Se mak Maria nia Salvador?

Maria dehan, “Ha'u-nia klamar hahi'i Nai, No ha'u-nia espíritu haksolok iha Maromak, ha'u-nia Salvadór.” Lucas 1:46-47 BK 

Lucas 1:46-47

Iha Lucas kapítulu 1, Maria ko'alia liafuan sira-ne'e bainhira nia vizita Elizabeth. Nia nakonu ho ksolok no hahi'i tanba Maromak hili ona nia nu'udar Jesus Nia inan. Knananuk hahi'i nian ne'e dala barak bolu nu'udar Maria nia knananuk. Iha versikulu ne'e, Maria la hahi'i nia an. Nia hatete ba Maromak no bolu Nia nu'udar "ha'u-nia Salvador". 

Ida ne'e importante tebes. Maromak hili Maria, maibé nia nafatin presiza Salvador ida. Nia hatene katak Maromak de'it mak bele salva nia husi sala. Ninia ksolok la'ós tanba ninia laran-di'ak rasik, maibé tanba buat ne'ebé Maromak halo ona ba nia durante ninia moris. Maria hanorin ita atu haraik-an. Nia fó-hanoin ita katak la iha ema ida mak bele salva ita-nia an. Ita hotu presiza Maromak Nia grasa. 

Bainhira Maria hatete: "Hau-nia moris fó glória ba Nai," nia hatudu katak nia moris tomak hakarak fó glória ba Maromak. Kuandu nia hatete: "Hau-nia espíritu haksolok," ne'e hatudu ksolok boot iha nia laran. Ksolok ne'e mai tanba Maromak kumpre Ninia promesa sira. Salvadór ne'ebé nia haksolok ba mak Jesus, Ida ne'ebé nia sei tuur-ahi. Nia mai la'ós de'it ba Maria, maibé ba ema hotu. 

Maria fiar Maromak Nia liafuan, tau fiar ba Ninia planu, no haksolok ba Nia antes Jesus moris. Ninia fiar hatudu ba ita oinsá mak ita bele responde ba Maromak iha ita-niamoris. Karik ita la komprende buat hotu, maibé ita bele tau fiar nafatin ba Nia.

Ohin loron, ita mós hetan konvite atu haksolok ho Maromak, ita-nia Salvador. Hanesan Maria, ita mós bele hahi'i Maromak ho haraik-an no agradese ba Nia. Jesus mai atu salva ita, fó perdua mai ita, no fó moris foun mai ita. 

Kuandu ita simu Jesus nu'udar ita-nia Salvador no Nai, ita hamutuk ho Maria hahi'i Maromak. Fiar no ksolok ne'e dirije ita-nia moris no lori ita ba oin hodi la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Dezafia malu atu halo buat di'ak

Mai ita hanoin oinsá ita bele fó hanoin ba malu atu hatudu domin no hahalok di'ak. Ebreu 10:24 BK 

Ebreu 10:24

Maromak la kria ita atu la'o mesak de'it iha ita-nia vida Kristaun. Iha Ebreu 10:24, Biblia fó-hanoin ita katak ema kristaun tenke ajuda malu atu krexe iha domin no hahalok-di'ak. Antes versíkulu ne'e, hakerek-nain ne'e fó korajen ba ema fiar-na'in sira atu fiar metin ba Maromak no hakbesik ba Nia ho laran tomak (Ebreu 10:22-23). Tanba Maromak ne'e fiél Maromak bolu ita atu fiél iha ita-nia fiar. 

"Dezafia" malu la'ós atu kritika ka julga malu. Ne'e katak ita enkoraje malu atu halo buat ne'ebé loos. Dala ruma ema sente kole, fraku, ka deskorajen. Iha momentu sira hanesan ne'e, liuhosi ko'alia liafuan di'ak, fó liafuan korajen ba ema seluk bele ajuda sira kontinua luta. Maromak uza Ninia povu atu hametin malu. 

Halo buat di'ak la'ós de'it kona-ba asaun boot sira. Buat ne'ebé simples hanesan ajuda ema ne'ebé presiza, ko'alia ho laran-di'ak, fó perdua ba ema seluk, ka fahe esperansa bele halo diferensa boot iha ema ida nia moris. Kuandu ita haree ema seluk halo buat ne'ebé di'ak, ida-ne'e bele inspira ita atu halo buat neʼebé hanesan. Ne'e mak dalan ne'ebé ita bele haburas domin iha ita-nia komunidade. 

