Hatais armamentu Maromak nian

Hatais Maromak nia armas tomak, atu imi bele hamriik hasoru Diabu nia planu aat. Éfezu 6:11 BK

Éfezu 6:11

Iha versíkulu ne'e, apóstolu Paulo fó-hanoin ita katak sai Jesus nia dixipulu mak hanesan soldadu iha funu espirituál nian. Ita la'ós funu hasoru ema, maibé hasoru sala, tentasaun, no Diabu ne'ebé koko atu dada ita sai husi Maromak. Atu ita bele nafatin forte, ita tenke hatais Maromak nia armas tomak. 

Armas ne'e la'ós halo husi besi ka kulit. Liuhosi armas ne'e mak Maromak fó protesaun espirituál ba ema fiar-na'in hotu. Apóstolu Paulo esplika kona-ba armas sira ne'e iha Efeso 6:13-17 - armas sira ne'e mak: sintu lia-loos nian, besi belar hirus matan lia loos ka justisa nian, sapatu dame nian, eskudu fiar nian, kapasete salvasaun nian, no surik espíritu nian - ne'e mak Maromak nia Liafuan. 

Kada parte hosi armamentu ne'e importante: 

 - Lia-loos halo ita onestu no firmi iha saida mak ita fiar.  

 - Moris ka hahalok loos proteje ita-nia laran husi sala. 

 - Dame ajuda ita fahe Maromak Nia domin ba ema seluk. 

 - Fé ka fiar proteje ita husi duvida no ta'uk. 

 - Salvasaun fó-hanoin ita katak ita mak Jesus nian. 

 - Maromak nia Liafuan fó forsa mai ita atu luta kontra lia bosok ho lia-loos. 

Kuandu ita hatais ita-nia armas sira-ne'e liuhusi orasaun, fé, no obedese, ita bele hamriik metin hasoru inimigu nia atake hotu. Maromak lakohi ita atu ta'uk, maibé nia hakarak ita prontu hasoru funu ne'e. 

Entaun kada loron, antes ita sai ba mundu, keta haluha tau Maromak nia armas sira. Ho Maromak nia protesaun, ita bele la'o ho seguru no fiar-aan iha dalan ba lalehan. 

Orasaun: Nai, ajuda ami atu hatais Ita-nia armas tomak loroloron. Hametin ami-nia fiar atu firmi iha lia-loos, atu nune'e ami bele hamriik hasoru diabu no kontinua la'o iha dalan ba lalehan. Amen.

Éfezu 6:11

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Dalan fila fali ba Lalehan

Jesus dehan ba nia, “Ha'u mak dalan, lia loos no moris. Ema ida la bele hakbesik ba Aman, só deit liu hosi Ha'u.” João 14:6 BK

João 14:6

Molok ema hedi Jesus ba krús, Nia ko'alia liafuan sira-ne'e ba ninia dixipulu sira. Sira triste no iha konfuzaun laran tanba Nia hatete ona ba sira katak lakleur tan nia sei husik hela sira. Tomé husu: "Nai, ami la hatene Ita ba ne'ebé, entaun oinsá mak ami bele hatene dalan ne'e?" Jesusfo resposta no dehan: "Hau mak dalan, lia-loos no moris." 

Iha versíkulu ne'e, Jesus hatudu ho klaru katak nia la'ós de'it dalan ida, maibé so Nia mesak de'it mak dalan ba Maromak. Tanba sala tama ona iha mundu liuhusi Adão no Eva, nune'e dalan ba lalehan lakon ona. Ema koko atu hakbesik ba Maromak liuhusi sira-nia hahalok di'ak sira, relijiaun, ka tradisaun rasik, maibé buat sira ne'e la bele halakon ita-nia sala ka restaura fali relasaun ne'ebé lakon entre ita ho Maromak. 

