman-rohan hamutuk ho Kristu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Referensia 

Roma 8: 1-17 

1 Nunee ema nebee iha Kristu Jesus sei la hetan kastigu.

2 Tanba lei Espíritu Moris nian halo ita livre iha Kristu Jesus hosi lei sala no mate nian.

3 Tanba Maromak halo buat nebee lei la bele halo. Tanba iha ema nia isin, lei nee fraku. Maromak haruka Ninia Oan Mane ho ilas hanesan isin sala nian. No tanba sala nee, Nia foo kastigu ba sala iha isin.

4 Tanba lei dehan ita tenki iha moris loos. Entaun Nia kumpri ida nee iha ita. Tanba agora ita lao tuir Espíritu laos tuir isin.

5 Tanba sira nebee moris tuir isin hanoin deit buat nebee isin nian. Maibee sira nebee moris tuir Espíritu hanoin deit buat nebee Espíritu nian.

6 Se ita hanoin deit buat isin nian ita mate. Maibee se ita hanoin deit buat Espíritu nian ita hetan moris no dame.

7 Neon nebee hanoin deit isin sai inimigu ba Maromak. Tanba nia la halo tuir Maromak nia lei, no nia la bele duni.

8 Sira nebee iha isin laran la bele halo Maromak kontenti.

9 Imi laos iha isin laran, maibee iha Espíritu laran, se karik Maromak nia Espíritu hela iha imi nia laran. Ema nebee la iha Kristu nia Espíritu, nia laos Kristu nian.

10 No se Kristu iha imi, nunee imi nia isin mate tanba sala maibee Espíritu moris tanba hahalok loos.

11 No se Maromak nia Espíritu nebee halo Jesus moris hias ona hosi mate mak hela mos iha imi, Nia nebee halo Kristu Jesus moris hias ona hosi mate sei halo mos imi nia isin moris hias liu hosi Ninia Espíritu nebee hela iha imi.

12 Nunee, maun-alin sira, ita iha obrigasaun, laos ba isin atu moris tuir isin.

13 Tanba se imi moris tuir isin, imi sei mate. Maibee se imi hamate hahalok isin nian liu hosi Espíritu, imi sei moris.

14 Tanba ema hotu nebee lao tuir Maromak nia Espíritu mak Maromak nia oan sira.

15 Tanba imi la simu espíritu nebee halo imi sai atan hodi tauk fali. Maibee imi simu Espíritu nebee halo imi oan hodi bolu, “Apaa, Aman!”

16 Espíritu nee foo sasin ho ita nia espíritu, katak ita mak Maromak nia oan sira.

17 No se ita mak oan sira, entaun ita sei simu liman rohan hosi Maromak. No ita sei simu liman rohan nee hamutuk ho Kristu. Naran katak ita simu terus hamutuk ho Nia, atu nunee ita bele simu mos glória hamutuk ho Nia.

Read More

Ukun-Nain ba Buat hotu

O, Oh Nai, iha forsa no podér no glória no vitória no majestade. Tanba buat hotu-hotu nebee iha lalehan no mundu mak O nian. Reinu mak O nian, Oh Nai, no ami hasae O nebee ulun ba buat hotu. 1 Krónikas 29:11

Se ita haree mapa kona-ba mundu, ita bele haree nasaun oioin ne'ebé la hanesan iha área oioin. Nasaun ida-idak iha ukun-na'in ida-ne'ebé mak responsavel ba buat ne'ebé akontese iha fronteira sira-ne'e. Hahú kedas husi tempu kriasaun.mundu ne'e, ema sai nain ba porsaun rai balu ne'ebé sira hela ba.

Karik fasil atu haree mundu no hanoin katak ukun-na'in sira-ne'e mesak de'it mak kontrola buat ne'ebé akontese iha sira-nia rai. Maski nune'e, bainhira ita lee sagrada estrutura, ita haree katak maski ema ukun nasaun oioin, maibé Maromak mak ukun duni buat hotu. 

Maski ulun-nain barak mak iha kbiit atu ukun sira-nia rai no povu, maibé Maromak nia Liafuan hatete katak Maromak de'it mak iha podér loos. Nia mak kria buat hotu ne'ebé iha, tan ne'e nia mesak de'it mak boot no poderozu /kbiit boot loos. 

Buat hotu iha rai no iha lalehan mak Maromak nian, no maski buat hotu ne'ebé akontese iha mundu ne'e, Maromak sei ukun nafatin buat hotu. Maski ukun-na'in sira iha rai mak deside saida de'it, maibé ikus mai Maromak kontrola buat hotu. Tan ne'e mak Maromak merese hetan hahí no glória hotu tanba ninia kbiit boot no poderozu. 

So take some time today to think about the greatness of God who made everything that exists, and yet still desires a relationship with His people. God is not some lofty ruler who makes decisions in a far off place, but He is present in the lives of those who call Him Lord.

Tan ne'e, foti tempu balu, ohin loron, atu hanoin kona-ba Maromak nia kbiit boot ne'ebé halo buat hotu ne'ebé iha, maibé Nia sei hakarak nafatin atu iha relasaun di'ak ho ninia povu. Maromak la'ós ukun-na'in boot ida-ne'ebé foti desizaun iha fatin dook, maibé nia iha ema sira ne'ebé bolu nia Nai nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷

Read More

Ajuda iha funu hasoru sala

Bazeia ba Roma 7:7-25 BK (Biblia Kadi)

Karik Ita sente iha hahalok-aat ka sala ruma ne'ebé ita hakarak hapara ka hakotu maibé la konsege? Serake ita desidi atu hapara halo buat aat ruma, maibé kontinua halo nafatin?

