Maromak halo ita dezezu halo buat ne'ebé halo Nia kontenti

Tanba Maromak mak halo imi atu hakarak no mos atu halo duni buat nebee halo Nia kontenti. Filipe 2:13 BK

Hanoin to'ok kona-ba ne'e: Maromak mak kria ita. Maromak tau ita iha ne'e iha tempu espesifiku iha istória laran. Maromak iha planu no ojetivu ba ita-nia moris. 

La'ós ne'e de'it, maibé nia fó kakutak ida-ne'ebé bele hanoin, fuan ne'ebé baku, no pulmaun ne'ebé dada is. Nia fó ba ita talentu no abilidade, esperansa no dezezu. Nia fó tilun no matan, muskulus no ligamen ba ita. No nia tau ita iha planeta ne'e iha pozisaun ne'ebé di'ak liu iha ita-nia sistema solar atu bele moris. 

Ita mak parte ida husi Maromak nia planu. 

Buat ne'ebé furak tebes husi Maromak nia planu mak Maromak hili atu serbisu liuhusi ninia povu... 

"Tanba Maromak mak halo imi atu hakarak no mos atu halo duni buat nebee halo Nia kontenti" Filipe 2:13 BK

Buat hotu hahú ho Maromak no mai husi Maromak. Maibé ita tenke hili se ita hakarak rona ba ninia espíritu no la'o tuir Maromak nia matadalan, ka haluha/ignora nia. Ita bele deside se ita sei halo tuir Maromak nia hakarak, ka koko halo tuir de'it ita-nia hakarak. 

Buat hotu Maromak mak halo hotu, maibé Nia mós serbisu iha no liuhusi Ninia povu, tuir Nia hakarak. 

Ba ita sira ne'ebé partensi ba Kristu, ita nakonu ho Ninia espíritu, la'ós tan sai atan ba sala ka ba mundu ne'e. Ita iha ona kbiit atu la'o tuir Maromak. Maibé Nia fó mehi foun sira no dezezu, hanoin no kbiit, no laran-sadi'a duke hanoin an de'it. 

Tan ne'e, se ita hanoin kona-ba bénsaun ka korajen ba ema seluk, keta husik tiha ideia ne'e liu let de'it. Se derepente de'it ita iha dezezu tebes atu fahe Ninia mensajen, atu serbí ema seluk, atu fó ho laran-luak, ka atu hatudu Maromak Ninia domin, fó atensaun tamba Ida ne'e Maromak ko'alia hela ho ita atu halo buat sira ne'e.

Karik ida ne'e akontese, Maromak nia espíritu mak fó kbiit no hakarak atu halo buat ne'ebé halo nia kontente.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Ema sai loos tamba Kristu

Maromak halo Nia nebee la hatene sala atu sai sala tanba ita, atu nunee iha Nia ita bele sai hahalok loos Maromak nian. 2 Korinto 5:21 BK

Ojetivu kle'an liu hosi umanidade ida mak buka-hatene sira-nia identidade - ita hakarak hatene se mak ita! Dala barak ema koko atu buka-hatene sira-nia identidade hosi fonte mundu ne'e. Maibé bainhira ita buka validasaun iha fonte temporáriu mundu nian no espera katak sira sei define ita-nia identidade, ita sei la hetan.

Iha 2 Korinto 5:21, apóstolu Paulo deskrebe identidade eternal ida ne'ebé Na'i Jesus Kristu fo. "Maromak halo Nia nebee la hatene sala atu sai sala tanba ita, atu nunee iha Nia ita bele sai hahalok loos Maromak nian"

Jesus foti pekadu nia todan hotu - absorbe pekadu nia konsekuensia - maibé nia la halo sala ida. Nia halo ida-ne'e atu nune'e ita bele iha rekonsiliasaun ho Maromak ho ita-nia identidade ne'ebé define hosi Kristu nia loos, la'os ita-nian, mós la'os mundu ne'e nian. Liuhosi Jesus Ninia sakrifisiu, Nia fo ona identidade no ojetivu foun ba ita.

Ita-nia dezezu atu hetan identidade so bele hetan iha Kristu. Ita simu Maromak nia hahalok loos. No iha Maromak, ita-nia identidade sei seguru ba nafatin. 

Ohin loron, hanoin to'ok oinsá mak lia-loos ne'e forma it-nia valor. Serake ita buka validasaun mundu nian, ka ita deskansa iha Jesus nia hahalok loos? Oinsá mak hatene ita-nia identidade bele troka ita-nia hanoin kona-ba oinsá ita haree ita-nia an no halo interasaun ho mundu ne'e?

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hun ba buat hotu

Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau. Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida. João 15:4-5

Hateke hale'u... 

Buat hotu ne'ebé ezisti kria ona ho dezeñu ne'ebé furak: Lalehan, ai-huun, foho, tasi. animál sira, ema, buat ne'ebé haree no la haree. 

Ita bele dada-is tanba Maromak fo ona pulmaun, oksijen no ambiente ne'ebé bele sustenta moris. Ita bele la'o ba mai tanba ita hetan ona muskulus, tendon, no kakutak ne'ebé fó instrusaun ba ita-nia isin. Ita bele hanoin, mehi, planeia, kria, harii, tanba Maromak fo ona dezezu, matenek, no materiál sira. 

Tan ne'e, se ita hakarak moris ne'ebé iha valor, moris ne'ebé iha legacy ka memoria di'ak, ita tenke iha ligasaun nafatin ho fonte ba moris nian. Jesus hatete nune'e ho ai-knanoik ida-ne'ebé ninia rona-nain sira hatene: 

 "Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau. Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida" João 15:4-5 BK

Kuandu Jesus hatete: "Hau mak uvas-hun," nia halo deklarasaun ida. Nia dehan katak Nia mak hun ka fonte - ba buat hotu ne'ebé kria ona tamba Nia mak iha poder atu fo moris ne'e.

Tamba ne'e, se ita dezezu atu hetan lia-loos ne'ebé reál, ba sabedoria ne'ebé puru, ka atu halo diferensa eternal iha mundu ne'e, hakbesik an ba Maromak, tanba buat ne'ebé folin-boot ka merese atu halo hahú ho Jesus.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Saida mak serbisu ne'ebé importante liu?

Liu-liu hakaas aan atu hadomi malu, tanba domin mak taka sala barak liu. 1 Pedro 4:8 BK

Iha Biblia laran tomak, eskritura sira hatudu ho klaru katak domin mak sentru no importante liu atu sai Jesus nia dixipulu. 

Iha Mateus 22:36-40, Jesus hatete mandamentu boot liu mak hadomi Maromak ho buat hotu ne'ebé ita iha. 

Iha Joao 13: 35, Jesus hatete katak ema sei hatene katak ita mak Ninia dixipulu tanba ita hadomi ema seluk. Ema sei la koñese ita tamba ita-nia koñesimentu kona-ba Biblia, ita-nia família, ita-nia karreira, ka tempu ne'ebé ita gasta iha igreja. Maski buat sira-ne'e mak buat ne'ebé importante, maibé Jesus hatete katak hahalok ne'ebé importante liu mak oinsá ita hadomi ema seluk. 

1 Pedro 4: 8 hatete buat ne'ebé hanesan: Ita tenke sai ema ne'ebé hadomi liu ema seluk iha mundu, no ita-nia ojetivu tenke hadomi malu kle'an. Apóstolu Pedro, autór ba versikulu ne'e mós hatete katak domin mak xave atu perdua ema seluk. Hanesan Jesus fó perdua ona ba ita, ita mós presiza ho laran-manas fó perdua ba ema ne'ebé halo sala ba ita. 

Fo perdua ba ema ne'ebé hatudu hahalok-aat ba ita mak buat ne'ebé difisíl ba liu. Ida ne'e rekere domin ne'ebé kle'an tebes. Tan ne'e mak perdua hanesan evidensia Ida ka marka ida kona-ba moris tuir Maromak nia domin.

Se ema husu Ita-nia kolega sira kona-ba Ita-nia hahalok-di'ak sira, sira sei hatete saida? Serake sira sei hatete katak hatudu domin ba ema seluk hanesan ita-nia karakter ida? Se lae, hatene- ba katak ita la mesak de'it. La iha ema ida mak perfeitu, maibé ita hotu bele halo buat ne'ebé di'ak liu. Ohin loron, husu Maromak atu hatudu dalan oinsá ita bele hatudu domin ba ema seluk. Husik Maromak Nia domin hakonu ita-nia laran atu hadomi ema seluk.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Saida mak ita hetan bainhira ita tau fiar ba Maromak?

Bensaun ba ema nebee fiar ba Nai, nebee tau esperansa iha Nai! Jeremias 17:7 BK

Jeremias 17 hahú ho hasé. Maromak hasé ema Izrael sira tamba sira adora ídulu ka adora sira-nia estátua, tanba sira tau fiar ba maromak sira seluk no husik Maromak no Ninia hanorin sira ne'ebé loos. Hanesan inan-aman ida-ne'ebé iha oan ida-ne'ebé halo desizaun ne'ebé aat los, Maromak hatudu ho klaru katak desizaun sira-ne'e sei lori rezultadu no konsekuensia. Maski nune'e, Jeremias la hanoin de'it kona-ba buat hotu ne'ebé lakon no sei lakon tanba ema Izrael nia desizaun ne'ebé aat, maibé nia mós fo hanoin kona-ba Na'i Maromak Ninia di'ak: 

 "Bensaun ba ema nebee fiar ba Nai, nebee tau esperansa iha Nai!" Jeremias 17:7 BK

Nia bolu sira ne'ebé tau fiar ba Maromak "abensoadu/hetan bensaun" mesmu sira moris entre sira ne'ebé susar, sala, no adora estátua. Nia hatete katak ema ne'ebé tau fiar ba Maromak "Nia sei hanesan ai nebee kuda besik bee ninin, nia abut sira sei dolar ba mota ninin, nia sei la senti loron manas nebee mai, ninia tahan sei matak nafatin, nia la hanoin barak iha tinan nebee iha bailoron naruk, no nia sei la para atu foo fuan" Jeremias 17:8

Ita tenke hili se no saida mak ita adora. Ita tau konfiansa ba se? Ita tau fiar ba se? Se ita tau fiar ba Nai Maromak, hatene didi'ak ba katak ida-ne'e mak lori bénsaun ba ita-nia moris. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Oinsá ita bele kultiva hahalok Kristu nian?

