Maibé Ha'u dehan ba imi, iha Loron Tesi Lia nian, ema tenki hatán kona-ba liafuan folin laek ida-idak ne'ebé sira ko'alia. Mateus 12:36 BK
Jesus hanorin katak ita-nia liafuan iha influensia. Jesus fó avizu katak loron ida ema sei hatán ba Maromak kona-ba liafuan hotu ne'ebé sira ko'alia ona (Mateus 12:36). Ida-ne'e fó-hanoin ita katak liafuan la'ós buat ki'ik ida iha Maromak nia oin.
Bíblia esplika katak liafuan sira-ne'e hatudu saida mak iha ita-nia laran. Jesus hatete katak ibun fakar sai saida mak iha ema nia laran (Mateus 12:34). Bainhira ita-nia laran nakonu ho buat-di'ak, ita sei ko'alia sai liafuan di'ak, bainhira ita-nia laran-aat, liafuan aat sei sai hosi ita-nia ibun (Lukas 6:45).
Eskritura sempre husu ema kristaun atu guarda sira-nia liafuan. Livru Proverbios hatete katak ema ne'ebé guarda sira-nia ibun, proteje sira-nia moris (Proverbios 13: 3). Bíblia mós hanorin ita katak liafuan ne'ebé la loos bele hakanek ema hanesan surik, maibé liafuan matenek bele lori kura ba ema (Proverbios 12: 18).
Maromak hakarak ita-nia liafuan atu hametin ka harii ema seluk duke harahun sira. Apóstolu Paulo haruka ema kristaun atu ko'alia de'it kona-ba buat ne'ebé bele ajuda ema, no liafuan ne'ebé nakonu ho grasa ba ema ne'ebé rona (Efeso 4:29). Liafuan ne'ebé di'ak no mamar bele hakalma ema ne'ebé hirus no lori dame (Proverbios 15: 1).
Bíblia mós fó avizu atu labele ko'alia liafuan pekadu sira hanesan gossip, lia-bosok, no ko'alia kasar (Koloso 3: 8-9). Ema kristaun sira nia liafuan tenke nakonu ho grasa no matenek (Koloso 4: 6).
Tanba ita-nia liafuan iha influensia boot, ita presiza buka Maromak Nia ajuda atu kontrola liafuan sira-ne'e. Salmista hatete: "Tau seguransa ida ba hau nia ibun, Oh Nai,
kuidadu hau nia ibun tutun!" Salmu 141:3. Ida-ne'e mak orasaun ne'ebé ema kristaun hotu tenke halo loroloron.
Kuandu ita husik Maromak forma ita-nia laran liuhusi Ninia Liafuan, ita-nia liafuan sira kimesa refleta Ninia lia-loos no domin (Salmo 119:11). No kuandu ita guarda liafuan ne'ebé ita ko'alia, ida ne'e sei lori ita la'o nafatin iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment