Oinsá kombate imoralidade seksuál?

Tanba ida ne'e mak Maromak Nia hakarak: katak imi sai santu. Nune'e hadook aan hosi sala seksuál. 1 Tesalónika 4:3

                           1 Tesalónika 4:3

Maromak hakarak Ninia povu moris santu. Iha 1 Tesalonika 4: 3, apóstolu Paulo hatete ho klaru: "Tanba ida ne'e mak Maromak Nia hakarak: katak imi sai santu. Nunee hadook aan hosi sala seksuál" Maromak la koko atu halakon ita-nia ksolok. Nia proteje hela ita husi sala ne'ebé bele estraga ita-nia moris, ita-nia família no ita-nia relasaun ho Nia. 

Oinsá mak ita bele luta hasoru sala seksuál? 

Ulukliu, hakbesik nafatin ba Jesus loroloron. Halo orasaun no lee Biblia loroloron. Jesus hatete: "Tanba ketak hosi Ha'u, imi la bele halo buat ida" João 15:5. Kuandu ita besik ba Jesus, ita sai forte liután hasoru tentasaun. 

Segundu, guarda ita-nia matan no ita-nia neon. Kuidadu kona-ba buat ne'ebé Ita rona, lee, no haree iha TV, telefone ka komputadór. Dala barak pekadu hahú iha ita-nia neon. Jesus hatete katak maski ita hateke de'it ba ema ida no hamosu dezezu aat, ida-ne'e pekadu ona (Mateus 5:27-28). Hakonu ita-nia neon ho buat di'ak no moos (Filipe 4:8). 

Terseiru, halai husi tentasaun. Bíblia hatete: "Halai Husi hahalok imoralidade seksuál" (1 Korinto 6: 18). Keta hela iha fatin ne'ebé ita hatene katak ita sei hetan tentasaun. Jose (Joseph) mak ezemplu di'ak ida. Bainhira Potifar nia feen koko atu tenta nia, nia halai sai (Genesis 39: 7-12). 

Ba dala haat, hanoin-ba katak ita-nia isin mak Maromak nian. Bíblia hatete katak ita-nia isin mak Espíritu Santu Nia templu (1 Korinto 6: 19-20). Ita tenke fó onra ba Maromak ho ita-nia isin. 

Ikusmai, se ita monu ona ba sala ne'e, keta lakon esperansa. Mai hasoru Jesus ho laran ne'ebé arrepende an. "Se ita konfesa ita nia sala, Nia mak fiél no justu no Nia sei fó perdaun ba ita nia sala, no hamoos ita hosi hahalok aat hotu." 1 João 1:9. Jesus bele fó perdua, kura, no fó forsa ba ita atu hahú moris foun. 

Loron-loron ita tenke hili atu halo tuir ita-nia hakarak sala nian ka halo tuir Maromak Nia hakarak. Espíritu Santu prontu atu ajuda ema hotu ne'ebé tau fiar ba Maromak (Galatin 5:16). 

Ohin loron, husu ba ita-nia an: " Serake ita halo ita-nia laran, ita-nia neon, no ita-nia isin moos ba Maromak?" Jesus hadomi Ita no hakarak Ita moris ho moris ne'ebé moos no santu. La'o besik ho Nia, no Nia sei halo ita manán tentasaun. 

Bainhira ita hili hahalok moos no la'o tuir Jesus loroloron, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika hosi dalan kloot iha Mateus 7:14?

Maibé odamatan kloot no dalan kloot sei lori ema ba moris, no ema uitoan deit mak hetan dalan ida ne'e. Mateus 7:14

Mateus 7:14

Jesus ko'alia kona-ba dalan rua. Dalan ida luan. Ida seluk kloot. Dalan ne'ebé luan mak fasíl atu la'o ba, tanba ema la'o konformi sira-nia hakarak rasik. Sira halo tuir buat ne'ebé ema seluk halo. Sira la husu: "Saida mak Maromak hakarak?" Jesus hatete katak dalan hanesan ne'e sei lori ema ba mate. 

Maibé dalan ne'ebé kloot diferente. Ne'e mak dalan la'o tuir Jesus. Dalan ne'e la sempre fasil, maibé ida-ne'e lori ema ba moris rohan-laek. 

Dalan kloot ne'e haree oinsá iha ita-nia moris loroloron nian? 

Hili dalan kloot katak ko'alia lia-loos maski lia-bosok bele lori benefisiu ba ita (Efeso 4:25). Ne'e katak ita lakohi simu subornu maski ema seluk dehan: "Foti de'it ona." Ne'e katak serbisu ho onestu maski la iha ema ida mak haree (Koloso 3:23). Ida-ne'e katak ita fiél nafatin ba ita-nia la'en ka feen (Ebreu 13: 4). Ne'e katak fó perdua ba ema ne'ebé hakanek ita duke buka atu selu fali (Efeso 4:31-32). Ida-ne'e katak hatete "Lae" ba tentasaun maski ema barak halo ida ne'e (1 Korinto 10:13). 

Dalan ne'ebé kloot mós signifika uza tempu ba Maromak loroloron. Ne'e katak ita halo orasaun, lee Biblia, adora Nia, no halo tuir Ninia Liafuan sira. Dala ruma ita-nia kolega sira bele goza no hamnasa ba ita. Dala ruma ita lakon oportunidade tanba ita hili onestu duke bosok. Maibé Jesus nunka promete katak la'o tuir nia sei sempre fasil. Nia promete katak Nia sei hamutuk nafatin ho ita too mundu nia rohan (Mateus 28: 20). 

La'o iha dalan kloot la signifika katak ita ema ne'ebé perfeitu. Dala ruma ita monu ba tentasaun. Maibé kuandu ita konfesa ita-nia sala, Jesus fó perdua mai ita no ajuda ita atu hamriik fali iha dalan ne'ebé loos (1 João 1:9). Nia fó forsa mai ita atu kontinua la'o. 

Ohin loron, husu ba ita-nia an: "Hau la'o iha dalan ida ne'ebé?" Serake ita la'o tuir ema-lubun ka la'o tuir Jesus? Dalan kloot bele haree hanesan susar ba ita ohin loron, maibé sei iha ksolok rohan-laek iha Maromak nia reiñu. 

Hili dalan kloot loroloron. Ne'e mak dalan fé nian, obedese, hadomi no esperansa. Ne'e mak dalan úniku ne'ebé lori ba Jesus no moris rohan-laek.

Bainhira, ita hili atu la'o iha dalan kloot hamutuk ho Jesus kada loron, ita kontinua la'o ho seguru iha dalan ba lalehan.

🙏 MAROMAK FO BENSAUN

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Saida mak bele hapara ita atu krexe espiritualmente?

Versu referensia: 1 Korinto 3:1-4

"Maun-alin sira, ha'u la bele ko'alia ho imi hanesan ema espirituál, maibé hanesan ema isin nian, neʼebé hanesan bebé iha Kristu. Hau fó susu been ba imi, laos ai haan toos. Tanba imi seidauk toman atu haan ai haan toos. No to'o agora mós imi seidauk prontu atu haan ai haan toos. Tanba imi sei ema isin nian. Tanba bainhira imi sei laran moras no istori malu hela, la'os imi ema isin nian no la'o nu'udar ema deit? Tanba bainhira ema ida dehan hela, “Hau tuir Paulo,” no ema seluk dehan, “Hau tuir Apolo,” la'os imi moris hanesan ema isin nian deit?"

                               1 Korinto 3:1

Paulo hadomi ema kristaun sira iha Korintu. Maibé nia sente desapontadu tanba sira-nia fiar la krexe. Nia bolu sira nu'udar "bebe iha Kristu". Sira sai ona ema kristaun ba tempu naruk, maibé sira-nia hahalok nafatin hanesan labarik ki'ik. 

Oinsá mak Paulo hatene katak sira-nia fé la krexe? 

Nia haree sira sei iha laran-moras, diskute malu no haketak malu. Ema balu hatete: "Ha'u tuir Paulo." Sira seluk hatete: "Ha'u tuir Apolo." Duke hamutuk la'o tuir Jesus, sira hili halo grupu oinoin (1 Korinto 3: 3-4). 

Ohin loron, buat ne'ebé hanesan mós bele akontese. 

Ema ida bele ba igreja iha tinan barak ona, maibé nia bele fasilmente hirus lalais, lakohi fó perdua, gossip, kritika ema seluk, ka sente orgullu. Ba igreja iha tinan barak nia laran, la sempre signifika ita krexe espiritualmente. Maromak haree ba ita-nia laran, la'ós total tinan ne'ebé ita ba igreja.

Entaun, saida mak hapara ita atu krexe espiritualmente?

Dala ruma buat ne'ebé hapara ita mak sentimentu orgullu. Ita hanoin ita hatene ona buat hotu. Dala ruma pekadu ne'ebé ita kontinua halo fila-fila. Dala ruma ita ladún uza tempu hamutuk ho Maromak. Se ita raramente halo orasaun ka lee Biblia, ita-nia fiar sei sai fraku. Hanesan ita-nia isin presiza ai-han loroloron, ita-nia klamar presiza Maromak Nia Liafuan loroloron (Mateus 4: 4). 