Nee duni, tanba ita mak ema santu nebee Maromak hili no hadomi, hatais aan ho laran luak, laran diak, laran haraik aan, laran maus no pasiénsia. Kolose 3:12 BK

Kolose 3:12 hatete mai ita atu "hatais ita-nia an" ho hahalok ne'ebé hanesan ho ita-nia identidade iha Jesus Kristu. Ho lia-fuan seluk ita tenke taka ka kovre ita-nia an ho asaun no atitude sira ne'ebé rezulta ba hahalok sira ne'ebé halo ita sai hanesan Kristu loronloron. Kuandu ita buka liutan hahalok ne'ebé haraik-an, hatudu laran-sadi'a no laran-di'ak, ida-ne'e sei naturalmente sai parte ida husi ita-nia moris. 

Apóstolu João hatete katak ita labele dehan ita hadomi Jesus se ita odi malu (1 João 4:20), nune'e moris ne'ebé refleta Jesus sei hatudu domin. No tuir 1 Korinto 13: 4-7, "Domin nee mak pasiénsia no laran diak. Domin la laran moras. Domin la gaba aan ka foti aan. Domin hatudu respeitu. Domin la buka atu manaan mesak deit. Domin la sai hirus lalais no la sura sala nebee hasoru nia. Domin la haksolok ho hahalok aat, maibee haksolok ho lia loos. Domin lori todan hotu, fiar buat hotu, espera buat hotu no tahan buat hotu"

Se ita hakarak moris hanesan Jesus, ita presiza simu moris foun ne'ebé Maromak fó mai ita no simu Ninia domin ne'ebé la ho kondisaun. Se ita ita halo nune'e mak ita bele hatudu ka refleta Maromak Ninia domin ba ema seluk liuhosi hatudu kompaixaun ka laran-sadi'a, laran-di'ak, haraik-an, laran-maus no pasiénsia ba ema seluk.

Ne'e ita kultiva hahalok Kristu nian liuhosi hatudu domin, laran luak, laran diak, laran haraik aan, laran maus no pasiénsia. Kolose 3:12 BK

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Buat ne'ebé importante liu

Ita sei hadomi Nai, ita nia Maromak, ho ita nia fuan laran tomak, ho klamar tomak no ho forsa tomak. Deuteronómiu 6:5 BK

Bainhira ulun-nain relijiaun sira husu Jesus kona-ba mandamentu ida ne'ebé mak importante liu, nia temi Deuteronomio 6: 5. Versíkulu ne'e kontein mandamentu importante liu iha Eskritura hotu. 

Ita-nia moris tomak hahú ho domin ba Maromak. Maromak kria ita atu hadomi Maromak no iha relasaun di'ak ho Nia. Relasaun ne'e signifika katak Maromak kria ita atu Nia mós hadomi ita. 

Hosi buat hotu ne'ebé ita tenke halo iha imi-nia moris, buat ne'ebé importante liu mak ita hadomi Maromak ho buat hotu ne'ebé ita iha. Se ita hetan susesu iha ita-nia moris, maibé ita la hadomi Maromak, ita lakon buat ne'ebé importante liu. 

Maromak fo instrusaun ba ema Izrael sira atu halo tuir ukun-fuan ne'e iha sira-nia laran no iha sira-nia neon. Sira halo sinal fiziku ida atu fó hanoin katak sira hadomi Maromak iha buat hotu ne'ebé sira halo. "Kesi liafuan nee iha imi nia liman hodi sai sinál no taka iha imi nia reen toos, no hakerek iha imi nia odamatan nia ai riin no iha odamatan nebee tama imi nia rai" Deuteronómiu 6:8-9 BK. Sira hanorin ukun-fuan ne'e ba sira-nia oan sira nu'udar baze ba ukun-fuan sira seluk iha Eskritura.

Uza tempu balu atu hanoin kona-ba ita-nia moris rasik. Serake domin ba Maromak mak sai motivasaun prinsipál? Gasta tempu atu hanoin kona-ba Maromak nia hahalok-di'ak no laran-sadi'a iha ita-nia moris. Karik ita bele lee Biblia loronloron hodi ajuda ita hanoin no hadomi Maromak. 

Hanoin ba katak Maromak hadomi ita liu fali buat ne'ebé Ita hanoin. Motivasaun di'ak liu atu hadomi Maromak mak hanoin beibeik katak nia hadomi uluk ita. "Ita hadomi tanba Maromak hadomi uluk ita" 1 João 4:19 BK

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Sai hanesan Kristu

Hakaas aan atu aprezenta aan ba Maromak nudar ema nebee Nia bele simu, servisu nain nebee la moe, maibee hatoo lia loos tuir liafuan loos. 2 Timóteo 2:15 BK

Eskritura hatete mai ita katak ita ne'ebé Kristu nian agora sai nu'udar embaixador ba Kristu. Nu'udar embaixador, ita iha knaar 2 atu halo ne'e mak: halo Maromak nia misaun no halo tuir Jesus nia karakter. 

Maromak Ninia lia-fuan Iha versikulu ne'e simples tebes: atu sai hanesan Jesus iha ita-nia hanoin, sentimentu, no mós atu kumpre Maromak nia hakarak sira iha ita-nia moris. Ita iha knaar atu hala'o Maromak nia serbisu tuir ninia hakarak, tuir "Lia-loos nian" ka Biblia. 

Nu'udar ema kristaun, ita tenke haka'as an atu sai hanesan Kristu. Ita hakarak ita-nia hanoin no attitude ne'ebé hanesan ho Nia. Paulo ninia korajen ba Timoteo iha 2 Timoteo 2: 15 haforsa prinsipiu kona-ba karakter ida ne'e. Iha kultura ida-ne'ebé ema murmura no prekupadu, ita tenke halo tuir Jesus nia karakter. 

Iha karta ka epistola ne'e, Paulo hatete ba Timoteo atu la moe kona-ba ninia pasadu, maibé atu husik ninia pasadu Sai sasin kona-ba oinsá Jesus muda ona ninia moris. Ita-nia pasadu mak parte ida husi Ita-nia istória, no ita la presiza moe ba ida ne'e. Ita-nia pasadu bele hatudu ba ema seluk oinsá Jesus troka ona ita-nia moris. 

Dalan ne'ebé di'ak liu atu ita bele kontinua iha transformasaun iha ita-nia moris mak liuhosi buka lia-loos husi Eskritura. Bainhira ita lee Eskritura no involve espíritu santu, ita-nia hanoin, laran, no asaun transfoma atu sai hanesan Kristu. 

Oinsá mak ita bele sai hanesan Kristu ohin loron? Hanoin to'ok kona-ba hakat ki'ik balu ne'ebé ita bele halo atu muda ita-nia hanoin no hahalok hodi hala'o Maromak nia misaun ka tuir Kristu nia karakter. Husu Maromak Nia ajuda bainhira ita buka atu la'o tuir Nia loroloron.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak sei foo dalan sai

Tentasaun hotu nebee hasoru imi nee, baibain hasoru ema seluk. Maromak mak fiel, no Nia sei la husik imi atu hetan tentasaun nebee liu fali imi nia kbiit. Maibee bainhira tentasaun mai, Nia sei foo dalan ida hodi sai, atu nunee imi bele tahan tentasaun nee. 1 Korinto 10:13 BK

Moris nakonu ho difikuldade no dezafiu sira. Espesifikamente hanesan Kristaun, ita-nia hakarak atu halo tuir Maromak nia dalan dalaruma kontra fali ita-nia kultura. Moris tuir dalan Maromak nian mós, partukularmente difisíl tanba tentasaun oioin.

1 Korinto 10: 13 rekoñese katak ita hotu sei hasoru tentasaun. Versikulu ida-ne'e mós la promete katak ita-nia tentasaun hotu sei sai fasil atu manán. Maibé versikulu ne'e mós hatete katak Maromak ne'e fiél atu ajuda ita liuhusi tentasaun saida de'it ne'ebé ita hasoru. Maromak sei fó dalan ba ita atu halai sai husi tentasaun hotu. Maromak sei haforsa ita atu ita bele tahan hasoru tentasaun sira. 

Maromak fó ona instrusaun no dalan atu moris ho loloos tuir ninia Liafuan. Buat hotu ne'ebé ita presiza atu bele moris saudavél no bele moris tuir Maromak Nia hakarak inklui ona iha Eskritura.

Paulo, autór ba epistola ba igreja iha Korinto fó atensaun ba ninia lee-na'in sira atu labele foti-an iha sira-nia moris espirituál nian. Kuandu ita foti-an, ita hanoin katak ita iha imunidade ba tentasaun. Maibé, kuandu ita foti-an, ita bele fasíl monu ba tentasaun. 

Tan ne'e, duke foti-an, ita tenke haraik-an. Ita tenke sadere ba Maromak nia kbiit duke ita rasik nia kbiit. Tanba ita iha relasaun ne'ebé boot ho Jesus, ita bele hetan forsa atu tahan hasoru susar no tentasaun sira. 

Tamba ne'e duké foti an, ita tenke haraik an. Ita tenke depende ba Maromak Nia podér la'os Ita-nian. Ita so bele hetan forsa hasoru tentasaun no susar oinoin bainhira ita iha relasaun di'ak ho Na'i Jesus.

Karik ita sente tama ona lasu tentasaun ruma, hakbesik ba Maromak. Husu Maromak atu fo forsa atu bele tahan tentasaun. Halo prioridade atu haforsa relasaun ho Maromak liuhosi lee Eskritura no halo orasaun. Keta haluha katak Maromak sempre fó dalan ba ita atu halai husi tentasaun. Nia sempre fiél no sempre hamutuk ho ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Deskansa: Prezente husi Maromak

Depois Nia hatete ba sira, “Maromak halo loron Sabdu ba ema, laos ema ba loron Sabdu.” Marcos 2:27

Versikulu ida ne'e fó-hanoin ba ita kona-ba esensi hosi loron sabadu - prezente hosi Maromak ne'ebé dezeña ba ita-nia benefisiu. Loloos , loron Sabadu labele sai todan ka rekerementu legalistik ida maibé hanesan oportunidade sakrál ida atu deskansa, dezenvolve ligasaun ho Maromak, no hakle'an ita-nia relasaun ho Maromak no ema seluk.