Paulo hakerek: "Hau la kompriende hau nia hahalok. Tanba buat nebee hau hakarak halo, hau la halo. No buat nebee hau hakribi, ida nee mak hau halo fali. Roma 7:15 BK

Nia kontinua dehan: "Nunee hau hetan lei ida, katak bainhira hau hakarak halo buat diak, buat aat mos besik ho hau. Tanba hau kontenti ho Maromak nia lei iha hau nia laran. Maibee hau haree lei seluk iha hau nia isin nebee funu hasoru lei nebee iha hau nia neon. Lei seluk nee kastigu hau ba lei sala nian nebee hela iha hau nia isin" Roma 7:21-23 BK

Paulo hatete: Hau presiza ajuda! (Roma 7:18). Nia hakilar dehan: "Oh hau nee ema aat duni! See mak bele salva hau hosi isin mate nee? Roma 7:24

Antes iha versikulu anterior nia hatete katak "Maibee agora ita livre ona hosi lei. Ita mate ona ba buat nee, nebee kastigu ita. Nunee ita bele serví liu hosi dalan foun Espíritu nian, laos liu hosi dalan tuan surat nian, Roma 7:6. Paulo hanoin kona-ba pergunta sira ne'ebé sei mosu kona-ba buat ne'ebé nia hatete. Iha Roma 7:7 Paulo dehan "Entaun ita sei dehan saida? Lei mak sala ka? La bele! Se lei la iha karik, hau sei la hatene kona ba sala. Tanba hau sei la hatene kona ba hahalok nebee kaan se lei la dehan, “O la bele kaan” Roma 7:7

Nia hatudu katak la'ós ukun-fuan mak pekadu. Pelu kontrariu."Nunee lei mak santu, no ukun fuan mak santu, loos no diak", Roma 7:12. Ita mak sala nain. Ukunfuan hatudu ida ne'e liuhosi revelasaun saida mak pekadu no revela katak ita labele kumpri ukunfuan kompletamente. 

Pergunta tuirmai mak, se ukun-fuan mak di'ak loos, tanbasá mak ida-ne'e lidera ita ba mate? (Roma 7:13). Paulo hatete: "Lae. Ne'e la'ós ukun-fuan, maibé ita-nia sala mak lori ita ba mate. Se ema ruma hetan kondenasaun ba krime ruma, la'ós lei mak kauza pena ne'e. Maibé krime ne'e. Saida mak ukunfuan ka lei halo mak atu estabelese padraun ida. 

Iha debate barak ona kona-ba perikop Ida ne'e. Debate prinsipál mak serake Paulo ko'alia kona-ba ninia situasaun molok sai ema kristaun ka depois sai ema kristaun?. Klaru katak ida-ne'e autobiografiku ida, maibé nia mós ko'alia kona-ba kondisaun jerál ema nian ne'ebé moris iha lei nia okos. 

Karik ita presiza haree eskritura sira-ne'e ko'alia kona-ba ema kristaun ne'ebé la moris iha espíritu nia kbiit, maski sira hakarak atu halo nune'e. Ita bele lee ida-ne'e nu'udar ema nia halerik atu moris iha espíritu iha tempu ne'ebà, no ita rona fali halerik ne'e iha ema kristaun nia moris to'o tinan barak tuir mai to'o agora. 

Ita hatene katak Maromak nia ukun-fuan mak santu, loos no di'ak (Rona 7:12). Ita hatene katak ukunfuan mak espirituál (Roma 7:14). Maibé ita sempre falla atu kumpri. "Tanba ita hatene katak lei mak espíritu nian. Maibee hau mak isin nian nebee faan ona atu sala domina hau. Hau la kompriende hau nia hahalok. Tanba buat nebee hau hakarak halo, hau la halo. No buat nebee hau hakribi, ida nee mak hau halo fali. Roma 7:14-15

Diferensa entre antes no depois sai ema kristaun la'ós katak antes ne'e ha'u halo sala, no depois ne'e ha'u la iha sala ona. Lae, antes ita sai ema kristaun, pekadu mak nu'udar ita-nia karakter; tamba ne'e ita la prekupa kona-ba pekadu sira ne'e. Maibé kuandu ha'u sai ona ema kristaun, ha'u lakohi halo ida-ne'e. No Karik ha'u halo pekadu, ne'e halo ha'u sente moras no arrepende an. La'ós tanba ha'u husik ha'u-nia an monu, maibé ha'u sente moras tamba Hau la halo tuir Kristu.

Se ita boot hanesan ha'u, ita hatene di'ak funu hasoru sala ne'e. Bainhira ita funu hasoru pekadu, ida-ne'e mak hatudu katak ema kristaun ne'ebé loloos. 

Bainhira Paulo hakilar hodi husu ajuda, nia hatene ona resposta ba pergunta ne'e: "Oh hau nee ema aat duni! See mak bele salva hau hosi isin mate nee? Agradese ba Maromak, liu hosi ita nia Nai Jesus Kristu! Entaun, hau rasik serví Maromak nia lei ho hau nia neon, maibee hau serví lei sala nian ho hau nia isin. Roma 7:24-25 BK

Karik, atu komprende liafuan sira-ne'e mak ho liafuan rua tuir mai: "Hau rasik" (Roma 7:25b). Ita rasik mak atan ba pekadu nia ukun-fuan, maibé ida-ne'e la'ós istória nia rohan. Paulo kontinua ko'alia kona-ba liberdade boot ne'ebé espíritu santu lori mai ita-nia moris. 

Bainhira ha'u haree ha'u-nia an nu'udar ema kristaun ne'ebé partensi ba Kristu, ha'u hatene katak ha'u la livre atu halo sala. Bainhira ha'u haree ha'u Nia an nudar ema Kristaun iha mundu ha'u mós nafatin la livre atu halo sala. Maibé bainhira ha'u haree ha'u-nia an hanesan ema Kristaun ne'ebé hetan poder hosi Espíritu Santu, ha'u hatene katak ha'u iha liberdade atu manan pekadu 

Nai, ha'u hakilar hodi husu ajuda ba Ita. Favór ida, halo nakonu ha'u ho Ita-nia espíritu santu ohin. Ha'u presiza duni espíritu santu nia ajuda hodi hatudu ha'u-nia moris tuir ita-nia hakarak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷

Referensia 

Roma 7:7-25 BK

7 Entaun ita sei dehan saida? Lei mak sala ka? La bele! Se lei la iha karik, hau sei la hatene kona ba sala. Tanba hau sei la hatene kona ba hahalok nebee kaan se lei la dehan, “O la bele kaan.”

8 Maibee sala nee hetan oportunidade liu hosi ukun fuan no kria hahalok kaan oi-oin iha hau nia laran. Tanba bainhira lei la iha, sala mak mate.

9 Tanba uluk hau moris ketak hosi lei. Maibee bainhira ukun fuan mai, sala foin moris, no hau mate.

10 Ukun fuan nebee tuir lo-loos atu foo moris, ikus mai lori hau ba mate.

11 Tanba sala foti oportunidade hosi ukun fuan atu lohi hau. No liu hosi ukun fuan nee, sala oho hau.

12 Nunee lei mak santu, no ukun fuan mak santu, loos no diak.

13 Entaun, buat nebee diak halo hau mate ka? Lae! Maibee sala mak halo hau mate liu hosi buat nebee diak. Ida nee hatudu katak sala mak sala duni, no liu hosi ukun fuan sala sai aat tebes.

14 Tanba ita hatene katak lei mak espíritu nian. Maibee hau mak isin nian nebee faan ona atu sala domina hau.

15 Hau la kompriende hau nia hahalok. Tanba buat nebee hau hakarak halo, hau la halo. No buat nebee hau hakribi, ida nee mak hau halo fali.

16 Entaun se hau halo buat nebee hau lakohi halo, hau konkorda katak lei mak diak.

17 Agora, laos tan hau mak halo ida nee, maibee sala nebee hela iha hau nia laran mak halo ida nee.

18 Tanba Hau hatene katak la iha buat diak ida nebee hela iha hau, katak iha hau nia isin. Tanba hau hakarak halo buat diak, maibee hau la konsege atu halo ida nee.

19 Tanba buat diak nebee hau hakarak halo, hau la halo. Maibee buat aat nebee hau lakohi halo, ida nee mak hau halo beibeik.

20 Se hau halo buat nebee hau lakohi halo, entaun ida nee laos hau mak halo, maibee sala nebee hela iha hau nia laran.

21 Nunee hau hetan lei ida, katak bainhira hau hakarak halo buat diak, buat aat mos besik ho hau.

22 Tanba hau kontenti ho Maromak nia lei iha hau nia laran.

23 Maibee hau haree lei seluk iha hau nia isin nebee funu hasoru lei nebee iha hau nia neon. Lei seluk nee kastigu hau ba lei sala nian nebee hela iha hau nia isin.

24 Oh hau nee ema terus duni! See mak salva hau hosi isin mate nee?

25 Agradese ba Maromak, liu hosi ita nia Nai Jesus Kristu! Entaun, hau rasik serví Maromak nia lei ho hau nia neon, maibee hau serví lei sala nian ho hau nia isin.

Read More

Aprende oinsá atu halo funu di'ak fé nian

Luta iha funu diak atu defende fiar. Kaer metin ba moris rohan laek. Maromak bolu ona o ba moris nee no o mos foo sai ona testemunha diak nee iha sasin barak nia oin. 1 Timóteo 6:12

Bainhira ita sai ema kristaun no fiar ba Jesus pela primeira vez, ita komesa halo viajen ba fiar nian. Ita kompromete atu sai Jesus nia dixipulu, ne'ebé halo tuir ninia mandamentu sira, no tau fiar ba Nia. 

Apóstolu Paulo fó instrusaun ba Timoteo, enkoraje nia atu halo funu fé nian ne'ebé di'ak. Ida-ne'e hatudu katak viajen fiar nian dala barak hasoru difikuldade sira. Dala ruma ida ne'e halo baralla, susar, no nakdedar. Paulo nia liafuan fó-hanoin katak dala barak fiar ne'e hanesan funu ida. 

Maibé, duke funu hasoru ema, viajen fé ida ne'e mak atu halo funu ba buat ne'ebé di'ak, furak no fidelidade. Maibé ita mós funu hasoru ita-nia natureza humanu rasik, nomos hasoru Maromak nia inimigu sira iha mundu espirituál. 

Dala barak funu ne'e haree hanesan foti desizaun ne'ebé loos maski desizaun ne'e la fasil. Ida-ne'e bele hatudu katak ita hili atu halo di'ak bainhira ita hakarak halo aat. Ida-ne'e bele hatudu katak ita hili domin bainhira fasil liu atu hanoin an de'it. 

Funu ne'ebé di'ak signifika mantein fiél ba Jesus iha ita-nia moris tomak. Ita hetan xamada ba moris foun iha Kristu no mantein fiél ba Maromak 

Entaun, oinsá mak ita bele mantein fiél nafatin? Dalan ida-ne'ebé ita bele haburas fidelidade mak lee Maromak nia Liafuan loroloron. Kuandu ita regularmente gasta tempu beibeik hamutuk ho Maromak Kada loron, ita komesa hadomi buat ne'ebé Maromak hadomi, no odi buat ne'ebé Nia odi. 

Maibé bainhira ita buka Maromak iha dalan hanesan ne'e, importante mós atu iha relasaun di'ak ho ema ne'ebé bele fó korajen ba ita. Iha ema nain-rua ka tolu ne'ebé bele ajuda ita atu tau matan ba ita-nia responsabilidade mak parte importante ida husi ita-nia fiar. 

Bainhira ita konsidera pasu saida mak ita tenke halo atu halo funu Ida ne'ebé di'ak, hanoin ba katak, ita la mesak de'it. Maromak ho ita. kuandu ita hakbesik ba nia, nia sei fó kbiit ba ita atu halo ita-nia viajen fiar nian hotu ho didi'ak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More

Haketak loron sábado

Hanoin no halo santu loron Sabdu. Exodu 20:8

Iha língua modernu, "santu" dala barak signifika relijiaozu ka espirituál. Maibé iha Biblia, "santu" katak "haketak". Ne'e signifika buat ne'ebé uniku la hanesan ho buat seluk. 

Maromak Israel la hanesan ho maromak sira hosi nasaun seluk. Na'i mak santu no Nia hakarak ninia povu mós sai ema ne'ebé la hanesan ka santu. 

Buat balu ne'ebé hatudu katak ema Izrael nia hahalok la hanesan mak relijiaun no espirituál. Sira hasa'e sakrifísiu iha maneira balu no fó matadalan oioin kona-ba oinsá amlulik sira, halo adorasaun, no halo serbisu iha templu. Hahalok seluk ne'ebé haketak ema Izrael envolve buat sira hanesan hahán, hatais, no sira-nia kalendáriu semanal. Hahalok no toman sira-ne'e atu hatudu katak sira la hanesan duni, tanba sira mak Maromak nian.

