Guarda ita-nia lia-fuan

Maibé Ha'u dehan ba imi, iha Loron Tesi Lia nian, ema tenki hatán kona-ba liafuan folin laek ida-idak ne'ebé sira ko'alia. Mateus 12:36 BK 

Mateus 12:36 

Jesus hanorin katak ita-nia liafuan iha influensia. Jesus fó avizu katak loron ida ema sei hatán ba Maromak kona-ba liafuan hotu ne'ebé sira ko'alia ona (Mateus 12:36). Ida-ne'e fó-hanoin ita katak liafuan la'ós buat ki'ik ida iha Maromak nia oin. 

Bíblia esplika katak liafuan sira-ne'e hatudu saida mak iha ita-nia laran. Jesus hatete katak ibun fakar sai saida mak iha ema nia laran (Mateus 12:34). Bainhira ita-nia laran nakonu ho buat-di'ak, ita sei ko'alia sai liafuan di'ak, bainhira ita-nia laran-aat, liafuan aat sei sai hosi ita-nia ibun (Lukas 6:45). 

Eskritura sempre husu ema kristaun atu guarda sira-nia liafuan. Livru Proverbios hatete katak ema ne'ebé guarda sira-nia ibun, proteje sira-nia moris (Proverbios 13: 3). Bíblia mós hanorin ita katak liafuan ne'ebé la loos bele hakanek ema hanesan surik, maibé liafuan matenek bele lori kura ba ema (Proverbios 12: 18). 

Maromak hakarak ita-nia liafuan atu hametin ka harii ema seluk duke harahun sira. Apóstolu Paulo haruka ema kristaun atu ko'alia de'it kona-ba buat ne'ebé bele ajuda ema, no liafuan ne'ebé nakonu ho grasa ba ema ne'ebé rona (Efeso 4:29). Liafuan ne'ebé di'ak no mamar bele hakalma ema ne'ebé hirus no lori dame (Proverbios 15: 1).

Bíblia mós fó avizu atu labele ko'alia liafuan pekadu sira hanesan gossip, lia-bosok, no ko'alia kasar (Koloso 3: 8-9). Ema kristaun sira nia liafuan tenke nakonu ho grasa no matenek (Koloso 4: 6). 

Tanba ita-nia liafuan iha influensia boot, ita presiza buka Maromak Nia ajuda atu kontrola liafuan sira-ne'e. Salmista hatete: "Tau seguransa ida ba hau nia ibun, Oh Nai,

kuidadu hau nia ibun tutun!" Salmu 141:3. Ida-ne'e mak orasaun ne'ebé ema kristaun hotu tenke halo loroloron. 

Kuandu ita husik Maromak forma ita-nia laran liuhusi Ninia Liafuan, ita-nia liafuan sira kimesa refleta Ninia lia-loos no domin (Salmo 119:11). No kuandu ita guarda liafuan ne'ebé ita ko'alia, ida ne'e sei lori ita la'o nafatin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bainhira Maromak guarda ita-nia moris

Maibé Nai mak fiél. Nia sei hametin imi no proteje imi hosi aat na'in. 2 Tesalónika 3:3 BK 

2 Tesalónika 3:3 

Bíblia asegura ba ema fiar-na'in sira katak ita la mesak de'it iha mundu ne'ebé nakonu ho podér nakukun. Eskritura hatete ho klaru: "Maibé Nai mak fiél. Nia sei hametin imi no proteje imi hosi aat nain." Ne'e signifika Maromak rasik mak proteje ninia povu husi forsa nakukun nian. Forsa nakukun, espiritu aat, no ema aat bele iha planu no intensaun aat hodi halo ita ta'uk, maibé Nai hamriik nu'udar protejedor ba ema ne'ebé tau fiar ba Nia (Salmo 121: 7; 2 Tesalonika 3: 3). 

Ema barak iha mundu ne'e ta'uk ba podér nakukun, espíritu aat ka anju aat sira. Bíblia rekoiñese katak kbiit sira-ne'e ezisti duni, tanba Bíblia dehan ita la'ós de'it luta hasoru ema aat, maibé mós luta hasoru forsa nakukun nian (Efeso 6: 12). Maski nune'e, ema kristaun la presiza ta'uk tanba Maromak fó kbiit no protesaun mai ita liuhusi Kristu (Lukas 10:19). 

Maski ema aat sira halo planu atu hakanek ema, maibé ema fiar-na'in sira bele nafatin konfia Maromak Nia protesaun. Maromak hatete katak la iha arma ka sasán kro'at ida-ne'ebé bele kontra Maromak Nia povu mak bele hetan susesu (Isaias 54:17). Liurai David mós dehan katak maski inimigu hale'u ita, ita la presiza ta'uk tanba Nai hamutuk ho ita (Salmo 23: 4). 

