Hatudu mai ha'u dalan ne'ebé ha'u tenke ba

Fó sai Ó-nia domin metin ba ha'u iha dadeer, tanba ha'u fiar ba Ó deit! Fó hatene ba ha'u dalan ne'ebé ha'u tenki la'o tuir, tanba ha'u hasa'e ha'u-nia klamar ba Ó. Salmu 143:8 BK 

Salmo 143:8

Moris nakonu ho desizaun. Desizaun balu ki'ik, maibé balu forma ita-nia futuru. Dala ruma ita sente konfuzaun no la hatene dalan ne'ebé mak loos. Hanesan liurai David ne'ebé hakerek salmu ne'e, ita mós bele halerik atu husu matadalan ba Maromak. 

David la fiar ba ninia matenek rasik. Ta ne'e nia harohan: "Hatudu mai ha'u dalan ne'ebé ha'u tenke ba." Nia hatene katak Maromak haree dalan hotu iha futuru, maibé ita haree de'it parte ki'ik balu. Buat ne'ebé ita haree hanesan di'ak, bele lori ita ba problema, maibé Maromak Nia dalan sempre lori ita ba moris. 

Nota katak liurai David ko'alia kona-ba Maromak Nia domin ne'ebé nunka falla. Antes nia husu matadalan, nia fó-hanoin nia an kona-ba Maromak Nia fidelidade. Ida ne'e importante. Ita bele tau fiar ba Maromak Nia matadalan tanba ita hatene katak Ninia laran nakonu ho domin. Nia la fó matadalan mai ita atu hakanek ita, maibé atu haraik bénsaun ba ita no forma ita-niamoris. 

Kuandu ita tau fiar ba Maromak, ita dehan: "Nai, ha'u-nia planu sira iha Ita-nia liman." Kuandu ita entrega aan hanesan ne'e, loke dalan ba diresaun ne'ebé klaru hosiMaromak. Maromak bele lidera ita liuhusi Ninia Liafuan, liuhusi konsellu ne'ebé matenek, liuhusi Espíritu Santu Nia dame iha ita-nia laran, ka liuhusi odamatan ne'ebé taka atu fo diresaun foun tuir dalan ne'ebé loos. 

Dadeer-dadeer mak oportunidade foun ida atu buka matadalan husi Maromak. Duke la'o lalais ba oin ho ita-nia hanoin rasik, ita bele pauza no harohan: "Nai, hatudu mai ha'u dalan ne'ebé ha'u tenke ba." 

Kuandu ita tau fiar ba Nia loroloron, Nia promete sei dirije ita-nia hakat sira no lori ita ho seguru iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Julga tuir ita-nia hahalok

Nia sei selu ema ida-idak tuir ema nia hahalok. Ba sira nebee halo diak ho pasiénsia hodi hetan glória, onra no moris ne'ebé nunka mate, Maromak sei fó moris rohan laek. Roma 2:6-7 BK 

Roma 2:6-7

Bíblia hanorin ho klaru katak Maromak haree buat hotu. La iha buat ida mak subar husi Ninia matan. Ita-nia asaun, ita-nia lia-fuan, ita-nia motivu hotu iha ita-nia laran Maromak hatene hotu. Loron ida, Nia sei tesi-lia ba mundu ho justisa ne'ebé perfeitu. 

Versíkulu sira-ne'e fó-hanoin ita katak Maromak "sei selu fali ema ida-idak tuir buat ne'ebé sira halo ona". Ida-ne'e la dehan katak ita hetan salvasaun liuhusi ita-nia serbisu sira. Salvasaun mak prezente laran-di'ak nian liuhusi fiar. Maibé ita-nia hahalok hatudu buat ne'ebé loos iha ita-nia laran. Sira hatudu katak ita-nia fiar ne'e loos duni ka lae.

