Haksolok ba sira nebee hetan terus kona ba hahalok loos, tanba reinu lalehan mak sira nian. Mateus 5:10 BK
Dala ruma, ita tenta atu halo buat ne'ebé loos, halo ita-nia moris sai susar. Ema bele hamnasa ita, husik ita, ka insulta ita tanba la'o tuir Jesus. Karik ita lakohi bosok, ko'alia lia-loos bainhira fasil atu bosok, ka hatudu laran-di'ak ba ema balu ne'ebé ema odi. Ida-ne'e bele estraga ita. Karik Ita sente mesamesak ka hanoin katak ita-nia asaun ne'e iha valor duni ka lae.
Jesus hatene katak ida-ne'e sei akontese duni. Iha versikulu ohin nian, Na'i Jesus hatete katak ema ne'ebé hetan tratamentu aat tanba sira koko atu moris tuir Maromak nia hakarak sei hetan ksolok no hetan bénsaun. "Haksolok" signifika ita kontente tebes tamba Maromak tau matan ba ita. Ne'e la dehan katak buat-aat ne'e la real, maibé katak Maromak haree ita-nia terus no hanoin kle'an kona-ba ita.
Tanbasá mak sira hetan bénsaun? Jesus hatete: "tanba reinu lalehan mak sira nian". Ne'e signifika:
1. Maromak Iha ita-nia sorin. Bainhira ita hili buat ne'ebé loos mask tenke hasoru difikuldade, ita hatudu katak ita mak Maromak nian.
2. Maromak hamutuk ho ita agora. Nia hatene ita-nia luta no la'o hamutuk ho ita iha tempu susar sira.
3. Rezultadu ikus mak: LALEHAN. Maromak promete katak sei iha futuru ne'ebé furak ba nafatin hamutuk ho Nia, no iha ne'ebá mak buat-aat hotu sei lakon.
Hanoin to'ok kona-ba Jesus. Nia sempre halo buat ne'ebé loos, no ema odi nia tanba ida-ne'e. Ikus msi sira mós oho nia. Maibé Maromak fó moris-hias ba nia! Maromak haree Ita-nia fidelidade iha susar nia laran.
Tan ne'e, se ita hasoru susar ruma tanba ita koko atu moris tuir Maromak Nia dalan, keta rende!
* Ita la mesak de'it. Jesus komprende.
* Maromak dehan ita sei hetan bénsaun.
* Ita-nia kolen mak hamutuk ho Maromak ba nafatin.
Orasaun: Nai, susar tebes bainhira ema hakanek ami tanba haka'as an atu halo buat ne'ebé loos. Ajuda Ami atu hanoin katak Ita haree ami-nia susar no bolu ami nu'udar ema ne'ebé hetan bénsaun. Fó forsa mai ami atu kontinua la'o tuir Ita. Obrigadu ba Ita-Boot nia promesa kona-ba lalehan. Amen.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