Haksolok ba sira nebee hetan terus tamba lia-loos

Haksolok ba sira nebee hetan terus kona ba hahalok loos, tanba reinu lalehan mak sira nian. Mateus 5:10 BK

Dala ruma, ita tenta atu halo buat ne'ebé loos, halo ita-nia moris sai susar. Ema bele hamnasa ita, husik ita, ka insulta ita tanba la'o tuir Jesus. Karik ita lakohi bosok, ko'alia lia-loos bainhira fasil atu bosok, ka hatudu laran-di'ak ba ema balu ne'ebé ema odi. Ida-ne'e bele estraga ita. Karik Ita sente mesamesak ka hanoin katak ita-nia asaun ne'e iha valor duni ka lae.

Jesus hatene katak ida-ne'e sei akontese duni. Iha versikulu ohin nian, Na'i Jesus hatete katak ema ne'ebé hetan tratamentu aat tanba sira koko atu moris tuir Maromak nia hakarak sei hetan ksolok no hetan bénsaun. "Haksolok" signifika ita kontente tebes tamba Maromak tau matan ba ita. Ne'e la dehan katak buat-aat ne'e la real, maibé katak Maromak haree ita-nia terus no hanoin kle'an kona-ba ita. 

Tanbasá mak sira hetan bénsaun? Jesus hatete: "tanba reinu lalehan mak sira nian". Ne'e signifika:

 1. Maromak Iha ita-nia sorin. Bainhira ita hili buat ne'ebé loos mask tenke hasoru difikuldade, ita hatudu katak ita mak Maromak nian. 

 2. Maromak hamutuk ho ita agora. Nia hatene ita-nia luta no la'o hamutuk ho ita iha tempu susar sira. 

 3. Rezultadu ikus mak: LALEHAN. Maromak promete katak sei iha futuru ne'ebé furak ba nafatin hamutuk ho Nia, no iha ne'ebá mak buat-aat hotu sei lakon. 

Hanoin to'ok kona-ba Jesus. Nia sempre halo buat ne'ebé loos, no ema odi nia tanba ida-ne'e. Ikus msi sira mós oho nia. Maibé Maromak fó moris-hias ba nia! Maromak haree Ita-nia fidelidade iha susar nia laran. 

Tan ne'e, se ita hasoru susar ruma tanba ita koko atu moris tuir Maromak Nia dalan, keta rende! 

 * Ita la mesak de'it. Jesus komprende. 

 * Maromak dehan ita sei hetan bénsaun. 

 * Ita-nia kolen mak hamutuk ho Maromak ba nafatin. 

Orasaun: Nai, susar tebes bainhira ema hakanek ami tanba haka'as an atu halo buat ne'ebé loos. Ajuda Ami atu hanoin katak Ita haree ami-nia susar no bolu ami nu'udar ema ne'ebé hetan bénsaun. Fó forsa mai ami atu kontinua la'o tuir Ita. Obrigadu ba Ita-Boot nia promesa kona-ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA EMA NE'EBÉ HALO DAME

Haksolok ba sira nebee lori dame, tanba sira sei sai Maromak nia oan. Mateus 5:9 BK

Iha versíkulu ne'e, Jesus hanorin ita katak ema ne'ebé halo dame sei hetan bénsaun. Liafuan "Haksolok" ne'ebé tradus iha lian- Ingles "blessed" maihosi lian-gregu "makarios", ne'ebé signifika la'ós de'it katak ita kontente de'it, maibé kontente tebes tanba Maromak hamutuk ho ita no Maromak simu ita  

Jesus hatete katak "ema ne'ebé lori dame" hetan bénsaun. Liafuan gregu ba "lori dame" ka peace makers iha Ingles mak "eirēnopoioi". Lia-fuan ne'e signifika la'ós ema ne'ebé nonok de'it atu evita problema. Ema ne'ebé Lori dame mak ema ne'ebé lori dame iha fatin ne'ebé iha konflitu - dame entre ema, dame iha família, no mós dame ho Maromak. Ema ne'ebé lori dame haka'as an atu hadi'a relasaun di'ak ho ema seluk ho domin, pasiénsia, no laran-di'ak. 

Jesus hatete katak ema sira ne'ebé lori dame sei hanaran "Maromak nia oan sira". Iha lian-gregu, liafuan "huioi" signifika oan ka oan mane no feto sira. Ida-ne'e hatudu relasaun ne'ebé besik ho Maromak. Kuandu ita lori dame, ita hatudu ba mundu katak ita mak Maromak nian. Ita hatudu hahalok hanesan ita-nia Aman iha lalehan, ne'ebé mak lori dame. Liuhusi Jesus, Maromak halo dame ho ita (Roma 5: 1). 

Oinsa ita Lori dame iha moris loronloron?Ita bele hatudu Ida ne'e liuhosi hahalok sira hanesan: labele habelar gossip ka lia-bosok, la istori-malu, ka hamosu divizaun. Duke halo nune'e, ita tenke fó perdua, ajuda ema seluk fó perdua, no lori ema atu hamutuk. Kuandu ita moris hanesan ne'e, ita moris hanesan Jesus. 

Orasaun: Nai, ajuda ami atu lori dame. Hanorin ami atu fó perdua no hadomi ema seluk hanesan Ita hadomi ami. Halo ami sai naroman ba dame iha ami-nia uma, igreja, no ami-nia komunidade. Hodi Jesus nia naran, Amen. 

Reflesaun: serake iha ema sira ne'ebé hale'u ita ne'ebé presiza dame? Husu Maromak atu ajuda ita lori dame ba sira ohin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE LARAN MOOS

Haksolok ba sira nebee laran moos, tanba sira sei haree Maromak. Mateus 5:8 BK

Iha versíkulu ne'e, Na'i Jesus hatete katak ema ne'ebé laran moos sei hetan bénsaun. Liafuan "HAKSOLOK" ne'ebé tradus iha lian Ingles "blessed" maihosi lian-gregu "makarios", ne'ebé signifika kontente ne'ebé loos, kontente ne'ebé kle'an, no hetan Maromak nia favor. Bénsaun ne'ebe temi iha ne'e la'ós husi osan ka komfortu, maibé husi relasaun di'ak ho Maromak. 

Liafuan "moos ka puru" ne'ebé tradus ba Ingles "pure" maihosi lian-gregu "katharos". Ne'ebé signifika katak moos, livre husi fo'er, no mós livre husi motivu ka hahalok-aat sira. Laran ne'ebé moos mak laran ne'ebé hakarak halo Maromak kontente no la'ós hahalok sira ne'ebé taka falta de'it ka finje. Hahalok ne'ebé moos mak: onestu, sinseru ka hatudu laran-moos, no hadomi buat ne'ebé loos no di'ak. 