Moris ne'ebé partensi ba Kristu, sei hatudu evidénsia. Ema ne'ebé partensi ba Kristu sei kontinua halo buat di'ak. Sira sei hakarak fó hahi'i ba Maromak, la'ós atu hetan hahi'i ba sira-nia aan rasik. Sira sei iha dezeju atu hetan moris rohan-laek duke haksolok neebe temporariu. 

Halo buat ne'ebé di'ak la sempre hetan basa-liman. Dala ruma halo buat di'ak lori susar ba ita. Dala ruma ita presiza pasiénsia. Maibé Maromak haree buat hotu ne'ebé ita halo ho nonook hodi obedese ba Ninia hanorin sira. Nia haree sakrifísiu hotu ne'ebé ita halo ba Ninia naran. La iha buat ida ita halo ba Maromak mak saugati de'it. 

Versíkulu sira-ne'e mós fó-hanoin ita katak moris rohan-laek la'os ba ema ne'ebé moris arbiru de'it, maibé moris rohan-laek mak ba sira ne'ebé kontinua buka Maromak. Moris kristaun la'ós viajen ne'ebé badak, maibé ida-ne'e mak viajen ne'ebé ita halo iha ita-nia moris tomak ho fidelidade. 

Ohin loron, mai ita ezamina didi'ak Ita-nia moris. Serake ita-nia asaun ka hahalok sira refleta laran ne'ebé buka Maromak? Serake ita moris ho ojetivu no vizaun ba moris rohan-laek? 

Mai ita moris loroloron ho konxiensia katak Maromak haree, maromak lembra, no loron ida, Maromak sei fó kolen ba sira ne'ebé ho laran-metin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hosi atan ba liberdade

No imi sei hatene lia loos, no lia loos sei halo imi livre. João 8:32 BK 

João 8:32 

Ema barak hanoin katak liberdade signifika halo buat saida de'it ne'ebé sira hakarak. Maibé Jesus ko'alia kona-ba liberdade ne'ebé boot liu. Nia ko'alia kona-ba liberdade ba ema nia laran no moris. 

Antes ita hatene kona-ba Kristu, karik ita mós sai atan ka sadir hela ba hahalok aat sira maibé la hatene. Pekadu bele kontrola ita-nia hanoin, atitude ka toman aat, no desizaun sira. Hahalok sira hanesan hirus, zelozu, laran-moras, ta'uk, foti-an: buat sira-ne'e bele kesi ita hanesan dadur ida. Ita bele koko atu liberta an rasik, maibé kadeli sira-ne'e nafatin kesi metin. 

Jesus hatete katak lia-loos lori liberdade. Lia-loos ne'e mak saida? Ne'e mak lia-loos kona-ba Jesus hanesan dalan, lia-loos no moris (João 14:6). Ne'e mak lia-loos kona-ba ita-nia sala. Ne'e mak lia-loos kona-ba Maromak nia domin no perdua. Kuandu ita simu Ninia Liafuan no tau fiar ba Nia, buat boot ida akontese iha ita-nia laran. 

Lia-loos hatudu katak ita presiza Salvador ida. Lia-loos ne'e lori ita atu arrepende an. Lia loos ne'e fó-hanoin ita katak Jesus mate no moris-hias fali hodi halakon sala nia kbiit. Bainhira ita fiar ba Maromak, korente ne'ebé dadur ita komesa monu. 

Liberdade la dehan katak ita sei nunka luta tan. Maibé liberdade signifika katak sala la'ós tan ita-nia na'i ne'ebé kontrola ita-nia moris. Agora ita iha kbiit liuhusi Kristu atu hili buat ne'ebé loos. Ita livre atu hadomi Maromak. Ita iha liberdade atu halo tuir MaromakNiaLiafuan. Liberdade atu moris ho esperansa duke ta'uk. 

Ohin, se ita sente katak ita tama hela lasu diabu nian no sasu dadur ba hahalok nakukun nian, mai hasoru Jesus. Rona ba Ninia Liafuan. Husik Ninia lia-loos hakonu ita-nia laran. 

So Ninia lia-loos de'it mak bele lori ita ba liberdade ne'ebé loos no ba nafatin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More