Biblikamente, loron Sabadu sai nu'udar símbolu ba Maromak nia domin no Ninia kuida ba Ninia ema sira. Loron sábado estabelese iha tempu Kriasaun (Jenesis 2: 1-3) nuudar loron deskansa. 

"Nunee lalehan no rai kompletu ona, ho buat hotu nebee iha laran nee. Iha loron hitu, Maromak nia servisu nebee Nia halo remata ona. Nunee Nia deskansa iha loron hitu hosi Ninia servisu hotu nebee Nia halo ona. Maromak foo bensaun ba loron hitu, Nia halo loron nee santu, tanba iha loron nee Nia deskansa hosi Ninia servisu hotu nebee Nia halo iha kriasaun nee" Jénesis 2:1-3 BK

Loron sábado la'ós de'it tempu atu renova ita-nia moris fizikamente, maibé mós hanesan tempu reflesaun espirituál no komuñaun ho kriadór. Kuandu Jesus ko'alia liafuan sira-ne'e iha Marcos 2:27, nia klarifika objetivu ne'ebé loos husi loron Sabadu, Jesus kontra ema farizeu sira-nia hahalok ne'ebé legalistik. Ema Farizau sira halo fali observasaun loron sábado sai fali lista kona-ba buat ne'ebé sira bele halo no buat ne'ebé labele halo. Nune'e ema Farizeu sira la komprende esensi loloos hosi loron sábado.

Loron Sabadu nu'udar tempu atu ita tau ses ita-nia laran-susar no serbisu semanal nian, hodi fokus liu kona-ba Maromak nia prezensa no bénsaun sira. Loron sábado hanesan tempu atu hetan ksolok, adorasaun no amizade. Loron sábado fó-hanoin ita kona-ba Maromak nia kbiit iha kriasaun, ninia knaar nu'udar ita-nia redentor, no ninia promesa atu restaura Ninia reiñu rohan-laek. 

Mai ita haree loron Sabadu nu'udar prezente no grasa, loron deskansa iha Maromak nia domin no hakle'an liután ita-nia relasaun ho Nia. Biarba loron sábado fo hanoin ba ba ita kada semana katak ita-nia valór moris la'os de'it bazeia ba saida mak ita halo, maibé atu sai Maromak Nia oan doben sira.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Kadi hahalok

Besi kadi besi, no ema ida kadi ninia belun nia hahalok. Provérbiu 27:17 BK

Iha versikulu ida Iliha Proverbios ne'ebé dala barak ema sira/temi bainhira refere ba amizade no kazamentu... 

 "Besi kadi besi, no ema ida kadi ninia belun nia hahalok" Provérbiu 27:17 BK

Loos, ita hakarak fó korajen ba malu, fó laran-manas ba malu, no kadi malu emosionalmente, fizikamente, no espirituálmente. Maibé kuandu ita hanoin kona-ba versíkulu ne'e nia implikasaun, versíkulu ne'e la'ós buat foun ida. 

Besi sai kro'at liuhusi prosesu manas, kadi, kose no tesi. Bainhira ema baku tiha besi, besi ne'e forma sai buat ne'ebé furak, ho iha funsaun no di'ak liu fali uluk. 

Prosesu kadi ne'e iha ojetivu Ilida maibé prosesu ne'e halo ita sente moras. Intensaun hosi frisaun (kose ba malu entre besi) rezulta ba ema ida atu sai pura liu, forte liu, no karakter ne'ebé kro'at liu. Ita lahetan kadi hosi ema ne'ebé ema ne'ebé hanoin ladi'ak maibé hosi ema sira ne'ebé hadomi ita, sira ajuda ita atu hasai hahalok aat hosi ita no halo ita tuir hahalok ne'ebé Maromak hakarak. 

Ita bele hetan kadi hosi mentór sira, pastor sira, entre feen ka laen sira, mestre sira no kolega sira. Maibé ita mós bele hetan kadi hosi espíritu santu, parte ida husi Trindade, ida ne'ebé halo serbisu atu hadi'a ita sai loos. Espíritu santu mak hanesan serbisu-nain ne'ebé professional, ne'ebé hadi'a ita-nia karakter sai loos. 

 "Besi kadi besi, no ema ida kadi ninia belun nia hahalok"

Kuandu ita entrega ita-nia an ba Maromak nia serbisu atu hadi'a ita-nia moris, ita bele ajuda ema seluk atu haree Maromak Nia serbisu iha sira-nia moris rasik. Entaun ohin loron, permiti Maromak kadi ita. Husu ba Maromak atu hatudu buat ne'ebé ita presiza hadi'a iha ita-nia moris no intrega ba Maromak atu muda.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Sakrifísiu hahi'i nian

Keta haluha atu halo diak no atu fahe buat nebee ita iha. Tanba Maromak kontenti kona ba sakrifísiu hanesan nee. Ebreu 13:16 BK

Serake Ita hanoin ona kona-ba oinsá mak Ita-nia moris bele fo ksolok ba Maromak? Iha Eskritura laran tomak, ita aprende oinsá mak ita bele uza ita-nia moris hodi halo Maromak kontente. Tuir loloos, Maromak kria ita atu halo nia kontente. 

Tanba ita hetan ona moris foun iha Kristu, no ita hetan ona Maromak nia grasa, ita presiza halo Maromak kontente. Tanba Maromak fó ona buat hotu iha ita-nia moris, ita tenke fó buat hotu ne'ebé ita iha ba Nia. 

Autór Ebreu hatete katak iha dalan rua mak ita bele halo hodi halo Maromak kontente. Primeiru mak iha Ebreu 13:15 "Nunee liu hosi Nia, mai ita oferese nafatin sakrifísiu nebee hahii Maromak, nebee liafuan hosi ibun nebee foo sai Ninia naran"

Hakerek-nain ne'e hatete katak ita-nia sakrifísiu primeiru ba Maromak mak atu hahi'i nia. Ida ne'e mak bíblia bolu nu'udar "hahi/adorasaun". 

Adorasaun mak orientasaun ita-nia moris tomak ba Maromak tamba buat hotu ne'ebé Nia halo ona ba ita. Ita bele adora Maromak la'ós de'it liuhusi knananuk sira ne'ebé ita kanta, maibé mós liuhusi oinsá hala'o ita-nia moris loronloron.

Ebreu 13: 16 hatete ba ita dalan seluk tan atu halo Maromak kontente: liuhosi hadomi ema seluk. Kuandu ita hadomi ema seluk, ita hatudu domin ne'ebé Maromak iha ba sira. Tan ne'e mak importante atu haree oinsa ita trata ema seluk iha ita-nia moris loronloron.

Ita-nia asaun sira sai hanesan reflesaun kona-ba oinsá Maromak hadomi ona ita. No tanba Maromak hadomi ona ita, ita tenke halo buat di'ak ba ema sira ne'ebé hale'u ita. 

Dalan rua ne'e mak ita bele halo hodi fó ksolok ba Maromak: liuhusi adora Maromak no hadomi ema seluk. Ida-ne'e hanesan ho buat ne'ebé Jesus hatete iha Mateus 22:36-40.

 "Mestri, ukun fuan ida nebee mak boot liu iha Lei?” Jesus dehan ba nia, “‘O sei hadomi Nai, o nia Maromak, ho o nia laran tomak, o nia klamar tomak, no o nia neon tomak.’ Ida nee mak ukun fuan uluk liu no boot liu. No ida segundu mak hanesan ida nee, ‘O sei hadomi o nia maluk hanesan o nia aan rasik.’ Lei no Profeta sira hotu nia huun mak ukun fuan rua nee”Mateus 22:36-40 BK

Nia halo sumariu ida katak ita tenke hadomi Maromak no hadomi ema seluk. Ita hadomi Maromak liuhusi adora Nia no hahi'i Nia. Ita hadomi ema seluk liuhusi hatudu hahalok-di'ak ba sira no fahe buat ne'eba ita iha ho sira. 

Oinsá mak Ita hatudu domin ba Maromak no hadomi ema seluk? Serake ita gasta tempu loroloron iha Eskritura no orasaun hodi hahi'i Maromak? Se ita la hadomi uluk Maromak, ita la bele hadomi mós ema seluk iha ita-nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Konvite laran-luak

Haree ba, Hau hamriik iha odamatan no dere. Se ema ida rona Hau nia lian, no loke odamatan, Hau sei tama no haan hamutuk ho nia, no nia sei haan hamutuk ho Hau. Apokalipse 3:20 BK

Bainhira João sai dadur iha illa Patmos tanba nia haklaken Maromak nia liafuan no fó sai ninia esperiénsia ho Jesus, nia hetan vizaun ida. 

Jesus haruka nia hakerek buat ne'ebé nia haree no haruka ba igreja hitu. Maski mensajen ne'e envia ba igreja literál iha tempu ne'ebá, maibé sira nafatin relevante ba ita ohin loron. 

Agora ba kontestu balu, mai ita ko'alia kona-ba Jesus nia mensajen ba igreja iha Laodiseia... 

Jesus hatete katak igreja iha Laodiseia ne'e la manas ka malirin, maibé morna. Sira riku no konfortavel, prosperu no auto-sufisiente, apatétiku la prekupa ho ema seluk. Maski nune'e, Jesus kontinua fó konvite ho laran-luak: 

 "Haree ba, Hau hamriik iha odamatan no dere. Se ema ida rona Hau nia lian, no loke odamatan, Hau sei tama no haan hamutuk ho nia, no nia sei haan hamutuk ho Hau" Apokalipse 3:20 BK

Serake ita haree no sente ida ne'e? 

Ida-ne'e mak konvite ida ba intimidade, ba relasaun kle'an ho Maromak, Kriador, sustentador no redentor ba buat hotu. 