Liafuan "laran" iha lian-gregu mak "kardia". Iha Biblia, ita-nia laran la'ós de'it ita-nia emosaun ka sentimentu, maibé hanesan sentru ba ita-nia hanoin, dezezu ka hakarak sira no ita-nia hili ka desizaun. Tan ne'e, "laran ne'ebé moos" katak hanoin ne'ebé moos, hakarak ne'ebé moos, no dalan moris ne'ebé moos. 

Na'i Jesus promete katak ema ne'ebé iha laran moos sei haree Maromak. Liafuan "haree" iha lian-gregu mak "optanomai", ne'ebé signifika haree ho ita-nia matan, maibé mós hatene no esperiénsia rasik. Ema ne'ebé iha laran-moos sei esperiensia ka sente besik ba Maromak agora no loron ida sira sei haree nia oin iha lalehan (lee 1 Korinto 13:12).

Iha Isaias (Yesaya) 1:18 Maromak hatete: "Maski imi-nia sala sira hanesan mean, maibé sira sei sai mutin hanesan jelu-rahun. “Maski imi nia sala sira kór mean, sira sei sai mutin fali hanesan neve, maski sala sira nee hanesan hena mean, sira sei sai hanesan bibi malae nia fulun" Isaias 1:18 BK. Maromak prontu atu halo ita-nia laran sai moos se ita fila fali ba nia, bainhira ita konfesa ita-nia sala (1João 1:9).

Mai ita husu Maromak atu hamoos ita-nia laran. Mai ita hasai tiha lia-bosok, odi no sala sira, no moris ho lia-loos no domin tuir Biblia nia hanorin.

Orasaun: Nai Maromak, hamoos ami-nia laran husi sala. Ajuda ami atu hadomi Ita ho loos no la'o tuir Ita-nia dalan sira ne'ebé hakerek iha Sagrada Eskritura. Ami hakarak haree Ita no esperiensia ka sente Ita-nia prezensa loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KSOLOK BA SIRA NEʼEBÉ HATUDU LARAN-SADIʼA

“Ksolok ba sira neʼebé hatudu laran-sadiʼa, tanba sira sei hetan laran-sadiʼa". Mateus 5:7 TL 

Versíkulu ne'e hanesan parte ida husi sermaun ka diskursu iha Foho Oliveira, ne'ebé Jesus hanorin ita oinsá atu moris iha dalan ne'ebé halo Maromak kontente. Liafuan " laran-sadi'a" mai husi lian-gregu "eleēmōn" ne'ebé signifika hatudu laran-di'ak no kompaixaun ba ema seluk, liuliu kuandu sira presiza ka halo sala ruma. 

Hatudu laran-sadi'a katak ita-nia laran-di'ak. Ne'e signifika ajuda ema ne'ebé laran kanek, fó perdua ba sira ne'ebé hakanek ita-nia laran, no hatudu pasiénsia ba ema seluk. Jesus hakarak ita atu komprende katak laran-sadi'a la'ós de'it kona-ba ba arrepende ita-nia an (feel sorry) ba ema seluk, maibé ne'e kona-ba hatudu domin no laran-di'ak. Kuandu ita hatudu laran-sadi'a, ita moris hanesan Jesus. 

Promesa iha versíkulu ne'e importante: "Sira sei hetan laran-sadi'a." Ne'e signiika katak kuandu ita hatudu laran-sadi'a ba ema seluk, Maromak mós sei hatudu laran-sadi'a ba ita. Moris bele susar, no ita hotu halo sala. Maibé Maromak sempre hatudu laran-sadi'a ba ema ne'ebé hatudu laran-sadi'a ba ema seluk. Ne'e hanesan sirkulu laran-di'ak ne'ebé hahú ho ita. 

Ho liafuan simples, Jesus hanorin ita atu hatudu laran-di'ak no fó perdua tanba Maromak mós sei hatudu laran-di'ak no fó perdua ba ita. Kuandu ita hatudu laran-sadi'a, ita halo mundu sai fatin ne'ebé di'ak liu no hakbesik liután ba Maromak. 

Orasaun: Na'i Jesus, ajuda ami atu hatudu laran-di'ak no laran-sadi'a ba ema hotu ne'ebé ami hasoru. Hanorin ami atu fó perdua no hadomi hanesan Ita. Obrigadu ba Ita-nia laran-sadi'a ba ami. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAMLAHA & HAMROOK BA LIA-LOOS

“Ksolok ba sira neʼebé hamlaha no hamrook ba buat neʼebé loos, tanba sira sei sai bosu" Mateus 5:6 TMF

Iha versíkulu ne'e, Jesus ko'alia kona-ba ema ne'ebé hakarak tebes atu moris iha dalan ne'ebé loos. Liafuan "lia-loos" (righteousness iha Ingles) iha lian-gregu mak dikaiosynē, ne'ebé signifika moris loos ho Maromak no halo buat ne'ebé halo Maromak kontente. Ne'e la'ós de'it kona-ba hatudu hahalok-di'ak iha ema seluk nia oin, maibé kona-ba hadomi Maromak no hakarak halo tuir Nia ukunfuan sira ho ita-nia laran tomak. 

Liafuan "hamlaha" no "hamrook" hatudu dezezu ne'ebé kle'an. Hanesan ita-nia isin presiza ai-han no bee loroloron atu moris, ita-nia moris presiza lia-loos atu hakbesik ba Maromak no lia-loos ne'e mak Maromak Ninia lia-fuan (João 17:17). Jesus hatete: "Ksolok ba povu ne'ebé hakarak tebes moris iha dalan ne'ebé fó onra ba Maromak" Sira la perfeitu, maibé sira hakarak tebes atu la'o tuir Maromak Ninia dalan loos sira. 

No Maromak Ninia promesa mak: "Sira sei sai bosu ka satisfaz" Liafuan gregu iha ne'e mak chortazō, ne'ebé signifika katak ita bele sai kompletamente satisfaz ka nakonu. Maromak promete katak Nia sei hakonu ita ho buat ne'ebé ita presiza kuandu ita buka nia ho laran tomak (Jeremias 29:13). 

Jesus mós hatete: "Maibee buka uluk Maromak nia reinu, no Ninia moris loos; no Nia sei foo tan buat hotu nee ba imi" Mateus 6:33 BK (Biblia Kadi).

Versikulu ne'e fó korajen mai ita atu buka Maromak Nia dalan sira liu fali buat hotu. La'ós osan, la'ós naran-boot, maibé atu halo buat ne'ebé loos tuir Maromak Ninia hanorin. Kuandu ita halo nune'e, Maromak sei haraik bénsaun ba ita no halo ita-nia laran kontente. 

