Ita-nia Salvadór mai ona!

Tebes, ó sei sai isin rua, no tuur ahi oan-mane ida. Ó sei hanaran Nia Jesus. Nia sei sai boot tebes, no sira sei bolu Nia ‘Ida Nebee Aas Liu nia Oan’, no Nai Maromak sei fó Ninia aman David nia kadunan ba Nia. Nia sei ukun Jacó nia uma kain to'o tinan ba tinan, no Ninia reinu sei la iha rohan. Lucas 1:31-33 BK

Lucas 1:31

Iha Lucas 1:31-33, anju Gabriel lori mensajen esperansa boot ba Maria. Nia hatete ba feto ne'e katak nia sei tuur-ahi oan-mane ida naran Jesus. Naran ne'e signfika "Nai salva". Husi inisiu kedas, Maromak hatudu ho klaru katak labarik ne'e mak ita-nia Salvador. 

Anju ne'e esplika kona-ba se mak Jesus loos. Nia la'ós de'it mestre ka profeta ida. Nia mak Maromak ne'ebé Aas Liu Hotu nia Oan-Mane. Maromak promete katak Jesus sei tuur iha David nia kadunan no ukun ba nafatin. Ida-ne'e hatudu katak Jesus mak Salvador ne'ebé ema hein ba tempu naruk no Liurai prometida iha Testamentu Antigu. 

Anju ne'e fo sai katak ita-nia Salvador mai ona. Jesus mai atu salva ema husi sala, ta'uk no separasaun husi Maromak. Nia mai atu fó perdua, fo dame, no moris foun. Ninia ukun la hanesan ho mundu ne'e nia ukun sira. Nia ukun bazeia ba lia-loos, domin, no justisa, no Nia sei ukun ba nafatin. 

Maria la komprende oinsá mak buat sira-ne'e sei akontese, maibé nia tau fiar ba Maromak nia liafuan. Ninia fiar fó-hanoin ita atu tau fiar ba Maromak maski iha situasaun ne'ebé Maromak Nia planu boot liu fali buat ne'ebé ita bele imajina. Buat ne'ebé Maromak promete ona liuhusi anju ne'e sai loos duni hanesan nia hatete. 

Bainhira Jesus mai dahuluk, Nia mai ho haraik-an hanesan bebé ida, maibé Nia lori autoridade no podér lalehan nian. Ohin loron, nia mós sei ukun nafatin nu'udar Liurai no Salvador. Ema hotu ne'ebé fiar ba Jesus, sei hola parte ba Nia ukun rohan-laek bainhira nia mai fali ba daruak tuir nia promote ona iha João 14:1-3.

Tanba ita-nia Salvador mai ona no Ninia ukun sei nunka ramata, ita bele moris ho esperansa no fiar an. Tau fiar ba Jesus no halo tuir Nia loroloron mak sei ajuda ita la'o ho seguru iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Mesias moris ona

Tanba ohin, iha sidade David nian, Salvadór ida moris mai ba imi. Nia mak Nai Kristu. Lucas 2:11 BK 

Lucas 2:11

Lucas 2: 11fov avizu kona-ba momentu ida-ne'ebé boot liu iha istória. Anju ida hatete ba bibi-atan sira katak Salvador moris ona. Labarik ne'e la'ós bebé baibain ida. Nia mak Mesias, ida ne'ebé Maromak promete ona iha tempu uluk kedas. Nia mós bolu nu'udar Nai, hodi hatudu katak Nia mai ho Maromak Nia autoridade no podér. Versíkulu ne'e hatudu ho klaru katak Maromak kumpre Ninia promesa atu haruka Salvador ida. 

Bainhira Jesus mai moris iha Belein, ne'e mak Jesus Ninia mai ba dahuluk. Nia mai ho haraik-an, moris iha sidade ki'ik ida, moris iha bibi luhan, no bibi-atan sira mak simu nia. Bainhira Jesus mai dahuluk, Nia mai atu serbí, hanorin lia loos no fo dalan salvasaun ba ia ema maksalak. Nia moris iha ema nia leet, hatudu Maromak Nia domin, kura ema ne'ebé moras, hamoris ema mate no ikusmai fó Ninia moris hodi kasu ita-nia sala sira iha foho klKalvariu. Liuhusi Jesus nia mate no moris-hias, ema hotu ne'ebé fiar ba Nia bele hetan salvasaun. 

