Imi mós tenki iha pasiénsia. No hametin imi-nia fuan laran, tanba Nai besik atu fila fali mai ona. Tiago 5:8 BK
Livru Tiago ko'alia ba ema kristaun sira ne'ebé hasoru susar oioin. Ema balu kiak, ema balu hetan tratamentu ne'ebé la loos, no balu hetan terus ho pasiénsia, maibé sira seluk luta nonook hasoru susar sira ho pasiénsia banhira buat aat haree hanesan manan buat di'ak. Iha situasaun sira hanesan ne'e, apóstolu Tiago fó korajen ba sira atu labele rende. Nia haruka sira atu hatudu pasiénsia no firmi, tanba Nai Jesus sei mai daudaun.
Iha versíkulu sira antes ne'e, apóstolu Tiago fó ezemplu ida kona-ba toos-nain ida. Toos-nain ida kuda fini no tuirmai hein. Nia labele obriga ai-horis sira atu krexe lalais liu. Nia hein liuhusi udan, loro-matan, no tempu, hodi espera katak koilleta ne'e sei mai. Nune'e mós, Maromak husu ita atu hein ho fiar no esperansa.
La fasil atu hein. Kuandu ita sente katak ita-nia orasaun la hetan resposta ka problema ne'ebé haree ba hanesan naruk ba beibeik, ida-ne'e bele halo ita sente kole no deskorajen. Maibé hein ho esperansa signifika ita fiar katak Maromak sei serbisu hela, maski ita la bele haree. Ida-ne'e signifika ita fiar katak Maromak nia tempu mak perfeitu no Ninia promesa sira mak loos.
Apóstolu Tiago mós fó-hanoin ita katak Jesus sei mai fali. Esperansa ne'e fó forsa mai ita. La iha moras, injustisa, ka terus neebe dura ba nafatin. Loron ida, Maromak sei halo buat hotu sai loos. Maibé molok to'o iha tempu ne'ebá, Maromak bolu ita atu fiél, pasiénsia no haforsa ita-nia laran nafatin.
Hein ho esperansa la signifika katak ita la halo buat ida. Maibé ida-ne'e signifika katak ita kontinua halo orasaun, hadomi ema seluk, halo tuir Maromak Nia hanorin sira, no tau fiar ba Nia loroloron. Kada loron ne'ebé ita hein mak oportunidade ba ita atu ita-nia fé krexe liután.
Bainhira ita hein ho pasiénsia no hein nafatin ho esperansa, Maromak halo ita-nia laran sai metin no prepara ita atu halo buat ne'ebé sei akontese iha tempu mai. Mantein fiél hodi hein, sei ajuda ita nafatin la'o iha dalan ba lalehan. Amen.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment