Bainhira ha'u haree Ó-nia lalehan ne'ebé Ó halo ho Ó-nia liman fuan, fulan no fitun sira nebee Ó tau iha fatin ne'ebá: Saida mak ema, atu Ó hanoin nia? No saida mak ema nia oan, atu Ó tau matan ba nia? Salmu 8:3-4 BK
Bainhira liurai David hateke ba lalehan kalan, nia admira. Lalehan ne'ebé luan, fulan, fitun, no kriasaun tomak nia furak, halo nia hanoin kle'an kona-ba Maromak nia kbiit boot. Iha Salmo 8: 3-4, liurai David kompara universu nia kmanek no boot ho ita ema ne'ebé ki'ik tebes. Tan ne'e, nia ho haraik-an husu: "saida mak ema nia oan, atu Ó tau matan ba nia?"
Pergunta ne'e fó-hanoin ita katak Maromak mak boot tebes kompara ho ita ne'ebé ki'ik tebes. Lalehan la'os kria tamba asidente ida, maibé Maromak nia liman-fuan mak kria sira. Fitun hotu, planeta hotu, no saida de'it iha lalehan hatudu Maromak Nia kbiit, sabedoria no orden. Maski Maromak boot tebes, Nia hafolin no hanoin tebes ita. Nia hatene ita-nia naran, tau matan ba ita, no Nia envolve iha ita-nia moris.
Versíkulu sira-ne'e hanorin ita atu haraik-an. Ita la'ós universu nia sentru, maibé Maromak mak sentru. Maski nune'e, Maromak hili atu hadomi ita, fó matadalan mai ita, no fó signifikasaun ba ita-nia moris. Ida-ne'e tenke lori ita atu iha sentimentu gratidaun, agradese no adora Maromak. Iha tempu ruma, se kuandu ita sente katak ita la iha folin, Salmo 8 fó-hanoin ita katak Maromak valoriza no hanoin ita. Ita mós importante ba Maromak.
Haree no konsidera lalehan sira, mós hametin ita-nia fiar. Maromak ne'ebé kaer metin fitun sira mak Maromak ne'ebé kaer ita-nia moris. Se Maromak bele ukun universu, nia bele rezolve mós ita-nia problema, ta'uk, no futuru.
Kuandu ita refleta kona-ba Maromak Nia kriasaun, mai ita responde ho fiar, haraik-an no hahi'i. Biarba ita hakbesik liután ba Kriador, ne'ebé ho domin, konvida ita atu iha relasaun ho Nia. La'o ho haraik-an ho Maromak boot ne'e mak dalan ne'ebé loos ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
