Maromak Sei Fó Buat Hotu Ne’ebé Ita Presiza

No ha'u-nia Maromak sei fó buat hotu ne'ebé imi presiza iha Kristu Jesus tuir Ninia riku-soin iha glória. Filipe 4:19

                           Filipe 4:19

Ita hotu iha nesesidade. Dala ruma ita presiza osan, hahán, saúde, servisu, uma, ka ajuda ba família. Dala ruma ita preokupa tanba ita haree katak osan la to’o ka problema barak liu.

Maibé Filipenses 4:19 fó promesa importante ida: Maromak hatene ita-nia nesesidade no Nia sei fó buat ne’ebé ita presiza.

Maibé ida ne’e la signifika katak ita sei hetan buat hotu ne’ebé ita hakarak. Maromak bele la fó buat ne’ebé ita husu, tanba Nia hatene buat ne’ebé di’ak liu ba ita. Hanesan inan-aman ne’ebé hatene buat ne’ebé di’ak ba oan, Maromak mós hatene buat ne’ebé ita presiza.

Oinsá ita bele moris ho promesa ne’e?

Primeiru, aprende atu fiar Maromak.

Bainhira osan menus, keta paniku. Aprezenta ita-nia problema ba Maromak liuhosi orasaun.

Daruak, halo ita-nia parte.

Fiar Maromak la signifika ita hein de’it no la halo buat ida. Se ita buka serbisu, bainhira  ita hetan  serbisu  saida de'it,  halo serbisu ho laran tomak. Se ita  serbisu  hanesan to’os-na'in , serbisu ho didiak. Se ita iha negósiu, halo negósiu  ho honestidade.

Datoluk, aprende kontente ho buat ne’ebé ita iha.

Ita bele haree ema seluk iha uma di’ak liu, kareta di’ak liu, ka osan barak liu. Maibé keta kompara ita-nia moris ho ema seluk. Agradese ba Maromak tanba buat ne’ebé Nia fó ona ba ita.

Dahaat, fahe ho ema seluk.

Maski ita iha buat uitoan, ita bele ajuda ema seluk. Dala ruma ita bele fahe hahán, fó tempu, ajuda serbisu, ka fó liafuan komfortu ne’ebé haforsaema. Bainhira ita ajuda ema seluk, ita mós sai instrumentu Maromak Nian atu fó buat ne’ebé ema presiza.

Ita bele dehan ohin: “Nai, Hau la hatene loron aban sei akontese saida, maibé Hau fiar katak Ita hatene buat ne’ebé hau presiza. Ajuda hau atu tau fiar Ita no halo hau-nia parte ho fidelidade.”

Maromak la promete katak ita sei la hasoru problema. Maibé Nia promete katak Nia sei la husik ita mesak. Ita bele fiar ba Nia, maski ita seidauk haree ninia resposta.

Dalan ba Lalehan hanorin ita atu la depende de’it ba ita-nia forsa rasik, maibé atu fiar Maromak loroloron. Bainhira ita tau ita-nia moris iha Nia liman, ita bele la'o ho fiar no esperansa.Esperansa Filipenses 4:19 nian mak ida ne’e: Maromak hatene ita-nia nesesidade, no ita bele fiar Nia.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🙏🌹🙏🌹🙏🌹🙏🌹🙏🌹🙏

Maluk sira ne'ebé  Kristu  hadomi, 

Ami konvida ita-boot sira atu like, share  no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Oinsá Pekadu Muda Ita-nia Komunikasaun ho Maromak?

Leitura: Génesis 3:14–24; Êxodu 19:16–22, Jeremias 23:24

                             Jeremias 23:24

Iha inísiu, Adão no Eva moris besik ho Maromak. Sira bele ko’alia ho Maromak no sente Nia prezensa. Maibé bainhira sira desobedese, pekadu muda buat hotu.

Jénesis 3 hatudu katak depoisde Adão no Eva halo sala, sira ta'uk no subar hosi Maromak. Ida-ne’e mak mudansa boot ida iha komunikasaun entre ema ho Maromak. Antes, sira hakbesik ba Maromak ho hakmatek. Depoisde monu ba sala, sira hahú tauk, moe no hakarak dook hosiMaromak.

Pekadu mós halo ita sai hanesan ne’e.

Bainhira ita halo buat ne’ebé sala, dala ruma ita lakohi haloorasaun. Ita lakohi lee Bíblia. Ita lakohi bá igreja. Ita bele hanoin, “Maromak sei hirus hau. Di'ak liu hau dook tiha hosi Maromak.”

Maibé problema mak la’ós tanba Maromak muda. Ita mak muda tanba ita-nia sala.

Êxodu 19:16–22 hatudu Israel iha foho Sinai. Bainhira Maromak fó Lei, iha rai nakukun, rai-tarutu, ahi-lakan, suar no trombeta lian. Povu Israel tauk no hamriik dook. Maromak hatudu Nia santidade. Ema sala-na'in la bele trata Maromak hanesan ema ordináriu.

Tanba sala, ita-nia komunikasaun ho Maromak sai nakdoko. Ita iha tendénsia atu subar, tauk no dook. Maibé Maromak seidauk husik ita.

Jesus mak lori ita fila fali ba Maromak. Tanba Jesus, ita bele mai ba Maromak ho konfiansa. Ebreus 4:16 konvida ita atu hakbesik ba Maromak Nia tronu de grasa atu simu mizerikórdia no grasa.

Ita bele aplika ida-ne’e iha ita-nia moris loron-loron:

Primeiru, bainhira ita halo sala, keta subar. Fila ba Maromak lalais. Dehan simplesmente, “Maromak, hau beik sala, hau beik sala la di'akliu. Favor perdua hau no ajuda hau atu muda hau-nia hahalok ”

Daruak, keta hein ita sai perfeitu mak foin halo orasaun. Reza bainhira ita fraku. Reza bainhira ita triste. Reza bainhira ita monu. Maromak hakarak ita hakbesik ba Nia.

Datoluk, lee Bíblia. Bíblia ajuda ita hatene Maromak no aprende atu ko’alia ho Nia liu hosi orasaun.

Pekadu hakarak halo ita dook hosi Maromak. Maibé Maromak bolu ita atu fila mai ba Nia. Ita la presiza subar. Ita presiza hakbesik an ba Maromak.

Dalan ba Lalehan mak dalan ida atu fila ba Maromak liu hosi Jesus, aprende ko’alia ho Nia, fiar ba Nia no la'o hamutuk ho Nia loron-loron.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá Adam no Eva Hakarak Subar Hosi Maromak?

Leitura: Genesis 3:1–8; Jeremias 23:24; Hebreus 4:13

                        Jeremias 23:24

Iha ema ruma nebee bele subar ninia aan iha fatin segredu hodi Hau la bele haree nia ka? hatete Nai. Jeremias 23:24

Iha Jardim Eden, Adam no Eva moris hakmatek ho Maromak. Sira la tauk Maromak. Sira bele ko'alia ho Nia no sente Maromak Nia domin.

Maibé depoisde ida ne'e, sira la halo tuir Maromak Nia liafuan. Sira han ai-fuan ne'ebé Maromak bandu. Depoisde sira halo sala, buat ida muda. Bainhira sira rona Maromak la'o iha jardim, sira subar an iha ai-laran (Genesis 3:8).

Tanbasá sira subar?

Tanba sala lori moe no ta'uk. Antes sira halo sala, sira la presiza subar. Maibé depois de sira desobedese, sira sente katak sira sala. Sira la hakarak hasoru Maromak.

Ita mós bele halo hanesan ne'e.

Bainhira ita halo sala, dala ruma ita hakarak subar. Ita bele la hakoi ka la iha dezezu atu reza. Ita lakohi lee Bíblia. Ita evita ba igreja ka evita ema ne'ebé ko'alia kona-ba Maromak. Ita bele dehan iha ita-nia laran: “Hau sei hadia uluk ha'u-nia an, depois mak hau fila ba Maromak.”

Maibé ida-ne'e la ajuda ita.

Maromak hatene ita hotu. Jeremias 23:24 hatete katak ema labele subar husi Maromak. Ebreus 4:13 mós hatete katak buat hotu nakloke iha Maromak Nia oin. Ita bele subar hosi ema seluk, maibé ita labele subar hosi Maromak.

Entaun, se Maromak hatene ita nia sala hotu, saida mak ita tenki halo?

Keta subar. Fila ba Maromak.

Adão no Eva tenta subar, maibé Maromak mak buka sira. Ida-ne'e hatudu katak Maromak la hakarak husik ema moris iha sala laran. Nia buka ema ne'ebé monu atu bele fó dalan fila fali ba Nia.

Se ita halo sala ba ita-nia kaben, oan, maun-alin, kolega ka ema seluk, keta subar sala. Admite: “Hau sala. Deskulpa.” Depois husu Maromak atu perdua no ajuda atu ita bele muda.

Se ita halo sala iha segredu ne'ebé ema seluk la hatene, Maromak hatene. Maibé ida-ne'e la signifika katak ita tenki tauk no halai hosi Nia. Pelu kontráriu, ita bele mai ba Nia ho laran nakloke. Jesus hakarak perdua no restaura ita.

Loron ohin, husu ba ita-nia an: “Serake iha buat ruma iha hau-nia moris ne'ebé halo hau subar hosi Maromak?”

Se iha, keta subar tan. Ko'alia ho Maromak iha orasaun. Konfesa ita-nia sala. Husu Nia atu perdua no husu Nia atu fó forsa ba ita atu halo mudansa iha ita-nia moris.

Dalan ba Lalehan la'ós dalan ne'ebé atu halo ita halai hosi Maromak bainhira ita sala. Dalan ba Lalehan mak dalan atu fila ba Maromak, simu Nia perdaun, no la'o ho Nia loron-loron.

🙏 MAROMAK FO BENSAUN🙏🏻

Click iha ne'e atu  Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ita Moris Fali Ona iha Jesus?

Leitura Bíblia: João 3:3, 7; 2 Korinto 13:5

Jesus hataan ba nia, “Tebes, tebes, Hau dehan ba ó, se ema la moris fali, nia la bele haree Maromak Nia reinu.” João 3:3

Jesus dehan ba Nikodemos: “Tenki moris fali.” (João 3:7)

Saida mak signifika “moris fali”?