Mai ita halo orasaun loroloron, hodi dehan: "Nai, fó mai ha'u laran ne'ebé hamlaha no hamrook ba Ita."

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE LARAN MAUS

Haksolok ba sira nebee laran maus, tanba sira sei simu rai nudar liman rohan. Mateus 5:5 BK

Iha versíkulu ne'e, Jesus hatete katak ema laran-maus sira sei hetan bénsaun. Maibé "laran maus" katak sá? Ema barak hanoin katak ida-ne'e signifika fraku ka moedor. Maibé iha lian-gregu orijinál, liafuan "praus", signifika laran-maus, haraik-an, no kontrola an (gentle, humble, and self-controlled). Palavra ida ne'e uza hodi deskrebe kuda ne'ebé treinadu ona - poderozu ka forsa makaas, maibé kontroladu. Tan ne'e, laran-maus la'ós fraku. Ne'e mak forsa ho laran-mamar (gentleness). 

Jesus hanorin ita katak ema ne'ebé laran-maus no haraik-an sei hetan bénsaun. Sira la luta atu sai dahuluk. Sira la hakanek ema seluk atu alkansa buat ruma. Maibé sira tau fiar ba Maromak no hatudu laran-di'ak ba ema seluk maski moris susar. Sira la presiza hakilar ka dudu ema seluk ba susar. Maromak haree sira-nia laran, no Nia promete katak sira sei simu rai nu'udar eransa ka liman-rohan. Ida ne'e signifika katak sira sei simu bénsaun husi Maromak agora no iha futuru. 

Jesus mós laran-maus. Nia iha kbiit hotu, maibé nia hili atu hadomi, fó perdua no serbí. Kuandu ita halo tuir Jesus Nia ezemplu, ita hatudu dalan ne'ebé diferente ba mundu, ne'e mak dalan Maromak nian 

Mai ita halo orasaun hodi husu laran-maus - atu sai ema ne'ebé hatudu laran-maus, pasiénsia, no domin ne'ebé metin. Ne'e mak moris ne'ebé halo Maromak kontente. 

Orasaun: Nai Jesus, hanorin ami atu hatudu laran-maus hanesan Ita. Ajuda ami atu hatudu laran-di'ak no haraik-an iha situasaun hotu-hotu. Ami fiar katak Ita sei haraik bénsaun mai ami bainhira ami la'o tuir Ita-nia dalan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE LARAN TRISTI

Haksolok ba sira nebee laran tristi, tanba sira sei hetan kamaan. Mateus 5:4 BK

Versíkulu ne'e ko'alia mai ita katak ema ne'ebé sente triste kle'an sei hetan komfortu ka hetan kman. Maibé Jesus la'ós de'it ko'alia kona-ba ema ne'ebé triste tanba mate ka moras. Nia mós ko'alia kona-ba ema ne'ebé triste tanba pekadu, ne'e mak buat ne'ebé ita halo hasoru Maromak Nia ukunfuan (1João 3:4). 

Liafuan "Triste" ne'ebé Iha ingles tradus hanesan “mourn” maihosi lia-fuan Gregu πενθέω (pentheō). Lia-fuan gregu ne'e iha Biblia signifika ita sente triste tebes kona-ba buat ruma. Iha kontekstu ne'e, ita sente triste tamba ita-nia pekadu. Pekadu signifika hahalok kontra Maromak Ninia ukun-fuan (1João 3:4). Kuandu ita bosok, odi, na'ok, ka hakanek ema seluk, ita halo sala/pekadu. Kuandu ita realiza ida-ne'e, ida-ne'e halo ita triste. Ida-ne'e halo ita hakarak muda hahalok aat ne'e. Triste hanesan ne'e mak di'ak tanba ida-ne'e halo ita hakbesik liután ba Maromak. 

Jesus hatete katak kuandu ita triste hanesan ne'e, ita hetan ksolok no bénsaun. Tanbasá? Tanba Maromak hadomi ema ne'ebé haraik-an. Kuandu ita admite katak ita pekador ka ita rekoñese ita-nia sala no husu perdua, Maromak sei la husik ita. Nia sei fó kmaan ka komfortu mai ita. Nia sei hamoos ita-nia laran no ajuda ita moris di'ak liután. 

Entaun ohin, keta subar ó-nia sala sira. Lalika finje katak ita ema ne'ebé perfeitu. Hatudu laran triste tanba ita-nia sala sira. Nia prontu atu fó perdua ba ita no fó dame ba imi (1João 1:9).

Orasaun: Aman Maromak, ami husu deskulpa tamba ami-nia pekadu sira. Favor perdua ami. Obrigadu ba domin no komfortu. Ajuda ami atu moris iha dalan ne'ebé halo Maromak kontente. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAKSOLOK BA SIRA NEBEE KIAK IHA ESPÍRITU

Haksolok ba sira nebee kiak iha espíritu, tanba reinu lalehan mak sira nian. Mateus 5:3 BK 

Iha versíkulu ne'e, Jesus hatete: "Haksolok ba sira ne'ebé kiak iha espíritu." Liafuan "haksolok" ne'ebé tradus iha Biblia Kadi (BK) hanesan haksolok ka Iha lian Ingles "blessed " mai husi lia-gregu makarios, ne'ebé signifika liu fali "haksolok". Ida-ne'e signifika ksolok ne'ebé kle'an, dame, no hetan favor husi Maromak - ksolok ne'ebé la depende ba osan ka sasan ne'ebé ita iha. Ne'e mak ksolok ne'ebé mai husi koñesimentu katak Maromak hamutuk ho ita no ita partensi ba Maromak. 

Maibé se mak "kiak iha espíritu"? Kiak iha Espiritu l ne'e, la signifika ema ne'ebé laiha osan. Ne'e signiika ema ne'ebé hatene katak sira presiza Maromak. Sira komprende katak sira labele salva sira-nia an. Sira la orgullu ka foti an. Maibé, sira mai hasoru Maromak ho haraik-an, hanesan labarik ida ne'ebé tau fiar ba sira-nia aman. 

Jesus hatete katak ema sira hanesan ne'e hetan bénsaun boot tebes. Tanbasá? Tanba kuandu ita rekoñese katak ita presiza Maromak, Nia fó buat ida-ne'ebé boot liu fali saida de'it iha mundu ne'e, ne'e mak reiñu LALEHAN. Ida-ne'e signifika ita sai parte ba Maromak nia família agora no ba nafatin bainhira Na'i Jesus fila fali mai hanesan Nia promete ona iha João 14:1-3. 

