Ha'u-nia povu lakon ona tanba sira la matenek. Tanba imi rejeita liafuan matenek, Hau mos rejeita imi hodi la sai Hau nia saserdote. Hanesan imi haluha tiha imi-nia Maromak Nia lei, Ha'u mós haluha imi-nia oan sira. Oseias 4:6 BK
Maromak ko'alia liafuan sériu sira-ne'e liuhusi profeta Oseias. Maromak mós ko'alia nafatin ba ita ohin loron. Ita la hetan destroi tanba ita la bele aprende kona-ba Maromak. Maibé, ita hetan destroi tanba ita la simu lia-loos ne'ebé Maromak fó ona ba ita (Osea 4:6).
Maromak fó ona Ninia ukun-fuan no lia-loos ba ita liuhusi SagradaEskritura. Maibé ita hili atu ignora Maromak Nia Liafuan no halo tuir ita-nia dalan rasik (Osea 4: 1). Bainhira ita hadook an husi Maromak Nia lia-loos, ita-nia moris komesa sai sala no sai konfuzaun (Isaias 5:20).
Bíblia hanorin katak koñesimentu kona-ba Maromak nia Liafuan bele proteje ita. Maromak haruka Ninia povu atu halo tuir Ninia mandamentu sira no hanorin lia-loos sira ne'e ho kuidadu (Deuteronomio 6: 6-7). Ninia Liafuan ajuda ita bainhira ita la'o iha nakukun laran (Salmo 119:105).
Bainhira ita rejeita Maromak Nia lia-loos, ita sempre halo tuir hanoin ne'ebé sala. Bíblia fó avizu katak ita balu lakohi halo tuir Maromak Nia hanorin, tan ne'e ita komesa halo buat ne'ebé la loos (Roma 1:28). Se la iha Maromak Nia lia-loos, ita lakon ita-nia diresaun moris nian.
Maibé Maromak sei nafatin bolu ita atu fila fali ba Nia. Nai konvida ita atu buka Nia no aprende Ninia dalan sira (Jeremias 29:13). Kuandu ita lee Ninia Liafuan no rona ba Ninia lian, ita bele krexe iha sabedoria no kompriensaun (Proverbios 2:6).
Ita la presiza edukasaun aas atu hatene Maromak. Ema hotu ne'ebé haraik-an bele aprende Ninia lia-loos (Salmo 25:9). Buat ne'ebé importante liu mak rona Maromak no halo tuir Ninia Liafuan.
Kuandu ita simu koñesimentu kona-ba Maromak no halo tuir Ninia lia-loos sira, ita-nia moris hetan protesaun no matadalan hosi Maromak Nia sabedoria. Ninia Liafuan fó naroman ba ita-nia dalan no lori ita ba oin ho seguru iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment