Oinsá atu hetan resposta ba ita-nia orasaun?

Tanba ema hotu ne'ebé husu sei simu; no ema ne'ebé buka sei hetan; no ba ema ne'ebé dere, odamatan ne'e sei nakloke ba nia. Mateus 7:8 BK

Mateus 7:8

Iha Jesus nia diskursu iha foho Oliveira, Nia fó korajen ba Ninia dixipulu sira atu fiar ba Maromak liuhusi orasaun. Nia promete katak ema ne'ebé husu sei simu, ema ne'ebé buka sei hetan, no ema ne'ebé dere sei haree odamatan nakloke. Liafuan sira-ne'e hatudu mai ita katak ita-nia Aman iha lalehan sempre prontu atu rona no hatán ba ita-nia orasaun sira. 

Versíkulu ne'e hanorin ita buat tolu. Primeiru, husu, signifika katak ita depende ba Maromak. Ita la bele rezolve buat hotu mesak de'it - ita presiza Maromak Nia ajuda. Segundu, buka, signifika ita ativamente kontinua buka Maromak Nia hakarak. Ita buka lia-loos husi Biblia no halo tuir Ninia dalan sira. Terseiru, dere, signifika katak persistensia ka la rende. Maski ita la hetan resposta ba ita-nia orasaun lalais, maibé ita kontinua tau fiar no halo orasaun. 

Jesus la promete katak Maromak sei fó buat hotu ne'ebé ita hakarak. Duke halo nune'e, Maromak promete katak Nia sei fó buat ne'ebé di'ak liu ba ita. Hanesan inan-aman ne'ebé hadomi fó prezente di'ak ba sira-nia oan sira, ita-nia Aman iha lalehan mós fó buat ne'ebé ita presiza duni iha ita-nia moris no salva ita. 

Promesa ne'e fó esperansa mai ita. Maski ita hasoru problema saida de'it, maibé ita bele kontinua husu, buka, no dere ho fé. Maromak sei nunka ignora ka haluha Ninia oan sira. 

No kuandu ita buka Nia ho ita-nia laran tomak, ita sei la hetan de'it resposta ba ita-nia orasaun sira, maibé ita sei hetan Jesus rasik, Ida ne'ebé nu'udar dalan ba lalehan. 

Orasaun: Aman lalehan, obrigadu ba rona ami-nia orasaun. Ajuda ami atu kontinua husu, buka no dere to'o ami hetan Ita-nia hakarak no la'o ho laran-metin iha dalan ba lalehan. Amen.

Mateus 7:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Domin Sakrifisiu

Liu hosi ida ne'e mak ita hatene domin, katak Jesus fó Ninia moris tanba ita. No ita tenki fó ita-nia moris tanba ita-nia maun-alin sira. 1 João 3:16 BK

1 João 3:16

Mundu dala barak ko'alia kona-ba domin, maibé Biblia hatudu signifika hosi domin ne'ebé loos. Apóstolu João hatete ba ita katak ita bele haree domin ne'ebé loos iha Jesus Kristu, ne'ebé fó Ninia moris ba ita. Ninia mate iha kruz la'ós de'it nu'udar símbolu ida - maibé ida ne'e mak asaun domin ne'ebé boot liu hotu ne'ebé hasa'e nu'udar sakrifísiu. Nia fó buat hotu atu ita bele hetan perdua no hetan moris rohan-laek. 

Versíkulu ne'e mós hanorin ita lisaun importante ida: se Jesus hadomi tebes ita to'o nia fó Ninia moris ba ita, entaun ita mós tenke hadomi ema seluk hanesan sakrifísiu ida. Ida-ne'e signifika katak ita hadomi mesmuke ita sei lakon ka sakrifisiu buat ruma - hanesan lakon tempu, enerjia, komfortu nomos ita-nia orgullu sira. Domin ne'ebé hasa'e nu'udar sakrifísiu la'ós de'it kona-ba liafuan, maibé ita hatudu domin ne'e iha asaun reál.