Moris fali la’ós de’it kona-ba batizmu. Batizmu ne'e importante. Batizmu hatudu katak ita hili Jesus no hakarak tuir Nia. Maibé, batizmu mesak de'it la muda ita-nia laran.

Ema ida bele hetan ona batizmu, mai igreja regularmente, rona sermaun no hatene Bíblia, maibé se iha nia laran seidauk iha mudansa ka transformasaun, nia seidauk moris foun fali. Tanba ne’e, ita presiza husu ita-nia an: “Serake Jesus muda ona hau-nia laran?”

Saida mak mudansa ne’ebé ema bele haree?

Bainhira ema moris fali iha Jesus, nia moris komesa muda.

Antes, nia fasil atu hirus. Agora, nia aprende atu kontrola an no perdua.

Antes, nia gosta bosok. Agora, nia koko atu ko’alia ho onestu.

Antes, nia hanoin de'it kona-ba nia an. Agora, nia komesa haree nesesidade ema seluk no ajuda sira.

Antes, nia gosta buat mundu nian liu fali Jesus. Agora, Jesus sai importante liu iha nia moris.

Ne’e mak laran ne'ebé foun. La’ós perfeitu, maibé iha kresimentu

Moris fali la signifika katak ita nunka halo sala tan. Ita sei halo sala tanba ita ema maksalak. Maibé diferensa mak: bainhira ita halo sala, ita la hakarak hela iha sala ne’e nia laran. Ita la haksolok moris iha sala ne'e nia laran, ita arrepende, no husu Jesus atu perdua no koko atu muda ita-nia hahalok aat ba di'ak.

Hanesan ai-hun ida ne’ebé moris, nia sei hahú fó tahan foun no fo fuan. Kreximentu la akontese iha loron ida de’it. Nia presiza tempu atu kontinua krexe.

Oinsá ita bele "moris fali ija Jesus" loroloron?

1. Hahú loron ho Jesus. Halo orasaun no dehan: “Jesus, muda hau-nia laran ohin.”

2. Lee Bíblia. La lee de’it Bíblia atu hatene informasaun, maibé husu: “Saida mak Maromak hakarak hau halo?”

3. Halo tuir buat ne’ebé ita aprende. Se Bíblia dehan perdua, ita tenke perdua. Se Bíblia dehan ajuda ema, ita tenke ajuda ema. Se Bíblia dehan ko’alia lia-loos, ita tenke ko’alia lia-loos.

4. Haree ita-nia moris. Husu: “Serake Hau-nia família bele haree Jesus iha hau-nia hahalok loroloron? Serake hau-nia kolega bele haree Jesus iha hau-nia liafuan sira?”

2 Korinto 13:5 husu ita atu ezamina ita-nia an no haree se ita iha fiar. Entaun, pergunta importante la’ós de’it:

“Serake hau batizmu ona?” Maibé mos:

“Serake Jesus moris iha hau-nia laran? Serake hau-nia moris hetan ona transformasaun tanba Jesus?”

Bainhira ita entrega ita-nia laran ba Jesus loroloron, Nia bele fó ba ita laran/fuan foun no moris foun.

Dalan ba Lalehan la’ós de’it kona-ba sai membru igreja; maibé kona-ba sai ema foun iha Jesus.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Ko'alia lia-loos. Moris tuir lia-loos

Textu Prinsipál: Mateus 23:2–3

                          Mateus 23:2–3

Nune'e halo tuir buat hotu ne’ebé sira hatete ba imi. Maibé keta halo tuir buat neʼebé sira halo. Tanba sira ko'alia maibé sira rasik la halo tuir. Mateus 23:3

Maun-alin sira, iha tempu Jesus nian, iha ema sira ne’ebé hanorin Lei Maromak ba povu. Sira hatene Bíblia no bele hanorin ema seluk. Maibé Jesus hatete buat ida importante: ema bele hanorin lia-loos, maibé nia moris rasik bele la tuir lia-loos ne’e.

Jesus la dehan katak buat di’ak ne’ebé sira hanorin mak sala. Pelo kontráriu, Jesus dehan: “Halo no kumpre buat hotu ne’ebé sira hanorin ba imi.” Maibé Jesus mos aviza: “Keta halo tuir sira-nia hahalok.”

Saida mak Jesus hakarak hanorin ita?

Ohin loron, ita iha pastór, pregadór, missionáriu, ansiaun, mestri Bíblia no líder igreja. Sira servisu atu fó sai liafuan Maromak. Sira bele hanorin ita kona-ba domin, perdaun, fidelidade, orasaun, onestidade no moris tuir Jesus.

Maibé ita tenke komprende katak sira hotu mós ema hanesan ita. Sira bele halo sala. Sira bele monu ba tentasaun. Sira bele ko’alia kona-ba buat di’ak, maibé iha momentu balu sira rasik bele la halo buat ne’ebé sira hanorin.

Tanba ne’e, ita-nia fiar la bele depende tomak ba ema. Ita-nia fiar tenke depende ba Jesus no iha Maromak Nia Liafuan.

Se pastór ida hanorin: “Perdua ema,” ita tenke aprende perdua. Se nia rasik iha problema ho ema, ita la presiza husik liafuan di’ak ne’ebé nia hanorin. Ita bele simu liafuan ne’ebé tuir Bíblia, maibé la presiza tuir nia hahalok ne’ebé sala.

Ezemplu simples

Imajina mestri ida hanorin ba labarik sira: “Keta bosok.” Maibé loron ida, labarik haree mestri ne’e bosok.

Labarik sira bele dehan: “Tanba mestri bosok, entaun bosok mak di’ak.” Lae! Mestri nia sala la halo bosok sai loos.

Hanorin ne’ebé loos sei nafatin loos, maski ema ne’ebé hanorin la konsege halo tuir.

Nune’e mós iha igreja. Se ema ida hanorin Bíblia ho loos, ita tenke rona Maromak nia Liafuan, la’ós de’it rona ema ne’ebé ko’alia.

Entaun Ita tenke halo saida?

Primeiru: Lee Bíblia rasik.

Keta depende de’it ba pastor ka pregadór. Aprende lee Bíblia no husu: “Saida mak Maromak hakarak hanorin hau liu hosi versu ne’e?”

Daruak: Tuir Jesus, la’ós ema.

Pastór bele ajuda ita, missionáriu bele hanorin ita, maibé Jesus mak ita-nia ezemplu boot liu.

Datoluk: Keta julga lalais.

Bainhira ita rona katak líder ida halo sala, ita la presiza foka ka espalla nia istória. Ita mós ema ne’ebé bele monu ba sala. Ita bele reza ba nia no, se presiza, ajuda nia ho domin.

Dahat: Se ita haree ema nia sala, keta uza nia sala atu justifika ita-nia sala.

Se ema seluk bosok, ita tenke nafatin ko’alia loos. Se ema seluk la perdua, ita tenke nafatin perdua. Se ema seluk halo sala, ita la bele dehan: “Nia halo sala, tanba ne’e hau mós bele halo sala.”

Dalima: Ita rasik tenke moris tuir buat ne’ebé ita hanorin.

Se ita hanorin oan sira atu reza, ita mós tenke reza. Se ita hanorin atu iha laran-moos, ita mós tenke buka atu iha laran-moos. Se ita hanorin kona-ba domin, ita mós tenke hatudu domin.

Maun-alin sira, Mateus 23:2–3 fó avizu importante ba ita hotu. Liafuan di’ak ka hanorin Evanjellu de’it la sufisiente. Ita-nia moris mós tenke tuir liafuan ne’e.

Pastór bele sala. Pregadór bele sala. Missionáriu bele sala. Ansiaun bele sala. Mestri/a bele sala. No ita mós bele sala.

Tanba ne’e, ita keta tau ita-nia fiar tomak ba ema. Ita tenke haree ba Jesus, ne’ebé nunka halo sala no perfeitu. Ita tenke kompara buat hotu ho Bíblia, Maromak Nia Liafuan.

Ita bele aprende hosi ema nia liafuan di’ak, maski nia moris la perfeitu. Maibé ita tenke husu Maromak ajuda ita atu la’ós de’it rona liafuan, maibé halo tuir mós MaromakNiaLiafuan.

Pergunta ba ita-nia moris. Iha semana ida ne’e, husu ba ita-nia an: “Serake hau rona Maromak nia Liafuan, no halo tuir mós?”

Jesus hakarak ita la’ós de’it atu sai ema ne’ebé rona no ko’alia kona-ba Bíblia. Jesus hakarak ita sai ema ne’ebé moris tuir Bíblia.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Keta uza liberdade atu halo tuir ita-nia isin nia hakarak

Leitura Bíblia: Gálatas 5:13

                               Gálatia 5:13

Maun-alin sira, Maromak bolu ona imi ba liberdade. Keta uza liberdade ne'e atu halo tuir imi-nia isin nia hakarak, maibé serbí malu liu hosi domin. Galásia 5:13

Saida mak liberdade ne’ebé loos?

Dala ruma ita hanoin katak liberdade signifika: “Hau bele halo saida de’it tuir ha'u-nia hakarak.”

Maibé Bíblia hanorin buat ne'ebé diferente. Jesus fó liberdade mai ita, la’ós atu halo buat hotu ne’ebé ita hakarak, maibé atu ita bele hadomi no ajuda ema seluk.

Liberdade la’ós atu halo buat aat

Ezemplu, ita bele dehan:

“Osan ne’e hau-nian, hau bele uza tuir hau-nia hakarak.”

Maibé se ita uza osan hotu ba ita-nia hakarak no la hanoin família ne’ebé presiza, liberdade ne’e la hatudu domin.

Ka ita bele dehan:

“Ne’e hau-nia ibun. Hau bele ko’alia saida de’it.” Loos, ita bele ko’alia, maibé ema Kristaun tenke husu nia an: “Serake hau-nia liafuan sei ajuda ka sei hakanek ema?”

Liberdade iha responsabilidade.

Jesus fó liberdade atu ita bele serbí.