Maibé keta haoin sala, Jesus ne'e laran mamar. Nia lakohi obriga ema ida. Duke halo nune'e, nia book ema-nia laran no fó konvite ba sira... 

... Maibé ita tenke loke odamatan. 

Igreja iha Laodiseia nakonu, maibé espirituálmente mamuk. Sira desorientadu hosi sentimentu seguransa falsu. Sira hetan susesu tuir mundu nia sasukat, maibé sira la susesu tuir Maromak nia sasukat.

Maski nune'e, Jesus kontinua bolu sira. Jesus kontinua dere odamatan ba sira. Nia mós sei bolu no dere odamatan ba ita iha ita-nia tempu agora. Maromak ne'ebé tau planeta sira ba sira-nia fatin no kria foho sira ne'ebé ezisti, hakarak atu besik ita, hamutuk ho ita no salva ita. 

Entaun, se ita rona Maromak bolu, ka ita sente katak nia dere hela ita-nia odamatan laran nian, loke ba ó-nia odamatan

Nia hein hela ho liman nakloke.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Liafuan ne'ebé furak liu

Hahuu fo-foun, Liafuan iha nanis ona. No Liafuan nee hamutuk ho Maromak. No Liafuan nee mak Maromak. João 1:1 BK

Versíkulu ida-ne'ebé iha kbiit boot liu iha eskritura mak hakerek iha evanjellu João: 

"Hahuu fo-foun, Liafuan iha nanis ona. No Liafuan nee hamutuk ho Maromak. No Liafuan nee mak Maromak" João 1:1 BK

Bainhira ita kontinua lee, ita bele hatene ho klaru katak Maromak nia espíritu santu inspira autór atu identifika Jesus Kristu nu'udar "Liafuan". 

Husi liafuan primeiru iha Biblia, ita aprende katak: "Hahuu fo-foun, Maromak kria lalehan no rai" (Jénesis 1:1), agora João hatete: "Hahuu fo-foun, Liafuan iha nanis ona" No la'ós de'it Jesus mak iha ne'ebá, maibé "Liafuan hamutuk ho Maromak". No la'ós de'it Maromak nia Liafuan, maibé "Liafuan mak Maromak". 

Tan ne'e, se iha inisiu Jesus ezisti ona, se Nia hamutuk ho Maromak, no se Nia mak Maromak, entaun ida-ne'e halo Nia la'os de'it ema di'ak ida, Mestri morál nian ka profeta ida. 

João deklara katak Jesus ne'e kompletamente ema no kompletamente Maromak. Ida ne'e ita rona hanesan deklarasaun beik ida, maibé ida ne'e mak buat ne'ebé loos. 

Lia-loos mak Maromak hadomi tebes mundu ne'e to'o Nia husik ninia privelijiu divinu sira iha llLalehan, Nia mai moris hanesan ema, no Nia mate hanesan kriminozu ida, atu nune'e ema ne'ebé nia hadomi bele hetan moris rohan-laek. Ema hanesan ita boot ho ha'u.

Hanoin ba katak Jesus la'ós naran baibain ida hosi istória, maibé nia mak Kriador moris nian.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Laran-sadi'a ba sira ne'ebé iha dúvida fé nian

Hatudu laran luak ba sira nebee duvida hela. Judas 1:22 BK

Iha livru Juda, ita hetan instrusaun simples no kle'an ida: "Hatudu laran luak ba sira nebee duvida hela" Judas 1:22. Liafuan sira-ne'e fó-hanoin ita katak importante tebes atu hatudu laran-sadi'a no kompaixaun ba ema ne'ebé dúvida iha sira-nia fiar ba Maromak. Ne'e inklui ita-nia an rasik! 

Dúvida ne'e hanesan esperiensia komún ida iha ita-nia viajen fé nian. Ida-ne'e bele mosu husi fonte oioin, hanesan pergunta intelektuál sira, problema pesoál sira, ka influénsia husi mundu ne'ebé hale'u ita. Kuandu ita hasoru ema ne'ebé iha dúvida kona-ba fiar, importante tebes atu ita responde ho laran-sadi'a no kompriensaun.

Hatudu laran-sadi'a katak ita hatudu laran-di'ak no pasiénsia ba ema seluk. Ida-ne'e envolve rona sein julga ema, fó apoiu, no fó fatin ne'ebé seguru atu ema ko'alia ho onestu. Kuandu ita hatudu laran-sadi'a ba sira ne'ebé dúvida, ita kria ambiente ida-ne'ebé sira bele hato'o sira-nia pergunta no preokupasaun ho nakloke, sein ta'uk atu ema rejeita ka kondena. 

Nu'udar Kristu nia dixipulu, ita tenke banati-tuir ninia ezemplu. Jesus sempre hatudu laran-sadi'a ba sira ne'ebé luta iha sira-nia fiar. Nia hasoru ema iha sira-nia kondisaun idaidak, hodi fó matadalan no komprensaun. Jesus nunka rejeita sira ne'ebé buka Nia, mesmu sira iha duvida no inserteza.

Kuandu ita hatudu laran-sadi'a ba sira ne'ebé dúvida, ita la'ós de'it ajuda sira iha sira-nia viajen fé nian, maibé mós ita refleta Na'i Salvadór Ninia domin. Ita mós bele hatudu laran-sadi'a ba ita-nia an kuandu ita sente dúvida. 

Iha fatin ba pergunta sira. Iha fatin ba inserteza sira. Dúvida la intimida Jesus, no dúvida la presiza intimida ka halo ita ta'uk ita mós.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak Ninia nia prezensa

Buat ida mak hau husu ona ba Nai, no hau sei buka ida nee deit: katak hau bele hela iha Nai nia uma durante hau nia moris tomak, hodi hau bele haree Nai nia oin furak, no medita iha Ninia templu. Salmu 27:4 BK

Autór Salmo 27 ho intensaun fokus kona-ba aspeitu importante hosi vida espirituál. Iha Eskritura laran, ita aprende kona-ba Maromak Ninia prezensa.

Iha Maromak Ninia prezensa mak ita hetan forsa no esperansa (Salmo 27:1). Iha Maromak Ninia prezensa mak ita-nia inimigu sira lakon sira-nia forsa atu ukun ita (Salmo 27:2-3)

Iha Salmo 27: 4 autór Salmo espresa ninia dezezu atu hela iha Nai nia uma laran, atu haree Maromak nia furak no atu iha ninia prezensa iha templu. Iha Testamentu Antigu, Maromak nia prezensa prinsipalmente iha templu laran. Maibé liuhusi gasta tempu ho Maromak, Salmista hetan esperansa no restaurasaun ba Ninia klamar.

Obrigadu ba Jesus, agora Maromak Ninia prezensa la limite de'it iha templu. Agora ita bele hetan Ninia prezensa liuhusi espíritu santu ne'ebé hela iha ema fiar-na'in nia laran. Agora ita bele asesu Maromak Ninia prezensa iha kualkér tempu. 

Hanesan autór Salmo dezezu atu hela iha Maromak Ninia prezensa, ita mós presiza iha dezezu atu hamutuk ho Maromak. Iha Maromak Ninia prezensa mak ita hetan esperansa, ksolok, kmanek, no restaurasaun ba ita-nia klamar ne'ebé kolen. 

Importante tebes ba ita atu gasta tempu ho Maromak loroloron. Ita bele halo ida-ne'e liuhusi lee Eskritura beibeik no refleta kona-ba buat ne'ebé ita lee ona. Ita mós bele gasta tempu atu halo orasaun hodi ko'alia ho Maromak kona-ba buat ne'ebé akontese iha ita-nia moris. Dalan seluk tan mak hatene katak nia hamutuk ho ita liuhusi ita-nia serbisu loroloron nian.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Oinsá ita prátika laran sadia iha moris?

Nee duni, hatudu laran luak, hanesan imi nia Aman mos hatudu laran luak. Lucas 6:36 BK

Lia-fuan mercy iha dalen ingles mak ita tradús laran sadi'a ka laran luak ka mezerikordia iha tetun.

Saida mak Ita sei halo bainhira hasoru ema ne'ebé halo ita-nia laran-kanek, sira ne'ebé halo ita hirus, ka halo sala boot ba ita? 

Iha Jesus nia tempu, ema farizeu sira hanorin katak ita bele fó perdua ba ema ida laliu dala tolu. Maibé Jesus nia hanorin sira hatudu katak ita tenke fó perdua ba ema seluk liutan ida ne'e. Nia hatete katak ita tenke fó perdua ba ema seluk ho laran-luak no kontinua fo perdua (Lee Lucas 17:3-5; Mateus 18:21-22).

Espresaun esterna hosi perdaun hosi ema idaidak la hanesan. Maibé perdaun ne'ebé loos tenke oferese laran-sadi'a no kompaixaun ba ema ne'ebé hakanek ita. 

La fasíl atu fó perdua. Hatudu laran-sadi'a ba ema ne'ebé hakanek ita kontra ita-nia hakarak naturál. Iha tempu sira hanesan ne'e, dala ruma, ita sente katak ne'e la justu no imposivél. Maibé fo perdua no fo kompaixaun ba ema ne'ebé la merese simu, ida ne'e mak hanaran laran sadi'a, laran luak ka mezerikordia no Ida ne'e mak Jesus halo ba ita. 

Maromak hadomi tebes mundu ne'e, tamba ne'e mak maski ita halo sala beibeik no kontinua la simu ninia prezensa, Nia haruka Ninia oan mane mesak, Jesus mai mate ba ita. Maski ita la merese hetan Ninia perdaun ka domin, maibé nia fó nafatin perdua ba ita. No agora, ema ne'ebé fiar ba Jesus bele simu laran-sadi'a ne'ebé la iha limitasaun no simu grasa ne'ebé loloos ita la merese simu. 

Ida ne'e akontese tanba Maromak livremente oferese laran-sadi'a ba ita ho laran tomak, no nia mós husu ita atu hatudu laran-sadi'a ba ita-nia maluk sira. 

Mundu sei haruka ita atu kaer metin ita-nia laran kanek no husik ida-ne'e forma ita-nia karakter. Maibé Jesus hakarak halo ita sai livre husi ita-nia laran-susar iha tempu pasadu hodi muda ita-nia laran ba ema seluk ne'ebé hakanek ita. Ida-ne'e la fasil - ida ne'e dala barak hanesan aktu submisaun ida-ne'ebé halo ita-nia laran-kanek. Maibé Jesus la espera ita atu liuhosi prosesu fo perdaun ne'ebé difisíl mesak de'it. Se ita hakarak tau fiar ba Nia no hafolin ninia hanorin, Nia hakarak ajuda ita. 

Jesus la husu ita atu halo buat ida-ne'ebé nia seidauk halo ba ita. No kuandu ita hatudu laran-sadi'a ba ema ne'ebé hakanek ita, ita hatudu oinsá Maromak nia perdaun fo ona impaktu ba ita. 

Entaun, pergunta mak ne'e, serake iha ema ida-ne'ebé ita bele oferese laran-sadi'a no perdaun ohin loron? Gasta tempu balu hamutuk ho Maromak, husu Nia atu buka-hatene Ita-nia laran, no intrega buat-aat ne'ebé hakanek ita-nia laran ba Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Sabedoria ba moris nian

Se imi ida falta matenek klean, nia bele husu ba Maromak. Maromak sei foo matenek klean ho laran luak no la buka sala. Maromak sei foo ba ema nee. Tiago 1:5 BK 

Sabedoria ka Matenek kle'an mak aspetu importante ida husi maturidade. Dala barak ita hanoin katak ita sei hetan sabedoria bainhira ita krese Sai maduru, maibé sai maduru la'os tamba idade. Sabedoria krese bainhira ita Komesa aplika koñesementu ba desizaun no iha situasaun loroloron nian. 

Tiago, Jesus nia alin no autór ba livru Tiago, ko'alia kona-ba oinsá prosesu kresimentu spiritual sai maduru iha Tiago 1: 1-5. Nia hatete ba ita katak ema ne'ebé buka sabedoria simplesmente husu de'it ba Maromak, no Maromak sei fó ho laran-luak ba ema ne'ebé husu. 

Kresimentu sabedoria espirituál akontese Kuandu ita uza ita-nia koñesimentu kona-ba Maromak, mundu, no ita-nia an rasik, atu ita bele halo desizaun ne'ebé loos kona-ba oinsá ita tenke foti asaun, moris, no ko'alia nu'udar ema kristaun. Bainhira ita hatene didi'ak kona-ba Maromak, ita bele krese iha Maromak Ninia sabedoria no iha koñesimentu ne'ebé ita presiza atu moris iha moris ne'ebé nakonu ho hahi'i ba Nia. Ho ida-ne'e, sabedoria mai husi ita-nia relasaun ho Maromak. 

La iha ema ida mak presiza falta sabedoria tanba Maromak fó livremente liuhusi relasaun ho Nia. Bainhira ita buka Maromak no ninia sabedoria, Nia fó oportunidade mai ita atu prátika sabedoria no ita-nia fiar mós krese ba Nia. No bainhira ita tau fiar ba Maromak ho ita-nia moris loronloron, ita komesa haree sabedoria suli mai ita-nia moris. 

Entaun, saida mak ita presiza halo atu kultiva sabedoria iha ita-nia moris? Pasu primeiru mak husu ajuda husi Maromak. Kuandu ita mai hasoru Maromak ho haraik-an no rekoñese katak ita presiza Nia, Maromak sei fó sabedoria hotu ne'ebé ita presiza.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hili atu halo buat ne'ebé loos, mesmu difisíl

Tanba sei o nonook iha tempu nee, liberdade no salvasaun sei mai ema Judeu sira hosi fatin seluk, maibee o no o nia aman nia uma kain sei lakon. See mak hatene, karik o tama ba reinu nee tanba tempu ida nee? Ester 4:14 BK

Istória kona-ba Ester mak sasin boot iha eskritura laran. Eskritura ne'e ko'alia kona-ba Ester ne'ebé foti risku ba ninia moris hodi salva Maromak nia povu husi perigu. Ester hasoru desizaun entre buat ne'ebé fasil no buat ne'ebé difisíl, no nia hili dalan ne'ebé difisíl liu tanba buat ne'ebé loos atu halo. 

Ester 4:14 hatete katak Ester nia ojetivu moris mak hakesi an ba momentu hanesan ne'e. Maromak mak kria no halo nia atu kumpre ninia hakarak sira iha ninia jerasaun. Maromak tau nia iha situasaun ne'ebé úniku. 

Maski ita barak la'ós atan iha liurai ka liurai-feto nia uma, maibé ita hotu iha desizaun difisíl atu halo iha ita-nia moris. Loron-loron ita hasoru situasaun ne'ebé fasil no difisíl atu hatán. 

Istória kona-ba Ester hanorin ita katak Maromak fó ona ojetivu moris ne'ebé espesifiku ba ita ida-idak. Maski la fasil la'o tuir dalan Maromak nian, maibé Maromak promete katak nia sei hamutuk ho ita bainhira ita la'o tuir dalan ne'ebé nia hatudu. 

Ester la hetan susesu tamba ninia esforsu mesak de'it. Nia hetan apoiu husi ninia komunidade ne'ebé halo jejún no halo orasaun ba nia. Hanesan ne'e mós ho ita, ita labele hetan susesu iha moris ida-ne'e mesak de'it. Ita presiza apoiu husi ita-nia komunidade hodi halo orasaun ba ita. No sira mós presiza ita iha sira-nia moris. 

Ohin loron, foti tempu balu hodi refleta kona-ba Ita-nia istória rasik. Serake hanesan ho Ester nia istoria? Hanoin to'ok kona-ba objetivu úniku ne'ebé Maromak kria ona ita atu hili. Halo orasaun ba Maromak hodi husu Nia forsa atu halo desizaun ne'ebé loos iha ita-nia moris, no kontinua lao tuir dalan ne'ebé Nia lidera. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hela iha ikan nia kabun laran kalan 3, loron 3

No Nai haruka ikan boot ida mai tolan tiha Jonas. No nia hela iha ikan nia kabun laran too kalan tolu, loron tolu. Jonas 1:17 BK

Bíblia hatete katak Maromak hili ema Izrael nu'udar povu atu sai naroman ba nasaun sira no fó sai ninia salvasaun ba ema jentiu sira.

Isaias 49: 6 hatete: "...."Hau sei halo imi sai naroman ida ba nasaun sira, hodi Hau nia salvasaun bele too iha mundu tomak.” Isaias 49:6 BK

Ida-ne'e hatudu katak ema Izrael nia misaun la'ós de'it ba sira-nia an rasik, maibé ba nasaun hotu. Iha Testamentu Foun, Jesus fó-hanoin fali kona-ba ne'e bainhira nia haruka ninia dixipulu sira, ne'ebé barak mak ema Izrael, atu "halo nasaun hotu sai ninia dixipulu sira" (Mateu 28:19). Paulo mós hatete katak ema judeu no ema jentiu sira sei hetan salvasaun no katak ema Izrael sei haklaken lia-foun di'ak. Iha Apostolu sira-nia tempu, apóstolu sira, hanesan Pedro no Paulo, haklaken ba ema jentiu sira, hodi hatudu katak Maromak nia planu atu salva ema hotu mak hanesan ne'e.

Atu kumpri Maromak Ninia ojetivu atu alkansa ba ema Jentiu sira, iha antigu Testamentu, Maromak fo instrusaun ba Jonas atu haklaken ba ema Niniveh sira. "Iha loron ida Nai koalia ba Jonas, Amitai nia oan. Nia hatete, “Hamriik ba no baa iha sidade boot Nínive. Koalia makaas ba ema iha sidade nee, tanba Hau hatene ema sira nee aat tebe-tebes.” Jonas 1:1-2

Jonas la halo tuir Maromak Ninia instrusaun no halai ses. "Maibee Jonas halai ba Tarsis fali hodi dook tiha hosi Nai nia prezensa. Nia tuun baa iha Jope. Iha nebaa nia hetan roo boot ida nebee atu baa Tarsis. Nia selu tiket roo boot nian no nia sae roo nee. Nia baa hamutuk ho sira atu baa Tarsis, hodi dook hosi Nai nia prezensa" Jonas 1:3 BK

Tamba ne'e Maromak halo laloran boot no no ro ne'ebé tula nia besik atu mouth no ikus ema sira iha ro laran some Nia tun ba tasi laran no Maromak haruka ikan boot tolan nia. "No Nai haruka ikan boot ida mai tolan tiha Jonas. No nia hela iha ikan nia kabun laran too kalan tolu, loron tolu. Jonas 1:17 BK

Husi versíkulu ne'e ita bele aprende lisaun importante balu: 

 1. Soverania Divina. Maromak mak kontrola buat hotu, inklui mós natureza. Ikan boot ne'e la'ós koinsidensia, maibé Maromak espesifikamente prepara ona atu kumpre ninia hakarak. 

 2. Konsekuensia hosi desobedese ka la halo tuir Maromak Ninia lia-fuan. Jonas halai ona husi Maromak Nia instrusaun atu haklaken iha Niniveh no ninia desobedese rezulta ba situasaun Ida ne'ebé la iha esperansa no perigu. Ida-ne'e hanorin ba ita katak halai husi Maromak bele lori susar no dixiplina. 

 3. Maromak nia laran-sadi'a no oportunidade segundu. Maski Jonas la halo tuir, maibé Maromak la husik hela nia. Ikan boot ne'e servi nu'udar konsekuénsia no mós nu'udar meiu atu proteje. Ida-ne'e reprezenta Maromak nia laran-di'ak, no fó oportunidade segundu ba Jonas atu kumpre ninia misaun. 

 4. Xamada ba arependimentu. Hela iha ikan snia kabun laran sai hanesan pontu ida-ne'ebé troka Jonas nia moris. Iha ikan laran, nia arrepende an no halo orasaun, no hatudu katak susar sira bele lori ema fila ba Maromak.

 5. Prefigurasaun Kristu. Ikusmai Jesus ko'alia kona-ba Jonas nia loron tolu iha ikan laran nu'udar símbolu ba ninia mate no moris-hias rasik (Mateus 12: 40), hodi hametin liután ninia tema kona-ba salvasaun no salvasaun. 

Enjeral Jonas 1:17 hanorin katak Maromak fó dixiplina tanba domin, fó oportunidade segundu, no ikusmai halo buat hotu tuir Maromak nia hakarak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Moris mak Kristu, mate mak manaan

Tanba ba hau, moris mak Kristu, mate mak manaan. Filipe 1:21 BK

Se ita sai ona ema kristaun ba tempu kleur ona, serteza ita rona ona versíkulu tuirmai ne'e: "Tanba ba hau, moris mak Kristu, mate mak manaan". Tanba ita rona beibeik, dalaruma ita bele lakon ninia signifika ne'ebé loos. Entaun versikulu ne'e ninia signfika saida?

... atu moris mak Kristu... 

Bainhira apóstolu Paulo hakerek karta ne'e ba igreja iha Filipe, nia iha komarka laran hela. Nia hatete katak Kristu mak ninia moris. Se ita hakerek ho lia-fuan seluk karik Paulo hatete: "Jesus la'ós de'it parte ida husi ha'u-nia moris, ka maioria hosi ha'u-nia moris, maibé Jesus mak ha'u-nia moris tomak". Parte hotu husi ninia moris." Iha ema kristaun nia moris, Kristu la'ós buat ida-ne'ebé ema aumenta tan ba moris, maibé Nia mak fundasaun ba moris. Ninia domin, ninia grasa, ninia lia-loos, mak buat hotu ne'ebé harii ona iha Kristu. Ne'e la'ós moris + Kristu. Maibé moris ne'e mak Kristu. 

 ... mate mak manan. 

 Paulo nia moris nakonu ho presegisaun no terus oinoin, maibé durante nia hakerek karta ba ema Filipe, nia hatudu katak nia kontente, hakmatek, no iha ojetivu ne'ebé loos. Tamba Paulo la hateke de'it ba mate bainhira nia hatete liafuan ne'e. Nia hateke ba oin - moris ho Kristu depoisde mate. Paulo hanorin katak buat ne'ebé ita hetan depoisde mate mak sei hetan moris rohan-laek ho Kristu iha mundu seluk bainhira Jesus fila fali mai. Loron ida nia sei hamutuk ho Kristu ba nafatin. Loron ida buat hotu sei sai foun. Loron ida, Paulo sei adora ida ne'ebé nia hadomi ba nafatin. 

Matenek-na'in barak fiar katak bainhira Paulo hakerek karta ba ema Filipe ne'e, mazumenus tinan lima molok nia mate hanesan martir. Bainhira nia mate buat rua akontese. Paulo ninia moris iha Kristu to'o ona rohan No mós, nia manán. Nia sei tama ba lalehan bainhira Kristu mai ba daruak. Nia sei haree Kristu, ida ne'ebé nia fo ninia moris ba. Maibé agora nia deskansa no nia sei hamutuk ho Kristu bainhira Na'i Jesus fila fali mai. Nia sei Adora Maromak ho Santu sira bainhira ema ne'ebé mate Iha Kristu sei moris fali no tama ba lalehan (Lee 1 Tesalonika 4:16-17).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak nia Bibi-Oan

Loron tuir mai, João haree Jesus mai hakbesik ba nia, no nia dehan, “Haree ba, Maromak nia Bibi Oan nebee kasu mundu nia sala!” João 1:29

Serake ita hein ona tempu naruk atu hetan buat importante ruma? Karik Ita hein hela semana balu atu hasoru kolega tuan ida, hein atu hetan informasaun kona-ba rezultadu diagnóstiku médiku ruma, ka hein ema-nia resposta ba mensajen ne'ebé Ita haruka ba sira. 

Iha apóstolu sira-nia tempu, Maromak nia povu hein ona tinan atus ba atus atu hetan salvadór ida. Maromak haruka João Batista mai uluk molok Salvador. Maromak haruka Joao atu prepara ema antes Jesus mai, no nia bolu sira atu arepende ba sira-nia pekadu. 

João iha ninia moris tomak hein Jesus. Nia uza ninia loron sira hodi antisipa Salvador mai hodi salva Ninia povu. Iha loron ne'ebé Jesus to'o mai, Joao Batista hakilar ho haksolok. 

Joao bolu Jesus nu'udar Maromak nia Bibi-Oan, ne'ebé kasu mundu nia sala. Iha aliansa antigu, bibi-malae oan sira uza hodi hasa'e sakrifísiu hodi kasu povu nia sala sira. Sira-nia sakrifísiu mak buat temporariu hodi restaura fali sira-nia relasaun ho Maromak. 

Maibé Jesus mai atu halo aliansa foun entre Maromak no ninia povu. 

Jesus nia mate mak sakrifísiu ida ba ita, maibé sakrifísiu ne'ebe permanente no kompletu. Jesus nia mate, hakoi no moris-hias sai dalan ba ita atu iha relasaun di'ak ho Maromak, no atu moris livre husi sala. Ne'e mak aliansa foun ne'ebé João Batista esplika: Jesus kasu mundu nia sala (João 1:29). 

Foti momentu balu dadersan ida ne'e, hodi hato'o agradesementu ba Maromak tamba fo prezente furak ne'ebé Jesus fó ba ita ida-idak. Tanba Jesus Ninia fidelidade, ita bele la'o iha moris foun no iha relasaun di'ak ho Maromak.

Hanoin to'ok kona-ba pasu ki'ik ida-ne'ebé ita bele halo atu fahe lia-foun di'ak ne'e ba ema ne'ebé seidauk hatene Jesus. Prezente gratuita ne'e ne'e mak liafuan di'ak ba ema ida-idak, no ita hetan priviléjiu atu fahe prezente ne'e ba ema hotu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Uma-mahon ba anin-fuik

Ema nebee tuur iha Ida Nebee Aas Liu nia fatin segredu, sei hela iha Ida Nebee Kbiit Makaas nia mahon. Hau sei hatete ba Nai, “O mak hau nia fatin seguru, no hau nia abrigu. O mak hau nia Maromak, no hau sei fiar ba O.” Salmu 91:1-2 BK

Se ita hasoru ona anin-fuik ka dezastre naturál ruma, ita hatene importantansia hosi uma-mahon atu proteje ita-nia seguridade. Kuandu iha ameasa ruma, ita presiza buat ida-ne'ebé forte liu fali ameasa ne'e atu proteje ita. 

Ne'e mós akontese iha ita-nia moris loroloron nian. Ita bele hasoru susar oioin husi ita-nia inimigu espirituál no mós husi perigu sira seluk iha ita-nia moris. Dala ruma ita presiza hetan salvasaun husi ita-nia hanoin no abitu/toman aat ruma. Dala ruma ita presiza ema ida atu ajuda ita kura buat ruma ne'ebé ita la bele trata mesak. 

Eskritura hatete katak Maromak mak ita-nia fatin subar no uma - mahon. Nu'udar Maromak nia oan, ita bele deskansa iha Ninia forsa no podér, tanba ita hatene katak Nia bele proteje ita husi situasaun saida de'it ne'ebé ita hasoru. 

Tanba Maromak mak kria ita, Nia hatene duni saida mak di'ak liu ba ita. Nia hatene oinsá atu proteje ita-nia moris no proteje ita husi perigu. 

Maibé, ida-ne'e rekere ita ba hasoru Maromak kuandu ita presiza ajuda. Ita labele deskansa iha ninia prezensa se ita la gasta tempu iha ninia prezensa. Nia mak ita-nia fatin subar ba sira ne'ebé ativamente tau fiar maka'as ba Nia no buka Ninia ajuda. Maski ita hasoru susar saida de'it, maibé Maromak bele ajuda ita liuhusi ida-ne'e. 

Dalan di'ak liu atu buka Maromak Nia ajuda mak liuhusi orasaun. Gasta tempu atu ko'alia ho Maromak, hodi fó-hatene nia loloos Ita-nia sentimentu. Husu ba nia buat ne'ebé ita presiza. Bainhira ita buka Ninia prezensa no tau fiar ba Nia, nia sei proteje ita no halo ita seguru.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Nia haree Nai

Maria Madalena baa no foo hatene ba eskolante sira, “Hau haree ona Nai!” No nia hatoo liafuan nebee Jesus dehan ba nia. João 20:18 BK

Maria Madalena mak feto ida-ne'ebé ema barak hatene liu iha Biblia. Nia hamutuk ho Jesus durante ninia serbisu haklaken to'o ninia moris rohan no depois Ninia moris-hias.Tempu dahuluk ita hasoru Maria iha Eskritura mak momentu Jesus halo milagre ida ba nia: 

 ... "Jesus lao ba sidade sira no aldeia sira hodi haklaken no foo sai evanjelhu kona ba Maromak nia reinu. No sira nain sanulu resin rua lao hamutuk ho Nia. Iha mos feto balu, nebee Nia kura tiha hosi espíritu aat sira no moras oi-oin, inklui Maria ho naran Madalena, nebee diabu nain hitu sai hosi nia" Lucas 8:1-2 BK

Hanoin to'ok Maria Magdalena oinsá nia senti la iha ema ida mak bele ajuda, nia hetan babeur hosi espíritu aat, la iha esperansa, nia hetan torturasaun, no la iha solusaun tamba hetan presaun hosi espiritu nakukun.

Maibé depois ne'e, Jesus mai hodi halo Maria Magdalena livre hosi espíritu aat ne'e . 

Iha tempu ne'ebá, momentu Jesus kura Maria Magdalena hosi torturasaun diabu nian, Nia rekupera hosi forsa nakukun. No Maria Magdalena haree Jesus. Nia la'o tuir nia. Husi dook, nia haree krusifikasaun ninia Salvador ne'ebé Nia fó ba ema hotu (Marcos 15: 40). Tuirmai, nia haree fatin ne'ebé ema Rai Jesus Ninia mate isin (Marcos 15:47). 

Iha dadeer-saan, Maria Madalena no feto nain-rua seluk ne'ebé la'o tuir Jesus hadeer no ba atu kose-mina ba Jesus nia mate-isin. 

Maibé la iha ema ida iha ne'ebá. 

Iha rate mamuk ne'e, Maria tanis tanba triste hodi hanoin katak ema hasai tiha ona Jesus. Maibé tuirmai nia rona Jesus nia lian: 

 "Jesus dehan ba nia, “Maria.” Maria fila oin, no dehan ba Nia, “Rabi!” (katak ‘Mestri’). João 20:16

Tuirmai Jesus tau fiar ba nia hodi halo serbisu importante ida. " baa hasoru Hau nia maun-alin sira, no dehan ba sira, ‘Hau sei sae ba Hau nia Aman, no imi nia Aman, ba Hau nia Maromak, no imi nia Maromak" João 20:17

Novidades kona-ba Jesus nia moris-hias habelar liuhusi Maria Madalena, feto ne'ebé uluk hetan terus tamba forsa nakukun. Husi ema hotu ne'ebé Nia bele hili ba deskobrementu gloriaozu ida ne'e, Nia hili Maria Magdalena. 

Nia ba hasoru dixipulu sira ho novidades ne'ebé muda ona ninia moris hodi dehan: "Hau haree ona Nai!" (João 20: 18).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Kontinua prátika

Halo tuir buat sira nebee imi aprende, simu, rona no haree iha hau. No Maromak dame nian sei hamutuk ho imi. Filipe 4:9 BK

Bainhira ema ida treinu kona-ba serbisu ida, ikusmai nia tenke muda husi estuda ba prátika. 

Apóstolu Paulo hatene importansia hosi prinsipiu ne'e, tamba ne'e mak maski nia ema sulan iha prizaun laran, nia hakerek ba ba ema kristaun sira iha Filipe, rai-Gresia, liafuan sira tuirmai ne'e: 

"Halo tuir buat sira nebee imi aprende, simu, rona no haree iha hau. No Maromak dame nian sei hamutuk ho imi" Filipe 4:9 BK

Paulo hanorin ona sira. Paulo treinu ona sira. Paulo hadomi tebes sira. Tan ne'e mak Paulo hosi prizaun laran haforsa sira atu moris tuir buat ne'ebé sira aprende ona hosi nia. 

Jesus mós hadomi tebes ninia dixipulu sira, Nia la'ós finje halo di'ak, maibé Nia halo di'ak duni ho laran ne'ebé hakarak fó glória ba Maromak. Jesus nia alin ida naran Tiago mós hakerek kona-ba la'ós de'it rona ba Biblia, maibé halo tuir buat ne'ebé Biblia hatete. 

"Maibee sai ema nebee halo tuir liafuan nee, laos ema nebee rona deit, hodi imi la lohi imi nia aan rasik. Tanba se ema ida rona deit liafuan nee no la halo tuir, nia hanesan ema nebee haree di-diak ninia oin iha espelhu ida. Bainhira nia haree tiha ninia aan, nia baa deit no haluha kedas ninia oin nee oinsaa" Tiago 1:22-24

Hatene buat ida ne'e buat ida, maibé tau ba pratika buat ne'ebé ita hatene ne'e buat seluk ida.

Maromak nia dame mak prezente ne'ebé nia fó mai ita. Ne'e mak buat ne'ebé ita esperiensia bainhira ita hakbesik ba nia hodi moris iha dalan ne'ebé fó onra ba Nia. Se ita hatene Maromak nia hakarak maibé la halo buat ida kona-ba ida-ne'e, ne'e hatudu katak ita lakohi fó onra ba Maromak. Maibé se ita halo tuir Maromak nia hakarak, ita-nia hahalok hatudu katak ita-nia identidade nia abut maihosi Kristu nia huun. No kuandu ita hakbesik an ba Kristu, ida-ne'e ajuda ita atu hetan Ninia dame. 

Halo tuir Maromak nia hakarak, la'ós atu aprende de'it kona-ba Maromak nia hakarak, no Maromak sei fo Ninia dame ba ita.

Tan ne'e, ohin loron, estuda kona-ba buat ne'ebé Paulo hanorin (ne'ebé realidade Jesus Ninia hanorin). Tuirmai, husu ba ita-nia an: "Saida mak Maromak hanorin ba ha'u kona-ba ha'u-nia an, Ninia an rasik, no ema seluk? Oinsá mak ha'u bele aplika Ninia hanorin iha ha'u-nia moris?

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Kontinua lao ho espíritu

Se ita moris iha Espíritu, mai ita mós la'o iha Espíritu. Galásia 5:25 BK

Bainhira ita la'o hamutuk ho kolega ida, ita tenke la'o ho lais ne'ebé hanesan, la uluk mós la ikus. Karik ida lao uluk, ita na'in rua la lao hamutuk ona. Ida ne'e hanesan mós bainhira ita la'o hamutuk ho Maromak. 

Apóstolu Paulo hatete nune'e: "Se ita moris iha Espíritu, mai ita mós la'o iha Espíritu" Galásia 5:25 BK

Kuandu ita fiar ba Jesus nu'udar ita-nia Salvadór, ita simu prezente grasa no Espiritu Santu. Espíritu Santu mak Maromak. Ita simu Maromak! Espíritu Santu dirije, gia, no serbisu iha no liuhusi ita. 

Iha tempu balu ne'ebé ita tenta atu halai uluk Espiritu Santu. Tanba, se ita onestu, Nia la sempre muda lalais hanesan ita-nia hakarak. Dalaruma ita pergunta se Nia la'o ba oin ho ita ka kuida ita. Tan ne'e mak ita presiza pasiénsia atu la'o ho Maromak. 

Iha tempu seluk, ita hetan tentasaun atu la'o iha espíritu nia kotuk. Tanba dala ruma, nia dirije ita ba iha fatin ruma ne'ebé halo ita la komfortavél. Ita presiza esforsu no intensaun, presiza forsa fíziku no emosionál lao hamutuk ho espíritu Maromak nian. Tan ne'e mak la'o ho Maromak rekere korajen.

Ita bele kontinua la'o tuir Espiritu Santu hodi hakbesik ba Nia, fo atensaun ba Nia, ko'alia ho Nia, lee Ninia Liafuan, no hamutuk ho komunidade sira ne'ebé hadomi Nia. 

Tanba kuandu ita iha komitmentu atu hakbesik ba Maromak, iha buat ida mak serteza: Espiritu Santu sei dirije ita, kada pasu iha dalan ne'ebé atu la'o.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Ema hotu pekadór no lakon Maromak Ninia gloria

Tanba ema hotu-hotu halo ona sala, no sira la too Maromak nia glória. Maibee ita bele sai loos liu hosi Ninia grasa nebee Nia foo gratis deit. Tanba Nia hola fali ita iha Jesus Kristu. Roma 3:23-24 BK

Roma 3:23 mak versíkulu ida-ne'ebé ema barak hatene no dala barak liu sita hosi Biblia tomak. Ida-ne'e hatudu ideia ida ne'ebé hanesan xave ba ita atu bele komprende oinsá mak ita bele hetan salvasaun husi Maromak nia hirus no oinsá atu ita bele inklui mós iha Ninia família. Buat importante ida atu komprende versíkulu ne'e mak atu haree tuir ninia kontestu. Kombinasaun versíkulu 21, 22, no 23 hatudu katak ema hotu merese hetan Maromak Ninia laran hirus tamba sira-nia sala no ema hotu hetan justisa ka sai loos so liuhusi Jesus Kristu. 

Liafuan iha ne'e badak no klaru: Ema hotu halo sala. Ema hotu halo ona sala. La iha ema ida mak la halo sala (Roma 3: 10). La iha ema ida mak bele halai ses. Paulo la halo agroupamentu ruma kona-ba pekadu kiik ka boot, so pekadu de'it no ema hotu monu ona ba sala. Versíkulu anterior hatete katak "la iha ema ida". Ema hotu ne'ebé morál di'ak to'o iha ne'ebé mós iha situasaun hanesan, sira hotu ema "pekadór".

Hatene kona-ba buat ne'ebé loos no sala la halo ita sai halo itania moral di'ak liu, maibé halo tuir buat ne'ebé loos mak sei hadi'a ita-nia moral maibé nafatin, ita ema pekadór. Realidade, ita nafatin monu ba sala. Ho lia-fuan seluk mesmu ita hatene konsekuensia hosi pekadu la sufisiente atu prevene ita hosi komete pekadu (Roma 1:18-20). 

Tanba la iha ema ida mak sala la iha, ita hotu lakon Maromak nia glória. Ida ne'e problema, tanba ita labele hetan salvasaun husi Maromak nia julgamentu esetu/kecuali ita la iha sala. Ne'e mak Maromak nia standard ka sasukat, no ita hotu monu ka lakon ona Maromak Ninia gloria tamba ita-nia pekadu. Ida ne'e mak kriteria atu tama ba Maromak Ninia familia, maibé ita-nia pekadu prevene ita atu hola parte iha Maromak Ninia familia.

Felizmente, Paulo hakerek tan versíkulu ida tuirmai, ne'ebé esplika oinsá mak ita bele hetan Maromak Ninia glória. "Maibee ita bele sai loos liu hosi Ninia grasa nebee Nia foo gratis deit. Tanba Nia hola fali ita iha Jesus Kristu" Roma 3:24 BK

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

La muda

Jesus Kristu mak hanesan deit, horiseik, ohin loron no too tinan ba tinan. Ebreu 13:8 BK

Iha mundu ne'ebé muda beibeik no sempre book an, ita bele tau fiar Maromak nia natureza ne'ebé la muda. 

Inspira hosi Espiritu santu, autór Ebreu hakerek liafuan tuirmai ne'e: 

"Jesus Kristu mak hanesan deit, horiseik, ohin loron no too tinan ba tinan" Ebreu 13:8 BK

Titulu hosi Maromak ne'ebé iha personalidade tolu mak trindade: Maromak Aman, Oan-Mane, no espíritu santu. No Oan-Mane, Jesus Kristu, mak reflesaun moos Liu hosi Aman Maromak, ne'ebé nunka muda. 