Maromak hakarak ema kristaun hotu atu krexe. Pedro hatete: "Maibé haburas ba iha grasa no iha konhesimentu kona ba ita nia Nai no Salvadór Jesus Kristu." 2 Pedro 3:18. Bainhira ita lee Biblia, halo orasaun, halo tuir Maromak Nia Liafuan, no husik Espíritu Santu transforma ita, ita sai hanesan Jesus. 

Ohin loron, husu ba ita-nia an: "Serake ha'u hakbesik liután ba Jesus ka ha'u nafatin de'it hanesan uluk?" Se ita sei iha laran-moras, hirus, foti-an, ka la fó perdua iha ita-nialaran, husu Jesus atu hasai tiha buat sira-ne'e. Nia prontu atu fó perdua ba ita no fó laran foun ba ita. 

Maromak lakohi ita nafatin sai bebé kristaun. Maromak hakarak ita atu sai ema kristaun ne'ebé maduru no hadomi Nia, hadomi ema seluk, no moris hanesan Jesus loroloron. 

Bainhira ita kontinua krexe iha Kristu liuhusi Ninia Liafuan no Espíritu Santu, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak unidade importante tebes entre ema kristaun sira?

Atu nune'e sira hotu sai ida de'it. Hanesan Ó, Aman, iha Ha'u, no Ha'u iha Ó, nune'e mós sira bele hela iha Ita. Nune'e mundu bele fiar katak Ó mak haruka Ha'u mai. Ha'u fó ona ba sira glória ne'ebé Ó fó mai Ha'u, atu nune'e sira bele sai ida de'it, hanesan Ita mak ida de'it. Ha'u iha sira, no Ó iha Ha'u. Nunee sira bele sai perfeitu nudar ida de'it. No mundu bele hatene katak Ó mak haruka Ha'u, no katak Ó hadomi sira hanesan mós Ó hadomi Ha'u. João 17:21-23 BK 

                                João 17:21

Antes Jesus ema hedi ba krús, Nia halo orasaun ba Ninia dixipulu sira. Nia harohan: "Atu sira hotu bele sai ida de'it... atu mundu bele fiar katak Ita haruka Ha'u mai." Ne'e mak Jesus Nia orasaun ikus ida. Ida-ne'e hatudu katak unidade mak importante tebes ba Jesus. 

Tanbasá mak importante atu iha unidade? 

Kuandu ema kristaun hadomi malu, fó perdua ba malu, no serbisu hamutuk, ema bele haree Jesus iha sira-nia moris. Jesus hatete: "Nunee ema hotu sei hatene katak imi mak Ha'u-nia eskolante sira, se imi hatudu domin ba malu." João 13:35.. Domin no unidade mak sasin ne'ebé forte. Domin no unidade hatudu katak Evanjellu iha kbiit atu muda ema nia laran. 

Maibé kuandu ema kristaun baku malu, funu malu, diskute malu, odi malu, ka haketak malu, ema  li'ur haree no sai konfuzaun. Sira bele husu: "Se ema kristaun la bele hadomi malu, tanbasá mak ita tenke fiar ba sira-nia mensajen?" Divizaun bele hapara ema mai ba Jesus. 

Ida-ne'e la dehan katak ita tenke ignora lia-loos husi Biblia atu labele iha debate ka atu evita hirus malu. Jesus mós halo orasaun hodi dehan: "Halo sira santu liu hosi lia loos. Ó-nia liafuan mak lia loos." João 17:17 BK. Unidade kristaun ne'ebé loos  bazeia  ba  Maromak nia lia-loos, la'ós tuir ema nia opiniaun ka tradisaun. 

Igreja iha tempu uluk mak ezemplu di'ak ida. Ema fiar-na'in sira iha unidade iha orasaun, adorasaun, no fahe Evanjellu (Apos 2: 42-47). Tanba sira iha unidade, ema barak fiar ba Jesus loroloron. 

Satanás hatene katak igreja ne'ebé haketak malu mak igreja ne'ebé fraku. Tan ne'e mak nia haka'as an atu kria divizaun  liuhosi haburas laran-moras, foti-an, ko'alia lia-bosok, hirus malu, no la fó perdua ba malu. Bíblia hatete: "Hakaas aan atu moris ho unidade Espíritu nian no lao hamutuk iha dame." Éfezu 4:3

Ohin loron, husu ba ita-nia an: "Serake hau ajuda  harii unidade, ka ha'u kria divizaun?" Ko'alia ho laran-di'ak.Perdua lalais. Halo orasaun ba malu. Serbisu hamutuk atu fahe Jesus nia liafuan di'ak ka Evanjellu. 

Bainhira igreja iha unidade iha Kristu no fiél ba Ninia Liafuan, mundu bele haree katak Jesus mai duni husi Maromak no sai nu'udar Salvador ba mundu. 

Bainhira ita hadomi malu, hamriik hamutuk iha Maromak nia lia-loos, no serbí Jesus ho laran ida de'it, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ita-nia naran hakerek livru moris nian?

Se ita konfesa ita nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu. 1 João 1:9 BK 

                               1 João 1:9 

Ema kristaun barak husu: "Oinsa mak ita bele hatene katak ita-nia naran sei hakerek iha livru moris nian? Dalaruma ita hatete ba ita-nia an "Ha'u hadomi Jesus, maibé dala ruma ha'u sei halo sala nafatin." 

Ne'e mak pergunta importante ida. Liafuan di'ak mak neʼe: katak ita-nia esperansa la bazeia ba ita-nia laran-di'ak rasik. Ita-nia esperansa mak iha Jesus Kristu. 

Kuandu ita simu Jesus nu'udar ita-nia Salvador, arrepende ba ita-nia sala, no fó ita-nia moris ba Jesus, ita-nia naran sei hakerek iha lalehan. Jesus hatete ba Ninia dixipulu sira: "Haksolok ba tanba imi-nia naran hakerek iha lalehan." Lucas 10:20 

Serake ida ne'e signifika ema kristaun nunka halo tan sala? Lae. Bíblia hatete katak se ita dehan ita la iha sala, ita lohi ita-nia an (1 João 1:8). Mesmu ema Kristaun ne'ebé di'ak mós, dala ruma bele monu ba sala. Maibé, iha diferensa boot entre ema ne'ebé hadomi sala no ema ne'ebé hadomi Jesus. Ema kristaun ne'ebé loos arrepende ninia sala no fila fali ba Jesus. 

Bíblia fo promesa ida-ne'e: "Se ita konfesa ita nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu" 1 João 1:9 BK . Jesus la husik sira ne'ebé mai hasoru Nia ho haraik-an. Nia fó perdua ba sira no fó forsa ba sira atu moris di'ak liután. 

Ohin loron, Jesus mak ita-nia Amlulik Boot iha lalehan. Nia halo orasaun ba ita no ko'alia ba ita iha Aman Maromak nia oin. Nia la buka razaun atu rejeitaita. Nia hakarak salva ema hotu ne'ebé tau fiar ba Nia no fiél nafatin ba Nia. 

Ne'e la signifika ita tenke kontinua halo sala. Maromak Nia grasa hanorin ita atu halo tuir Nia no atu moris santu. Loron-loron ita tenke halo orasaun, lee Biblia, konfesa ita-nia sala, no husu Espíritu Santu atu ajuda ita hasoru tentasaun oinoin.

Keta moris iha ta'uk nia laran. Moris ho fé ba Jesus. Hakbesik nafatin ba Nia loroloron. Se ita monu ba sala, keta halai dook husi Nia. Halai ba nNa. Nia prontu atu fó perdua, restaura, no lori ita ho seguru to'o loron ne'ebé Nia sei fila fali mai ba daruak 

Orasaun. Aman lalehan, obrigadu tanba haruka ona Jesus mai salva ami. Obrigadu tanba Nia fó perdua mai ami bainhira ami konfesa ami-nia sala ho laran-moos. Ajuda ami atu hakbesik nafatin ba Ita loroloron. Fó forsa mai ami atu tahan hasoru tentasaun no atu fiél nafatin to'o Jesus mai fali. Favór hakerek ami-nia naran iha Livru moris nian liuhusi Jesus Ninia hahalok loos sira. Ami halo orasaun hodi nia naran. Amen. 

Dalan ba lalehan . Dalan ba lalehan la'ós hetan liuhosi tau fiar ba ita-nia an rasik. Maibé dalan ba lalehan ita bele hetan liuhusi tau fiar ba Jesus loroloron. Hakbesik nafatin ba Nia, konfesa Ita-nia sala, halo tuir ninia Liafuan, no nunka rende an. Jesus ne'e fiél , no Nia sei lori ita ba lalehan ho seguru. Biarba Maromak haraik bénsaun ba ita bainhira ita kontinua fahe devosaun simples ida-ne'e, ne'ebé sei dirije ema ba Jesus no dalan ba lalehan.

MAROMAK FO BENSAUN

🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake ita-nia orasaun halo Maromak kontente?

Versíkulu xave: Se ha'u subar sala iha ha'u-nia fuan laran, Nai sei la rona ha'u. Salmu 66:18 BK 

                               Salmo 66:18

Orasaun mak prezente boot ida husi Maromak. Liuhusi orasaun, ita bele ko'alia ho ita-nia Aman iha lalehan iha kualkér tempu no fatin. Maromak hadomi Ninia oan sira no konvida ita atu mai hasoru Nia. Maibé Biblia mós hanorin katak Maromak interese liu ba ita-nia laran duke ita-nia liafuan.