Ukun-fuan haat ne'ebé fó ba ema Izrael mak atu "hanoin no hasantu loron Sabadu" no Ida ne'e hanesan sinal ka ezemplu ida ba ema Israel sira kona-ba saida mak Maromak halo desde Kriasaun (Jenesis 2:1-3). Hanesan ita-nia Kriador santu ne'ebé halo serbisu durante loron neen no deskansa iha loron hitu, Nia mós bolu ninia povu santu sira atu halo hanesan ne'e. 

Saida mak santu kona-ba loron Sabadu? Loron ne'e la hanesan ho loron sira seluk iha semana laran. Maromak hakarak indika loron Ida iha semana ida nia laran atu ita observa no sente la hanesan.

Nu'udar ema ne'ebé partensi ba Maromak, ita bele haksolok tanba nia hili loron balu nu'udar loron ne'ebé di'ak atu serbisu, no tuirmai loron sábado haketak atu halo reflesaun no refreshments. 

Hanoin katak Maromak kria tempu espesiál atu deskansa, no haketak tempu sira-ne'e.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More

Serbí Maromak

 Bazeia ba Roma 6:15-7:6 

Iha komboiu ida ne'ebé dezeña Thomas iha nia sorin (iha cartoon labarik nian), no nia (Thomas) monu sai hosi rel ka dalan komboiu nian. Nia hakilar dehan: Hau livre! Finalmente ha'u livre!. Ha'u monu sai tiha ona husi dalan no ha'u livre! Mesmu Thomas sente livre bainhira monu saihosi ninia dalan, klaru katak Thomas livre liu bainhira ninia roda sira halai iha rel ka dalan komboiu nian no komboiu ne'e ema kria atu funsiona ho di'ak bainhira la'o tuir ninia dalan. 

Nune'e mós ho ita. Dalaruma ita hanoin katak ita sei livre liu karik, la iha ema ida mak fó-hatene ba ita saida mak ita tenke halo. Ida ne'e realidade ne'ebé ita sente, Ita hanoin katak ita libre liu bainhira ita la presiza obedese ba Maromak Ninia mandamentu sira. Ita hanoin ita goza hela ita-nia liberdade maibé ita la sente katak ita sai atan hela ba pekadu, tanba ita sai atan ba sala - ida-ne'e lori ita ba "mate" (Roma 6:21).

Ema hatete katak ezersísiu ida ne'ebé ema balu halo mak haksoit ba konkluzaun ne'ebé sala. Apóstolu Paulo prekupa karik ninia lee-na'in sira sei haksoit ba konkluzaun ne'ebé sala - ne'ebé hanorin katak la problema bainhira ita kontinua halo sala. Nia hakerek "Entaun saida? Ita sei halo sala tanba ita laos iha lei nia okos maibee ita iha grasa nia okos ka? La bele!" Roma 6:15

 Serteza ba perdaun, ne'e la'ós razaun atu kontinua halo sala. Grasa la'ós razaun atu sai ba halo sala. Absurdu ka estrañu ba ita hafoin hatene lialoos, kontinua halo sala ho razaun rua:

1. Nai foun 

Nu'udar ema kristaun, ita iha Nai foun ida. Agora ita serbí Maromak, ida-ne'ebé ninia mandamentu mak fó liberdade ba imi atu moris ho livre! (Roma 6:17). Gosta ka la gosta, ita hotu atan ba buat ida. Pekadu hanesan forma atan ida ne'ebé lori ita ba mate, maibé serbi Maromak Lori liberdade ne'ebé perfeitu. "Tanba Maromak nia prezenti mak moris rohan laek iha ita nia Nai Kristu Jesus. Roma 6:23

Maromak mak ita-nia Nai foun. Bainhira ita halo sala, ita sei kontra ojetivu hosi grasa Maromak nian, ne'ebé fó moris ne'ebé loos, moris rohan-laek. Kuandu ita hetan tentasaun, hanoin ba katak ita la presiza rende an. Ita la'ós tan atan ba sala. Ita libremente bele dehan lae ba pekadu. 

Hanoin mós kona-ba kolen ka premiu hosi obedese ba Maromak. Bainhira serbí Maromak " rezultadu nebee imi hetan mak moris santu. No ikus mai, ida nee lori imi ba moris rohan laek, Roma 6:22

 2. Domin foun 

Hanesan estrañu ba ita atu kontinua halo sala tamba ita iha Na'i foun, ita mós iha Domin foun.

Paulo ko'alia kona-ba aspeitu ida kona-ba kazamentu nian. Feto ida sai livre husi lei kaben nian bainhira nia la'en mate. Mate hasai ita husi ukun-fuan (Roma 7: 1-6). 

Hanesan ne'e mós, ita nu'udar ema kristaun mate ona ba sala la bele moris iha pekadu nia laran tan.

Nai, obrigadu ba Ita-Boot tanba serbí Ita mak bele fo liberdade ne'ebé perfeitu. Ohin ha'u hasa'e ha'u-nia isin tomak nu'udar atan ba lia-loos (Roma 6:19). Ha'u hakarak serbí Maromak, ha'u-nia Nai, no ha'u-nia domin, liuhusi espíritu santu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Referensia 

Roma 6:15-7:6

15 Entaun saida? Ita sei halo sala tanba ita laos iha lei nia okos maibee ita iha grasa nia okos ka? La bele!

16 Imi hatene ka lae, katak bainhira imi entrega aan nudar atan ba ema ida atu halo tuir nia, imi sai atan ba nia? Se imi sai atan ba sala, ikus mai imi mate. Se imi sai atan atu halo tuir buat nebee loos, ikus mai imi hetan moris loos.

17 Maibee agradese ba Maromak. Tanba uluk imi atan ba sala, maibee agora ho imi nia fuan laran, imi halo tuir hanorin loos nebee imi simu tiha ona.

