Jesus sei mai fali, serake ita prontu simu Nia?

Nunee mós, imi tenki prontu nafatin. Tanba Ema Nia Oan sei mai iha oras nebee imi la hatene. Lucas 12:40 BK

Lucas 12:40 

Na'i Jesus hatete iha Lucas 12: 40 katak ita tenke prontu kualkér tempu ba Jesus Ninia fila fali mai ba dala rua. Nia sei mai bainhira ema barak la espera. Ida-ne'e signifika katak ita labele hein to'o loron ikus atu prepara ita-nia laran - ita tenke prontu loroloron. 

Iha evanjelu João 14: 1-3, Na'i Jesus promete katak Nia prepara hela fatin ba ita iha Ninia Aman Nia uma. Nia dehan katak Nia sei fila fali mai hodi lori ita ba hamutuk ho Nia ba moris rohan-laek. Ne'e mak promesa furak ida! Jesus la haluha ita - tanba nia prepara hela buat hotu ba ita iha lalehan no bainhira prontu ona Nia sei mai fali atu lori ita ba Lalehan.

Bíblia mós hatete iha 1 Tesalonika 4: 16-17 katak "Tanba Nai rasik sei tuun mai hosi lalehan ho lian makaas, ho lian hosi anju boot, no ho lian hosi Maromak nia korneta. No sira nebee mate iha Kristu sei moris hias uluk. Depois ita nebee sei moris hela sei sae ba hamutuk ho sira iha kalohan laran hodi hasoru Nai iha loro leten. No ita sei hamutuk nafatin ho Nai. 1 Tesalónika 4:16-17 BK. Biblia ko'alia katak ema sira ne'ebé mate iha Kristu no moris ho Kristu sei ba hamutuk lalehan, la'os sira ne'ebé mate ona mak ba uluk lalehan (lee didiak versikulu ne'e).

Iha Apokalipse 1:7, hatete "Tebes, Nia sei mai ho kalohan sira. No matan ida-idak sei haree Nia, inklui mos sira nebee uluk sona Nia. No suku hotu-hotu iha mundu sei tanis tanba Nia. Nee duni. Amén" Apokalipse 1:7 BK. Bainhira Na'i Jesus mai fali, Mundu tomak sei haree, ne'e la'ós segredu. 

Tan ne'e, ita tenke prontu kualkér tempu. Ida-ne'e signifika katak tau fiar ba Jesus nu'udar ita-nia Salvador, hadook an husi sala, moris tuir prinsipiu Biblia nian no moris hodi halo Nia kontente. Ita la hatene loron ka oras ne'ebé loos kona-ba bainhira mak Na'i Jesus sei fila mai, maibé se ita moris ba nia agora, prepara ita-nia an loronloron, ita sei haksolok no la ta'uk bainhira nia fila fali mai iha kalohan leten. 

Mai ita hanoin loron-loron: la kleur tan, Jesus sei mai fali - mai ita halo ita-nia an prontu loroloron!

Lucas 12:40 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bonita ne'ebé dura

Laran midar bele bosok no oin bonita mak saugati deit, maibee feto nebee hamtauk ba Nai sei simu liafuan nebee hasae nia. Provérbiu 31:30 BK

Versíkulu ne'e fó-hanoin ita katak buat ne'ebé mundu bolu nu'udar "Bonita" la dura ba nafatin. Tanbasá ? Tamba Ita-nia kulit sei sai namkurut, no ita-nia fuuk sei sai mutin, no ita-nia isin sei sai ferik-katuas. Ema barak gasta tempu no osan barak tebes atu haree joven no atrativu, maibé Biblia hatete katak furak ka Bonita sira hanesan ne'e sei lakon. Charm ne'ebé ita tradus oin- midar (abilidade atu atrai ema) mós bele lohi ema seluk. Ema ida bele haree di'ak hosi li'ur, maibé Iha laran bele nakonu ho hanoin an de'it ka la hatudu hahalok-di'ak. 

