Husik ita nia fuan laran sai perfeitu nafatin iha Nai, ita nia Maromak, hodi tuir Ninia estatutu sira no kaer Ninia ukun fuan sira hanesan ohin loron. 1 Liurai 8:61 BK
Libru 1 Liurai 8, esplika kona-ba momentu importante ida iha Izrael nia istória. Liurai Salomão remata ona harii Nai Nia templu. Povu halibur hamutuk, sira hasa'e sakrifísiu, no liurai Salomão halo orasaun ba Maromak. Nia agradese ba Maromak tanba Nia kumpre Ninia promesa sira no husu nia atu fó perdua, dirije no proteje Ninia povu. Iha tempu espesiál ne'e nia rohan, Salomão ko'alia ba povu no fó sai mensajen ne'ebé klaru ba sira: sira-nia laran tenke komprometidu totalmente ba Maromak
Komprometidu totalmente ba Maromak signifika halo tuir Maromak ho ita-nia laran tomak, la'ós de'it sorin balu. Maromak lakohi ita atu la'o tuir Nia iha loron Sabadu de'it ka iha tempu ne'ebé fasil iha ita-nia moris de'it. Nia hakarak ita atu la'o hamutuk ho Nia loroloron - iha ita-nia uma, serbisu fatin, eskola, no iha ita-nia hanoin sira. Liurai Salomão fó konsellu ba povu atu halo tuir Maromak nlNia hanorin, la'ós tanba obrigasaun, maibé tanba sira hadomi Nia.
Iha kontestu versíkulu ne'e, Maromak hatudu ona Ninia fidelidade liuhosi kumpre Ninia promesa sira. Nia lori ema Izrael sai husi rai-Ejitu, proteje sira, no ajuda sira manán funu hasoru sira-nia inimigu. Sira-nia obedese ne'e hanesan resposta ida ba Maromak Nia hahalok-di'ak sira. Nune'e mós ho ita, ita-nia komitmentu ba Maromak tenke maihusi ita-nia agradesementu ba buat di'ak sira ne'ebé Maromak halo ona ba ita liuhusi Jesus.
Laran neʼebé komprometidu totalmente ba Maromak la signifika katak ita ema ne'ebé perfeitu. Maibé ne'e signifika kuandu ita monu, ita hadér fali no nafatin fila fali ba Maromak. Ita halo orasaun, lee Ninia Liafuan, no hili fali Ninia dalan sira hosi loron ba loron. Laran ne'ebé komprometidu rona Maromak no tau fiar ba Nia.
Kuandu ita fó ita-nia laran tomak ba Maromak no la'o iha nlNinia dalan loroloron, nia lidera ita-nia hakat sira atu besik liután ba Maromak. Moris ne'ebé metin ba Maromak sei ajuda ita kontinua nafatin la'o iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment