Hakarak sai livre husi kondenasaun?

Nune'e la iha kondenasaun ba sira ne'ebé iha Kristu, sira-ne'ebe la moris tuir isin nia hakarak maibé Espíritu nia hakarak. Roma 8:1 TL

                                     Roma 8:1

Ema barak moris iha sentimentu todan tanba sala, ta'uk, no kondenasaun ba sira-nia an, no sira sempre hanoin kona-ba fallansu sira iha pasadu. Roma 8: 1 fó esperansa hodi dehan katak iha Kristu Jesus mak ita bele hetan liberdade husi kastigu-mate. Liberdade hosi kondenasaun ne'e la mai husi ita-nia hakaas-an ka husi ita-nia hahalok-di'ak sira, maibé liuhusi unidade ho Kristu iha fiar. Kuandu ita simu Jesus, ita-nia hahalok iha Maromak nia oin muda kompletamente. 

Versíkulu ne'e hatudu ho klaru katak ema ne'ebé la'o tuir Espíritu, la'ós isin mak bele hetan liberdade ne'e. Ida-ne'e la'ós katak ita moris ho perfeitu, maibé moris neʼebé intrega totalmente ba Maromak- moris neʼebé permiti Maromak Nia espíritu santu gia Ita-nia hanoin, desizaun, no asaun sira. Espíritu santu halo ita arrepende an, obedese, no krexe iha fé, la'ós ta'uk no moe. Kondenasaun partensi ba moris ne'ebé tuan pekadu nian; liberdade partensi ba moris foun iha Kristu Jesus. 

Maromak Nia ukun-fuan sei fó sai buat ne'ebé loos no hatudu ita-nia sala, maibé ukun-fuan ne'e labele fó kastigu ba ema ne'ebé iha Kristu. Maibé, Maromak Nia ukun-fuan lori ita ba Jesus, ne'ebé kumpre moris loos ba ita no Nia fó kbiit mai ita atu moris ho harmonia tuir Maromak Nia hakarak. Liberdade ne'ebé loos la'ós lisensa atu halo sala, maibé kbiit atu moris ho moris ne'ebé transformadu. 

Ohin, se ita sente laran-tuun tamba sala, hanoin promesa ida ne'e: katak iha Kristu, kastigu ka kondenasaun ne'e troka ho perdua, dame, no moris foun. La'o loroloron hamutuk ho Nia, tau fiar ba Ninia laran-di'ak, no moris ho ksolok iha liberdade ne'ebé nia fó - ne'e mak dalan ne'ebé loos ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fahe ita-nia fiar

Ha'u halo orasaun katak ó bele fahe ó-nia fiar ho rezultadu di'ak. Atu nune'e ó bele sai nakonu ho matenek kona ba buat di'ak hotu ne'ebé iha ita-nia laran tanba Kristu. Filemón 1:6 BK

Filemón 1:6

Ema kristaun nia moris la'ós atu moris nonook de'it. Filemon 1: 6 fó-hanoin ita katak ita-nia fiar bele sai metin liután bainhira ita fahe. Maromak la bolu ema fiar-na'in sira atu subar sira-nia esperiénsia fiar nian, maibé atu fahe no influensia ema seluk liuhusi liafuan, hahalok di'ak, no moris ne'ebé transformadu. Kuandu ita ko'alia kona-ba buat ne'ebé Kristu halo ona ba ita, ita-nia fiar sai metin liután.

Fahe ita-nia fiar, la presiza sempre ko'alia ba ema barak. Dala barak, ita fahe ita-nia fiar liuhusi hatudu laran-di'ak, fidelidade, perdua, no hadomi. Bainhira ita rekoñese buat di'ak sira ne'ebé Maromak tau ona iha ita-nia moris liuhusi Kristu, ema seluk mós hakarak atu hetan buat di'ak ne'e. Ita-nia hahalok loroloron nian sai nu'udar sasin ne'ebé hatudu Maromak Nia grasa no laran-di'ak.

Versíkulu ne'e mós hanorin katak fahe fiar neʼebé efetivu hahú ho kompriensaun kona-ba saida mak Kristu halo ona iha ita-nia moris. Kuandu ita hatene Maromak fó perdua, Ninia matadalan, no Ninia kbiit atu transforma moris, ita iha dezezu atu fó-hatene ema seluk. Laran ne'ebé agradese la bele nonook de'it. 

Maromak uza ema kristaun baibain atu alkansa ema seluk ba Ninia reinu. Bainhira ita fahe ita-nia fiar ho hakarak rasik, Maromak multiplika ninia impaktu ba ema seluk, hodi hametin ida ne'ebé simu no ida ne'ebé fahe esperiensia fiar nian. Mai ita refleta Kristu iha ita-nia moris loroloron, atu nune'e ema seluk bele haree jesus liuhusi ita-nia moris no bele hetan matadalan atu la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ain-tuur hotu sei hakneak

“Hau jura hodi Ha'u ne'ebé moris, dehan Nai, ain-tuur hotu sei hakneak mai Ha'u, no nanál hotu sei fó sai katak Ha'u mak Maromak.” Roma 14:11 BK.

Roma 14:11

Bíblia hatete ho klaru katak loron ida sei mai, bainhira ema hotu nia ain-tuur sei hakneak ba Maromak. Ida-ne'e inklui liurai, atan, fiar-na'in no ema ne'ebé la fiar, ema loos no ema aat sira. Ema hotu sei hakneak voluntarimente ho domin ka la ho hakarak rasik iha loron julgamentu. Loron ida, ema hotu sei rekoñese Maromak Nia autoridade no Maromak Nia soberanu. Apóstolu Paulo fó-hanoin ita katak lia-loos ne'e la'ós sujestaun ida, maibé Maromak rasik mak hakerek lia-loos ne'e. 

Ohin loron, ema barak moris hanesan Maromak la ezisti, ka sira moris hanesan la iha responsabilidade ba ema ida. Maibé Roma 14 hanorin katak ema ida-idak sei hatán ba Maromak kona-ba hahalok saida de'itmak sira halo iha moris ne'e (Roma 14:12). Aktu hakne'ak la'ós de'it aktu fiziku de'it, maibé ne'e reprezenta submisaun, rekoñesementu, no aseitasaun ba Maromak Nia ukun. Iha loron ne'ebá, ema sira ne'ebé hakruuk ho laran haraik-an agora, sei hakru'uk ho haksolok. 

Ba ema fiar-na'in sira, versíkulu ne'e mak konvite ida atu moris ho fiél no obedese ba MaromakNia hanorinsira, tanba ita hatene katak ita-nia desizaun saida de'it mak ita halo agora, sei afeta ba ita-nia vida eterna. Salvasaun ne'e La obriga, maibé salvasaun ne'e oferese liuhusi Jesus Kristu. Sira ne'ebé hili Kristu agora no rekoñese Nia nu'udar Nai antes loron julgamentu, sira hetan perdua, restorasaun no esperansa, la'os ta'uk. 

Mai ita la hein atu hakneak ho obriga iha tempu nia rohan. Mai ita hakru'uk agora - hodi hili fiar, obedese no entrega ita-nia an ba Kristu, tanba ho hakarak rasik hakruuk ba Maromak agora mak sei lori ita la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More