Tan ne'e mak Jesus mai - atu hatudu dalan fila fali ba Lalehan. Liuhusi Ninia mate iha kruz, Nia selu folin ba ita-nia sala sira. Liuhusi Ninia moris-hias, nia loke odamatan ba moris rohan-laek. Ema se de'it ne'ebé fiar ba Jesus no la'o tuir Nia, agora bele fila fali ba Aman Maromak Nia uma - ita-nia uma ne'ebé loos iha lalehan. 

Ita hotu presiza dalan ne'e tanba ita hotu halo ona sala (Roma 3:23). Maibé liafuan di'ak mak ne'e: dalan ne'e nakloke ba ema hotu. Ita la presiza sosa - ita presiza simu de'it Jesus ho fé no halo tuir Nia hanorin sira. 

Nia mak dalan atu fila fali ba Lalehan, lia-loos ne'ebé fó liberdade mai ita, no moris ne'ebé sei la iha rohan. 

Orasaun: Nai Jesus, obrigadu tanba sai dalan ba ami atu bele fila fali ba Lalehan. Ajuda ami atu la'o hamutuk ho Ita loroloron no lori mós ema seluk atu la'o tuir Ita, dalan úniku ba moris rohan-laek. Amen. 

João 14:6

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hola parte atu fahe lia-fuan di'ak

No Nia dehan ba Ninia eskolante sira, “Loos duni, toos nee boot, maibé ema hodi servisu mak uitoan deit. Nune'e halo orasaun ba Toos Nain hodi Nia bele haruka ema hodi servisu iha Ninia toos.” Mateus 9:37-38 BK

Mateus 9:37-38

Kuandu Jesus hateke ba ema sira ne'ebé hale'u nia, nia haree katak ema barak lakon ojetivu moris nian, konfuzaun, no barak mak laran kanek. Sira hanesan bibi-malae ne'ebé la iha bibi-atan - sira presiza domin, matadalan, no esperansa. Ninia laran nakonu ho kompaixaun. Iha tempu ne'e mak Nia hatete ba Ninia dixipulu sira katak "Koileta barak (toos boot" , serbisu na'in (ema hodi servisu) mak uitoan deit" 

"Koileta" mak ema barak ne'ebé prontu atu rona kona-ba Maromak nia domin no salvasaun. "Serbisu na'in" mak ema ne'ebé fahe lia-fuan di'ak - mensajen katak Jesus mai atu salva ema sala-na'in sira no fó moris rohan-laek. Triste katak ohin loron ema uitoan de'it mak prontu atu fahe mensajen ne'e. 

Jesus hakarak ita ida-idak atu sai serbisu-nain ba toos ne'e. Ita la presiza sai pastor ka sai misionáriu atu fó-hatene ema seluk kona-ba Jesus. Ita bele fahe lia-fuan di'ak liuhosi hatudu laran-di'ak, fó perdua ba ema seluk, ajuda ema mukit sira, ka simplesmente dehan de'it ba ema seluk katak Jesus hadomi sira. Maski ita hatudu domin uitoan de'it, ida-ne'e bele halo ema ida hakbesik liután ba Maromak. 

Kuandu ita fahe Jesus nia mensajen, ita hola parte ba Maromak Nia planu atu lori ema ba SALVASAUN. Ida-ne'e mak priviléjiu no responsabilidade ida ba ema kristaun hotu. 

Tan ne'e, mai ita halo orasaun atu husu serbisu-nain barak liután, no ita mós hola parte. Mai ita hatete ba ema seluk katak Jesus de'it mak dalan, lia-loos no moris. Tanba lori ema seluk atu hatene Jesus ne'e fó ksolok ne'ebé boot liu no ojetivu ne'ebé loloos hosi dalan ba Lalehan. 

Orasaun: Nai, obrigadu tanba Ita bolu ami nu'udar Ita-nia serbisu-nain sira. Fó aten-barani no domin mai ami atu fahe Liafuan Diak ba ema seluk, atu nune'e sira mós bele hetan dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More