Dala ruma ita hanoin katak orasaun naruk ka liafuan furak sei halo Maromak kontente. Maibé Maromak la buka buat sira-ne'e. Nia hakarak laran ne'ebé haraik-an no onestu.

Buat ida-ne'ebé bele hanetik ita-nia orasaun mak sala ne'ebé la konfesa. Se ita hatene katak ita halo ona sala, maibé ita lakohi rekoñese sala ne'e, ida-ne'e sai bareira ida entre ita-nia an ho Maromak. Liafuan di'ak mak ne'e: Maromak sempre prontu atu fó perdua ba ita. "Se ita konfesa ita nia sala, Nia mak fiel no justu no Nia sei fó perdaun ba ita-nia, no hamoos ita hosi hahalok aat hotu." 1 João 1:9 BK.

Buat seluk tan ne'ebé bele hanetik ita-nia orasaun mak laran ne'ebé la perdua. Jesus hanorin katak ita tenke fó perdua ba ema seluk hanesan Maromak fó perdua ona ba ita. Kuandu ita kaer metin ita-nia hirus no odi, ikus mai ita-nia laran sai toos.

Maromak mós hakarak ita atu halo orasaun ho fé. Fé la signifika katak ita hatete ba Maromak saida mak Nia tenke halo. Fé signifika tau fiar ba Maromak katak Nia hatene saida mak di'ak liu ba ita. Dala ruma Maromak hatán ba ita-nia orasaun dehan "Loos". Dala ruma Nia hatán "Lae". Dala ruma Nia hatete: "Hein". Saida de'it mak Maromak Nia resposta, Ita bele tau fiar ba Ninia domin. 

Ohin loron, antes ita halo orasaun, foti momentu balu atu husu pergunta sira-ne'e: 

 - serake ita presiza konfesa sala ruma? 

 - serake iha ema ruma ne'ebé ita presiza fó perdua? 

 - serake ita halo orasaun tuir Maromak Nia hakarak ka tuir de'it ita-nia hakarak? 

 - serake ita prontu halo tuir Maromak Nia Liafuan? 

 - serake ita tau fiar ba Maromak Nia resposta? 

Kuandu ita-nia laran loos ba Maromak, orasaun sai konversasaun ka dadalia ne'ebé haksolok ho ita-nia Aman ne'ebé hadomi ita. Nia kontente atu rona ema sira ne'ebé mai ba Nia ho haraik-an, arrepende an, fiar, no domin. 

Orasaun: Aman doben, obrigadu ba konvida ami mai hasoru Ita liuhusi orasaun. Favór ezamina ami-nia laran no hatudu mai ami buat ruma ne'ebé halo Ita la kontente. Perdua ami-nia sala, ajuda ami fó perdua ba ema seluk, aumenta ami-nia fiar, no hanorin ami atu halo tuir Ita-nia Liafuan. Ami espera katak ami-nia orasaun sempre fó glória ba Ita. Hodi Jesus nia naran, Amen. 

Dalan ba lalehan. Dalan ba lalehan mak la'ós simplesmente halo orasaun barak. Dalan ba lalehan mak mai ba Jesus ho laran tomak, konfesa ita-nia sala sira, tau fiar ba Ninia laran-di'ak, no la'o tuir Nia loroloron. Kuandu ita-nia laran partensi ba Kristu, ita-nia orasaun sai nu'udar sakrifísiu ne'ebé morin ba Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tambasá Jesus dehan "se bele karik, hasai tiha kaliz ne'e hosi Hau."

Nia bá tan uitoan, no Nia monu taka oin ba rai. Nia halo orasaun no dehan, “Oh Hau-nia Aman, se bele karik, hasai tiha kopu ne'e hosi Ha'u. Maibé la'os tuir Ha'u-nia hakarak, maibé tuir Ó-nia hakarak.” Mateus 26:39 BK

                             Mateus 26:39
 

Iha kalan antes Jesus mate, Nia ba jardín Getsemane hodi halo orasaun. Nia hatene katak la kleur tan Nia sei mate iha krús. Ninia laran nakonu ho triste. Nia monu ba rai no harohan: "Aman, se bele, hasai tiha kaliz ne'e husi ha'u." 

Kaliz ka kopu ne'e mak saida? 

Ne'e la'ós kaliz ne'ebé nakonu ho bee. Ne'e mak kaliz terus nian. Jesus besik ona atu lori mundu tomak nia sala hotu. Nia, ne'ebé nunka halo sala, sei simu kastigu ba sala troka ita-nia fatin (Isaias 53: 5-6; 2 Korinto 5:21). 

Jesus la ta'uk de'it ba pregu ka moras. Ema barak sofre ona mate ne'ebé moras. Buat ne'ebé halo krús sai aat tebes mak Jesus lori sala hosi ema sala-na'in hotu. Ba tempu balu, Nia sente separadu hosi Ninia Aman Nia prezensa tanba ita-nia sala (Mateus 27:46).

Maski susar sira-ne'e labele deskrebe ho liafuan, maibé Jesus hakotu Ninia orasaun hodi dehan: "Maibé la'os tuir Ha'u-nia hakarak, maibé tuir Ó-nia hakarak.” Nia hili atu halo tuir Ninia Aman tanba Nia hadomi ita. Se iha dalan seluk atu salva ita, Jesus la presiza mate. Maibé la iha dalan seluk tan. Ninia sakrifísiu ne'ebé perfeitu de'it mak bele salva ema sala-na'in sira (Apos 4: 12). 

Orasaun iha Getsemane hatudu ba ita saida mak kustu ba salvasaun ne'e. Salvasaun ne'e la'ós baratu. Salvasaun ne'e nia kustu mak selu ho Maromak Nia Oan-Mane Nia mate. Krús hatete mai ita katak Maromak hadomi ita liu fali buat ne'ebé ita bele komprende. "Maibé Maromak hatudu Ninia domin ba ita ho ida ne'e: Bainhira ita sala nain hela, Kristu mate tanba ita." Roma 5:8 BK.

Ohin loron, kuandu ita hanoin kona-ba krús, hanoin-ba katak Jesus voluntarimente hemu kaliz terus nian atu nune'e ita bele hemu kaliz salvasaun nian. Nia fó buat hotu atu ita bele hetan perdua, dame no moris rohan-laek. 

Keta hanoin katak Jesus nia sakrifísiu buat kmaan ida. Simu Ninia domin, tau fiar ba Nia ho ita-nia laran tomak, no moris loroloron hodi halo tuir Nia hanorin sira. 

Bainhira ita hanoin-hetan folin boot ne'ebé Jesus selu ba ita-nia salvasaun, ita kontinua la'o hamutuk ho nia iha dalan ba lalehan.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika hosi Krús?

                                Apostolu 13:38

Versikulu referensia: Apostolu 13: 16-47 

Iha Apostolu 13, apostolu Paulo hamriik iha sinagoga no haklaken kona-ba Jesus. Nia esplika katak Maromak promete ona atu haruka Salvador ida, no Salvador ne'e mak Jesus Kristu. Maski ema rejeita Jesus, ema prega Nia ba kruz no hakoi Nia, maibé Maromak halo Nia moris hi'as fali husi mate (Apos 13:29-30). 

Tuirmai Paulo fó liafuan di'ak. Nia hatete: "Nunee hatene ba, maun-alin sira, ami fó sai ba imi katak perdua ba sala mai liuhosi Mane ne'e." Apostolu 13:38. Ne'e mak signifika hosi krús. 

Tanbasá mak Jesus mate iha krús? 

Jesus mate tanba ita hotu sala-na'in. Bíblia hatete: "Ema hotu halo ona sala" (Roma 3:23). Sala haketak ita husi Maromak, no kastigu ba sala mak mate (Roma 6:23). Ita labele halakon ita-nia sala liuhosi hahalok di'ak ka liuhosi koko atu sai ema di'ak. 

Jesus mate troka ona ita-nia fatin. Tuir loloos ita mak merese mate. Jesus mate atu nune'e ita bele hetan moris rohan-laek. Tanba ninia sakrifísiu, ema hotu ne'ebé fiar ba Nia bele hetan perdua no Maromak bele simu fali ita (Apos 13:39). 

Apostolu Paulo mós dehan katak mensajen ne'e ba ema hotu. Maromak hatete ba Ninia povu:

‘Hau halo imi sai naroman ida ba ema Jentiu sira, katak imi bele lori salvasaun ba mundu tomak.’ Apostolu 13:47. Krús la'ós de'it ba nasaun ida ka grupu ida. Jesus mate ba ema hotu iha rai hotu. 

Krús mós bolu ita atu foti desizaun. Ema balu iha Apostolu 13 kontente simu mensajen ne'e. Sira seluk la simu (Apos 13:44-46). Ita mós presiza hili ohin loron. Ita sei simu Jesus, ka ita sei hadook an husi Nia? 