Gálatia 5:13 dehan atu “serbí malu ho domin.” Serbí malu bele hahú ho buat ki’ik.

Iha uma, ajuda hamos uma ka ajuda tein.

Se inan ka aman kolen, ajuda sira.

Se ema katuas ida lori buat todan, ajuda nia.

Se kolega ida iha problema, rona nia.

Se viziñu ida moras, vizita nia.

Se ema ida triste, fó liafuan korajen ba nia.

Ita la presiza iha osan barak atu serbí ema seluk.

Ita-nia tempo, atensaun, liafuan di’ak no ajuda ki’ik mós bele sai asaun domin.

Serbí la signifika ita sai atan

Serbí ho domin la signifika ita tenke halo buat hotu ne’ebé ema seluk husu. Dala ruma ita presiza dehan “lae” ba buat ne’ebé sala.

Domin mos presiza sabedoria. Ita ajuda ema, maibé ita mos la bele ajuda nia halo buat sala.

Pergunta importante

Se Jesus fó liberdade mai ita, ita uza liberdade ne’e ba saida?

Ba ita-nia an de’it? Ka atu hadomi no ajuda ema seluk?

Jesus hatudu ezemplu boot ida. Nia iha poder, maibé Nia uza Nia vida atu serbí ema seluk no fó Nia-an ba ita.

Ita mós bele hahú ohin ho asaun ida:

Buka ema ida ne’ebé presiza ajuda no halo buat di’ak ida ba nia, la9s tamba nia husu.

Liberdade loos la’ós de’it “Hau bele halo saida mak hau hakarak.” Liberdade loos mak: “Tanba Jesus liberta hau, hau bele hili atu hadomi no serbí ema seluk.”

Dalan ba Lalehan mak la'o tuir Jesus. Bainhira Jesus fó liberdade mai ita, ita uza liberdade ne’e atu hadomi, serbí no lori bénsaun ba ema sira ne'ebé haleu ita.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Kuidadu Ita-nia Laran

Leitura Bíblia: Provérbiu 4:23

                            Provérbiu 4:23

Proteje ó-nia fuan laran ho seguransa makaas, tanba ó-nia moris mosu mai hosi ó-nia fuan laran. Provérbiu 4:23

Provérbiu 4:23 fó konsellu importante: kuidadu ita-nia laran.

Maibé, laran iha versu ne’e la’ós de’it parte isin nian. “Laran” iha versu ne'e refere ba ita-nia hanoin, sentimentu, hakarak no desizaun.

Tanba hosi buat sira ne’e mak rezulta ba ita-nia hahalok.

Tanbasá ita presiza kuidadu laran?

Ita-nia hahalok hahú hosi ita-nia laran.

Se ita sempre rai odi, dala ruma ita sei ko’alia aat ka hakanek ema seluk.

Se ita sempre laran-moras ba ema, ita sei la haksolok bainhira ema seluk hetan susesu.

Se ita sempre hanoin katak hau mak importante liu, ita sei difisil atu ajuda no respeita ema seluk.

Maibé se ita enxe ita-nia laran ho Maromak Nia liafuan, domin, pasiénsia no perdua, buat sira ne’e sei mosu iha ita-nia hahalok.

Oinsá ita bele kuidadu ita-nia laran?

1. Kuidadu buat ne’ebé tama iha ita-nia hanoin.

La’ós buat hotu ne’ebé ita haree iha telemovel, internet, filme ka rona hosi ema seluk mak di’ak ba ita.

Pergunta: “Buat ne’e sei ajuda hau besik ba Jesus ka lori hau dook hosi Nia?”

2. Kuidadu ita-nia liafuan.

Antes atu ko’alia, para no hanoin. Liafuan ida bele halo ema haksolok, maibé liafuan ida mós bele hakanek ema seluk.

Se ita hirus, di’ak liu hein ka pauza lai antes responde.

3. Kuidadu ita-nia sentimentu.

Bainhira ita hirus ka triste, la presiza husik sentimentu sira ukun ita.

Dehan ba Jesus: “Señor, hau hirus. Ajuda hau atu responde ho dalan ne’ebé loos.”

4. Enxe ita-nia laran ho Maromak Nia Liafuan 

Lee Bíblia. Halo orasaun. Hanoin kona-ba Jesus. Ko’alia ho ema ne’ebé bele fó konsellu di’ak.

Hanesan uma ida presiza limpeza, ita-nia laran mós presiza kuidadu loroloron.

Ita bele hahú ohin

Husu ba ita-nia an:

“Saida mak agora iha hau-nia laran: domin ka ódiu? Dame ka laran-moras? Perdua ka vingansa? Fiar ka tauk?”

Se ita haree buat aat iha ita-nia laran, labele lakonesperansa. Lori buat sira ne’e ba Jesus. Nia bele muda ita-nia laran.

Ita labele kontrola buat hotu ne’ebé akontese iha li’ur, maibé ita bele husu Maromak atu ajuda ita kuidadu buat ne’ebé iha ita-nia laran.

Dalan ba Lalehan hahú iha laran. Bainhira ita entrega ita-nia laran ba Jesus no husu Nia atu guia ita-nia hanoin, sentimentu no desizaun, ita-nia moris mos sei komesa muda.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fiar Maromak, keta sadere de'it ba ita-nia matenek

Leitura Bíblia: Provérbios 3:5–6

                           Provérbios 3:5–6

Fiar ba Nai ho ó-nia fuan laran tomak, no keta sadere ba ó-nia kompriensaun rasik. Iha ó-nia dalan hotu, hanoin ba Nia, no Nia sei diriji ó-nia dalan sira. Provérbiu 3:5-6

Iha moris, ita sempre iha desizaun atu halo. Ita tenke hili eskola, servisu, kaben, osan, saúde, família no buat seluk. Dala ruma ita hatene saida atu halo. Maibé dala barak, ita la hatene saida mak sei akontese aban.

Provérbios 3:5–6 fó konsellu simples: fiar Maromak. La fiar de’it ba ita-nia matenek 

Ita-nia matenek importante, maibé hanesan ema la hatene buat hotu. Ita bele haree buat ida hanesan di’ak, maibé depois ita komprende katak buat ne’e la di’ak.

Ezemplu, ita hetan servisu ida ho osan barak. Ita bele hanoin, “Ne’e mak oportunidade di’ak!” Maibé servisu ne’e bele lori ita atu bosok, halo buat sala, ka husik ita-nia família no Maromak.

Antes atu hili, reza no husu Maromak Nia povu orientasaun.

“Iha ó-nia dalan hotu, hanoin ba Nia”

Ne’e signifika katak ita tenke involve Maromak iha buat hotu, la’ós de’it bainhira ita hasoru problema boot.

Halo orasaun:

Molok ba servisu

Molok halo desizaun importante

Bainhira ita iha problema família

Bainhira ita hetan osan barak

Bainhira ita la hatene saida mak atu halo

Depois, buka resposta iha Bíblia no husu konsellu hosi ema ne’ebé fiar Maromak.

Fiar la signifika la halo buat ida. Fiar Maromak la signifika ita tuur de’it no hein.

Ezemplu: Ita reza atu hetan servisu. Depois, ita tenke buka servisu, prepara dokumentu, aprende no koko oportunidade. Ita halo ita-nia parte, maibé ita entrega rezultadu ba Maromak.

Dala ruma Maromak sei lori ita ba dalan ne’ebé ita la espera. Odamatan ida bele taka, maibé odamatan seluk sei nakloke.

Bainhira ne’e akontese, labele lakon fiar.

Husu: “Maromak, Hau la komprende tanbasá ne’e akontese, maibé hau fiar katak Ita hatene dalan ne’ebé di’ak liu mai hau.”

Pergunta ba ita ohin: Serake ita iha problema ka desizaun ida ne’ebé halo ita preokupa?

Entrega ba Maromak. Halo orasaun. Lee Nia liafuan. Halo buat ne’ebé loos. Depois tau fiar ba Maromak.

Ita la presiza hatene buat hotu kona-ba aban. Ita presiza hatene deit sé mak la'o hamutuk ho ita.

Dalan ba Lalehan mak dalan fiar nian. Bainhira ita fiar Maromak ho ita-nia laran tomak, buka Nia iha ita-nia desizaun hotu, no tuir Nia liafuan, ita bele lao ho seguru iha dalan ba lalehan. 

🙏 MAROMAK FO BENSAUN🙏🏻

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Forti no Korajen Atu Tuir Maromak

Leitura Bíblia: Josué 1:7

Maromak dehan ba Josué:

Naran katak ó tenki forti no brani tebe-tebes. Ó tenki iha kuidadu no halo tuir lei hotu ne'ebé Ha'u-Nia atan Moisés manda ba ó. Keta la'o ba sorin loos ka ba sorin karuk. Nune'e ó sei hetan susesu iha fatin neʼebé de'it mak ó ba. Josué 1:7

                                   Josué 1:7

Josué iha responsabilidade boot. Moisés, lider ne’ebé povu Israel hatene kleur, mate ona. Agora Josué mak tenke lori povu Israel ba rai ne’ebé Maromak promete ba sira.

Imajina ita iha Josué nia fatin. Ita bele sente tauk no husu: “Hau bele lidera povu ne'e halo ka lae?”

Maibé Maromak la dehan ba Josué, “La iha problema.” Maromak dehan, “forti no korajen.”

Forti no korajen la signifika la tauk

Ema barak hanoin katak ema ne’ebé iha korajen mak ema ne’ebé nunka tauk.Lae.

Korajen signifika maski ita tauk, ita kontinua halo buat ne’ebé loos tanba ita fiar Maromak.

Ezemplu, ita bele tauk atu ko’alia kona-ba Jesus ho kolega. Maibé ita ko’alia ho respeitu.

Ita bele tauk atu husu deskulpa. Maibé ita halo tanba ita hatene katak ne’e mak buat ne'ebé loos.

Ita bele tauk no rejeita osan ka buat ida ne’ebé ita hetan ho dalan sala. Maibé ita hili buat ne'ebé loos.

Ne’e mak korajen. Korajen presiza obedénsia

Maromak la dehan de’it ba Josué atu forti. Nia mós dehan atu kuidadu halo tuir Nia liafuan sira.