18 Tanba imi sai livre ona hosi sala, nunee imi sai fali atan ba moris loos.

19 Hau koalia tuir buat nebee ema hatene, tanba imi nia isin fraku. Uluk imi entrega imi nia isin nudar atan ba buat nebee foer no hahalok nebee kontra lei. No ida nee halo imi kontra lei barak liu tan. Maibee agora imi tenki entrega imi nia isin nudar atan ba moris loos. No ida nee sei halo imi santu.

20 Tanba bainhira imi atan ba sala, imi livre hosi moris loos.

21 Maibee iha tempu nebaa, imi hetan rezultadu saida hosi hahalok nee, nebee agora halo imi moe? Tanba ikus mai, buat sira nee lori imi ba mate.

22 Maibee agora imi sai livre ona hosi sala, no imi sai atan ba Maromak. No rezultadu nebee imi hetan mak moris santu. No ikus mai, ida nee lori imi ba moris rohan laek.

23 Tanba sala nia kolen mak mate, maibee Maromak nia prezenti mak moris rohan laek iha ita nia Nai Kristu Jesus.

Roma 7:1-6

1 Maun-alin sira, hau koalia ba imi nebee hatene lei. Imi hatene ka lae, katak lei domina deit ema bainhira nia moris hela?

2 Tanba lei kesi feen hamutuk ho ninia laen bainhira laen nee moris hela. Maibee se nia laen mate, feto nee sai livre ona hosi lei kona ba ninia laen.

3 Nunee se laen moris hela no feto nee baa hela hamutuk ho mane seluk, ema sei bolu nia feto nebee halo sala adultériu. Maibee se ninia laen mate ona, nia livre hosi lei nee. Nunee se nia kaben fali ho mane seluk, nia laos feto nebee halo sala adultériu.

4 Hanesan nee, hau nia maun-alin sira, imi mos mate ona ba lei liu hosi Kristu nia isin. Nunee imi sai Ninian, nebee moris hias ona hosi mate, atu nunee ita bele foo fuan ba Maromak.

5 Tanba bainhira ita moris iha ita nia isin, ita hakarak halo sala, nebee liu hosi lei. No ida nee lori ita nia isin lolon atu foo fuan ba mate.

6 Maibee agora ita livre ona hosi lei. Ita mate ona ba buat nee, nebee kastigu ita. Nunee ita bele serví liu hosi dalan foun Espíritu nian, laos liu hosi dalan tuan surat nian.

Read More

Saida mak akontese bainhira ema nain 2 ka 3 halo orasaun?

 Tanba iha fatin naran deit nebee ema nain rua ka tolu halibur hamutuk hodi Hau nia naran, Hau mos iha sira nia leet. Mateus 18:20 BK

Versikulu ida ne'e mak versikulu ida-ne'ebé famozu no dala barak ema sita ka ko'alia. Tuir Jesus nia promesa simples ne'e, ita bele aprende kona-ba saida mak Maromak Aman sei halo ba sira kuandu sira nain-rua ka tolu konkorda hodi halo orasaun kona-ba tópiku ida (Mateus 18: 15-19). 

Tan ne'e, Jesus hatutan tan razaun ne'ebé Aman sei halo buat ne'ebé Jesus nia dixipulu nain-rua ka tolu husu. Xave la'ós sira-nia kbiit pesoál ka meritu. Ne'e tanba kuandu sira nain-rua ka tolu halibur hamutuk hodi Jesus nia naran, Jesus hamutuk ho sira. 

Ne'e mak promesa Jesus nian ba ba loron sira tuir mai depois Jesus fila fali ba lalehan. Ida ne'e hanesan garantia ida katak Iha dalan balu, Maromak sei hamriik iha sira-nia leet. Eskritura ne'e mós esplika tanbasá mak Maromak, Aman, sei fó buat sira-ne'e ba ninia dixipulu sira. Ne'e sei akontese tanba Jesus iha fatin hotu, tan ne'e nia hamutuk ho sira. 

Versikulu ida-ne'e fó kmaan ba Jesus nia dixipulu sira tanba sira hanoin oinsá atu hala'o knaar todan sira-ne'e. Ita mós iha responsabilidade atu halo desizaun ne'ebé loos kona-ba saida mak ita tenke husu ba Aman. Ita tenke husu buat saida de'it mak tuir Aman Ninia hakarak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷

Referensia

Mateus 18:15-19

15 No mos se o nia maluk halo sala hasoru o, baa no foo hatene ba nia kona ba ninia sala. Koalia ho nia mes-mesak. Se nia rona ba o, entaun o hetan fali o nia maluk.

16 Maibee se nia la rona ba o, entaun lori ema ida ka rua tan. Nunee liu hosi sasin nain rua ka tolu nia liafuan, ita bele estabelese asuntu hotu.

17 No se nia lakohi rona sira, foo hatene ba igreja. Maibee se nia lakohi rona igreja, haree nia nudar ema Jentiu ida no kobradór impostu.

18 Tebes Hau dehan ba imi, buat hotu nebee imi kesi iha mundu, kesi ona iha lalehan. No buat hotu nebee imi kore iha mundu, kore ona iha lalehan.

19 Hau dehan mos ba imi, se ema nain rua iha mundu nee husu buat saida deit ho lian ida, nunee Hau nia Aman iha lalehan sei halo buat nee.

20 Tanba iha fatin naran deit nebee ema nain rua ka tolu halibur hamutuk hodi Hau nia naran, Hau mos iha sira nia leet.

Read More

Liberdade foun

Reflesaun Roma 6: 1-14 

Iha ema Ida naran Rasputin (Monk/monge hosi Russia) hanorin ba ninia dixipulu sira katak depois de sira-nia konversaun, sira tenke ba halo sala barak liutan, atu nune'e bainhira Maromak perdua sira-nia pekadu, sira bele sente Maromak nia domin boot liutan. Nia la komprende katak grasa ne'e la'ós razaun atu halo sala. Maibé ne'e mak razaun atu labele halo sala. 