Kuandu ita selebra Natal, ita hanoin fila fali Jesus Ninia mai dahuluk. Maibé ne'e la'ós de'it selebrasaun ba buat ne'ebé akontese iha tempu pasadu. Selebrasaun natál mós fo hanoin ita kona-ba futuru. Jesus ne'ebé hanesan ne'ebé mai nu'udar bebé iha Belein, promete ona atu mai fali (João14:1-3). Jesus Ninia mai ba dala rua, sei la ho haraik-an, maibé Nia sei mai ho glória (Mateus 24:30, Mateus 25:31, Lucas 21:27). Nia sei fila fali nu'udar Liurai hodi tesi-lia ba mundu (Apóstolu 17:30:31, João 5:22, 27) no halibur Ninia povu sira ne'ebé fiar no halo tuir Ninia hanorin sira iha sagrada Eskritura. 

Tan ne'e, bainhira ita halo selebrasaun ba Mesias nia moris, ita tenke prepara ita-nia laran. Ita presiza moris ho fiar, halo tuir Ninia hanorin sira no prontu atu simu Nia bainhira Nia mai fali ba daruak. Ita la'ós de'it hateke fali ba kotuk, maibé ita mós tenke hateke ba oin hodi hein ho esperansa. 

Bainhira ita selebra Jesus Ninia mai ba dahuluk iha Belein, ita mós tenke prepara an ba Ninia fila-fali ba daruak tuir Ninia promesa iha joão 14:1-3. Ita tenke moris ho fíel ba Maromak hosi loron ba loron. Bainhira ita tau fiar ba Jesus no la'o tuir Ninia hanorin sira iha sagrada Eskritura, ita sei prontu nafatin hodi simu Nia no kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Notísia di'ak ba ema hotu

No tebes, Nai nia anju ida mosu ba sira, no Nai Nia glória nabilan haleu sira. No sira sai ta'uk tebes. Anju ne'e dehan ba sira, “Keta ta'uk, tanba tebes, ha'u hato'o liafuan diak ne'ebé sei fó haksolok boot ba povu hotu.” Lucas 2:9-10 BK

Lucas 2:9-10 

Lucas 2: 9-10 fó-hatene ba ita kona-ba momentu furak bainhira Maromak fahe notísia di'ak ba mundu. Bibi-atan sira hein sira-nia bibi iha kalan bainhira derrepente de'it Nai nia anju ida mosu. Maromak Nia glória nabilan hale'u sira, no sira ta'uk tebes. Ida-ne'e hatudu ba ita katak ita ema naturalmente hamta'uk duni Maromak nia santidade no podér. 

Maibé anju ne'e ko'alia lalais hodi dehan: "Keta ta'uk." Maromak la mai atu halo ema ta'uk, maibé atu haraik bénsaun ba sira. Tuirmai anju ne'e fó sai notísia di'ak ne'ebé sei lori ksolok boot ba ema hotu. Notísia di'ak ne'e mak kona-ba Jesus Kristu, Salvadór nia moris. 

Importante atu nota se mak simu mensajen ne'e dahuluk. Anju ne'e la ba hasoru liurai, ema riku, ka ulun-nain relijiaun sira. Nia mai hasoru bibi-atan sira, ema baibain iha komunidade nia leet. Ida-ne'e hatudu katak Maromak nia notísia di'ak ne'e ba ema hotu, la'ós ba ema balu de'it. La prekupa ho ita-nia background, edukasaun, ka pozisaun iha ita-nia moris, Maromak konvida ita hotu atu simu Ninia ksolok. 

Notísia di'ak mak Jesus mai atu salva ema sala-na'in sira, fó esperansa ba sira ne'ebé lakon, no lori dame ba sira ne'ebé laran susar. Bainhira Jesus mai, ita-nia ta'uk troka ho ksolok, nakukun ho naroman, no silensiu ho hahi'i. Mensajen ne'e sei loos nafatin to'o ohin loron. Jesus sei sai nafatin Salvador, no Ninia liafuan di'ak sei muda nafatin ita-nia moris. 

Kuandu ita simu notísia di'ak ne'e, ita-nia laran nakonu ho esperansa. Ita la presiza tan moris ho ta'uk ka sentimentu sala. Maromak hakbesik ona ba ita liuhusi Nai Jesus. 

Bainhira ita fiar no fahe notísia di'ak ne'e ba ema seluk, ita la'o ho ksolok no fé. Simu Jesus no tau fiar ba Maromak mak halo ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More