Tan ne'e, hetan ksolok ka bénsaun la'ós tamba ita iha rikusoin barak, maibé kona-ba laran ne'ebé loos no moos. Fuan-laran ne'ebé presiza Maromak sei simu prezente ne'ebé boot liu hotu - prezente ne'e mak moris hamutuk ho nia iha reiñu LALEHAN. 

Orasaun: Nai, ajuda ami atu sai ema kiak iha Espiritu. Hanorin ami atu depende ba Ita, la'ós ba ami-nia an rasik. Obrigadu tanba Ita simu ema sira ne'ebé iha laran haraik-an iha Ita-Boot nia reiñu LALEHAN. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Haraik-an iha Maromak nia liman okos

Nee duni, haraik aan iha Maromak nia liman forti nia okos, atu Nia bele foti aas imi iha tempu loos. 1 Pedro 5:6 BK

Versikulu ne'e fó-hanoin ita atu haraik-an iha Maromak nia oin. Haraik-an signiika ita la hanoin ita-nia an di'ak liu fali ema seluk. Ne'e signifika tau fiar ba Maromak maski ita hasoru susar iha moris. Dala ruma, ita hakarak hadi'a buat hotu mesak de'it. Maibé Maromak hakarak ita mai hasoru Nia no hein Ninia ajuda. 

Maromak haree ita-nia laran. Nia hatene bainhira ita hasoru susar. Nia hatene bainhira mak ita kole, triste, ka hanoin barak. Maibé Biblia hatete katak se ita haraik-an nafatin no tau fiar ba Maromak, Nia sei tane ita iha tempu ne'ebé loos. Ne'e signiika Maromak sei ajuda ita kuandu tempu loos. Ita la sempre komprende Maromak Nia tempu, maibé Ninia tempu mak perfeitu. 

Ita seguru iha Maromak nia liman forte nia okos, Hanesan liman ne'ebé forte proteje labarik ki'ik ida, nune'e mós Maromak Nia liman forte proteje ita. Maromak ne'e poderozu no laran-di'ak. Nune'e ita bele tau fiar ba Maromak atu tau matan ba ita. 

Ohin loron, mai ita hanoin atu haraik-an. Mai ita haka'as an atu labele foti-an. Maibé, mai ita tau fiar ba Maromak atu dirije ita no haraik bénsaun ba ita. Maromak promete sei tane aas ita. Ne'e mak esperansa boot ne'ebé ita bele kaer metin loroloron. 

Orasaun: Nai Maromak, ajuda ami atu haraik-an. Hanorin ami atu tau fiar ba Ita iha ami-nia moris tomak. Ami hatene katak Ita hadomi ami no sei ajuda Ami iha tempu ne'ebé loos. Hodi Jesus nia naran, Ami harohan, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hanoin-hetan buat ne'ebé Maromak halo ona

Hau sei hanoin hetan buat nebee Nai halo ona, tebes hau sei hanoin hetan O nia milagre sira hosi tempu antigu. Hau sei medita kona ba O nia servisu hotu, no konta kona ba buat furak nebee O halo ona. Salmu 77:11-12 BK

Dala ruma ita esperiensia tempu susar iha ita-nia moris. Iha tempu susar sira ne'e ita husu "Maromak iha ne'ebé? Tanbasá mak ida-ne'e akontese?" Iha Salmo 77, hakerek-nain ba Salmo ne'e mós sente hanesan ne'e. Nia halerik ba Maromak no sente hanesan Maromak la hatán ba ninia orasaun sira. Maibé depois ne'e, nia hili buat ne'ebé loos. Nia hili atu hanoin fali buat ne'ebé Maromak halo ona iha tempu uluk ba ninia moris. 

Nia hatete: "Hau sei hanoin hetan O nia milagre sira hosi tempu antigu" Nia hanoin-hetan oinsá Maromak ajuda Ninia povu, oinsá Maromak halo milagre sira, no oinsá Maromak sempre fiél ba nia. 

Kuandu ita hanoin-hetan Maromak nia hahalok sira iha tempu uluk, ita-nia laran sai forte fali. Ita hanoin-hetan katak Maromak ajuda ona ita iha pasadu, no nia bele halo fila fali buat sira ne'e. Maromak nunka muda, Jesus nunka muda (lee Ebreu 13:8, Tiago 1:17). Nia nafatin laran-di'ak, poderozu, no nakonu ho domin. 

Ohin loron, gasta tempu balu hodi hanoin to'ok kona-ba buat ne'ebé Maromak halo ona ba ita-nia moris. Karik nia uluk kura ita, fó ai-han ba ita kuandu ita hamlaha, ka fó dame ba ita kuandu ita hanoin barak. Fo obrigadu ba Maromak tamba buat sira-ne'e. 

Kuandu ita ko'alia kona-ba Maromak nia laran-di'ak, ita-nia fiar sei krese liután. Tan ne'e, maski ita-nia moris susar, kontinua hanoin no ko'alia kona-ba Ninia hahalok di'ak sira. 

Orasaun: Aman Maromak, obrigadu ba buat di'ak hotu ne'ebé Ita halo ona iha ami-nia moris. Ajuda ami atu hanoin-hetan Ita-nia laran-di'ak bainhira ami triste ka ta'uk. Ami hatene katak Ita sempre hamutuk ho ami. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

FÓ SASIN BA EVANJELLU

Maibee hau la foo folin ba hau nia moris se hau bele kontinua too rohan no halo kompletu ministériu nebee hau simu hosi Nai Jesus, atu foo sasin ba evanjelhu kona ba Maromak nia grasa. Apostolu 20:24 BK 

Versíkulu ne'e hatudu ba ita kona-ba apóstolu Paulo nia laran, ema ne'ebé tuir Jesus ho buat hotu ne'ebé nia iha. Apóstolu Paulo hatete katak ninia moris rasik la importante. Buat ne'ebé importante liu mak halo serbisu ne'ebé Na'i Jesus fó mai nia, ne'e mak atu fó sai liafuan di'ak kona-ba Maromak nia domin no grasa ba ema. 

Apóstolu Paulo prontu atu hetan terus no mate, naran katak nia bele halo hotu ninia serbisu ba Na'i Jesus. Nia hatene katak moris iha mundu ne'e badak, maibé Maromak Nia rekompensa mak eterna. Paulo nia hakarak mak la'ós atu sai riku ka famozu, maibé atu halo kontente Na'i Jesus no ajuda ema seluk atu hatene Nia. 