Paulo ko'alia kona-ba problema ne'e, nia husu karik grasa bele rezolve ita-nia pekadu hotu, bainhira pekadu aumenta, grasa mos aumenta liutan, serake ita " kontinua halo sala atu nune'e Maromak kontinua perdua? (Roma 6:1). Nia hatán: "La bele! Oinsaa ita nebee mate ona ba sala, bele moris fali iha sala laran? Roma 6:2

Agora ita livre ona, ita iha mudansa radikál iha ita-nia atitude ba pekadu. Oinsá mak ita ne'ebé halo mudansa radikál - diferensa entre moris no mate - sei hakarak moris iha sala? Uluk, iha tempu pasadu, ita sai atan ba pekadu liuhosi obedese ba ninia mandamentu sira, maibee agora ita livre. 

Iha lisaun ne'e, iha "tenses" salvasaun tolu: 

 1. Past tense: You HAVE BEEN saved from the PENALTY of sin ( Ita hetan ona salvasaun husi kastigu sala).

Paulo hakerek uza "past tense" "Ita hatene katak ita nia aan tuan nee ita prega ona ba krús hamutuk ho Nia, atu nunee ita nia isin sala nian la iha ona. No hosi tempu nee ba oin ita la sai atan ba sala. Tanba ema nebee mate tiha ona mak livre ona hosi sala" Roma 6:6-7

 Liuhusi Jesus nia mate iha kruz ba ita-nia sala, ita-nia pekadu uluk hetan perdua ona. Ita-nia pekadu hasai ona. Bainhira ita simu Jesus hanesan ita-nia Salvador no arepende, ita-nia pekadu sira Jesus selu ona. Ita hetan liberdade ona. 

 2. Future tense (You WILL BE saved from sin). Ita sei hetan salvasaun husi sala ne'ebé mosu iha futuru 

Paulo hakerek: "Tanba se ita ida deit ho Nia iha mate hanesan Ninian, ita sei ida deit ho Nia hodi sai moris hias hanesan Nia" Roma 6:5

Ita-nia salvasaun seidauk kompletu. Iha "future tense" ba salvasaun. Loron ida iha futuru ita sei sai ida de'it ho nia iha ninia moris-hias, no iha tempu ne'ebà ita sei sai livre ba nafatin husi sala, no ita sei haksolok iha Maromak Ninia prezensa ba nafatin. 

 3. "Present tense" 

Ita hetan salvasaun husi sala nia kbiit 

Paulo hakerek: Ita mate ona ba sala no moris ba Maromak.Ne'e mak buat ne'ebé Jesus halo. 

Ne'e signifika katak imi labele vota ba sala iha ita-nia dalan moris nian. Keta fó biban ba pekadu. La bele halo buat ne'ebé iha relasaun ho hahalok pekadu uluk nian. Fo imi-nia an ho laran tomak no tempu tomak ba Maromak - hanoin katak imi moris hi'as ona husi mate! - no moris ba Maromak Nia dalan (Roma 6:11-14). 

Jesus halo imi livre ona, la'ós de'it husi sala, maibé mós husi ninia kbiit atu halo sala. Ita la presiza halo tan sala - pekadu labele sai ita-nia mestri (Roma 6:14). Ita tenke konta ita-nia an mate ba sala no moris ba Maromak. Ita la presiza halo tuir sala nia hakarak. Ne'e mak "present tense" hosi salvasaun. Ita sai livre husi sala nia kbiit bainhira ita hasa'e ita-nia isin ba Jesus nu'udar instrumentu ba moris loos tuir Maromak.

Nai, obrigadu ba Ita-boot tanba fó liberdade mai ha'u atu hetan moris foun. Ohin ha'u hasa'e ha'u-nia isin-lolon ba ita no harohan ita halo ha'u sai nu'udar instrumentu moris loos nian.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Referensia

Roma 6:1-14

1 Entaun ita sei dehan saida? Ita sei kontinua halo sala hodi grasa sei aumenta barak?

2 La bele! Oinsaa ita nebee mate ona kona ba sala, bele moris hias iha sala?

3 Imi hatene ka lae, katak ita hotu nebee simu ona batizmu iha Jesus Kristu nee simu batizmu iha Ninia mate?

4 Ida nee hakoi tiha ona ita ho Nia liu hosi batizmu iha mate, atu nunee, hanesan Kristu moris hias ona hosi mate liu hosi Aman nia glória, ita mos sei lao iha moris foun.

5 Tanba se ita ida deit ho Nia iha mate hanesan Ninian, ita sei ida deit ho Nia hodi sai moris hias hanesan Nia.

6 Ita hatene katak ita nia aan tuan nee ita prega ona ba krús hamutuk ho Nia, atu nunee ita nia isin sala nian la iha ona. No hosi tempu nee ba oin ita la sai atan ba sala.

7 Tanba ema nebee mate tiha ona mak livre ona hosi sala.

8 Agora, se ita mate ona ho Kristu, ita fiar katak ita mos sei moris hamutuk ho Nia.

9 Ita hatene katak Kristu, nebee moris hias ona hosi mate, sei nunka mate fali. Mate la ukun ona Nia.

10 Tanba bainhira Nia mate nee, Nia mate ba sala, dala ida nee hotu ona. Maibee Ninia moris nebee Nia halao nee, Nia moris ba Maromak.

11 Nunee mos imi tenki haree imi nia aan hanesan nee: imi mate ona ba sala, maibee imi moris ba Maromak liu hosi Jesus Kristu.

12 Tanba nee, keta husik sala ukun iha imi nia isin nebee sei mate, atu nunee imi la halo tuir buat nebee imi nia isin kaan.

13 Keta entrega imi nia isin ba sala nudar alat ruma hodi halao hahalok la loos. Maibee entrega imi nia aan ba Maromak, hanesan ema nebee moris hias ona hosi mate. No entrega imi nia isin ba Maromak nudar alat ruma hodi halao hahalok loos.

14 Sala sei la ukun tan imi. Tanba imi laos iha lei nia okos, maibee imi iha grasa nia okos.

Read More

Vitória iha Kristu

Nunee, hau nia maun-alin doben sira, hamriik metin ba, keta nakdoko, no sai badinas nafatin atu halo Nai nia servisu. Tanba ita hatene katak ita nia servisu iha Nai nee la saugati. 1 Korinto 15:58

Jesus nia mate no moris-hias mak buat ne'ebé importante liu iha fiar Kristaun nian. Tanba Jesus mak ita hetan prezente salvasaun gratuita. Jesus nia mate la'ós de'it hadi' buat hotu ne'ebé sala, maibé ne'e mós fó oportunidade ba ita atu iha relasaun di'ak ho Maromak. 