Ne’e importante.

Ita bele dehan katak ita fiar Maromak, maibé se ita la tuir Nia liafuan, ita-nia fiar sei la refleta iha ita-nia moris.

Ezemplu:

Se Bíblia dehan perdua, ita buka dalan atu perdua.

Se Bíblia dehan ko’alia lia-loos, ita la bosok maski lia-loos bele lori problema.

Se Jesus dehan hadomi inimigu, ita labele buka vingansa.

Bainhira ita la hatene saida mak atu halo. Dala ruma ita hasoru problema no la hatene dalan sai. Iha situasaun hanesan ne'e, la presiza foti asaun imediatamente tuir ita-nia sentimentu. Para. Reza. Lee Bíblia. Husu Maromak Nia orientasaun. Depois mak foti asaun.

Maromak la promete katak ita sei la hasoru difikuldade. Maibé Nia promete atu guia ita bainhira ita lao ho Nia.

Entaun, se ita hasoru situasaun difísil ohin, lembra Josué 1:7:

“Forti no korajen.”

La'os tanba ita-nia forsa rasik, maibé tanba ita bele tau fiar ba Maromak no tuir Nia liafuan.

Dalan ba Lalehan presiza forsa no korajen. Ita sei hasoru problema, tentasaun no desizaun difísil. Maibé bainhira ita fiar Maromak, lee Nia liafuan no halo tuir Nia, ita bele lao ba oin ho korajen iha dalan ba lalehan 

🙏🌹🙏🌹🙏🌹🙏🌹🙏🌹🙏

Click iha ne'e atu estuda Maromak ninia lia-fuan 

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Oinsá Ita Bele Moris iha Domin?

Leitura Bíblia: 1 João 4:16

                              1 João 4:16

Nune'e ita hatene no fiar Maromak Nia domin ba ita. Maromak mak domin. No ema ne'ebé hela iha domin hela iha Maromak, no Maromak hela iha nia. 1 João 4:16

Liafuan ne’e badak, maibé nia signifikadu boot tebes: Maromak mak domin. João mós dehan katak ema ne’ebé hela iha domin, hela iha Maromak, no Maromak hela iha nia.

Maibé, saida mak signifika hela iha domin?

La’ós de’it ko’alia, “Hau hadomi ema hotu.” Domin tenke mosu iha ita-nia hahalok loroloron.

Domin komesa iha uma

Dala ruma ita bele ko’alia di’ak ho ema iha igreja, maibé iha uma ita fasil hirus ba família. Maibé se Maromak Nia domin iha ita, ita tenke hatudu mós ba família.

Bainhira oan halo sala, la presiza hakilar kedas. Hanorin ho pasiénsia.

Bainhira kaben ka família la konkorda ho ita, rona uluk antes responde.

Dala ruma liafuan simples hanesan “Deskulpa,” “Obrigadu,” no “Hau hadomi ó” bele muda ambiente iha uma.

Domin haree ema ne’ebé presiza ajuda Domin la’ós de’it sentimentu. Domin halo ita haree nesesidade ema seluk nian.

Se ita haree ema katuas ida lori buat todan, ajuda nia. Se vizinhu ida moras, bá haree nia. Se kolega ida triste, husu nia, “konsola nia no husu saida mak hau bele ajuda?”

Dala ruma ita la bele fó osan, maibé ita bele fó tempu, liafuan di’ak, ka ajuda ki’ik balu.

Domin mós bainhira ita fó no la espera atu hetan buat ida fila-fali

Jesus hanorin ita atu hadomi la’ós de’it ema ne’ebé hadomi ita.

Se ema ida halo sala ba ita, ita bele hili atu la halo vingansa. Perdua la signifika katak buat ne’ebé nia halo mak loos. Maibé ida-ne'e signifika ita la hakarak rai ódiu iha ita-nia laran. Ne’e la fasil. Tanba ne’e, ita presiza Jesus Ninia ajuda.

Hela iha domin

Ita labele produz domin hanesan Maromak ho ita-nia forsa rasik. Ita presiza hela besik ba Jesus—liuhusi halo orasaun, lee Bíblia, no husu Espíritu Santu atu transforma ita-nia laran.

Bainhira ita hela iha Maromak Nia domin, ita-nia hahalok komesa muda.

Entaun, husu ita-nia an:

“Serake ema sira ne’ebé moris besik hau bele haree Maromak Nia domin liuhosi hau-nia hahalok?”

Ita labele hadomi ema hotu perfeitamente. Maibé ita bele hahú ho ema ida, iha loron ida, ho asaun ida.

Dalan ba Lalehan mak la'o ho Jesus no aprende atu hadomi ema seluk hanesan Jesus hadomi ita. Bainhira ita hela iha Maromak nia domin, ita bele lori Maromak nia domin ba ema sira iha ita-nia família, igreja no komunidade.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kontinua Haksolok no Fiar ba Maromak

Textu Bíbliku: 2 Korinto 13:11

                          2 Korinto 13:11

Ikus mai, maun-alin sira, haksolok ba!. Sai kompletu. Fó komfortu ba malu, simu malu, moris iha dame laran, no Maromak Domin no Dame Nian sei hamutuk ho imi. 2 Korinto 13:11

Iha esperansa ba ita

Paulo hakerek liafuan ne’e ba ema sira ne’ebé hasoru problema no difikuldade iha igreja. Maibé nia mensajen la’ós mensajen desesperasaun. Paulo fó esperansa.

Nia dehan: kontinua haksolok, hadi’a ita-nia moris, fó forsa ba malu,moris hamutuk, no moris ho dame.

Ne’e hatudu katak, maski ita hasoru problema, ita bele kontinua la'o ho Maromak.

Esperansa kristaun la signifika katak ita sei la iha problema. Esperansa signifika katak problema la'os rohan ba ita-nia moris. Maromak la husik ita, Nia ladook husi ita, Nia iha ita-nia sorin.

Paulo remata ho promessa furak: “Maromak domin no dame na'in sei hamutuk ho imi.” Ne’e mak ita-nia esperansa.

Oinsá mak ita bele hetan esperansa hosi versu ne’e?

1. Kontinua haksolok

Ita la presiza hein problema hotu-hotu remata atu bele haksolok.

Dala ruma ita iha problema iha família, osan la to’o, servisu susar, ka ema halo ita triste. Maibé ita bele haree ba buat di’ak ne’ebé Maromak fó ona.

Kada dadeer, antes ita hahú loron, dehan:

“Obrigadu Maromak tanba hau sei moris ohin. Guia hau ohin loron.”

Gratidaun bele ajuda ita haree Maromak Nia bénsaun, maski iha problema.

2. Kontinua hadi’a ita-nia moris

Paulo dehan atu ita “halo ita-nia moris sai di’ak liu.” Ita la bele dehan, “Hau mak hanesan ne’e ona; hau la bele muda.” Labele dehan hanesan ne’e. Ho Maromak Nia ajuda, ita bele muda.

Se ita sempre hirus, aprende atu kontrola ita-nia liafuan.

Se ita sempre ko’alia aat ema seluk, aprende atu ko’alia di’ak.

Se ita halo sala, husu deskulpa.

Se ita lakon tempu iha buat ne’ebé la importante, uza tempu liután ba lee Bíblia no orasaun.

Mudansa ki’ik kada loron bele lori ita ba moris ne’ebé di’ak liután.

3. Fó forsa ba malu

Ita hotu presiza aten-brani. Dala ruma ema ida iha igreja ka família bele hamnasa iha li’ur, maibé iha laran, sira triste ka sofre hela.

Liafuan simples hanesan: “Labele rende an. Hau sei halo orasaun ba ó.” bele fó forsa boot ba ema ida.

Tanba ne’e, ohin buka ema ida ne’ebé presiza korajen no fó liafuan di’ak ba nia.

4. Buka dame, la’ós konflitu

Paulo dehan: “Moris ho dame.”

Iha família, servisu fatin no igreja, ita sei iha diferensa hanoin. Maibé diferensa la presiza hamosu konflitu.

Bainhira ita hirus, tenta la responde kedas. Para lai. Halo orasaun. Depois ko’alia ho lian ne’ebé hakmatek.

Husu: “Serake hau-nia liafuan sei lori dame ka sei aumenta problema?” Dala barak, ita bele rezolve problema ida ho lian ne’ebé hakmatek duke ho lian hirus.

Oinsá atu hetan liután esperiénsia kona-ba versu 2 Korinto 13:11 ne’e? Versu ne’e la’ós de’it atu lee. Ita tenki pratika.

Hahú ohin: 

Dadeer: Halo orasaun badak antes hahú atividade. 

Durante loron: Bainhira problema mosu, para no husu Maromak atu fó dame.

Ho ema seluk: Fó liafuan ida ne’ebé haforsa ema.

Iha kalan: Hanoin fila-fali: “Iha ne’ebé mak Maromak ajuda ona hau ohin?” Depois agradese ba Maromak.

Se ita halo ida-ne’e kada loron, ita sei aprende atu haree katak Maromak Nia domin no dame la’ós de’it liafuan iha Bíblia. Ita bele sente no moris ho domin no dame iha ita-nia moris loroloron.

Mensajen ba ita: Ita bele iha problema, maibé ita la mesak. Maromak Nia domin sei hamutuk ho ita. Maromak Nia dame bele fó forsa ba ita maski situasaun seidauk muda.

Tanba ne’e:

Kontinua haksolok.

Kontinua hadi’a an.

Fó forsa ba malu.

Buka dame.

No kontinua fiar ba Maromak.

Biarba, “Maromak domin no dame na'in sei hamutuk ho ita.” — 2 Korinto 13:11

Orasaun: “Maromak ami-nia Aman, obrigadu tanba Ita nia domin no dame. Bainhira ami hasoru problema, ajuda ami atu la lakon esperansa. Ajuda ami atu haksolok, hadi’a ami-nia moris, fó forsa ba ema seluk no buka dame. Fó ba ami laran ida ne’ebé fiar nafatin ba Ita, maski ami la hatene saida mak sei akontese aban. Fó ami atu sente Ita nia domin no dame kada loron. Iha Jesus nia naran, ami harohan. Amén.”