Bainhira ita deskobre tiha mistériu furak ne'ebé Maromak halo nia an sai ema (João 1:14) iha Jesus Kristu, ita rona nia hatete buat ne'ebé furak hanesan: "Hau ho Aman mak ida de'it," (João 10:30) "Ema ne'ebé haree ona Ha'u haree ona Aman," (João 14:9) no: "Aman, fó glória mai Ha'u iha Ita-nia oin ho glória ne'ebé Ha'u iha ona ho Ita molok mundu hahú." (João 17: 5 ) 

Joao deskrebeJesus hanesan Liafuan: "Hahuu fo-foun, Liafuan iha nanis ona. No Liafuan nee hamutuk ho Maromak. No Liafuan nee mak Maromak" João 1:1

Maromak hatete ba nia an: "Hau mak Nai, Hau la troka, entaun imi, Jacó nia oan sira, la simu kastigu" Malakias 3:6. Ita bolu kualidade Maromak nia hahalok ne'ebé la muda "imutabilidade"

Husi jerasaun ba jerasaun, Maromak mak fatuk ne'ebé la muda ne'ebé ita bele kuda metin ita-nia fiar ba.

Maromak labele bosok. Nia labele halo buat ne'ebé la loos. Nia sempre fiél. Nia perfeitu loos. Nia sempre sufisiente. Nia kontinua konstan, tahan nafatin no ba nafatin. 

Se ita-nia mundu sai aat ona, ka se buat hotu ne'ebé hale'u ita haree hanesan muda an dadauk, ka se susar atu hatene saida mak fatuk ne'ebé metin no saida mak rai-henek, ita bele tau fiar no esperansa ba Jesus. 

Nia la'ós de'it ita-nia Salvador ne'ebé loos, maibé nia mós ita-nia Maromak ne'ebé la muda.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Portaun kloot

Tama liu hosi odamatan kloot. Tanba odamatan luan no dalan boot sei lori ema ba mate, no ema barak tama liu hosi dalan ida nee. Maibee odamatan kloot no dalan kiik sei lori ema ba moris, no ema uitoan deit mak hetan dalan ida nee. Mateus 7:13-14 BK

Ida ne'ebé mak fasil liu? 

Tuur no rileks iha sofa leten ka sa'e foho ida? Ba sosa no han hahan midar sira iha loja ka desaraska te'in hahan ne'ebé saudavél iha uma? Protesta kona-ba problema ida ka serbisu maka'as atu rezolve problema ne'e? Salva ita-nia osan ne'ebé susar atu hetan ka gasta hotu iha kalan ida? 

Tanba de'it buat ruma fasil la signifika katak ida-ne'e mak di'ak liu. 

Jesus hatene ida-ne'e. Realidade, Jesus dala barak hili dalan ne'ebé susar liu ho ojetivu duké dalan ne'ebé fasíl maibé la Iha ojetivu. Nia dehan:

"Tama liu hosi odamatan kloot. Tanba odamatan luan no dalan boot sei lori ema ba mate, no ema barak tama liu hosi dalan ida nee. Maibee odamatan kloot no dalan kiik sei lori ema ba moris, no ema uitoan deit mak hetan dalan ida nee" Mateus 7:13-14 BK 

Embora Jesus hakarak salva mundu tomak, maibé ema uitoan de'it mak hili dalan salvasaun ne'e. Tanba dalan hotu, relijiaun hotu, no intensaun di'ak hotu la lori ita ba Maromak. 

Jesus la dehan katak ita bele hetan ita-nia salvasaun liuhosi buka-hatene buat ne'ebé susar liu, ka sa'e foho ne'ebé aas liu, ka halo orasaun ne'ebé naruk liu atu hetan portaun ba moris nian. Maibé, iha João 10: 7, Jesus hatete ho klaru: "Hau mak portaun ne'e" 

Dalan ba Maromak ne'ebé loos so ida de'it, Maromak ne'ebé Kria mundu ne'e nian no ida ne'ebé sustenta ita-nia moris, mak liuhusi Jesus Kristu, ne'ebé hadomi ita, fó ona Ninia moris ba ita, no nia moris hi'as fali husi mate atu ita bele moris. 

Ita la bele sosa ho osan ninia domin ka salvasaun ne'e, maibé ita bele simu ninia prezente grasa nian no tama liuhusi portaun kloot. 

Loos duni, fasil liu atu asesu média sosiál iha telemovél duke hanoin kona-ba sentidu moris nian ne'ebé kle'an liu liuhosi lee Sagrada Eskritura. Fasíl liu atu prekupa ho ita-nia moris mundu nian duke halo arependimentu ba Ita-nia sala sira. Fasil liu atu haluha tiha Maromak Iha ita-nia moris duke tau fiar ba nia ho ita-nia laran tomak. 

Maibé dalan ne'ebé susar liu iha moris ne'e folin-boot liu. Portaun kloot ne'e lori ba moris, no la iha dalan seluk, só de'it liuhosi ita-nia Salvador Jesus Kristu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak hamutuk ho Ita

Laos Hau manda ona o? O tenki forti no brani ba! O keta tauk ka hakfodak, tanba Hau mak Nai, o nia Maromak, nebee hamutuk ho o iha fatin nebee deit mak o baa. Josué 1:9 BK

Iha Biblia laran, iha tempu oioin ne'ebé Maromak haruka ema atu labele ta'uk. Maromak dehan ida ne'e iha tempu ne'ebé ema ne'ebé rona iha razaun hotu atu ta'uk tebes. 

Porezemplu, iha tempu ne'ebá, Josue, lider ba Izrael, depois Moises mate, lori ema Izrael ba rai ne'ebé Maromak promete ona (haree: Exodo 3). Nia lori ema millaun ida resin ba fatin ne'ebé Maromak promete ona, no ida-ne'e katak nia sei hasoru situasaun ne'ebé aat no ta'uk. 

Iha tempu tauk sira ne'e, Maromak haruka Josue atu halo buat rua: 

Halo tuir Maromak Nia Liafuan no sai forte no aten-barani tanba Nai hamutuk ho sira. (Haree Josué 1: 7-9) 

Iha Mateus 28, Jesus hatete buat ne'ebé atu hanesan depois Nia moris hi'as fali. Nia hamutuk ho ninia dixipulu na'in sanulu-resin-ida no nia hatete ba sira: 

 “Hau simu ona kbiit tomak iha lalehan no mundu. Nee duni, imi baa, no halo disípulu ba ema hosi nasaun hotu-hotu. Foo batizmu ba sira hodi Aman, hodi Oan, no hodi Espíritu Santu nia naran. Hanorin sira atu halo tuir buat hotu nebee Hau manda ona ba imi. No tebes, Hau sei hamutuk nafatin ho imi, too mundu nia rohan.” Mateus 28:18-20 BK

Jesus hatete ba ninia dixipulu sira buat importante rua: 

Halo tuir Ninia liafuan ("ba nasaun hotu no halo dixipulu sira"), no, nia sei hamutuk ho sira.

Maromak sempre hanesan. Nia mós Maromak ne'ebé hanesan bainhira Nia fó Ninia liafuan ba Josue no fó garantia Ninia prezensa, no nia mak Maromak ne'ebé hanesan ne'ebé fó Ninia Liafuan mai ita no asegura Ninia prezensa. Maromak ne'ebé fiél hadomi no tau matan ba ita, no nia sei nunka husik ita ka abandona ita. 

Ohin loron, hanoin kona-ba dalan ne'ebé ita bele hanorin ema seluk kona-ba Jesus no Ninia liafuan sira. Oinsá mak Ninia Liafuan no Ninia prezensa halo Ita sai forte no aten-barani? Antes husik hela tempu ne'e, agradese ba Maromak tanba nia promete atu sempre hamutuk ho imi.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Saida mak misaun igreja nian?

Nee duni, imi baa, no halo disípulu ba ema hosi nasaun hotu-hotu. Foo batizmu ba sira hodi Aman, hodi Oan, no hodi Espíritu Santu nia naran. Mateus 28:19 BK

Depois Jesus mate no moris hi'as fali, nia gasta loron 40 iha rai atu serbí ema no prepara ninia dixipulu oinsá sira bele moris bainhira Jesus ba ona. Jesus planu atu husik rai no sa'e ba lalehan, maibé antes nia halo ida ne'e, nia fó ba ninia dixipulu sira misaun ida ne'ebé ita hetan iha Mateus 28: 19-20. Dala barak ita bolu misaun ne'e nu'udar Komisaun Boot. 

Komisaun Boot hahú ho ba fatin ne'ebé ema presiza rona kona-ba Jesus nia liafuan di'ak. Ida-ne'e la dehan katak ita tenke husik ita-nia nasaun, tamba ema iha ita-nia rai-laran no iha serbisu-fatin ne'ebé presiza rona Jesus nia esperansa. 

 Komisaun Boot nia objetivu mak atu halo ema sai Jesus nia dixipulu. Tan ne'e, bainhira ita fahe Jesus nia liafuan di'ak ba ema, ita tenke hatudu ba ema oinsá Jesus muda ona ita-nia moris, no konvida sira atu buka-hatene Jesus rasik hosi Sagrada Eskritura. 

Jesus mós hanorin ita atu fo batizmu ba ema fiar na'in foun sira. Batizmu mak símbolu ida-ne'ebé hatudu katak ema ida tama ba Maromak Nia família. Ne'e mak aktu ba fiar na'in ida hatudu publikamente sira-nia fiar foun ba Jesus. Batizmu mak parte importante ida husi ita-nia moris nu'udar ema kristaun, tan ne'e Jesus asegura inklui batizmu iha ita-nia misaun. 

Karik fasil atu hanoin katak atu halo ema sai dixipulu no fo batizmu mak responsabilidade husi ita-nia pastor da igreja. Maski buat sira-ne'e mak parte husi igreja ida-idak nia misaun, maibé Jesus hakarak ema kristaun hotu involve atu hanorin ema tuir Jesus Ninia hanorin ka halo sira sai dixipulu. 

Tan ne'e, ohin loron foti tempu balu atu hanoin kona-ba ema ne'ebé ajuda Ita koñese lia-loos. Husu ba Maromak atu lori ema ne'ebé Ita bele ajuda halo sai dixipulu. Tuirmai, husu Maromak atu fó aten-barani ba ita atu fahe Jesus nia esperansa ba ema sira ne'ebé hale'u ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More