Maromak hakarak ita fokus kona-ba Bonita ne'ebé diferente hosi mundu nia haree. Bonita ne'ebé maihosi hamta'uk ba Maromak. "Hamta'uk Nai" la signifika katak ita ta'uk ba Nia. Hamta'uk Maromak signifika katak ita respeitu Nia, halo tuir Nia hanorin sira iha Sagrada ESKRITURA, no hadomi Nia ho ita-nia laran tomak. Bonita hanesan ne'e sai hosi ita-nia laran. Bonita hanesan ne'e hatudu liuhosi: oinsá ita trata ema seluk, oinsá ita ko'alia ba ema, oinsá ita-nia hahalok moris loronloron. 

Feto ida (no mós mane) ne'ebé hamta'uk Nai mak folin-boot liu iha Maromak nia oin. Bonita Ida hanesan ne'e sei nunka lakon tanba Ida ne'e maihosi Maromak rasik. Ema sei respeitu no hahi'i ba ema ne'ebé moris hanesan ne'e, la'ós tanba sira-nia oin bonita, maibé tanba sira-nia karakter ka hahalok di'ak sira. 

Mai ita la uza ita-nia enerjia, osan no rekursu hotu atu sai bonita hosi li'ur. Maibé, mai ita haburas ita-nia laran ne'ebé hadomi Maromak, hatudu laran-di'ak, no la'o tuir lia-loos hosi Sagrada ESKRITURA. Bonita hanesan ne'e mak sei dura ka ezisti ba nafatin to'o eternidade.

Orasaun: Nai, ajuda ami atu hafolin liu bonita ne'ebé maihosi hadomi no halo tuir Maromak Nia lia-loos. Halo ami-nia laran nabilan ho laran-di'ak, haraik-an no fé. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lori kruz la'o tuir Jesus

Depois Jesus dehan ba Ninia eskolante sira, “Se ema ruma hakarak tuir Hau, nia tenki nega nia aan, lori nia krús no tuir Hau.” Mateus 16:24 BK

Mateus 16:24

Iha Mateus 16, Jesus hahú fó-hatene ba Ninia dixipulu sira katak nia sei hetan terus, mate, no moris fali. Apóstolu Pedro la gosta idea hanesan ne'e no koko atu hapara Na'i Jesus. Maibé Na'i Jesus hatete ba apóstolu Pedro katak nia hanoin hanesan ema, la'ós hanesan Maromak. Tuirmai Jesus fó-hatene lia-loos importante ida ba Ninia dixipulu sira: Se sira hakarak la'o tuir Jesus, sira tenke prontu atu husik sira-nia dalan rasik, lori sira-nia krús, no la'o tuir Nia. 

Ida-ne'e signifika saida? 

Nega ita-nia an katak para halo de'it buat ne'ebé ita hakarak no hahú halo buat ne'ebé Jesus hakarak. Dala ruma ita hakarak buat ne'ebé la di'ak ba ita-nia an. Ita tenke hatete "lae" ba ita-nia hakarak rasik. 

Lori ita-nia krús, signifika ita prontu hetan terus tanba halo buat ne'ebé loos. Iha Jesus Nia tempu, lori krús ne'e signifika halo ita kanek, moras no moe. Jesus hatete katak lao tuir Nia la sempre fasil, maibé sempre loos. 

Lao tuir Jesus signifika katak halo tuir Nia, tau fiar ba Nia, no moris hanesan Nia. Ne'e signifika katak hadomi ema seluk, halo orasaun, fó perdua, no moris tuir Ninia Liafuan, maski ema seluk la halo ida-ne'e. 

Versíkulu ne'e fó-hanoin ba ita katak atu sai ema kristaun la'ós de'it ba igreja ka sai ema ne'ebé di'ak. Maibé sai ema Kristaun mak kona-ba fó ita-nia moris tomak ba Jesus. Nia fó Ninia moris ba ita, entaun ita mós fó ita-nia moris ba Nia. 

Mai ita husu Maromak atu ajuda ita hatete "lae" ba ita-nia dalan rasik no hatete "loos" ba Jesus loroloron. 

Orasaun: Nai Jesus, ajuda ami atu nega ami-nia an rasik, lori ami-nia krús, no la'o tuir Ita. Fó forsa mai ami atu moris ba Ita maski susar. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Mateus 16:24

Read More