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Teste dutrina Hotu-hotu ho Maromak Nia futarlia

Textu Bíbliku: 2 Korinto 11:4

                           2 Korinto 11:4

Tanba se ema ida mai no haklaken Jesus oin seluk ne'ebé ami la haklaken, ka se imi simu espíritu ne'ebé la hanesan ida ne'ebé imi simu ona, ka se imi simu ‘evanjellu’ ne'ebé la hanesan ida ne'ebé imi simu ona, labele simu sira-nia hanorin. 2 Korinto 11:4

Hanoin ba loron ohin:

Iha mundu ohin loron, ita rona liafuan barak kona-ba Maromak.

Iha ema barak ko’alia kona-ba Jesus. Iha ema barak hanorin kona-ba Bíblia. Iha mensajen barak iha igreja, rádio, televizaun, Facebook, YouTube no TikTok.

Maibé pergunta ida importante mak:

“Liafuan ne’e loos duni tuir Bíblia ka lae?”

Paulo hakerek ba igreja iha Korinto tanba iha ema balu mai no hanorin buat diferente kona-ba Jesus. Ema sira bele ko’alia ho lian furak no konviniente, maibé mensajen sira ne'e la hanesan ho evangelhu ne’ebé sira simu hosi Paulo.

Tanba ne’e, Paulo aviza ba sira atu la simu hanorin ka dutrina hotu-hotu ho fasil.

Ezemplu simples

Hanoin katak ema ida ba merkadu atu sosa fini atu kuda. Vendedor ida dehan:

“Fini ne’e di’ak tebes. Kuda de’it, sei fó rezultadu barak.”

Ema ne’e la sosa kedas. Nia haree didi'ak fini ne'e, husu ema seluk, no haree serake fini ne’e loos duni tuir saida mak vendedor ko'alia.

Tanba se nia kuda fini sala, rezultadu mós sei sala hotu.

Hanesan mós ho ita-nia vida espirituál.

Se ita simu hanorin sala kona-ba Jesus, ita bele tuir dalan sala. Tanba ne’e, ita presiza testa buat ne’ebé ita rona ho Bíblia.

Oinsá atu proteje ita-nia an hosi dutrina ne'ebé sala?

1. Lee Bíblia rasik.

La depende de’it ba buat ne’ebé ema seluk dehan. Lee Bíblia kada loron, maski versu balu de’it.

2. Haree se hanorin ne’e tuir Bíblia.

Bainhira ema dehan, “Bíblia dehan hanesan ne’e,” buka versu no lee nia konteúdu rasik.

3. La fiar de'it tanba ema ko’alia furak.

Ema bele ko’alia ho lian furak ne'ebé konviniente, maski ema ne'e famozu ka populer, ka iha ema barak ne'ebé tuir nia. Maibé ita tenki haree serake nia mensajen tuir Palavra Maromak nian.

4. Husu Espíritu Santu atu guia ita.

Antes lee ka rona hanorin ida, halo orasaun:

“Maromak, ajuda hau atu komprende Ita-nia Palavra no hatene saida mak loos.”

5. Haree ba Jesus iha Bíblia.

Jesus hanorin kona-ba domin, laran-sadi'a, obediénsia, humildade no fiar ba Maromak. Evanjellu loos sei lori ita besik liután ba Jesus, la’ós ba ema.

Atensaun ba tempu ohin

Ita bele simu mensajen espirituál ida iha telemóvel iha tempu balu de’it. Ita haree títulu no hanoin, “Ne’e tenki loos tanba ko’alia kona-ba Jesus.”

Maibé la'os hanorin hotu-hotu ne’ebé uza Jesus nia naran mak hanorin kona-ba lia-loos Jesus Nian.

Tanba ne’e, bainhira ita rona hanorin ida, la presiza hirus ka halo diskusaun kedas. Halo buat simples sira tuir mai:

Para → Lee Bíblia → Husu Maromak → Kompara ho Maromak Nia Liafuan → Depois hili.

Mensajen importante:

 Ita presiza aprende atu lee Bíblia loroloron no husu Espíritu Santu atu ita bele hatene Maromak Nia Liafuan atu bele halo diferensa entre hanorin ne'ebé loos tuir sagrada Biblia no hanorin sira ne'ebé falsu ka kontradiz ho Biblia.

Hanoin kona-ba banku. Bainhira ita hatene osan ne’ebé orijinal ka loos, ita bele fasil hatene osan ne’ebé falsu. Hanesan ne'e mós ho lia-loos Biblia nian. Bainhira ita hatene Maromak Nia Liafuan, ita bele fasil liu hatene hanorin ne’ebé la tuir Maromak Nia Liafuan.

Jesus dehan: “No imi sei hatene lia loos, no lia loos sei halo imi livre. João 8:32

Orasaun:

“Maromak ami-nia Aman Santu, iha mensajen barak iha mundu ne’e. Ajuda ami atu la simu hanorin hotu-hotu ho fasil. Fó ami dezezu atu lee Bíblia no aprende Ita-nia lia-loos. Fó Espíritu Santu atu guia ami-nia hanoin, atu ami bele hatene saida mak loos no saida mak sala. Ajuda ami atu nafatin tuir Jesus. Hodi Jesus nia naran ami harohan. Amén.”

Desafiu ba ohin

Loron ohin, se ita rona hanorin espirituál ida, tenke teste ho Maromak Nia lia-loos, labele simu kedas!.

Husu pergunta tolu:

“Saida mak Bíblia dehan?”

“Serake mensajen ne’e lori hau besik liu ba Jesus?”

“Serake hau bele prova ida-ne’e hosi Maromak Nia futarlia?”

Labele simu dutrina hotu-hotu tanba de'it saida mak ema dehan. Kompara dutrina hotu-hotu ho Bíblia.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

“Sofrimentu Ohin, Glória iha futuru ”

Textu Bíbliku: Roma 8:18

Tanba hau hanoin katak ita la bele kompara terus iha tempu agora ho glória ne'ebé ita sei haree aban-bainrua. Roma 8:18

                              Roma 8:18

Hanoin ba loron ohin

Ita hotu iha tempu ne’ebé ita sofre.

Dala ruma ita sofre tanba problema iha família. Dala ruma tanba osan la to’o, servisu todan, moras, problema iha relasaun familia, ka ema seluk la komprende ita. Dala ruma ita halo pergunta: “Tansá mak buat sira-ne’e akontese ba hau?”

Roma 8:18 fó ita esperansa boot. Paulo la dehan katak sofrimentu ne'e la importante. So­frimentu mak halo ita moras no triste. Maibé Paulo hatete katak sofrimentu ne’ebé ita hasoru agora la bele kompara ho glória ne’ebé Maromak sei fó iha futuru.

Ita bele hanoin kona-ba inan ida ne’ebé isin-rua. Durante tempu isin-rua, nia bele sente moras no susar. Maibé bainhira nia haree nia oan, nia laran nakonu ho haksolok. Susar ne’ebé liu tiha la lakon, maibé nia haree katak iha rezultadu ne’ebé furak.

Hanoin mós kona-ba agrikultór ida. Nia kuda fini, rega, hein udan, hasoru manas no servisu barak. Durante tempu ne’e, nia seidauk haree rezultadu. Maibé bainhira ai-fuan ka rezultadu mosu, nia haree katak nia esforsu la saugati maibé iha valor.

Nune’e mós ita-nia moris ho Maromak. Ita bele hasoru tempu susar agora, maibé Maromak prepara buat ida ne’ebé liu fali ita-nia komprensaun.

Saida mak ita bele halo bainhira ita sofre?

1. La desiste hosi Maromak.

Bainhira hasoru problema boot, labele haluha halo orasaun. Maski ita bele dehan de’it, “Maromak, ajuda hau,” Maromak rona.

2. La foka de’it ba problema ohin nian.

Problema ohin bele boot, maibé ita-nia istória seidauk remata. Maromak sei fornese futuru ba ita.

3. Kontinua halo buat di’ak.

Maski ema la agradese ba ita, kontinua ajuda, perduá, servisu ho laran di’ak no halo buat ne’ebé loos.

4. Aprende hein.

Dala ruma ita hakarak resposta lalais kedas. Maibé Maromak bele servisu iha tempu ne’ebé ita seidauk haree.

Mensajen importante

Ita-nia sofrimentu la’ós rohan ka finál ba buat hotu.

Se ita iha problema ohin, ne’e la signifika katak Maromak husik ona ita. Dala ruma ita la komprende tansá buat ruma akontese, maibé ita bele fiar katak Maromak iha ita-nia sorin.

Bainhira ita sente katak ita-nia problema boot liu ita-nia forsa, haree ba Jesus, la’ós de’it ba problema.

Jesus mós sofre iha mundu ne’e. Maibé nia sofrimentu la’ós finál. Depois de cruz, iha resurreisaun no vitória.

Nune’e, ita mós bele kontinua ho tau fiar ba Maromak.

Orasaun

“Maromak ami-nia Aman, dala ruma ami sente katak ami-nia problema boot tebes. Ajuda ami atu la lakon esperansa. Fó ami forsa atu tahan no kontinua fiar ba Ita. Ajuda ami atu hanoin katak sofrimentu ohin la’ós finál, tanba Ita prepara glória ba ami iha futuru. Iha naran Jesus ami harohan. Amén.”

Desafiu ba ohin

Bainhira problema ida halo ita triste ohin, labele dehan “Hau la iha esperansa.”

Dehan ba ita-nia an:

“Hau bele sofre ohin, maibé Maromak iha futuru ba hau. Hau sei kontinua tau fiar ba Maromak.”

“La bele kompara terus iha tempu agora ho glória ne'ebé ita sei haree aban-bainrua.” — Roma 8:18

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

LARAN NE’EBÉ MAROMAK HAKARAK

Textu Bíbliku: Roma 8:6

Se ita hanoin de'it buat isin nian ita mate. Maibé se ita hanoin de'it buat Espíritu nian ita hetan moris no dame. Roma 8:6

Hanoin ba loron ohin

                               Roma 8:6

Ita hotu iha hanoin no deseju iha ita-nia laran. Dala ruma ita hakarak halo buat ne’ebé di’ak, maibé iha tempu seluk ita hakarak halo buat ne’ebé ita hatene katak la di’ak.