Ohin loron, hanoin-hetan katak krús mak prova boot liu kona-ba Maromak Nia domin. Jesus fó ninia moris atu nune'e ita bele hetan perdua, dame ho Maromak, no esperansa moris rohan-laek. Keta ignora prezente furak ne'e. Mai ba Jesus ho fé, konfesa ita-nia sala sira, no simu Ninia prezente gratuita salvasaun nian. 

Krús la'ós de'it símbolu ida. Ne'e mak Maromak Nia dalan atu salva mundu. Ema hotu ne'ebé tau fiar ba Jesus bele hetan moris foun ohin no moris rohan-laek bainhira Nia fila fali. 

Bainhira ita tau fiar ba Jesus no Ninia podér atu salva, ita kontinua la'o iha dalan ba lalehan.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake Maromak bolu de'it ema importante sira?

Tanba imi haree oinsá Maromak bolu imi, maun-alin sira. Tanba imi barak la'os ema matenek kle'an tuir isin. Imi barak la iha kbiit ka la'os ema boot. 1 Korinto 1:26 BK 

                            1 Korinto 1:26

Ema barak hanoin katak Maromak uza de'it ema ne'ebé iha edukasaun boot, ema riku, ema ne'ebé populer, no ema ne'ebé iha pozisaun aas. Sira hanoin no sira dehan "Hau ema baibain de'it. Maromak labele uza ha'u." 

Maibé Biblia hanorin buat ne'ebé diferente.

Apóstolu Paulo fó-hanoin ba ema kristaun sira iha Korinto katak sira ladún matenek no iha podér, ka importante iha mundu nia haree. Maibé Maromak bolu sira atu la'o tuir Jesus. Ida-ne'e hatudu katak Maromak la hili ema tanba sira riku, matenek, ka famozu. Nia haree ba ema-nia laran. 

Jesus rasik hili ema baibain atu sai Ninia dixipulu. Maioria hosi sira mak peskadór, la'ós ulun-nain relijiaun ka autoridae sira (Mateus 4:18-22). Maromak mós hili David, bibi-atan ki'ik ida, atu sai liurai (1 Samuel 16: 7, 11-13). Maromak la haree ba sira-nia pozisaun. Nia haree ba sira-nia laran. 

Ne'e la signifika katak iha edukasaun di'ak ka rikusoin ne'e sala. Sira-ne'e mak bénsaun hosi Maromak, bainhira uza ba Maromak Nia glória. Maibé riku-soin no edukasaun sira ne'e la bele salva ita ka halo ita sai importante liu iha Maromak Nia oin. Salvasaun mak prezente ida ba ema hotu ne'ebé fiar ba Jesus (Efeso 2: 8-9). 

Dala barak Maromak uza ema ne'ebé haraik-an tanba sira depende ba Nia. Kuandu Maromak halo serbisu liuhusi ema baibain, ema hotu hatene katak podér ne'e mai husi Maromak, la'ós husi ema nia abilidade (1 Korinto 1:27-29). 

Keta hldehan: "Hau ladún iha kapasidade di'ak," ka "Hau la iha buat ida atu oferese ba Maromak." Se Ita hakarak, Maromak bele uza Ita. Maromak bele uza Ita-nia liafuan, ita-nia orasaun, ita-nia liman hodi ajuda ema, no Ita-nia moris ne'ebé fiél atu lori ema seluk ba Jesus. 

Ohin, husu ba ita-nia an: "Serake, ha'u prontu atu husik Maromak uza ha'u?" Ita la presiza sai riku, iha edukasaun boot, ka famozu. Ita presiza de'it laran ne'ebé haraik-an hodi halo tuir Maromak. 

Maromak sei nafatin bolu ema baibain atu halo buat ne'ebé furak ba ninia reinu. Se ita tau ita-nia moris iha Maromak Nia liman, Nia sei uza ita iha dalan ne'ebé ita nunka imajina.

Kuandu ita hoharaik-an husik Maromak serbisu liuhosi ita, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mak ita bele moris iha mundu maibé la hanesan mundu?

Ha'u la husu katak Ó hasai sira hosi mundu, maibé katak Ó proteje sira hosi aat nain. Sira la'os hosi mundu, hanesan Ha'u mós la'os hosi mundu. Halo sira santu liu hosi lia loos. Ó-nia liafuan mak lia loos. João 17:15-17 BK 

                             João 17:16-17

Jesus halo orasaun ba Ninia dixipulu sira. Nia la husu Ninia Aman atu lori sira sai husi mundu. Maibé, nia harohan katak Maromak sei proteje sira husi buat-aat. Ita moris iha mundu ne'e, maibé ita labele moris hanesan mundu ne'e. 

Ida-ne'e la fasil. Loron-loron ideia no hanoin ne'ebé sala hale'u ita. Ita haree ideia aat no buat aat oinoin sira iha televizaun, média sosiál, internét, eskola, serbisu, no dala ruma mós iha igreja. 

Bíblia fó avizu mai ita: "Keta hadomi mundu, ka buat sira ne'ebé iha mundu. Se ema hadomi mundu, domin ba Aman la hela iha ema nia laran n'ee." 1 João 2:15. Bíblia mós hatete katak mundu ne'e nakonu ho hakarak isin nian, hakarak matan nian, no hakarak moris nian ne'ebé foti-an (1 João 2:16). 

Ida-ne'e katak sá? 

Hakarak isin nian mak hakarak pekadu nian. Ema hakarak halo sira-nia an kontente duke halo tuir Maromak. 

Matan nia dezezu, halo ema sempre hakarak buat barak liután: hakarak osan barak liután, sasaan barak liután, no haksolok barak liután. Sira nunka satisfaz ka kontente ho buat ne'ebé sira iha. 

Moris ne'ebé foti an, halo ema hanoin katak sira mak di'ak liu fali ema seluk. Sira hakarak no buka atu ema gaba sira, buka podér, buka popularidade duke fó glória ba Maromak. 

Infelizmente, buat sira-ne'e mós bele tama ba igreja. Ema kristaun balu hanoin liu kona-ba osan duke serbí Maromak. Ema balu uza tempu barak liu iha média sosiál duke lee Biblia. Ema balu hakarak hetan pozisaun aas duke servisu ho haraik-an. Sira seluk tan halo tuir ema nia ideia, ema-nia hanorin liu fali Maromak nia Liafuan. 

Oinsá mak ita bele evita hahalok mundu ne'e nian? 

Jesus fó resposta ba pergunta ne'e. Nia halo orasaun hodi dehan: "Halo sira santu liu hosi lia loos. Ó-nia liafuan mak lia loos." João 17:17. Kuandu ita lee Biblia loroloron, halo orasaun, no hakbesik nafatin ba Jesus, Nia muda ita-nia laran. Espíritu santu fó forsa mai ita atu hatete "Lae" ba sala no " Loos" ba Maromak Nia hakarak. 

Ohin loron, husu ba ita-nia an: "Hosi loron ba loron, serake ita sai hanesan Jesus liután ka hanesan mundu ne'e?" Keta husik mundu muda ita-nia hanoin. Husik Maromak Nia Liafuan muda Ita-nia moris.

Mundu ne'e sei lakon, maibé sira ne'ebé halo tuir Maromak Nia hakarak sei hetan moris rohan-laek (1 João 2:17). 

Bainhira ita hili Maromak Nia lia-loos duke halo tuir mundu nia dalan, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá mak ita bele lori ema seluk ba Jesus?

Maibé ema naturál la simu buat sira ne'ebé mai hosi Maromak Nia Espíritu. Tanba buat sira ne'e mak beik ba nia. Nia la bele hatene buat sira ne'e, tanba ema espirituál de'it mak bele kompriende. 1 Korinto 2:14 BK.

                         1 Korinto 2:14

Serake ita fahe ona evanjellu kona-ba Jesus ba ema seluk, maibé sira lakoi rona ka la simu? Karik sira hamnasa no goza tan Ita hodi dehan: "Hau la fiar ida-ne'e." Ida-ne'e dalaruma bele deskorajen ita.

Bíblia esplika tanbasá mak ema la simu Evanjellu. 1 Korinto 2:14 hatete katak ema ne'ebé la iha espíritu santu labele komprende Maromak Nia lia-loos sira. Ida-ne'e la dehan katak ita tenke hapara fahe evanjellu. Ne'e katak Maromak de'it mak bele muda ema nia laran. 

Entaun, saida mak ita tenke halo? 

Ulukliu, halo orasaun ba sira. Husu Espíritu Santu atu loke sira-nia neon no laran. La iha ema ida mak bele mai ba Jesus se Aman Maromak la dada sira mai (João 6:44). 

Segundu, kontinua fahe Maromak Nia Liafuan. Bíblia hatete: "Nunee fiar mai liu hosi buat ne'ebé ema rona. No ema rona liu hosi Kristu Nia liafuan. Roma 10:17. Ita la presiza ko'alia ho matenek. Maromak Nia Liafuan iha kbiit atu muda ema-nia moris (Ebreu 4: 12). 

Terseiru, moris hanesan Jesus. Ema haree oinsá mak ita ko'alia, oinsá mak ita trata ema seluk, no oinsá mak ita hatán ba problema sira ne'ebé mosu. Jesus hatete: "Nunee husik imi-nia naroman nabilan iha ema nia oin, atu sira bele haree imi-nia hahalok di'ak, no fó glória ba imi-nia Aman ne'ebé iha lalehan" Mateus 5:16. Moris ne'ebé hatudu laran-di'ak no onestu bele ko'alia maka'as fali liafuan barak. 

Ba dala haat, hatudu pasiénsia. Ema balu simu Jesus lalais. Ema seluk presiza tinan barak nia laran. Maromak hatudu pasiénsia ba ema, no ita mós tenke hatudu pasiénsia ba ema (2 Pedro 3:9). 

Lembra katak ita-nia serbisu mak atu fahe Evanjellu. Maromak Nia serbisu mak muda ema nia laran. Ita kuda fini, ema seluk rega bee, maibé Maromak mak fó moris (1 Korinto 3: 6-7). 

Ohin loron, keta ta'uk atu fó-hatene ema seluk kona-ba Jesus. Ko'alia ho domin. Moris tuir Maromak Nia hakarak. Halo orasaun ho fiél. Tau fiar ba Espíritu Santu atu halo buat ne'ebé ita labele halo. 

Karik Ita nunka hatene oinsá mak Ita-nia liafuan di'ak sira, ita-nia fidelidade iha orasaun, ka ezemplu moris kristaun nian sei influensia ema seluk nia laran. Maibé Maromak hatene, no Ninia Liafuan nunka fila mamuk (Izaias 55:11).

Bainhira ita fahe Jesus ho fiél liuhosi ita-nia liafuan no ita-nia moris ne'ebéloos, ita kontinua la'o iha dalan ba lalehan.

🙏🌹🙏🌹🙏🌹🙏🌹🙏🌹🙏

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake liberdade signifika ita bele halo saida de'it ne'ebé ita hakarak?

Maun-alin sira, Maromak bolu ona imi ba liberdade. Keta uza liberdade ne'e atu halo tuir imi-nia isin nia hakarak, maibé serví malu liu hosi domin. Galásia 5:13 BK 

                            Galásia 5:13

Ema barak hatete: "Hau livre. Ha'u bele halo buat saida de'it ne'ebé ha'u hakarak." Sira hanoin katak liberdade signifika la iha regra no la iha limitasaun. Maibé serake ida ne'e mak Biblia hanorin? 

Resposta mak: Lae

Jesus la fó liberdade mai ita atu ita bele kontinua moris iha sala laran. Nia halo ita livre husi sala nia kbiit no kastigu, atu nune'e ita bele iha moris foun. Bíblia hatete: "Nunee se Oan Mane mak halo imi livre, imi sei sai livre duni" João 8:36

Antes ita hatene Jesus, pekadu mak kontrola ita-nia moris. Ita bosok, odi, lohi, ka moris de'it atu halo ita-nia an kontente. Maibé kuandu ita simu ona Jesus, nia fó ita laran foun no moris foun (2 Korinto 5:17). 

Galasia 5: 13 hatete katak ita labele uza ita-nia liberdade nu'udar razaun atu fo satisfasaun ba hakarak isin nian. Duke halo nune'e, ita presiza uza ita-nia liberdade atu hadomi no serbí ema seluk. Ema kristaun ne'ebé iha liberdade ne'ebé loos la husu: "Saida mak ha'u hakarak?" Nia husu: "Saida mak Jesus hakarak ha'u halo?" 

Jesus mak ita-nia ezemplu di'ak liu hotu. Nia iha podér tomak, maibé Nia mai atu serbí, la'ós atu ema serbí Nia (Mark 10:45). Nia ajuda ema moras sira, tau matan ba ema kiak sira, fó perdua ba ema sala-na'in sira, no fó Ninia moris iha krús ba ita. Se ita la'o tuir Jesus, ita mós sei moris atu sai bénsaun ba ema seluk. 

Apóstolu Paulo mós hatete: "Lao iha Espíritu, no imi sei la halo tuir buat ne'ebé isin kaan" Galásia 5:16 BK. Loron-loron ita iha desizaun ida atu hili. Ita bele halo tuir ita-nia isin nia hakarak, ka ita bele halo tuir espíritu santu nia hakarak. 

Ohin, husu ba ita-nia an: "Oinsa mak ha'u uza liberdade ne'ebé Jesus fó mai ha'u?" Serake ha'u uza ida-ne'e atu halo ha'u-nia an kontente, ka atu halo kontente Maromak? 

Liberdade ne'ebé loos la'ós atu halo buat saida de'it ne'ebé ita hakarak. Liberdade ne'ebé loos mak iha kbiit atu hatete "Lae" ba sala no "Loos" ba Jesus. Ne'e mak liberdade ne'ebé lori ksolok, dame no moris rohan-laek. 

Bainhira ita uza ita-nia liberdade atu hadomi Maromak, serbí ema seluk, no la'o tuir Jesus, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ema nia matenek bele salva ita?

Maun-alin sira, uluk bainhira ha'u ba vizita imi no fó sasin kona-ba Maromak, ha'u la bá ho liafuan aas ka matenek kle'an. Tanba ha'u desidi atu la hatene buat ida iha imi-nia leet, só deit Jesus Kristu, no Nia mate iha krús. Bainhira ha'u hela ho imi, ha'u fraku, tauk no laran tuk-tuku tebes. Ha'u-nia lia-fuan no mensajen la'os liafuan furak ho matenek kle'an, maibé hatudu Espíritu no kbiit. Nune'e imi tau fiar ba Maromak Nia kbiit, la'os ba ema nia matenek kle'an. 1 Korinto 2:1-5 BK 

                         1 Korinto 2:2

Kuandu Paulo haklaken, nia la koko atu fo impresaun ba ema liuhusi ko'alia liafuan boot ka ideia ne'ebé matenek. Nia haklaken mensajen simples ida de'it: Jesus Kristu mate iha kruz tanba ita-nia sala. Paulo hakarak ema hotu tau fiar ba Maromak Nia kbiit, la'ós ba ema nia matenek. 

Tanbasá mak susar ba ema barak atu simu mensajen ne'e? 

Ema Judeu sira hein hela liurai ida-ne'ebé iha kbiit boot atu manán sira-nia inimigu. Sira nunka espera katak Mesias sei hetan terus no mate iha krús. Ema gregu sira hafolin no admira ema nia matenek no filozofiku boot sira. Ba sira, mensajen kona-ba Salvador ne'ebé krusifika haree hanesan buat beik ida (1 Korinto 1:23). 

Maibé Maromak Nia planu la hanesan ho saida mak ema espera. Liuhusi krús, Jesus manán sala, Satanas no mate. Tuir loloos, buat ne'ebé haree hanesan fraku mak Maromak Nia vitória boot liu hotu. 

Buat ne'ebé hanesan mós akontese ohin loron. Dala barak ita espera katak Maromak sei rezolve kedas ita-nia problema sira. Ita halo orasaun atu hetan kurativu, maibé moras ne'e kontinua nafatin. Ita halo orasaun atu hetan serbisu, maibé ita tenke hein tempu balu. Ita halo orasaun atu hetan moris ne'ebé fasil, maibé problema sei mosu nafatin. 

Dalaruma, bainhira saida mak ita hakarak la akontese tuir ita-nia hakarak, ita komesa hanoin: "Serake Maromak haluha ona ita?" Resposta mak Lae. Maromak dehan "Tanba Ha'u-nia hanoin sira mak la hanesan imi-nia hanoin sira, no imi nia dalan sira mak la hanesan Ha'u-nia dalan sira, hatete Nai" Isaias 55:8-9 BK. Nia haree dezeñu tomak, maibé ita haree de'it parte ki'ik ida. 

Dala ruma Maromak hatete "loos". Dala ruma Nia hatete: "Hein." Dala ruma Nia dehan "Lae" tanba Nia iha planu ne'ebé di'ak liu. Karik ita la komprende Ninia resposta ohin loron, maibé loron ida ita sei komprende. 

Ema nia matenek labele salva ita. Ita-nia ideia rasik labele esplika buat ne'ebé Maromak halo daudauk ba ita. Tan ne'e mak ita tenke tau fiar ba Maromak maski ita la komprende. Proverbios 3: 5-6 hatete mai ita nune'e: "Fiar ba Nai ho ó-nia fuan laran tomak, no keta sadere ba ó-nia kompriensaun rasik. Provérbiu 3:5-6 BK. 

Ohin loron, karik ita-nia moris la la'o tuir saida mak ita espera, keta lakon fiar. Hanoin-hetan krús. Kruz-ne'e haree hanesan lakon, maibé ida-ne'e sai hanesan vitória boot liu iha istória. Se Maromak bele salva ita liuhusi kruz, Nia mós bele lori buat di'ak husi ita-nia situasaun susar sira iha ita-nia moris (Roma 8:28). 

Tau fiar ba Maromak Nia matenek liu fali ita-nia matenek rasik. Ninia planu sempre di'ak liu, maski ita la bele haree agora. 

Bainhira ita tau fiar ba Maromak Nia matenek no halo tuir Jesus ho fiél, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tambasá mak espirituálmente ita labele salva ita-nia an?

Maibé Jesus hateke ba sira, no dehan, “Ba ema, la bele; maibé ba Maromak, buat hotu bele.” Mateus 19:26 BK 

                             Mateus 19:26

Mane joven ida-ne'ebé riku mai hasoru Jesus no husu: “Mestri, hau tenki halo buat di'ak saida atu hau bele hetan moris rohan laek?” Mateus 19:16. Nia hanoin katak nia bele hetan moris rohan-laek liuhusi halo buat di'ak sira. 