Ita bele aprende husi apóstolu Paulo nia ezemplu. Maromak mós iha ojetivu ba ita-nia moris mós. Karik Ninia ojetivu mak atu ita hatudu laran-di'ak ba ema seluk, serbí iha ita-nia igreja, ka fahe evanjellu iha ita-nia komunidade. Karik Ita-nia serbisu sira ne'e haree hanesan la vale ka ki'ik, maibé buat hotu ne'ebé ita halo ba Maromak ne'e importante ba Maromak. 

Mai ita la ta'uk atu moris ba Jesus. Maski susar, ninia grasa fó forsa mai ita. Hanesan apóstolu Paulo, ita bele hatete: "Hau sei remata ha'u-nia halai taru. Ha'u sei la rende" 

Orasaun: Na'i Jesus, ajuda ami atu moris ba Ita-boot, la'ós ba ami-nia an rasik. Fó korajen mai ami atu halo serbisu ne'ebé Ita fó mai atu halo. Husik ami-nia moris hatudu Ita-nia domin ba ema seluk. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

OBRIGADU BA MAROMAK BA VITÓRIA

 Maibee agradese ba Maromak, nebee foo vitória ba ita liu hosi ita nia Nai Jesus Kristu. 1 Korinto 15:57 BK

Moris bele sai susar tebes. Dala ruma ita sente fraku, triste, ka ta'uk. Karik ita hasoru problema kona-ba osan, família, moras, ka sala. Maibé Biblia fó liafuan di'ak mai ita: Maromak fó ona vitoria ba ita! 

Ne'e signiika sáida? 

Ne'e signiika katak ita la luta mesak de'it. Jesus manán ona funu boot liu hotu, funu ne'e mak funu hasoru pekadu no mate. Nia mate iha krús no moris fali. Tanba Kristu moris fali, ita la presiza ta'uk mate ka infernu. Se ita fiar ba Jesus, ita iha esperansa no moris ba nafatin hamutuk ho Maromak. 

Versíkulu ne'e fó-hanoin ita atu agradese. Maski moris ne'e la fasil, maibé ita bele dehan: "Hau agradese ba Ita, Maromak!" tanba nia hamutuk ho ita no ajuda ita. Vitória ne'e la'ós tanba ita ne'e ema forte ka di'ak. Vitoria ne'e mai husi Jesus. Nia mak ita-nia Salvador no ita-nia ajuda-nain. 

Kuandu ita sente kole ka ta'uk, hanoin versikulu ne'e. Ita la mesak de'it. Jesus hamutuk ho ita. Nia manán ona funu. Ita iha parte manán nian. 

Entaun ohin, fó obrigadu ba Maromak. Tau fiar ba Jesus. La'o hamutuk ho nia loroloron. No kuandu ita hasoru susar ruma, ko'alia lia-loos ne'e no dehan: "Agradese ba, Maromak, tanba fó ba ha'u vitoria liuhusi Jesus!" 

Orasaun: Aman Maromak, obrigadu fo ona vitoria mau ha'u liuhosi Jesus. Ajuda ha'u tau fiar ba Ita maski hasoru susar iha moris. Obrigadu ba Ita-nia domin no kbiit. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JESUS HALO ORASAUN MAKAAS HO MATAN BEEN

Bainhira Jesus sei iha nee iha isin lolon, Nia oferese orasaun no pedidu sira, ho lian makaas no matan been, ba Ida nebee bele salva Nia hosi mate. No Maromak rona Nia tanba Nia hamtauk Maromak. Ebreu 5:7 BK

Bainhira Na'i Jesus moris iha mundu, nia hatene sente oinsá triste, ta'uk, no sente laran kanek. Iha Ebreu 5:7, ita haree katak Jesus halerik hodi halo orasaun ba Maromak. Nia la subar ninia sentimentu. Nia ko'alia ho Ninia Aman iha lalehan ho onestu no fiar. 

Na'i Jesus husu Maromak atu ajuda Nia. Nia hatene katak Ninia mate iha krús sei mai. Ida ne'e susar tebes ba Nia. Maibé, nia halo orasaun. Nia tau fiar ba Maromak no halo tuir nia maski susar. 

Versikulu ne'e hanorin ita buat importante ida: ita bele mai ba Maromak ho ita-nia problema sira. Hanesan Jesus, ita bele tanis, halo orasaun, no husu ajuda. Maromak la dook hosi ita. Nia rona ita-nia orasaun, liuliu kuandu ita tau fiar ba nia no halo tuir nia. 

Karik agora dadauk ita la'o hela iha tempu susar. Karik Ita sente ta'uk, kole, ka mesak. Maromak komprende. Jesus mós sente hanesan ne'e kuandu nia sei moris iha mundu ne'e. Nia hatene Ita-nia laran kanek sira. Entaun keta ta'uk atu halo orasaun. Ita bele ko'alia ho Maromak iha tempu ne'ebé de'it, ho ita-nia liafuan rasik. 

Maromak rona ninia oan sira-nia halerik. Nia haree ita-nia matan-been. Nia hadomi Ita no hakarak ajuda Ita. Tau fiar ba Maromak hanesan saida mak Na'i Jesus halo, no kontinua la'o hamutuk ho Nia maski moris iha susar laran. 

Orasaun: Aman Maromak, obrigadu ba rona ami-nia orasaun bainhira Ami halerik. Ajuda Ami atu tau fiar ba Maromak no halo tuir Ita, hanesan Jesus mós halo. Ami hatene katak Maromak hadomi ami. Favór ida, fó forsa mai ami ohin. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fo komfortu ita atu ita mós bele ajuda ema seluk

Bensaun ba ita nia Nai Jesus Kristu nia Maromak no Aman. Nia mak Aman nebee hatudu laran luak no Maromak nebee foo kamaan hotu. Nia foo kamaan ba ita iha ita nia terus hotu, atu nunee ita bele foo kamaan ba ema seluk nebee iha terus saida deit, liu hosi kamaan nebee ita simu hosi Maromak. 2 Korinto 1:3-4 BK

Karik ita pernah sente triste, ta'uk, ka sente moras? Karik ita lakon ema ruma ne'ebé ita hadomi ka ita hasoru susar ruma?. Iha momentu sira-ne'e, ita bele sente mesamesak. Maibé versíkulu husi Biblia ohin loron fó-hanoin ita kona-ba buat ne'ebé importante tebes, katak Maromak sempre hamutuk ho ita, no Nia fó komfortu mai ita. 

Maromak mak hanesan aman di'ak ida ne'ebé tau matan ba Ninia oan sira. Kuandu ita laran tristi, no hetan terus, nia haree ita-nia matan-been. Nia rona ita-nia orasaun. Nia fó dame mai ita iha ita-nia laran, maski buat sira ne'ebé hale'u ita la fo dame. Ida ne'e mak Bíblia bolu "komfortu". Ne'e la dehan katak problema ne'e sei lakon lalais, maibé ne'e signifika katak ita bele sente Maromak Nia domin no forsa bainhira hasoru hela problema ida. 