Paulo hatete katak iha dalan rua. Primeiru, ita bele husik ita-nia hanoin halo tuir ita-nia isin, katak tuir ita-nia hakarak rasik. Segundu, ita bele husik ita-nia hanoin orienta hosi Espíritu Santo, atu ita halo buat ne’ebé Maromak hakarak.

Hanoin tuir isin bele lori ita ba problema no mate espiritualmente. Ezemplu: ema ida halo ita-nia laran moras. Ita bele hanoin, “Hau sei vingansa ba nia.” Se ita tuir hanoin ne’e, ita bele ko’alia aat, hirus, ka halo buat ne’ebé ikus mai halo ita basa reen-toos

Maibé se ita husik Espíritu Santo guia ita, ita bele hanoin diferente:

“Hau la hakarak vingansa. Hau sei husu Maromak ajuda hau atu bele fó perduá.”

Ne’e mak Roma 8:6 ko'alia kona-ba moris no dame.

Ezemplu prátiku

Bainhira ita hasoru problema iha uma, servisu, igreja ka komunidade, para uluk antes ko’alia ka halo desizaun.

Husu ba an rasik:

- “Hau-nia hanoin agora mai hosi hau-nia hakarak ka hosi Maromak?”

- “Se hau halo tuir hanoin ne’e, sei lori dame ka konflitu?”

- “Saida mak Jesus hakarak hau halo iha situasaun hanesan ’e?”

Depois, halo orasaun badak:

“Maromak, ajuda hau atu la tuir de’it hau-nia hakarak. Fó Espíritu Santu atu guia hau-nia hanoin, liafuan no hahalok. Ajuda hau atu hili dalan ne’ebé lori dame. Amén.”

Mensajen importante

Ita labele kontrola buat hotu ne’ebé akontese iha ita-nia moris. Maibé ita bele husu Maromak atu ajuda ita kontrola ita-nia hanoin no reasaun ba situasaun ne'ebéita hasoru.

Hanoin ne’ebé ita haburas ka alimenta sei influensia ita-nia hahalok. Tanba ne’e, kada dadeer, fó ita-nia hanoin ba Jesus. Lee Bíblia, halo orasaun, no husik Espíritu Santu guia ita.

Bainhira Espíritu Santu guia ita-nia hanoin, ita bele hetan moris no dame—maski ita hasoru problema.

Desafiu ba ohin

Loron ohin, bainhira ita hasoru buat ida ne’ebé halo ita hirus ka triste, para lai, halo orasaun, no husu Espíritu Santu atu guia ita antes ita ko’alia ka halo buat ruma.

“Hanoin tuir Espíritu lori ba moris no dame.” — Roma 8:6

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Saida mak sinais Kristen ne’ebé maduru?

Leitura Bíblia: Josué 1:9; Tiago 1:2–4; 1 João 3:17; Mateus 5:9; Tiago 5:16; Lucas 10:2

                             Lukas 10:2

Saida mak signifika Kristen ne’ebé maduru iha Maromak?

Kristaun ne’ebé krese la’ós de’it ema ne’ebé kleur iha igreja kaema ne'ebé hatene Bíblia barak. Kristaun ne’ebé maduru mak ema ne’ebé besik liu ba Jesus no hatudu Jesus Nia karakter moris nian iha nia vida loroloron.

Oinsá ita bele krese iha Maromak?

1. Sai hosi sentimentu tauk no tau fiar ba Maromak.

Maromak dehan ba Josué: “O tenki forti no brani ba! O keta tauk ka hakfodak, tanba Hau mak Nai, ó-nia Maromak, ne'ebé hamutuk ho ó iha fatin neʼebé de'it mak ó ba. Josué 1:9

Dala ruma ita tauk atu halo buat di’ak. Ita tauk atu ko’alia kona-ba Jesus, atu reza, ka atu ajuda ema seluk.

Maibé, ita bele dehan: “Hau tauk, maibé hau konfia Maromak.”

Reza no lee Bíblia loroloron atu hametin ita-nia fiar.

2. Fiar Maromak Nia liafuan.

Maromak halo promesa barak ba ita. Bainhira problema mai, ita labele haree problema de’it. Ita tenke haree ba Maromak.

Bainhira ita lakon servisu, iha problema família, ka moris sai todan, ita bele dehan:

“Hau la hatene saida mak sei akontese, maibé hau fiar katak Maromak sei ajuda hau.”

3. Ita presiza halo buat ida, labele nonook de'it.

Ita labele krese iha Maromak se ita la halo buat ida. Ita presiza halo orasaun, lee Bíblia, aprende, ajuda ema no servisu ba Maromak.

4. Servisu hamutuk ho ema seluk.

Igreja hanesan família. Ita hotu iha servisu ne'ebé diferente. La presiza kompara ita-nia an ho ema seluk ka kompeti ho emaseluk.

Bainhira ita servisu hamutuk, ita bele ajuda no hametin malu.

5. Kresimentu la’ós ba ita-nia an de’it.

Maromak fó bénsaun mai ita atu ita bele ajuda ema seluk.

Se ita aprende kona-ba Jesus, fahe mós Jesus ho ema seluk.

6. Krese nafatin maski moris difísil.

Dala ruma moris la fasil. Iha problema, moras, lakon osan, problema família ka buat seluk.

Tiago 1:2–4 hatudu katak problema bele haforsa ita atu sai forte liu iha fiar.

Sinais Kristen ne’ebé maduru 

1. Nia la deziste bainhira iha problema.

Kristen ne’ebé maduru la fasil hirus ka deziste. Nia buka dalan atu rezolve problema no husu Maromak Nia ajuda.

Karakter ne'ebé loos hatudu bainhira ita hasoru problema.

2. Nia sensivél ba ema ne’ebé presiza ajuda.

1 João 3:17 hatudu katak ita tenke haree nesesidade ema seluk.

Ezemplu: Se ita haree ema ida hamlaha, triste, moras ka presiza ajuda, ita labele dehan de’it, “La’ós hau-nia problema.”

Se ita bele ajuda, ajuda.

3. Nia halo dame.

Jesus dehan: “Ksolok ba sira ne’ebé halo dame.” (Mateus 5:9)

Bainhira ema rua diskute malu, ita labele aumenta problema. Ita tenke buka dalan atu halo dame.

4. Kristaun ne'ebé maduru mak ema ne'ebé rezadór.

Tiago 5:16 hatudu katak orasaun iha poder.

Kristen ne’ebé maduru reza la’ós de’it bainhira iha problema. Nia reza loroloron tanba nia presiza Maromak.

5. Nia lori ema seluk ba Jesus.

Jesus dehan katak ema barak presiza rona kona-ba Maromak, maibé traballadór uitoan (Lucas 10:2).

Kristaun ne’ebé maduru la hakarak Jesus ba nia-an de’it. Nia hakarak família, kolega no vizinhu sira mos konhese Jesus.

Pergunta importante mak: “Serake hau-nia moris hatudu katak hau kresse besik ba Jesus?”

Ita ema la perfeitu. Dala ruma ita sei halo sala. Maibé ita bele kontinua arepende no kontinua la'o tuir Jesus.

Dalan ba Lalehan la’ós de’it hahú tuir Jesus. Dalan ba Lalehan mak kontinua lao ho Jesus no krese ho Nia loroloron.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se ita servi Maromak, tansá ita presiza kompete ba malu?

Leitura Bíblia: 2 Koríntiu 10:12–18

                          2 Koríntiu 10:17

Iha igreja, dala ruma ita haree ema kompara-an ho ema seluk: “Ema ida-ne’e prega di’ak liu hau.” “Grupu ida-ne’e iha membru barak liu.” “Hau halo servisu barak liu nia.” “Tansá ema la agradese hau?”

Kompetisaun hanesan ne’e bele tama mós iha lider no membru igreja. Maibé Paulo fó avizu importante iha 2 Koríntiu 10:12–18. Nia hatudu katak ita la presiza kompara-an ho ema seluk. Ita tenke haree ba Maromak Nia medida, la’ós ema nia medida.

Tansá Kompetisaun Fasil Tama Iha Ita-nia Igreja?

Tanba ita ema. Ita hakarak ema apresia ita. Ita hakarak ema haree ita-nia servisu. Ita hakarak rona: “Ita di’ak liu,” ka “Ita halo servisu barak liu.”

Maibé bainhira ita komesa kompara-an ho ema seluk, ita bele haluha katak servisu ne’e la’ós ita-nian; servisu ne’e Maromak nian.

Hanoin kona-ba igreja hanesan isin ida. Ita-nia liman no ain la kompete ba malu. Liman la dehan, “Hau importante liu ain.” Hotu-hotu servisu hamutuk atu ajuda isin.

Iha igreja mos hanesan ne’e. Pastor, ansiaun, diákonu, mestri sira, jovem, labarik, no membru hotu-hotu iha knaar diferente. Objetivu la’ós atu sai boot liu ema seluk, maibé atu ajuda ema sira atu koñese Jesus.

Oinsá Ita Bele Evita Kompetisaun?

Primeiru, la kompara ita-nia servisu ho ema seluk. Se ema seluk halo buat di’ak, haksolok no agradese Maromak. La presiza sente katak nia foti ita-nia pozisaun.

Daruak, fó louvor ba ema seluk. Se membru ida prega di’ak liu, dehan, “Agradese ba Maromak tanba ita-nia pregasaun ne'ebé kapaz.” Se jovem ida halo programa di’ak, enkoraja nia.

Datoluk, haree ba objetivu, la’ós ba naran. Pergunta: “Serake servisu ne’e lori ema ba Jesus?” Se resposta “sin,” entaun ita hotu iha razaun atu haksolok.

Ikusmai, Paulo dehan katak ema ne’ebé aprovadu la’ós ema ne’ebé foti an, maibé ema ne’ebé Maromak aprova (2 Koríntiu 10:18).

Entaun, bainhira ita serbí iha igreja, la presiza buka atu sai númeru um. La presiza atu ema dehan ita boot liu. Ita-nia objetivu simples de’it:

“Maromak, uza hau atu ajuda ema seluk no lori sira besik ba Ita.”

Bainhira ita servisu ho hanoin ida-ne’e, kompetisaun sei lakon no unidade sei aumenta.

Dalan ba Lalehan la’ós kompetisaun atu haree sé mak boot liu. Dalan ba Lalehan mak servisu hamutuk ho Jesus, ho humildade, atu lori ema barak liu ba Maromak nia Reino.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Arma Maromak Nian Mak Fó Forsa

Tanba ami-nia armas funu nian la mai hosi isin, maibé armas ne'e iha kbiit hosi Maromak atu sobu fortaleza sira. 2 Korinto 10:4

                           2 Korinto 10:4

Bainhira ita hasoru problema boot, ita halo saida? Ita tenta rezolve ho ita-nia forsa rasik? Ka ita husu ajuda hosi Maromak?

Ita hotu iha luta iha moris. Maibé luta hotu la bele rezolve ho osan, pozisaun, forsa fiziku ka liafuan. Iha luta ida ne’ebé akontese iha ita-nia hanoin no laran: luta kontra tentasaun, frakeza, odi vingansa, orgullu, laran-moras ba ema no hanoin aat.

2 Koríntiu 10:4 hanorin ita katak ita-nia arma la’ós arma ema nian. Ita presiza arma ne’ebé mai hosi Maromak, tanba arma ne’e iha poder.

Arma Maromak nian

Bainhira ema ko’alia aat ba ita, ita mós hakarak hatán ho lia-fuan aat. Bainhira ema halo sala ba ita, ita mós hakarak vingansa. Maibé Jesus hanorin dalan diferente.

Roma 12:21 dehan:

Keta husik hahalok aat manaan imi, maibee manaan hahalok aat ho hahalok diak. Roma 12:21

Ita la manán ho odi, maibé ho domin. Ita la manán ho vingansa, maibé ho perdaun. Ita la manán ho liafuan aat, maibé ho liafuan di’ak.

Orasaun mak arma ida. Bainhira ita hasoru problema, antes ko’alia ho ema, ko’alia ho Maromak. Filipe 4:6–7 hanorin ita atu lori ita-nia preokupasaun ba Maromak liuhosi orasaun.

Ita bele dehan: “Maromak, hau hirus. Ajuda hau atu la hatán ho luan maka'as. Fó hau pas no sabedoria atu halo buat ne’ebé loos.”

Orasaun la’ós sinal fraqueza. Orasaun mak dalan atu simu Maromak nia forsa.

Bíblia mós mak arma ida. Jesus uza Liafuan Maromak nian bainhira Satanás tenta Nia iha rai-fuik. Iha Mateus 4, Jesus hatán: “Hakerek nanis ona…”

Ita mos bele uza Bíblia bainhira tentasaun mai. Liafuan Maromak nian bele muda ita-nia hanoin no ita-nia hahalok.

Luta boot hahú iha ita-nia hanoin

Dala ruma ita dehan:

“Hau la bele.”

“Ema hotu kontra hau.”

“Hau tenke halo vingansa.”

Hanoin hirak ne’e bele sai hanesan forsa ida iha ita-nia laran. Maibé 2 Koríntiu 10:5 bolu ita atu lori ita-nia hanoin hotu atu obedese Kristu.

Entaun, bainhira iha hanoin ida mosu mai, husu ba ita-niaan: “Serake hanoin ne’e tuir Jesus nia hanorin?”

Troka hanoin ne'ebé dehan “Hau la bele” ho “Ho Maromak, hau bele.”

Troka hanoin ne'ebé dehan “Hau tenke halo vingansa” ho “Hau sei intrega de'it ba Maromak.”

Troka hanoin ne'ebé dehan “Hau la iha esperansa” ho “Maromak sei hamutuk ho hau.”

Komesa ohin

Bainhira problema mai, harohan uluk.

Bainhira tentasaun mai, hanoin Liafuan Maromak nian.

Bainhira laran hirus mai, para lai antes ko’alia.

Bainhira ema halo aat ba ita, husu Jesus atu fó pas no domin.

Maun-alin sira, ita la presiza luta ho ita-nia forsa rasik. Ita-nia problema bele boot, maibé Maromak boot liu. Ita-nia tentasaun bele forte, maibé Maromak nia poder forte liu.

Ohin, hili atu la depende de’it ba ita-nia forsa. Lori ita-nia luta ba Maromak. Harohan. Lee Bíblia. Fiar. No obedese.

Labele husik forsa nakukun manán ita. Labele husik frakeza manán ita. Husik Jesus manán iha ita-nia laran.

Tanba arma ita-nia luta la’ós arma ema nian; arma ne’e hosi Maromak no iha poder. 🙏

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Mensajen hosi Maromak

Lee : João 3:16

                            João 3:16

Tanba Maromak hadomi tebes mundu, to'o Nia fó Ninia Oan Mane mesak, atu ema hotu ne'ebé fiar ba Nia sei la lakon, maibé sei hetan moris rohan laek. João 3:16

Bainhira ita hadomi ema ida, oinsa ita hatudu domin ba ema ne’e ? Ita bele dehan de’it, “Hau hadomi ó,” ka ita halo buat ruma atu ajuda no fó haksolok ba ema ne’e?

João 3:16 fó resposta ida ne’ebé boot tebes: Maromak hadomi mundu, no tanba Nia hadomi, Nia fó. Nia fó Ninia Oan Mane mesak atu salva ita.

Liafuan “hadomi” no “fó” iha versu ida-ne’e lao hamutuk. Domin loos la’ós de’it liafuan. Domin loos hatudu an liuhosi buat ne’ebé ita prontu atu fó ba ema seluk.

Jesus hatudu domin liuhosi fó Ninia an

João 15:13 dehan katak domin boot liu mak bainhira ema ida fó nia moris ba nia belun. Jesus halo buat ne’e duni. Nia fó Nia moris ba ita.

Efésiu 5:2 dehan katak Kristu hadomi ita no fó an ba ita. Versu 25 hosi Galasia 5 mós hatudu katak Kristu hadomi igreja no fó an ba igreja.

Galasia 2:20 dehan katak Jesus hadomi ita no fó an ba ita.

1 João 3:16 mós hatudu ba ita katak ita hatene domin tanba Jesus fó Nia moris ba ita.

Entaun, versu sira-ne’e hotu iha mensajen ida ne’ebé klaru:

Maromak Nia domin mak domin ne’ebé Nia fó.

Jesus la dehan de’it, “Hau hadomi imi.” Nia hatudu domin liuhosi fó Nia vida, Nia servisu, Nia sakrifísiu no Nia mate iha krús atu soi ita.

Saida mak ita bele aprende?

Bainhira ita simu Jesus Nia domin, ita mós aprende atu fó.

Maibé fó la’ós de’it kona-ba osan.

Ita bele fó ita-nia tempu ba ema ne’ebé presiza ko’alia.

Ita bele fó ita-nia forsa atu ajuda ema ida ne’ebé la bele halo nia servisu.

Ita bele fó hahán ba família ida ne’ebé falta.

Ita bele fó osan ba ema ne’ebé presiza, tuir ita-nia kapasidade.

Ita bele fó ita-nia talentu hodi serbí Maromak iha igreja.

Ita bele fó liafuan di’ak ba ema ida ne’ebé triste.

Ita bele fó perdaun ba ema ne’ebé halo sala hasoru ita.

Buat sira ne’e bele haree ki’ik, maibé bainhira ita halo ho domin, sira iha folin boot iha Maromak Nia matan.

Iha família, ita bele komesa hosi buat ki’ik

Hanoin to'ok kona-ba inan-aman. Bainhira sira kole, ita bele ajuda halo servisu iha uma, la hein sira husu.

Hanoin kona-ba oan. Karik oan ida presiza tempu no atensaun. Ita bele tuur hamutuk ho nia no rona nia istória.

Hanoin kona-ba vizinhu. Se nia moras, ita bele vizita. Se nia falta hahán, ita bele fahe buat ne’ebé ita iha.

Hanoin kona-ba igreja. Karik igreja presiza ema atu ajuda arruma fatin, vizita ema moras, ajuda labarik, ka fahe liafuan Maromak nian. Ita bele fó ita-nia tempu no talentu.

Ne’e mak domin ne’ebé ema bele haree.

Ita bele aprende “linguajen lalehan”

Ita bele dehan katak “linguajen lalehan” mak domin no fó.

Maromak fó Ninia Oan ba ita.

Jesus fó Nia moris ba ita.

Agora Jesus bolu ita atu fó ita-an ba ema seluk.

Ida ne'e la signifika katak ita tenke fó buat hotu ne’ebé ita iha to’o ita rasik la iha. Maibé signifika katak ita la moris de’it ba ita-nia an. Ita husu ba Maromak iha orasaun: “Maromak, hosi buat ne’ebé Ita fó mai hau, saida mak hau bele fahe ho ema seluk ohin?”

Karik resposta mak tempu.

Karik ajuda.

Karik hahán.

Karik osan.

Karik talentu.

Karik liafuan korajen ida ne’ebé fó esperansa.

Hahú hosi buat ki’ik. Domin ne’ebé loos sempre bele hahú hosi buat ki’ik.

Ita la presiza hein sai riku atu fó. Ita la presiza hein sai importante atu serbí. Ita la presiza hein ema husu atu ajuda.

Haree ba Jesus. Nia fó an uluk ba ita. Agora ita bele hatudu ita-nia domin ba Nia liuhosi maneira ita trata no ajuda ema seluk.

Dalan ba Lalehan mak aprende hosi Jesus atu hadomi ho asaun, la’ós ho liafuan de’it. Maromak hadomi ita no fó Ninia Oan ba ita. Jesus hadomi ita no fó Nia moris ba ita. Agora, ita mós bele aprende atu fó ita-nia tempu, forsa, sasán, talentu no domin ba ema seluk. 🙏

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com#AllThingsNew

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lia-loos Sei Liberta Ita

No imi sei hatene lia loos, no lia loos sei halo imi livre. João 8:32

                                    João 8:32

Serake Ita gosta livre ka liberdade? Ita hakarak bele lao ba ne’ebé ita hakarak, ko’alia ho liberdade no halo desizaun rasik. Maibé Jesus ko’alia kona-ba liberdade ida ne’ebé liu fali liberdade atu halo buat hotu ne’ebé ita hakarak.

Jesus dehan: “No imi sei hatene lia loos, no lia loos sei halo imi livre." João 8:32

Saida mak Jesus hakarak dehan?

Lia-loos ka Verdade ne’ebé Jesus ko’alia kona-ba saida?

Lia-loos mak Maromak nia liafuan no Jesus rasik. Jesus dehan iha João 14:6, “Hau mak dalan, lia-loos no moris.”

Bainhira ita hatene Jesus no tuir Nia liafuan, ita komesa haree klaru kona-ba saida mak loos no sala.

Ezemplu, ema bele dehan, “Bosok ki’ik la problema.” Maibé Bíblia hanorin ita atu ko’alia lialos.

Ema bele dehan, “Se ema halo aat ba ita, ita tenke baku.” Maibé Jesus hanorin ita atu perdua.

Ema bele dehan, “Osan no sasán mak buat importante liu.” Maibé Jesus hanorin ita atu tau Maromak uluk iha buat hotu.

Lia-loos Maromak nian ajuda ita atu hili dalan ne’ebé loos.

Lia-loos bele liberta ita hosi saida?

Ita bele sai atan ba buat barak: bosok, ódiu, inveja ka laran-morasbaema, osan, alkohol, tabaku, pornografia, liafuan aat, sai hirus, ka hahalok sala seluk.

Bainhira ita halo sala dala barak ona, ita sente katak ita la bele muda ona. Ita bele dehan, “Hau-nia natureza hanesan ne’e. Hau la bele muda.”

Maibé Jesus dehan katak lia-loos bele halo ita livre.

Ezemplu, se ema ida toman ka acostuma atu bosok, nia bele komesa hili atu ko’alia lia-loos. Se nia halo sala, nia bele husu deskulpa. Se nia iha laran hirus ba ema ida, nia bele husu Jesus ajuda nia atu perdua.

Liberdade la signifika katak ita nunka hetan tentasaun. Liberdade signifika katak tentasaun la presiza kontrola ita tan. Ho Jesus nia ajuda, ita bele dehan “lae” ba buat ne’ebé sala.

Oinsá ita bele hatene lia-loos?

Ita tenke lee Bíblia no aprende hosi Jesus.

Ezemplu simples: se ita lee Bíblia dadeer minutu 10, ita bele husu:

“Jesus, saida mak Ita hakarak hau aprende ohin?”

Depois, bainhira ita hasoru situasaun durante itania atividade loron-loronnian, lembra buat ne’ebé ita lee.

Iha uma, se ita hakarak hirus, lembra Jesus nia liafuan.

Iha servisu, se ema tenta ita atu bosok, lembra lia-loos.

Iha negósiu, se ita bele hili entre hetan osan ho maneira sala ka halo buat loos ho osan menus, hili buat loos.

Iha igreja, se ema halo sala hasoru ita, la espalha nia sala ba ema seluk. Ko’alia ho domin no buka dalan atu rezolve problema.

Bíblia la’ós de’it livru atu lee. Nia mak Maromak Nia liafuan atu ajuda ita moris.

Lia-loos ka verdade tenke sai ita-nia karakter

Ita bele hatene Bíblia barak, maibé se ita la pratika, ita sei la hetan benefísiu tomak.

Ezemplu: Ita bele hatene katak “perdua” mak buat loos. Maibé bainhira ema halo sala hasoru ita, ita tenke pratika perdáun.

Ita bele hatene katak “hadomi ita-nia maluk” mak Jesus Ninia mandamentu. Tan ne'e bainhira ema ne’ebé ita la gosta presiza ajuda, ita bele ajuda nia.

Ita bele hatene katak “la bosok” mak loos. Maibé bainhira bosok bele fó vantajen ba ita, ita tenke hili verdade.

Ne’e mak liberdade ne’ebé Jesus fó: ita la moris tanba presiza tuir ita-nia hakarak hotu; ita livre atu hili buat ne’ebé loos.

Entaun, ohin, ita bele hahú ho pergunta simples ida:

“Iha buat saida mak hau presiza husik atu Jesus bele halo hau livre?”

Karik ita presiza husik hagalok hirus-teen. Karik ita presiza para bosok. Karik ita presiza husik hábito ida ne’ebé aat. Karik ita presiza husu ema ida nia deskulpa.

La presiza muda buat hotu iha loron ida. Hahú ho pasu ida ho Jesus. Lee Nia liafuan, halo tuir Nia, no husu Nia ajuda kada loron.

Dalan ba Lalehan mak dalan verdade nian. Bainhira ita hatene Jesus, ita hatene verdade; no bainhira ita tuir verdade, ita sai livre hosi buat ne’ebé halo ita dook hosi Maromak. Jesus la hakarak ita moris iha bandeira sala; Nia hakarak ita moris livre, ho laran dame no esperansa.

🙏 MAROMAK FO BENSAUN🙏🏻

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

hopechanneltimorleste, AWRTimoLeste

dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida Mak Signifika Atu Hadomi Maromak?

Lee: Marcos 12:30

                                Marcos 12:30

"Ó tenki hadomi Nai, ó-nia Maromak, ho ó-nia laran tomak, ó-nia klamar tomak, ó-nia neon tomak, no ó-nia forsa tomak.’ Ida nee mak ukun fuan uluk liu." Marcos 12:30

Saida mak signifika bainhira ita dehan, “Hau hadomi Maromak”? Ita hatete de’it “Hau hadomi Maromak,” ka ita-nia moris mós tenke hatudu katak ita hadomi Nia?

Jesus fó resposta klaru iha Marcos 12:30. Nia dehan "Ó tenki hadomi Nai, ó-nia Maromak, ho ó-nia laran tomak, ó-nia klamar tomak, ó-nia neon tomak, no ó-nia forsa tomak." Signifika katak Maromak la hakarak de’it parte ki’ik ida hosi ita-nia moris. Nia hakarak ita-nia an tomak.

Hadomi Maromak ho ita-nia laran tomak 

Laran mak fatin ne’ebé ita tau ita-nia sentimentu, hakarak no prioridade. Se ita hadomi Maromak, ita sei hakarak hatene Nia no besik ba Nia loroloron.

Ezemplu simples: bainhira ita hadomi ema iha família, ita hakarak ko’alia ho nia, rona nia no halo buat ne’ebé halo nia kontente. Nune'e mós bainhira ita hadomi Maromak.

Ita bele hatudu ita-nia domin ba Maromak bainhira ita reza, lee Bíblia, bá igreja, partisipa iha eskola sabatina, no ko’alia ho Maromak kona-ba ita-nia problema.

Maibé hadomi Maromak la’ós de’it kona-ba atividade igreja.

Hadomi Maromak ho ita-nia hanoin

Ita-nia hanoin mos pertense ba Maromak. Bainhira ita tenke halodesizaun, ita bele husu:

“Buat ne’e sei halo Maromak kontente ka lae?”

Ezemplu, iha servisu ka negósiu, ema bele tenta bosok ita atu hetan osan barak. Se ita hadomi Maromak, ita sei hili onestidade maski ita bele lakon osan.

Iha uma, bainhira ita hakarak responde ho liafuan aat, ita bele para no hanoin: “Jesus hakarak ha'u responde oinsá?”

Hadomi Maromak signifika husu Nia atu guia ita-nia hanoin antes ita halo desizaun.

Hadomi Maromak ho ita-nia forsa

Jesus mos dehan atu hadomi Maromak ho ita-nia forsa tomak.

Signifika uza buat ne’ebé ita iha atu serbí Nia.

Se ita iha forsa atu servisu, ajuda ema.

Se ita iha tempu, fó tempu ba Maromak no ba ema ne’ebé presiza.

Se ita iha talentu, uza talentu ne’e iha igreja.

Se ita iha osan, uza parte balu atu ajuda servisu Maromak nian no ajuda ema seluk.

Labarik bele ajuda inan-aman. Joventude bele ajuda igreja. Ema boot bele fahe sira-nia esperiénsia ho ema foin-sa’e sira. Ema ida-idak iha buat ruma ne’ebé nia bele fó.

Hadomi Maromak signifika obedese Nia

Jesus dehan iha João 14:15, “Se imi hadomi Ha’u, imi sei kumpre Ha’u-nia mandamentu sira.”

Ne’e importante. Ita bele hatete, “Hau hadomi Jesus,” maibé se ita kontinua halo buat ne’ebé ita hatene katak sala, ita presiza husu ita-an se ita-nia domin ba Nia loos duni ka lae.

Hadomi Maromak la signifika katak ita sei perfeitu no nunka halo sala. Ita sei halo sala tanba ita ema sala-na'in. Maibé bainhira ita hadomi Jesus, ita sei hakarak muda ita-niahahalok aat, husu deskulpa, husu perdua no tuir Maromak Nia dalan.

Hanoin kona-ba ita-nia moris ohin loron. Serake Maromak iha parte ida de’it iha ita-nia moris, ka Nia sai sentru hosi ita-nia moris?

Bainhira ita hadeer mai iha dadeer, ita bele hahú loron ho orasaun simples:

“Maromak, loron ohin hau fó hau-nia laran, hau-nia hanoin, hau-nia forsa no hau-nia tempu ba Ita. Guia hau atu moris tuir Ita-nia hakarak.”

Depois, durante loron, ita bele hatudu domin ne’e liuhosi buat ki’ik sira: ko’alia ho laran di’ak, ajuda ema, la bosok, perdua ema, fahe buat ne’ebé ita iha no hili buat ne’ebé loos maski ema seluk la haree.

Hadomi Maromak la’ós de’it liafuan ne’ebé ita dehan. Hadomi Maromak mak oinsa maneira ita moris kada loron.

Dalan ba Lalehan mak aprende atu hadomi Maromak ho ita-nia laran tomak, klamar tomak, hanoin tomak no forsa tomak. Bainhira ita tau Maromak iha ulun, iha laran no iha ita-nia asaun kada loron, ita sei lao besik liután ba Nia.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More