Jesus hatudu ba joven ne'e katak ninia laran hadomi liu osan duke Maromak. Mane joven ne'e sai ba triste tanba nia lakohi husik hela ninia rikusoin (Mateus 19:22). Tuirmai dixipulu sira husu: "Se hanesan ne'e, se mak bele hetan salvasaun?" Jesus hatán: "Ba ema, la bele; maibé ba Maromak, buat hotu bele.” Mateus 19:26 BK 

Saida mak Jesus hatete? 

Nia hatete katak ita labele salva ita-nia an. Maski ita haka'as an atu halo buat ne'ebé di'ak, maibé ita hotu halo ona sala (Roma 3:23). Ita labele halakon ita-nia sala rasik. Ita labele sosa perdaun. Ita labele hetan moris rohan-laek liuhusi ita-nia hahalok di'ak sira. 

Imajina to'ok kona-ba ema ida ne'ebé monu ba bee-posu ne'ebé kle'an. Maski nia koko maka'as tebes, maibé nia la bele sai mesak de'it. Nia presiza ema ida atu salva nia. Ita mós hanesan ne'e tanba pekadu. Ita presiza Salvador ida. 

Salvador ne'e mak Jesus Kristu. Nia moris ho moris ne'ebé perfeitu, mate iha kruz tanba ita-nia pekadu sira, no nia moris-hias fali. Bíblia hatete: "Tanba liu hosi grasa mak ita hetan salvasaun, ne'ebé mai liu hosi fiar. No ida ne'e la maihosi ita rasik, maibé ida nee mak prezenti hosi Maromak, la'os hosi hahalok, hodi ema ida la bele gaba aan" Éfezu 2:8-9. Salvasaun mak Maromak Nia prezente ne'ebé livre. Ita simu salvasaun ne'e liuhosi fiar ba Jesus. 

Serake ida ne'e signifika katak ita bele moris konformi ita-nia hakarak? Lae. Kuandu ita simu Jesus, Nia muda ita-nia laran. Ita halo tuir Jesus tanba ita hadomi Nia, la'ós tanba ita koko atu ba lalehan. Jesus hatete: "Se imi hadomi Ha'u, imi sei halo tuir Ha'u-nia ukun fuan sira" João 14:15

Se Ita koko ona atu salva Ita-nia an liuhusi Ita-nia hahalok-di'ak rasik, hapara todan ne'e. Mai ba Jesus. Nia mesak de'it mak bele fó perdua ba ita-nia sala sira, muda ita-nia laran, no fó moris rohan-laek ba ita. 

Ohin loron, agradese ba Maromak tanba salvasaun la'ós buat ne'ebé ita bele hetan liuhosi ita-nia esforsu rasik. Salvasaun mak prezente ne'ebé Jesus selu ona ho Ninia raan rasik. Tau fiar ba Nia, la'o tuir Nia, no husik Nia lidera ita-nia moris. 

Bainhira ita para tau fiar ba ita-nia an rasik no tau deit ita-nia fiar ba Jesus, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Tuir Jesus ne'ebé loloos signifika saida?

Jesus dehan ba sira hotu, “Se ema ida hakarak mai tuir Ha'u, husik nia nega aan, no foti ninia krús loro-loron, no tuir Ha'u. Tanba ema ne'ebé hakarak salva ninia moris sei lakon ninia moris. Maibé ema neʼebé lakon ninia moris tanba Ha'u sei salva ninia moris.” Lucas 9:23-24 BK 

                              Lucas 9:23

Ema barak dehan: "Hau la'o tuir Jesus." Maibé ida-ne'e signifika saida? 

Tuir Jesus mak la'os ba de'it igreja. Ne'e la'ós de'it bolu ita-nia an nu'udar ema kristaun. Ne'e la'ós de'it lori Biblia ka tara krús iha ita-nia kakorok. Tuir Jesus katak moris hanesan Jesus hakarak ita moris loroloron. 

Jesus hatete katak ita tenke nega ita-nia an. Ne'e katak ita la sempre halo buat ne'ebé ita hakarak. Duke halo nune'e, ita hili atu halo buat ne'ebé Maromak hakarak. Dala ruma ita tenke husik tiha ita-nia toman aat, hakarak aat, ka neon fo'er sira tanba ita hadomi Jesus liu fali buat sira-ne'e. 

Jesus mós hatete katak ita tenke lori ita-nia krús loroloron. Ida-ne'e la'ós katak ita halo kruz boot ida no leba loroloron. Maibé, ida-ne'e signifika ita prontu atu halo tuir Jesus maski susar. Dala ruma ema bele hamnasa no goza ita, rejeita ita, ka komprende sala ita tanba de'it ita la'o tuir Kristu. Maibé karik ita tenke hasoru susar sira-ne'e, ita tenke fiél nafatin.

Tuirmai Jesus hatete: "Mai tuir ha'u." Jesus mak ita-nia ezemplu. Jesus hadomi ema, fó perdua ba ema sala-na'in sira, ajuda sira ne'ebé presiza, halo orasaun beibeik, no sempre halo tuir Ninia Aman (João 13:15; Lucas 22:42). Se ita la'o tuir Jesus, ita tenke haka'as an atu moris tuir Jesus. 

Jesus mós husu: "Tanba ema ida manaan saida, se nia hetan mundu tomak, maibé nia lakon aan ka estraga ninia aan rasik?"

Lucas 9:25. Ema ida bele riku, famozu, ka hetan susesu, maibé se nia hadook an husi Jesus, nia lakon ona buat ne'ebé importante liu - ne'e mak moris rohan-laek. 

La'o tuir Jesus la'ós dalan ne'ebé fasil liu, maibé dalan ne'ebé di'ak liu. Jesus promete: "Ha'u-nia bibi sira rona Ha'u-nia lian. Hau koñese sira, no sira la'o tuir Ha'u. Hau foo moris rohan laek ba sira" João 10:27-28

Ohin loron, husu ba ita-nia an: "Serake ha'u la'o tuir Jesus ho laran-tomak ka ha'u bolu de'it ha'u-nia an nu'udar ema kristaun?" Husik Jesus dirije ita-nia hanoin, liafuan, desizaun no hahalok. Loron-loron mak oportunidade ida tan atu la'o tuir Jesus Nia hakat sira. 

Kuandu ita hili atu la'o tuir Jesus ho ita-nia laran tomak, ita sei nunka la'o mesak. Nia sei dirije ita ho seguru to'o loron ne'ebé ita sei hasoru nia oin ho oin. 

Bainhira ita fiél halo tuir Jesus loroloron, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 📖✨

Read More

Tanbasá mak ema balu la simu mensajen krús nian?

Tanba liafuan krús nian mak beik ba sira ne'ebé atu lakon. Maibé ba ita ne'ebé hetan dadaun salvasaun, liafuan ne'e mak Maromak Nia kbiit. 1 Korinto 1:18 BK 

                          1 Korinto 1:18 

Krús mak sentru ba fiar kristaun nian. Iha kruz, Jesus mate hodi salva ita husi ita-nia sala. Liuhusi Ninia mate, Maromak fó perdua, moris foun, no esperansa atu hetan moris rohan-laek. 

Maibé la'ós ema hotu simu mensajen ne'e. Tanbasá? 

Ema balu hanoin katak sira la presiza Salvador. Sira fiar katak sira di'ak naton ona. Sira tau fiar ba sira-nia laran-di'ak, kultura, edukasaun, osan, ka relijiaun duke tau fiar ba Jesus. Bíblia hatete: "Ema hotu halo sala no lakon ona Maromak Nia glória"(Roma 3:23). Tan ne'e l, ita hotu presiza Salvador ida. 

Ema seluk fali rejeita mensajen krús nian tanba sira hadomi pekadu liu fali sira hadomi Maromak. Jesus hatete katak ema hadomi liu nakukun duke naroman tanba sira-nia hahalok aat (João 3: 19-20). Sira hatene katak halo tuir Jesus signifika muda sira-nia moris pekadu sira, no sira lakohi husik sira-nia hahalok pekadór nian. 

Ema balu rejeita mensajen krús nian tanba sira ta'uk saida mak ema seluk hanoin kona-ba sira. Sira lakohi atu ema hamnasa, goza no lakohi atu hetan kritika tanba sira-nia fiar ba Jesus. Maibé Jesus hatete: "Tanba se ema ruma moe kona ba Hau no Ha'u-nia liafuan, Ema Nia Oan sei moe kona ba ema ne'e bainhira Nia mai iha Ninia glória, no iha Ninia Aman Nia glória, no iha anju santu sira nia glória" Lucas 9:26.

Ba ema barak, krús haree hanesan frakeza ida. Sira husu: "Oinsa mak mane ida ne'ebé mate iha kruz bele salva mundu?" Maibé Maromak Nia dalan la hanesan ho ema nia dalan (Isaias 55:8-9). Liuhusi buat ne'ebé haree hanesan lakon, Jesus manán pekadu, Satanas no mate. Ninia moris-hias hatudu katak Nia mak Salvador ne'ebé hetan vitória (1 Korinto 15: 3-4). 

Krús ne'e liu fali ai baibain ida. Ne'e mak prova boot liu kona-ba Maromak Nia domin ba ita. "Maibee Maromak hatudu Ninia domin ba ita ho ida nee: Bainhira ita sala nain hela, Kristu mate tanba ita" Roma 5:8.

Ohin loron, husu ba ita-nia an: "Serake ha'u simu ona mensajen krús nian?" Labele rejeita prezente ne'ebé boot liu hotu ne'ebé Maromak fó ona. Mai hasoru Jesus ho haraik-an. Tau fiar ba Nia, simu Ninia perdaun, no la'o tuir Nia loroloron. 

Ema ne'ebé simu mensajen krús nian la lakon buat ida-ne'ebé importante tebes. Duke lalon, sira hetan perdua, dame ho Maromak, no promesa moris rohan-laek. 

Bainhira ita tau fiar ba podér mensajen kruz nian no la'o tuir Jesus ho fiél, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Tanbasá mak Ló nia feen hateke fali ba kotuk?

Jénesis 19:17, 26

Halai hodi salva imi-nia moris. Keta hateke ba kotuk. Maibé Ló nia feen hateke ba kotuk no nia sai riin masin ida. Jénesis 19:17, 26 BK

Maromak sei destroi sidade sira iha Sodoma no Gomorra tanba ema sira ne'ebé moris iha sala boot nia laran. Antes destroisaun ne'e, Maromak haruka anju nain-rua atu salva Ló no ninia família. Anju sira fó mandamentu ne'ebé klaru ba sira, hodi dehan: “Halai hodi salva imi-nia moris. Keta hateke ba kotuk” Jénesis 19:17.

Lot, ninia feen, no ninia oan-feto nain-rua komesa sai husi sidade ne'e. Maibé bainhira sira halai hela, Ló nia feen hateke fali ba kotuk. Nia la halo tuir Maromak Nia mandamentu no sai kedas pilar masin (Jenesis 19:26). 

Tanbasá mak Ló nia feen hateke ba kotuk? 

Bíblia la fó-hatene loloos saida mak iha Ló nia feen nia hanoin, maibé iha buat ida mak halo nia la prontu atu husik hela Sodoma. Ne'e hatudu katak nia laran sei hakesi an nafatin ba Sodoma. Nia husik sidade ne'e ho ninia ain, maibé la'ós ho ninia fuan-laran. Nia husik hela ninia uma, ninia kolega sira, no ninia estilu moris ne'ebé nia hadomi. Nia sente susar tebes atu husik hela buat sira ne'e. 

Liutiha tempu balu, iha Testamentu foun, Jesus fó avizu ne'ebé badak, maibé poderozu, Nia hatete: "Hanoin Ló nia feen" (Luc 17: 32). Tanbasá mak Jesus hatete ida-ne'e? Tanba perigu ne'ebé hanesan mós ho ita ohin loron. 

Ema barak hakarak tuir Jesus, maibé sira lakohi husik hela sira-nia estilu moris tuan nian. Sira hakarak Jesus, maibé sira mós hakarak mundu ne'e nia ksolok ne'ebé nakonu ho sala. Sira hakarak lalehan, maibé sira lakohi husik toman aat sira ne'ebé haketak sira husi Maromak. 

Jesus hatete: “Ema ida nebee tau ninia liman ba ai suak hodi fila rai no hateke fali ba kotuk, nia la merese atu serví iha Maromak Nia reinu.” Lucas 9:62 BK. La'o tuir Jesus signifika la'o ba oin, la'ós ba kotuk. 

Ohin loron, husu ba ita-nia an: "Serake ita sei hateke ba kotuk?" Serake Iha hahalok sala-na'in nian, relasaun ne'ebé la loos ka la di'ak, ka hakarak mundu nian ne'ebé dada ita dook husi Maromak? 

Jesus bolu ita atu husik tiha ita-nia estilu moris tuan mundu ne'e nian no la'o tuir Nia ho ita-nia laran tomak. Keta hateke ba kotuk. Lao ba oin, haree ba oin ba fatin furak ne'ebé Jesus prepara hela ba sira ne'ebé hadomi Nia (João 14: 1-3). 

Bainhira ita hateke nafatin ba Jesus no lakohi hateke ba kotuk, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake ita bele hetan bénsaun se ita la serbisu?

Tanba bainhira ami hamutuk hela ho imi, ami fó mandamentu ba imi nune'e: “Se ema ida lakohi servisu, nia la bele haan.” 2 Tesalónika 3:10 

                         2 Tesalónika 3:10

Ema hotu hakarak Maromak Nia bénsaun. Ita halo orasaun husu hahán, osan, saúde di'ak, no moris di'ak. Maromak gosta haraik bénsaun ba Ninia oan sira. Maibé Biblia mós hanorin katak ita iha responsabilidade. Ita labele espera hetan bénsaun bainhira ita lakohi serbisu. 

Apóstolu Paulo hakerek: "Se ema ida lakohi servisu, nia la bele haan.” 2 Tesalónika 3:10. Paulo la ko'alia kona-ba ema ne'ebé moras, ferik-katuas, ka sira ne'ebé fizikamente la permiti atu serbisu. Nia ko'alia kona-ba ema ne'ebé iha kapasidade atu halo serbisu maibé hili sai ema baruk-teen. 

Husi tempu uluk kedas, Maromak fó serbisu ba ema. Maromak tau Adão iha jardín Eden atu tau matan ba jardin ne'e (Genesis 2:15). Serbisu ne'e la'ós kastigu. Serbisu mak Maromak nia prezente ida. Liuhusi serbisu ne'ebé onestu, ita fornese ba ita-nia família no bele ajuda ema seluk. 

Bíblia mós hatete: "liman ne'ebé badinas halo ema sai riku." Proverbio 10:4. Serbisu maka'as hamutuk ho Maromak Nia bénsaun lori rezultadu di'ak. Proverbios 6: 6-8 hatete mai ita atu aprende husi nehek. Nehek maski ki'ik, maibé sira serbisu maka'as no prepara an ba futuru. 

Ema balu, hetan ona serbisu iha ministeriu oi-oin, la'o tun sa'e,   baruk-teen, abandona serbisu ho razaun ne'ebé la klaru, maibé hein fulan to'o ba simu osan de'it. Ema balu gasta tempu barak liu hodi hein milagre atu akontese duke halo serbisu ne'ebé Maromak fó ona ba sira. Ita konserteza tenke halo orasaun no tau fiar ba Maromak, maibé ita mós tenke halo ita-nia parte. Maromak haraik bénsaun ba liman sira ne'ebé kaer serbisu. Dala barak Maromak hatán ba ita-nia orasaun hodi fó forsa, matenek no oportunidade ba ita atu serbisu. 

Bíblia fó-hanoin ba ita katak: "No iha buat saida de'it neʼebé imi halo, halo ho laran tomak, hanesan ba Nai, no la'os ba ema".

Kolose 3:23. Maski ita mak toos-nain ida, mestre, badaen, kondutór, estudante, ka sira ne'ebé halo serbisu iha uma-kain, ita tenke halo serbisu ho onestu no fiél tanba ita serbí Maromak. 

Ohin loron, husu ba ita-nia an: "Serake ha'u halo ona serbisu ne'ebé Maromak fó mai ha'u ho di'ak?" Labele baruk. Halo serbisu ho onestu, tau fiar ba Maromak loroloron, no fó agradese ba nia ba bénsaun hotu. Maromak kontente ho sira ne'ebé serbisu ho fiél no sadere ba nia. 

Bainhira ita serbisu ho liman ne'ebé badinas no tau fiar ba Maromak hodi fornese ba ita-nia presiza, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak akontese bainhira ita lee Maromak nia Liafuan?

Nune'e Ha'u nia lia-fuan ne'ebé sai hosi Ha'u-nia ibun, nia sei la fila mai Hau ho mamuk, maibé Nia sei halo tuir Ha'u-nia hakarak hotu, no Nia sei hetan susesu iha buat neʼebé Ha'u haruka Nia halo. Isaias 55:11 BK 

                                  Isaias 55:11

Ema barak iha Biblia, maibé la'ós ema hotu lee Biblia. Balu husik hela iha rak ka almari laran. Sira seluk loke de'it semana ida dala ida bainhira sira ba igreja iha loron Sabadu ka Domingu. Maibé Maromak la fó Biblia mai ita atu rai de'it iha uma. Nia fó Biblia atu transforma ita-nia moris. 

Entaun, saida mak akontese bainhira ita lee Maromak Nia Liafuan? 

Ulukliu, Maromak ko'alia ba ita liuhusi Biblia. Bíblia la'ós livru baibain ida. Biblia mak Maromak Nia mensajen ba ita. Kuandu ita lee livru ne'e ho haraik-an, Maromak hanorin ita, fó komfortu mai ita, korrije ita, no hatudu dalan ne'ebé loos atu hala'o ita-nia moris (2 Timoteo 3: 16-17). 

Segundu, ita-nia fiar sai metin liután. Roma 10:17 hatete: "Nunee fiar mai liu hosi buat neʼebé ema rona. No ema rona liu hosi Kristu Nia liafuan". Bainhira ita lee liután Biblia, ita aprende liután atu tau fiar ba Maromak no Ninia promesa sira. 