Maibé, iha mós benefisiu barak hosi Jesus Ninia mate no moris hi'as fali. Iha 1 Korinto 15, apóstolu Paulo ko'alia kona-ba vitoria liuhusi Jesus Kristu. 

Eskritura hatete katak Jesus nia mate la'ós de'it rezolve ita-nia sala, maibé nia mós manán sala nia kbiit. Ne'e katak ita bele esperiensia moris ne'ebé nakonu hosi poder espíritu santu nia. 

Jesus Ninia mate no moris-hias mós halakon konsekuensia hosi ita-nia pekadu, ne'e mak mate. Ita la presiza tan ta'uk mate tanba Jesus iha kbiit atu ukun mate. Nia fila fali husi mate, no agora nia fó moris rohan-laek no moris abundansia ba sira ne'ebé fiar ba Nia. 

Tan ne'e mak Paulo enkoraje ba ninia lee-na'in sira atu hamriik metin iha sira-nia fiar. Jesus manán ona vitória, no nu'udar ema kristaun ita mós hola parte ba vitoria ne'e. La iha buat ida mak bele halakon Maromak nia domin. La iha buat ida mak bele separa ita husi Ninia planu salvasaun. 

Maski nune'e, Paulo enkoraje ita atu kontinua halo serbisu Maromak nian, tanba serbisu ba Maromak sei la saugati de'it tanba Jesus hetan ona vitoria, serbisu hotu ne'ebé halo hodi Ninia naran sei lori mós vitoria. 

So what is the work of the Lord? It is continuing to share the hope and love of Jesus with other people. It is loving God and loving others. All of us have areas of ministry, whether in our homes, neighborhoods, or workplaces. And because Jesus is victorious, we should be confident in pursuing the work God has given us. 

Entaun, saida mak Nai Nia serbisu? Na'i Nia serbisu mak ne'e: Ita kontinua fahe Jesus nia esperansa no domin ba ema seluk. Ne'e mak hadomi ba Maromak no hadomi ba ema seluk. Ita hotu iha fatin haklaken nian, maski iha ita-nia uma, iha ita-nia viziñu, ka iha fatin servisu. No tanba Jesus manán, ita tenke konfia an halo serbisu ne'ebé Maromak fó mai ita. 

Tan ne'e, mai ita hatudu domin ba ema seluk iha ita-nia moris. Keta moe atu fahe ninia liafuan di'ak ba ema seluk.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More

Grasa ne'ebé ita simu

Reflesaun Roma 5: 12-21 

Oinsá mak Ita haree Ita-nia an? Saida mak ita bele fiar ba ita-nia an rasik? Tuir Ita-nia hanoin, oinsá mak Maromak haree Ita? Tuir Ita-nia hanoin, nia sente oinsá kona-ba Ita? 

Grasa signifika Maromak haree ita nu'udar ema loos (Roma 5:19). Moris loos husi Maromak mak prezente gratuita ne'ebé ita simu liuhosi grasa Maromak nian. Kompara Ita-nia pekadu ho grasa , grasa boot Liu. "Agora, lei tama hodi aumenta sala nebee hasoru lei. Maibee bainhira sala aumenta barak, grasa aumenta barak liu tan. Nunee hanesan sala ukun iha mate, grasa mos ukun liu hosi moris loos. No moris loos nee lori ita ba moris rohan laek liu hosi Jesus Kristu, ita nia Nai. Roma 5:20-21 BK

Paulo komesa hatudu liután milagre grasa nian sira. Nia hatudu natureza rua: Adao no Kristu. Naturalmente, ita hotu hola parte ba Adão ninia natureza. Pekadu, mate no separasaun hosi Maromak tama ba mundu liuhosi Adão (Roma 5:12-14).

Maski nune'e, Paulo mós esplika kona-ba natureza foun ne'ebé Jesus Lori mai mundu liuhosi Jesus ninia mate no moris-hias. Buat ne'ebé furak liu mak ita bele transfer husi natureza Adao nian ba Jesus nia natureza, simplesmente liuhosi aseita Maromak Nia grasa ne'ebé disponivél liuhosi Jesus.

Paulo komesa kompara mate ne'ebé maihosi Adão ho moris ne'ebé maihosi Jesus Kristu, maibé ninia pontu xave mak " prezente ne'e la hanesan ho pekadu (Roma 5:15). Ikusmai, ita bele kompara de'it sira tanba prezente moris nian mak boot liu fali pekadu ne'ebé ema halo. 

Similaridade entre sira nain-rua mak sira afeta ema barak. Ita-nia desizaun atu halo tuir ka la halo tuir, la'ós de'it afeta ita, maibé mós ema seluk. Tanba Adão nia sala, ema barak mate. Maibé Jesus Ninia obedese halo ema barak bele asesu ba grasa atu moris loos tuir Maromak. No prezente ne'ebé ita simu la hanesan ho pekadu. "No prezenti gratuita nee la hanesan ho rezultadu hosi ema ida nia sala. Tanba julgamentu ba sala ida lori kastigu" Roma 5:16

Tanba Adao nia sala, mate mak ukun. Maibé Jesus Kristu, muda ona prosesu atu fó justisa nu'udar prezente ne'ebé livre no fó dalan ba ita bele hamriik ho Maromak nia grasa. Agora, duke mate mak ukun, ita ukun iha moris (Roma 5:17). 

Adao nia sala signifika katak ita hotu hetan kastigu. Jesus nia hahalok loos iha kruz, halo Maromak bele konta ita hanesan ema loos no fó moris ba ita. Jesus nia hahalok loos lori ita ba hahalok loos. "Bainhira ema ida la halo tuir, ema barak sai sala nain; nunee mos bainhira Ema Ida halo tuir, ema barak hetan moris loos, Roma 5:19

Liuhusi Jesus nia mate iha kruz, nia halo Maromak nia grasa no ninia prezente posivél (Roma 5:15). Rezultadu hosi pekadu mak julgamentu no kondenasaun (Roma 5:16). Se ita sadere ba justisa no justisa mesak de'it, ne'e mak buat ne'ebé ita merese simu. Maibé tanba Jesus mate iha ita-nia fatin, ita bele simu prezente moris loos iha Maromak.