Versíkulu tuirmai, Ebreu 10:25 mós fó-hanoin ita atu la para atu hasoru malu. Halibur hamutuk ho ema kristaun seluk, ajuda ita atu aprende, halo orasaun, no fó korajen ba malu. Kuandu ita la'o hamutuk, ita-nia fiar sai metin liután, no ita mós preparadu liu atu hasoru dezafiu sira iha ita-nia moris. 

Ohin loron, husu ba ita-nia an: Oinsa mak ita bele fó korajen ba ema atu halo buat di'ak? Karik liuhusi orasaun, fahe liafuan di'ak, ka asaun karidade sira. Kuandu ita apoia no dezafia malu iha domin, ita refleta Kristu Nia karakter. 

Liuhusi fó korajen ba ema seluk atu halo buat ne'ebé di'ak no hatudu domin, ita bele ajuda sira atu nafatin fiél no iha esperansa nafatin bainhira ita kontinua la'o hamutuk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Halo la'os rona de'it Maromak Nia futarlia

Tiago 1:22

Maibé sai ema nebee halo tuir liafuan ne'e, la'os ema ne'ebé rona de'it, hodi imi la lohi imi-nia aan rasik. Tiago 1:22 BK 

Iha livru Tiago, hakerek-nain ne'e ko'alia ho klaru no praktikalidade kona-ba moris kristaun nian. Antes versíkulu ne'e, apóstolu Tiago esplika katak Maromak Nia Liafuan kuda iha ita-nia laran atu salva ita (Tiago 1:21). Maromak ko'alia ba ita liuhusi Ninia Liafuan atu nune'e ita bele transforma ita-nia moris. Maibé apóstolu Tiago fó avizu maka'as: la to'o atu rona de'it Maromak nia Liafuan. Se ita rona Maromak Nia Liafuan, maibé la halo tuir, ida-ne'e ita hanesan ema beik ida no lohi de'it ita-nia an. 

Sai ema ne'ebé "rona de'it" Maromak Nia Liafuan katak ita gosta rona pregasaun, devosaun ka sermaun, lee Biblia, no rona konsellu di'ak hosi Biblia, maibé ita la prátika saida mak Biblia hanorin. Karik ita hatene saida mak loos, maibé ita nunka halo tuir. Apóstolu Tiago hatete katak fiar hanesan ne'e fraku. Ita hatudu fiar ne'ebé loos liuhusi ita-nia asaunsira. Kuandu Maromak haruka ita fó perdua, ita fó perdua. Kuandu Maromak haruka ita hadomi ema seluk, ita hatudu domin liuhusi ita-nia asaun. Kuandu Maromak haruka ita moris ho onestu, ita hili onestu maski susar. 

Tuirmai, apóstolu Tiago fó ezemplu ida: nia hatete "Tanba se ema ida rona deit liafuan ne'e no la halo tuir, nia hanesan ema ne'ebé haree di-diak ninia oin iha espellu ida. Bainhira nia haree tiha ninia aan, nia baa deit no haluha kedas ninia oin nee oinsaa" Tiago 1:23-24. Maromak Nia Liafuan mak hanesan espellu ida. Maromak Nia liafuan hatudu ita ita-nia sala, ita-nia frakeza sira, no mós dalan ne'ebé loos atu la'o tuir. Maibé bénsaun mai, bainhira ita halo tuir buat ne'ebé ita rona. 

Maromak la husu ita atu halo tuir Nia hanorin sira ho ita-nia kbiit rasik. Nia ajuda ita liuhusi Ninia Espíritu Santu. Bainhira ita halo tuir buat ki'ik sira pasu pur pasu, ita-nia fiar sai metin liután. Ita-nia moris komesa refleta Jesus ho klaru. 

Tan ne'e ohin loron, husu ba ita-nia an: Hau rona de'it Maromak Nia futarlia ka ha'u mós pratika ka moris tuir Maromak Nia Liafuan? Bainhira ita hili atu halo tuir Maromak Nia Liafuan, ita la'o besik liután ho Maromak no ita ho laran-metin kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More