Terseiru, Maromak Nia Liafuan ajuda ita atu dehan "Lae" ba pekadu. David hatete: "Hau rai Ó-nia liafuan iha ha'u-nia fuan laran, hodi nune'e hau la bele halo sala hasoru Ó. Salmu 119:11." Kuandu Maromak Nia Liafuan nakonu iha ita-nia laran, ida-ne'e ajuda ita atu halo desizaun ne'ebé di'ak. 

Ba dala haat, Maromak Nia Liafuan fó esperansa no forsa mai ita. Moris la'ós sempre fasíl. Ita hotu sei hasoru problema, moras no desapontadu. Maibé Maromak Nia promesa sira fó korajen mai ita no fó-hanoin ita katak Nia sempre hamutuk ho ita. 

Isaias 55:11 hatete mai ita katak Maromak Nia Liafuan nunka falla. Maromak Nia lia-fuan sempre alkansa buat ne'ebé Maromak hakarak atu halo. Dala ruma Maromak Nia Liafuan muda ita lalais. Dala ruma Maromak Nia Lia-fuan muda ita neineik-neineik. Maibé se ita kontinua lee Biblia no halo tuir, Maromak Nia hanorin sira, Maromak sei kontinua serbisu iha ita-nia laran. 

Ohin loron, halo desizaun atu labele husik ita-nia Biblia taka ho rai-rahun. Loke no lee loron-loron, maski ita lee de'it versíkulu balu. Halo orasaun antes lee. Husu Maromak atu ajuda ita komprende Ninia mensajen no fó forsa ba ita atu halo tuir Nia hanorin sira.

Gasta minutu balu hodi lee Maromak Nia Lia-fuan, bele muda ita-nia hanoin, maneira ita ko'alia, no dalan moris nian. Maromak promete katak Ninia Lia-fuan sei nunka fila mamuk.

Bainhira ita rona Maromak Nia lian liuhusi Biblia no moris tuir Ninia lia-loos, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Serake ita adora Maromak ho Ita-nia laran ka ho Ita-nia ibun de'it?

Povu ne'e fó onra mai Ha'u ho sira nia ibun tutun; maibé sira-nia laran dook hosi Hau. Sira adora Ha'u saugati de'it, tanba sira hanorin ema nia ukun fuan sira nudar doutrina.Mateus 15:8-9 BK

                               Mateus 15:8

Ema barak dehan katak sira hadomi Maromak. Sira kanta iha igreja, halo orasaun, no lee versíkulu sira husi Biblia. Balu mós bolu sira-nia an nu'udar ema kristaun. Maibé Jesus hatete katak dalaruma ita hahi'i Maromak ho ita-nia ibun de'it, maibé ita-nia laran dook husi nia. 

Ida-ne'e katak sá? 

Ne'e katak ita bele ko'alia liafuan ne'ebé loos, maibé realidade, ita la hadomi ka la halo tuir Maromak Nia hanorin. Karik ita hatete: "Nai, ha'u tau fiar ba Ita," maibé depoisde ko'alia ida ne'e, ita moris konformi dalan ne'ebé ita hakarak. Karik ita ba igreja kada semana, maibé ita ignora Maromak Nia Liafuan durante loron seluk iha semana nia laran tomak. Maromak la haree de'it ba buat ne'ebé ita ko'alia. Nia haree ba ita-nia laran.

Iha Jesus nia tempu, ulun-nain relijiaun barak haree hanesan santu tebes iha li'ur. Sira halo orasaun iha publiku no halo tuir tradisaun barak relijiaun nian. Maibé dala barak sira ignora Maromak Nia mandamentu sira. Jesus hatete: "Sira adora Ha'u saugati de'it, tanba sira hanorin ema nia ukun fuan sira nudar doutrina" Mateus 15:9. Ida-ne'e katak adorasaun sai mamuk bainhira ema halo tuir ema nia tradisaun duke Maromak nia Liafuan. Ema barak fiar katak sira adora Maromak, maibé se sira-nia fiar mai husi tradisaun, kultura, ka hanoin duke Biblia, sira la adora Maromak tuir Ninia hakarak. 

Maromak hakarak ita atu hatene Ninia lia-loos liuhusi Biblia (João 17:17). Antes ita fiar ka halo buat ruma, ita tenke husu: "Serake Biblia hanorin ida-ne'e?" Se lae, ita tenke halo tuir Maromak Nia Liafuan duke hanorin husi ema.

Maromak sempre hakarak ita-nia laran. Iha Deuteronomio 6:5, nia hatete: "Imi sei hadomi Nai, imi-nia Maromak, ho imi-nia fuan laran tomak, ho klamar tomak no ho forsa tomak. Adorasaun ne'ebé loos hahú ho laran ne'ebé hadomi Maromak. 

Kuandu ita hadomi duni Maromak, domin ne'e ema sei haree iha ita-nia dalan moris loroloron. Jesus hatete: "Se ó hadomi ha'u, halo tuir ha'u-nia mandamentu sira." (João 14:15). Ita sei la manan salvasaun tamba obedesementu, maibé obedesementu hatudu katak ita-nia domin ba Jesus ne'e reál duni. 

Ohin loron, husu ba ita-nia an: " Serake ha'u adora Maromak ho ha'u-nia ibun de'it ka ha'u adora Nia ho ha'u-nia laran tomak?" Maromak la impresionadu ho ita-nia liafuan furak de'it. Nia hakarak laran ne'ebé tau fiar ba Nia, hadomi Nia, no halo tuir Nia loroloron. 

Mai ita sai ema kristaun la'os de'it ho naran. Mai ita halo tuir Jesus ho laran-tomak. Atu nune'e ita-nia liafuan, ita-nia hahalok no ita-nia moris sei fó onra ba Maromak. 

Bainhira ita adora Maromak ho ita-nia laran iha ita-nia moris, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Saida mak akontese bainhira ita rejeita Maromak nia mensajen?

Maibé sira kontra nia no ko'alia aat hasoru nia. Nune'e nia liki tiha ninia ropa no dehan ba sira, “Husik imi nia raan fila fali ba imi-nia ulun. Ha'u moos ona. Hosi agora ba oin, ha'u sei ba ema Jentiu sira.” Apostolu 18:6

                                Apostolu 18:6

Kuandu apóstolu Paulo haklaken kona-ba Jesus, ema balu ho kontente simu liafuan ne'e. Maibé ema seluk lakohi rona. Sira mós kontra Paulo no insulta nia. Tuirmai Paulo hatete: "“Husik imi nia raan fila fali ba imi-nia ulun. Ha'u moos ona. Hosi agora ba oin, ha'u sei ba ema Jentiu sira.” Apostolu 18:6

Apostolu Paulo la hirus. Nia so dehan de'it: "Hau halo ona ha'u-nia parte. Ha'u fahe ona Maromak Nia mensajen ba imi. Agora imi hili, atu simu ka rejeita?" 

Maromak fó ona liberdade ba ema hotu atu hili. Nia la obriga ema ida atu la'o tuir Nia. Nia ho domin konvida ita atu simu Ninia salvasaun, maibé ita tenke deside ba ita-nia an rasik. 

Saida mak akontese bainhira ema rejeita Maromak Nia mensajen? 

Ulukliu, sira lakon bénsaun ne'ebé Maromak hakarak atu fó ba sira. Jesus hatete: "Mai ba Ha'u... no Ha'u sei fó deskansa ba imi." Mateus 11:28. Ema sira ne'ebé rejeita Maromak Nia konvite, sira kontinua lori sira-nia pekadu nia todan rasik. 

Segundu, sira-nia laran bele sai toos liután. Kuandu ema ida hatete "Lae" ba Maromak, fasil liu atu ignora Ninia lian. Ebreu 3: 15 hatete: "Ohin, se imi rona Ninia lian, keta halo imi-nia laran toos." 

Terseiru, ema ida-idak responsavel ba sira-nia desizaun rasik. Ita labele du'un ita-nia inan-aman, igreja, kolega, ka pastor sira. Loron ida, ita ida-idak sei hatán ba Maromak kona-ba desizaun hotu ne'ebé ita halo ona durante ita-niamoris tomak (Roma 14: 12). 

Liafuan di'ak mak ne'e: bainhira ita sei moris hela, Maromak sei nafatin bolu ita. Maromak ne'e pasiénsia no lakohi ema ida atu mate (2 Pedro 3:9). Hanesan aman iha istória kona-ba oan-mane ne'ebé lakon, Maromak sempre prontu simu ema ne'ebé fila fali ba Nia (Luc 15:20-24). 

Ohin loron, se Maromak ko'alia ona ba ita-nia laran liuhusi Biblia, keta ignora Ninia lian. Keta hein to'o loron aban. Ohin, loke ita-nia laran ba Jesus. Ninia mensajen la'ós atu julga, maibé atu salva Ita. 

Husu ba ita-nia an: "Serake ha'u simu ka ignora ona Maromak Nia mensajen?" Desizaun ne'ebé ita halo ohin loron sei afeita ita-nia futuru no ita-nia moris rohan-laek nian. 

Bainhira ita ho haksolok simu Maromak Nia Liafuan no halo tuir Jesus loroloron, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More