Maromak ne'e justu. Maromak iha grasa ne'ebé justu. Jesus halo grasa ne'e posivél no fo prezente moris loos (Roma 5:17). Ita simu moris loos hosi Maromak ne'ebé lori moris ba ita (Roma 5:18). Maromak halo ita sai ema loos (Roma 5:19). Ita simu moris rohan-laek liuhusi Jesus Kristu, ita Nai (Roma 5:21). 

Buat hotu ne'e liuhusi grasa (Roma 5:15,17,20-21). Biarba lia-loos sira-ne'e mout kle'an tama iha ita-nia laran. Haree ita-nia an hanesan Maromak haree ita - moris loos iha Maromak Nia oin no fiar katak, tanba buat ne'ebé Jesus halo ona ba ita, kuandu Maromak hateke ba ita, nia kontente ho ita. 

Nai, obrigadu barak ba Jesus ne'ebé mate iha ha'u-nia fatin. Obrigadu, tamba maski ha'u merese hetan julgamentu no kondenasaun maibé Maromak fo salvasaun no grasa hanesan prezente gratuita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Referensia 

Roma 5:12-21

12 Nee duni, sala tama iha mundu liu hosi ema ida, no ema nee mate tanba sala. Nunee ema hotu mate tanba ema hotu sala.

13 Sala tama ona iha mundu molok lei mai, maibee ita la sura sala bainhira lei la iha.

14 Maski nunee, mate ukun hosi Adão too Moisés, inklui mos ba sira nebee halo sala nebee la hanesan Adão nia sala. Adão mak ilas ba Ida nebee atu mai.

15 Maibee prezenti gratis la hanesan ho sala nee. Tanba liu hosi ema ida nia sala ema barak mate. Maibee liu tan nee, Maromak nia grasa no prezenti gratis nebee mai liu hosi grasa hosi Ema Ida, Jesus Kristu, sei fahe res-resin ba ema barak.

16 No prezenti gratis nee la hanesan ho rezultadu hosi ema ida nia sala. Tanba julgamentu nebee tuir sala ida nee lori kastigu, maibee prezenti gratis nebee tuir sala barak lori laran loos.

17 Tanba liu hosi ema ida nia sala, mate ukun liu hosi ema ida nee. Maibee oinsaa liu tan ba sira nebee simu grasa res-resin, no prezenti gratis nebee moris loos, sei ukun iha moris liu hosi Ema Ida, Jesus Kristu.

18 Nee duni, hanesan sala ida lori kastigu ba ema hotu, nunee hahalok loos ida lori laran loos no moris ba ema hotu.

19 Bainhira ema ida la halo tuir, ema barak sai sala nain; nunee mos bainhira Ema Ida halo tuir, ema barak hetan moris loos.

20 Agora, lei tama hodi aumenta sala nebee hasoru lei. Maibee bainhira sala aumenta barak, grasa aumenta barak liu tan.

21 Nunee hanesan sala ukun iha mate, grasa mos ukun liu hosi moris loos. No moris loos nee lori ita ba moris rohan laek liu hosi Jesus Kristu, ita nia Nai.

Read More

Haree Maromak ohin

No Jesus dehan ba mane nee, “O haree tiha ona Nia, no Nia mak koalia dadaun ho o.” Mane nee dehan, “Nai, hau fiar.” No mane nee adora Nia. João 9:37-38

Karik Ita sente hanesan Ita la bele haree Maromak ka lae? Iha Joao 9, ata hasoru mane ida-ne'ebé moris matan-delek. Bainhira ema seluk haree Jesus nia milagre sira, haree Nia lao tuir Nia, mane ne'e la haree buat ida, to'o Jesus kaer ninia matan no loke sira. Kuandu milagre ne'e mosu, ulun-nain relijiaun sira husu nia. Nia la moe, nia fó sai lia-loos kona-ba se mak kura nia. Ulun-nain relijiaun sira la gosta ida-ne'e, no sira soe nia sai. 

Maibé mane ne'e nia viajen hamutuk ho Jesus la to'o iha ne'e de'it. Depois rona tiha katak ulun-nain relijiaun sira soe tiha nia, Jesus buka nia no husu nia: "ó fiar ba Oan-Mane husi Ema ka lae?" (João 9:35). Liafuan ne'ebé uza nu'udar naran ba Mesias, mane ne'e husu ba Jesus se mak Oan-Mane husi Ema. Jesus hatete: "ó haree ona nia, no nia mak ko'alia ba ó." 

Jesus hatete ba mane ne'e katak nia rasik mak Mesias. Liuhusi milagre ida-ne'ebé kmanek, mane ne'e la lakon ona tanba matan-delek. Nia la'ós de'it haree mundu ne'ebé hale'u nia, maibé nia haree Mesias rasik. 

Iha tempu balu iha ita-nia moris, ita hotu matan-delek. Karik ita la bele haree ho ita-nia matan. Karik ita la'o hamutuk ho Maromak, maibé ita haka'as an atu haree ninia liman iha ita-nia moris loroloron nian. Ka karik ita seidauk la'o ho Maromak, tan ne'e ita moris iha nakukun laran. Istória ne'e hatudu mai ita oinsá Jesus hakarak loke ita-nia matan. Nia hakarak ajuda ita atu haree. 

Dala barak, ita-nia transformasaun depende ba buat ne'ebé ita haree. Kuandu ita loke Maromak nia Liafuan, ita bele haree Jesus. Hodi hateke loloos ba Jesus, ida-ne'e sei transforma ita hotu. Hanesan mane ne'ebé haree ona, ita mós bele hatudu katak Maromak nia liman mak kura ita-nia moris. 

Lia-foun boot? Jesus investe ona iha ita-nia transformasaun. 

Loron-loron, tau matan ba Nia. Maromak fiél atu hatudu Ninia an ba ita. Se ita buka Nia, ita sei hetan Nia.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Read More