Jesus rasik hatudu katak Nia iha kbiit liu fali forsa nakukun nian. Bainhira anju aat sira konfronta Nia, sira tenke obedese ba Jesus Nia mandamentu no halai (Marco 1:27). Liuhusi Kristu, ema fiar-na'in sira bele manán forsa nakukun tanba Maromak ne'ebé moris iha sira-nia laran mak boot liu fali kbiit aat sira iha mundu (1 João 4: 4). 

Tan ne'e, ema kristaun sira tenke hamriik metin iha fiar duke ta'uk ba forsa nakukun sira ne'e. Bíblia haruka ita atu kontra hasoru Diabu, no nia sei halai husi ita (Tiago 4: 7). Kuandu ita tau armamentu Maromak nian: hanesan lia-loos, justisa, fé, salvasaun, no Maromak Nia Liafuan, ita bele hamriik metin hasoru forsa nakukun hotu (Efeso 6: 13). 

Iha mundu ne'ebé ema barak ta'uk ba podér nakukun, ema fiar-na'in bele konfia an iha sira-nia moris tanba Maromak guarda sira. Nai ne'ebé fiél sei tau matan ba Ninia povu loron no kalan hodi proteje sira husi buat-aat (Salmo 121: 7). 

Bainhira ita kontinua tau fiar ba Maromak, obedese ba Ninia Liafuan sira, ita la presiza ta'uk. Ida ne'e mak mensajen ne'ebe fahe liuhusi programa "Dalan ba lalehan" katak ita so bele hetan vitoria kontra forsa nakukun tamba Maromak ne'ebé fiél proteje ita no lori ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La'o iha naroman Eskritura nian

Ó-nia liafuan mak lampu ida ba ha'u-nia ain, no naroman ida ba ha'u-nia dalan. Salmu 119:105 BK

Salmo 119:105

Iha tempu ema hakerek versíkulu ne'e, dala barak sira la'o iha kalan ho ahi-oan ki'ik ida iha sira-nia liman. Ahi-oan ne'e la fó naroman ba dalan tomak iha sira-nia oin. Ahi oan ne'e fó de'it naroman ne'ebé sufisiente ba sira-nia pasu tuirmai. Nune'e mós, Maromak Nia Liafuan fó matadalan ba ita-nia hakat sira iha ita-nia moris loroloron nian. 

Se la ho Maromak Nia Liafuan, fasíl ba ema atu la'o iha nakukun laran. Nakukun iha Bíblia dala barak refere ba pekadu, konfuzaun, no desizaun sira ne'ebé sala (João 12:35). Ohin loron ema barak koko atu moris tuir sira-nia matenek rasik, maibé ema nia matenek bele falla (Proverbios 14: 12). Bíblia fó-hanoin ita katak iha dalan ne'ebé ema haree loos, maibé dalan ne'e sei lori ba mate (Provérbiu 14:12, 16:25). Tan ne'e mak ita presiza eskritura Nia naroman atu gia ita. 

Maromak fó Biblia mai ita atu ita bele hatene dalan moris ne'ebé loos. Bíblia hanorin ita saida mak loos no korrije ita kuandu ita la'o iha dalan ne'ebé sala (2 Timoteo 3:16). Kuandu ita lee Eskritura sira, Espíritu Santu ajuda ita atu komprende Maromak Nia hakarak (João 16: 13). Liuhusi Maromak Nia Liafuan, Maromak hatudu oinsá atu moris, oinsá atu hatudu hahalok-di'ak ba ema seluk, no oinsá atu prepara an ba moris rohan-laek. 

La'o tuir Eskritura Nia naroman mós signifika halo tuir buat ne'ebé ita lee. Jesus hatete katak ema ne'ebé rona Ninia liafuan no halo tuir liafuan sira-ne'e mak hanesan ema matenek ne'ebé harii uma ida iha fatuk leten (Mateus 7:24). Bainhira anin-fuik mosu, uma ne'e sei hamriik metin. 

Loron-loron ita presiza uza tempu atu lee no hanoin kona-ba Maromak Nia Liafuan. Bíblia nia naroman sei fó matadalan ba ita-nia hakat sira, proteje ita husi sala, no lori ita ba dalan moris nian. 

Bainhira ita kontinua buka Maromak Nia lia-loos no la'o iha Ninia naroman, Maromak Nia Liafuan fo hanoin nafatin ba ita katak ida-ne'e mak dalan neʼebé lori ita ba lalehan.

Salmo 119:105

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More