Maibé la'ós ne'e de'it. Maromak la fó komfortu mai ita ba ita-nia an rasik de'it. Nia mós hakarak ita atu fahe Ninia komfortu ne'e ho ema seluk. Karik Ita hatene ema ne'ebé triste ka iha problema hela. Ita bele ajuda sira atu sente di'ak liu. Ita bele halo orasaun ba sira, ko'alia ho sira, ka iha ne'ebá de'it hamaluk sira. Tanba Maromak ajuda Ita, agora Ita mós bele ajuda ema seluk. 

Entaun kuandu ita esperiensia ka la'o liu tempu susar ruma, hanoin-ba katak Maromak hamutuk ho ita. Nia sei fó komfortu ba ita. No depois ne'e, nia sei uza ita atu fó kmaan ba ema seluk mós. 

Orasaun: Aman Maromak, obrigadu ba fó kmaan mai ami kuandu ami triste ka laran kanek. Ajuda ami atu fó kmaan ba ema seluk mós. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JOVEN KUALIDADE

Keta husik ema ida hatuun o tanba deit o sei joven. Maibee sai ezemplu ba fiar nain sira iha liafuan, iha hahalok, iha domin, iha fiar no iha laran moos. 1 Timóteo 4:12 BK

Versikulu ida ne'e mak mensajen espesiál husi Biblia ne'ebé fó korajen ba joven sira. Dala ruma, ema hanoin katak ita la importante ka la bele halo buat di'ak tanba ita sei joven. Maibé Maromak hatete: "Keta husik ema ida hatuun o tanba deit o sei joven" Ida-ne'e signifika katak hanesan joven, ita tenke sente orgullu no fiar-an ho saida mak ita halo. 

Apóstolu Paulo, ne'ebé hakerek karta ne'e, hatete ba Timoteo katak nia bele hatudu ezemplu di'ak ba ema seluk. Ita bele sai ezemplu di'ak liu husi: 

- Buat ne'ebé Ita hatete: Koalia ho laran-di'ak no laran-moos. Hatete buat ne'ebé bele ajuda no fó korajen ba ema seluk. 

- Oinsa mak ita moris: Hatudu hahalok-di'ak. Onestu, hatudu respeitu, no hatudu laran-di'ak loroloron. 

- Ita-nia domin: Hadomi ema seluk ho fuan boot. Ajuda ema no tau matan ba sira. 

- Ita-nia fiar: Tau fiar ba Maromak maski susar. 

- Ita-nia hanoin no hahalok moos: Halo ita-nia hanoin sai moos no di'ak. 

Maski Ita sei joven, Maromak hakarak Ita sai naroman ba ema seluk. Ita bele inspira ema seluk liuhosi oinsa moris ne'ebé hatudu Maromak Ninia domin. Hanoin-ba katak sai joven la'ós problema ida - maibé ida-ne'e mak oportunidade atu hatudu ba ema seluk katak Maromak nia serbisu mak furak tebes iha ita-nia moris. 

Orasaun: Oh Maromak, obrigadu tanba Ita hadomi ami maski ami sei joven. Ajuda ami atu sai ezemplu di'ak iha buat ne'ebé ami ko'alia no halo. Fó domin, fé, no hahalok moos mai ami, atu nune'e loroloron ami bele sai naroman ba ema seluk ba ITA-NIA gloria. Amen. 

Forsa nafatin Joven sira no hanoin-ba katak Maromak uza ema hotu, maski joven, atu halo buat boot sira! SI Joven kualidade.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK HALO SERBISU BA ITA-NIA DI'AK

Ita hatene katak buat hotu halao hamutuk hodi halo diak ba sira nebee hadomi Maromak, ba sira nebee Maromak bolu tuir Ninia planu. Roma 8:28 BK

Moris ne'e la sempre fasil. Dala ruma ita sente moras, lakon, ka desapontadu ka laran-tun. Dala ruma susar atu komprende tanbasá mak buat sira-ne'e akontese. Maibé Roma 8:28 fó esperansa mai ita. Bíblia hatete katak Maromak bele uza buat hotu, maski buat susar no problema sira, atu ita bele hetan buat di'ak ruma. 

Versíkulu ne'e la dehan katak buat hotu ne'ebé akontese ne'e di'ak. Buat-aat sei akontese nafatin. Maibé ida-ne'e signifika katak Maromak sempre halo serbisu iha fatin ne'ebé ita la haree. Nia bele foti buat ne'ebé aat no lori buat ne'ebé di'ak husi buat aat sira ne'e. 

Porezemplu, hanoin to'ok kona-ba dosi ida. Dosi ninia ingredient mak trigu, manu-tolun, mina, ingredient sira ne'e se ida-idak, nia sabor la di'ak. Maibé kuandu ingredient sira ne'e kahur ka mistura hamutuk depois tunu, sai dosi, nia sabor sai di'ak. Nune'e mós, Maromak uza parte ida-idak hosi ita-nia moris, tau hamutuk hodi sai-ba buat di'ak ida. 

Promesa ne'e ba "ema sira ne'ebé hadomi Maromak". Se ita la'o tuir Jesus no tau fiar ba Nia, Maromak sempre serbisu atu halo buat di'ak ba ita. Maski ita la haree, nia iha planu ida ba ita. 

Tan ne'e, se ita hasoru susar iha moris, lembra katak Maromak mak kontrola buat hotu. Tau fiar ba Nia. Nia serbisu hela iha ita-nia moris too agora, atu lori buat furak ruma ba ita-nia moris. 

Orasaun: Aman Maromak, obrigadu ba Ita-Boot tanba Ita sempre serbisu ba ami-nia di'ak. Ajuda ami tau fiar ba Ita maski hasoru moris susar. Ami hatene katak Maromak iha planu di'ak ba ami-nia moris. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAMTAUK EMA VS HAMTAUK MAROMAK

Hahalok nebee hamtauk ba ema sei sai lasu, maibee ema nebee tau ninia fiar iha Nai sei sai seguru. Provérbiu 29:25 BK

Versikulu ida ne'e hanorin ita lia-loos ida-ne'ebé forte: kuandu ita hanoin demais kona-ba saida mak ema-nia hanoin kona-ba ita, ita bele monu tama ba lasu. "Snare" ne'ebé tradus iha tetun hanesan lasu, mak rede ne'ebé uza atu kaer animál sira. Iha maneira ka dalan hanesan mós, ta'uk ba ema bele halo ita tama lasu ema nian.  

