Se mak ita-nia inimigu loloos iha mundu?

Tanba ita halo funu, laos hasoru isin no raan, maibee hasoru ukun sira, podér sira no ukun nain sira iha fatin nakukun nee, no mos ita hasoru forsa espirituál aat nian iha fatin lalehan sira. Efezu 6:12 BK

Dala ruma iha ita-nia moris, ita hanoin katak ema ka ita-nia maluk sira mak ita-nia inimigu - karik ema ida hakanek ita ho sira-nia liafuan ka hahalok. Maibé iha Efeso 6:12, Paulo hatete ba ita katak inimigu ne'ebé loloos mak la'ós ema, maibé kbiit espirituál husi nakukun laran mak Satanas no ninia forsa aat sira. 

Se ita haree versikulu sira antes ne'e (Efeso 6: 10-11), Paulo hatete: "Ikus mai, sai forti iha Nai, ho podér hosi Ninia forsa. Hatais Maromak nia armas tomak, atu imi bele hamriik hasoru Diabu nia planu aat" Ida-ne'e hatudu katak ita iha funu espirituál ida. Hanesan soldadu sira presiza sasán atu proteje sira-nia an, ema kristaun presiza Maromak nia arma atu hamriik metin hasoru Diabu. 

Diabu la funu ho kilat ka tudik, maibé ho lia-bosok, ta'uk, hirus no tentasaun. Nia hakarak halakon ita-nia fé, halakon ita-nia dame, no hapara ita atu la hadomi Maromak no ema seluk. Funu sira-ne'e akontese loroloron iha ita-nia laran no iha ita-nia neon. 

Tan ne'e mak ita labele luta hasoru diabu ho odi ka halo vingansa. Maibé, ita tenke hakbesik nafatin ba Jesus, lee Ninia Liafuan, halo orasaun beibeik, no hatais Maromak Ninia Arma sira" Maromak Nia armamentu ka kilat mak lia loos, justisa, fé, salvasaun, no Maromak nia Liafuan). Se ita halo buat sira ne'e, ita bele hamriik metin. 

Entaun ohin loron, se ema ruma hakanek ita-nia laran, hanoin-ba katak sira la'ós inimigu ne'ebé loloos. Halo orasaun ba sira. Tau fiar ba Jesus hodi ajuda ita atu luta hasoru forsa nakukun ho domin, fé, no Maromak nia forsa. 

Orasaun: Nai, ajuda ami atu haree katak ami-nia funu loloos, la'ós ho ema. Fó forsa mai ami atu luta hasoru buat aat ho armamentu Maromak nian no domin maski susar. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Esperansa ba ema ne'ebé hamrook & hamlaha

Tanba Hau sei foo resin ba klamar nebee hamrook, no Hau foo too bosu ba klamar nebee fraku. Jeremias 31:25 BK

Maromak ko'alia sai lia-fuan ne'e liuhusi profeta Jeremias durante tempu susar ba ema Izrael sira. Ema sira-ne'e kole, laran susar, no dook husi sira-nia uma. Sira halo ona sala no hetan kastigu. Ema barak mak refujia ka hela iha rai seluk (Babilonia). Maibé iha versikulu ne'e, Maromak promete katak Nia sei lori fila fali sira no kura sira-nia laran kanek no tristi. Nia haree sira-nia triste no dehan: "Tanba Hau sei foo resin ba klamar nebee hamrook, no Hau foo too bosu ba klamar nebee fraku" Jeremias 31:25 BK. Maromak la hirus ba nafatin. Nia hakarak fó deskansa, dame no esperansa fali ba sira. 

Ida-ne'e hatudu oinsá Maromak hadomi tebes Ninia povu. Maski sira halo sala, maibé Maromak hakarak atu hadi'a ka restaura fali sira. Nia hanoin kona-ba sira-nia terus no promete katak Nia sei fó forsa no kmaan ba sira.

Versikulu ne'e kumpri liutan iha Jesus. Iha João 6:35, Jesus hatete: “Hau mak Paun moris nian. Ema nebee mai ba Hau sei la hamlaha tan. No ema nebee fiar ba Hau sei la hamrook tan.” Hanesan Maromak promete ona atu fó kmaan ba ema Israel sira iha Jeremias nia tempu, Jesus mós promete katak Nia sei fo satisfasaun ba ita-nia nesesidade boot sira ohin loron. Nia fó dame, ksolok, no moris ne'ebé nunka hotu. 

Kuandu ita sente kole, laran susar, ka mamuk, hanoin-ba katak Jesus iha ne'ebá. Nia hakonu ita ho esperansa. Nia fó deskansa ida ne'ebé ema seluk la bele fó. Mai hasoru Nia liuhusi orasaun. Tau fiar ba Nia loroloron. Nia sei nafatin kumpre ninia promesa atu fó kmaan no hametin ema hotu ne'ebé iha susar laran. 

Orasaun: Nai Jesus, obrigadu tanba Ita mak paun moris nian. Bainhira ami sente kole no triste, favór, hakonu ami ho Ita-nia dame no ksolok. Ajuda ami tau fiar ba Ita loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Futuru glória boot liu fali terus ohin loron

Tanba hau hanoin katak ita la bele kompara terus iha tempu agora ho glória nebee ita sei haree aban-bainrua. Roma 8:18 BK 

Iha Roma kapítulu 8, Paulo hakerek karta ba ema kristaun sira ne'ebé hasoru susar barak. Iha versíkulu anterior, nia fó-hanoin sira katak agora sira mak Maromak nia oan. Iha versíkulu 14 to'o 17, Paulo hatete katak se Maromak Ninia Espiriu Santu mak dirije ita, ita mak Maromak nia oan. No se ita mak oan, ita mós sai simu heransa ka liman-rohan - ida ne'e signifika katak ita mós sei simu buat furak ida husi Maromak Iha futuru. 

Maibé molok glória ne'e mai, ita sei hasoru terus oinoin. Moris iha mundu bele nakonu ho sofrementu, terus no moras. Ema balu kiak, moras, mesamesak, ka hetan tratamentu aat. Paulo mós hetan terus barak, tanba ema baku nia, sulan nia ba komarka, no ema rejeita ka la simu nia. Maibé iha Roma 8:18, nia hatete katak glória ne'ebé Maromak prepara ona ba ita iha futuru mak boot tebes, tan ne'e ita-nia terus agora la kompara ho gloria ne'ebé ita sei simu iha lalehan. 

Glória ne'e la'ós de'it ita sei iha lalehan iha futuru. Maromak mós haka'as an daudauk atu ajuda muda ita atu sai hanesan Jesus iha mundu ida ne'e. Maski ita hasoru susar oioin, maibé Maromak nia Espiritu hamutuk ho ita, ajuda ita, fó komfortu mai ita, no fó esperansa mai ita. 

Tan ne'e, kuandu ita hasoru susar iha ita-nia moris, hanoin ida-ne'e: susar sei la dura ba nafatin. Maromak iha buat ne'ebé di'ak liu iha futuru. Loron ida, sei la iha tan triste, no la iha tan matan-been, sei la iha tan mate (Apokalipse 7:17; 21:4). Ita sei hamutuk ho Jesus ho haksolok no dame ba nafatin. 

Kontinua kaer metin Maromak Ninia promesa sira. Labele rende!. Tamba Maromak Nia promesa ne'e loos duni. Buat di'ak liutan sei mai! 

Orasaun: Nai, obrigadu, tanba Ita prepara ona futuru furak ida ba ami. Ajuda ami atu nafatin fiar metin bainhira iha susar laran no ajuda ami hanoin katak Ita-nia glória boot liu fali ami-nia terus. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More