“Tuir lo-loos, ha'u bele halo buat hotu,” maibé la'os buat hotu mak di'ak ba ita. “Tuir lo-loos, ha'u bele halo buat hotu,” maibé hau sei la sai atan ba buat ida. 1 Korinto 6:12 BK
Apóstolu Paulo fó-hanoin ema fiar-na'in sira katak maski ita iha liberdade atu halo buat barak, maibé la'os buat hotu fo benesiu ba ita (1 Korinto 6:12). Hanesan ema kristaun, molok halo buat ida, ita la'ós de'it husu: "seraké ida ne'e permiti atu halo?" Maibe husu mós serake ida ne'e fó benefisiu ka bele ajuda ema seluk no halo Maromak kontente?
Karik buat balu ne'ebé iha inisiu, haree hanesan la'os pekadu, maibé ida-ne'e dalaruma bele estraga ita-nia moris espirituál. Bíblia fó avizu katak: karik ita iha permisaun atu halo buat hotu, maibé la'ós buat hotu bele hametin ita-nia fiar (1 Korinto 10:23). Fiar-na'in ne'ebé matenek hili buat ne'ebé bele hametin ninia fiar, la'ós buat ne'ebé bele hafraku ninia fiar.
Perigu seluk tan mak ita bele hetan kontrola husi ita-nia abitu ka toman aat balu. Apóstolu Paulo hatete katak nia sei la permiti buat ida kontrola nia (1 Korinto 6:12). Maromak hakarak Ninia povu atu moris ho liberdade nia laran, la'ós atu sai atan ba hahalok pekadu nian ka hakarak ne'ebé la di'ak (Joaun 8:34-36).
Bíblia fó korajen ba ema kristaun atu hanoin didi'ak kona-ba sira-nia desizaun. Buat saida de'it ne'ebé ita halo tenke fó glória ba Maromak (1 Korinto 10:31). Maski desizaun ki'ik sira iha ita-nia moris loroloron nian mós tenke refleta ita-nia komitmentu atu la'o tuir Maromak nia hakarak.
Maromak mós bolu ita atu hanoin kle'an kona-ba buat ne'ebé bele ajuda ita krexe espiritualmente. Eskritura hanorin ita atu hanoin kona-ba buat ne'ebé tuir lia loos, buat hotu ne'ebé iha onra, buat hotu ne'ebé loos, buat hotu ne'ebé moos, buat hotu ne'ebé furak, buat hotu ne'ebé bele dehan diak" Filipe 4:8. Kuandu ita-nia neon nakonu ho buat sira-ne'e, ita-nia hahalok sei la'o tuir dalan ne'ebé loos.
Nu'udar Kristu nia dixipulu, ita tenke aprende atu hili buat ne'ebé di'ak ba ita-nia fiar no relasaun ho Maromak. Kuandu ita husik Maromak Nia Liafuan dirije ita-nia desizaun sira, ita-nia moris sai forte liután, matenek liután, no besik liután ba Maromak.
Bainhira ita hili buat ne'ebé lori bénsaun no fo benefisiu ba ita-nia moris espirituál nian, ita la'o ho laran-metin iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment