Se mak bele perdua ita-nia sala?

 

João 20:23, Jesus hatete ba Nia dixípulu sira  “Se imi perdua ema ida nia sala, Maromak sei perdua  sira-nia sala. Se imi la perdua ema ida nia sala, nia sala iha nafatin"

Nukleu hosi Evanjellu mak ema hetan perdaun hosi sira nia sala liuhosi tau fiar ba Jesus Kristu hanesan Nia Na'i no Salvadór.

Iha Apostolu  10:43, bainhira Pedro Haklaken Evanjellu nia hatete "

Profeta hotu fó sasin kona-ba Nia,atu nuneʼe ema hotu neʼebé  fiar ba nlNia hetan perdua ba sira-nia sala liuhusi Ninia naran.

1João 5:1-5 hatete mai ita katak " so sira ne'ebé fiar ba Jesus mak bele manan mundu. 

Luke 5:20 hatete, “  Bainhira Jesus haree sira-nia fiar, nia hatete: “Haʼu-nia maluk, ó-nia sala perdua tiha ona"

Kolose 2:13-14 hatete Jesus fo perdua ba sala.

Versu sira iha leten konfirma katak so  Na'i Jesus mak bele fó perdua ba sala no Nia perdua ba ita nia sala hotu.  Ita lee Bíblia hosi Genesis to'o Apokalipse, la iha prátika hosi profeta sira ka dixípulu sira fó perdua ba ema Nia sala. 

Bíblia ko'alia katak ema HOTU Sala na'in. Roma 3:23 dehan nune'e "

Ema hotu halo ona sala no lakon ona Maromak nia glória" Tan ne'e, sala ka pekadu tenki konfesa atu hetan perdaun. Tanba kolen hosi pekadu mak mate Rohan-laek (Roma 6:23). 

Iha antigu Testamentu, bainhira ema halo sala sira konfesa sira nia sala ba bibi ne'ebé sei sakrifika atu mate ba sira nia fatin (Ezemplu lee Levitico 16:8-34; 23:27-32).

Se mak bibi ne'e? João 1:29 hatete 

"Loron tuirmai, João haree Jesus mai besik nia, no nia dehan: “Haree, nia mak Maromak nia Bibi-Oan neʼebé kasu mundu nia sala"

Iha lee didi'ak bíblia hosi Testamentu tuan no foun, sempre refere Na'i Jesus mak bele perdua sala. 

Oinsá se ema ida reprezenta ka sai mediadór ba Maromak ka Jesus atu perdua sala? Ida ne'e bele ka lae? Mai ita rona saida mak bíblia ko'alia kona-ba asuntu ne'e. 1Timoteo 2:5 hatete "Tanba iha Maromak ida deʼit no iha mediadór ida de'it entre Maromak no ema, neʼe mak, Kristu Jesus"

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