David hatete: ".... hau lakohi foo sakrifísiu tunu motuk ba Nai, hau nia Maromak, bainhira hau la selu buat ida.” 2 Samuel 24:24. Domin ne'ebé loos, hanesan adorasaun ne'ebé loos, presiza sakrifísiu. Kuandu ita hili atu hadomi ema seluk hanesan Jesus hadomi ita, ita refleta Jesus Nia karakter ba mundu. 

Iha mundu ne'ebé dala barak hanoin an de'it, domin ne'ebé hasa'e nu'udar sakrifísiu, sai nabilan boot tebes. Ida-ne'e hatudu ba ema se mak Jesus, no ida-ne'e dada sira ba Jesus. No kuandu ita halo tuir Ninia ezemplu kona-ba domin, ita la'o tuir Jesus nia hakat sira. 

Hanoin-ba katak Jesus Nia domin la'ós de'it nu'udar prezente ne'ebé boot liu hotu, maibé mós nu'udar dalan ba lalehan. 

Orasaun: Nai Jesus, obrigadu ba hatudu domin ba ami hodi fó Ita-nia moris ba ami. Ajuda Ami atu hadomi ema seluk hanesan ne'e, bainhira Ami la'o hamutuk ho Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hili Agradese - iha situasaun saida de'it

Fó agradese ba Na'i, tanba Nia di'ak! Tanba Ninia domin metin sei hela to'o tinan ba tinan. 1 Krónikas 16:34 BK

1 Krónikas 16:34

Bainhira liurai David lori fali Arka Aliansa nian ba Jeruzalein, nia fó agradese no hahi'i ba Maromak. Nia hatete ba povu Israel atu hanoin Maromak nia laran-di'ak no kanta knananuk agradese nian. David nia moris la fasil - Nia hasoru problema barak. Liurai Saul duni tuir atu oho nia, nia hetan traisaun husi ninia belun sira, no nia mós luta hasoru ninia pekadu rasik. Maski nune'e, iha ninia problema hotu nia laran, David hili atu fó agradese ba Maromak. 

Saida mak ita bele aprende husi David? Primeiru, agradese la signifika moris ne'ebé livre husi problema. Maibé ida-ne'e signifika tau fiar ba Maromak Nia domin iha situasaun hotu-hotu. Liurai David hatene katak maski hasoru susar iha moris, maibé Maromak Nia domin nunka falla ka lakon. Tan ne'e mak nia bele dehan: "Ninia domin metin sei hela to'o tinan ba tinan"

Segundu, fó agradese ba Maromak muda ita-nia laran. Duke fokus de'it kona-ba ita-nia problema sira, ita hanoin Maromak Nia bénsaun sira. Liurai David dala barak halo nia esperiensia ta'uk no matan-been sai knananuk hahi'i nian. Agradesementu foti ninia espiritu no hametin ninia fiar. 

Ohin loron, ita mós hasoru susar oioin - hanesan moras, laran-susar, laran-tun, no laran kanek sira. Maibé, hanesan liurai David, ita bele hili atu nafatin agradese ba Maromak. Maromak ne'e di'ak, no Ninia domin la iha rohan. Maski ita hasoru buat saida de'it iha ita-nia moris, ita bele fiar katak Maromak hamutuk ho ita. 

Kuandu ita moris ho laran ne'ebé sempre agradese, ita fó Maromak Nia naroman ba ema seluk. Ikusmai, ita-nia moris ne'ebé sempre agradese nafatin halo ita kontinua la'o besik ho Maromak pasu pur pasu la'o ba oin iha dalan ba lalehan. 

Orasaun: Nai, ajuda ami atu agradese hanesan David, maski iha tempu susar. Fó-hanoin ami katak Ita-nia domin nunka falla, no dirije ami iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More