Dala ruma ita ta'uk atu ko'alia lia-loos Maromak nian tanba ita lakoi ofende ka halo ema seluk hirus. Dala ruma ita halo buat ne'ebé la loos atu ema bele simu ka gosta ita. Ne'e mak ta'uk ba ema. Maibé Maromak haruka ita atu la bele ta'uk ema. 

Duke ta'uk ema, ita tenke ta'uk no tau fiar ba Maromak. Kuandu ita tau fiar ba Maromak, nia promete katak nia sei proteje ita. Nia tau matan ba ita no ajuda ita atu halo buat ne'ebé loos maski susar. 

Jesus nunka husik ta'uk ba ema atu hapara Nia serbisu. Nia tau fiar ba Maromak no la'o tuir Nia, maski ema seluk hirus ba Nia. Ita bele halo tuir Ninia ezemplu. 

Kuandu ita ta'uk kona-ba buat ne'ebé ema seluk hatete ka halo kona-ba ita, foti momentu balu hodi halo orasaun. Husu Maromak atu fó aten-barani ba ita. Fiar katak nia hamutuk ho ita no sei proteje ita. 

Mai ita hanoin: koko atu halo ema kontente bele lori ita ba problema. Maibé kuandu ita tau fiar ba Maromak, ita sei la'o ho dame no seguru.

Orasaun: Nai, ajuda ha'u atu la hamta'uk ba ema. Hanorin ha'u atu tau fiar ba Ita no sempre la'o tuir Ita. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HOSI PODÉR NAKUKUN BA REIÑU LALEHAN

Nia hasai tiha ita hosi nakukun nia podér no lori ita ba Ninia Oan Doben nia reinu. Kolose 1:13 BK

Versíkulu ne'e fó-hanoin ita kona-ba Maromak nia domin no kbiit ne'ebé boot. Versikulu ida-ne'e hatudu katak Maromak salva ona ita husi podér nakukun nian. Ne'e signiika sáida? Ne'e katak antes ita hatene kona-ba Jesus, ita moris iha pekadu nia laran, ta'uk, no la iha esperansa. Ita la'o tuir ita-nia dalan rasik no dook husi Maromak. 

Maibé Maromak la husik ita iha nakukun laran. Liuhusi Jesus, Maromak lori ita sai husi fatin nakukun ne'e. Nia salva ita hanesan ema ida ne'ebé hetan salva husi rai-kuak ne'ebé kle'an. Agora, ita partensi ba Jesus nia reiñu, Oan-Mane ne'ebé Maromak hadomi. Ne'e mak reiñu naroman, dame no esperansa nian. 

Jesus fó ninia moris atu ita bele sai livre. Tanba Jesus, ita la domina hosi toman aat, ta'uk, ka sala sira. Ita hetan perdua. Ita hetan domin. Agora ita sai parte husi Maromak Nia família. 

Dala ruma ita sente fraku ka halo sala. Maibé versíkulu ne'e fó-hanoin ita katak Maromak muda ona ita atu ba fatin ne'ebé di'ak liu. Ita la partensi ba nakukun. 

Entaun ohin, hanoin-ba katak ita hetan ona salvasaun. Ita la lakon tan. Ita mak Maromak nia oan, moris tuir Jesus nia naroman. La'o iha naroman ne'e. Hili buat ne'ebé di'ak no loos tuir Biblia nia hanorin. Tau fiar ba Maromak loroloron. Nia sei ajuda ita atu nafatin iha forsa no esperansa. 

Mai ita agradese ba Maromak tanba nia domin no salvasaun ba ita!

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KSOLOK MAI IHA DADEER

Tanba Nia hirus iha momentu ida deit, maibee Nia hatudu laran luak ba moris tomak; durante kalan iha tanis, maibee haksolok mai iha dadeer-saan. Salmu 30:5 BK

Dala ruma moris sente susar tebes. Karik ita tanis iha kalan tanba problema, moras, ka triste. Karik ita sente mesamesak, ta'uk, ka kole. Maibé versíkulu ne'e fó-hanoin ba ita kona-ba buat ne'ebé importante tebes: ita-nia terus sei la dura ba nafatin. 

Bíblia hatete katak ita bele tanis agora, maibé ksolok sei mai. Hanesan loro-matan mosu depoisde kalan nakukun, Maromak nia domin mós sei lori esperansa foun ba ita depoisde hasoru difikuldade moris nian. Maromak la haluha ita. Nia haree ita-nia matan-been no rona ita-nia orasaun. Maski ita la komprende, maibé Maromak haka'as an atu ajuda ba ita-nia di'ak. 

Hanoin to'ok kona-ba dadeer. Dadeer ne'e fresku no naroman. Ne'e mak inísiu foun ida. Ne'e mak buat ne'ebé Maromak promete mai ita. Se ita tau fiar ba Nia, Maromak sei ajuda ita. Triste sei hela ba tempu balu de'it, maibé ksolok sei mai. Maromak bele halo ita-nia terus sai dame no ita-nia triste sai kanta. 

Se ita la'o daudaun iha tempu susar ruma, kontinua tau fiar ba Maromak. Keta rende!. Halo orasaun no husu Maromak atu ajuda Ita. Hanoin-ba katak tempu nakukun ne'e la'ós rohan. Dadeer foun mai daudaun. Maromak hadomi ita no Nia hamutuk ho ita.

Orasaun: Aman Maromak, obrigadu ba Ita-Boot tanba maski ha'u triste, Ita hamutuk ho ha'u. Ajuda ha'u atu hanoin katak ksolok sei mai. Fó forsa mai ha'u atu kontinua la'o, maski susar. Ha'u fiar katak Ita sei lori naroman mai depoisde nakukun moris nian. Hodi Jesus nia naran, Ami harohan, Amen. 

Reflesaun: Saida mak halo Ita triste ohin loron? Ita bele fiar katak Maromak sei lori fali ksolok mai!

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAMRIIK METIN BA BUAT NE'EBÉ LOOS

Ita bele sobu rahun hanorin hotu no hanoin aas nebee ema harii hasoru Maromak nia matenek. Nunee ita bele kaer hanoin hotu atu halo tuir Kristu. 2 Korinto 10:5 BK 

Lee Eskritura importante tebes atu ita bele iha relasaun ne'ebé metin ho Maromak. Maromak nia Liafuan mak ita-nia kilat. Maromak Ninia lia-fuan mak moris, ativu no kro'at liu fali surik ne'ebé iha isin rua (Ebreu 4:12). No kuandu ita subar eskritura iha ita-nia laran, ida-ne'e ajuda ita atu luta hasoru forsa aat sira. Ita iha inimigu ida (satanas), no buat ikus ne'ebé nia hakarak ita atu halo mak tau fiar ba Maromak no Ninia Liafuan. 

Ita-nia inimigu espirituál ne'e hakarak ita dúvida kona-ba Maromak. Maibé kuandu ita hatene se mak ita, ita bele halakon lia-bosok hotu ne'ebé halo ita sente laran-tun no destroi ita-nia fiar. Hanesan Jesus, ita mós bele uza Eskritura atu fó-hanoin ita-nia an kona-ba lia-loos no luta hasoru Satanas nia planu aat sira. 

Hanoin to'ok kona-ba lia-bosok balu ne'ebé Ita konsege fiar ona. Karik ida-ne'e mak: "Hau la halo buat ida ka ha'u falla, ha'u nunka halo buat ida-ne'ebé loos," ka "Maromak la prekupa ho ha'u, tan ne'e mak buat-aat sira-ne'e akontese mai ha'u." Se ita husik lia bosok hosi satanas sai parte ida husi ita, fasil liu ba ita fiar ba ninia lia-bosok sira. 

Maibé bainhira ita rekoñese lia-bosok ne'ebé ita rai ona iha ita-nia laran, ita sei manán. Maromak fó Ninia Liafuan mai ita atu ita bele hatene lia-loos, no ninia lia-loos mak halo ita livre (João 8:36).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK SEI HAMARAN SIRA-NIA MATAN BEEN

Maromak sei hamaran matan been hotu hosi sira nia matan. La iha tan mate, no la iha tan laran susar, tanis ka moras. Tanba buat sira nebee uluk nian liu tiha ona. Apokalipse 21:4 BK

Versíkulu ne'e fó esperansa boot mai ita. Moris iha mundu ida ne'e la fasil no dala barak ita hasoru susar oinoin. Ita hasoru moras, triste, no mate. Dala ruma ita tanis tanba ita lakon ema ne'ebé ita hadomi. Dala ruma ita tanis tanba moris todan liu. Maibé Maromak promete ba ita katak loron ida, terus hotu ne'e sei lakon. 

Apokalipse 21: 4 ko'alia kona-ba lalehan foun no mundu foun. Iha fatin foun ne'e, Maromak rasik sei moris hamutuk ho ninia povu. Nia sei moris besik tebes ho ita ema to'o nia sei hamoos matan-been hotu husi ita-nia matan. Ema sei la tanis tan, la iha tan moras, no la iha tan mate. Buat-aat hotu ne'ebé ita hasoru agora sei lakon hotu. 

Ida ne'e la'ós mehi de'it. Ida ne'e mak Maromak nia promesa. Nia hakarak ita hatene katak ita-nia terus loron ida sei hotu. Se ita tau fiar ba Jesus, ita iha esperansa atu hetan moris rohan-laek. Loron ida, ita sei hamutuk ho Maromak iha fatin ne'ebé haksolok nunka remata. 

Bainhira ita moris iha mundu ne'e, ita sei hasoru susar nafatin. Maibé ita bele hetan komfortu tanba ita hatene katak futuru ne'ebé di'ak liu hein hela ita. Maromak haree ita-nia matan-been hotu agora, no nia tau matan ba ita. Nia la'o hamutuk ho ita bainhira ita hasoru terus hotu, mesmuke ita la haree. 

Mai ita kaer metin ba promesa ne'e. Mai ita hateke nafatin ba Jesus, ne'ebé sei lori ita ba fatin furak ne'e iha ne'ebé la iha tan triste. Bainhira ita hein hela promesa ne'e, mai ita tau fiar ba Maromak no fahe Ninia domin ba ema seluk. 

Orasaun: Oh Maromak, obrigadu ba Ita-Boot nia promesa kona-ba fatin ne'ebé la iha tan moras ka matan-been. Ajuda ha'u atu tau fiar ba Ita loroloron. Fó ha'u forsa no esperansa bainhira Hau hasoru susar moris nian. Hodi Jesus nia naran, Ami harohan, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá Sai loos iha Maromak Ninia prezensa?

Haʼu dehan ba imi: Kuandu mane neʼe fila ba uma, Maromak haree nia nuʼudar ema laran-loos liu fali ema Farizeu neʼe. Tanba ema neʼebé foti an, Maromak sei hamoe nia, no ema neʼebé haraik an, Maromak sei foti aas nia. Lucas 18:14 TMF

Iha Lucas 18, Jesus konta ai-knanoik ida kona-ba mane nain-rua ne'ebé ba templu hodi halo orasaun. Ida mak ema farizeu, ne'ebé sente orgullu ho ninia alkansamentu iha vida espirituál, nia alista buat di'ak sira ne'ebé nia halo hanesan prova katak nia ema loos duni. Ida seluk mak kobradór impostu, ida-ne'ebé ema hakribi iha sosiedade nia laran, ne'ebé so bele baku de'it ninia hirus-matan no hakilar dehan: "Maromak, hatudu laran-sadi'a mai ha'u, ema sala-na'in ida." 

Jesus halo ema sira ne'ebé rona Nia sai hakfodak tamba Jesus dehan katak kobradór impostu la'os ema farizeu mak fila ba uma sai ema ne'ebé loos. Tanbasá? Tanba Maromak la sukat hahalok loos hosi li'ur de'it, maibé buat ne'ebé iha ema-nia laran. 

Orgullu hatete ba ita katak ita bele servisu atu hetan dalan ba Maromak. Humildade hanorin mai ita katak, ita-nia servisu sei la lori ita ba Maromak. Ema farizeu ne'e foka liu ba ninia an - ba ninia hahalok di'ak sira, no ninia superiodade kompara nia an ho ema seluk, maibé kobradór impostu foka liu ba Maromak nia laran-sadi'a. 

Jesus fó-hanoin ita iha versíkulu ohin loron nian katak "Ema neʼebé foti an, Maromak sei hamoe nia, no ema neʼebé haraik an, Maromak sei foti aas nia" Maromak nia Ukun la hanesan ho ema-nia espetativa. Sira ne'ebé sadere ba sira-nia hahalok-di'ak rasik sei lakon salvasaun. Ema sira ne'ebé rekoñese katak sira presiza Maromak Ninia grasa sei hetan salvasaun. 

Hahalok loos hahú ho haraik-an, - Rekoñese ita-nia dependensia ba Maromak. Kuandu ita hakbesik ba Maromak ho laran hanesan ho kobradór impostu, ita la'os de'it hetan laran-sadi'a, maibé sei hetan tane aas iha Maromak Ninia prezensa. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More